நடிகர் வினோத் கன்னா ஆஸ்பத்திரியில் அனுமதி

இந்தி நடிகர் வினோத் கன்னா திடீர் உடல்நலக்குறைபாடு காரணமாக மும்பை கிர்காவில் உள்ள தனியார் ஆஸ்பத்திரியில் அனுமதிக்கப்பட்டு உள்ளார். அவருக்கு நீர்ச்சத்து குறைபாடு ஏற்பட்டிருப்பதாக கூறப்படுகிறது.

டாக்டர்கள் தீவிர சிகிச்சை அளித்து வருவதாகவும், தற்போது அவரது உடல்நிலையில் முன்னேற்றம் ஏற்பட்டிருப்பதாகவும் வினோத் கன்னாவின் மகன் ராகுல் நிருபர்களிடம் தெரிவித்தார். அவர் விரைவில் வீடு திரும்புவார் என்றும் அப்போது அவர் கூறினார்.