நீங்கள் தேடியது "ED raid"

மேற்கு வங்கத்தில் மருத்துவ கல்லூரிகளில் மாணவர் சேர்க்கைக்கான இடஒதுக்கீட்டில் நடந்த ஊழல் தொடர்பாக அமலாக்கத்துறை இன்று சோதனை நடத்தியது.

மேற்கு வங்கத்தின் ஹல்தியா, பர்பா மேதினிபூரில் அமலாக்கத்துறை இன்று சோதனை நடத்தியது. துர்காபூர் மற்றும் கொல்கத்தா உள்ளிட்ட பல்வேறு தனியார் மருத்துவ கல்லூரிகளில் அமலாக்கத்துறை சோதனை நடத்தி வருகிறது.

இந்த வழக்கில், பணம் கொடுத்து போலி சான்றிதழ்கள் சமர்ப்பிக்கப்பட்டு, மருத்துவக் கல்லூரிகளில் சேர்க்கை நடந்ததாக கூறப்படுகிறது.

பிரபல இந்தி நடிகை ஷில்பா ஷெட்டியின் கணவரும், தொழில் அதிபருமான ராஜ் குந்த்ரா ஆபாச படங்கள் தயாரித்து அதை மொபைல் செயலியில் பதிவிறக்கம் செய்ததாக கடந்த 2021-ம் ஆண்டு கைது செய்யப்பட்டார். தற்போது அவர் ஜாமினில் உள்ளார்.

ராஜ்குந்த்ரா மீதான பண மோசடி வழக்கு தொடர்பாக அமலாக்கத்துறை அதிகாரிகள் விசாரித்து வருகின்றனர்.

இந்த நிலையில் இன்று மும்பை உள்ளிட்ட இடங்களில் ராஜ் குந்த்ரா வீடு மற்றும் அலுவலகங்களில் அமலாக்கத்துறை அதிகாரிகள் சோதனையில் ஈடுபட்டு வருகின்றனர். அவருக்கு நெருக்கமானவர்கள் வீடுகளிலும் இந்த சோதனை நடந்து வருகிறது. மொத்தம் 15 இடங்களில் அமலாக்கத்துறை அதிகாரிகள் இந்த சோதனையை மேற்கொண்டுள்ளதாக தகவல்கள் வெளியாகி இருக்கிறது. 

புதுக்கோட்டை:

புதுக்கோட்டை கலெக்டர் அலுவலகம் எதிர்ப்புறம் உள்ள சார்லஸ் நகர் பகுதியைச் சேர்ந்தவர் முருகானந்தம். இவரது சகோதரர்கள் எழில் நகர் பகுதியைச் சேர்ந்தவர் பழனிவேல், வெட்டன் விடுதியைச் சேர்ந்தவர் ரவிச்சந்திரன்.

இவர்கள் 3 பேரும் கடந்த அ.தி.மு.க. ஆட்சியில் தமிழகம் முழுவதும் சோலார் தெரு விளக்குகள் அமைக்கும் ஒப்பந்தம் மற்றும் பல்வேறு நெடுஞ்சாலை, பொதுப்பணித்துறை ஒப்பந்த பணிகளை எடுத்து செய்து வந்தனர். இவர்கள் முன்னாள் அமைச்சர் வேலுமணிக்கு நெருக்கமானவர்கள் என்று கூறப்பட்டது.

3 பேரும் முறைகேட்டில் ஈடுபட்டதாக புகார் எழுந்தது. அதைத் தொடர்ந்து தி.மு.க. ஆட்சிப் பொறுப்புக்கு வந்த பின்னர் 2022 ம் ஆண்டு தமிழக லஞ்ச ஒழிப்புத்துறை போலீசார் இவர்களது வீட்டில் சோதனை நடத்தி பல்வேறு முக்கிய ஆவணங்களை கைப்பற்றி முருகானந்தம் மற்றும் பழனிவேல் மீது வழக்கு பதிவு செய்தனர்.

இந்த வழக்கு தற்போது நடைபெற்று வருகிறது . இதில் பல்வேறு சட்ட விரோத பண பரிமாற்றங்கள் நடந்தது பின்னர் கண்டு பிடிக்கப்பட்டது. இதையடுத்து அமலாக்கத்துறை இந்த வழக்கு தொடர்பாக விவரங்களை லஞ்ச ஒழிப்புத்துறை வசம் இருந்து பெற்றது.

