என் மலர்

    நீங்கள் தேடியது "Cabinet"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நெல், சோளம், பருப்பு வகைகள் உள்ளிட்ட 17 வகை பயிர்களின் கொள்முதல் விலையை மத்திய அரசு உயர்த்தியுள்ளது.
    • மத்திய அமைச்சரவை கூட்டத்தில் எடுக்கப்பட்ட முடிவுகளை மத்திய மந்திரி அனுராக் தாக்கூர் அறிவித்தார்.

    புதுடெல்லி:

    பிரதமர் நரேந்திர மோடி தலைமையில் தலைநகர் டெல்லியில் அமைச்சரவை கூட்டம் நடைபெற்றது. இந்தக் கூட்டத்தில் எடுக்கப்பட்ட முடிவுகளை மத்திய மந்திரி அனுராக் தாக்கூர் அறிவித்தார்.

    நெல் உள்ளிட்ட 17 வகையான பயிர்களின் கொள்முதல் விலையை உயர்த்த மத்திய அமைச்சரவை ஒப்புதல் வழங்கியுள்ளது என தெரிவித்தார்.

    நெல் குவிண்டால் ஒன்றுக்கு குறைந்தபட்ச ஆதரவு விலை ரூ.100 உயர்த்தி ரூ2,040 ஆக அதிகரித்துள்ளது. 2022-23 ஆம் ஆண்டில் நெல் குவிண்டால் ஒன்றுக்கு குறைந்தபட்ச ஆதரவு விலை ரூ.100 உயர்த்தப்பட்டுள்ளது.

    எள் குவிண்டாலுக்கு ரூ.523, பாசி பருப்பு குவிண்டாலுக்கு ரூ.480 உயர்த்தியும், சூரியகாந்தி விதை குவிண்டாலுக்கு ரூ.385 உயர்த்தப்பட்டுள்ளது என குறிப்பிட்டார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ராஜஸ்தானில் முதல் மந்திரி அசோக் கெலாட்டிற்கும், கட்சியின் முக்கிய தலைவரான சச்சின் பைலட்டிற்கும் இடையே கருத்து வேறுபாடு நிலவுவதாகக் கூறப்படுகிறது.
    ஜெய்ப்பூர்:

    ராஜஸ்தானில் காங்கிரஸ் கட்சியைச் சேர்ந்த அசோக் கெலாட் முதல் மந்திரியாக பதவி வகித்து வருகிறார். இவருக்கும் சச்சின் பைலட்டுக்கும் இடையே பனிப்போர் நிலவி வருகிறது.

    இதற்கிடையே, எதிர்க்கட்சியில் இருந்து வந்தவர்களுக்கு அமைச்சரவையில் முக்கிய பொறுப்புகள் வழங்கப்பட்டு வருகிறது என விமர்சிக்கும் சச்சின் பைலட், அமைச்சரவையில் மாற்றம் கொண்டுவர வேண்டும் என தொடர்ந்து வலியுறுத்தி வருகிறார். 

    எனவே, நவம்பர் 11-ம் தேதி முதல் மந்திரி அசோக் கெலாட் டெல்லி சென்று காங்கிரஸ் கட்சியின் தற்காலிக தலைவர் சோனியா காந்தியை சந்தித்துப் பேசினார்.

    இந்நிலையில், ராஜஸ்தானில் அசோக் கெலாட் தலைமையிலான அமைச்சரவையில் இடம் பிடித்துள்ள 21 அமைச்சர்களும் இன்று ராஜினாமா செய்துள்ளனர். நாளை அமைச்சரவை மாற்றி அமைப்பதற்கு ஏதுவாக, அனைத்து அமைச்சர்களும் ராஜினாமா செய்துள்ளனர். 

    நாளை பதவியேற்கும் புதிய அமைச்சரவையில் சச்சின் பைலட் ஆதரவாளர்கள் 12-க்கும் மேற்பட்டோருக்கு இடம் கிடைக்கும் என கூறப்படுகிறது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தமிழகத்துக்கு மந்திரி பதவி வழங்குவது குறித்து பிரதமர் மோடி முடிவு எடுப்பார் என்று தமிழிசை சவுந்தரராஜன் கூறியுள்ளார்.

