என் மலர்

    நீங்கள் தேடியது "omni bus"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடக மாநிலம் பெங்களூருவில் இருந்து நெல்லை மாவட்டம வள்ளியூருக்கு ஒரு தனியார் ஆம்னி பஸ் வந்தது. அதில் பெரிய பார்சல் ஒன்று வந்தது. பார்சலில் முகவரி எழுதப்படாமல் செல்போன் எண்கள் மட்டும் குறிப்பிடப்பட்டிருந்தது.
    • போலீசார் அந்த பார்சலை உடைத்து பார்த்த போது அதில் 82 கிலோ குட்கா இருந்தது தெரியவந்தது. மேலும் அப்பகுதியில் 2 பேர் சந்தேகத்திற்கிடமான முறையில் நின்று கொண்டிருந்தனர்.

    நெல்லை:

    கர்நாடக மாநிலம் பெங்களூருவில் இருந்து நெல்லை மாவட்டம வள்ளியூருக்கு ஒரு தனியார் ஆம்னி பஸ் வந்தது.

    அதில் பெரிய பார்சல் ஒன்று வந்தது. பார்சலில் முகவரி எழுதப்படாமல் செல்போன் எண்கள் மட்டும் குறிப்பிடப்பட்டிருந்தது.

    இதனால் சந்தேகம் பஸ் ஊழியர்கள் போலீசாருக்கு தகவல் தெரிவித்தனர். சம்பவ இடத்திற்கு போலீசார் சென்றனர்.

    போலீசார் அந்த பார்சலை உடைத்து பார்த்த போது அதில் 82 கிலோ குட்கா இருந்தது தெரியவந்தது. மேலும் அப்பகுதியில் 2 பேர் சந்தேகத்திற்கிடமான முறையில் நின்று கொண்டிருந்தனர்.

    அவர்களை பிடித்து விசாரணை நடத்தினர்.

    முதற்கட்ட விசாரணையில் அவர்கள் சங்கரன்கோவில் அருகே உள்ள அழகியபாண்டியபுரத்தை சேர்ந்தவர்கள் என்பதும், தனியார் பார்சல் சர்வீஸ் மூலமாக வெளியூரில் இருந்து குட்கா கொண்டு வரப்பட்டு விற்பனைக்காக வள்ளியூர் சுற்றுவட்டார பகுதிகளுக்கு கொண்டு செல்வதும் கண்டுபிடிக்கப்பட்டது.

    தொடர்ந்து போலீசார் அவர்களிடம் விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆம்னி பஸ்களில் மதுரைக்கு போதை பொருள் கடத்தியவர்கள் பிடிபட்டனர்.
    • இதனைத் தொடர்ந்து மேற்கண்ட 4 பேரையும் தெற்கு வாசல் போலீசார் கைது செய்தனர்.

    மதுரை

    மதுரை தெற்கு வெளி வீதியில் உள்ள தனியார் டிராவல்ஸ் நிறுவனத்தில் தடை செய்யப்பட்ட குட்கா மற்றும் புகையிலை பொருட்கள் கடத்தி வரப்படுவதாக போலீசுக்கு தகவல் வந்தது.

    இதில் தொடர்பு உடைய குற்றவாளிகளை கைது செய்ய வேண்டும் என்று மாநகர போலீஸ் கமிஷனர் செந்தில்குமார் உத்தரவிட்டார். இதன்படி மாநகர தெற்கு துணை கமிஷனர் சீனிவாச பெருமாள் மேற்பார்வையில், தெற்கு வாசல் துணை கமிஷனர் சண்முகம் அடங்கிய தனிப்படை அமைக்கப்பட்டது. அவர்கள் சம்பவ இடத்தில் சோதனை நடத்தினர். அங்கு தக்காளி கூடைகளுடன் ஷேர் ஆட்டோ நின்று கொண்டு இருந்தது. அதில் 4 பேர் இருந்தனர்.

    அவர்களிடம் போலீசார் விசாரித்தனர். அவர்கள் முன்னுக்குப் பின் முரணாக பதில் அளித்தனர். போலீசார் சந்தேகத்தின் பேரில் ஷேர் ஆட்டோவை சோதனை செய்தனர். தக்காளி கூடைகளுக்கு அடியில், 287 கிலோ குட்கா மற்றும் புகையிலைப் பொருட்கள் இருப்பது தெரிய வந்தது. அவற்றை போலீசார் பறிமுதல் செய்தனர்.

