தானா சேர்ந்த கூட்டம் படத்தின் டீசர் ரிலீஸ் தேதி அறிவிப்பு

சூர்யா நடிப்பில் தற்போது உருவாகி வரும் படம் ‘தானா சேர்ந்த கூட்டம்’. இதில் இவருக்கு ஜோடியாக கீர்த்தி சுரேஷ் நடித்துள்ளார். விக்னேஷ் சிவன் இயக்கியுள்ள இப்படத்திற்கு அனிருத் இசையமைத்துள்ளார். இவருடைய இசையில் ‘நானா தான வீணா போன...’ என்ற பாடலும் ‘சொடக்கு மேல...’ என்ற பாடலும் வெளியாகி ரசிகர்களிடையே நல்ல வரவேற்பு பெற்றது.

ரசிகர்களிடையே அதிக எதிர்பார்ப்பை ஏற்படுத்தி இருக்கும் இப்படத்தின் டீசர் எப்போது வெளியாகும் என்று ஆர்வமாக காத்திருந்த இந்நிலையில், இப்படத்தின் டீசரை வரும் 30ம் தேதி வெளியிட இருப்பதாக இயக்குனர் விக்னேஷ் சிவன் அதிகாரப்பூர்வமாக அறிவித்திருக்கிறார்.

டிசம்பர் மாதம் இறுதியில் இப்படத்தின் இசையையும், பொங்கல் தினத்தில் இப்படமும் வெளியாகும் என்று எதிர்பார்க்கப்படுகிறது.