    ஆலந்தூர்:

    டெல்லியில் இருந்து சென்னை திரும்பிய தமிழக பா.ஜனதா தலைவர் தமிழிசை சௌந்தரராஜன் சென்னை விமான நிலையத்தில் நிருபர்களை சந்தித்தார். அப்போது அவர் கூறியதாவது:-

    இரண்டாவது முறையாக பிரதமராக மோடி பதவி ஏற்று கொண்ட அற்புதமான நிகழ்விற்கு கட்சிக்காக உழைத்த தொண்டர்களான மாவட்ட தலைவர்கள் சுமார் 150-க்கும் மேற்பட்டவர்களுக்கு சிறப்பு அழைப்பாளர்கள் போலவே அழைப்பு விடுத்து அவர்களும் அந்த நிகழ்ச்சியில் பங்கேற்றார்கள். இது தொண்டர்களுக்கு மிகுந்த உற்சாகத்தை ஏற்படுத்தி இருக்கிறது. இந்த உற்சாகத்தோடு தமிழ்நாட்டில் கட்சியை பலப்படுத்தி பணியாற்றுவோம்.

    இன்னும் நிறைய வாய்ப்புகள் வரும். மோடி தலைமையிலான இந்த அமைச்சரவை இந்தியாவை வல்லரசு நாடாக எடுத்துச் செல்லும்.

    இன்னும் பல வெற்றிகள் பல மாநிலங்களில் குவிக்க இருக்கிறது. தமிழகத்திலும் பா.ஜனதா பலம் பெற இருக்கிறது. தமிழகத்தில் பா.ஜனதா பலம் பெற பலம் பெற தமிழகத்திற்கு அதிக பிரதிநிதித்துவம் கிடைக்கும்.

    மக்களுக்கு எதிரான, மக்களுக்குத் துன்பம் தரக் கூடிய பிரச்சனைகளை இந்த அரசு ஆதரிக்க போவதில்லை, பாஜகவிற்கு தமிழகத்தின் மீது அக்கறை இல்லை என்ற தவறான பிரசாரம் எதிர்கட்சிகளால் செய்யப்படுகிறது. பா.ஜனதா தமிழகத்தின் மீது மிகுந்த அக்கறையோடு இருக்கிறது. பல நல்ல திட்டங்களை கொண்டு வருவதற்கான அடிப்படையில் எங்களுடைய பணி இருக்கும்.

    இவ்வாறு அவர் பேசினார்.


    மத்திய அமைச்சரவையில் தமிழகத்திற்கு பிரதிநிதித்துவம் கிடைக்கும் வகையில் உங்கள் கூட்டணியில் வெற்றிபெற்ற ஒரே எம்.பி.யான ரவீந்திரநாத் பெயரை தமிழகத்திலிருந்து மேலிடத்திற்கு பரிந்துரை செய்வீர்களா? என்ற கேள்விக்கு,

    ‘இதுகுறித்து கட்சி தலைமையும், பிரதமர் மோடியும் தான் முடிவு எடுக்க வேண்டும். இப்போது அது பற்றி எதுவும் கூற விரும்பவில்லை’ என்று தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மத்திய மந்திரிசபை பதவியேற்பு விழாவிற்கு தி.மு.க. தலைவர் மு.க.ஸ்டாலினுக்கு பா.ஜனதா அழைப்பு விடுத்திருக்க வேண்டும் என்று நாராயணசாமி தெரிவித்துள்ளார்.
    ஆலந்தூர்:

    புதுச்சேரி முதல்-மந்திரி நாராயணசாமி சென்னை விமான நிலையத்தில் நிருபர்களுக்கு பேட்டியளித்தார். அவர் கூறியதாவது:-

    ஜனாதிபதி மாளிகையில் நடைபெற்ற மோடி பதவியேற்பு விழாவில் கலந்துகொண்டு திரும்பி வந்துள்ளேன்.

    ஒரு மாநில முதலமைச்சர் என்ற முறையில் எனக்கு அழைப்பு விடுக்கப்பட்டுள்ளது. அதேபோல் காங்கிரஸ் கட்சியின் தேசிய தலைவர் ராகுல்காந்தி மற்றும் முற்போக்கு கூட்டணி தலைவர் சோனியா காந்தி, காங்கிரஸ் மூத்த தலைவர் குலாம் நபி ஆசாத் ஆகியோருக்கும் அழைப்பு விடுக்கப்பட்டிருந்தது. காங்கிரஸ் தலைவர்களும் கலந்து கொண்டார்கள். முதல்-அமைச்சர் என்ற முறையில் நானும் கலந்து கொண்டேன்.


