மம்முட்டி படத்தில் அஜித்தின் தீவிர ரசிகர்

பிரபல தயாரிப்பாளரான ஆர்.கே.சுரேஷ் பாலாவின் ‘தாரை தப்பட்டை’ படம் மூலம் நடிகராக அறிமுகமானார். இதில் இவரின் நடிப்பு அனைவராலும் பாராட்டப்பட்டது. வில்லனாக அசத்திய ஆர்.கே.சுரேஷ் ‘பில்லா பாண்டி’, ‘வேட்டை நாய்’ போன்ற பல படங்களில் கதாநாயகனாக நடித்து வந்தார்.

இதில் ‘பில்லா பாண்டி’ படத்தில் அஜித்தின் தீவிர ரசிகராக நடித்துள்ளார். இப்படத்தின் படப்பிடிப்புகள் முடிந்து தற்போது ரிலீசுக்கு தயாராகி வருகிறது. அதுபோல் ‘வேட்டை நாய்’ படமும் இறுதி கட்டத்தில் உள்ளது.

இந்நிலையில், ஆர்.கே.சுரேஷ் அடுத்தாக மம்முட்டி நடிக்கும் படத்தில் முக்கிய கதாபாத்திரத்தில் நடிக்க ஒப்பந்தம் ஆகியிருக்கிறார். இந்தப் படத்தை புலிமுருகன் படத்தை இயக்கிய வைசாக் இயக்குகிறார்.