நீங்கள் தேடியது "Therottam"

விழுப்புரம் மாவட்டம் கண்டாச்சிபுரத்தை அடுத்த கடையம் கிராமத்தில் பழமைவாய்ந்த சூலப்பிடாரி அம்மன் கோவில் உள்ளது. இந்த கோவிலில் 2 ஆண்டுகளுக்கு ஒருமுறை தூக்குதேர் திருவிழா நடைபெறுவது வழக்கம். கொரோனா தொற்று காரணமாக கடந்த 2020-ம் ஆண்டு நடைபெற வேண்டிய தூக்குதேர் திருவிழா நடைபெறவில்லை.

இந்நிலையில் சூலப்பிடாரியம்மன் கோவிலில் இந்த ஆண்டுக்கான தேர் திருவிழா கடந்த 9-ந் தேதி காப்பு கட்டுதல் நிகழ்ச்சியுடன் தொடங்கியது. அதன் பிறகு 12-ந் தேதி திருத்தேர் அடிபீடம் அமைத்தல், சிற்றரசூருக்கு கிராம மக்கள் சென்று அம்மனுக்கு அபிஷேக ஆராதனை செய்து அம்மனை கடையம் கிராமத்திற்கு அழைத்து வருதல் உள்ளிட்ட நிகழ்ச்சிகள் நடைபெற்றது.

விழாவில் நேற்று முன்தினம் ஆத்திலியம்மன் கோவிலுக்கு சென்று அபிஷேக ஆராதனை செய்து வருதல், முத்துமாரியம்மன் கோவிலில் இருந்து குடை கலசமும், அக்னி சட்டி எடுத்து வருதலும், மாலை 5 மணிக்கு விநாயகர் கோவிலில் இருந்து 64 அடி உயரமுள்ள திருத்தேரை அப்பகுதியை சேர்ந்த இளைஞர்கள், தங்கள் தோள் மீது சுமந்தபடி பிடாரியம்மன் கோவிலுக்கு தூக்கிச்செல்லுதலும், இரவு 10 மணிக்கு திருக்கல்யாணமும், நள்ளிரவு 12 மணிக்கு அம்மனை திருத்தேரில் அமர்த்தி திருத்தேர் வீதிஉலாவும் நடைபெற்றது.

இந்த தூக்கு தேரை பக்தர்கள், தோளில் சுமந்தவாறு வீதி, வீதியாக சென்று வந்தனர். இந்த தேர் திருவிழாவில் கடையம், சி.என்.பாளையம், சிற்றரசூர் உள்ளிட்ட பல்வேறு கிராமங்களை சேர்ந்த ஏராளமான பக்தர்கள் கலந்து கொண்டு அம்மனை வழிபட்டனர். விழாவிற்கான ஏற்பாடுகளை கிராம மக்கள், இளைஞர்கள் செய்திருந்தனர்.

திருச்செந்தூர் சுப்பிரமணிய சுவாமி கோவிலுடன் இணைந்த வெயிலுகந்தம்மன் கோவிலில் ஆவணித்திருவிழா கடந்த 6-ந் தேதி கொடியேற்றத்துடன் தொடங்கியது. திருவிழா காலங்களில் தினசரி அம்மன் பல்வேறு வாகனங்களில் எழுந்தருளி வீதி உலா வந்து பக்தர்களுக்கு காட்சி கொடுத்தார்.

10-ம் திருநாளான நேற்று காலை 6.30 மணிக்கு அம்மன் தேரில் எழுந்தருளி வெளிவீதி நான்கிலும் பவனி வந்து பக்தர்களுக்கு காட்சி கொடுத்தார்.

இரவு அம்மன் அலங்கார சப்பரத்தில் சுப்பிரமணிய சுவாமி கோவில் சண்முக விலாசத்தில் எழுந்தருளி சண்முகருக்கு எதிர்சேவை காட்சியளித்து வீதி உலா வந்து பக்தர்களுக்கு காட்சி கொடுத்து கோவிலை சேர்ந்தார்.