    தி.மு.க. தலைவர் ஸ்டாலினுக்கு பா.ஜனதா அழைப்பு விடுத்திருக்க வேண்டும். அப்படி அவர்கள் செய்யவில்லை. இது பா.ஜனதாவின் பிரிவும், பாரபட்சமான மனப்பான்மையைக் காட்டுகிறது. பா.ஜனதா தேர்தலில் வெற்றி பெற்றவுடன் நாங்கள் எல்லோரையும் சமமாக பாவிப்போம், எல்லாம் மாநிலத்தையும் பாரபட்சமின்றி நடத்துவோம், அனைத்து மாநிலங்கள் வளர்ச்சிக்கும் பாடுபடுவோம் என்று சொன்னார்கள்.

    பா.ஜனதாவின் கூட்டணி கட்சியான பீகார் முதல்-மந்திரி நிதிஷ்குமாரின் கட்சி பா.ஜனதாவின் அமைச்சரவையில் இடம் பெறவில்லை.

    பா.ஜனதா சொல்வது ஒன்று, செய்வது ஒன்று. ஆளுங்கட்சியாக இருப்பவர்கள் எதிர்க்கட்சிகளை அரவணைத்து செல்வது தான் அரசியல் நாகரீகம்.

    பா.ஜ.க.வின் அமைச்சரவையில் யார்- யார் இடம் பெற வேண்டியது என்று முடிவு செய்ய வேண்டியது பிரதமர் மோடி தான். அதைப் பற்றி நான் எதுவும் கருத்து சொல்ல முடியாது.

    நடந்து முடிந்த பாராளுமன்ற தேர்தலில் காங்கிரஸ் தோல்விக்கு பல காரணங்கள் உண்டு. இது சம்பந்தமாக நாங்கள் அலசி ஆராய்ந்து கொண்டிருக்கிறோம்.

    மேலும் பா.ஜனதா மதவாதத்தை முன்வைத்தும், பாகிஸ்தான் பிரச்சனையை முன்வைத்தும், புல்வாமா தாக்குதலை முன்வைத்தும், மத பெயரால் தேர்தல் பிரசாரத்தில் ஈடுபட்டது.

    காங்கிரஸ் கட்சியான நாங்கள் எல்லா மதத்தையும் அரவணைத்து செல்பவர்கள். நாங்கள் ஆட்சிக்கு வந்தால் மக்கள் நலத்திட்டங்கள் என்னென்ன செய்வோம் என்று தேர்தல் பிரசாரம் செய்தோம். எங்கள் பிரசாரம் எடுபடவில்லை.

    மத பெயரால் பிரசாரம் செய்த பா.ஜனதாவின் தேர்தல் பிரசாரம் எடுபட்டது. பா.ஜனதா சொன்ன நதி நீர் இணைப்பு திட்டத்தை வரவேற்கிறேன். நதிநீர் இணைப்பு நல்லதுதான் காவிரி இணைப்பு தேவை தான்.

    இவ்வாறு அவர் கூறினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மந்திரி சபை விரிவாக்கம் செய்யப்படும் போது உரிய நேரத்தில் அ.தி.மு.க.வையும் மந்திரி சபையில் சேர்ப்பது பற்றி பரிசீலிக்கப்படும் என்று இல.கணேசன் தெரிவித்தார்.
    சென்னை:

    மோடி தலைமையிலான மத்திய மந்திரி சபையில் அ.தி.மு.க.வுக்கு இடம் அளிக்கப்படும் என்று எதிர் பார்க்கப்பட்டது. ஆனால் யாருக்கும் மந்திரி பதவி வழங்கப்படவில்லை.

    இந்தநிலையில் டெல்லியில் மோடி பதவி ஏற்பு நிகழ்ச்சியில் கலந்து கொண்டு இன்று சென்னை திரும்பிய தமிழக பா.ஜனதா மூத்த தலைவர் இல.கணேசனிடம் இதுபற்றி கேட்கப்பட்டது. அதற்கு அவர் கூறியதாவது:-

    முறைப்படி மத்திய மந்திரி சபை பதவி ஏற்றுள்ளது. இது முழுமையான மந்திரி சபை அல்ல. மந்திரிசபை விரிவாக்கம் செய்யப்படும் போது உரிய நேரத்தில் அ.தி.மு.க.வையும் மந்திரி சபையில் சேர்ப்பது பற்றி பரிசீலிக்கப்படும்.

