விஜய் நடிக்கும் 61-வது படத்தை அட்லி இயக்கி வருகிறார். 3 வேடங்களில் விஜய் நடிக்கும் இந்த படத்தில் ஒரு விஜய் ஜோடியாக நித்யாமேனன் நடிக்கிறார். இது பற்றி கேட்டபோது...

“நடிப்பிலேயே எனக்கு இன்னும் திருப்தி ஏற்படவில்லை. நிறைய வித்தியாசமான, சுவாரஸ்யமான கதாபாத்திரங்களில் நடிக்க விரும்புகிறேன். ஆனால் நான் இயக்குனர் ஆகும் ஆசையில் புதுப்படங்களை ஒப்புக்கொள்வது இல்லை என்று கூறப்படுவதில் உண்மை இல்லை. எனக்கு இப்போது அது போன்ற எண்ணம் எதுவும் இல்லை.

விஜய் படத்தில் 3 நாயகிகளில் ஒருவராக நடிக்கிறேன். இப்போதுதான் முதல் முறையாக விஜய்யுடன் நடித்திருக்கிறேன். விஜய் மிகவும் அமைதியானவர். சிறந்த மனிதர். படப்பிடிப்பு தளத்தில் கதாபாத்திரம் சம்பந்தப்பட்ட வி‌ஷயங்களை மட்டுமே பேசுவார். தனது கதாபாத்திரத்தை மட்டுமே சிந்திப்பார். உடன் நடிப்பவர்களையும் அந்த பாத்திரமாகவே கருதுவார். விஜய்யுடன் நடித்தது எனக்கு புதுமையான அனுபவம். இந்த படத்தில் அட்லியுடன் பணிபுரிவது மகிழ்ச்சி. தொடர்ந்து நல்ல படங்களில் நடிக்க விரும்புகிறேன்”.

இவ்வாறு அவர் கூறினார்.

சரத்குமார் தற்போது கதாநாயகனாக நடித்து வரும் புதிய படம் ‘சென்னையில் ஒருநாள்-2’. சரத்குமார் நடிப்பில் வெளிவந்து வெற்றிபெற்ற ‘சென்னையில் ஒருநாள்’ படத்தை போன்று பரபரப்பான திரில்லர் படம் என்பதால் இப்படத்திற்கும் அதே பெயரை வைத்துள்ளனர். பிரபல எழுத்தாளர் ராஜேஷ்குமாரின் கிரைம் நாவல்களின் கதையை அடிப்படையாக கொண்டு இப்படம் உருவாகி வருகிறது.

இப்படத்தில் சரத்குமார் ரகசிய உளவாளியாக நடித்து வருகிறார் என்பது அனைவருக்கும் தெரிந்ததே. இப்படத்தின் படப்பிடிப்பு சென்ற மாதம் கோவையில் தொடங்கி நடந்து முடிந்துள்ளது. தற்போது இப்படத்தில் நடிகர் நெப்போலியனும், நடிகை சுஹாசினியும் முக்கிய கதாபாத்திரத்தில் நடித்துள்ளதாக படக்குழுவினர் அறிவித்துள்ளனர்.



கடந்த 2002-ஆம் ஆண்டு வெளியான ‘தென்காசிபட்டணம்’ படத்தில் சரத்குமாரும், நெப்போலியனும் இணைந்து நடித்திருந்தார்கள். அதன்பிறகு 2005-ல் வெளிவந்த ’ஐயா’ படத்திலும் இணைந்து நடித்திருந்தார்கள். தற்போது 12 ஆண்டுகளுக்கு பிறகு இந்த படத்தில் மீண்டும் இணைந்து நடித்துள்ளனர். அதேபோல், சரத்குமாரும், சுஹாசினியும் முதன்முறையாக இப்படத்தில்தான் இணைந்து நடித்துள்ளனர் என்பது குறிப்பிடத்தக்கது.

இப்படத்தின் படப்பிடிப்பு முற்றிலும் முடிந்துவிட்ட நிலையில் தற்போது போஸ்ட் புரொடக்ஷன் பணிகள் நடைபெற்று வருகின்றன. இப்படத்தை அறிமுக இயக்குனர் ஜெபிஆர் இயக்குகிறார். ராண் என்பவர் இசையமைக்கிறார். தீபக் ஒளிப்பதிவு செய்துள்ளார்.

