நீங்கள் தேடியது "காப்பீடு"

உத்தர பிரதேசத்தில் காப்பீட்டுப் பணத்திற்காக போலியான இறுதிச் சடங்கு நடத்தப்பட்டது கண்டு அதிகாரிகள் அதிர்ச்சியடைந்தனர்.

உத்தர பிரதேசத்தில் உள்ள கர்முக்தேஷ்வர் கங்கா காட் பகுதிக்கு நான்கு பேர் ஒரு இறந்த உடலை தகனத்திற்காக கொண்டு வந்தனர்.

சடங்குகளின்படி இறுதிச் சடங்கை செய்வதற்குப் பதிலாக, உடலை நேரடியாகச் சிதைக்கு எடுத்துச் சென்று தகனத்தைத் தொடங்கினர்.

நால்வரும் சந்தேகப்படும்படி நடந்து கொண்டதால், உள்ளூர்வாசிகள் தகனத்தை நிறுத்தினர். உடலில் இருந்த துணிகள் அகற்றப்பட்டபோது, ஒரு பிளாஸ்டிக் போலி உடல் கண்டெடுக்கப்பட்டது.

அவர்கள் அங்கிருந்து தப்பிக்க முயன்ற நிலையில் உள்ளூர்வாசிகள் அவர்களில் இருவரைப் பிடித்து காவல்துறையிடம் ஒப்படைத்தனர். மேலும் இருவர் தப்பி ஓடிவிட்டனர்.

போலீசார் பிடிபட்ட இருவரை விசாரித்தபோது, அதிர்ச்சியூட்டும் விஷயம் வெளிச்சத்துக்கு வந்தது.

கைது செய்யப்பட்ட டெல்லியின் கைலாஸ்புரியைச் சேர்ந்த துணிக்கடை நடத்தி வந்த கமல் சோமானி ரூ.50 லட்சத்திற்கு மேல் கடன் வாங்கியிருப்பது கண்டறியப்பட்டது. அதிலிருந்து தப்பிக்க, அவர் தனது நண்பர் ஆஷிஷ் குரானாவுடன் ஒரு திட்டம் தீட்டினார்.

இந்தத் திட்டத்தின் ஒரு பகுதியாக, கமல் சோமானி, முன்பு தன்னிடம் பணிபுரிந்த அன்ஷுல் குமாரின் ஆதார் மற்றும் பான் கார்டுகளை பய்னபடுத்தி ஒரு வருடம் முன்பு, அன்ஷுலின் பெயரில் ரூ.50 லட்சத்திற்கான ஆயுள் காப்பீட்டுக் கொள்கையை வாங்கி, பிரீமியத்தை தவறாமல் செலுத்தினார். காப்பீட்டுத் தொகையைப் பெற, அன்ஷுல் இறந்துவிட்டதாகக் காட்ட போலி இறப்புச் சான்றிதழைப் பெற்றார்.

பின்னர், நண்பர்களின் உதவியுடன், தான் உடலை தகனம் செய்வதாக அனைவரையும் நம்ப வைக்க போலி இறுதிச் சடங்கு செய்ய முயன்றார்.

போலீசார் அன்ஷுலைத் தொடர்பு கொண்டபோது, அவர் ஆரோக்கியமாக இருப்பதாகவும், தனது பெயரில் பாலிசி இருப்பது கூட தெரியாது என்றும் கூறினார்.

இதன் மூலம், கமல் சோமானி மற்றும் அவரது நண்பரை போலீசார் கைது செய்தனர். தலைமறைவாக உள்ள இருவரையும் தேடி வருகின்றனர். 

நாடு முழுவதும் ஆயுள் (Life) மற்றும் சுகாதார (Health) காப்பீட்டு பிரீமியங்கள் மீதான தற்போதைய 18 சதவீத ஜிஎஸ்டியை முற்றிலுமாக ரத்து செய்யுமாறு மத்திய அரசுக்கு அமைச்சர் குழு (GoM) பரிந்துரைத்துள்ளது.

இந்த திட்டம் செயல்படுத்தப்பட்டால், பாலிசிகளின் பிரீமியங்கள் கணிசமாகக் குறையும்.

மறைமுக வரி முறையில் கொண்டு வரப்பட வேண்டிய சீர்திருத்தங்கள் குறித்து விவாதிக்க புதன்கிழமை டெல்லியில் பீகார் துணை முதல்வர் சாம்ராட் சௌத்ரி தலைமையில் இந்த குழு கூடியது.

கூட்டத்திற்குப் பிறகு பேசிய சாம்ராட் சவுத்ரி, ஆயுள் மற்றும் சுகாதார காப்பீட்டு பிரீமியங்கள் மீதான ஜிஎஸ்டியை 18 சதவீதத்திலிருந்து பூஜ்ஜிய சதவீதமாகக் குறைக்க முன்மொழிந்துள்ளதாகத் தெரிவித்தார்.

கூட்டத்தில் பங்கேற்ற தெலுங்கானா அமைச்சர் மல்லு பட்டி விக்ரமார்கா, இந்த முடிவால் அரசுக்கு சுமார் ரூ.9,700 கோடி வருவாய் இழப்பு ஏற்படும் என்று குறிப்பிட்டார்.