    ஷேர் ஆட்டோவில் இருந்த 4 பேரையும் போலீசார் காவல் நிலையத்துக்கு அழைத்துச் சென்று விசாரித்தனர். அவர்கள் மேலூர் கல்லம்பட்டி, அப்துல் கலாம் நகர் சதாம் உசேன் (29), மேலூர் முகமது ஆசிப் (29), மாடக்குளம் மெயின் ரோடு அன்வர் (35), தேனி மாவட்டம், உத்தமபாளையம் வல்லவன் (36) என்பது தெரியவந்தது.

    அவர்களிடம் போலீசார் விசாரணை நடத்தினர். டிராவல்ஸ் அலுவலகத்தில் குட்கா புகையிலைப் பொருட்களை புக்கிங் செய்தது சதாம் உசேன் என்பது தெரியவந்தது. இதனை டெலிவரி எடுப்பதற்காக அவர் மேலூர் காய்கறி சந்தையில் ஆட்டோ ஓட்டி வரும் முகமது ஆசிப் என்பவரை அழைத்து வந்து ள்ளார்.

    கர்நாடகாவில் இருந்து தடை செய்யப்பட்ட குட்கா மற்றும் புகையிலை பொருட்களை, இறக்குமதி செய்யும் விஷயத்தில் சதாம் உசேனுக்கு, குஜராத்தில் வேலை பார்க்கும் அன்வர் உதவியாக இருந்தார்.

    பண்ணைபுரத்தைச் சேர்ந்த வல்லவன் மதுரை டிராவல்ஸ் பார்சல் புக்கிங் அலுவலகத்தில் வேலை பார்த்து வருகிறார். அவரது உதவியுடன் இந்த கும்பல் சில மாதங்களாக தடை செய்யப்பட்ட குட்கா மற்றும் புகையிலை பொருட்களை மதுரைக்கு கடத்தி வந்தது விசாரணையில் தெரிய வந்துள்ளது. இதனைத் தொடர்ந்து மேற்கண்ட 4 பேரையும் தெற்கு வாசல் போலீசார் கைது செய்தனர். தப்பி ஓடிய ஆம்னி பஸ் டிரைவர்கள் ராமு (42), ஜனார்த்தனன் ஆகியோரை போலீசார் தேடி வருகின்றனர்.

    ஆந்திரா, கர்நாடகா ஆகிய மாநிலங்களில் புகையிலைப் பொருட்களுக்கு தடை இல்லை. இந்த கும்பல், ஆம்னி பஸ்கள் மூலம் மதுரைக்கு புகையிலை பொருட்களை கடத்தி வந்துள்ளனர். இதே போல மதுரையில் இருந்து வெளிமாநிலங்களுக்கு இயக்கப்படும் ஆம்னி பஸ்களிலும் புகையிலை பொருட்கள் கடத்தப்படுகிறதா? என்பது தெரியவில்லை.

    இதுகுறித்து மதுரையில் இயங்கும் அனைத்து ஆம்னி பஸ் பார்சல் சர்வீஸ் அலுவலகங்களிலும் விசாரணை நடத்துவது என்று போலீசார் முடிவு செய்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கீழக்கரை நகருக்குள் நாளை முதல் ஆம்னி பஸ்கள் வர தடை விதிக்கப்பட்டுள்ளது.
    • சரக்கு லாரிகள் காலை 11 மணி முதல் 3 மணி வரை மட்டும் நகருக்குள் அனுமதிக்கப்படும்.

    கீழக்கரை

    கீழக்கரை நகராட்சி க்குட்பட்ட கீழக்கரை முக்கு ரோடு முதல் கடற்கரை வரை உள்ள வள்ளல் சீதக்காதி சாலையில் ஆக்கிரமிப்பு அதிகரிப்பால் போக்குவரத்து நெரிசல் ஏற்பட்டு பொதுமக்கள் பெரும் அவதி அடைந்தனர்.

