என் மலர்

    நீங்கள் தேடியது "Starc"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்திய தொடருக்கான ஆஸ்திரேலிய அணி இன்று அறிவிக்கப்பட்டது. வேகப்பந்து வீரர் ஸ்டார்க் காயம் காரணமாக அணியில் இடம் பெறவில்லை. #Starc #INDvAUS
    மெல்போர்ன்:

    இந்திய கிரிக்கெட் அணி சமீபத்தில் ஆஸ்திரேலியாவில் சுற்றுப்பயணம் செய்து விளையாடியது. இதன் டெஸ்ட் தொடரை 2-1 என்ற கணக்கிலும், ஒரு நாள் தொடரை 2-1 என்ற கணக்கிலும் கைப்பற்றி புதிய வரலாறு படைத்தது. 20 ஓவர் தொடர் 1-1 என்ற கணக்கில் சம நிலையில் முடிந்தது.

    இதன் தொடர்ச்சியாக ஆஸ்திரேலிய அணி இந்தியா வந்து இரண்டு 20 ஓவர் மற்றும் 5 ஒரு நாள் போட்டியில் விளையாடுகிறது.

    முதல் 20 ஓவர் ஆட்டம் வருகிற 24-ந்தேதி விசாகப்பட்டினத்தில் நடக்கிறது. 27-ந்தேதியுடன் 20 ஓவர் முடிகிறது. ஒருநாள் தொடர் மார்ச் 2-ந்தேதி ஐதராபாத்தில் தொடங்குகிறது. மார்ச் 13-ந்தேதியுடன் ஒரு நாள் தொடர் முடிகிறது.

    உலக கோப்பைக்கு முன்பு நடைபெறும் இந்த ஒரு நாள் தொடர் மீத அதிக எதிர்பார்ப்பு உள்ளது.

    இந்தியாவுக்கு எதிரான தொடருக்கான ஆஸ்திரேலிய அணி இன்று அறிவிக்கப்பட்டது. வேகப்பந்து வீரர் ஸ்டார்க் காயம் காரணமாக அணியில் இடம் பெறவில்லை. இதனால் கானே ரிச்சர்ட்சன் அணிக்கு மீண்டும் அழைக்கப்படுவார்.

    பீட்டர் சிடில், மிட்செல் மார்ஷ், ஸ்டான்லேக் ஆகியோர் அணியில் இருந்து நீக்கப்பட்டுள்ளனர்.

    ஆரோன்பிஞ்ச் (கேப்டன்), உஸ்மான் கவாஜா, ஷான் மார்ஷ், ஹேன்ட்ஸ்ஹோம், மேக்ஸ்வெல், ஆஸ்டன் டர்னர், மார்கஸ் ஸ்டோனிஸ், அலெக்ஸ் கேரி, கும்மின்ஸ், நாதன் கோல்ட்டர், கேன் ரிச்சர்ட்சன், ஜோசன் பெக்ரன் மார்ப், நாதன் லயன், ஆடம் ஜம்பா. டி ஆர்சி ஷார்ட், ஜியே ரிச்சர்ட்சன்.

    இந்திய அணி தற்போது நியூசிலாந்தில் விளையாடி வருகிறது. வருகிற 10-ந் தேதியுடன் இந்த தொடர் முடிகிறது. அதன் பிறகு இந்தியா- ஆஸ்திரேலியா தொடர் நடைபெறும். #Starc #INDvAUS
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஆஸ்திரேலிய வீரர்களின் அபாரமான பந்துவீச்சால் இலங்கை அணி 366 ரன்கள் வித்தியாசத்தில் மோசமான தோல்வியை சந்தித்தது.
    கான்பெரா:

    ஆஸ்திரேலியா- இலங்கை அணிகள் மோதும் 2-வது மற்றும் கடைசி டெஸ்ட் போட்டி கான்பெராவில் நடந்தது.

    ஆஸ்திரேலியா முதல் இன்னிங்சில் 5 விக்கெட் இழப்புக்கு 534 ரன் குவித்து டிக்ளேர் செய்தது. பின்னர் முதல் இன்னிங்சை விளையாடிய இலங்கை அணி 215 ரன்னில் ‘ஆல் அவுட்’ ஆனது.

    319 ரன்கள் முன்னிலையில் ஆஸ்திரேலியா 2-வது இன்னிங்சை விளையாடியது. அந்த அணி 3 விக்கெட் இழப்புக்கு 196 ரன் எடுத்து டிக்ளேர் செய்தது. இதனால் இலங்கைக்கு 516 ரன் நிர்ணயிக்கப்பட்டது.

    இலங்கை அணி நேற்றைய 3-வது நாள் ஆட்டத்தின் முடிவில் விக்கெட் இழப்பின்றி 17 ரன் எடுத்து இருந்தது. இன்று 4-வது நாள் ஆட்டம் நடந்தது. வெற்றிக்கு மேலும் 499 ரன் தேவை. கைவசம் 10 விக்கெட் என்ற நிலையில் இலங்கை தொடர்ந்து விளையாடியது.

    ஆஸ்திரேலிய வீரர்களின் அபாரமான பந்துவீச்சால் அந்த அணி நிலை குலைந்தது. இலங்கை அணி 51 ஓவர்களில் 149 ரன்னில் சுருண்டது.

    இதனால் ஆஸ்திரேலியா 366 ரன் வித்தியாசத்தில் அபார வெற்றி பெற்றது. மெண்டீஸ் அதிகபட்சமாக 42 ரன் எடுத்தார். ஸ்டார்க் 5 விக்கெட்டும், கும்மின்ஸ் 3 விக்கெட்டும் எடுத்தனர்.

    இந்த டெஸ்டில் ஸ்டார்க்கின் பந்துவீச்சு மிகவும் அபாரமாக இருந்தது. அவர் மொத்தம் 10 விக்கெட் வீழ்த்தினார்.

    இந்த வெற்றிமூலம் ஆஸ்திரேலியா 2-0 என்ற கணக்கில் தொடரை கைப்பற்றியது. பிரிஸ்பேனில் நடந்த முதல் டெஸ்டில் அந்த அணி இன்னிங்ஸ் மற்றும் 40 ரன்னில் வெற்றி பெற்று இருந்தது. #SLvAUS
    ×