மாநிலங்கள் இந்த 15 சதவீத ஜிஎஸ்டியை நீக்க தயாராக இருப்பதாகவும், இது குறித்து ஜிஎஸ்டி கவுன்சிலில் முடிவு எடுக்கப்படும் என்றும் அவர் கூறினார்.

இந்திய பொருளாதாரத்தை வலுப்படுத்த ஜிஎஸ்டியில் பெரிய மாற்றங்கள் கொண்டுவரப்படும் என்று பிரதமர் மோடி அண்மையில் பேசியிருந்தார்.

இந்நிலையில் அமைச்சர்கள் குழுவால் வழங்கப்பட்ட இந்த பரிந்துரைகள் குறித்த இறுதி முடிவு மத்திய நிதியமைச்சர் நிர்மலா சீதாராமன் தலைமையில் அடுத்த மாதம் நடைபெறும் ஜிஎஸ்டி கவுன்சில் கூட்டத்தில் எடுக்கப்படும் என்று தெரிகிறது. 

ஒரு சின்ன சுகாதார பிரச்சனை அல்லது திடீரென நேர்ந்த மருத்துவ உங்கள் சேமிப்புகளைவே காலி செய்துவிடும் என்பதைச் கனவில் கூட நினைத்ததுண்டா? இன்று வேலைவாய்ப்பு மையமாகவும் வாழ்க்கை முறையிலும், டெட்லைன்கள், அழுத்தங்கள் மற்றும் ஓட்டப்பந்தயங்கள் இடையே நம்மையும் நம் குடும்பத்தினரையும் பாதுகாக்கும் மிக முக்கியமான ஆயுதம்தான் சுகாதார காப்பீடு.

இது வெறும் மருத்துவமனைக் கட்டணங்களை குறைக்கும் எளிய ஒரு திட்டமல்ல. நேரத்தில், சரியான சிகிச்சையை பெற்றுக்கொள்ளும் உரிமையை இது உங்களுக்கு அளிக்கிறது. இன்றைய டிஜிட்டல் காலத்தில், ACKO ஆன்லைன் போன்ற ஆன்லைன் காப்பீட்டு நிறுவனங்கள் மிகவும் எளிமையான மற்றும் விரைவான சுகாதார காப்பீட்டு சேவைகளை வழங்குகின்றன. ஊதியத்திற்கு வேலை செய்யும் நபர்களுக்காக, ஒவ்வொரு மாதமும் செலுத்தும் சிறிய தொகை, எதிர்காலத்தில் ஒரு பெரிய பாதுகாப்பாக மாறும்.

இந்த வலைப்பதிவில், வேலைக்குச் செல்லும் பெண்கள் மற்றும் ஆண்களுக்கு சுகாதார காப்பீடு ஏன் அவசியம், அதன் நன்மைகள் என்னென்ன, மற்றும் சரியான காப்பீட்டு திட்டத்தை எப்படி தேர்வு செய்வது என்பதை எளிமையாகப் பார்க்கப்போகிறோம்.

சுகாதார காப்பீடு என்றால் என்ன?

ஒருவருக்குத் திடீர் மருத்துவச் செலவுகள் ஏற்பட்டால், அதனை காப்பீடு நிறுவனம் ஏற்றுக் கொள்வதற்காக முன்பே நீங்கள் ஒரு திட்டத்தில் சேர்கிறீர்கள். அதற்கு மாதம் அல்லது வருடத்திற்கு ஒரு சிறிய தொகை செலுத்துகிறீர்கள். இதைதான் சுகாதார காப்பீடு என அழைக்கிறோம்.

இந்த காப்பீடு ஒரு பாதுகாப்புக் கவசம் போன்று செயல்படுகிறது. மருத்துவமனையில் சிகிச்சைக்கு செல்லும் நேரத்தில் நீங்கள் செலவழிக்க வேண்டிய பணத்தை தக்க சந்தர்ப்பத்தில் காப்பாற்றும் சக்தி இதற்கே உண்டு.

ஏன் வேலைக்குச் செல்லும் நபர்களுக்கு இது அவசியம்?

1. மன அழுத்தம், தூக்கமின்மை, தவறான உணவு பழக்கவழக்கம் ஆகியவை இன்றைய வேலைக்குச் செல்லும் தலைமுறையில் அதிகம் காணப்படுகிறது.

2. மருத்துவச் செலவுகள் நாளுக்கு நாள் உயர்ந்துகொண்டே போகின்றன. ஒரு சாதாரண சிகிச்சைக்கும் இன்று ஆயிரக்கணக்கில் செலவாகிறது.

3. வங்கி சேமிப்புகள் மட்டும் மருத்துவ அவசர நிலைகளை சமாளிக்க போதுமானதல்ல.

4. சிகிச்சைக்காக கடன் எடுப்பதற்குப் பதிலாக, ACKO Health Insurance Plans போன்ற ஒரு நல்ல சுகாதார காப்பீட்டு திட்டத்தில் நீங்கள் מראש முதலீடு செய்வது சிறந்தது.

வேலைக்குச் செல்லும் நபர்கள் ஏன் சுகாதார காப்பீடு எடுக்க வேண்டும்?