இந்த நிலையில் அமலாக்கத்துறை அதிகாரிகள் முருகானந்தம், பழனிவேல், ரவிச்சந்திரன் ஆகிய 3 பேரின் வீடுகளில் அதிரடி சோதனை நடத்தி வருகின்றனர். இன்று காலை 7 மணி முதல் 20 பேர் கொண்ட அமலாக்கத்துறை அதிகாரிகள் 3 குழுவாக பிரிந்து சென்று முருகானந்தம், பழனிவேல், ரவிச்சந்திரன் ஆகியோர் வீடுகளில் சோதனையில் ஈடுபட்டு வருகின்றனர்

இதில் பாதுகாப்புக்காக துணை ராணுவ படை வீரர்கள் குவிக்கப்பட்டுள்ளனர். இதில் முருகானந்தம் பா.ஜ.க. புதுக்கோட்டை மாவட்ட பொருளாளராக உள்ளார். பழனிவேல் அ.தி.மு.க. மாவட்ட இளைஞர் அணி செயலாளராக பதவி வகித்து வருகிறார்.

அவரது சகோதரர் ரவிச்சந்திரன் தற்போது கரம்பக்குடி ஒன்றிய அலுவலகத்தில் துணை வட்டார வளர்ச்சி அலுவலராக பணியாற்றி வருவது குறிப்பிடத்தக்கது. அ.தி.மு.க. மற்றும் பா.ஜ.க. பிரமுகர்கள் வீடுகளில் ஒரே நேரத்தில் அமலாக்கத்துறை சோதனை புதுக்கோட்டை மற்றும் சுற்றுவட்டார பகுதிகளில் பெரும் பரபரப்பை ஏற்படுத்தியுள்ளது.

திண்டுக்கல்:

திண்டுக்கல்லை சேர்ந்த தொழில் அதிபர் ரத்தினம். இவருக்கு திண்டுக்கல் மற்றும் புதுக்கோட்டையில் கல்லூரிகள் செயல்பட்டு வருகிறது. இது தவிர தமிழகம் முழுவதும் மணல் விற்பனையிலும் ஈடுபட்டு வருகிறார்.

பண மதிப்பிழப்பு நடவடிக்கையின்போது ரூ.2 ஆயிரம் நோட்டுகள் அதிக அளவு இருந்தது கண்டுபிடிக்கப்பட்ட நிலையில் பலர் சி.பி.ஐ.யால் கைது செய்யப்பட்டனர். அப்போது ஆடிட்டர் பிரேம்குமார், திண்டுக்கல் தொழில் அதிபர் ரத்தினம், புதுக்கோட்டை மாவட்டம் முத்துப்பட்டினத்தை சேர்ந்த ராமச்சந்திரன் ஆகியோரும் கைது செய்யப்பட்டனர்.

பின்னர் அவர்கள் இவ்வழக்கில் இருந்து வெளியே வந்தனர். ஏற்கனவே தொழில் அதிபர் ரத்தினம் வீடு, அலுவலகம் மற்றும் அவருக்கு நெருக்கமாக உள்ள இடங்களில் 2 முறை அமலாக்கத்துறை மற்றும் வருமானவரித்துறை அதிகாரிகள் சோதனை மேற்கொண்டனர்.

இந்நிலையில் இன்று காலை திண்டுக்கல் ஜி.டி.என். சாலையில் உள்ள ரத்தினத்தின் அலுவலகத்திற்கு 10 பேர் கொண்ட அமலாக்கத்துறை அதிகாரிகள் சோதனைக்கு வந்தனர். அப்போது அலுவலகத்தில் இருந்த நபர்களிடம் ரத்தினம் எங்கே உள்ளார் என விசாரித்தனர். அதனைத் தொடர்ந்து அலுவலகத்தின் கதவை பூட்டிக்கொண்டு அங்கிருந்தவர்களிடம் விசாரணை நடத்தப்பட்டது.

மேலும் அங்கிருந்த ஆவணங்கள் மற்றும் கம்ப்யூட்டர் ஆகியவற்றை கைப்பற்றி விசாரணை நடத்தி வருகின்றனர்.

ரத்தினத்தின் மகன் வெங்கடேஷ் திண்டுக்கல் மாநகராட்சியில் 17-வது வார்டு தி.மு.க. கவுன்சிலராக உள்ளார் என்பது குறிப்பிடத்தக்கது.