    இதுகுறித்து பல்வேறு தரப்பினரும் மாவட்ட கலெக்டரிடம் புகார் செய்த னர். இதைத் தொடர்ந்து கலெக்டர் ஜானி டாம் வர்கீஸ் உத்தரவின் பேரில் கீழக்கரை தாசில்தார் சரவணன் தலைமையில் துணை தாசில்தார் பழனி குமார், நகராட்சி ஆணை யாளர் செல்வராஜ், பொறி யாளர் மீரான்அலி, துப்புரவு ஆய்வாளர் பரக்கத்துல்லா, கீழக்கரை இன்ஸ்பெக்டர் பாலமுரளி, ஆகியோர் முன்னிலையில் நெடுஞ்சாலை துறையினர் போலீஸ் பாதுகாப்புடன் சாலை ஆக்கிரமிப்புகளை அகற்றினர்.

    மேலும் நகருக்குள் போக்குவரத்து நெரிசல் ஏற்படுத்துவதை தவிர்க்கும் வகையில் நாளை (29-ந்தேதி) முதல் ஆம்னி பஸ்கள் வர தடை விதிக்கப்பட்டுள்ளது. கனரக வாகனங்கள், சரக்கு லாரிகள் காலை 11 மணி முதல் 3 மணி வரை மட்டும் நகருக்குள் அனுமதிக்கப்படும். சீதக்காதி சாலையில் ஒருபுறம் மட்டுமே இருசக்கர வாகனங்கள் நிறுத்துவதற்கு அனுமதிக்கப்படும் என தாசில்தார் சரவணன் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விடுமுறை முடிந்து சொந்த ஊர்களில் இருந்து நேற்று இரவு முதல் பலர் சென்னை திரும்பினர்.
    • பெரும்பாலான பஸ்கள் சாதாரண நாட்களைவிட அதிக கட்டணத்தையே வசூலித்ததாக புகார்.

    சென்னை :

    சுதந்திர தினத்தையொட்டி சனி, ஞாயிறு மற்றும் திங்கட்கிழமை 3 நாட்கள் தொடர் விடுமுறை வந்தது. இதையடுத்து, சென்னையில் பணிபுரியும் பெரும்பாலானோர் சொந்த ஊர்களுக்கு செல்ல திட்டமிட்டனர். இதுபோன்ற தொடர் விடுமுறை நாட்களில் ஆம்னி பஸ்களில் கிடுகிடுவென கட்டணத்தை உயர்த்திவிடுவது வாடிக்கை.

    அந்தவகையில் கடந்த வெள்ளிக்கிழமை இரவு சென்னையில் இருந்து பிற மாவட்டங்களுக்கு செல்லும் அனைத்து ஆம்னி பஸ்களின் கட்டணமும் தாறுமாறாக உயர்த்தப்பட்டிருந்தது.

    இது தொடர்பான செய்திகள் வெளியிடப்பட்ட நிலையில், போக்குவரத்துத்துறை அதிகாரிகள் அதிரடி ஆய்வு நடத்தி, அதிக கட்டணம் வசூலித்த ஆம்னி பஸ்களின் பயணிகளுக்கு கட்டணத்தை திருப்பி பெற்றுக்கொடுத்ததாக கூறப்பட்டது.

    அதுமட்டுமில்லாமல், அதிக கட்டணம் வசூலித்த ஆம்னி பஸ்களின் உரிமையாளர்களுக்கு எச்சரிக்கையும் விடுத்ததாக தகவல்கள் தெரிவிக்கப்பட்டன. இந்த நிலையில் விடுமுறை முடிந்து சொந்த ஊர்களில் இருந்து நேற்று இரவு முதல் பலர் சென்னை திரும்பினர்.

    எப்போதும்போல நேற்றும் சென்னை திரும்புவதற்கான ஆம்னி பஸ் கட்டணம் உயர்ந்தே காணப்பட்டது. உதாரணமாக திருநெல்வேலி, நாகர்கோவில், மதுரையில் இருந்து புறப்பட்ட ஆம்னி பஸ்களின் கட்டணம் அதிகபட்சமாக ரூ.3 ஆயிரத்து 500 வரை நிர்ணயிக்கப்பட்டு இருந்ததாகவும், திருச்சி, கோவை, சேலம், ஓசூரில் இருந்து புறப்பட்ட பஸ்களின் கட்டணம் அதிகபட்சமாக ரூ.3 ஆயிரம் என்ற அளவில் இருந்ததாகவும் பயணிகள் குற்றஞ்சாட்டினர்.