1. பணம் செலுத்தாமல் மருத்துவமனையில் சிகிச்சை

சம்பளம் பெறும் ஊழியர்களின் வருமானத்தில் பெரும்பகுதி வீட்டு வாடகை, EMI, குடும்பச் செலவுகள் என போய் விடுகிறது. அப்படியான சமயத்தில் திடீரென மருத்துவ செலவு வந்தால் கையிருப்பில் உள்ள பணம் போதாது. சுகாதார காப்பீடு இருந்தால் கேஷ்லெஸ் சிகிச்சை வசதி கிடைக்கும். காப்பீட்டு நிறுவனம் நேரடியாக மருத்துவமனைக்கு பணம் செலுத்தும்.

2. சிகிச்சைக்கு முன்/பிறகு வரும் செலவுகளும் கவர்

ஆபீஸ் வேலை செய்வோருக்கு அழுத்தம், தவறான உணவு பழக்கம் போன்ற காரணங்களால் உடல் நல பிரச்சினைகள் ஏற்படும். காப்பீடு மருத்துவமனைச் செலவுடன் மட்டுமல்லாமல், சிகிச்சைக்கு முன் செய்யப்படும் பரிசோதனைகள் மற்றும் சிகிச்சைக்கு பின் மருந்துகள்/பராமரிப்பு செலவுகள் ஆகியவற்றையும் காப்பாற்றும்.

3. வரி சலுகை (பிரிவு 80D)

சம்பளம் பெறும் ஊழியர்கள் வருமானவரி செலுத்த வேண்டியிருக்கும். ஆனால் சுகாதார காப்பீட்டு ப்ரீமியத்திற்கு பிரிவு 80Dன் கீழ் ₹25,000 (மூத்த குடிமக்கள் பெற்றோருக்கு ₹50,000 வரை) கழிவு கிடைக்கும். இதனால் மருத்துவ பாதுகாப்போடு சேர்த்து வரி சேமிப்பும் கிடைக்கும்.

4. குடும்பத்தினரை ஒரே திட்டத்தில் சேர்க்கும் வசதி

வேலைக்குச் செல்லும் நபர்களுக்கு தனித் தனியாக காப்பீடு வாங்க நேரமில்லை. Family Floater Policy மூலம் ஒரு ப்ரீமியத்திலேயே வாழ்க்கைத்துணை, குழந்தைகள், பெற்றோர் வரை கவரேஜ் கிடைக்கும். இது செலவிலும் குறைவு, சிரமமும் இல்லை.

5. மனநிம்மதி - வேலையில் கவனம் செலுத்த முடியும்

ஆபீஸில் வேலை செய்கையில் வீட்டில் யாராவது உடல்நிலை பாதிக்கப்பட்டால் முதலில் வரும் கவலை பணம் பற்றியதுதான். சுகாதார காப்பீடு இருந்தால் அந்த சுமை குறைந்து விடும். எப்போது வேண்டுமானாலும் மருத்துவ செலவுகள் காப்பாற்றப்படும் என்ற நிம்மதி கிடைக்கும்.

மொத்தத்தில், சுகாதார காப்பீடு என்பது வேலைக்கு செல்வோருக்கு மருத்துவ செலவுகளை குறைக்கும் வழி மட்டுமல்ல; அது வரி சேமிப்பும் மன அமைதியும் தரும் பாதுகாப்புக் கவசம்.

சரியான காப்பீடு திட்டம் தேர்வு செய்வது எப்படி?

ஒரு நல்ல திட்டம் தேர்வு செய்ய, கீழ்கண்ட விஷயங்களை கவனத்தில் கொள்ள வேண்டும்:

* உங்களுக்கேற்றும் குடும்பத்திற்கேற்றும் எவ்வளவு கவரேஜ் தேவை என்பதை கணிக்கவும்

* மாத அல்லது ஆண்டு கட்டண தொகை (Premium) பொருத்தமாக இருக்க வேண்டியது அவசியம்

* Claim செய்யும் நடைமுறை எளிமையாக இருக்க வேண்டும்

* உங்கள் பகுதியில் உள்ள முக்கிய மருத்துவமனைகள் அந்த காப்பீட்டுத் திட்டத்தில் உள்ளதா என்பதும் பார்க்க வேண்டும்

* Online மற்றும் customer support வசதிகள் இருக்க வேண்டும்

ஊழியர்களுக்கான சுகாதார காப்பீட்டின் நன்மைகள்

இன்றைய காலக்கட்டத்தில் பெரும்பாலான நிறுவனங்கள் தங்கள் ஊழியர்களுக்கு சுகாதார காப்பீட்டு வசதிகளை வழங்குகின்றன. இவ்வாறு வழங்கப்படும் காப்பீட்டு திட்டங்கள், மருத்துவச் செலவுகளிலிருந்து பாதுகாப்பை வழங்குவதோடு, அவசரகாலங்களில் நிதியியல் ஆதரவையும் தருகின்றன.

அதே நேரத்தில், இன்றைய டிஜிட்டல் யுகத்தில் ஆன்லைன் விருப்பங்கள் மிகவும் எளிதாகவும், விரைவாகவும், நம்பகத்தன்மையுடன் கூடிய காப்பீட்டு சேவைகளை வழங்குகின்றன. இதனால் sayesinde ஊழியர்கள் மேலும் பாதுகாப்பாக இருக்க முடிகிறது.