தேரோட்ட நிகழ்ச்சியில், கோவில் தக்கார் பிரதிநிதியும், ஓய்வு பெற்ற கால்நடை துறை உதவி இயக்குனருமான பாலசுப்பிரமணிய ஆதித்தன், பணியாளர்கள் ராஜ்மோகன், அம்பலவாணன், ஆவுடையப்பன், செல்லகுத்தாலம், கார்த்திகேயன், மணியம் நெல்லையப்பன் உள்பட பலர் கலந்து கொண்டனர்.

திருச்செந்தூர் துணை போலீஸ் சூப்பிரண்டு ஆவுடையப்பன் தலைமையில் போலீசார் பாதுகாப்பு பணியில் ஈடுபட்டிருந்தனர்.

விழாவிற்கான ஏற்பாடுகளை கோவில் தக்கார் இரா.கண்ணன் ஆதித்தன், இணை ஆணையர் கார்த்திக் மற்றும் கோவில் பணியாளர்கள் செய்திருந்தனர்.

திண்டுக்கல் மாவட்டம் தாடிக்கொம்புவில் பிரசித்திபெற்ற சவுந்தரராஜ பெருமாள் கோவில் உள்ளது. இந்த கோவிலில் ஒவ்வொரு ஆண்டும் ஆடி பெருந்திருவிழா வெகு விமரிசையாக நடைபெறுவது வழக்கம். அதன்படி, இந்த ஆண்டிற்கான திருவிழா கடந்த 4-ந்தேதி கொடியேற்றத்துடன் தொடங்கியது. அதைத்தொடர்ந்து ஒவ்வொரு நாளும் பெருமாள் வெவ்வேறு வாகனங்களில் எழுந்தருளி வீதிஉலா வந்தார். அதன்படி, அன்ன வாகனம், சிம்ம வாகனம், கருட வாகனம், சேஷ வாகனம், யானை வாகனம், குதிரை வாகனம் உள்ளிட்ட வாகனங்களில் சவுந்தரராஜ பெருமாள் எழுந்தருளி, தாடிக்கொம்பு நகரின் முக்கிய வீதிகள் வழியாக உலா வந்து பக்தர்களுக்கு அருள்பாலித்தார்.

திருவிழாவின் முக்கிய நிகழ்ச்சியாக கடந்த 10-ந்தேதி ஆடி பிரம்மோற்சவத்தை முன்னிட்டு சவுந்தரராஜ பெருமாளுக்கும், சவுந்தரவள்ளி தாயார் மற்றும் ஆண்டாளுக்கும் திருக்கல்யாணம் நடைபெற்றது. பின்னர் பெருமாள், தேவியர்களுடன் பல்லக்கில் எழுந்தருளி உலா வந்து பக்தர்களுக்கு அருள்பாலித்தார். இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.

இந்தநிலையில் திருவிழாவின் சிகர நிகழ்ச்சியாக நேற்று மாலை தேரோட்டம் நடைபெற்றது. மாலை 5 மணி அளவில் தேரோட்டம் தொடங்கியது. இதில் திண்டுக்கல், கரூர், திருச்சி, திருப்பூர் உள்ளிட்ட மாவட்டங்களில் இருந்து வந்திருந்த ஆயிரக்கணக்கான பக்தர்கள் கலந்துகொண்டனர். அப்போது கோவிந்தா... கோவிந்தா... என விண்ணதிர கோஷம் எழுப்பியபடி பக்தர்கள் பக்தி பரவசத்தில் தேரை வடம்பிடித்து இழுத்தனர். தேரோடும் வீதிகள் வழியாக வலம் வந்த தேர், இரவு 7.30 மணி அளவில் நிலையை வந்தடைந்தது.

முன்னதாக திருத்தேர் வடம்பிடிக்கும் நிகழ்ச்சியில்பலர் கலந்துகொண்டனர்.

திருவிழாவில் நாளை (ஞாயிற்றுக்கிழமை) காலை தீர்த்தவாரியும், மாலை தெப்ப உற்சவமும் நடைபெறுகிறது. இதற்கான ஏற்பாடுகளை கோவில் தக்கார்‌ மற்றும் உதவி ஆணையர் சுரேஷ், இணை ஆணையர் பாரதி, செயல் அலுவலர் முருகன், கோவில் பட்டாச்சாரியார்கள் வெங்கட்ராமன், ராமமூர்த்தி, ஜெகநாதன், ரமேஷ் மற்றும் பணியாளர்கள் செய்துள்ளனர்.

ஆடி மாத வெள்ளிக்கிழமைகளில் அம்மன் கோவில்களில் பக்தர்கள் பொங்கல் வைத்தும், கூழ் ஊற்றியும் வழிபடுவது வழக்கம். அந்த வகையில் பழனி மாரியம்மன் கோவில், ரணகாளியம்மன் கோவில் உள்ளிட்ட கோவில்களில் பெண்கள் சிறப்பு வழிபாடு நடத்தினர். பழனி பெரியநாயகி அம்மன் கோவிலில் ஆடி லட்சார்ச்சனையையொட்டி அம்மனுக்கு ஒரு லட்சம் மலர்களால் அர்ச்சனை விழா முடிவடைந்தது.

இந்நிலையில் நேற்று ஆடி மாத கடைசி வெள்ளிக்கிழமையை முன்னிட்டு வெள்ளி தேரோட்டம் நடந்தது. முன்னதாக உச்சிக்கால பூஜையில் பெரியநாயகி அம்மனுக்கு 16 வகை அபிஷேகம் நடைபெற்றது. தொடர்ந்து தங்க கவச அலங்காரம் செய்யப்பட்டு சிறப்பு பூஜைகள் நடந்தன. தொடர்ந்து மகா தீபாராதனை காட்டப்பட்டது. அப்போது ஏராளமான பக்தர்கள் கலந்துகொண்டு சாமி தரிசனம் செய்தனர். தொடர்ந்து பக்தர்கள் அனைவருக்கும் பிரசாதம் வழங்கப்பட்டது.

இதையடுத்து இரவு 7 மணிக்கு திருத்தேரேற்றம் நடைபெற்றது. அதைத்தொடர்ந்து அம்மனுக்கு சிறப்பு அலங்காரம் செய்யப்பட்டு தீபாராதனை காட்டப்பட்டது. பின்னர் இரவு 8.30 மணிக்கு வெள்ளி தேரோட்டம் தொடங்கியது. கோவில் இணை ஆணையர் நடராஜன், துணை ஆணையர் பிரகாஷ், சாய் கிருஷ்ணா மருத்துவமனை உரிமையாளர் கீதா சுப்புராஜ், நகராட்சி கவுன்சிலர் விமலாபாண்டி உள்பட ஏராளமான முக்கிய பிரமுகர்கள் வடம்பிடித்து தேரோட்டத்தை தொடங்கி வைத்தனர். அதன் பின்னர் ஏராளமான பக்தர்கள் வடம் பிடித்து தேரை இழுத்தனர். தேரோட்டமானது மாரியம்மன் கோவில், கிழக்கு, தெற்கு, மேற்கு, வடக்கு என நான்கு ரதவீதிகள் வழியாக சுற்றி நிலைக்கு வந்து சேர்ந்தது.

திருமாலிருஞ்சோலை, தென்திருப்பதி என்று போற்றி அழைக்கப்படும் 108 வைணவ தலங்களில் பிரசித்தி பெற்றது மதுரையை அடுத்துள்ள அழகர்கோவிலில் உள்ள கள்ளழகர் கோவிலாகும்.

இங்கு ஆடி பெருந்திருவிழா ஒவ்வொரு வருடமும் விமரிசையாக நடக்கும். குறிப்பாக இந்த விழாவில் ஆடி தேரோட்டத்தின்போது பல்லாயிரக்கணக்கான பக்தர்கள் பங்கேற்பார்கள். ஆனால் கொரோனா பரவல் காரணமாக கடந்த 2 ஆண்டுகளாக ஆடிதிருவிழா பக்தர்களின்றி எளிமையாக நடந்தது.

கொரோனா பரவல் குறைந்ததையடுத்து இந்த வருடம் ஆடி திருவிழா விமரிசையாக நடத்த முடிவு செய்யப்பட்டது. அதன்படி கடந்த 4-ந்தேதி ஆடி திருவிழா கொடியேற்றத்துடன் தொடங்கியது. விழா தொடங்கிய நாள் முதல் தினமும் காலை, மாலையில் சுந்தரராஜபெருமாள் ஸ்ரீதேவி, பூதேவியுடன் பல்வேறு வாகனங்களில் எழுந்தருளி பக்தர்களுக்கு அருள் பாலித்தார்.

விழாவின் சிகர நிகழ்ச்சியான ஆடி தேரோட்டம் இன்று (வெள்ளிக்கிழமை) விமரிசையாக நடந்தது. இன்று அதிகாலை சுவாமி-அம்பாளுகளுக்கு சிறப்பு அபிஷேக அலங்காரம் நடந்தது. 4.15 மணிக்கு சுவாமி-அம்பாள் அலங்கரிக்கப்பட்ட தேரில் எழுந்தருளினர்.

தேரோட்டத்தை முன்னிட்டு மதுரை, திண்டுக்கல் மற்றும் சுற்றுவட்டார பகுதிகளை சேர்ந்த பல்லாயிரக்கணக்கான பக்தர்கள் அழகர்கோவில் கோட்டை வாசல் பகுதியில் திரண்டனர். காலை 6.25 மணிக்கு தேரோட்டம் தொடங்கியது. கோவிந்தா கோஷம் விண்ணை பிளக்க தேர் பக்தர்கள் வெள்ளத்தில் ஆடி அசைந்து வந்தது கண்கொள்ளா காட்சியாக இருந்தது.

2 ஆண்டுகளுக்கு பின் நடைபெறுவதால் வழக்கத்தைவிட குழந்தைகள், பெண்கள் என ஏராளமானோர் அதிக அளவில் திரண்டிருந்தனர். தேரோட்டத்தை முன்னிட்டு மதுரை மற்றும் பல்வேறு பகுதிகளில் இருந்து சிறப்பு பஸ்கள் இயக்கப்பட்டன. 500-க்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர்.

ஆடி திருவிழாவில் இன்று இரவு 18-ம்படி கருப்பசாமி சன்னதி நிலை கதவுகளுக்கு சந்தன சாத்துப்படி நடக்கிறது. நாளை (13-ந்தேதி) புஷ்ப சப்பரத்தில் சுவாமி-அம்பாள் வீதி நடைபெறும். 14-ந்தேதி உற்சவ சாந்தியுடன் விழா நிறைவுபெறுகிறது.

விழா ஏற்பாடுகளை தக்கார் வெங்கடாசலம், துணை ஆைணயர் ராமசாமி மற்றும் ஊழியர்கள் செய்திருந்தனர்.

புதுக்கோட்டை:

புதுக்கோட்டை மாவட்டம் பொன்னமராவதி அருகே அம்மன்குறிச்சி மீனாட்சி சுந்தரேஸ்வரர் கோயிலில் உள்ள பிடாரி அம்மனுக்கு ஆடித்திருவிழா கடந்த 2ம் தேதி காப்புக்கட்டுதலுடன் தொடங்கியது. தொடர்ந்து தினமும் மண்டகப்படிதாரர்கள் சார்பில் சிறப்பு வழிபாடு நடைபெற்றது. விழாவின் முக்கிய நிகழ்வான தேரோட்டம் நடைபெற்றது. விழாவையொட்டி சாமிக்கு சிறப்பு அபிஷேக ஆராதனைக்கு, பின்னர் அலங்காரிக்கப்பட்ட பிடாரி அம்மன் தேரில் எழுந்தருளியபின் பக்தர்கள் வடம் பிடிக்க புறப்பட்ட தேர் முக்கிய வீதிகளில் வலம் வந்து தேரடியில் நிலையை அடைந்தது.

பிடாரி அம்மனுக்கு அலங்கரிக்கப்பட்ட பூக்கள் , மாலைகள் பக்தர்களை நோக்கி வீசப்பட்ட அவற்றை அம்மனின் அருள்பிரசாம் என போட்டி போட்டுக்கொண்டு பக்தர்கள் பிடித்து வீட்டிற்க்கு கொண்டு சென்றனர்.

விழாவில் அம்மன்குறிச்சி, சொக்கநாதபட்டி, ஆலவயல், கண்டியாநத்தம், நகரப்பட்டி, கல்லம்பட்டி மற்றும் சுற்றுக்கிராம மக்கள் பங்கேற்று வழிபட்டனர். புதுக்கோட்டை மாவட்ட அறநிலையத்துறை அதிகாரிகள் பார்வையிட்டு ஆய்வு செய்தனர். பாதுகாபபில் தீயணைப்பு துறையினர், காவல்துறையினர் ஈடுபட்டனர்.

மதுரை அருகே அழகர்கோவிலில் உள்ள கள்ளழகர் கோவிலில் கடந்த 2 ஆண்டுகளாக கொரோனா தொற்று காரணமாக ஆடி பெருந்திருவிழா நடக்கவில்லை. இந்த ஆண்டு கடந்த 4-ந் தேதி கொடி ஏற்றத்துடன் ஆடி பெருந்திருவிழா தொடங்கியது.

விழாவில் இன்று மாலையில் தங்கக்குதிரை வாகனத்தில் அழகர் காட்சி தருகிறார். திருவிழாவின் முக்கிய நிகழ்ச்சியாக நாளை(வெள்ளிக்கிழமை) அதிகாலை 4.15 மணிக்கு மேல் 4.35 மணிக்குள் சுவாமி தேவியர்களுடன் தேருக்கு எழுந்தருள்கிறார்.

இதைதொடர்ந்து காலை 6 மணியிலிருந்து 6.30 மணிக்குள் தேரோட்டம் தொடங்குகிறது.

13-ந் தேதி மாலையில் புஷ்ப சப்பரம், 14-ந் தேதி (ஞாயிற்றுக்கிழமை) உற்சவ சாந்தியுடன் இந்த திருவிழா நிறைவு பெறுகிறது.

விழா ஏற்பாடுகளை தக்கார் வெங்கடாசலம், துணை ஆணையர் ராமசாமி மற்றும் கண்காணிப்பாளர்கள், உள்துறை பணியாளர்கள் செய்து வருகின்றனர்.

ஆரணியை அடுத்த பையூர் கிராமத்தில் உள்ள கிராம தேவதையான பொன்னியம்மன் கோவிலில் 5 ஆண்டுகளுக்கு ஒரு முறை தேரோட்டம் நடைபெறும். தேர் முழுவதும் சிதிலம் அடைந்திருந்ததால் கடந்த பல ஆண்டுகளாக தேரோட்டம் நடைபெறவில்லை.

இந்த நிலையில் கிராம மக்கள், விழா குழுவினர்கள் இணைந்து புதிதாக ரூ.30 லட்சம் மதிப்பில் 25 அடி உயரமுள்ள பெரிய மரத்தேரை உருவாக்கினர். இதனை தொடர்ந்து 18 ஆண்டுகளுக்கு பின் கடந்தவாரம் விழா தொடங்கியது. விழாவின் முக்கிய நிகழ்வான தேரோட்ட விழா நேற்று காலை நடந்தது.

திரளான பக்தர்கள் கலந்து கொண்டு தேரை இழுத்து சாமி தரிசனம் செய்தனர். மாட வீதியின் வழியாக அசைந்தாடி தேர் சென்றதை 18 ஆண்டுகளுக்கு பின் பக்தர்கள் பரவசத்துடன் கண்டுகளித்தனர். இதனையொட்டி பாதுகாப்பு உள்பட தேவையான ஏற்பாடுகள் செய்யப்பட்டிருந்தன.

தென்காசி மாவட்டம் சங்கரன்கோவில் சங்கரநாராயண சுவாமி கோவில் பிரசித்தி பெற்ற கோவிலாகும். இந்த கோவிலில் ஆண்டு தோறும் ஆடித்தபசு திருவிழா வெகு விமரிசையாக கொண்டாடப்படும்.

அதுபோல் இந்த ஆண்டுக்கான திருவிழா கடந்த 31-ந் தேதி கொடியேற்றத்துடன் தொடங்கியது. 12 நாட்கள் இந்த திருவிழா நடைபெறுகிறது. விழாவை முன்னிட்டு கோவில் பிரகாரத்தில் உள்ள மண்டபத்தில் பக்தி இன்னிசை கச்சேரி, சொற்பொழிவு உள்ளிட்ட பல்வேறு நிகழ்ச்சிகள் நடைபெற்று வருகிறது.

விழாவின் முக்கிய நிகழ்ச்சியான தேரோட்டம் 9-ம் நாளான நேற்று நடைபெற்றது. இதை முன்னிட்டு அதிகாலை 5 மணிக்கு மேல் கோமதி அம்பாள் தேருக்கு எழுந்தருளினார்.

தொடர்ந்து காலை 10.05 மணிக்கு திரளான பக்தர்கள் கலந்து கொண்டு தேரை வடம் பிடித்து இழுத்தனர். ரதவீதிகளில் வலம் வந்த தேர் 12 மணி அளவில் நிலைக்கு வந்து சேர்ந்தது.

தேரோட்டத்தில் சோழவந்தான் முன்னாள் எம்.எல்.ஏ. மாணிக்கம், சங்கரன்கோவில் நகரசபை தலைவி உமா மகேஸ்வரி சரவணன், ஆணையாளர் ரவிச்சந்திரன், ம.தி.மு.க. மாநில இளைஞரணி துணைச் செயலாளர் இசக்கியப்பன், பா.ஜனதா மாவட்ட செயலாளர்கள் சுப்பிரமணியன், ராஜலட்சுமி சுந்தர்ராஜ், நகர தலைவர் கணேசன், திருவாவடுதுறை ஆதீன சமய சொற்பொழிவாளர் சங்கரநாராயணன், சைவ சித்தாந்த சபை நிறுவனர் சண்முகவேல் ஆவுடையப்பன், இந்து முன்னணி நகர தலைவர் சங்கர், மண்டகப்படிதாரர்கள், சங்கரன்கோவில் சுற்றுவட்டார பகுதியைச் சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.

சிகர நிகழ்ச்சியான ஆடித்தபசு காட்சி 11-ம் திருநாளான நாளை (புதன்கிழமை) நடக்கிறது. அன்று மாலை 5.30 மணிக்கு மேல் சிவபெருமான், கோமதி அம்பாளுக்கு சங்கரநாராயண சுவாமியாக ரிஷப வாகனத்தில் தபசுக்காட்சி கொடுக்கிறார். இரவு 12 மணிக்கு சிவபெருமான், கோமதி அம்பாளுக்கு சங்கரலிங்க சுவாமியாக யானை வாகனத்தில் காட்சி கொடுக்கிறார்.

ஏற்பாடுகளை நெல்லை இந்து அறநிலையத்துறை இணை ஆணையர் கவிதா பிரியதர்ஷினி, தூத்துக்குடி இணை ஆணையர் அன்புமணி, சங்கரநாராயண சுவாமி கோவில் துணை ஆணையர் ரத்தினவேல் பாண்டியன் மற்றும் மண்டகப்படிதாரர்கள் செய்து வருகிறார்கள்.

தென் தமிழகத்தின் மிகவும் பிரசித்தி பெற்ற ஸ்தலங்களில் சங்கரன்கோவிலில் சங்கரநாராயண சுவாமி கோவிலும் ஒன்றாகும். இந்த கோவிலில் ஆடித்தபசு திருவிழா கடந்த 31-ந் தேதி கொடியேற்றத்துடன் தொடங்கியது.

தொடர்ந்து 12 நாட்கள் நடைபெறும் விழாவில் சுவாமி-அம்பாள் காலை, மாலையில் பல்வேறு வாகனங்களில் வீதி உலா வரும் நிகழ்ச்சி நடைபெற்று வருகிறது.

ஆடித்தபசு திருவிழாவின்போது சங்கரநாராயண சுவாமி கோவிலில் உள்ள பிரகாரத்தில் 108 சுற்றுகள் சுற்றினால் தங்கள் வேண்டுதல் நிறைவேறும் என்பது பக்தர்களின் நம்பிக்கை.

அதன்படி கொடியேற்றப்பட்டதில் இருந்து நேற்று வரை பெண்கள், ஆண்கள், இளைஞர்கள், கல்லூரி மாணவ- மாணவிகள், சிறுவர்கள் உள்ளிட்ட அனைத்து தரப்பினரும் 108 முறை கோவில் உள் பிரகாரத்தை சுற்றி வந்தனர். சிலர் பக்தர்கள் நொண்டியடித்தும், முழங்கால் இட்டும் 11 முறை சுற்றினர்.