    சில பஸ்கள் மட்டும் வழக்கமான கட்டணத்தை நிர்ணயித்திருந்தாலும், பெரும்பாலான பஸ்கள் சாதாரண நாட்களைவிட அதிக கட்டணத்தையே வசூலித்ததாக கூறப்படுகிறது. அரசின் எச்சரிக்கையையும் மீறி அடாவடியாக அதிக கட்டண வசூல் தொடர்ந்ததால் பயணிகள் அதிர்ச்சி அடைந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • தென்மாவட்டங்களுக்கு செல்லும் அனைத்து ரெயில்களிலும் முன்பதிவு டிக்கெட்டுகள் விற்று தீர்ந்து விட்டன.
    • சென்னையில் இருந்து நெல்லைக்கான டிக்கெட் 3500 வரை விற்பனை செய்யப்படுவதாக பயணிகள் புகார்

    சென்னை:

    இந்த வாரம் சனி மற்றும் ஞாயிற்றுக்கிழமை விடுமுறையுடன், சுதந்திர தினமான ஆகஸ்ட் 15ம் தேதி திங்கட்கிழமையும் விடுமுறை என்பதால் வெளியூரில் இருப்பவர்கள் பலர் சொந்த ஊர்களுக்கு செல்கின்றனர். தொடர் விடுமுறைகள் கிடைப்பதால் சென்னையில் தங்கி படித்து வரும் மாணவர்கள், வேலைபார்ப்பவர்கள் சொந்த ஊருக்கு செல்வதற்காக பேருந்து மற்றும் ரெயில்களில் முன்பதிவு செய்துள்ளனர். சென்னையில் இருந்து தென்மாவட்டங்களுக்கு செல்லும் அனைத்து ரெயில்களிலும் முன்பதிவு டிக்கெட்டுகள் விற்று தீர்ந்து விட்டன. காத்திருப்போர் பட்டியலும் நீண்டு காணப்படுகிறது.

    இதையடுத்து ஆம்னி பஸ் மூலம் பயணம் மேற்கொள்ள பலர் முன்பதிவு செய்தவண்ணம் உள்ளனர். ஆனால் அவர்களுக்கு அதிர்ச்சி அளிக்கும் வகையில் பஸ் கட்டணமும் கிடுகிடுவென உயர்ந்துள்ளது. வழக்கமாக சென்னையிலிருந்து திருச்சிக்கு அதிகபட்சம் 800 வரை வசூல் செய்யப்பட்டு வந்த நிலையில் தற்போது 2,300 ரூபாய் வரை அதிக கட்டணம் வசூல் செய்யப்படுகிறது. கோவைக்கு வழக்கமாக 1000 ரூபாய் கட்டணம் வசூலிக்கப்பட்ட நிலையில் தற்போது 3000 வரை விற்பனை செய்யப்படுகிறது. சென்னையில் இருந்து மதுரை மற்றும் நெல்லைக்கு வழக்கமாக 1400 ரூபாய் வரை விற்பனை செய்யப்பட்ட நிலையில் தற்போது 3500 வரை விற்பனை செய்யப்படுவதாக பயணிகள் புகார் தெரிவிக்கின்றனர்.

    மேலும், கூடுதல் கட்டணம் வசூலிக்கும் ஆம்னி பஸ் உரிமையாளர்கள் மீது போக்குவரத்து துறை அதிகாரிகள் கடும் நடவடிக்கை எடுக்க வேண்டும் என பயணிகள் வலியுறுத்தி உள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விழுப்புரம் அருகே லாரி மீது ஆம்னி பஸ் மோதியது டிரைவர் கவலைக்கிடமாக உள்ளார்.
    • இந்த விபத்தில் ஆம்னி பஸ் முன் பகுதி முழுவதும் சேதமானது.

    விழுப்புரம்: 

    சென்னையில் இருந்து திருச்சி நோக்கி அரிசிலோடு ஏற்றிக் கொண்டு லாரி ஒன்று வந்தது. அது விழுப்புரம் அய்யலூர் அகரம் மேம்பாலம் அருகே வந்தபோது லாரியின் பின்னால் சென்னையில் இருந்து தூத்துக்குடி நோக்கி ஆம்னி பஸ் ஒன்று வந்தது. சுமார் 40 பயணிகளை ஏற்றிக் கொண்டு வந்த இந்த பஸ்சை தூத்துக்குடி மாவட்டத்தை சேர்ந்த முனுசாமி என்பவர் ஓட்டி வந்தார். அப்போது ஆம்னி பஸ் டிரைவர் கட்டுப்பாட்டை இழந்து லாரியின் பின்புறம் வேகமாக மோதியது. இந்த விபத்தில் ஆம்னி பஸ் முன் பகுதி முழுவதும் சேதமானது.

