பசியைத் தூண்டும் மிளகு சீரக சூப்

தேவையான பொருட்கள் :

பாசிப்பருப்பு - 100 கிராம்,
மிளகு - ஒரு டீஸ்பூன்,
பிரியாணி இலை - 2,
வெங்காயம் - 2,
கேரட் - 2,
சீரகம், மிளகுத்தூள் - தலா அரை டீஸ்பூன்,
மஞ்சள்தூள் - ஒரு சிட்டிகை,
மிளகாய்த்தூள் - அரை டீஸ்பூன்,
கறிவேப்பிலை, கொத்தமல்லி - சிறிதளவு,
எண்ணெய், உப்பு - தேவையான அளவு.

செய்முறை :

* வெங்காயம், கொத்தமல்லி, கேரட்டை பொடியாக நறுக்கி கொள்ளவும்.

* பாசிப்பருப்பை நன்றாக கழுவி ஊறவைக்கவும்.

* குக்காரை அடுப்பில் வைத்து சூடானதும் சீரகம், மிளகு, பிரியாணி இலை போட்டு தாளித்த பின் நறுக்கிய வெங்காயம், கேரட்டை போட்டு நன்கு வதக்கவும்.

* அடுத்து அதில் ஊற வைத்த பாசிப்பருப்பு சேர்த்து நன்கு வதக்கியவுடன், எல்லா தூள்களையும் ஒவ்வொன்றாகச் சேர்த்துக் கலந்து தண்ணீர் சேர்த்துக் குக்கரை மூடி 3 விசில் போட்டு இறக்கவும்.

* விசில் போனவுடன் மூடியை திறந்து நறுக்கிய கொத்தமல்லி, கறிவேப்பிலை, உப்பு சேர்த்து ஒரு முறை கொதிக்க வைத்து இறக்கி சூடாகப் பரிமாறவும்.

* சத்தான மிளகு சீரக சூப் ரெடி.

குறிப்பு: இது பசியைத் தூண்டும். வயிறு மந்தம் சம்பந்தபட்ட பிரச்சனைகளைத் தவிர்ப்பதற்கு இதை அருந்தலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.