சத்தான வெந்தயத் தேங்காய்ப்பால் கஞ்சி

தேவையான பொருட்கள் :

பச்சரிசி - 200 கிராம்
பாசிப்பருப்பு - 50 கிராம்
வெந்தயம் - 2 டீஸ்பூன்
தேங்காய்  - அரை மூடி
பெரிய வெங்காயம் - ஒன்று
பூண்டு - 7 பல்
சோம்பு - ஒரு டீஸ்பூன்
தேங்காய் எண்ணெய் - 2 டீஸ்பூன்
பட்டை - 2 சிறியது
பச்சை மிளகாய் - ஒன்று
கொத்தமல்லித்தழை - சிறிதளவு
புதினா இலை  - சிறிதளவு
உப்பு - தேவையான அளவு



செய்முறை :

* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

* பச்சரிசி மற்றும் பாசிப்பருப்பு இரண்டையும் ஒரு மணி நேரம் ஊற விடவும்.

* தேங்காயைத் துருவி பால் எடுத்து வைக்கவும்.

* சோம்பு மற்றும் பூண்டுப்பபல்லை ஒன்றிரண்டாகத் தட்டி வைக்கவும்.

* அடுப்பில் குக்கரை வைத்து எண்ணெய் ஊற்றி சூடானதும், பட்டை சேர்த்துத் தாளித்த பின், பூண்டு, சோம்பு சேர்த்து வதக்கவும்.

* இத்துடன் வெங்காயம், பச்சைமிளகாய் சேர்த்து நன்கு வதங்கியதும்.

* வெங்காயம் நன்றாக வதங்கியதும் கொத்தமல்லித்தழை, புதினா இலை, வெந்தயம் சேர்த்து வதக்கவும்.

* ஒரு பங்கு அரிசிக்கு 6 பங்கு தண்ணீர் என்கிற அளவில் அரிசி மற்றும் தண்ணீரை குக்கரில் சேர்க்கவும்.

* இத்துடன் தேவையான அளவு உப்பு, வெந்தயம், பருப்புக் கலவையும் சேர்த்துக் கலக்கி குக்கரை மூடி பத்து விசில் வரும் வரை வேகவைத்து இறக்கவும்.

* விசில் போனவுடன் குக்கர் மூடியை திறந்து ஆறியதும் வெந்தய கஞ்சியை ஒரு கிண்ணத்தில் ஊற்றி தேங்காய்ப்பால் சேர்த்துக் கலக்கவும். பிறகு கொத்தமல்லித்தழை, புதினா இலைகள் தூவிப் பரிமாறவும்.

* வெந்தயத் தேங்காய்ப்பால் கஞ்சி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.