    இந்த விபத்து குறித்த தகவல் அறிந்த விழுப்புரம் தாலுகா போலீசார் சம்பவ இடத்துக்கு விரைந்து சென்று பலத்த படுகாயங்களுடன் கிடந்த டிரைவர் முனுசாமி மற்றும் காயமடைந்த 4 பயணிகளையும் மீட்டு முண்டியம்பாக்கம் அரசு மருத்துவக் கல்லூரி மருத்துவமனையில் சிகிச்சைக்காக சேர்த்தனர். இந்த விபத்தினால் அரை மணி நேரம் போக்குவரத்து பாதித்தது. போலீசார் லாரி மற்றும் ஆம்னி பஸ்சை அப்புறப்படுத்தி போக்குவரத்தை சரி செய்தனர். மேலும் இது குறித்து போலீசார் வழக்கு பதிவு செய்து தீவிர விசாரணை மேற்கொண்டு வருகின்றனர். அதிர்ஷ்டவசமாக ஆம்னி பஸ்சில் இருந்த சகபயணிகள் எந்தவித காயம் இன்றி உயிர் தப்பினர். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    நாகர்கோவில் அருகே இன்று பறக்கும் படை அதிகாரிகள் ஆம்னி பஸ் ஒன்றில் அதிரடி சோதனை மேற்கொண்டனர். அப்போது அங்கிருந்த 17 மதுபாட்டில்களை பறிமுதல் செய்தனர்.

    நாகர்கோவில்:

    பாராளுமன்ற தேர்தல் சூடு பிடிக்க தொடங்கி உள்ளது. வேட்பாளர்கள் கூட்டணி கட்சி நிர்வாகிகளுடன் ஆலோசனை, வீடு வீடாக சென்று வாக்கு சேகரிக்கும் பணியில் ஈடுபட்டு வருகிறார்கள்.

    பறக்கும் படை அதிகாரிகளும் தீவிர கண்காணிப்பு பணியை மேற்கொண்டு வருகிறார்கள். பணம் விநியோகம், மதுபானங்கள் சப்ளையை தடுக்க அதிரடி நடவடிக்கைகள் எடுக்கப்பட்டு வருகிறது.

    நாகர்கோவில் அருகே இன்று பறக்கும் படை அதிகாரிகள் ஆம்னி பஸ் ஒன்றில் அதிரடி சோதனை மேற்கொண்டனர். அப்போது அங்கிருந்த 17 மதுபாட்டில்களை பறிமுதல் செய்துள்ளனர்.

    பறிமுதல் செய்யப்பட்ட மதுபாட்டில்கள் நாகர்கோவில் மதுவிலக்கு போலீசாரிடம் ஒப்படைக்கப்பட்டது. வாக்காளர்களுக்கு சப்ளை செய்ய மதுபாட்டில்கள் கொண்டு வரப்பட்டதா? என்பது குறித்து விசாரணை நடத்தப்பட்டு வருகிறது.

    இதேபோல் ராஜாக்கமங்கலம் அருகே பறக்கும் படை அதிகாரிகள் இன்று காலை வாகன சோதனையில் ஈடுபட்டனர். அப்போது காரில் உரிய ஆவணங்கள் இன்றி கொண்டு வரப்பட்ட ரூ.2 லட்சத்தை பறிமுதல் செய்தனர்.

    கிள்ளியூர் சட்டமன்ற தொகுதிக்குட்பட்ட பகுதி யில் அதிகாரிகள் நேற்றிரவு நடத்திய வாகன சோதனையில் காரில் கொண்டு வரப்பட்ட ரூ.2 லட்சம் சிக்கியது.

