சத்தான சுவையான ஓட்ஸ் குழிப்பணியாரம்

தேவையான பொருட்கள் :

ஓட்ஸ் - 1 கப்
உளுந்து - 1/4 கப்
புளித்த தயிர் - 1/4 கப்
கடுகு - 1/4 டீஸ்பூன்
பெருங்காயம் - 1 சிட்டிகை
சீரகம் - 1/4 டீஸ்பூன்
வெங்காயம் - 1
கறிவேப்பிலை - சிறிது
கொத்தமல்லி - சிறிது
பச்சை மிளகாய் - 2
எண்ணெய், உப்பு - தேவையான அளவு

செய்முறை :

* வெங்காயம், கறிவேப்பிலை, கொத்தமல்லி, பச்சைமிளகாய் முதலியவற்றை பொடியாக நறுக்கிக் கொள்ளவும்.

* ஓட்ஸை மிக்ஸியில் போட்டு அரைத்துக் கொள்ளவும்.

* உளுந்தை ஊற வைத்து அரைத்துக் கொள்ளவும்.

* ஒரு பாத்திரத்தில் உளுந்த மாவையும், ஓட்ஸ் மாவையும் போட்டு அதனுடன் தேவையான அளவு உப்பு சேர்த்து புளித்த தயிர் சேர்த்து கலந்து கொள்ளவும்.

* ஒரு வாணலியில் எண்ணெய் சூடாக்கி அதில் கடுகு, பெருங்காயம், சீரகம் போட்டு தாளித்து பின் வெங்காயம், கறிவேப்பிலை, பச்சைமிளகாய் சேர்த்து வதக்கி கடைசியாக கொத்தமல்லியை சேர்த்து ஓட்ஸ் மாவில் கொட்டி நன்றாக கலக்கவும்.

* குழிப்பணியாரச் சட்டியை அடுப்பில் வைத்து சூடானதும் சிறிது எண்ணெய் ஊற்றி கரைத்து வைத்துள்ள மாவை குழிகளில் ஊற்றி வெந்ததும் எடுக்கவும்.

* சுவையான சத்தான ஓட்ஸ் குழிப்பணியாரம் ரெடி.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.