நாமக்கல் மண்டலத்தில் முட்டை விலை 10 காசு குறைந்தது

நாமக்கல்:

நாமக்கல் மண்டலத்தில் முட்டை பண்ணை கொள்முதல் விலை ரூ.4.40 ஆக இருந்தது. இந்த நிலையில் தேசிய முட்டை ஒருங்கிணைப்பு குழு கூட்டம் நடைபெற்றது. இதில் முட்டை விலையை 10 காசுகள் குறைத்து ரூ.4.30 ஆக நிர்ணயம் செய்யப்பட்டது. இதுகுறித்து பண்ணையாளர்கள் கூறுகையில், தமிழகத்தில் ஆடி மாதம் முடிந்த நிலையில் முட்டை விற்பனை சூடு பிடிக்க தொடங்கியது. கேரளாவில் ஓணம் பண்டிகை, வட மாநிலங்களில் ஸ்வரன் பண்டிகை காரணமாக முட்டை நுகர்வு குறைந்ததால் விற்பனை மந்தமானது. இதனால் முட்டை தேக்கம் அடைந்தது. இதை தொடர்ந்து முட்டை விற்பனையை அதிகரிக்கும் நோக்கத்தில் விலை குறைப்பு செய்யப்பட்டது என்றனர்.