    நேற்று காலையில் பத்மநாபபுரம் தொகுதியில் ரூ.4 லட்சத்து 92 ஆயிரத்து 720-ம், கிள்ளியூர் தொகுதியில் ரூ.2 லட்சத்து 10 ஆயிரத்து 500-ம், நாகர்கோவில் தொகுதியில் கார் ஒன்றும் பறிமுதல் செய்யப்பட்டது. மொத்தத்தில் இதுவரை மாவட்டம் முழுவதும் 13 வாகனங்கள், 11 மிக்சிகள், 39 கிராம் தங்கம், 23 மதுபாட்டில்கள், ரூ.78 லட்சத்து 75 ஆயிரத்து 395 ரொக்கப்பணமும் பறிமுதல் செய்யப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மயிலம் அருகே ஆம்னி பஸ்சில் ரூ.2½ லட்சம் வெள்ளி நகைகள் கொள்ளையடிக்கப்பட்டது.
    மயிலம்:

    தூத்துக்குடி மாவட்டம் திருச்செந்தூர் அருகே உள்ள காயல்பட்டினத்தை சேர்ந்தவர் அகமதுசுலைமான்(வயது 35). நகை வியாபாரி. இவர் நேற்று முன்தினம் சென்னைக்கு சென்று, அங்குள்ள ஒரு வியாபாரியிடம் வெள்ளி செயின், மோதிரம், கைசெயின் உள்ளிட்ட நகைகளை வாங்கினார். 3 கிலோ 479 கிராம் எடையுள்ள அந்த நகைகளை ஒரு பையில் வைத்துக்கொண்டு கோயம்பேடு பஸ் நிலையத்துக்கு சென்றார்.

    அங்கிருந்து தூத்துக்குடிக்கு புறப்பட்ட ஆம்னி பஸ்சில் அகமது சுலைமான் ஏறினார். வெள்ளி நகைகள் அடங்கிய அந்த பையை தனது இருக்கையில், கால் வைக்கும் பகுதியில் வைத்திருந்தார். அந்த ஆம்னி பஸ், விழுப்புரம் மாவட்டம் மயிலம் அருகே பாதிராப்புலியூர் என்ற இடத்தில் உள்ள ஓட்டலில் இரவு 9 மணிக்கு நிறுத்தப்பட்டது. அதில் வந்த பயணிகள் அனைவரும் இறங்கி சாப்பிட சென்றனர். அதன்படி அகமது சுலைமானும், பையை பஸ்சிலேயே வைத்துவிட்டு சாப்பிட சென்றார்.

    பின்னர் சிறிது நேரம் கழித்து திரும்பி வந்து பார்த்தபோது, தான் வைத்திருந்த இடத்தில் அந்த பையை காணவில்லை. இதனால் அதிர்ச்சி அடைந்த அகமதுசுலைமான், பஸ் முழுவதும் தேடிப்பார்த்தார். ஆனால் அந்த பை கிடைக்கவில்லை. அதனை ஆம்னி பஸ்சில் வந்த மர்மநபர்கள், கொள்ளையடித்துச்சென்றிருப்பது தெரியவந்தது. நகைகளின் மொத்த மதிப்பு ரூ.2½ லட்சம் ஆகும்.

    இது குறித்து அவர், மயிலம் போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து, நேற்று முன்தினம் அந்த ஆம்னி பஸ்சில் பயணம் செய்தது யார்-யார்?, பாதிராப்புலியூரில் இருந்து டிராவல்ஸ் பஸ் புறப்பட்டபோது பயணம் செய்யாதவர்கள் யார்-யார்? என்ற பட்டியலை சேகரித்து, அதன்படி விசாரணை நடத்தி வருகின்றனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    காரைக்காலில் இருந்து ஆம்னி பஸ்சில் கடத்தி வரப்பட்ட 2500 சாராய பாக்கெட்டுகளை பறிமுதல் செய்த போலீசார் டிரைவர் - கண்டக்டர் உள்பட 4 பேரை கைது செய்தனர்.
    தரங்கம்பாடி:

    நாகை மாவட்டம் தரங்கம்பாடி அருகே உள்ள நண்டலாறு சோதனை சாவடியில் பொறையார் இன்ஸ்பெக்டர் ஜெகதீஸ் மற்றும் மதுவிலக்கு பிரிவு போலீசார் நேற்று இரவு வாகன சோதனை நடத்தினர். அப்போது காரைக்காலில் இருந்து சென்னை நோக்கி சென்ற ஒரு ஆம்னி பஸ்சை நிறுத்தி போலீசார் சோதனை செய்தனர்.