* நிதி பாதுகாப்பு: சுகாதார காப்பீடு மருத்துவ செலவுகள், மருத்துவமனையில் சேர்த்தல், அறுவை சிகிச்சைகள் மற்றும் மருத்துவமனையில் சேரும் முன்/பின் செலவுகள் போன்ற அதிக செலவுகளிலிருந்து ஊழியர்களை பாதுகாக்கிறது.

* தரமான சிகிச்சைக்கு அணுகல்: ஊழியர்கள் நெட்வொர்க் மருத்துவமனைகள் மற்றும் மருத்துவர்களின் சேவைகளைப் பெறலாம். பல சந்தர்ப்பங்களில் 'கேஷ்லெஸ்' சிகிச்சை கிடைப்பதால் அவசரநிலையில் பணச் சுமை குறைகிறது.

* குடும்பத்தினருக்கான கவர்: பல திட்டங்கள் ஊழியர் மட்டுமின்றி அவர்களின் துணைவர், பிள்ளைகள் மற்றும் சில நேரங்களில் பெற்றோர்களையும் கவரேஜில் சேர்க்கின்றன.

* முன்பிருந்த நோய்களுக்கு கவர்: குழு காப்பீட்டுத் திட்டங்களில் பொதுவாக தொடங்கிய நாள் முதலே நீண்டநாள் நோய்களும் கவராகின்றன, இதனால் நிலையான நோய்கள் உள்ளவர்களுக்கு மனநிம்மதி கிடைக்கிறது.

* கர்ப்ப கால நன்மைகள்: சில திட்டங்களில் கர்ப்பம் தொடர்பான செலவுகள் மற்றும் புதிதாக பிறக்கும் குழந்தையின் பராமரிப்பு செலவுகளும் அடங்கியிருக்கும்.

* தடுப்பு மற்றும் நலத் திட்டங்கள்: பல திட்டங்கள் சுகாதார பரிசோதனைகள், நலப்பணிகள் மற்றும் ஜிம் சலுகைகள் போன்றவற்றை வழங்கி ஆரோக்கியமான வாழ்க்கை முறையை ஊக்குவிக்கின்றன.

* வரி நன்மை: காப்பீட்டு ப்ரீமியம் செலுத்தும் ஊழியர்களுக்கு வருமானவரி சட்டத்தின் பிரிவு 80Dன் கீழ் வரிவிலக்கு கிடைக்கலாம்.

வேலை விட்டு வெளியேறிய பிறகும் ஹெல்த் இன்சூரன்ஸ் தொடரலாம்

நீங்கள் ஒரு ப்ரைவெட் வேலை பார்த்து கொண்டு இருக்கிறீர்கள் மற்றும் வேலையை விட்டு செல்லும் காரணமாக தற்காலிகமான புதிய வேலைக்கு செல்லும் திட்டமிட்டால், ஒரு முக்கிய விஷயத்தை நீங்கள் அறிந்திருக்க வேண்டும். அந்த வேலை விட்டு வெளியேறியவுடன், அதில் உங்களுக்கு கிடைத்த மாத சம்பளத்தோடு சேர்ந்து, எம்ப்ளாயர் (Employer) வழங்கிய ஹெல்த் இன்சூரன்ஸ் பாதுகாப்பும் தங்கிவிடும்.

புதிய நிறுவனம் சேர்ந்தவுடன் புதிய ஹெல்த் இன்சூரன்ஸ் திட்டம் உங்களுக்கு வழங்கப்படும். ஆனால் அதற்கிடையே மருத்துவ அவசர நிலை ஏற்பட்டால் என்ன செய்வீர்கள்? அப்போது ஹெல்த் இன்சூரன்ஸ் இல்லாததால் அனைத்து மருத்துவச் செலவுகளையும் உங்கள் சொந்த செலவாகவே ஏற்க வேண்டிய நிலை ஏற்படும்.

இந்த பிரச்சனையைத் தவிர்க்க ஒரு தீர்வு உள்ளது, உங்கள் தற்போதைய கார்ப்பரேட் ஹெல்த் இன்சூரன்ஸ் திட்டத்தை, வேலைவிட்டு வெளியேறுவதற்கு முன் தனிநபர் ஹெல்த் இன்சூரன்ஸ் (Individual Health Insurance) திட்டமாக மாற்றிக்கொள்ளலாம்.

இதன்மூலம், வேலைவிட்ட பிறகும் உங்கள் கையிலே ஒரு சுகாதாரக் காப்பீடு தொடரும். எந்தவிதமான அவசரநிலையிலும் நீங்கள் நிதி சிக்கலுக்கு ஆளாக வேண்டிய நிலை உருவாகாது.

வேலைக்குச் செல்லும் பெண்களுக்கு சுகாதார காப்பீட்டின் மூலம் கிடைக்கும் வசதிகள்

பெண்கள் சுகாதார காப்பீட்டின் முக்கியமான நன்மைகளில் ஒன்று மாதவிடாய் கவரேஜ் ஆகும். கர்ப்பம் மற்றும் பிரசவம் என்பது வாழ்க்கையை மாற்றும் அனுபவமாகும், குறிப்பாக வேலைக்கும் குடும்பத்துக்கும் சமநிலை பாதுகாக்கும் பெண்களுக்கு இது மிக முக்கியம்.

