புதுக்கோட்டை

புதுக்கோட்டை:

புதுக்கோட்டை மின்வாரிய மேற்பொறியாளர் அலுவலகம் முன்பு, புதுக்கோட்டையில் கடந்த 15 வருடங்களாக பணிபுரிந்து வரும் மின்வாரிய ஒப்பந்த தொழிலாளர்களை பணி நிரந்தரம் செய்ய வேண்டியும், குறைந்த பட்ச ஊதியம் ரூ.380 வழங்கக் கோரியும் கண்டன ஆர்ப்பாட்டம் சுந்தர வடிவேலு தலைமையில் நடைபெற்றது. ஆர்ப்பாட்டத்தில் மின் வாரிய ஒப்பந்த தொழிலாளர்கள் தங்கள் கோரிக்கைகளை வலியுறுத்தி கோஷமிட்டனர்.

இதில் 100-க்கும் மேற்பட்ட தொழிலாளர்கள் கலந்து கொண்டனர். #Tamilnews

கந்தர்வக்கோட்டை:

புதுக்கோட்டை மாவட்டம், கந்தர்வக்கோட்டை அடுத்த கோமாபுரம் அண்ணாநகரில் கடந்த சில நாட்களாக சரியாக குடிநீர் விநியோகம் செய்யப்படவில்லை. இதனால் பாதிக்கப்பட்ட அப்பகுதி பொதுமக்கள் ஆழ்துளை கிணற்றின் மின் மோட்டாரை சரிசெய்ய வேண்டும் என பலமுறை அதிகாரியிடம் மனு கொடுத்தனர். ஆனால் எந்தவித நடவடிக்கையும் எடுக்கவில்லை.

இதையடுத்து அப்பகுதி பொதுமக்கள் இன்று காலை கந்தர்வக்கோட்டை - திருச்சி சாலையில் கோமாபுரம் பஸ் நிறுத்தம் அருகே காலிகுடங்களுடன் சாலை மறியலில் ஈடுபட்டனர்.

சம்பவம் குறித்து தகவல் அறிந்த கந்தர்வக்கோட்டை போலீஸ் சப்-இன்ஸ்பெக்டர் பிரபு, மண்டல துணை தாசில்தார் ராமசாமி, ஊராட்சி ஒன்றிய ஆணையர் ரவிச்சந்திரன் ஆகியோர் சம்பவ இடத்திற்கு சென்று பொதுமக்களிடம் பேச்சுவார்த்தை நடத்தினர். அப்போது குடிநீர் கிடைக்க நடவடிக்கை எடுக்கப்படும் என கூறியதையடுத்து, பொதுமக்கள் சாலை மறியலை கைவிட்டு கலைந்து சென்றனர். இதனால் அப்பகுதியில் 1 மணி நேரம் போக்குவரத்து பாதிக்கப்பட்டது. #Tamilnews

விராலிமலை:

புதுக்கோட்டை மாவட்டம் ஆலங்குடி அருகே உள்ள புதுக்கோட்டை விடுதி பகுதியில் உள்ள பெரியார் சிலை உடைக்கப்பட்டது. இது தொடர்பாக ஆலங்குடி போலீசார் விசாரணை நடத்தி, சிலையை உடைத்ததாக அப்பகுதியை சேர்ந்தவரும், சத்தீஸ்கரில் மத்திய பாதுகாப்பு படையில் போலீஸ்காரராக பணியாற்றி வரும் செந்தில்குமார் என்பவரை கைது செய்தனர். பின்னர் அவரை புதுக்கோட்டை கிளை சிறையில் அடைத்தனர்.

இந்நிலையில் செந்தில் குமாரை சஸ்பெண்டு செய்து மத்திய பாதுகாப்பு படை அதிகாரிகள் உத்தரவிட்டுள்ளனர். மேலும் அவரது நடவடிக்கைகள் குறித்தும் விசாரணை நடத்த உள்ளனர். அதன் அடிப்படையிலும் நடவடிக்கை எடுக்கப்படும் என மத்திய பாதுகாப்பு படை அதிகாரிகள் தரப்பில் தெரிவிக்கப்பட்டுள்ளது. #tamilnews

விராலிமலை:

புதுக்கோட்டை மாவட்டம் ஆலங்குடி அருகே அமைந்துள்ளது புதுக்கோட்டை விடுதி கிராமம். இங்குள்ள குளம் அருகே பெரியாரின் முழு உருவ சிலை கடந்த 2013 ஆம் ஆண்டு திராவிடர் கழக தலைவர் கி.வீரமணியால் திறந்து வைக்கப்பட்டது. இதையடுத்து அந்த சிலையை திராவிடர் கழகத்தினர் பராமரித்து வந்தனர்.

இந்தநிலையில் நேற்று காலை பார்த்த போது பெரியார் சிலையின் தலை உடைக்கப்பட்டு துண்டாக கிடந்தது. மேலும் பெரியாரின் கையில் இருந்த தடியும் உடைத்து சேதப்படுத்தப்பட்டிருந்தது. இதைப்பார்த்து அதிர்ச்சி அடைந்த பொதுமக்கள் உடனடியாக ஆலங்குடி போலீசாருக்கு தகவல் தெரிவித்தனர். அதன் பேரில் மாவட்ட போலீஸ் சூப்பிரண்டு செல்வராஜ் மற்றும் அதிகாரிகள், போலீசார் சம்பவ இடத்திற்கு சென்று பார்வையிட்டனர். பின்னர் சிலையை சீரமைக்க உடனடி நடவடிக்கை எடுத்தனர். சம்பவ இடத்தில் திராவிட கழகத்தினர் மற்றும் பல்வேறு அமைப்பினர் திரண்டு போராட்டத்தில் ஈடுபட முயன்றனர். அதிகாரிகள் பேச்சுவார்த்தை நடத்தியதையடுத்து கலைந்து சென்றனர்.

பாரதிய ஜனதா கட்சியின் தேசிய செயலாளர் எச். ராஜா பெரியார் குறித்து சர்ச்சையான கருத்துக்களை வெளியிட்டார். இதைத் தொடர்ந்து வேலூர் அருகே பெரியார் சிலை உடைக்கப்பட்டது. தமிழகத்தின் சில இடங்களில் பெரியார், அண்ணா சிலைகள் அவமதிக்கப்பட்டன. இதன் தொடர்ச்சியாக புதுக்கோட்டை மாவட்டம் ஆலங்குடி அருகே பெரியார் சிலை உடைக்கப்பட்டதால் பெரும் பரபரப்பு ஏற்பட்டது. இதற்கு தி.மு.க. செயல் தலைவர் மு.க.ஸ்டாலின் , ராகுல்காந்தி உள்பட பல்வேறு அரசியல் கட்சி தலைவர்கள் கண்டனம் தெரிவித்தனர்.

இந்தநிலையில் சிலையை உடைத்த மர்நபர்கள் யாரென்று போலீசார் விசாரணை நடத்தி வந்தனர். விசாரணையில் ஆலங்குடி புதுக்கோட்டை விடுதியை சேர்ந்த மத்திய ரிசர்வ் படை தலைமைக்காவலர் செந்தில்குமார் (வயது40) என்பவர் உடைத்திருப்பது தெரியவந்தது. அவரை கைது செய்த போலீசார் ஆலங்குடி கோர்ட்டில் ஆஜர்படுத்தினர். நீதிபதி கலைநிலா, 15 நாள் காவலில் வைக்க உத்தரவிட்டதையடுத்து, செந்தில்குமாரை போலீசார் புதுக்கோட்டை கிளை சிறையில் அடைத்தனர்.


பெரியார் சிலையை உடைத்த வழக்கில் கைது செய்யப்பட்டுள்ள செந்தில் குமார் புதுக்கோட்டை மாவட்டம் ஆலங்குடி அருகே உள்ள புதுக்கோட்டை விடுதி பகுதியை சேர்ந்தவர். சத்தீஸ்கார் மாநிலத்தில் 150-வது பட்டாலியனில் தலைமை காவலராக பணியாற்றி வந்த இவர், 5 நாட்கள் விடுமுறையில் ஊருக்கு வந்திருந்தார்.

மது பழக்கத்துக்கு அடிமையான இவர் நேற்று முன்தினம் இரவு 1மணிக்கு புதுக்கோட்டை விடுதியில் பெரியார் சிலை அருகே உள்ள டாஸ்மாக் பாருக்கு சென்று அங்கிருந்த ஊழியர்களிடம் மது கேட்டுள்ளார். ஆனால் அவர்கள் இல்லையென்று தெரிவித்துள்ளனர். இதையடுத்து ரகளையில் ஈடுபடவே, ஊழியர்கள் அவருக்கு மதுபாட்டில்களை கொடுத்துள்ளனர். அதனை வாங்கி குடித்த அவர், போதையில் அப்பகுதியில் சுற்றி திரிந்துள்ளார்.

அப்போது பெரியார் சிலை மீது ஏறிய அவர், போதை மயக்கத்தில் சிலையின் தலையை கல்லால் தாக்கியுள்ளார். இதில் தலை துண்டானது. இதனால் பயந்து போன அவர், அங்கிருந்து வீட்டிற்கு சென்று விட்டார்.

நேற்று காலை பெரியார் சிலை உடைக்கப்பட்ட சம்பவத்தையடுத்து அப்பகுதியில் ஏராளமான பொதுமக்கள் திரண்டனர். போலீசார் சிலையை உடைத்தது யார் என்பது குறித்து விசாரணை நடத்தி கொண்டிருந்தனர். அப்போது அங்கு சென்ற செந்தில்குமார், பொது மக்களுடன் சேர்ந்து போலீசார் நடத்தும் விசாரணையை பார்த்து கொண்டிருந்துள்ளார்.

இந்தநிலையில் அங்குள்ள டாஸ்மாக் பார் ஊழியர்களிடம் விசாரணை நடத்திய போது, நள்ளிரவு ஒருவர் மது கேட்டு தகராறில் ஈடுபட்டதை தெரிவித்துள்ளனர். இதனால் அவர் மீது சந்தேகமடைந்த போலீசார், யாரென்று கண்டு பிடிப்பதற்காக டாஸ்மாக் பாரில் பொருத்தப்பட்ட கண்காணிப்பு கேமராவில் பதிவான காட்சிகளை பார்வையிடவே, அப்பகுதியில் ரிசர்வ் படை போலீஸ்காரர் செந்தில் குமார் சுற்றி திரிந்தது தெரிய வந்தது.

இதனிடையே போலீசாரிடம் சிக்காமல் இருக்க செந்தில்குமார் வீட்டிற்கு சென்று விட்டார். பின்னர் வீட்டிற்கு சென்ற போலீசார், செந்தில்குமாரை விசாரணைக்காக ஆலங்குடி போலீஸ் நிலையத்திற்கு அழைத்து சென்றனர். அங்கு திருச்சி சரக டி.ஐ.ஜி. லலிதா லட்சுமி, எஸ்.பி.செல்வராஜ் ஆகியோர் விசாரணை நடத்தினர். விசாரணையில் அவர், குடிபோதையில் பெரியார் சிலையை உடைத்ததாக போலீசாரிடம் தெரிவித்தார். இதையடுத்து அவரை போலீசார் கைது செய்தனர். #Tamilnews

புதுக்கோட்டை:

புதுக்கோட்டை மாவட்டம் ஆலங்குடி அருகே அமைந்துள்ளது புதுக்கோட்டை விடுதி கிராமம். இங்குள்ள குளம் அருகே பெரியாரின் முழு உருவச் சிலை கடந்த 25-4-2013 அன்று திராவிடர் கழகத் தலைவர் கி.வீரமணி திறந்து வைத்தார்.

நேற்றிரவு சில மர்ம நபர்கள் பெரியார் சிலையின் தலையை உடைத்து தனியாக துண்டித்தனர். மேலும் பெரியாரின் கையில் இருந்த தடியும் உடைத்து சேதப்படுத்தப்பட்டிருந்தது. துண்டிக்கப்பட்ட தலை அதே பகுதியில் வீசப்பட்டு கிடந்தது. இன்று காலை அங்கு வந்தவர்கள் சிலை உடைக்கப்பட்டிருந்தது கண்டு அதிர்ச்சி அடைந்தனர். உடனடியாக இதுகுறித்து அவர்கள் ஆலங்குடி போலீசாருக்கு தகவல் தெரிவித்தனர்.

அரசின் உத்தரவுப்படி உடைக்கப்படும் தலைவர்களின் சிலைகள் உடனடியாக சீரமைத்து பராமரிக்கும் முயற்சிகள் மேற்கொள்ளப்பட்டன. பெரியாரின் சிலை உடைக்கப்பட்ட சம்பவத்துக்கு பல்வேறு தரப்பினர் எதிர்ப்பும், கண்டனமும் தெரிவித்து வருகின்றனர்.

இந்நிலையில், ஆலங்குடி அருகில் பெரியார் சிலை உடைப்பு விவகாரம் தொடர்பாக சி ஆர் பி எப் வீரர் செந்தில் குமார் என்பவரை போலீசார் இன்று கைது செய்தனர்.

அவரிடம் நடத்திய விசாரணையில், அவர் சத்தீஸ்கர் மாநிலத்தில் வேலை செய்து வருவதும், குடிபோதையில் சிலையை உடைப்பில் ஈடுபட்டதாகவும் வாக்குமூலம் அளித்துள்ளது தெரிய வந்துள்ளது. இதையடுத்து செந்தில்குமாரை கைது செய்த போலீசார் விசாரணை நடத்தி வருகின்றனர்.

விராலிமலை:

புதுக்கோட்டை மாவட்டம் ஆலங்குடி அருகே அமைந்துள்ளது புதுக்கோட்டை விடுதி கிராமம். இங்குள்ள குளம் அருகே பெரியாரின் முழு உருவ சிலை கடந்த 2013 ஆம் ஆண்டு ஏப்ரல் மாதம் 25-ந்தேதி திராவிடர் கழக தலைவர் கி.வீரமணியால் திறந்துவைக்கப்பட்டது.

அப்போதைய புதுக்கோட்டை மாவட்ட தலைவர் ராவணன் தலைமையில் நடந்த இந்த விழாவை தொடர்ந்து திராவிடர் கழகத்தினர் தொடர்ந்து அந்த சிலையை பராமரித்து வந்தனர். பெரியார் நினைவு நாள், பிறந்தநாளன்று சிலைக்கு மாலை அணிவித்து மரியாதை செலுத்தினர்.

இந்த நிலையில் நேற்று இரவு அந்த பகுதிக்கு யாரோ மர்ம நபர்கள் பெரியார் சிலையின் தலையை உடைத்து தனியாக துண்டித்துள்ளனர். மேலும் பெரியாரின் கையில் இருந்த தடியும் உடைத்து சேதப்படுத்தப்பட்டிருந்தது.



துண்டிக்கப்பட்ட தலை பகுதி அதே பகுதியில் வீசப்பட்டு கிடந்தது. இன்று காலை அங்கு வந்தவர்கள் சிலை உடைக்கப்பட்டிருந்தது கண்டு அதிர்ச்சி அடைந்தனர். உடனடியாக இதுகுறித்து அவர்கள் ஆலங்குடி போலீசாருக்கு தகவல் தெரிவித்தனர். அதன்பேரில் போலீசார் மற்றும் வருவாய்த் துறையினர் விரைந்து வந்தனர்.

மேலும் அங்கு பதட்டத்தை தவிர்க்கும் வகையிலும் ஏராளமான போலீசார் குவிக்கப்பட்டனர். மாவட்ட போலீஸ் சூப்பிரண்டு செல்வ ராஜ் மற்றும் அதிகாரிகள் உடனடி நடவடிக்கை எடுத்தனர்.

அரசின் உத்தரவுப்படி உடைக்கப்படும் தலைவர்களின் சிலைகள் உடனடியாக சீரமைத்து பராமரிக்கும் முயற்சிகள் மேற்கொள்ளப்பட்டன. அதன்படி அதிரடியாக செயல்பட்ட அதிகாரிகள் காலை 8 மணிக்கு முன்னதாக உடைக்கப்பட்ட பெரியார் சிலையின் தலையை ஒட்டவைத்தனர். இருந்தபோதிலும் தொடர்ந்து அங்கு போலீசார் குவிக்கப்பட்டு பாதுகாப்பு பணியில் ஈடுபட்டுள்ளனர்.

பாரதிய ஜனதா கட்சியின் தேசிய செயலாளர் எச். ராஜா வின் பெரியார் குறித்த டுவிட்டர் சர்ச்சை கருத்துக்கு எதிர்ப்பு வலுத்து வந்த நிலையில் வேலூர் அருகே பெரியார் சிலை உடைக்கப்பட்டது. நேற்று முன்தினம் நாமக்கல் அருகே பெரியார், அண்ணா சிலைகள் அவமதிக்கப்பட்டன. இதன் தொடர்ச்சியாக தற்போது ஆலங்குடி அருகே பெரியார் சிலை உடைக்கப்பட்டுள்ளது. #tamilnews

அறந்தாங்கி:

புதுக்கோட்டை மாவட்டத்தில் கடந்த ஒரு மாதமாக வெயில் வாட்டி வதைத்து வந்தது. இந்தநிலையில் குறைந்த காற்றழுத்த தாழ்வு நிலை காரணமாக மாவட்டத்தின் சில இடங்களில் கடந்த சில நாட்களாக அவ்வப்போது மழை பெய்து வருகிறது.

இன்று அதிகாலை மாவட்டத்திற்குட்பட்ட கோட்டைப்பட்டினம், மீமிசல் ஆகிய பகுதிகளில் ஒரு மணிநேரம் வரை மழை பெய்தது. இதே போல் அறந்தாங்கியிலும் மழை பெய்தது. இந்த மழையின் காரணமாக வெப்பம் குறைந்து குளிர்ச்சி நிலவியதால் பொதுமக்கள் மகிழ்ச்சியடைந்தனர்.

கரூர் மாவட்டத்தில் நேற்று பல்வேறு இடங்களில் மழை பெய்தது. இன்று காலை வானம் மேகமூட்டத்துடன் காணப்பட்டது.கரூர் நகரில் லேசான சாரல் மழை பெய்தது. மாவட்டத்தில் நேற்று பல்வேறு இடங்களில் பெய்த மழை அளவு மில்லி மீட்டரில் வருமாறு:-

மாயனூர்-15, பால விடுதி-18.03, பஞ்சப் பட்டி-10.3, கிருஷ்ணராயபுரம்-10, அரவக்குறிச்சி-0.8.

திருச்சி, அரியலூர், பெரம்பலூர் மாவட்டங்களில் இன்று காலை வானம் மேக மூட்டத்துடன் காணப்பட்டது. #tamilnews