கதிருக்கு கைகொடுக்கும் சிம்பு

‘மதயானைக்கூட்டம்’, ‘கிருமி’, ‘என்னோடு விளையாடு’ ஆகிய மாறுபட்ட கதைக்களத்தை கொண்டு உருவான படங்களில் நடித்தவர் கதிர். இவருடைய ஒவ்வொரு படத்திலும் இவருடைய கதாபாத்திரம் தனித்து பேசப்படும். இந்த படங்களை தொடர்ந்து மாதவன்-விஜய்சேதுபதி இணைந்து நடிக்கும் ‘விக்ரம் வேதா’ படத்திலும் முக்கிய வேடத்தில் நடித்து வருகிறார்.

இதற்கிடையில், ‘சிகை’ என்கிற படத்தில் பெண் வேடத்தில் நடித்து வருகிறார். இப்படத்தின் பர்ஸ்ட் லுக் போஸ்டர்கள் வெளியாகி பெரும் ஆச்சர்யத்தை கொடுத்தது. பா.ரஞ்சித் தயாரிக்கும் ‘பரியேறும் பெருமாள்’ என்ற படத்திலும் விரைவில் நடிக்கவுள்ளார்.



இந்நிலையில், கதிர் அடுத்தாக ஒரு புதிய படத்தில் போலீஸ் வேடத்தில் நடிக்க ஒப்புக்கொண்டுள்ளார். இப்படத்தின் பர்ஸ்ட் லுக் போஸ்டர் மற்றும் படத்தின் கூடுதல் விவரங்கள் இன்று வெளியிடப்படுகிறது. இந்த பர்ஸ்ட் லுக் போஸ்டரை சிம்பு வெளியிடவுள்ளார் என்பது குறிப்பிடத்தக்கது.