சாந்தனு பட போஸ்டரை வெளியிட்ட வெற்றி மாறன்

சமயாலயா கிரியேஷன் சார்பாக பொள்ளாச்சி வி.விசு மற்றும் பொள்ளாச்சி கோல்டு வி.குமார் ஆகியோர் இணைந்து தயாரிக்கும் படம் ‘முப்பரிமாணம்’. இதில் சாந்தனு கதாநாயகனாகவும், சிருஷ்டி டாங்கே நாயகியாகவும் நடிக்கிறார்கள். இவர்களுடன் தம்பிராமையா, அப்புக்குட்டி உள்பட பலர் நடிக்கிறார்கள்.

இயக்குனர்கள் கதிர், பாலா ஆகியோரிடம் பணியாற்றிய அதிரூபன் இந்த படத்தின் கதை, திரைக்கதை எழுதி இயக்கி இருக்கிறார். ஜி.வி.பிரகாஷ் இசையமைத்து வருகிறார். இப்படத்தின் படப்பிடிப்பு விறுவிறுப்பாக நடந்து வருகிறது.

இந்நிலையில், இப்படத்தின் பர்ஸ்ட் லுக் போஸ்டரை இன்று வெளியிட்டிருக்கின்றனர். இந்த போஸ்டரை பிரபல இயக்குனர் வெற்றி மாறன் வெளியிட்டார். மேலும் இதன் மோஷன் போஸ்டரும் வெளியாகி இருக்கிறது. தற்போது இந்த போஸ்டர் சமூக வலைத் தளங்களில் வேகமாக பரவி வருகிறது.

சமீபத்தில் இந்த படத்துக்காக 27 பிரபல நடிகர்-நடிகைகள் கலந்துகொண்ட பாடல் காட்சி ஒன்று சென்னையில் படமாக்கப்பட்டது குறிப்பிடத்தக்கது.