அமலாக்கத்துறை சோதனை குறித்து அறிந்ததும் அவரது ஆதரவா ளர்கள் அதிக அளவில் குவிந்தனர். இதனால் அங்கு பரபரப்பான சூழல் நிலவியது. 

கோவை:

கோவையை சேர்ந்த தொழில் அதிபர் மார்ட்டின் பல்வேறு மாநிலங்களில் லாட்டரி விற்பனையில் முக்கிய பங்கு வகித்து வருகிறார்.

இவர் சிக்கிம் மாநிலத்தில் லாட்டரி விற்பனையில் முறைகேடு செய்து ரூ.910 கோடியை பல்வேறு நிறுவனங்களில் முதலீடு செய்ததாக தெரிகிறது. இது தொடர்பாக அமலாக்கத்துறையினர் வழக்குப்பதிவு செய்து விசாரணை நடத்தி வருகின்றனர்.

இது தொடர்பாக கடந்த ஆண்டு 2 முறை மார்ட்டின் வீடு, அவருடைய அலுவலங்களில் வருமான வரிசோதனை நடத்தினர். அதில் கிடைத்த ஆவணங்களின் அடிப்படையில் நேற்றுமுன்தினம் முதல் சென்னை, கோவையில் உள்ள மார்ட்டின் வீடு, அலுவலகங்களில் அமலாக்கத்துறை அதிகாரிகள் சோதனை நடத்தி வருகின்றனர்.

நேற்று 2-வது நாளாக கோவை, சென்னையில் சோதனை நடந்தது. இதற்கிடையே சென்னையில் உள்ள மார்ட்டின் அலுவலகத்தில் இருந்து ரூ.8 கோடியே 80 லட்சம் சிக்கியதாக அமலாக்கத்துறை அதிகாரிகள் தெரிவித்துள்ளனர்.

இந்த நிலையில் இன்று 3-வது நாளாக கோவையில் உள்ள மார்ட்டின் வீடு, அலுவலகம் மற்றும் மருத்துவக்கல்லூரியில் சோதனை நடந்தது. இதேபோன்று மார்ட்டினின் உறவினர்களான கோவை சிவானந்தபுரத்தில் உள்ள ஜான் பிரிட்டோ என்பவரது வீடு, சிவானந்தா காலனியில் உள்ள அந்தோணியா ஆகியோரது வீடுகளிலும் அமலாக்கத்துறை அதிகாரிகள் சோதனை மேற்கொண்டனர்.

சோதனை நடைபெறும் இடங்களில் மத்திய தொழில் பாதுகாப்பு படை அதிகாரிகள் பாதுகாப்பு பணியில் ஈடுபட்டனர்.

கோவை:

கோவையை சேர்ந்தவர் தொழில் அதிபர் மார்ட்டின். இவர் பல்வேறு மாநிலங்களில் லாட்டரி விற்பனையில் முக்கிய பங்கு வகித்து வருகிறார்.

அவர் லாட்டரி விற்பனையில் முறைகேடு செய்து ரூ.910 கோடியை பல்வேறு நிறுவனங்களில் முதலீடு செய்ததாக கூறப்படுகிறது. இது தொடர்பாக அமலாக்கத்துறை அதிகாரிகள் வழக்குப்பதிவு செய்து விசாரணை நடத்தி வருகின்றனர். அத்துடன் மார்ட்டினின் ரூ.450 கோடி அசையா சொத்துக்களை அமலாக்கத்துறை ஏற்கனவே முடக்கி இருக்கிறது. இதற்கிடையே கடந்த ஆண்டு மே மற்றும் அக்டோபரில் கோவை, சென்னையில் உள்ள மார்ட்டின், அவருடைய மருமகன், உறவினர்கள் வீடுகளில் சோதனை நடந்தது.

இந்த சோதனையில் சில ஆவணங்கள் கைப்பற்றப்பட்டதாக தெரிகிறது.

இந்த ஆவணங்களின் அடிப்படையில் நேற்று சென்னை மற்றும் கோவை துடியலூர் அருகே உள்ள வெள்ளக்கிணர் பகுதியில் இருக்கும் மார்ட்டின் வீடு, அலுவலகம் மற்றும் அவர் நடத்தி வரும் ஹோமியோபதி கல்லூரி உள்பட 7 இடங்களில் அமலாக்கத்துறை சோதனை நடந்தது. காலையில் தொடங்கிய சோதனையானது இரவு தாண்டியும் நீடித்தது.