மாதவிடாய் கவரேஜுடன் கூடிய சுகாதார காப்பீட்டு திட்டம், கர்ப்ப கால பராமரிப்பு, பிரசவச் செலவுகள் மற்றும் பிறப்பிற்குப் பிந்தைய மருத்துவச் செலவுகள் ஆகியவற்றுக்கு நிதி ஆதரவை வழங்குகிறது. இதன் மூலம், மாதவிடாய் விடுப்பில் இருக்கும்போதும் நிதி பற்றாக்குறையின்றி உங்கள் உடல் நலனில் கவனம் செலுத்த முடியும்.

நம் வாழ்க்கையில் மருத்துவ அவசர நிலை என்பது எப்போது வரும் என்று கூற முடியாது. ஆனால் அதற்கான ஏற்பாடு செய்வது நம் பொறுப்பே. வேலைக்குச் செல்லும் நபர்களாக இருக்கின்ற நம்மால், நம் உடல்நலத்தையும் நிதியையும் சமநிலையாக வைத்திருக்க வேண்டிய கட்டாயம் இருக்கிறது.

சிறிய முதலீடு மூலம், பெரிய அபாயங்களைத் தவிர்க்கும் வழி சுகாதார காப்பீடு தான். இன்று நாம் எடுக்கும் ஒரு சிந்தனையுடன் கூடிய முடிவு, நாளைய நிம்மதியான வாழ்க்கையை உறுதிப்படுத்தும்.

பிரிட்டனில் உள்ள ஒரு மருத்துவர் காப்பீட்டுத் தொகைக்காக தனது கால்களை அகற்றிய சம்பவம் அரங்கேறி உள்ளது. 5 லட்சம் பவுண்டுகள் (ரூ. 5.4 கோடி) கிடைக்கும் என்ற நம்பிக்கையில் இரண்டு முழங்கால்களுக்கும் கீழே உள்ள பகுதியை அகற்றினார்.

நீல் ஹாப்பர் (49) என்ற அந்த மருத்துவர் தனது இரண்டு கால்களையும் வேண்டுமென்றே அகற்றியதாக காப்பீட்டு நிறுவனங்கள் நீதிமன்றத்தை அணுகியுள்ளன. இந்த வழக்கு தற்போது விசாரணையில் உள்ளது.

உடலுக்கு தீங்கு விளைவிக்காமல் முழங்கால்களை எவ்வாறு அகற்றுவது என்பது குறித்த சில பிரீமியம் வீடியோக்களை நீல் ஒரு வலைத்தளத்திலிருந்து வாங்கியது கண்டறியப்பட்டது. அவற்றின் அடிப்படையில், அவர் மற்றொரு மருத்துவரின் உதவியுடன் தனது இரண்டு கால்களையும் அகற்றினார்.

தனக்கு இரத்த நாளப் பிரச்சினை இருப்பதாகவும், முழங்கால்கள் அகற்றப்படாவிட்டால், அது உடல் முழுவதும் பரவும் என்றும் தங்களை நம்ப வைக்க முயன்றதாக காப்பீட்டு நிறுவனங்கள் தங்கள் புகாரில் தெரிவித்துள்ளன. 

நாடு முழுவதும் சாலை விபத்தில் காயமடைந்தால் இலவச சிகிச்சை வழங்கப்படும் என மத்திய அரசு அறிவித்துள்ளது.

இது தொடர்பாக மத்திய சாலைப் போக்குவரத்து மற்றும் நெடுஞ்சாலைத் துறை இது தொடர்பான அரசாணை வெளியிட்டுள்ளது. இந்த ஆணை நேற்று (மே 5) முதல் பின்பற்றப்படுகிறது.

விபத்து நடந்த முதல் 7 நாட்களுக்கு தனியார் மருத்துவமனைகளில் ரூ.1.5 லட்சம் வரை இலவசமாக சிகிச்சை தரப்படும் என தெரிவிக்கப்பட்டுள்ளது.

சாலைகளில் மோட்டார் வாகனங்களால் ஏற்பட்ட விபத்துகளில் காயமடையும் எந்தவொரு நபரும், எந்தவொரு சாலையாக இருந்தாலும், இந்த திட்டத்தின் கீழ், மருத்துவமனைகளில் இலவசமாக சிகிச்சை பெற தகுதியுடையவர்கள் ஆவர் என அரசாணையில் தெரிவிக்கப்பட்டுள்ளது.

மேலும் இலவச சிகிச்சை திட்டத்தை கண்காணிக்க 17 பேர் கொண்ட உயர்மட்ட குழுவை அமைத்து மத்திய அரசு உத்தரவிட்டுள்ளது.

இந்தக் குழுவில் தேசிய சுகாதார ஆணையத்தின் தலைமை நிர்வாக அதிகாரி மற்றும் மத்திய சாலைப் போக்குவரத்து மற்றும் நெடுஞ்சாலைத் துறையின் கூடுதல் செயலாளர் ஆகியோர் உறுப்பினர்களாக இருப்பார்கள்.