    இவ்வாறு அவர் கூறினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பிரதமர் நரேந்திர மோடி தலைமையிலான மந்திரி சபையில் இடம்பெற்றுள்ள மத்திய மந்திரிகளின் இலாகாக்களின் முழு விவரத்தை பார்ப்போம்.
    புதுடெல்லி:

    பிரதமர் நரேந்திர மோடி தலைமையில் நேற்று புதிய அமைச்சரவை பதவி ஏற்றது.

    இந்த அமைச்சரவையில் மோடியையும் சேர்த்து மொத்தம் 58 பேர் மத்திய மந்திரிகளாக உள்ளனர்.

    புதிய அமைச்சரவையில் உத்தரபிரதேச மாநிலத்துக்கு அதிகபட்சமாக 9 மந்திரிகள் பதவி கிடைத்துள்ளது. மராட்டிய மாநிலத்தில் இருந்து 8 பேர் மத்திய மந்திரி சபையில் இடம் பெற்றுள்ளனர்.

    மத்திய பிரதேசம், பீகார் மாநிலங்களில் இருந்து தலா 5 பேர் மத்திய மந்திரிசபையில் இடம் பெற்றுள்ளனர். கர்நாடகாவைச் சேர்ந்தவர்கள் 4 பேர், ராஜஸ்தான், குஜராத், அரியானா மாநிலங்களை சேர்ந்தவர்கள் தலா 3 பேர், மேற்குவங்காளம், பஞ்சாப் மாநிலங்களை சேர்ந்தவர்கள் தலா 2 பேர் மந்திரிசபையில் இடம் பெற்றுள்ளனர்.

    கோவா, தெலுங்கானா, ஒடிசா, சத்தீஸ்கர், அருணாசலபிரதேசம், அசாம், உத்தரகாண்ட், இமாச்சலபிரதேசம், காஷ்மீர், டெல்லியை சேர்ந்தவர்கள் தலா ஒருவர் இடம் பிடித்துள்ளனர்.

    மத்திய மந்திரிகளுக்கு எந்தெந்த இலாகாக்களை ஒதுக்குவது என்பது சம்பந்தமாக இன்று காலை முதல் பிரதமர் மோடி தீவிர ஆலோசனையில் ஈடுபட்டார். பா.ஜனதா மூத்த தலைவர்களுடன் அவர் இது தொடர்பாக கருத்துகளை கேட்டு அறிந்தார்.

    இதையடுத்து இன்று மதியம் புதிய மந்திரிகளுக்கான இலாகாக்கள் ஒதுக்கீடு செய்யப்பட்டு அறிவிப்பு வெளியிடப்பட்டது. கடந்த முறை பிரதமருக்கு அடுத்த நிலையில் 2-வது இடத்தில் உள்துறை மந்திரியாக இருந்த ராஜ்நாத்சிங் பாதுகாப்பு துறைக்கு மாற்றப்பட்டுள்ளார்.

    பா.ஜனதா தலைவர் அமித்ஷா இந்த தடவை முதல் முறையாக மத்திய மந்திரியாகி உள்ளார். அவருக்கு மிகவும் முக்கியத்துவம் வாய்ந்த உள்துறை இலாகா வழங்கப்பட்டுள்ளது. பாதுகாப்பு மந்திரியாக இருந்த நிர்மலா சீதாராமன் நிதி மந்திரி ஆக்கப்பட்டுள்ளார்.

    தமிழகத்தை சேர்ந்த ஜெய்சங்கர் வெளியுறவுத்துறை மந்திரியாகி உள்ளார். கேரளாவை சேர்ந்த முரளிதரன் வெளியுறவுத்துறை இணை மந்திரியாகி உள்ளார்.

    மந்திரிகளுக்கு ஒதுக்கப்பட்டுள்ள இலாகாக்கள் விவரம் வருமாறு:-



    பிரதமர் மோடி- அணுசக்தி, விண்வெளி, பொதுநலம், பென்‌ஷன், கொள்கை முடிவுகள் மற்றும் இதுவரை ஒதுக்கப்படாத அமைச்சரவை இலாகாக்கள்.