இன்று காலை 2-வது நாளாக, வெள்ளக்கிணர் பகுதியில் உள்ள மார்ட்டின் வீட்டில் அமலாக்கத்துறையினர் சோதனை மேற்கொண்டனர். சோதனையையொட்டி அவரது வீட்டின் நுழைவு வாயில் யாரும் உள்ளே நுழைய முடியாதபடி பூட்டப்பட்டது. வீட்டில் உள்ள ஒவ்வொரு அறைகளிலும் இன்றும் சோதனை மேற்கொண்டனர்.

இதேபோல் வீட்டின் அருகே உள்ள அலுவலகம் மற்றும் மார்ட்டின் நடத்தி வரக்கூடிய ஹோமியோபதி கல்லூரியிலும் 2-வது நாளாக சோதனை நடந்தது.

கல்லூரியில் உள்ள அலுவலக அறைகள் உள்ளிட்ட பல்வேறு இடங்களிலும் அலசி ஆராய்ந்து சோதனை மேற்கொண்டனர். தொடர்ந்து சோதனையானது நடைபெற்று வருகிறது.

இதற்கிடையே சரவணம்பட்டி மற்றும் சாய்பாபாகாலனியில் உள்ள மார்ட்டினின் உறவினர்கள் 2 பேர் வீட்டில் இன்று அமலாக்கத்துறை அதிகாரிகள் சோதனை நடத்தி வருகின்றனர்.

சோதனையில் அமலாக்கத்துறை அதிகாரிகளுக்கு சில ஆவணங்கள் கிடைத்து இருப்பதாக கூறப்படுகிறது. இருந்தபோதிலும் என்னென்ன ஆவணங்கள் கிடைத்தது என்பது உறுதியாக தெரியவில்லை.

இந்த வழக்கு தொடர்பான சோதனைகள் முழுமை அடைந்த பின்னர் என்னென்ன ஆவணங்கள் சிக்கின என்ற அதிகாரபூர்வ தகவலை அமலாக்கத்துறை தரப்பில் வெளியிடப்படும் என்று தெரிகிறது.

சோதனையையொட்டி, சோதனை நடைபெற்று வரும் 3 இடங்களில் மத்திய தொழில் பாதுகாப்பு படையினர் பாதுகாப்பு பணியில் ஈடுபட்டுள்ளனர்.

கோவையில் லாட்டரி அதிபர் மார்ட்டினின் வீடு, அலுவலகம் உள்பட 3 இடங்களில் அமலாக்கத்துறை அதிகாரிகள் நேற்று அதிரடி சோதனையில் ஈடுபட்டனர்.

இதேபோல சென்னை போயஸ்கார்டன் கஸ்தூரி ரங்கன் சாலையில் உள்ள சொகுசு பங்களாவில் வசிக்கும், லாட்டரி அதிபர் மார்ட்டினின் மருமகன் ஆதவ் அர்ஜூன் வீடும் மீண்டும் நேற்று சோதனைக்கு உட்படுத்தப்பட்டது.

இந்நிலையில் ஆதவ் அர்ஜூனா வீட்டில் இன்று 2-வது நாளாக அமலாக்கத்துறை அதிகாரிகள் சோதனையில் ஈடுபட்டுள்ளனர்.

தொடர்ந்து கோவையில் உள்ள லாட்டரி மார்ட்டின் வீட்டிலும், அலுவலகத்திலும் 2-வது நாளாக சோதனை நடைபெற்று வருகிறது.

சட்ட விரோத பண பரிமாற்ற புகாரின் அடிப்படையில் தீவிர சோதனை நடந்து வருகிறது.

நமது அண்டை நாடான வங்காள தேசத்தில் இருந்து சட்டவிரோதமாக பலர் மேற்கு வங்காளம் மற்றும் ஜார்க்கண்ட் மாநிலங்களில் ஊடுருவி தங்கி இருப்பதாக குற்றச்சாட்டுகள் எழுந்தவண்ணம் உள்ளது. இந்து பெயர்களுடன் கூடிய ஆதார் அட்டையுடன் சில பெண்கள் ஜார்க்கண்ட் மாநிலத்தில் ஊடுருவியதாக ராஞ்சியில் உள்ள பரியாது போலீசார் வழக்குப்பதிவு செய்து விசாரித்தனர். இதில் பணப் பரிவர்த்தனை மோசடி தொடர்பாக அமலாக்கத்துறை விசாரித்து வருகிறது.

