சினிமா
நடிகை சமந்தாவை டுவிட்டரில் 89 லட்சம் பேரும், இன்ஸ்டாகிராமில் 1 கோடியே 78 லட்சம் பேரும் பின் தொடர்ந்து வருகின்றனர்.
தமிழ், தெலுங்கில் முன்னணி நடிகையாக வலம்வருபவர் சமந்தா. கடந்த 2017-ம் ஆண்டு பிரபல தெலுங்கு நடிகர் நாகசைதன்யாவை திருமணம் செய்துகொண்ட சமந்தா, அதற்கு பின்னரும் படங்களில் பிசியாக நடித்து வருகிறார். இவர் கைவசம் ‘காத்துவாக்குல ரெண்டு காதல்’, ‘சகுந்தலம்’ போன்ற படங்கள் உள்ளன.
சமூக வலைதளங்களில் ஆக்டிவாக இருக்கும் நடிகைகளில் சமந்தாவும் ஒருவர், அவரை டுவிட்டரில் 89 லட்சம் பேரும், இன்ஸ்டாகிராமில் 1 கோடியே 78 லட்சம் பேரும் பின் தொடர்ந்து வருகின்றனர்.
பெயர் மாற்றப்பட்ட நிலையில் இருக்கும் சமந்தாவின் டுவிட்டர் பக்கம்
இந்நிலையில் நடிகை சமந்தா, தனது சமூக வலைதள பக்கங்களில் திடீரென பெயரை மாற்றி உள்ளார். இதற்கு முன் சமந்தா அக்கினேனி (samantha akkineni) என இருந்த நிலையில், தற்போது எஸ் (S) என மாற்றி உள்ளார். இருப்பினும் திடீர் பெயர் மாற்றத்துக்கான காரணத்தை நடிகை சமந்தா வெளியிடவில்லை.