இப்படத்தில் முனீஸ்காந்த், அஞ்சனா ப்ரேம், ராஜசிம்மன் உள்ளிட்ட பலரும் நடித்துள்ளனர். ‘நிசப்தம்’ படத்தில் நடித்த  குழந்தை நட்சத்திரம் சாதன்யாவும் இப்படத்தில் முக்கிய வேடத்தில் நடித்துள்ளார். கல்பதரு பிக்சர்ஸ் சார்பில் ராம்மோகன் இப்படத்தை தயாரித்திருக்கிறார்.

வெற்றிமாறன் இயக்கத்தில் உருவாகிவரும் புதிய படம் ‘வடசென்னை’. இப்படத்தில் தனுஷ், ஐஸ்வர்யா ராஜேஷ், ஆண்ட்ரியா, கிஷார், சமுத்திரகனி, டேனியல் பாலாஜி, கருணாஸ் உள்ளிட்டோரும் நடிக்கின்றனர். சந்தோஷ் நாராயணன் இசையமைக்கும் இப்படம் மூன்று பாகங்களாக உருவாகவிருக்கிறது.

இப்படத்தின் முதற்கட்ட படப்பிடிப்பு நடந்து முடிந்துள்ளது. இப்படத்தின் முதல் 45 நிமிடங்கள் ஜெயிலுக்குள்ளேயே நடக்கும். இதற்கான படப்பிடிப்பு முழுவதும் நடந்து முடிந்துள்ளது. அடுத்தக்கட்ட படப்பிடிப்பை விரைவில் தொடங்கவுள்ளனர்.



இந்நிலையில், இப்படத்தில் முக்கிய கதாபாத்திரத்தில் நடிக்க விஜய் சேதுபதியும் ஒப்பந்தமாகியிருந்தார். தற்போது விஜய் சேதுபதி இப்படத்திலிருந்து விலகியுள்ளதாக கூறப்படுகிறது. மேலும், அவருக்கு பதிலாக இயக்குனரும், நடிகருமான அமீர் நடிக்கவுள்ளதாக செய்திகள் வெளியாகியுள்ளது.

அமீர் ‘யோகி’ என்ற படத்தின்மூலம் நடிகராக அவதாரமெடுத்தார். அதைத் தொடர்ந்து மிஷ்கின் இயக்கத்தில் வெளிவந்த ‘யுத்தம் செய்’ படத்தில் ஒரு பாடலுக்கு நடனமாடியிருந்தார். ‘வடசென்னை’ படத்தில் அவர் நடிக்கப்போவதாக வெளிவந்துள்ள செய்தி அனைவரையும் ஆச்சர்யப்படுத்தியுள்ளது. 

ரஜினிகாந்த் நடிக்கும் 164-வது படமான ‘காலா’ படத்தின் படப்பிடிப்பு மும்பையில் தொடங்கி விறுவிறுப்பாக நடந்து வருகிறது. அங்குள்ள தெருக்கள், கடைவீதிகள், தாராவி குடிசைப்பகுதி உள்ளிட்ட இடங்களில் 40 நாட்கள் தொடர்ந்து படப்பிடிப்பு நடக்க உள்ளது. ரஜினிகாந்த் கருப்பு வேட்டியும், ஜிப்பாவும் அணிந்து தாதா கதாபாத்திரத்தில் நடித்து வருகிறார்.

படப்பிடிப்பின்போது ரஜினிகாந்தை பார்க்க ஆயிரக்கணக்கான ரசிகர்கள் திரண்டார்கள். அவர்கள் ரஜினிகாந்தை தொடுவதற்கும், பக்கத்தில் நின்று ‘செல்பி’ எடுப்பதற்கும், கைகுலுக்குவதற்கும் முண்டியடித்தனர். இதனால் படப்பிடிப்பில் தடங்கல் ஏற்பட்டது.

இதைத் தொடர்ந்து போலீசார் வரவழைக்கப்பட்டனர். அவர்கள் ரசிகர்களை அப்புறப்படுத்தி ரஜினிகாந்தை சுற்றி பாதுகாப்பு வளையம் அமைத்து அழைத்துச் சென்றனர். தனியார் பாதுகாவலர்களும் பாதுகாப்புக்கு நிறுத்தப்பட்டார்கள். ஆனாலும் படப்பிடிப்பில் ரஜினிகாந்த் ஸ்டைலாக நடிக்கும் காட்சிகளை பார்த்து ரசிகர்கள் உற்சாகமாக குரல் எழுப்பியபடி இருந்தனர். அவர்களை பார்த்து ரஜினிகாந்த் கையசைத்தார்.



முஸ்லிம்கள் வசிக்கும் பகுதியில் ரஜினிகாந்த் தலையில் ‘குல்லா’ அணிந்து நடந்து செல்வது போன்ற காட்சிகளும் படமானது. அப்போதும் ரசிகர்கள் அவரை பின்தொடர்ந்து குரல் எழுப்பியபடி ஓடினார்கள்.

தாதாவாக இருக்கும் ரஜினிகாந்த் வில்லன்களுடன் மோதுவது போன்ற ஆக்ரோஷமான சண்டை காட்சிகளையும் மும்பையில் படமாக்குகின்றனர். மும்பை படப்பிடிப்பு முடிந்ததும் இரண்டாவது கட்டமாக சென்னை பூந்தமல்லி அருகே உள்ள பொழுதுபோக்கு பூங்காவில் படப்பிடிப்பை நடத்த உள்ளனர்.

இதற்காக பூந்தமல்லி பொழுதுபோக்கு பூங்காவில் மும்பை தாராவி பகுதியை அரங்காக அமைத்து உள்ளனர். நெல்லையில் இருந்து மும்பை சென்று வசித்த ஒரு குடும்பத்தை பற்றிய கதையே இந்த படம் என்று படத்தின் டைரக்டர் பா.ரஞ்சித் கூறியுள்ளார். எனவே ரஜினிகாந்த் உள்ளிட்ட நடிகர்-நடிகைகள் நெல்லை தமிழ் பேசி நடிப்பதாக கூறப்படுகிறது.

ரசிகர்களை திறமையான நடிப்பாலும் அழகாலும் கவர்ந்த நடிகை ஸ்ரீதேவி. சினிமா துறையில் இவர் காலூன்றி 50 வருடங்கள் ஆகிறது. 1967ம் வருடம் ஜூலை 7ம் நாள் ‘துணைவன்’ என்ற படத்தின் மூலமாகக் குழந்தை நட்சத்திரமாக அறிமுகமான நடிகை ஸ்ரீதேவியின் 300வது படமாக ‘மாம்’ வெளியாகவுள்ளது.

ஸ்ரீதேவியின் 50 ஆண்டு சாதனையைக் கொண்டாடும் விதமாக இந்த படத்தின் தயாரிப்பாளரும், நடிகை ஸ்ரீதேவியின் கணவருமான போனி கபூர் ‘மாம்’ படத்தை வருகிற ஜுலை 7-ந்தேதி அன்று வெளியிட இருப்பதாக அறிவித்துள்ளார்.



இந்த படத்தின் தமிழ், தெலுங்கு, இந்தி, மலையாளம் என அனைத்து பதிப்புகளிலும் ஸ்ரீதேவி டப்பிங் பேசுகிறார்.

‘மாம்’ திரைப்படத்தை ஸீ ஸ்டூடியோஸ், போனி கபூர் இணைந்து வழங்க எமேட் பிலிம்ஸ் அண்ட் தேர்டு ஐ புரொடக்சன்ஸ் தயாரித்துள்ளனர். இந்த படத்தை ரவி உத்யவார் இயக்கியுள்ளார். ஏ.ஆர்.ரஹ்மான் இசை அமைத்துள்ளார். ‘மாம்’ விரைவில் திரைக்கு வருகிறது.

வயதான இந்தி நடிகை கீதா கபூரை அவரது மகனே அறைக்குள் அடைத்து பட்டினி போட்டு அடித்து சித்ரவதை செய்துள்ளார். பின்னர் ஆஸ்பத்திரியில் சேர்த்து விட்டு சிகிச்சைக்கு பணம் கொடுக்காமல் ஓடி விட்டார். இந்த சம்பவம் பட உலகில் பரபரப்பை ஏற்படுத்தி உள்ளது.

பழம்பெரும் இந்தி நடிகை கீதா கபூர். இவர் வெற்றிகரமாக ஓடிய ‘பகீஷா’ படத்தில் மீனாகுமாரியுடன் நடித்து பிரபலமானார். ‘ரஷ்யா சுல்தான்’ உள்பட 100-க்கும் மேற்பட்ட படங்களில் நடித்துள்ளார். இவருக்கு ராஜா என்ற மகனும், பூஜா என்ற மகளும் உள்ளனர். தற்போது வயதாகி விட்ட நிலையில் மும்பையில் உள்ள மகன் வீட்டில் வசித்து வந்தார்.



கீதா கபூருக்கு திடீர் உடல் நலக்குறைவு ஏற்பட்டதால் அவரை மும்பையில் உள்ள தனியார் ஆஸ்பத்திரியில் அனுமதித்தனர். சிகிச்சைக்கு முன்பணம் செலுத்த வேண்டும் என்று ஆஸ்பத்திரி நிர்வாகம் தெரிவித்தது. வெளியில் ஏ.டி.எம்.மில் பணம் எடுத்து வருவதாக கூறிச்சென்ற அவரது மகன் ராஜா மீண்டும் ஆஸ்பத்திரிக்கு வரவே இல்லை. அங்கிருந்து ஓட்டம் பிடித்து விட்டார்.

ஆஸ்பத்திரி ஊழியர்கள் செல்போனில் தொடர்பு கொண்டும் அவர் பேசவில்லை. மகள் பூஜாவும் போனை எடுக்கவில்லை. கீதா கபூர் உடல் நிலை கவலைக்கிடமாக இருந்ததால் டாக்டர்கள் சிகிச்சை அளித்து குணப்படுத்தினார்கள். அவருக்கு மருத்துவ செலவு கட்டணமாக ரூ.1½ லட்சம் வந்து இருப்பதாகவும் அதை கட்டி விட்டு செல்லும்படியும் ரசீது கொடுத்தனர்.

கீதா கபூர் தன்னிடம் பணம் இல்லை என்று சொல்லி அழுதார். மகன் தன்னை ஆஸ்பத்திரியில் சேர்த்து விட்டு ஓடி விட்டதாகவும் கூறினார். கீதா கபூரின் பரிதாப நிலை குறித்து தகவல் அறிந்ததும் திரைப்பட தணிக்கை குழு உறுப்பினர் அசோக் பண்டிட் தயாரிப்பாளர் ரமேஷ் தாரணி ஆகியோர் மருத்துவ செலவை ஏற்று ரூ.1½ லட்சத்தை ஆஸ்பத்திரியில் செலுத்தினார்கள்.

இது குறித்து கீதா கபூர் கூறியதாவது:-

“வயதான என்னை மகன் கவனிக்கவில்லை. தினமும் அடித்து உதைத்தான். பல நாட்கள் தனி அறையில் அடைத்து வைத்தான். 4 நாட்களுக்கு ஒரு தடவை சாப்பாடு போட்டனர். பட்டினி போட்டதால் எனக்கு உடல்நலக்குறைவு ஏற்பட்டது. முதியோர் இல்லத்தில் சேர்ந்து விடும்படி வற்புறுத்தினான். நான் மறுத்து விட்டேன். இதனால் ஆஸ்பத்திரியில் கொண்டு போட்டு விட்டு ஓடிவிட்டான்”

இவ்வாறு கண்ணீர் மல்க கூறினார்.

கீதா கபூர் குடும்பத்தினர் மீது போலீசார் வழக்குப்பதிவு செய்துள்ளனர். 

ஐதராபாத்:

பிரபல தெலுங்கு திரைப்பட இயக்குனர் தாசரி நாராயண ராவ் உடல்நலக் குறைவால் ஐதரபாத்தில் காலமானார். 75 வயதான அவர், சுவாசக் கோளாறு மற்றும் சிறுநீரக தொற்று காரணமாக ஐதராபாத்தில் உள்ள தனியார் மருத்துவமனை ஒன்றில் கடந்த வாரம் முதல் சிகிச்சை பெற்று வந்த நிலையில், சிகிச்சை பலனின்றி இன்று உயிரிழந்தார்.

கடந்த 1974-ஆம் ஆண்டு `டாடா மனவாடு' என்ற படத்தின் மூலம் தெலுங்கு திரையுலகில் இயக்குனராக அறிமுகமான தாசரி, தெலுங்கு திரையுலகில் தனக்கென தனி முத்திரை பதித்துக் கொண்டவர் என்பது குறிப்பிடத்தக்கது.

தெலுங்கு, தமிழ், இந்தி உள்ளிட்ட 3 மொழிகளில் 150-க்கும் மேற்பட்ட படங்களை இயக்கியுள்ள இவர், இரு தேசிய விருதையும், பலமுறை மாநில விருதுகளையும் பெற்றிருக்கிறார். அதிக திரைப்படங்களை இயக்கதற்காக லிம்கா புக் ஆப் ரெக்கார்ட்ஸிலும் இடம்பிடித்திருந்தார் என்பது குறிப்பிடத்தக்கது.



காங்கிரஸ் கட்சியை சேர்ந்த இவர், முந்தைய ஐக்கிய முற்போக்கு கூட்டணி ஆட்சியின் போது, நிலக்கரித் துறை இணை அமைச்சராக பணியாற்றினார்.

மறைந்த தமிழக முதல்வர் ஜெயலலிதாவின் வாழ்க்கை வரலாற்றை திரைப்படமாக எடுக்க உள்ளதாக தாசரி நாராயணராவ் சமீபத்தில் அறிவித்திருந்தார். தாசரி நாராயண ராவின் மறைவுக்கு ரஜினி, கமல் உள்ளிட்ட திரையுலகினரும், அரசியல் பிரமுகர்களும் இரங்கல் தெரிவித்து வருகின்றனர்.

"அன்னக்கிளி'' படத்துக்கு  இசை அமைப்பாளர் ஆனார், இளையராஜா வாக்குறுதியை நிறைவேற்றினார், பஞ்சு அருணாசலம்"நான் படம் எடுத்தால், நீதான் மிïசிக் டைரக்டர்'' என்று இளையராஜாவுக்கு வாக்குறுதி அளித்தார், பஞ்சு அருணாசலம். அதன்படி "அன்னக்கிளி'' படத்தின் இசை அமைப்பாளர் வாய்ப்பை வழங்கி, கொடுத்த வாக்குறுதியை நிறைவேற்றினார்.

கன்னடத்தில் நம்பர் ஒன் இசையமைப்பாளராக இருந்தவர் ஜி.கே.வெங்கடேஷ். அவரிடம் இளையராஜா 1969-ம் ஆண்டு உதவி இசையமைப்பாளராக சேர்ந்தார். 150 படங்கள் வரை அவருடன் இணைந்து பணியாற்றினார்.

இளையராஜா ஆர்மோனியத்தை வாசிப்பதைத்தான் அனைவரும் பார்த்திருப்பார்கள். ஆனால் அவர் ஜி.கே.வெங்கடேசிடம் பணியாற்றும் போது, கிட்டார், பியானோ, கம்போஆர்கன் ஆகிய இசைக்கருவிகளையும் வாசித்தார். அத்தோடு பாடல்களை எப்படி பாட வேண்டும் என்று சொல்லிக்கொடுப்பது, பின்னணி பாடகர்கள் பாடும்போது தவறுகள் ஏற்படும்போது, அதை சரிசெய்வது போன்ற பணிகளையும் செய்தார்.

இந்த சமயத்தில், இளையராஜா வாழ்க்கையில் பெரிய திருப்பம் ஏற்பட்டது.

இளையராஜாவின் நண்பரும், பிற்காலத்தில் பிரபல கதாசிரியராக உயர்ந்தவருமான ஆர்.செல்வராஜ் உருவத்தில் அதிர்ஷ்டம் அவரைத் தேடி

வந்தது.இதுபற்றி இளையராஜா கூறியதாவது:-

"செல்வராஜ் ஒருநாள் வந்து, `டேய்! உனக்காக பஞ்சு அருணாசலத்துக்கிட்டே சொல்லியிருக்கிறேன். அவர் உன்னை பார்க்க வேண்டும் என்று அழைத்துவரச்சொன்னார்' என்று கூறினான். பின்னர் நானும், செல்வராஜ×ம் ஒருநாள் அவரைப்பார்க்க சென்றோம்.

காலை 10 மணி இருக்கும். ஒரு சிறிய அறையில் பனியன் மட்டும் போட்டுக்கொண்டு எழுதிக்கொண்டிருந்தார். எங்களைப்பார்த்தவுடன் எழுதுவதை நிறுத்திக்கொண்டு, `வா..செல்வராஜ்' என்றார். உடனே செல்வராஜ், `இவர்தான் ராஜா!' என்று என்னை அறிமுகம் செய்து

வைத்தான்.அதன்பின்னர் பஞ்சு அருணாசலம், `நீ ஏதாவது படத்திற்கு டிïன் போட்டு இருக்கிறாயா?, இருந்தால் கொஞ்சம் பாடிக்காட்டு, கேட்கலாம்' என்றார்.

உடனே நான், ஏற்கனவே மெட்டமைத்து வைத்திருந்த "அன்னக்கிளி உன்னைத்தேடுதே'', "மச்சானைப்பார்த்தீங்களா'', "சுத்தச்சம்பா'' போன்ற பாடல்களைப் பாடிக்காட்டினேன். பாட்டுக்கு ஏற்ற தாளமாக பக்கத்தில் இருந்த டேபிளையும் லேசாக தட்டினேன்.

அவர் அந்தபாடல்களை ரசித்துக்கேட்டு விட்டு, `டிïன் எல்லாம் நன்றாகவே இருக்கிறது. இப்போது நான் எழுதுகின்ற படம் அனைத்தும் காமெடி படம்தான். ஏற்கனவே நான் எழுதி அதிக படங்கள் பாதியில் நின்று போனதால் எனக்கு `பாதிப்படம் பஞ்சு அருணாச்சலம்' என்று பேர் வைத்திருக்கிறது, திரைஉலகம்! இந்த நல்ல டிïன்களை காமெடிப் படத்தில் போட்டால், அதற்குரிய மரியாதை போய்விடும். நல்ல கதை அமைந்து அதில் இந்த பாடல்களுக்கு முக்கியத்துவம் வருகிற மாதிரி வந்தால்தான் படமும், இசையும் நன்றாக இருக்கும். அது போல எடுக்க வேண்டும் என்றால் இப்போது இருக்கின்ற நிலையில் எந்த புரோடிïசர் வரப்போகிறார்! ஒரு வேளை நானே தயாரிப்பாளராக வந்தால், உனக்கு கண்டிப்பாக சான்ஸ் தருகிறேன். அதுவரைக்கும் நீ பொறுத்து இருக்கணும்!' என்றார்.

"சரி சார்'' என்று அவரிடம் விடை பெற்றுக்கொண்டு வந்தோம்.

பஞ்சு சார் சொன்ன பதிலை, சாதாரணமாக எல்லோரும் சொல்கின்ற பதில்போல்தான் எடுத்துக்கொண்டேன். ஜீ.கே.வியின் வேலைகளில் அதைப்பற்றி மறந்தும் விட்டேன்.

இடையில் செல்வராஜ் ஒருநாள் வந்து `ஏய்.. பஞ்சுசார் கதை - வசனம் எழுதிய "மயங்குகிறாள் ஒரு மாது'' என்ற படம் நல்ல ஹிட்டாகி விட்டது. அடுத்த படம் தொடங்கினால், நீதான் மிïசிக் டைரக்டர்! ரெடியா இருடா' என்றான். நான் அதையும் ஒரு பேச்சாக எடுத்துக் கொண்டேனே தவிர உண்மையாக எடுத்துக்கொள்ளவில்லை.

சில நாட்களுக்குப்பின் செல்வராஜ் என்னிடம் வந்து, பஞ்சு அருணாசலம் என்னை அழைப்பதாகக் கூறினான். போனேன்.

"வாய்யா'' என்று வரவேற்ற பஞ்சு சார், "செல்வராஜ் ஒன்றும் சொல்லலியா?'' என்று கேட்டார்.

`இல்லை' என்கிற மாதிரி தலையசைத்து, செல்வராஜை நோக்கினேன்.

"இல்லை சார். அதை நீங்களே சொன்னாத்தான் நல்லாயிருக்கும்'' என்று செல்வராஜ் சொன்னான்.

"செல்வராஜ் சொன்ன ஒரு கதையை நானே சொந்தமாகத் தயாரிக்கப்போறேன், நீதான் மிïசிக்!'' என்றார், பஞ்சு அருணாசலம்.

மகிழ்ச்சி தாங்காமல், "சரி அண்ணே'' என்றேன்.

கோவர்த்தனுடன் சேர்ந்து இசையமைக்க ஒத்துக்கொண்டது நினைவுக்கு வந்தது.

"வரப்பிரசாதம் என்ற ஒரு படத்தை கோவர்த்தன் - ராஜா என்ற பெயரில் இருவரும் சேர்ந்து இசையமைக்கிறோம். அதே பெயரில் இதில் இசையமைத்து விடுகிறோமே'' என்றேன்.

"இங்கப்பாரு! நான் சான்ஸ் கொடுப்பதே உனக்கு! இதில் ஏன் அவர் பெயரைப்போட வேண்டும்? "கைராசி'', "பட்டணத்தில் பூதம்'' என்று பல படத்திற்கு கோவர்த்தன் தனியாகவே இசையமைத்திருக்கிறார். இது நான் உனக்கு கொடுக்கும் படம்'' என்று பஞ்சு சார் கூறினார்.

இதை தயங்கி தயங்கி நான் கோவர்த்தனிடம் சொன்னேன். "பரவாயில்லை; சான்ஸ் கிடைப்பது கஷ்டம். உன் பெயரில் செய்'' என்று அனுமதி கொடுத்தார்.

பஞ்சு சார், தன் தம்பி சுப்புவை தயாரிப்பாளராகப் போட்டு இந்த படத்தை எடுத்தார்.

செல்வராஜ் ஏற்கனவே சொல்லியிருந்த ஒரு கிராமத்து மருத்துவச்சி கதையை கேட்டு, சில மாற்றங்கள் செய்து, திரைக்கதையையும், வசனத்தையும் பஞ்சு சார் எழுதினார். இதை தேவராஜ் - மோகன் டைரக்ட் செய்தார்கள்.

பாடல்களை எல்லாம் எந்த இடத்தில் வைக்க வேண்டும் என்று முடிவு செய்யப்பட்டது. இதை டைரக்டர் தேவராஜிடம் விளக்கிக்கூறி, ஏற்கனவே கம்போஸ் செய்யப்பட்ட பாடல்களை அவரை கேட்கவைத்தார் பஞ்சு.

உத்தமபாளையம் பகுதியில் பாடப்படுகின்ற நாட்டுப்பாடல். ஏற்கனவே சிறுவயதிலிருந்து நான் கேட்டு வந்த "புள்ளிபோட்ட ரவிக்கைக்காரி'' என்று தொடங்கும் ஒரிஜினல் பாடலை, நான் வேறுவகையாக மாற்றி அமைத்தேன்.

அதுதான் "அன்னக்கிளி உன்னைத்தேடுதே'' என்ற பாடலாகும். அந்த அன்னக்கிளி என்ற பெயரே படத்தின் பெயரானது.

அடுத்து "மச்சானை பார்த்தீங்களா'' என்ற பாடலை ஏற்கனவே அமர் (கங்கை அமரன்) எழுதி டைரக்டர் கே.சுப்பிரமணியத்தின் மகன் எஸ்.வி.ரமணன் ஸ்டுடியோவில் பதிவு செய்து வைத்து இருந்தோம். அதை "அன்னக்கிளி'' படத்தில் பயன்படுத்த தீர்மானித்தோம்.

பூஜை தினத்தன்று இந்த 2 பாடல்களையும் பதிவு செய்ய முடிவு செய்யப்பட்டது. பாடல்களை கவிஞர் கண்ணதாசன் பாடல்களை எழுதுவார் என்று பஞ்சு சொன்னார்.

அந்த நாளை ஆவலோடு எதிர்பார்த்துக் காத்து இருந்தேன்.

சாந்தமான கிரிக்கெட் வீரர் தற்போது சினிமாவில் கதாநாயகனாக நடித்து வருகிறார் என்பது அனைவருக்கும் தெரிந்ததே. இந்த படத்தில் கதாநாயகியாக தன்னை நடிக்க வைப்பார் என்று ராய் நடிகை ரொம்பவும் ஏக்கத்தில் இருந்தாராம். ஏனென்றால், முன்னொரு காலத்தில் ராய் நடிகையும், இந்த கிரிக்கெட் வீரரும் ஒன்றாக ஊர் சுற்றி வந்து கொண்டிருந்தார்களாம்.

ஒருகட்டத்தில், சாந்தமான கிரிக்கெட் வீரருக்கு கிரிக்கெட் விளையாட்டில் பின்னடைவு வர, திருமணம் செய்து செட்டிலாகிவிட்டார். அதன்பிறகு, ராய் நடிகையுடனான நட்பையும் துண்டித்து விட்டாராம். இருப்பினும், ஏற்கெனவே இருந்த நட்பின் அடிப்படையில் அந்த கிரிக்கெட் வீரர் தனக்கு எப்படியாவது அவருடைய படத்தில் வாய்ப்பு தருவார் என்று ராய் நடிகை ரொம்பவும் எதிர்பார்த்தாராம்.



ஆனால், சாந்தமான கிரிக்கெட் வீரரின் மனைவியோ இவருக்கும் ராய் நடிகைக்கும் இருந்த நெருக்கத்தை மனதில் கொண்டு அவர் பக்கமே தலைகாட்டக் கூடாது என்று கிரிக்கெட் வீரரிடம் தடலாடியாக சொல்லிவிட்டாராம். அதன்பிறகே, ராய் நடிகைக்கு கல்தா கொடுத்துவிட்டு, வேறு நடிகையை படத்தில் ஒப்பந்தம் செய்தார்களாம்.