இந்த நிலையில் இன்று ஜார்க்கண்ட் மற்றும் மேற்கு வங்காள மாநிலங்களில் பல்வேறு இடங்களில் அமலாக்கத்துறை அதிகாரிகள் சோதனை நடத்தி வருகின்றனர்.

ராஞ்சி உள்ளிட்ட 17 இடங்களில் பணப் பரிவர்த்தனையில் ஈடுபட்டதாக கூறப்படுபவர்களின் வீடுகள் மற்றும் அவர்களுக்கு சொந்தமான இடங்களில் இந்த சோதனை நடந்து வருவதாக தகவல்கள் வெளியாகி இருக்கிறது.

இந்த சோதனையில் முக்கிய ஆவணங்கள் சிக்கியதா? என்பது தொடர்பாக எந்த தகவலும் வெளியாகவில்லை. ஜார்க்கண்ட் மாநிலத்தில் நாளை முதல் கட்ட சட்டசபை தேர்தல் நடைபெற இருக்கும் சூழ்நிலையில் இன்று அமலாக்கத் துறையினர் நடத்திய சோதனை பரபரப்பை ஏற்படுத்தி உள்ளது. 

அ.தி.மு.க. முன்னாள் அமைச்சர் வைத்திலிங்கம் தொடர்புடைய 9 இடங்களில் அமலாக்கத்துறை அதிகாரிகள் நேற்று அதிரடி சோதனை நடத்தினார்கள். ரூ.27 கோடி லஞ்சம் பெற்ற விவகாரம் தொடர்பாக சோதனை நடத்தப்பட்டது.

இந்த வழக்கில் புகார் கூறப்பட்ட ஸ்ரீராம் குழும அலுவலகத்திலும் அமலாக்கத்துறையினர் சோதனை நடத்தினார்கள். மேலும் இந்த வழக்கு தொடர்பான ஆவணங்களை பெறுவதற்காக சென்னை எழும்பூரில் உள்ள சி.எம்.டி.ஏ. அலுவலகத்திலும் அமலாக்கத்துறை அதிகாரிகள் விசாரணை மேற்கொண்டனர்.

நேற்று ஒரே நாளில் சென்னை, தஞ்சையில் 9 இடங்களில் அமலாக்கத்துறையினர் சோதனை நடத்தினர்.

இந்நிலையில் சென்னை அசோக் நகரில் உள்ள முன்னாள் அமைச்சர் வைத்திலிங்கத்தின் அலுவலகத்தில் 2-வது நாளாக அமலாக்கத்துறை அதிகாரிகள் சோதனை நடத்தி வருகின்றனர்.

அதேபோல் சென்னை ஆழ்வார்பேட்டையில் உள்ள ஸ்ரீராம் பைனான்ஸ் அலுவலகத்திலும் 2-வது நாளாக சோதனை நடைபெற்று வருகிறது.

சென்னை:

அ.தி.மு.க. முன்னாள் அமைச்சர் ஆர்.வைத்திலிங்கம். இவர் முன்னாள் முதலமைச்சர் ஓ.பன்னீர்செல்வத்தின் ஆதரவாளர் ஆவார். கடந்த சட்டசபை தேர்தலில் தஞ்சாவூர் மாவட்டம் ஒரத்தநாடு தொகுதியில் போட்டியிட்டு எம்.எல்.ஏ.வாக தேர்வு செய்யப்பட்டார்.

கடந்த 2011 முதல் 2016-ம் ஆண்டு காலக்கட்டத்தில் அ.தி.மு.க. ஆட்சியில் வீட்டுவசதி மற்றும் நகர்ப்புற வளர்ச்சித்துறை அமைச்சராக பொறுப்பு வகித்தார்.

சென்னை பெருங்களத்தூரில் தனியாருக்கு சொந்தமான கட்டுமான நிறுவனம் 57.94 ஏக்கர் நிலத்தில் 24 பிளாக்குகளாக 1,453 வீடுகள் கொண்ட அடுக்குமாடி குடியிருப்புகளை கட்டுவதற்கு திட்ட அனுமதி கேட்டு சென்னை பெருநகர வளர்ச்சி குழுமத்தில் கடந்த 2013-ம் ஆண்டு விண்ணப்பித்தது. ஆனால் அந்த திட்டத்துக்கு 3 ஆண்டுகளாக அனுமதி வழங்காத நிலையில் கடந்த 2016-ம் ஆண்டு திடீரென அனுமதி வழங்கப்பட்டது. அடுக்குமாடி குடியிருப்புகள் கட்டுவதற்கு திட்ட அனுமதி வழங்கியதற்கு அப்போது அமைச்சராக இருந்த வைத்திலிங்கத்துக்கு ரூ.27.90 கோடி லஞ்சம் வழங்கப்பட்டதாக, அறப்போர் இயக்கம் சார்பில் லஞ்ச ஒழிப்பு துறையில் புகார் அளிக்கப்பட்டது.