    1. ராஜ்நாத் சிங்- பாதுகாப்பு

    2. அமித்ஷா-உள்துறை

    3. நிதின் கட்காரி-சாலை போக்குவத்து, நெடுஞ்சாலைத்துறை, சிறுகுறு நடுத்தர தொழில்.

    4. சதானந்த கவுடா- ரசாயனம் மற்றும் உரம்

    5. நிர்மலா சீதாராமன்-நிதி மற்றும் கம்பெனி விவகாரம்

    6. ராம்விலாஸ் பஸ்வான்- உணவு, பொது விநியோகம், நுகர்வோர் விவகாரம்.

    7. நரேந்திர சிங் தோமர்- வேளாண், விவசாயம் நலன், ஊரக மேம்பாடு, பஞ்சாயத்து ராஜ்.

    8. ரவிசங்கர் பிரசாத்- சட்டம், தகவல் தொடர்பு, எலக்ட்ரானிக்ஸ், தகவல் தொழில்நுட்பம்.

    9. ஹர்சிம்ரத் கவுர் பாதல்- உணவு பதப்படுத்தும் தொழில்.

    10. தாவர் சந்த் கெலாட்- சமூக நீதி.

    11. ஜெய்சங்கர்- வெளியுறவுத்துறை.

    12. ரமேஷ் பொக்ரியால்- மனிதவள மேம்பாடு

    13. அர்ஜூன் முண்டா- பழங்குடியினர் நலம்.

    14. ஸ்மிருதி இரானி- பெண்கள் மற்றும் குழந்தைகள் மேம்பாடு, டெக்ஸ்டைல்.

    15. ஹர்‌ஷவர்தன்- சுகாதாரம், அறிவியல் தொழில் நுட்பம் மற்றும் புவி அறிவியல்.

    16. பிரகாஷ் ஜவடேகர்- சுற்றுச்சூழல், வனம், தகவல் ஒளிபரப்பு.

    17. பியூஸ் கோயல்- ரெயில்வே, வர்த்தகம், தொழில்.

    18. தர்மேந்திர பிரதான்- பெட்ரோலியம், இயற்கை எரிவாயு மற்றும் ஸ்டீல்.

    19. முக்தார் அப்பாஸ் நக்வி- சிறுபான்மையினர் நலம்

    20. பிரகலாத் ஜோஷி- பாராளுமன்ற விவகாரம், நிலக்கரி மற்றும் சுரங்கம்.

    21. மகேந்திரநாத் பாண்டே- திறன் மேம்பாடு, தொழில் முனைவோர் நலம்.

    22. அரவிந்த் சாவந்த்- கனரக தொழில்.

    23. கிரிராஜ் சிங்- வன விலங்கு, பால், மீனவர் நலம்.

    24. கஜேந்திர சிங் செகாவத்- நீர் பாசனம்.

    (தனி பொறுப்பு)

    1. சந்தோஷ்குமார் கங்குவார்- தொழிலாளர் நலன், வேலைவாய்ப்பு.

    2. ராவ் இந்திரஜித் சிங்- புள்ளியியல், அமலாக்கம் மற்றும் திட்டம்

    3. ஸ்ரீபாதயசோ நாயக்- பாதுகாப்பு, ஆயுர்வேதா, யோகா, யுனானி, சித்தா, ஓமியோபதி

    4. டாக்டர் ஜிதேந்திர சிங்- வடகிழக்கு மேம்பாடு, பிரதமர் அலுவலகம், பொதுநலன், பென்‌ஷன், அணுசக்தி, விண்வெளி.

    5. கிரண் ரிஜிஜு- இளைஞர் நலம், விளையாட்டு, சிறு பான்மையினர் நலம்.

    6. பிரகலாத் சிங் படேல்- கலாச்சாரம், சுற்றுலா.

    7. ராஜ்குமார் சிங்- மின்சாரம், புதுப்பிக்கத்தக்க எரிசக்தி, திறன் மேம்பாடு.

    8. ஹர்தீப் சிங் பூரி- வீட்டு வசதி, விமானம், வர்த்தகம், தொழில்.

    9. மன்சுக் மாண்டவியா- கப்பல், ரசாயனம், உரம்.

    1. பஹன் சிங் குலாத்தே- ஸ்டீல்

    2. அஸ்வினி குமார் சவுபே- சுகாதாரம், குடும்ப நலம்.

