கவணுக்காக முழு அர்ப்பணிப்பு கொடுத்த டி.ராஜேந்தர்

கே.வி.ஆனந்த் இயக்கத்தில் உருவாகியிருக்கும் புதிய படம் ‘கவண். இதில், விஜய் சேதுபதி, டி.ராஜேந்தர், மடோனா செபாஸ்டின், பாண்டியராஜன், விக்ராந்த், அயன் ஆகாஷ், போஸ் வெங்கட், நண்டு ஜகன், பவர் ஸ்டார் என ஒரு நட்சத்திர பட்டாளமே இப்படத்தில் நடித்துள்ளது.

‘கவண்’ என்ற சொல் உண்டிக் கோலை குறிக்கும். உண்டிக்கோலில் சிறிய கல்லை வைத்து பெரிய பருந்தை வீழ்த்துவதுபோல், இந்த படத்தில் சாதாரண மனிதரான விஜய் சேதுபதி, ஒரு பெரிய விஷயத்தை வீழ்த்த நினைக்கிறார். அதை அவர் எப்படி வீழ்த்துகிறார் என்பதையே திரைக்கதையாக உருவாக்கியிருக்கிறார்கள்.

இப்படத்தில் டி.ராஜேந்தர் பேசும் அடுக்கு மொழி வசனமும் அடங்காத நடிப்பும் ரசிகர்களுக்கு முக்கிய விருந்தாக இருக்கப் போகிறது. மேலும், இந்த படத்திற்காக இவர் கொடுத்த அர்ப்பணிப்பு பலரையும் வியக்க வைத்துள்ளது. இன்றைய தலைமுறை நடிகர்களுக்கு எடுத்துக்காட்டாய் விளங்கும் வண்ணம் நிறைய விஷயங்களை இந்த படத்தில் அவர் மேற்கொண்டு இருக்கிறார்.

ஹிப் ஹாப் தமிழா ஆதி இசையமைத்திருக்கும் இப்படத்தை ஏ.ஜி.எஸ்.எண்டர்டெயின்மெண்ட் நிறுவனம் சார்பில் கல்பாத்தி எஸ்.அகோரம், கல்பாத்தி எஸ்.கணேஷ், கல்பாத்தி எஸ்.சுரேஷ் ஆகியோர் இணைந்து தயாரித்திருக்கிறார்கள்.