    அப்போது அதில் 10 மூட்டைகள் சாராயம் கடத்தி வந்தது தெரியவந்தது. 10 மூட்டைகளிலும் 2500 பாக்கெட் சாராயம் இருந்தது. அதனை போலீசார் பறிமுதல் செய்து வேளாங்கண்ணி, கருவேலன் காட்டை சேர்ந்த ஆம்னி பஸ் டிரைவர் சுப்பிரமணியன் (வயது 47). காரைக்கால் வருச்சிக்குடியை சேர்ந்த கண்டக்டர் முகமது ரியாசிதீன் (19) ஆகிய இருவரையும் கைது செய்தனர்.

    கடத்தலுக்கு பயன்படுத்தப் பட்ட தனியார் பஸ்சும் பறிமுதல் செய்யப்பட்டது. இது தொடர்பாக போலீசார் நடத்திய விசாரணையில் தீபாவளி பண்டிகையை யொட்டி சீர்காழியை சேர்ந்த சாராய வியாபாரிக்கு சாராய பாக்கெட்டுக்களை பஸ்சில் மறைத்து வைத்து கொண்டு வந்ததாக பஸ் டிரைவரும், கண்டக்டரும் தெரிவித்தனர். அதன் பேரில் போலீசார் சாராய வியாபாரி கும்பலை சேர்ந்த மேலும் 2 பேரை கைது செய்தனர்.

    காரைக்காலில் இருந்து சீர்காழிக்கு ஆம்னிபஸ்சில் 10 சாராய மூட்டைகளை கடத்தி வந்த சம்பவம் பொதுமக்கள் மத்தியில் பரபரப்பை ஏற்படுத்தி உள்ளது. #tamilnews
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தீபாவளி பண்டிகையையொட்டி ஆம்னி பஸ் கட்டணம் 2 மடங்கு உயர்ந்துள்ளது. சென்னை - நெல்லைக்கு ரூ. 2,250 கட்டணம் வசூலிக்கப்பட்டு வருகிறது. #Diwali

    சென்னை:

    தீபாவளி பண்டிகை நாளை மறுநாள் (6-ந் தேதி) கொண்டாடப்படுகிறது. சென்னையில் வசிக்கும் தென் மாவட்டங்களை சேர்ந்தவர்கள் தீபாவளி பண்டிகையை சொந்த ஊர்களில் கொண்டாடுவது வழக்கம்.

    இதனால் தென் மாவட்டங்களுக்கு செல்லும் பஸ், ரெயில்களில் கூட்டம் நிரம்பி வழிகிறது. முன்பதிவுகளும் முடிந்து விட்டது. ரெயில்களில் காத்திருப்போர் பட்டியல் எண்ணிக்கையும் அதிகரித்துவிட்டது.

    இதனால் தனியார் ‘ஆம்னி’ பஸ்களை பயணிகள் நாடி வருகிறார்கள். இந்த நிலையில் தீபாவளி கூட்டத்தை பயன்படுத்தி ஆம்னி பஸ்கள் திடீரென கட்டணத்தை உயர்த்திவிட்டது.

    சென்னையில் இருந்து புறப்படும் ஆம்னி பஸ்களில் டிக்கெட் கட்டணம் 2 மடங்கு உயர்ந்துள்ளது.

    சென்னை - நெல்லைக்கு ஏ.சி. சிலீப்பர் பஸ் டிக்கெட் கட்டணம் ரூ. 2,250, மதுரைக்கு பஸ் கட்டணம் ரூ. 1,100 முதல் ரூ. 1,500-ம், ஏ.சி. சிலீப்பக் பஸ் கட்டணம் ரூ. 1,800 முதல் ரூ. 2000 ஆயிரம் வரை வசூலிக்கப்படுகிறது.

    சென்னை - பெங்களூர், கோவை, திருச்சிக்கு ரூ. 1,500 முதல் ரூ. 1,800, கன்னியாகுமரிக்கு ரூ. 2,000 முதல் ரூ. 2,500 வரை கட்டணம் உயர்ந்துள்ளது.

    தீபாவளி கூட்டத்தை பயன்படுத்தி ஆம்னி பஸ்களில் திடீர் கட்டண உயர்வால் பயணிகள் அதிர்ச்சியும் வேதனையும் அடைந்துள்ளனர்.

