ஈரோடு

ஈரோடு:

தமிழக காங்கிரஸ் தலைவர் அழகிரி கடந்த சில தினங்களுக்கு முன்பு த.மா.கா, பாரதிய ஜனதாவுடன் இணைப்பது தற்கொலைக்கு சமம். அதற்கு பதிலாக த.மா.கா.வினர் காங்கிரஸ் கட்சியில் இணைய வேண்டும் என்று கூறியிருந்தார். இதற்கு தமிழகம் முழுவதும் தமிழ் மாநில காங்கிரஸ் கட்சியினர் எதிர்ப்பு தெரிவித்து போராட்டத்தில் ஈடுபட்டு வருகின்றனர்.

இந்நிலையில் இன்று ஈரோடு அரசு ஆஸ்பத்திரி அருகே உள்ள ரவுண்டானாவில் ஈரோடு தமிழ் மாநில காங்கிரஸ் கட்சியின் மாவட்ட இளைஞரணி தலைவர் ரமேஷ் தலைமையில் த.மா.கா.வினர் திரண்டனர். பின்னர் அவர்கள் தமிழக காங்கிரஸ் தலைவர் அழகிரிக்கு எதிராக கோ‌ஷம் எழுப்பினர். அப்போது திடீரென அழகிரி உருவப்படத்தை தீயிட்டுக் கொளுத்தி போராட்டத்தில் ஈடுபட்டனர். இதனால் அங்கு சிறிது நேரம் பரபரப்பு ஏற்பட்டது.

பெருந்துறை:

நாமக்கல் மாவட்டத்தை சேர்ந்தவர் தனசேகர் (வயது33). தனசேகர் தற்போது வெள்ளோடு அருகே உள்ள குட்டபாளையத்தில் தனது தங்கை வீட்டில் தங்கியிருந்து திருப்பூரில் உள்ள பனியன் கம்பெனியில் வேலை பார்த்து வந்தார்.

தனசேகர் தினமும் குட்ட பாளையத்தில் இருந்து தனது மோட்டார் சைக்கிளில் பெருந்துறையில் தான் வேலை செய்யும் பனியன் கம்பெனியில் கிளை அலுவலகம் செயல்படுகிறது. அங்கு மோட்டார் சைக்கிளை நிறுத்திவிட்டு பெருந்துறையில் இருந்து திருப்பூருக்கு பஸ்சில் செல்வது வழக்கம்.

அதே போன்று இன்றும் குட்ட பாளையத்திலிருந்து தனசேகர் தனது மோட்டார் சைக்கிளில் பெருந்துறை நோக்கி வந்து கொண்டிருந்தார். குனம்பட்டி பிரிவு அருகே வந்தபோது எதிரே வந்த சரக்கு வேனும், தனசேகர் வந்த மோட்டார் சைக்கிளும் நேருக்கு நேர் மோதியது.

இந்த விபத்தில் சம்பவ இடத்திலேயே தனசேகர் பரிதாபமாக உயிரிழந்தார்.

இது குறித்து பெருந்துறை போலீசுக்கு தகவல் தெரிவிக்கப்பட்டது.

அந்தியூர்:

அந்தியூர் வனப்பகுதியையொட்டி உள்ள பர்கூர் வனப்பகுதியில் நேற்று பர்கூர் வன ரேஞ்சர் மற்றும் வன ஊழியர்கள் ரோந்து பணியில் ஈடுப்பட்டனர்.

அப்போது ஒரு பெண் யானை இறந்து கிடப்பதை கண்டனர். இது பற்றிய தகவல் கால்நடை மருத்துவர் அசோகனுக்கு தெரிவிக்கப்பட்டது.

கால்நடை டாக்டர் அந்த யானை உடலை பரிசோதித்த போது அந்த யானை குடற்புண் நோய் தாக்கி இறந்தது தெரியவந்தது. மேலும் அந்த யானை தண்ணீர் மட்டும் அதிகம் உட்கொண்டிருப்பது தெரியவந்துள்ளது.

வனப்பகுதியில் தற்போது வறட்சி நிலவுவதால் தண்ணீர் இல்லாமல் சில இடங்களில் மட்டும் சேறும்-சகதியும் புழுக்கள் நிறைந்த தண்ணீரை அந்த யானை குடித்துள்ளது. இதனால் அந்த பெண் யானை புழுக்களால் தாக்கப்பட்டு பலியானது தெரியவந்தது. அந்த பெண் யானையின் வயது 24 ஆகும். 

ஈரோடு:

ஈரோடு ரெயில் நிலையத்தில் பயணிகள் கூட்டம் அதிகமாக இருந்தது. அப்போது 1-வது நடை மேடையில் ரெயிலுக்காக நூற்றுக்கணக்கானோர் காத்து கொண்டு இருந்தனர்.

அப்போது 1-வது நடை மேடையில் ரெயில் வந்து கொண்டிருந்தது. அப்போது சுமார் 25 வயது மதிக்கத்தக்க வாலிபர் ஒருவர் ரெயில் வருவதை கவனிக்காமல் தண்டவாளத்தை கடக்க முயன்றார். அந்த வாலிபர் மீது கண் இமைக்கும் நேரத்தில் ரெயில் மோதியது. இதில் சம்பவ இடத்திலேயே அந்த வாலிபர் இறந்தார். ரெயிலுக்காக காத்து நின்ற பயணிகள் இந்த சம்பவத்தை பார்த்து அலறினர்.

இது குறித்து ஈரோடு ரெயில்வே போலீசாருக்கு தகவல் தெரிவிக்கப்பட்டது போலீசார் சம்பவ இடத் திற்கு விரைந்து வந்து அந்த வாலிபரின் உடலை மீட்டு பிரேத பரிசோதனைக்காக ஈரோடு அரசு ஆஸ்பத்திரிக்கு அனுப்பி வைத்தனர்.

இறந்த வட மாநில வாலிபர் யார்? எந்த ஊரைச் சேர்ந்தவர்? என்ற விவரம் தெரியவில்லை. இறந்தவர் சிகப்பு நீளக்கோடு போட்ட சட்டையும் ஜீன்ஸ் பேண்டும் அணிந்து இருந்தார்.

இதுகுறித்து ஈரோடு ரெயில்வே போலீசார் வழக்குபதிவு செய்து விசாரணை மேற்கொண்டு வரு கின்றனர்.

ஈரோடு:

ஈரோடு மாவட்டம் சென்னிமலை அடுத்த குளத்துபாளையத்தை சேர்ந்தவர் ராமு (வயது 32). ஆட்டோ டிரைவர் இவருக்கு இன்னும் திருமணம் ஆகவில்லை.

இந்நிலையில் ஈரோட்டைச் சேர்ந்த 8-ம் வகுப்பு படிக்கும் மாணவி ஒருவர் ராமு ஆட்டோவில் தினமும் பள்ளிக்கு சென்று வந்தார். இந்த சந்தர்ப்பத்தை பயன்படுத்தி ராமு அந்த மாணவிடம் பழகி வந்தார்.

மேலும் திருமணம் செய்து கொள்வதாக ஆசை வார்த்தை கூறி அந்த மாணவியை பாலியல் பலாத்காரம் செய்தார்.

தற்போது பள்ளி கோடை விடுமுறை என்பதால் இந்த சிறுமி வீட்டில் இருந்தார். நேற்று ராமு மாணவி வீட்டிற்கு சென்று சில்மி‌ஷத்தில் ஈடுபட்டார். இதனை பார்த்து மாணவியின் பெற்றோர் அதிர்ச்சி அடைந்தனர். ராமு அங்கிருந்து தப்பி ஓடிவிட்டார்.

இதுகுறித்து மாணவியின் பெற்றோர் ஈரோடு மகளிர் காவல் நிலையத்தில் புகார் செய்தனர். அதன்பேரில் போலீசார் விசாரணை மேற்கொண்டதில் ராமு சிறுமியை பாலியல் பலாத்காரம் செய்தது உறுதி செய்யப்பட்டது.

இதையடுத்து ஈரோடு மகளிர் போலீசார் ராமு மீது வழக்குப்பதிவு செய்து போக்சோ சட்டத்தின்கீழ் கைது செய்தனர்.