சினிமா
தனுஷுக்காக இணையும் கௌதம் மேனன், பாலாஜி மோகன்
‘எனை நோக்கி பாயும் தோட்டா’ இயக்குனர் கௌதம் மேனன் மற்றும் ‘மாரி 2’ இயக்குனர் பாலாஜி மோகன் ஆகியோர் தனுஷுக்காக இணைய இருக்கிறார்கள். #Dhanush
தமிழில் முன்னணி நடிகராக வலம் வருபவர் நடிகர் தனுஷ். இவருடைய நடிப்பில் தற்போது ‘எனை நோக்கி பாயும் தோட்டா’ திரைப்படம் உருவாகி வருகிறது. கவுதம் மேனன் இயக்கும் இந்த படத்தில் தனுஷ் ஜோடியாக மேகா ஆகாஷ் நடிக்கிறார். இப்படத்தின் படப்பிடிப்பு இறுதி கட்டத்தில் உள்ளது.
அதுபோல் பாலாஜி மோகன் இயக்கி வரும் ‘மாரி 2’ படத்திலும் தனுஷ் நடித்து வருகிறார். இதில் தனுஷுக்கு ஜோடியாக சாய் பல்லவி நடித்து வருகிறார். இப்படத்தின் படப்பிடிப்பு முடிந்து தற்போது பின்னணி வேலைகள் மும்முரமாக நடைபெற்று வருகிறது.
எனை நோக்கி பாயும் தோட்டா படத்தின் இயக்குனர் கௌதம் மேனனும், ‘மாரி 2’ பட இயக்குனர் பாலாஜி மோகனும் தனுஷுக்காக இணைய இருக்கிறார்கள். தனுஷ் தனது பிறந்தநாளை ஜூலை 28ம் தேதி கொண்டாட இருக்கிறார். இதற்காக தனுஷின் ரசிகர்கள் ட்விட்டரில் காமன் டிபி வைக்க இருக்கிறார்கள். இந்த காமன் டிபியை கௌதம் மேனனும், பாலாஜி மோகனும் 26ம் தேதி மாலை 6.30 மணிக்கு ட்விட்டரில் வெளியிட இருக்கிறார்கள்.