    3. அர்ஜூன் ராம் மேக்வால்- பாராளுமன்ற விவகாரம், கனரக தொழில்.

    4. வி.கே.சிங்- சாலை போக்குவரத்து, நெடுஞ்சாலை.

    5. கிரி‌ஷன் பால் குர்ஜார்- சமூக நீதி.

    6. தன்வீ ராசாகேப் தடா ராவ்- உணவு, பொது விநியோகம்.

    7. கி‌ஷன் ரெட்டி- உள்துறை.

    8. புருசோத்தம் ரூபாலா- வேளாண், விவசாயிகள் நலன்.

    9. ராம்தாஸ் அத்வாலே- சமூக நீதி.

    10. சாத்வி நிரஞ்சன் ஜோதி- ஊரக மேம்பாடு.

    11. பாபுல் சுப்ரியோ- சுற்றுச் சுழல், வனம், தட்பவெட்ப நிலை.

    12. சஞ்சீவ் பல்யான்- வன விலங்கு, பால், மீனவர்.

    13. சஞ்சய் சம்ராவ் தோட்ரே- மனிதவள மேம்பாடு, தகவல் தொடர்பு, எலக்ட்ரானிக், தகவல் தொழில்நுட்பம்.

    14. அனுராக் தாக்குர்- நிதி, கம்பெனி விவகாரம்.

    15. சுரேஷ் அங்கடி-  ரெயில்வே.

    16. நித்யானந்த் ராய்- உள்துறை.

    17. ரத்தன்லால் கட்டாரியா- நீர்பாசனம், சமூக நீதி.

    18. முரளீதரன்- வெளியுறவுத் துறை, பாராளுமன்ற விவகாரம்.

    19. ரேணுகா சிங் சருடா- பழங்குடியினர் நலம்.

    20. சோம் பர்காஷ்- வர்த்தகம், தொழில்.

    21. ராமேஷ்வர் டெலி- உணவு பதப்படுத்தும் தொழில்.

    22. பிரதாப் சந்திர சாரங்கி- சிறு, குறு, நடுத்தர தொழில், வனவிலங்கு, பால், மீனவர் நலன்.

    23. கைலாஷ் சவுத்ரி- வேளாண், விவசாயிகள் நலன்.

    24. தேவஸ்ரீ சவுத்ரி- பெண்கள் மற்றும் குழந்தைகள் மேம்பாடு.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பிரதமர் மோடி தலைமையிலான மத்திய அமைச்சரவையில் ஜெய்சங்கருக்கு வெளியுறவு துறை ஒதுக்கீடு செய்யப்பட்டு உள்ளது.
    புதுடெல்லி:

    பாராளுமன்ற தேர்தலில் அபார வெற்றி பெற்ற பாஜக மத்தியில் மீண்டும் ஆட்சியை கைப்பற்றியுள்ளது. இரண்டாவது முறையாக நரேந்திர மோடி மீண்டும் பிரதமராக பொறுப்பேற்றுக் கொண்டார். அவருடன் பல்வேறு எம்.பி.க்கள் அமைச்சரவையில் நேற்று பதவியேற்றுக் கொண்டனர்.

    இந்நிலையில், மத்திய அமைச்சர்களுக்கான துறைகளின் விவரம் வெளியாகியுள்ளது. அவை பின்வருமாறு:

    ஜெய்சங்கர் - வெளியுறவுத்துறை 
    பியூஷ் கோயல் - ரயில்வே துறை
    சதானந்த கவுடா - ரசாயனம், உரத்துறை
    நிதின் கட்கரி - சாலை போக்குவரத்து துறை
    ஸ்மிருதி இரானி - மகளிர் நலத்துறை



    ரவிசங்கர் பிரசாத் - சட்டத்துறை, தகவல், மின்னணு தொழிற்துறை
    பிரகாஷ் ஜவ்டேகர்- சுற்றுச்சூழல், வனம், தகவல் ஒலிபரப்பு
    டாக்டர் ஹர்ஷ்வர்தன் - சுகாதாரத்துறை
    நரேந்திர சிங் தோமர் - விவசாய துறை அமைச்சர்
    முக்தார் அபாஸ் நக்வி - சிறுபான்மையினர் நலத்துறை

