அறம் படத்துக்காக ஹாலிவுட் இசைகுழுவுடன் ஜிப்ரான் இணைகிறார்

நயன்தாரா நடிப்பில் கே.ஜே.ஆர் ஸ்டுடியோஸ் தயாரிக்கும் படம் ‘அறம்’. கோபி நயினார் இயக்கும் இந்த படத்துக்கு ஜிப்ரான் இசை அமைக்கிறார். ஒரு புதிய யுக்தியாக இந்த படத்தின் பின்னணி இசையமைப்பிற்காக, ஒரு முன்னணி இசை நிறுவனத்துடன் கைகோர்த்துள்ளார்.

இதன் மூலம் ‘லார்ட் ஆப் தி ரிங்க்ஸ்’, ‘ஹரி பாட்டர்’, ‘கேம் ஆம் தோரோன்ஸ்’ உள்ளிட்ட பல பிரம்மாண்ட ஹாலிவுட் படங்களுக்கு பின்னணி இசை அமைத்த தி பி.கே.எப் பிரேக் பில்ஹார்மோனியா ஆர்கெஸ்ட்ரா குழுவுடன் இணைந்து ‘அறம்’ படத்திற்கான இசை வேலைகளை தொடங்குகிறார்.

“ஜிப்ரானின் இந்த புதிய முயற்சி ரசிகர்களிடையே பெரும் வரவேற்பையும், எதிர்பார்ப்பையும் ஏற்படுத்தும்” என்று படக்குழுவினர் தெரிவித்தனர்.