    இது குறித்து பயணி ஒருவர் கூறியதாவது:-

    ஒவ்வொரு ஆண்டும் தீபாவளிக்கு பஸ், ரெயில்களில் கூட்டம் அதிகரித்து வருகிறது. தென் மாவட்டங்களுக்கு போதுமான அளவு சிறப்பு பஸ்கள், ரெயில்கள் இயக்கப்பட வேண்டும்.

    தீபாவளி கூட்டத்தை பயன்படுத்தி தனியார் ஆம்னி பஸ்களில் கட்டணம் 2 மடங்கு அதிகரித்து வசூலிக்கிறார்கள்.

    சென்னை - நெல்லைக்கு டிக்கெட் கட்டணம் ரூ. 2,250 வசூலிப்பது வேதனையாக உள்ளது. தமிழக அரசு ஆம்னி பஸ்களில் நடைபெறும் கட்டணக் கொள்ளையை தடுக்க வேண்டும். முறை கேடாக கட்டணம் வசூலிக்கும் ஆம்னி பஸ்கள் மீது உடனடியாக நடவடிக்கை எடுத்து உரிமங்களை ரத்து செய்ய வேண்டும்.

    இவ்வாறு அவர் கூறினார். #Diwali

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருச்சி மத்திய பஸ் நிலைய பகுதியில் போக்குவரத்துக்கு இடையூறாக ஆம்னி பஸ்களை நிறுத்தினால் கடும் நடவடிக்கை கலெக்டர் எச்சரிக்கை திருச்சியில் நாளை மூத்தோர் முற்றம் நிகழ்ச்சி திருச்சி- உடன்குடி பஸ்சி Note: See Original Indesign File
    திருச்சி:

    திருச்சி மத்திய பஸ் நிலையம் மற்றும் ஜங்‌ஷன் பகுதியில் ஆம்னி பஸ்களால் போக்குவரத்து நெருக்கடி ஏற்பட்டு வந்தது. விடுமுறை நாட்களில் சென்னை, பெங்களூருவுக்கு செல்லும் ஆம்னி பஸ்கள் மத்திய பஸ் நிலையத்தை சுற்றி உள்ள அனைத்து சாலைகளிலும் நிறுத்தி வைக்கப்படும்போது இரு சக்கர வாகனத்தில் கூட செல்ல முடியாத நிலை ஏற்பட்டு வருகிறது. ஆம்னி பஸ் பிரச்சினைக்கு தீர்வு காணவேண்டும் என்பது திருச்சி மாநகர மக்களின் நீண்ட கால கோரிக்கையாக இருந்தது.

    இந்த நிலையில் திருச்சி ஜங்‌ஷன் ரெயில் நிலையத்திற்கும், மத்திய பஸ் நிலையத்திற்கும் இடையில் பழைய திருவள்ளுவர் பஸ் நிலையம் அருகில் உள்ள ரெயில்வே இடத்தில் புதிதாக ஆம்னி பஸ் நிலையம் அமைக்கப்பட்டுள்ளது. 50-க்கும் மேற்பட்ட கடைகள் மற்றும் கழிப்பறை வசதிகளுடன் அமைக்கப்பட்டுள்ள இந்த ஆம்னி பஸ் நிலையம் வருகிற 18-ந்தேதி முதல் செயல்பட இருக்கிறது. இந்தநிலையில் திருச்சி மாவட்ட கலெக்டர் ராசாமணி கூறும் போது, ‘திருச்சியில் ஒருங்கிணைந்த பஸ் நிலையம் அமைக்கப்படும் வரை ஆம்னி பஸ் நிலையம் அதற்காக ஒதுக்கப்பட்டுள்ள இடத்தில் செயல்படும். ஆம்னி பஸ் நிலையம் திறக்கப்பட்ட பின்னர் மத்திய பஸ் நிலையம் பகுதியில் வேறு எந்த இடத்திலும் ஆம்னி பஸ்களை நிறுத்தக்கூடாது. ஆம்னி பஸ் நிலையத்தில் மட்டுமே அவர்கள் பஸ்களை நிறுத்தி வைத்துக்கொள்ளவேண்டும். அங்கிருந்து மட்டுமே பயணிகளை ஏற்றி செல்லவேண்டும். மீறி கண்ட இடங்களில் நிறுத்தினால் போலீசார் மூலம் நடவடிக்கை எடுக்க மாநகர போலீஸ் கமி‌ஷனருக்கு அறிவுரை வழங்கப்பட்டு இருக்கிறது’ என்றார். #OmniBus
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram