என் மலர்

    நீங்கள் தேடியது "transport"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • போக்குவரத்து துறை அதிகாரிகள் எச்சரிக்கை விடுத்துள்ளனர்.
    • 14 வகையான 10 ரூபாய் நாணயத்தை வெளியிட்டுள்ளது என்ற விவரங்கள் பத்திரிக்கை மூலமாக பொதுமக்களுக்கு தெரிவிக்கப்பட்டுள்ளது.

    தாராபுரம் :

    அரசு பஸ்களில் 10 ரூபாய் நாணயத்தை வாங்க மறுக்கும் நடத்துனர்கள் மீது நடவடிக்கை எடுக்கப்படும் என, போக்குவரத்து துறை அதிகாரிகள் எச்சரிக்கை விடுத்துள்ளனர்.

    தமிழ்நாடு அரசு போக்குவரத்து கழகம் (கோவை) பொது மேலாளர், திருப்பூர் மண்டல அனைத்து கிளை மேலாளர்களுக்கும் அனுப்பி உள்ள கடிதத்தில் கூறியிருப்பதாவது:- தமிழ்நாடு அரசு போக்குவரத்து கழகம் விழுப்புரம், காஞ்சிபுரம் மற்றும் வேலூர் மாவட்டங்களை சேர்ந்த பஸ்களில் பயணிகள் பயணம் செய்யும் போது, பயண சீட்டை பெற்றுக் கொண்டு கட்டண தொகை கொடுக்கும் போது, நடத்துனர்கள் 10 ரூபாய் நாணயத்தை பெற மறுக்கின்றனர் என, சென்னை இந்திய ரிசர்வ் வங்கி துணை பொது மேலாளர் தெரிவித்துள்ளார். மேலும், இந்திய ரிசர்வ் வங்கி இதுவரை 14 வகையான 10 ரூபாய் நாணயத்தை வெளியிட்டுள்ளது என்ற விவரங்கள் பத்திரிக்கை மூலமாக பொதுமக்களுக்கு தெரிவிக்கப்பட்டுள்ளது. இந்த நாணயங்கள் அனைத்தும் சட்ட பூர்வமானவை.

    எனவே இனி வருகிற காலங்களில் தமிழ்நாடு அரசு போக்குவரத்து கழகம் (கோவை) லிமிடெட் திருப்பூர் மண்டல பஸ்களில் பயணம் செய்யும் பயணிகள் பயண சீட்டு கட்டணம் கொடுக்கும் போது, 10 ரூபாய் நாணயம் கொடுத்தால் அதனை மறுக்காமல் நடத்துனர்கள் பயண சீட்டு கொடுக்க வேண்டும். 10 ரூபாய் நாணயங்களை வாங்க மறுக்கும் நடத்துனர்கள் மீது நடவடிக்கை எடுக்கப்படும். எனவே அனைத்து கிளை மேலாளர்களும் தகவல் பலகை மூலமாக இந்த தகவலை அனைத்து நடத்துனர்களுக்கும் தெரியப்படுத்த வேண்டும். மேலும் இதுபோன்ற புகார்கள் பொதுமக்களிடம் இருந்து வராத வகையில் நடந்துகொள்ள வேண்டும்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தாராசுரம் பகுதியில் கடந்த இரண்டு மாத காலத்திற்கு மேலாக குடிநீர் சரிவர வழங்கப்படவில்லை.
    • சாலை மறியலால் கும்பகோணம்- தஞ்சாவூர் சாலையில் 3 மணி நேரம் போக்குவரத்து பாதிக்கப்பட்டது.

    சுவாமிமலை:

    கும்பகோணம் மாநகராட்சிக்கு உட்பட்ட தாராசுரம் பகுதியில் உள்ள 31 முதல் 35 வது வார்டுகளில் கடந்த இரண்டு மாத காலத்திற்கு மேலாக குடி தண்ணீர் சரி வர வழங்கப்படவில்லை

    இதனால் மக்கள் பெரிதும் அவதியுற்று வருகின்றனர் முறையாக குடிநீர் வழங்க வேண்டி பலமுறை மாநகராட்சி அதிகாரியிடம் தெரிவித்தும் உரிய நடவடிக்கை எடுக்காததை கண்டித்து பெண்கள் காலி குடங்களுடன் அ.தி.மு.க மாமன்ற உறுப்பினர் பத்ம குமரேசன் தலைமையில் கும்பகோணம்- தஞ்சை சாலையில் மறியலில் இன்று ஈடுபட்டனர்.

    இந்த சாலை மறியலில் மாநகராட்சி கவுன்சிலர் கௌசல்யா வாசு, அதிமுக நிர்வாகிகள் லெனின். கோவி. கேசவன், பொன்னையன், கோவி.ரமணன் உட்பட 200-க்கும் மேற்பட்டோர் ஈடுபட்டனர்

    கும்பகோணம் தாலுகா இன்ஸ்பெக்டர் ரமேஷ் குமார் தலைமையில் பலத்த போலீஸ் பாதுகாப்பு போடப்பட்டிருந்தது இந்த சாலை மறியலால் கும்பகோணம் தஞ்சாவூர் பகுதியில் 3 மணி நேரம் போக்குவரத்து பாதிப்பு ஏற்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அந்தியோதயா, இன்டர்சிட்டி ரெயில் போக்குவரத்து இன்று முதல் மாற்றம் செய்யப்பட்டுள்ளது.
    • நெல்லை- செங்குளம் இடையே இரட்டை ரெயில் பாதை இணைப்பு பணிகளும், வடக்கு பணகுடி ரெயில் நிலையத்தில் நடை மேம்பால வேலைகளும் நடக்கின்றன.

    மதுரை

    திருவனந்தபுரம் கோட்டத்தில் நெல்லை- செங்குளம் இடையே இரட்டை ரெயில் பாதை இணைப்பு பணிகளும், வடக்கு பணகுடி ரெயில் நிலையத்தில் நடை மேம்பால வேலைகளும் நடக்கின்றன. எனவே அந்த பகுதியில் ரெயில் போக்குவரத்து மாற்றம் செய்யப்பட்டு உள்ளது. அதன்படி தாம்பரத்தில் இருந்து இன்று (20-ம் தேதி) புறப்படும் நாகர்கோவில் ரெயில் மற்றும் தாம்பரம் -நாகர்கோவில் அந்தியோதயா ரெயில் (20691) ஆகியவை நெல்லை - நாகர்கோவில் இடையே பகுதியாக ரத்து செய்யப்படுகிறது.

    மறு மார்க்கத்தில் நாளை (21-ம் தேதி) நாகர்கோவிலில் இருந்து புறப்படும் தாம்பரம் ரெயில் மற்றும் நாகர்கோவில்-தாம்பரம் அந்தியோதயா ரெயில் நாகர்கோவில்-நெல்லை இடையே பகுதியாக ரத்து செய்யப்படுகிறது. அதேபோல நாளை (21-ம் தேதி) மற்றும் 24-ம் தேதி ஆகிய 2 நாட்களில் திருச்சி - திருவனந்தபுரம் இன்டர்சிட்டி ரெயில்கள், இரு மார்க்கங்களிலும் நெல்லை - திருவனந்தபுரம் இடையே பகுதியாக ரத்து செய்யப்படுகிறது.மேற்கண்ட தகவலை மதுரை கோட்ட ரெயில்வே செய்தி தொடர்பு அலுவலகம் தெரிவித்து உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ரெயில்வே மேம்பால பணிக்காக சேலம் முள்ளுவாடி 2-வது கேட்டில் போக்குவரத்து மாற்றம் செய்யப்பட்டது.
    • ரெயில்வே உயர்மட்ட மேம்பாலத்தையொட்டி இணைப்பு பாலம் சேர்க்க வேண்டும்.

    சேலம்:

    சேலம் -விருத்தாசலம் வழித்தடத்தில் தினசரி 10-க்கும் மேற்பட்ட பயணிகள் ரெயில், சரக்கு ரெயில், எக்ஸ்பிரஸ் ரெயில்கள் இயங்கி வருகிறது. இந்த ரெயில்கள் வரும்போது முள்ளுவாடிகேட், அணைமேடு, தில்லைநகர், பொன்னம்மாப்பேட்டை, அம்மாப்பேட்டை மிலிடெரிரோடு, அயோத்தியாப்பட்டணம் உள்பட பல பகுதிகளில் கேட்டுகள் மூடப்படுகிறது.

    இவ்வாறு கேட்டுகள் மூடப்படும்போது, அடிக்கடி போக்குவரத்து நெரிசல் ஏற்பட்டு வருகிறது. போக்குவரத்து நெரிசலுக்கு தீர்வு காண முள்ளுவாடி 2-வது கேட்டிலும் ரெயில்வே மேம்பாலம் அமைக்க வேண்டும் என பல்வேறு தரப்பினர் அரசுக்கு கோரிக்கை வைத்தனர். இதை பரிசீலித்த அரசு கடந்த 2016-ம் ஆண்டு முள்ளுவாடி 2-வது கேட்டில் மேம்பாலம் அமைக்கும் பணியை தொடங்கியது. தற்போது மேம்பாலப் பணி 80 சதவீதம் நிறைவடைந்துள்ளது. மீதமுள்ள பணிகளையும் முடிக்க நெடுஞ்சாலைத்துறை மும்முரமாக செயல்பட்டு வருகிறது.

    ரெயில்வே உயர்மட்ட மேம்பாலத்தையொட்டி இணைப்பு பாலம் சேர்க்க வேண்டும். இப்பணிக்காக முள்ளுவாடி 2-வது கேட்டில் தடுப்புகள் அமைத்து போக்குவரத்து மாற்றம் செய்யப்பட்டுள்ளது.

    பிரட்ஸ்ரோட்டில் இருந்து ஆனந்தாபாலத்திற்கு செல்லும்ரோடு தடுப்புகள் அமைத்து அடைக்கப்பட்டுள்ளது. அவ்வழியாக செல்லும் வாகனங்கள் இனிமேல் சுந்தர்லாட்ஜ் வந்து அைணமேடு வழியாக செல்லும் வகையிலும், அதேபோல் ஆனந்தாபாலம் வழியாக முள்ளுவாடிகேட்டுக்கு வரும் வாகனங்கள், டவுன் ரெயில் நிலையத்தை யொட்டி பாரதியார் சிலை ரோட்டில் சென்று திருவள்ளுவர் சிலை வழியாக செல்ல போக்குவரத்து மாற்றம் செய்யப்பட்டுள்ளது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கால்வாய் கரைகளிலுள்ள மின் இணைப்புகள் சட்ட விரோதமாக துண்டிக்கப்படுகிறது.
    • விவசாயிகள் விளை பொருட்களை கொண்டு வர முடிவதில்லை.

    உடுமலை :

    உடுமலை அரசு கலைக்கல்லூரியில் விவசாயிகள் குறைதீர்க்கும் நாள் கூட்டம் நடைபெற்றது. இதில் விவசாயிகள் பேசியதாவது:-

    உடுமலை, மடத்துக்குளம் பகுதியில், விவசாயம் பிரதானமாக உள்ளது. விவசாயிகளுக்கும் ஏராளமான பிரச்னைகள் உள்ளன. நீதிமன்ற வழக்கை காரணம் காட்டி, கால்வாய் கரைகளிலுள்ள மின் இணைப்புகள் சட்ட விரோதமாக துண்டிக்கப்படுகிறது.

    உடுமலை பெரியகோட்டை, சின்னவீரம்பட்டி பகுதிகளில், ஆடு, மாடுகளை மர்ம விலங்குகள் கடித்து வருகிறது. கடந்த, ஒரு மாதத்தில்,நூற்றுக்கணக்கான ஆடுகள் கடித்து குதறப்பட்டு பலியாகியுள்ளன.வனத்துறையினர் 20க்கும் மேற்பட்ட தெரு நாய்கள், சுற்றி வருவதாகவும், அவைதான் காரணம் என்கின்றனர். அவற்றை கட்டுப்படுத்தவும், பாதித்த விவசாயிகளுக்கு உரிய இழப்பீடு வழங்க வேண்டும்.

    அதிகாலை நேரத்தில் இயக்கப்பட்டு வந்த, அரசு பஸ்கள், நிறுத்தப்பட்டதால் விவசாயிகள் விளை பொருட்களை கொண்டு வர முடிவதில்லை.கிராமங்களுக்கு இயக்கப்பட்டு வந்தஅரசு பஸ்கள் பெருமளவு குறைக்கப்பட்டுள்ளது. கிராம விவசாயிகள், பொதுமக்கள், பள்ளி, கல்லூரி மாணவர்கள் கடும் சிரமத்திற்கு உள்ளாகின்றனர். எனவே அரசு பஸ்களை மீண்டும் இயக்க வேண்டும் என்றனர்.  

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தானம் செய்பவர்களின் உடல் உறுப்புகளை கொண்டு செல்ல ஆளில்லா குட்டி விமானங்கள் பயன்படுத்தப்படும் என்று மத்திய மந்திரி ஜெயந்த் சின்கா தெரிவித்துள்ளார். #JayantSinha #Drones #Organs
    புதுடெல்லி:

    மத்திய விமானத்துறை மந்திரி ஜெயந்த் சின்கா டெல்லியில் செய்தியாளர்களிடம் கூறியதாவது:-

    தானம் செய்பவர்களின் உடல் உறுப்புகளை சாலை வழியாக கொண்டு செல்வதில் பல்வேறு சிக்கல்கள் உள்ளன. போக்குவரத்து நெருக்கடியில் குறிப்பிட்ட நேரத்தில் உடல் உறுப்புகளை கொண்டு செல்வது சவாலான பணியாக இருக்கிறது.



    எனவே உடல் உறுப்புகளை ஒரு ஆஸ்பத்திரியில் இருந்து மற்றொரு ஆஸ்பத்திரிக்கு கொண்டு செல்ல ஆளில்லா குட்டி விமானங்களை பயன்படுத்த முடிவு செய்துள்ளோம். இதற்கான நடவடிக்கை இன்று (சனிக்கிழமை) தொடங்குகிறது. ஒரு மாதத்துக்குள் இந்த பணியை முடிக்க வேண்டும் என எதிர்பார்க்கிறேன். இந்த குட்டி விமானங்கள் உடல் உறுப்புகளை கொண்டு செல்வதற்கு மட்டுமே பயன்படுத்தப்படும். குட்டி விமானங்கள் புறப்பட்டு செல்லவும், அதை இறக்குவதற்கும் தேவையான வசதிகளை ஆஸ்பத்திரிகளில் முதலில் ஏற்படுத்த வேண்டும். இதனால் நேரம் விரயமாவதை குறைக்க முடியும்.

    இவ்வாறு அவர் கூறினார். #JayantSinha #Drones #Organs

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    நிலச்சரிவால் நிறுத்தப்பட்டிருந்த போக்குவரத்து கொடைக்கானலில் 6 நாட்களுக்கு பிறகு தொடங்கியது. #GajaCyclone
    கொடைக்கானல்:

    கொடைக்கானலில் கஜா புயல் பாதிப்பால் வத்தலக்குண்டு சாலையிலும் பழனி சாலையிலும் பல இடங்களில் நிலச்சரிவு ஏற்பட்டது. இதனால் கொடைக்கானலுக்கு போக்குவரத்து துண்டிக்கப்பட்டு தனித்தீவாக மாறியது.

    நிலச்சரிவு ஏற்பட்ட பகுதிகளில் நெடுஞ்சாலைத்துறையினர் மணல் மூடைகளை அடுக்கி சரிசெய்யும் பணியில் ஈடுபட்டனர். கனரக வாகனங்கள் செல்ல தடை விதிக்கப்பட்டு இலகு ரக வாகனங்கள் மட்டும் அனுமதிக்கப்பட்டன.

    வத்தலக்குண்டு-கொடைக்கானல் சாலையில் குருசடி என்ற இடத்தில் சீரமைப்பு பணிகள் நடந்துகெண்டிருந்தபோது மீண்டும் மண்சரிவு ஏற்பட்டதால் போக்குவரத்து தடை ஏற்பட்டது.

    இதனால் அந்த பகுதியில் காண்கிரீட் அமைக்கப்பட்டு அதன் பிறகு 2 ஆயிரம் மணல் மூட்டைகள் அடுக்கி பாதை செப்பனிடப்பட்டது. ஓரளவுக்கு வாகனங்கள் இயக்க சாலை தயார்நிலைக்கு வந்ததால் அரசு பஸ்கள் இன்று முதல் இயக்கப்பட்டது. 10 கி.மீ. வேகத்தில் அரசு பஸ்களை ½ மணி நேரத்துக்கு ஒருமுறை இயக்குமாறு அதிகாரிகள் அறிவுறுத்தி உள்ளனர்.

    இதேபோல் பழனி- கொடைக்கானல் சாலையிலும் இன்று முதல் வாகனங்கள் இயக்க அனுமதி அளிக்கப்பட்டது. இதனால் 6 நாட்களுக்கு பிறகு மலைச்சாலையில் போக்குவரத்து தொடங்கி உள்ளது. கொடைக்கானலில் இருந்தும் காய்கறிகள் மற்றும் விளை பொருட்களை கனரக வாகனங்கள் மூலம் எடுத்து வந்தனர்.

    கொடைக்கானலில் புயலால் பாதிக்கப்பட்ட பல பகுதிகளில் மரங்கள் இன்னும் அகற்றப்படவில்லை. பள்ளங்கி, மாட்டுப்பட்டி ஆகிய பகுதிகளில் 20 அடி சாலைகள் குறுகி ஒத்தையடிப் பாதையாக சுருங்கி உள்ளது. மழைக்காரணமாக நிலமும் ஈரப்பதமாக இருப்பதால் சாலையை கடக்கும் பொதுமக்கள் மண்ணுக்குள் புதையும் நிலை உள்ளது. எனவே அதிகாரிகள் சாலையின் குறுக்கே விழுந்து கிடக்கும் மரங்களை அப்புறப்படுத்த வேண்டும் என வலியுறுத்தி உள்ளனர்.

    அவ்வப்போது மழையும் பெய்து வருவதால் மரக்கழிவுகளில் கொசுக்கள் உற்பத்தியாகி சுகாதார சீர்கேடான நிலை ஏற்பட் டுள்ளது. புயலால் பாதிக்கப்பட்ட மக்கள் மீண்டும் மழை அறிவிப்பால் மேலும் பீதி அடைந்துள்ளனர். #GajaCyclone
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சுற்றுச்சூழலை பாதிக்காத பயோ டீசல் மும்பையில் விற்பனை செய்யப்படுகிறது. இது தற்சமயம் பயன்படுத்தப்படும் டீசலுக்கு மாற்றாக அமைந்துள்ளது. #biotech #diesel



    சுற்றுச்சூழலை பாதிக்காத பயோ டீசலை மகாராஷ்டிர மாநிலம் புனேவைச் சேர்ந்த மை எகோ எனர்ஜி (எம்.இ.இ.) எனும் நிறுவனம் உருவாக்கியுள்ளது. புனே-மும்பை நெடுஞ்சாலையில் இதற்கான விற்பனையகத்தையும் அமைத்துள்ளது. இந்நிறுவனம் பயோ டீசல் விற்பனைக்காக அமைக்கும் இரண்டாவது விற்பனையகம் இதுவாகும்.

    தாவர எண்ணெய், வேளாண் கழிவுகள், உணவில் பயன்படுத்த முடியாத எண்ணெய் வித்துகள் உள்ளிட்டவை மூலம் இந்த பயோ டீசல் தயாரிக்கப்படுகிறது. இது அனைத்து டீசல் என்ஜின் வாகனங்களுக்கும் ஏற்றது.

    வழக்கமாக வாகனங்களில் பயன்படுத்தப்படும் டீசலுக்கான தர அளவீட்டின்படி இ.என். 590 தரத்தைக் கொண்டதாக இந்த பயோ டீசல் உள்ளது. இதனால் டீசல் என்ஜினில் எவ்வித மாறுதலும் செய்யத் தேவையில்லை என்று எம்.இ.இ. நிறுவனத்தின் இணை நிறுவனர் சந்தோஷ் வர்மா தெரிவித்துள்ளார்.

    ‘இண்ட்-டீசல்’ என்ற பெயரில் விற்பனைக்கு வந்திருக்கும் இந்த பயோ டீசல் ஒரு லிட்டர் 64 ரூபாய்க்கு விற்கப்படுகிறது. மேலும் இந்த டீசல் ஜி.எஸ்.டி. வரம்புக்குள் வருவதால் ஜி.எஸ்.டி.யில் பதிவுபெற்ற சரக்கு போக்குவரத்து நிறுவனங்கள் இண்ட்-டீசலை பயன்படுத்தினால் லிட்டருக்கு ரூ.8 வரை சலுகை பெறலாம்.

    இண்ட்-டீசலை பயன்படுத்துவதால் சுற்றுச் சூழல் மாசுபடுவதும் குறையும். ஏனெனில் இதில் வழக்கமான டீசலில் உள்ளதைப் போன்ற கந்தக அளவு கிடையாது. இது அதிக அளவில் புழக்கத்திற்கு வரும்போது நாட்டின் கச்சா எண்ணெய் இறக்குமதி செலவும் கணிசமாகக் குறையும்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    லாரிகள் வேலைநிறுத்தம் காரணமாக கேரளாவிற்கு டெம்போ வேன்களில் காய்கறிகள் கொண்டு செல்லப்படுகின்றன. #LorryStrick
    கோவை:

    இந்தியா முழுவதும் லாரிகள் வேலைநிறுத்தம் கடந்த 20-ந் தேதி தொடங்கியது. இது போல் கோவை மாவட்டத்திலும் லாரிகள் வேலைநிறுத்தம் தீவிரம் அடைந்துள்ளது. தமிழகம் மற்றும் இந்தியாவின் மற்ற மாநிலங்களில் இருந்து வரும் ஆயிரக்கணக்கான லாரிகள் கோவையை அடுத்த வாளையாறு வழியாக கேரளாவுக்கு செல்வது வழக்கம். வேலைநிறுத்தம் காரணமாக அந்த லாரிகள் அனைத்தும் வாளையாறில் நிறுத்தப்பட்டுள்ளன.

    லாரிகள் வேலைநிறுத்தம் காரணமாக சரக்கு போக்குவரத்து முற்றிலும் முடங்கி உள்ளது. கோவை மாவட்டத்தில் தினமும் ரூ.100 கோடிக்கு வர்த்தகம் பாதிப்பதாக கூறப்படுகிறது. கோவை-மேட்டுப்பாளையம் சாலையில் உள்ள எம்.ஜி.ஆர். மார்க்கெட்டுக்கு வெளிமாநிலங்களில் இருந்து தினமும் 100 லாரிகளில் பெரிய வெங்காயம், உருளைக்கிழங்கு, சின்ன வெங்காயம், கேரட், பீட்ரூட், பீன்ஸ் போன்ற காய்கறிகள் கோவைக்கு கொண்டு வரப்படுவது வழக்கம்.

    ஆனால் லாரிகள் வேலைநிறுத்தம் காரணமாக காய்கறி வரத்து குறைந்துள்ளது. ஆனால் 20-ந் தேதிக்கு முன்பு வடமாநிலங்களில் இருந்து பெரிய வெங்காயம் மற்றும் உருளைக்கிழங்கு ஏற்றிய 20 லாரிகள் நேற்றுக்காலை கோவை வந்தன. காய்கறி லாரிகள் என்பதால் அவற்றை யாரும் தடுக்கவில்லை. கோவை வந்த அந்த லாரிகளில் இருந்து இறக்கப்பட்ட பெரிய வெங்காயம் மற்றும் உருளைக்கிழங்கு ஆகியவை கேரளாவுக்கு கொண்டு செல்லப்பட வேண்டும்.

    ஆனால் பெரிய லாரிகளை இயக்க முடியாது என்பதால் கேரளாவில் உள்ள காய்கறி வியாபாரிகள் தங்களுக்கு சொந்தமான டெம்போ வேன்களில் கோவையில் இருந்து காய்கறிகளை ஏற்றிக் கொண்டு கேரளாவுக்கு சென்றனர். கோவை எம்.ஜி.ஆர். மார்க்கெட்டில் இருந்து நேற்று 50-க்கும் மேற்பட்ட டெம்போ வேன்களில் காய்கறிகள் கேரளாவுக்கு கொண்டு செல்லப்பட்டன.

    இது குறித்து எம்.ஜி.ஆர். மொத்த காய்கறி மார்க்கெட் வியாபாரி ஒருவர் கூறியதாவது:-

    லாரிகள் வேலைநிறுத்தம் காரணமாக பெரிய வெங்காயம், உருளைக்கிழங்கு ஆகியவற்றின் விலை ஒரு கிலோவுக்கு ரூ.5 வரை உயர்ந்துள்ளன. மற்ற காய்கறிகளும் ஒரு கிலோவுக்கு ரூ.5 முதல் ரூ.10 வரை விலை உயர்ந்துள்ளன. கோவையில் இருந்து கேரளாவுக்கு காய்கறிகளை வியாபாரிகள் தங்கள் சொந்த டெம்போ வேன்களில் கொண்டு செல்கின்றனர். இதனால் கோவை மார்க்கெட்டில் காய்கறிகள் தேக்கம் அடையவில்லை.

    காய்கறிகளை ஏற்றிக் கொண்டு கேரளா செல்லும் டெம்போ வேன்களை இதுவரை யாரும் தடுக்க வில்லை. இதே நிலை நீடித்தால் இன்னும் 2 நாட்களுக்கு கேரளாவுக்கு டெம்போ வேன்கள் மூலம் காய்கறி கொண்டு செல்ல முடியும். அதன்பின்னர் கோவை மார்க்கெட்டில் இருப்பு குறைந்த பிறகு கேரளாவில் காய்கறிக்கு தட்டுப்பாடு ஏற்படும்.

    கோவையை சுற்றி உள்ள கிராமங்களில் விளையும் காய்கறிகளை ஆட்டோக்கள், டெம்போ வேன்களில் கோவை மார்க்கெட்டுக்கு கொண்டு வந்து விற்கப்படுகிறது அரசு பஸ்களிலும் காய்கறி மூட்டை களை இலவசமாக கொண்டு செல்ல அனுமதிக்கப்பட்டு உள்ளது. எனவே கோவையின் சுற்று வட்டாரங்களில் விளையும் காய்கறிகளை விற்பனை செய்ய எங்கும் கொண்டு செல்வதில் சிக்கல் இருக்காது. ஆனால் வெளிமாநிலங்களில் வரும் காய்கறிகள் தற்போது தடைபட்டு உள்ளது. அவற்றின் விலை மேலும் உயர வாய்ப்புள்ளது. இவ்வாறு அவர் கூறினார்.  #LorryStrick
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பல்வேறு கோரிக்கைகளை வலியுறுத்தி லாரி உரிமையாளர்கள் நடத்தி வரும் ஸ்டிரைக் மூன்றாவது நாளாக இன்றும் தொடர உள்ள நிலையில், ரூ.15 ஆயிரம் கோடி மதிப்பிலான வர்த்தகம் பாதிக்கப்பட்டுள்ளது. #LorryStrike
    சென்னை:

    டீசல் விலை உயர்வு, சுங்க கட்டணம் உயர்வு ஆகியவற்றை கண்டித்து அகில இந்திய மோட்டார் காங்கிரஸ் சார்பில் நேற்று முன்தினம் நாடு முழுவதும் லாரி ஸ்டிரைக் தொடங்கியது. லாரி ஸ்டிரைக் இன்று 3-வது நாளாக நீடிக்கிறது. இந்தியா முழுவதும் 68 லட்சம் லாரிகள் ஓடவில்லை.

    தமிழகத்தில் 4½ லட்சம் லாரிகள் ஓடாமல் ஆங்காங்கே நிறுத்தி வைக்கப்பட்டுள்ளன. ஸ்டிரைக் காரணமாக நாடு முழுவதும் ரூ.15 ஆயிரம் கோடிக்கு மேல் சரக்குகள் தேக்கம் அடைந்துள்ளது. தமிழகத்தில் ரூ.500 கோடி மதிப்புள்ள சரக்குகள் தேங்கி கிடக்கிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    டீசல் விலை உயர்வால் போக்குவரத்து கழகங்களுக்கு ஏற்படும் இழப்பை அரசு ஈடுசெய்ய வேண்டும் என்று டாக்டர் ராமதாஸ் வலியுறுத்தியுள்ளார்.
    சென்னை:

    பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:-

    வரலாறு காணாத டீசல் விலை உயர்வு காரணமாக அரசுப் போக்குவரத்துக்கழகங்கள் மிகக் கடுமையான பாதிப்புகளை எதிர்கொண்டு வருகின்றன. அரசுப் போக்குவரத்துக்கழகங்களின் இழப்பு நாளுக்கு நாள் அதிகரித்து வரும் நிலையில், அதை ஈடுகட்ட அ.தி.மு.க. அரசு நடவடிக்கை எடுக்காதது கண்டிக்கத்தக்கது.

    கடந்த ஜனவரி மாதம் பஸ் கட்டணங்கள் உயர்த்தப்பட்டபோது, ஒரு லிட்டர் டீசல் விலை ரூ.65.83 ஆக இருந்தது. இன்றைய நிலவரப்படி ஒரு லிட்டர் டீசல் விலை ரூ.72.97 ஆகும். கடந்த 4½ மாதங்களில் ஒரு லிட்டர் டீசல் விலை ரூ.7.14 உயர்ந்துள்ளது. இதனால், அரசுப் போக்குவரத்துக்கழக பஸ்களை இயக்குவதற்கான செலவு கிலோ மீட்டருக்கு 34 ரூபாயில் இருந்து 45 ரூபாயாக அதிகரித்து உள்ளது. இதில் டீசலுக்கான செலவு மட்டும் கிலோ மீட்டருக்கு 9 ரூபாயில் இருந்து 13 ரூபாயாக உயர்ந்திருக்கிறது.

    டீசல் விலை உயர்வு உள்ளிட்ட காரணங்களால் அரசுப் போக்குவரத்துக்கழகங்களின் இயக்கச் செலவு தினமும் ரூ.6 கோடி அளவுக்கு அதிகரித்திருக்கிறது. இதனால், அரசு போக்குவரத்துக்கழகங்களின் இழப்பு மேலும் அதிகரித்திருக்கிறது. இதை ஈடுசெய்வதாக கூறி ஊரகப் பகுதிகளுக்கு இயக்கப்படும் பஸ்கள் உள்பட ஆயிரக்கணக்கான பஸ்களின் இயக்கம் நிறுத்தப்பட்டிருக்கிறது.

    இதன் மூலம் அரசு பஸ்கள் உள்பட ஆயிரக்கணக்கான பஸ்களின் இயக்கம் நிறுத்தப்பட்டிருக்கிறது. இதன் மூலம் அரசு பஸ்களின் இயக்க தூரம் தினமும் 15 லட்சம் கிலோ மீட்டர் அளவுக்கு குறைக்கப்பட்டுள்ளது. இதனால், ஊரகப் பகுதிகளைச் சேர்ந்த பொதுமக்கள் பஸ் வசதியில்லாமல் அவதிப்பட்டு வருகின்றனர்.

    அரசுப் போக்குவரத்துக்கழகங்கள் எனப்படுபவை சேவை நோக்கத்துடன் நடத்தப்படுபவை ஆகும். தொலைதூரப் பகுதிகளுக்கு இயக்கப்படும் பஸ்கள் மூலம் வருவாய் கிடைக்காது என்பதாலும், பல்வேறு பிரிவினருக்கு இலவச பஸ் பயண அட்டைகள் வழங்கப்பட்டிருப்பதாலும் போக்குவரத்துக்கழகங்களுக்கு இழப்பு ஏற்படும். இந்த இழப்பையும், டீசல் கட்டண உயர்வால் ஏற்படும் இழப்புகளையும் தமிழக அரசு தான் ஏற்றுக்கொள்ள வேண்டும். இல்லாவிட்டால் அரசுப் போக்குவரத்துக்கழகங்கள் செயல்பட முடியாத நிலை ஏற்பட்டுவிடும்.

    இதைத் தடுப்பதற்காக டீசல் விலை உயர்வு உள்ளிட்ட காரணங்களால் போக்குவரத்துக்கழகங்களுக்கு ஏற்படும் இழப்பை ஈடுசெய்ய அரசு முன்வர வேண்டும். போக்குவரத்துக்கழக தொழிலாளர்களுக்கான நிலுவைத்தொகையையும் உடனடியாக வழங்க வேண்டும்.

    இவ்வாறு அவர் கூறியுள்ளார்.

    • Whatsapp
    • Telegram
    • Linkedin
    • Print