வெள்ளலூர் பெருமாள் கோவிலில் ராமநவமி சிறப்பு பூஜை 5-ம்தேதி நடக்கிறது

கோவையை அடுத்த வெள்ளலூரில் 1000 ஆண்டுகள் பழமை வாய்ந்த ஸ்ரீபூமிநீளா நாயகி சமேத கரி வரதராஜபெருமாள் கோவில் உள்ளது.

இந்த கோவிலில் நாளை மறுநாள் (புதன்கிழமை) ராமநவமி சிறப்பு பூஜை நடக்கிறது. இதையொட்டி அன்று காலை 7 மணிக்கு சிறப்பு திருமஞ்சன பூஜை, காலை 7.40 மணிக்கு அபிஷேகம், காலை 9 மணிக்கு அலங்கார பூஜை நடைபெறும்.

பின்னர் வீரஆஞ்சநேயருக்கு சிறப்பு பூஜை, துளசி மாலை, வடை மாலை அலங்காரம், பக்தர்களுக்கு பிரசாதம் வழங்குதல் நிகழ்ச்சி நடக்கிறது. இதற்கான ஏற்பாடுகளை கோவில் திருப்பணிக்குழுவினர் செய்து வருகிறார்கள்.