    இத்துடன், மத்திய இணை மந்திரிகளுக்கான துறைகளும் அறிவிக்கப்பட்டு உள்ளன.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பிரதமர் மோடி தலைமையிலான புதிய அமைச்சரவையில் இடம்பெற்றுள்ள அமைச்சர்களுக்கு இலாகாக்கள் ஒதுக்கீடு செய்யப்பட்டுள்ளது.
    புதுடெல்லி:

    பாராளுமன்ற தேர்தலில் அபார வெற்றி பெற்ற பாஜக மத்தியில் மீண்டும் ஆட்சியை கைப்பற்றியுள்ளது. இரண்டாவது முறையாக நரேந்திர மோடி மீண்டும் பிரதமராக பொறுப்பேற்றுக் கொண்டார். அவருடன் பல்வேறு எம்.பி.க்கள் அமைச்சரவையில் நேற்று பதவியேற்றுக் கொண்டனர்.

    பிரதமர் மோடி தலைமையிலான புதிய அமைச்சரவையில் இடம்பெற்றுள்ள அமைச்சர்களுக்கு இலாகாக்கள் ஒதுக்கீடு செய்யப்பட்டுள்ளது.

    அமைச்சர்களுக்கு ஒதுக்கப்பட்டுள்ள இலாகாக்கள் விவரம் பின்வருமாறு:-



    பாஜக தேசிய தலைவர் அமித்ஷாவுக்கு உள்துறை
    ராஜ்நாத் சிங்கிற்கு பாதுகாப்புத்துறை
    தமிழ்நாட்டை சேர்ந்த நிர்மலா சீதாராமனுக்கு நிதித்துறை ஒதுக்கீடு செய்யப்பட்டுள்ளது. 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பா.ஜனதா சார்பில் போட்டியிட மகனுக்கு ‘சீட்’ கிடைத்ததால், தனது பதவியை ராஜினாமா செய்ய மத்திய மந்திரி பிரேந்தர் சிங் முன்வந்துள்ளார். #BirenderSingh #Cabinet #RajyaSabha
    புதுடெல்லி:

    மத்திய உருக்குத்துறை மந்திரியாக பதவி வகித்து வருபவர் பிரேந்தர் சிங். அரியானாவை சேர்ந்த முன்னணி காங்கிரஸ் தலைவரான இவர், கடந்த 2014-ம் ஆண்டு காங்கிரசில் இருந்து விலகி பா.ஜனதாவில் இணைந்தார். அவருக்கு மத்திய மந்திரி சபையில் ஊரக மேம்பாடு, பஞ்சாயத்து ராஜ் துறை ஒதுக்கப்பட்டது.

    பின்னர் இவர் 2016-ம் ஆண்டு அரியானாவில் இருந்து பா.ஜனதா சார்பில் மாநிலங்களவைக்கு தேர்ந்தெடுக்கப்பட்டார். அந்த ஆண்டு நடந்த மந்திரி சபை மாற்றத்தின் போது, இவருக்கு உருக்குத்துறை ஒதுக்கப்பட்டது.

    இந்த நிலையில் நடைபெற்று வரும் பாராளுமன்ற தேர்தலில் பிரேந்தர் சிங்கின் மகனான பிரிஜேந்திர சிங்குக்கு அரியானாவின் ஹிசார் தொகுதியை பா.ஜனதா ஒதுக்கி உள்ளது. இது பிரேந்தர் சிங்குக்கு மகிழ்ச்சியை ஏற்படுத்தி உள்ளது.

    எனினும் ஒரே குடும்பத்தில் தனக்கும், தனது மகனுக்கும் பதவி கிடைப்பதன் மூலம் வாரிசு அரசியலுக்கு வழி வகுக்கும் என எண்ணிய அவர், தனது பதவியை ராஜினாமா செய்ய முன்வந்துள்ளார். இது தொடர்பாக கட்சித்தலைவர் அமித்ஷாவுக்கு கடிதம் எழுதி இருக்கிறார்.

    இது குறித்து நேற்று அவர் செய்தியாளர்களிடம் கூறுகையில், ‘எங்கள் பா.ஜனதாவின் கொள்கை, வாரிசு அரசியலுக்கு எதிரானது. தற்போது எனது மகனுக்கு தேர்தலில் போட்டியிட சீட் கிடைத்திருப்பதால் எனது எம்.பி. பதவியையும், மந்திரி பதவியையும் நான் ராஜினாமா செய்வதே சிறந்ததாக இருக் கும். எனவே இது தொடர்பாக கட்சியின் முடிவுக்கே விட்டுவிடும் வகையில் அமித்ஷாவுக்கு கடிதம் எழுதி இருக்கிறேன். நான் எனது பதவிகளை ராஜினாமா செய்ய தயாராக இருக்கிறேன்’ என்று தெரிவித்தார்.