ரஞ்சித் இயக்கத்தில் ரஜினி மீண்டும் நடித்து வரும் படத்துக்கு ‘காலா’ என்று தலைப்பு வைத்துள்ளார். இப்படத்தின் படப்பிடிப்பு தற்போது மும்பையில் தொடங்கி விறுவிறுப்பாக நடைபெற்று வருகிறது. தமிழ், தெலுங்கு, இந்தி ஆகிய மொழிகளிலும் இப்படம் உருவாகி வருகிறது. இப்படத்தின் பர்ஸ்ட் லுக் போஸ்டர்களுக்கு ரசிகர்களிடையே மிகப்பெரிய வரவேற்பு கிடைத்துள்ளது.

இப்படத்தின் பர்ஸ்ட் லுக் போஸ்டர்களில் ஒன்றில் ரஜினி மகேந்திரா நிறுவனத்தின் ‘தார்’ என்ற ஜீப்பின் மேல் அமர்ந்திருப்பார். இந்த போஸ்டரை பார்த்த மகேந்திரா நிறுவனத்தின் எக்ஸ்க்யூட்டிவ் சேர்மன் ஆனந்த் மகேந்திரா, அந்த காரை தனது நிறுவனத்தின் அருங்காட்சியத்தில் வைக்க ஆசைப்படுவதாக தனது விருப்பத்தை தெரிவித்திருந்தார்.



இதற்கு, காலா படத்தின் தயாரிப்பாளரான தனுஷ் தனது டுவிட்டர் பக்கத்தில் பதில் ஒன்றை தெரிவித்துள்ளார். அதில், மிக்க நன்றி. அந்த வாகனத்தை தற்போது சூப்பர் ஸ்டார் படப்பிடிப்பில் பயன்படுத்தி வருகிறார். படப்பிடிப்பு முடிந்ததும் உங்களிடம் கொண்டுவந்து உறுதியாக சேர்க்கிறோம் என்று தெரிவித்துள்ளார். பதிலுக்கு, ஆனந்த் மகேந்திராவுக்கு தனுஷுக்கு நன்றி தெரிவித்துள்ளார்.

‘காலா’ படத்தில் ரஜினியுடன் பாலிவுட் நடிகை ஹுமா குரோஷி, நானா படேகர், அஞ்சலி பாட்டீல், சமுத்திரகனி, சம்பத், சாயாஜி ஷிண்டே, ‘வத்திக்குச்சி’ திலீபன் உள்ளிட்டோர் நடித்து வருகின்றனர். சந்தோஷ் நாராயணன் இசையமைத்து வருகிறார். மும்பையில் 40 நாட்கள் படப்பிடிப்பு நடக்கும் என்று கூறப்பட்டுள்ளது. அதைத் தொடர்ந்து சென்னையில் அடுத்தக்கட்ட படப்பிடிப்பை நடத்த உள்ளனர்.

‘குட்டிப்புலி’ படத்தை தொடர்ந்து சசிகுமார்-முத்தையா இணையவிருக்கும் படம் ‘கொடிவீரன்’. இப்படத்திற்கான ஆரம்பகட்ட பணிகள் தற்போது விறுவிறுப்புடன் நடைபெற்று வருகிறது. இந்நிலையில், இப்படத்தில் மூன்று கதாநாயகிகள் நடிக்கவுள்ளதாக அதிகாரப்பூர்வமாக அறிவித்துள்ளனர்.

அந்த மூன்று கதாநாயகிகளையும் அறிமுகப்படுத்தியுள்ளனர். அதன்படி, ‘சாட்டை’ பட நாயகி மஹிமா ஒரு நாயகியாகவும், ‘முனியாண்டி விலங்கியல் நான்காம் ஆண்டு’ பட நாயகி பூர்ணா மற்றொரு நாயகியாகவும், ‘ரேணிகுண்டா’ நாயகி சனுஷா மற்றொரு நாயகியாகவும் நடிக்கவுள்ளனர்.



இப்படத்தை சசிகுமார் தனது ‘சசிகுமார் புரொடக்ஷன்ஸ்’ நிறுவனம் சார்பில் 10-வது படமாக தயாரிக்கவுள்ளார். தற்போது இந்த படத்தில் பணிபுரியும் தொழில்நுட்ப கலைஞர்களின் தேர்வு விறுவிறுப்பாக நடைபெற்று வருகிறது. விரைவில் அதுகுறித்து அதிகாரப்பூர்வமாக அறிவிப்பார்கள் என்று எதிர்பார்க்கப்படுகிறது.