தமிழ்நாட்டில் கடந்த 2021ம் ஆண்டு டிசம்பர் முதல் 'நம்மை காக்கும் 48' என்ற திட்டத்தில் இலவச சிகிச்சை வழங்கப்படுவது குறிப்பிடத்தக்கது. 

திருப்பூர் :

பிரதம மந்திரியின் பயிர் காப்பீட்டு திட்டம் 2022-23 (ராபி பருவம்) தோட்டக்கலைபயிர்களுக்கு காப்பீடு செய்யப்படுகிறது. இது குறித்து திருப்பூர் மாவட்ட கலெக்டர் வினீத் வெளியிட்டுள்ள அறிக்கையில் கூறியிருப்பதாவதுடு-

திருப்பூர் மாவட்டத்தில் செயல்படுத்தப்பட்டு வரும் பிரதம மந்திரியின் பயிர் காப்பீட்டு திட்டத்தின் கீழ் 2022-23 ஆம் ஆண்டு ராபி பருவ தோட்டக்கலைப் பயிர்களுக்கு காப்பீடு செய்தல் பொது சேவை மையங்கள், தொடக்க வேளாண்மை கடன் கூட்டுறவு சங்கங்கள் மற்றும் தேசிய மையமாக்கப்பட்ட வங்கிகள் மூலம் நடைபெற்று வருகிறது.தோட்டக்கலைப் பயிர்களை காப்பீடு செய்வதற்கான கடைசி தேதிகள் கீழ்கண்டவாறு தோட்டக்கலை பயிர்கள், காப்பீடு தொகை, காப்பீடு செய்வதற்கான கடைசி நாள் அறிவிக்கப்பட்டுள்ளது.

கொத்தமல்லி- ரூ.620-31.12.2022, வெங்காயம்-ரூ.2217, மிளகாய்-ரூ.1220, தக்காளி-1487.50, தேதி-31-1-2023. வாழை-ரூ.4875.50,மரவள்ளி-1712.50, 28-2-2023 என நிர்ணயிக்கப்பட்டுள்ளது.

எனவே இதுவரை ராபி பயிர்களை காப்பீடு செய்யாத விவசாயிகள் உரிய ஆவணங்களுடன் பொது சேவை மையங்கள் அல்லது தொடக்க வேளாண்மை கடன் கூட்டுறவு சங்கங்களை அணுகி இத்திட்டத்தில் காப்பீடு தொகை செலுத்தி பயனடையலாம் என தெரிவிக்கப்பட்டுள்ளது. 

திருத்துறைப்பூண்டி:

திருத்துறைப்பூண்டியில் இரா.முத்தரசன் நிருபர்களுக்கு பேட்டி அளித்தார். அப்போது அவர் கூறியதாவது,

தமிழகத்தில் வடகிழக்கு பருவமழை தொடங்கியுள்ளதால் மழை பாதிப்பு ஏற்படும் இடங்களில் வருவாய் துறை, காவல் துறை பொதுப்பணித்து–றையினருடன் இந்திய கம்யூனிஸ்ட் கட்சியினர் இணைந்து பொதுமக்களுக்கு தேவையான உதவிகளை செய்ய வேண்டும்.

தமிழகத்தில் வடகிழக்கு பருவமழை பரவலாக பெய்யத் தொடங்கியுள்ள நிலையில் டெல்டா மாவட்டங்கள் உள்ளிட்ட கடலோர மாவட்டங்களில் இயல்பு வாழ்க்கை பாதிக்கப்படும் சூழ்நிலை ஏற்பட்டுள்ளது.

தற்போது ஈரப்பதம் காரணமாக நெல்லை விற்க முடியாத சூழ்நிலையில் விவசாயிகள் சிக்கி தவித்து வருகின்றனர். இதுகுறித்து மத்திய-மாநில அரசுகள் உரிய நடவடிக்கை எடுக்க வேண்டும். நெல் கொள்முதல் ஈரப்பதத்தை 22 சதவீதமாக உயர்த்த வேண்டும்

அனைத்து நேரடி நெல் கொள்முதல் நிலையங்களிலும் நெல் உலர்த்தும் வசதியை தமிழக அரசே ஏற்பாடு செய்து தர வேண்டும் 2021-22ம் ஆண்டிற்கான பயிர் காப்பீட்டு தொகை நிர்ணயம் செய்வதில் பல்வேறு குளறுபடிகளை விவ சாயிகள் சந்தித்துள்ளனர்.

தமிழக அரசு உரிய முறையில் கண்காணித்து அனைத்து விவசாயிகளுக்கும் பயிர் காப்பீட்டு நிலுவை தொகையை கிடைக்க செய்ய வேண்டும். இவ்வாறு அவர் கூறியுள்ளார்.

நீடாமங்கலம்:

திருவாரூர் மாவட்டம் வலங்கைமானில்தமிழ்நாடு விவசாய சங்கம் சிபிஐ, தமிழ்நாடு விவசாய சங்கம் சிபிஎம் இணைந்து, பயிர் காப்பீடு கட்டிய அனை வருக்கும் இன்சூரன்ஸ் வழங்க வேண்டும் என வலியுறுத்தி, சாலை மறியல் போராட்டத்தினுடைய சமாதான கூட்டம் வலங்கைமான் வட்டாட்சியர் சந்தன கோபாலகிருஷ்ணன் தலைமை நடைபெற்றது.

இந்த சமாதான கூட்டத்தில் வேளாண் உதவி இயக்குனர் (பொறுப்பு) ஜெயசீலன் வட்டார புள்ளியல் துறை அலுவலர் சுரேஷ்குமார், தமிழ்நாடு விவசாய சங்க மாவட்ட தலைவர் ரங்கராஜன், (சி பி ஐ) தமிழ்நாடு விவசாய சங்க மாவட்ட பொருளாளர் கலியபெருமாள் (சி பி எம்) இந்திய கம்யூனிஸ்ட் ஒன்றிய செயலாளர் செந்தில்குமார், மார்க்சிஸ்ட் கம்யூனிஸ்ட் கட்சி ஒன்றிய செயலாளர் ராதா, தமிழ்நாடு விவசாய சங்க ஒன்றிய செயலாளர் சுப்பிரமணியன், தமிழ்நாடு விவசாய சங்க ஒன்றிய தலைவர் சின்ன ராஜா, தமிழ் மாநில விவசாய தொழிலாளர் சங்கம் ஒன்றிய தலைவர் கலியபெருமாள், இளங்கோ ஆகியோர் கலந்து கொண்டனர்.

அனைவருக்கும் பயிர் காப்பீடு கிடைக்க மாவட்ட ஆட்சியரிடம் பேசி முயற்சி செய்கிறோம் என்ற வாக்குறுதியின் அடிப்படையில் சமாதான கூட்டம் நிறைவுற்றது.

திருப்பூர் :

திருப்பூர் மாவட்ட விவசாயிகள் சம்பா நெற்பயிருக்கு பிரதமரின் பயிர் காப்பீட்டு திட்டத்தில் ஏக்கருக்கு பிரீமியத்தொகை ரூ.559.50 காப்பீட்டு கட்டணமாக விவசாயிகள் செலுத்த வேண்டும்.

இந்த திட்டத்தில் பயிர்க்கடன் பெறும் விவசாயிகள் அனைவரும் கடன் பெறும் வங்கிகளில் பயிர் காப்பீடு திட்டத்தில் பதிவு செய்து கொள்ளலாம். கடன் பெறாத விவசாயிகள் தொடக்க வேளாண்மை கூட்டுறவு கடன் சங்கங்கள், வணிக வங்கிகள் மற்றும் பொது இ-சேவை மையங்கள் மூலமாக உரிய பிரீமியத் தொகை செலுத்தி பயிர் காப்பீடு செய்து கொள்ளலாம். வருகிற 15-ந் தேதிக்குள் காப்பீடு செய்ய வேண்டும். பதிவு செய்யும்போது முன்மொழிவு படிவம், பதிவு படிவம், கிராம நிர்வாக அதிகாரி வழங்கும் நெல் சாகுபடி அடங்கல், வங்கி கணக்கு புத்தகத்தின் முதல் பக்க நகல் ஆகியவற்றை இணைத்து பதிவு செய்து ரசீதை பெற வேண்டும். இந்த தகவலை திருப்பூர் மாவட்ட கலெக்டர் வினீத் தெரிவித்துள்ளார்.

நாகப்பட்டினம்:

நாகப்பட்டினம் மாவட்டம் வேளாங்கண்ணி அடுத்த புதுப்பள்ளி மழை முத்துமாரியம்மன் ஆலயத்தில் தானம் அறக்கட்டளை கீழையூர் கிழக்கு வட்டார வயலகம் கீழையூர் கிழக்கு வட்டார வயலக பரஸ்பரம் கீழையூர் நெய்தல் ஜீவிதம் மற்றும் விவசாய உற்பத்தி நிறுவனம் சார்பில் 18 ஆண்டு பொதுக்குழு கூட்டம் முப்பெரும் விழா நடைபெற்றது

கூட்டத்தில் சேமிப்பின் முக்கியத்துவம் உறுப்பி னர்களுக்கு காப்பீடு வங்கி கடன் எவ்வாறு வாங்குவது விவசாய உற்பத்தி குழு குறித்த விளக்குவது உள்ளிட்டவை குறித்து பொதுக்குழு கூட்டத்தில் ஆலோசிக்கப்பட்டது முன்னதாக விவசாயத்தை ஊக்கப்படுத்தும் விதமாக மேளதாளங்கள் முழங்க வடிவழகி அம்மன் ஆலயத்திலிருந்து முளைப்பாரி எடுத்து வந்து இறை வணக்கத்துடன் கூட்டம் ஆரம்பிக்கப்பட்டது

இதில் ஜீவித வட்டார பொருளாளர், திருமதி இளவரசி வரவேற்புரை வழங்கினார், வட்டார. ஒருங்கிணைப்பாளர் மோ.அபிரகாம் ஸ்டான்லி அவர்கள், மற்றும் மண்டல ஒருங்கிணைப்பாளர் திரு சரவணன் அவர்களும், எதிர்கால திட்டம், வட்டாரம் ஒரு பார்வை என்னும் தலைப்பில், கொள்கை மாற்றம் குறித்து விளக்கவுரை யாற்றினார்.

சிறப்பு விருந்தினர்களாக, விழுந்தமாவடி இந்தியன் ஓவர்சீஸ் வங்கியின், கிளை மேலாளர் ஆனந்தன் கலந்து கொண்டு சிறப்பித்தார், சிறப்பு விருந்தினர்களுக்கு, நினைவுப்பரிசு வழங்கப்ப ட்டது, சிறந்த குழுவிற்கு கேடயம் வழங்கப்பட்டது விழா ஏற்பாடுகளை, வட்டார பணியாளர் கார்த்திகேசன், செய்திருந்தார்.

தஞ்சாவூர்:

தஞ்சை மருத்துவக் கல்லூரி மருத்துவமனையில் செயற்கை அவயங்கள் துணை நிலையம் கடந்த 1980-ம் ஆண்டில் இருந்து இயங்கி வருகிறது.

இதில் பணிபுரியும் புரோஸ்டிக் மற்றும் ஆர்த்தோடிஸ்ட் தொழில்நுட்ப வல்லுநர்கள் மாற்றுத்திறனாளி நோயாளிகளுக்கு பல்வேறு துறை மூலமாக பயனீட்டார்களுக்கு பயனடையச் செய்துள்ளனர்.

இந்த நிலையில் உலக அளவில் செயற்கை உறுப்புப் பொருத்தல் மற்றும் மாற்றுத்திறனர் உதவி கருவி தினம் முதன் முதலில் இன்று கொண்டாடப்பட்டது.

அதன்படி தஞ்சை மருத்துவக் கல்லூரி மருத்துவமனையிலும் இந்த தினம் கொண்டாடப்பட்டது.

இந்த நிகழ்ச்சிக்கு மருத்துவக் கல்லூரி டீன் பாலாஜி நாதன் தலைமை தாங்கினார். நிகழ்ச்சியில் ரூ.8 லட்சம் மதிப்பீட்டில் செயற்கை கால், கை தயாரிக்கும் கருவி நிறுவப்பட்டு தொடங்கி வைக்கப்பட்டது.

இதுவரை 185 நவீன செயற்கை கை மற்றும் கால்கள் தஞ்சை மருத்துவக்கல்லூரி மருத்துவ–மனையில் முதலமைச்சரின் விரிவான மருத்துவக் காப்பீட்டுத்திட்டத்தின் பயனாளிகளுக்கு வழங்கப்–பட்டுள்ளது என்பது குறிப்பிடத்தக்கது.

இந்த நிகழ்ச்சியில் முடநீக்கியல் துறை தலைவர்கள் குமரவேல், ராஜமோகன், நிலைய மருத்துவ அதிகாரி செல்வம், ஆர்த்தோடிஸ்ட் ரமேஷ் மற்றும் சக ஊழியர்கள் கலந்து கொண்டனர்.

கிருஷ்ணகிரி,

கிருஷ்ண கிரி மாவட்ட கலெக்டர் ஜெயசந்திரபானுரெட்டி வெளியிட்டுள்ள செய்திக்குறிப்பில் கூறியிருப்பதாவது:-

வேளாண் விவசாயிகளின் கால்நடைகளை பாதுகாத்திடும் வகையில் தமிழக அரசின் 2022&23&ம் ஆண்டிற்கான தேசிய கால்நடை காப்பீடு திட்டத்தின் கீழ் கிருஷ்ணகிரி மாவட்டத்திற்கு 1,900 கால்நடைகளுக்கு காப்பீடு செய்ய இலக்கு நிர்ணயம் செய்யப்பட்டு ரூ.8 லட்சத்து 90 ஆயிரத்து 500 நிதி ஒதுக்கீடு பெறப்பட்டுள்ளது.

காப்பீடு செய்யும் வறுமை கோட்டிற்கு கீழ் உள்ள ஆதி திராவிடர் மற்றும் பழங்குடியினருக்கு அரசு மானியமாக காப்பீடு சந்தா தொகையில் 70 சதவீத மானியமும், பொதுப்பிரிவினர்களுக்கு 50 சதவீத மானியமும் வழங்கப்படுகிறது.

காப்பீடு செய்யப்படும் கால்நடைகளுக்கு காது வில்லைகள் பொறுத்தப்பட்டு புகைப்படம் எடுக்கப்படும். காப்பீடு செய்த கால்நடைகள் இறக்க நேரிட்டால் கால்நடை உதவி மருத்துவரால் இறந்த கால்நடையை பிரேத பரிசோதனை செய்து அதற்கான சான்றிதழ் உடன் காப்பீட்டு நிறுவனத்தில் ஒப்படைத்து காப்பீட்டு தொகையை பெற்றுக் கொள்ளலாம்.

எனவே கிருஷ்ணகிரி மாவட்டத்தில் விருப்பம் உள்ள கால்நடைகள் வளர்க்கும் விவசாயிகள் தங்களுடைய கால்நடைகளை அரசு மானியத்துடன் கூடிய காப்பீடு செய்ய அருகில் உள்ள அரசு கால்நடை மருந்தக கால்நடை உதவி மருத்துவரை அணுகி பயன் பெறலாம். இவ்வாறு அதில் கூறப்பட்டுள்ளது.