திருவிழாவின் முக்கிய நிகழ்ச்சியான தேரோட்டம் 9-ம் நாளான நாளை (திங்கட்கிழமை) காலை 9 மணிக்கு நடக்கிறது. சிகர நிகழ்ச்சியான திருவிழா 11-ம் நாளான, வருகிற புதன்கிழமை அன்று நடைபெற உள்ளது.

2 ஆண்டுகளுக்கு பிறகு ஆடித்தபசு திருவிழா நடைபெற உள்ளதால் ஏராளமான பக்தர்கள் வருவார்கள் என்று எதிர்பார்க்கப்படுகிறது.

விழா ஏற்பாடுகளை கோவில் நிர்வாகம் மற்றும் மண்டகப்படிதாரர்கள் செய்து வருகின்றனர்.

திருச்செந்தூர்:

திருச்செந்தூர் கடற்கரை யில் அமைந்துள்ள அய்யா வைகுண்டர் அவதாரப் பதியில் ஆடித்திருவிழா கடந்த 22-ந் தேதி கொடி யேற்றத்துடன் தொடங்கியது.

வாகன பவனி

11 நாட்கள் நடைபெற்ற விழாவில் தினமும் காலை யில் உகப்படிப்பு, பணிவிடை, பால் அன்னதர்மம், மதியம் உச்சி படிப்பு,பணிவிடை, அன்னதர்மம், மாலையில் உகப்படிப்பு பணிவிடை, அன்ன தர்மம் நடைபெற்றது.

விழாவில் ஒவ்வொரு நாளும் மாலையில் அய்யா வைகுண்டர் புஸ்பம், மயில், அன்னம், சர்ப்பம், கருடன், குதிரை, ஆஞ்சநேயர், இந்திரன் ஆகிய பல்வேறு வாகனங்களில் எழுந்தருளி பவனி நடைபெற்றது.

தேரோட்டம்

திருவிழாவின் சிகர நிகழ்ச்சியான தேரோட்டம் நேற்று மதியம் நடைபெற்றது.தேரோட்டத்தை வள்ளியூர் அய்யா வழி அகிலத் திருக்குடும்ப மக்கள் சபை தலைவர் எஸ்.தர்மர் வடம் பிடித்து தொடங்கி வைத்தார்.தொடர்ந்து தேரானது பதியைச்சுற்றி வந்து நிலையம் வந்து சேர்ந்தது. இதில் திரளான பக்தர்கள் கலந்து கொண்டர்.

தேரோட்டத்தில் திருச்செந்தூர் சார்பு நீதிபதி வஷித்குமார், அவதாரப்பதி சட்ட ஆலோசகர் சந்திர சேகர், திருச்செந்தூர் சுப்பிரமணிய சுவாமி கோவில் தக்கார் பிரதிநிதி டாக்டர் பாலசுப்பிரமணிய ஆதித்தன், தொழில் அதிபர் அன்பழகன், ராம கிருஷ்ணன், பாதயாத்திரை குழு தலைவர் ஆதிநாரா யனன்,பன்மொழி காளி யப்பன், சிதம்பரபுரம் ராஜ சேகர், நிர்வாக குழு உறுப்பினர் பாலகிருஷ்ணன் உள்பட திரளானோர் கலந்து கொண்டனர்.

ஏற்பாடுகள்

விழாவுக்கான ஏற்பாடு களை வள்ளியூர் அய்யா வழி ஆகிலத் திருக்குடும்ப மக்கள் சபை தலைவர் எஸ்.தர்மர், செயலாளர் பொன்னுதுரை துணைத் தலைவர் அய்யாபழம், துணைச் செயலாளர் ராஜேந்திரன் பொருளாளர் ராமையா நாடார் இணைத் தலைவர்கள் பேராசிரியர் விஜயகுமார், பால்சாமி, ராஜதுரை, கோபால், இணைச் செயலாளர்கள் ராதாகிருஷ்ணன், தங்க கிருஷ்ணன், செல்வின், வரதராஜ பெருமாள் மற்றும் நிர்வாக குழு உறுப்பினர்கள் செய்திருந்தனர்.