கொரோனாவில் இருந்து மீண்டு வந்த எஸ்கே20 படத்தின் இசையமைப்பாளர்

இயக்குனர் ஷங்கர் இயக்கிய பாய்ஸ் திரைப்படத்தில் நடித்து பிரபலமாகி பிறகு பல படங்களுக்கு இசையமைத்தவர் தமன். இவர் காஞ்சனா, ஒஸ்தி, ஈஸ்வரன் போன்ற பல படங்களுக்கு இசையமைத்துள்ளார். தமிழ், தெலுங்கு, இந்தி போன்ற பல படங்களுக்கு இசையமைத்திருக்கிறார். தற்போது சிவகார்த்திகேயன் நடிக்கவுள்ள எஸ்கே20 படத்திற்கு தமன் இசையமைக்கவுள்ளார்.

கடந்த 7-ஆம் தேதி இசையமைப்பாளர் தமனுக்கு கொரோனா பாதிப்பு ஏற்பட்டிருப்பதை அவர் அறிவித்திருந்தார். இந்நிலையில் அவர் கொரோனாவில் இருந்து மீண்டு வந்தாக சமூக வலைத்தளத்தில் பதிவிட்டிருக்கிறார். அப்பதிவில், கோவிட் 19 நெகட்டிவ் ரிசல்ட் வந்துள்ளது, உடல் நலம் தேறி வருகிறேன். இந்த மோசமான காலகட்டத்தில் எனக்காகப் பிரார்த்தனை செய்தவர்கள் அனைவருக்கும் நன்றி… தொடர்ந்து என்னை நல்லபடியாக கவனித்துக் கொண்ட மருத்துவர்களுக்கும், குழந்தை போல் பார்த்துக் கொண்ட எனது குழுவிற்கும் நன்றி தெரிவித்துக் கொள்கிறேன். 

தயவு செய்து அனைத்து பாதுகாப்பு வழிமுறைகளையும் பின்பற்றுங்கள், கட்டாயம் தடுப்பூசி எடுத்துக் கொள்ளுங்கள், முக கவசம் அணிந்து கொண்டு பாதுகாப்பாக இருங்கள். என்று அந்த பதிவில் அவர் குறிப்பிட்டிருக்கிறார்.