    இதற்கிடையே பிரேந்தர் சிங்கின் மகனுடன் அரியானா, ராஜஸ்தான், மத்திய பிரதேசம் போன்ற மாநிலங்களில் மேலும் சில தொகுதிகளுக்கான வேட்பாளர் பட்டியலை பா.ஜனதா வெளியிட்டது. இந்த பட்டியலை கட்சியின் தேர்தல் பணிக்குழு செயலாளர் ஜே.பி.நட்டா வெளியிட்டார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    காஷ்மீர் புல்வாமா மாவட்டத்தில் நடந்த தாக்குதல் குறித்து டெல்லியில் பிரதமர் மோடி தலைமையில் அவசர ஆலோசனை நடத்தப்பட்டது. #PMModi #CRPF #PulwamaAttack
    புதுடெல்லி:

    காஷ்மீர் புல்வாமா மாவட்டத்தில் நடந்த தாக்குதலில் 44 ராணுவ வீரர்கள் கொல்லப்பட்டது பெரும் அதிர்ச்சியை ஏற்படுத்தி இருக்கிறது.

    இதையடுத்து இன்று டெல்லியில் பிரதமர் மோடி அவசர ஆலோசனை நடத்த மந்திரி சபையை கூட்டினார்.

    அதன்படி காலையில் மோடி தலைமையில் மந்திரிசபை அவசர ஆலோசனை நடத்த கூடியது. இதில் மத்திய மந்திரிகள் அருண் ஜெட்லி, ராஜ்நாத்சிங், நிர்மலா சீதாராமன், சுஷ்மா சுவராஜ் உள்ளிட்டோர் பங்கேற்றனர்.


    நாட்டின் பாதுகாப்பு குறித்து ஆலோசனை நடத்தப்பட்டது. காஷ்மீரில் உள்ள நிலைமை குறித்தும் அங்கு எடுக்கப்பட வேண்டிய பாதுகாப்பு நடவடிக்கைகள் குறித்தும் ஆலோசிக்கப்பட்டது.

    மேலும் தற்கொலை தாக்குதலுக்கு எப்படிப்பட்ட பதிலடி கொடுப்பது என்றும் ஆலோசிக்கப்பட்டதாக தெரிகிறது.

    காஷ்மீர் தாக்குதலையடுத்து பா.ஜனதா தலைவர்களின் அனைத்து நிகழ்ச்சிகளும் இன்று ரத்து செய்யப்பட்டன. #PMModi #CRPF #PulwamaAttack 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திரைப்பட பைரசி மற்றும் காப்புரிமை மீறல் தொடர்பான சட்டத்திருத்தத்திற்கு மத்திய அமைச்சரவை இன்று ஒப்புதல் அளித்துள்ளதாக மத்திய மந்திரி ரவிசங்கர் பிரசாத் தெரிவித்துள்ளார். #RavishankarPrasad
    புதுடெல்லி :

    திரைப்படங்களை திருட்டுத்தனமாக இன்டர்நெட்டில் வெளியிடுவது, காப்புரிமை மீறலுக்கு தண்டனை விதிக்கும் சட்டத்திருத்தத்திற்கு மத்திய அமைச்சரவை ஒப்புதல் அளித்துள்ளது.

    இந்தச் சட்டத்திருத்தத்தின் படி, திரைப்படங்களை அனுமதியின்றி வீடியோ பதிவு செய்வது, பிரதிகள் எடுப்பது உள்ளிட்டவை சட்ட விரோதமாகும்.

    அனுமதியின்றி திரைப்படங்களை வீடியோ பதிவு செய்தால் 3 ஆண்டுகள் சிறை அல்லது ரூ.10 லட்சம் அபராதம் விதிக்க முடியும். மேலும், காப்புரிமை மீறுபவர்களுக்கு சிறை தண்டனை அல்லது அபராதம் விதிக்கும் சட்டத்திருத்த மசோதாவுக்கும் ஒப்புதல் அளிக்கப்பட்டுள்ளது. #RavishankarPrasad
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin