கிருஷ்ணகிரி

ஓசூர்:

சென்னையில் இருந்து மும்பைக்கு ரூ.15 கோடி மதிப்பிலான செல்போன்கள் கண்டெய்னர் லாரியில் ஏற்றி கடந்த அக்டோபர் மாதம் 21-ந் தேதி புறப்பட்டு சென்றது. கிருஷ்ணகிரி மாவட்டம் சூளகிரி அடுத்த மேலுமலை என்ற இடத்தில் சென்றபோது ஒரு மர்ம கும்பல் , டிரைவர்களை தாக்கி கண்டெய்னர் லாரியில் இருந்த செல்போன்களை கொள்ளையடித்து விட்டு தப்பி சென்றனர்.

பெரும் பரபரப்பை ஏற்படுத்திய இந்த கொள்ளை சம்பவம் பற்றி தனிப்படை போலீசார் விசாரித்து வந்தனர். இதுதொடர்பாக மத்திய பிரதேசத்தை சேர்ந்த பரத் தேஜ்வாணி (வயது 37), அமிதாப் பாத்தா, ராஜேந்திரா சவுகான், பவானி சிங், கமல்சிங், இந்தூரை சேர்ந்த அமீர்கான், பரத் அஸ்வாணி மற்றும் ஹேமர் ஆகிய 8 பேரை போலீசார் கைது செய்தனர். இவர்கள் அனைவரும் சிறையில் உள்ளனர்.

மேலும் திரிபுரா மாநிலத்தை சேர்ந்த ஜாகித் (26), சஜகான் சைமன் (33), ஆகியோர் ஓசூர் கோர்ட்டில் சரண் அடைந்தனர்.

இந்த நிலையில் முக்கிய குற்றவாளியான பரத் தேஜ்வாணியின் தந்தை வினோத் தேஜ்வாணி (வயது 61) துபாயில் இருந்து மும்பை விமான நிலையத்துக்கு கடந்த 4 நாட்களுக்கு முன்பு வந்தார். அவர் பெயரில் இந்தியாவில் உள்ள அனைத்து விமான நிலையங்களுக்கும் லுக் அவுட் நோட்டீசை, கிருஷ்ணகிரி மாவட்ட போலீசார் அனுப்பி இருந்தனர். அதனால் மும்பை விமான நிலையத்தில் இறங்கிய அவரை அங்கிருந்த அதிகாரிகள் கைது செய்தனர்.

இதுகுறித்து தகவல் அறிந்த ஓசூர் தனிப்படை போலீசார் அங்கு சென்று வினோத் தேஜ்வாணியை நேற்று அழைத்து வந்தனர். பின்னர் அவரை ஓசூர் கோர்ட்டில் ஆஜர்படுத்தி சிறையில் அடைத்தனர். அவரை காவலில் எடுத்து விசாரிக்க போலீசார் முடிவு செய்துள்ளனர்.

சூளகிரி:

கர்நாடக மாநில வனப்பகுதியில் இருந்து சுமார் 100-க்கும் மேற்பட்ட யானைகள் தமிழக எல்லையான கிருஷ்ணகிரி மாவட்ட வனப்பகுதிக்குள் முகாமிட்டுள்ளன. இந்த யானைகள் குழுக்களாக பிரிந்து தேன்கனிக்கோட்டை, ஓசூர், சானமாவு, அஞ்செட்டி, உத்தனப்பள்ளி, ஊடேதுர்க்கம் ஆகிய இடங்களில் முகாமிட்டு உள்ளன.

அதே நேரத்தில் யானைகளின் நடமாட்டத்தை வனத்துறையினரும் கண்காணித்து வருகிறார்கள். யானைகள் அதிகாலை மற்றும் இரவு நேரங்களில் கிராமத்துக்குள் புகுந்து விவசாய பயிர்களை நாசம் தெய்து வருகின்றன. இதனால் விவசாயிகள் மிகவும் வேதனை அடைந்து வருகிறார்கள்.

இந்த நிலையில் சூளகிரி அருகே நடந்து சென்ற மூதாட்டியை ஒற்றை யானை இன்று தூக்கி வீசியதில் அவர் பலத்த காயம் அடைந்தார்.

கிருஷ்ணகிரி மாவட்டம் சூளகிரி அருகே உத்தனப்பள்ளி அடுத்த சானமாவு கிராமத்தை சேர்ந்தவர் சாதம்மா (வயது 65).

இவர் வீட்டின் அருகே நடந்து சென்று கொண்டு இருந்தார். அப்போது அங்கு மறைவாக நின்று கொண்டிருந்த ஒற்றையானை திடீரென சாதம்மாவை தாக்கி தூக்கி வீசியது. இதில் அவர் பலத்த காயமடைந்து அலறினார்.

அப்போது சத்தம்கேட்டு அக்கம்பக்கத்தினர் வந்து பார்த்தனர். உடனே அவர்கள் கூச்சல் போட்டதால் அங்கு நின்ற ஒற்றை யானை சென்று விட்டது.

பிறகு காயத்துடன் கிடந்த சாதம்மாவை மீட்டுஒசூர் மருத்தவமனை சேர்த்தனர். மேலும் ஒற்றை யானையின் நடமாட்டம் குறித்து வனத்துறையினருக்கும் கிராம மக்கள் தகவல் கொடுத்தனர். உடனே வனத்துறை ஊழியர்கள் விரைந்து வந்து ஒற்றை யானையின் நடமாட்டத்தை கண்காணித்து வருகிறார்கள்.

சூளகிரி:

பெங்களூருவில் இருந்து சசிகலா நேற்று சென்னைக்கு அ.தி.மு.க. கொடி கட்டிய காரில் புறப்பட்டார். அப்போது வழிநெடுகிலும் அ.ம.மு.க. நிர்வாகிகள், தொண்டர்கள் உற்சாக வரவேற்பு அளித்தனர்.

சசிகலா அ.தி.மு.க. உறுப்பினர் இல்லாததால் அ.தி.மு.க. கொடியுடன் காரில் வரும் சசிகலாவுக்கு கொடி பறக்க அனுமதிக்க முடியாது என ஓசூர் போலீசார் அவருக்கு நோட்டீஸ் அளிக்க தயார்நிலையில் இருந்தனர்.

தமிழக எல்லையை எட்டுவதற்கு 2 கிலோ மீட்டர் முன்பு வக்கீல்கள் ஆலோசனைப்படி திடீரென சாலையோரத்தில் காரை நிறுத்தி வேறு காருக்கு சசிகலா மாறினார். அந்த கார், கிருஷ்ணகிரி மாவட்டம் சூளகிரி கிழக்கு ஒன்றிய அ.தி.மு.க. எம்.ஜி.ஆர். இளைஞரணி செயலாளர் சம்பங்கி கார் என்பதால் அ.தி.மு.க. கொடி கட்டப்பட்டு இருந்தது.

பின்னர் அங்கிருந்து செல்லும் வழியில் ஓசூர், சூளகிரி வழியாக கிருஷ்ணகிரிக்கு சசிகலா காரில் வந்தார். அங்கு ஆவின் மேம்பாலம், தொன்னையன் கொட்டாய், கந்தி குப்பம் மற்றும் பர்கூர் என மாவட்டம் முழுவதும் கட்சியினர் ஆதரவாளர்கள் சாலையின் இருபுறமும் திரண்டு வரவேற்பு அளித்தனர்.

இதற்கிடையே சசிகலாவுக்கு வாகனம் வழங்கிய மற்றும் வரவேற்பு அளித்த சூளகிரி அ.தி.மு.க. நிர்வாகி சம்பங்கி, ஒன்றிய கவுன்சிலர் ஆனந்த், ஒன்றிய விவசாய அணி செயலாளர் சந்திரசேகர ரெட்டி, மாவட்ட பிரதிநிதி ஜானகி ரவீந்திரரெட்டி, கெம்மேப்பள்ளி பஞ்சாயத்து தகவல் தொழிற்நுட்ப பிரிவு பொறுப்பாளர் பிரசாந்த்குமார், ஒன்றிய இளைஞர் மற்றும் இளம்பெண்கள் பாசறை தலைவர் நாகராஜ் ஆகிய 6 பேரை கட்சியின் அடிப்படை உறுப்பினர் பொறுப்பில் இருந்து நீக்குவதாக கட்சியின் ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் அறிக்கையில் தெரிவித்துள்ளனர்.

சசிகலாவுக்கு வரவேற்பு அளித்த அ.தி.மு.க. நிர்வாகிகள் 6 பேர் ஒரே நேரத்தில் கட்சியில் இருந்து நீக்கியது பரபரப்பை ஏற்படுத்தியுள்ளது.

தற்போது கட்சியில் இருந்து நீக்கப்பட்ட சம்பங்கி உள்பட 6 பேரும் அ.தி.மு.க. துணை ஒருங்கிணைப்பாளர் கே.பி.முனுசாமி எம்.பி.யின் தீவிர ஆதரவாளர்கள் என்பது குறிப்பிடத்தக்கது.

எங்களை கட்சியில் இருந்து நீக்க ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோருக்கு எந்த அதிகாரமும் இல்லை. சசிகலாவுக்கு மட்டுமே அதிகாரம் உள்ளது. அ.தி.மு.க. தொடர்பான வழக்கு நிலுவையில் உள்ளது.

அப்படி இருக்கும்போது எங்களை எப்படி கட்சியில் இருந்து நீக்க முடியும்? கட்சியில் இருந்து எங்களை நீக்கியதை சட்டப்படி சந்திப்போம்.

மாநில எல்லையில் அ.தி.மு.க. கொடியுடன் தான் சசிகலாவுக்கு வரவேற்பு அளித்தோம். நாங்கள் அ.ம.மு.க. கொடியை ஏந்தவில்லை. மேலும் அக்கட்சியிலும் சேரவில்லை. இதனால் எங்களை எப்படி கட்சியில் இருந்து நீக்கினார்கள். சசிகலா கார் பழுதானதால் எனது காரை வழங்கினேன். இதில் எந்த தவறும் இருப்பதாக எனக்கு தெரியவில்லை.

இவ்வாறு அவர் கூறினார்.

ஓசூர்:

கிருஷ்ணகிரி மாவட்டம் ஓசூர் பகுதியானது நல்ல மண்வளம் சீரான தட்ப வெப்பநிலையை கொண்டுள்ளதால் இங்கு அதிக அளவில் ரோஜாமலர் சாகுபடி செய்யப்பட்டு வருகிறது. பசுமைகுடில்கள் மற்றும் திறந்தவெளி மூலம் சுமார் 2 ஆயிரம் ஏக்கருக்கு அதிகமான பரப்பளவில் ரோஜா மலர்கள் சாகுபடி மேற்கொள்ளப்பட்டு வருகிறது.

இங்கு உற்பத்தி செய்யப்படும் தாஜ்மஹால், நொப்ளஸ், பர்ஸ்ட்ரெட், கிரான்ட்காலா, பிங்க், அவலான்ஜ் உள்ளிட்ட 35க்கும் மேற்பட்ட வகையான ரோஜாமலர்கள் கிறிஸ்துமஸ், புத்தாண்டு மற்றும் காதலர் தினம் ஆகிய விழா கொண்டாட்டங்களுக்காக மலேசியா, சிங்கப்பூர், ஆஸ்திரேலியா, வளைகுடா நாடுகள் உள்ளிட்ட உலகின் பல்வேறு நாடுகளுக்கு ஏற்றுமதி செய்யப்பட்டு வருகிறது. இதில் காதலர் தினத்திற்கு மட்டும் ஆண்டுக்கு ஒரு கோடி மலர்கள் இங்கிருந்து வெளிநாடுகளுக்கு ஏற்றுமதி செய்யப்பட்டு வருகிறது. இதன் மூலம் அன்னிய முதலீடுகளும் பெறப்படுகின்றன.

இந்த நிலையில் இந்த ஆண்டு பிப்ரவரி 14 காதலர் தின கொண்டாட்டங்களுக்காக வெளிநாட்டு ஆர்டர்கள் இதுவரை வரவில்லை என ஓசூர் பகுதி ரோஜாமலர் சாகுபடி விவசாயிகள் வேதனை தெரிவித்துள்ளனர்.

ஒவ்வொரு ஆண்டும் ஜனவரி மாத இறுதி நாள் களில் உலகின் பல்வெறு நாடுகளிலிருந்து ரோஜா மலர்களை அனுப்பி வைக்க ஆர்டர்கள் வரும். ஆனால் நடப்பாண்டு தற்போது வரை வெளிநாடுகளிலிருந்து எந்த ஆர்டர்களும் வரவில்லை எனக்கூறப்படுகிறது. உலகின் பல நாடுகளில் இன்றளவும் கொரோனா தாக்கம் இருப்பதால் காதலர் தினம் போன்ற விழாக்கள் கோலாகலமாக கொண்டாடப்படவில்லை என்பதுதான் இதற்கு காரணமாக கூறப்படுகிறது.

இந்தியாவிலுள்ள உள்ளுர் சந்தைகளில் ஓசூர் ரோஜா மலர்களுக்கு தற்போது நல்ல விலை கிடைத்து வருகிறது. இருந்த போதிலும் காதலர் தின விழாவிற்காக வெளிநாடுகளுக்கு ரோஜா மலர்கள் ஏற்றுமதியானால் விவசாயிகளுக்கு அதிக இலாபம் கிடைக்கும் என எதிர்பார்க்கின்றனர்.

ரோஜாமலர் விவசாயத்தை நம்பி ஓசூர் மற்றும் அதன் சுற்றுப்புற பகுதிகளில் 2 ஆயிரம் விவசாயிகளும், 10,000க்கும் அதிகமான தொழிலாளர்களும் உள்ளனர். கொரோனா ஊரடங்கு காலத்தில் ரோஜா மலர் விவசாயம் கடுமையாக பாதிக்கப்பட்டு நஷ்டத்தை சந்தித்த இவர்கள் தற்போது காதலர் தின ஏற்றுமதியை நம்பி உள்ளனர். காதலர் தின விழாவிற்காக இதுவரை வெளி நாடுகளிலிருந்து ஆர்டர்கள் வராததால் வேதனை அடைந்துள்ளனர்.

ஓசூர்:

பெங்களூருவில் இருந்து அதிமுக கொடி பொருத்திய காரில் சசிகலா இன்று தமிழகம் புறப்பட்டார். சென்னை புறப்படும்போது பெங்களூவில் ஜெயலலிதா படத்துக்கு மலர் தூவி சசிகலா, டிடிவி தினகரன் மரியாதை செலுத்தினர்.

அதிமுக கொடியை பயன்படுத்தக்கூடாது என்று காவல்துறை அறிவுறுத்திய நிலையில் காரில் மீண்டும் அதிகமுக கொடியுடன் தமிழகம் புறப்பட்டார் சசிகலா.

பெங்களூருவில் இருந்து புறப்பட்ட சசிகலா, தமிழக எல்லைப்பகுதி அருகே வேறு காருக்கு மாறினார். வேறு காருக்கு மாறிய நிலையில் அவர் முன்பு வந்த காரில் இருந்த அதிமுக கொடி அகற்றப்பட்டது.

தமிழக எல்லைப்பகுதிக்குள் வந்தடைந்த சசிகலாவிற்கு அமமுக. தொண்டர்கள் உற்சாக வரவேற்பு அளித்தனர்.

இந்நிலையில் அதிமுக கொடியை பயன்படுத்தக் கூடாது என காவல்துறையினர் ச‌சிகலா தரப்பு வழக்கறிஞர் ராஜா செந்தூர்பாண்டியனிடம் நோட்டீஸ் வழங்கினர்.

நோட்டீசை பெற்றுக்கொண்ட அவர் காவல்துறையின் நோட்டீஸ் எங்களை கட்டுப்படுத்தாது என்று கூறினார்.

ஓசூர்:

பெங்களூருவில் இருந்து அதிமுக கொடி பொருத்திய காரில் சசிகலா இன்று தமிழகம் புறப்பட்டார். சென்னை புறப்படும்போது பெங்களூவில் ஜெயலலிதா படத்துக்கு மலர் தூவி சசிகலா, டிடிவி தினகரன் மரியாதை செலுத்தினர்.

அதிமுக கொடியை பயன்படுத்தக்கூடாது என்று காவல்துறை அறிவுறுத்திய நிலையில் காரில் மீண்டும் அதிகமுக கொடியுடன் தமிழகம் புறப்பட்டார் சசிகலா. சொத்துக்குவிப்பு வழக்கில் தண்டனை முடிந்து விடுதலை ஆன இளவரசியும் காரில் சென்னை திரும்புகிறார்.

சென்னை வரும் சசிகலாவுக்கு தமிழக எல்லையான அத்திப்பள்ளியில் இருந்து சென்னை இல்லம் வரை சாலையின் இருமருங்கிலும் அமமுகவினர் திரண்டு நின்று வரவேற்பு அளிக்க உள்ளனர்.

இந்நிலையில் பெங்களூருவில் இருந்து புறப்பட்ட சசிகலா, தமிழக எல்லைப்பகுதி அருகே வேறு காருக்கு மாறினார். வேறு காருக்கு மாறிய நிலையில் அவர் முன்பு வந்த காரில் இருந்த அதிமுக கொடி அகற்றப்பட்டது.

தமிழக எல்லைப்பகுதிக்குள் வந்தடைந்த சசிகலாவிற்கு அமமுக. தொண்டர்கள் உற்சாக வரவேற்பு அளித்தனர்.

அதிமுக கொடியுடன் தான் பயணிப்போம் என்று சசிகலாவின் வழக்கறிஞர் ராஜா செந்தூர்பாண்டியன் கூறினார். காவல் துறை நோட்டீஸ் அளித்தால் சட்டப்பூர்வமாக எதிர்கொள்வோம் என்றும் அவர் தெரிவித்துள்ளார்.