அதில், லஞ்ச பணம் வைத்திலிங்கத்தின் மகன்கள் பிரபு, சண்முகபிரபு ஆகியோர் இயக்குனர்களாக இருக்கும் நிறுவனத்துக்கு கடனாக வழங்கப்பட்டது போல கணக்கு காட்டப்பட்டுள்ளது. அந்த பணத்தில் வைத்திலிங்கமும், அவரது மகன்களும் திருச்சியில் உள்ள பாப்பாக்குறிச்சியில் ரூ.24 கோடி மதிப்புள்ள 4.5 ஏக்கர் நிலத்தை வாங்கியுள்ளனர் என்றும் புகாரில் தெரிவிக்கப்பட்டிருந்தது.

இந்த புகாரின் அடிப்படையில் லஞ்ச ஒழிப்புத்துறை போலீசார் விசாரணை நடத்தினார்கள். முன்னாள் அமைச்சர் வைத்திலிங்கம், அவரது மகன்கள் பிரபு, சண்முகபிரபு, தனியார் நிறுவனங்களை சேர்ந்த பன்னீர்செல்வம், ரமேஷ் உள்ளிட்ட 11 பேர் மீது ஊழல் தடுப்பு சட்டம் உள்ளிட்ட 5 பிரிவுகளின் கீழ் வழக்கு பதிவு செய்தனர். இந்த வழக்கு தொடர்பாக முன்னாள் அமைச்சர் வைத்திலிங்கம் உள்பட 11 பேரிடமும் லஞ்ச ஒழிப்பு துறையினர் விரைவில் விசாரணை நடத்த உள்ளனர்.

இந்த நிலையில் அமலாக்கத்துறையினர் இன்று, முன்னாள் அமைச்சர் வைத்திலிங்கம் வீடு மற்றும் அவர் தொடர்புடைய இடங்களில் திடீர் சோதனையில் ஈடுபட்டனர். லஞ்ச ஒழிப்புத்துறை பதிவு செய்த வழக்கின் அடிப்படையில், முன்னாள் அமைச்சர் வைத்திலிங்கம் உள்ளிட்ட 11 பேர் மீதும் அமலாக்கத்துறை சட்டவிரோத பணப்பரிமாற்ற வழக்கை பதிவு செய்திருந்தது.

இதையடுத்து இன்று காலையில் இருந்தே அமலாக்கத்துறை அதிகாரிகள் வைத்திலிங்கம் தொடர்புடைய இடங்களில் சோதனை நடத்தினார்கள். சென்னை, ஒரத்தநாடு ஆகிய பகுதிகளில் அமலாக்கத்துறை அதிகாரிகள் முற்றுகையிட்டு சோதனையில் ஈடுபட்டனர்.

சென்னையில் உள்ள எம்.எல்.ஏ.க்கள் விடுதியில் வைத்திலிங்கம் அறையில் சோதனை நடத்துவதற்காக அமலாக்கத்துறை அதிகாரிகள் இன்று காலையிலேயே விரைந்தனர். அங்கு அமலாக்கத்துறை அதிகாரிகள் 6 பேர் சோதனையில் ஈடுபட்டனர்.

தஞ்சாவூர் மாவட்டம் ஒரத்தநாடு அருகே உறந்தைராயன் குடிகாடு பகுதியில் உள்ள வைத்திலிங்கம் வீட்டிலும் அமலாக்கத்துறை அதிகாரிகள் இன்று காலையில் இருந்தே சோதனையில் ஈடுபட்டனர். இன்று காலை 6 மணிக்கு அங்கு 11 அதிகாரிகள் கொண்ட குழுவினர் வந்தனர். அவர்கள் வைத்திலிங்கம் வீட்டில் அதிரடி சோதனையில் ஈடுபட்டனர். ஒரத்தநாடு சட்டமன்ற தொகுதியில் வைத்திலிங்கம் தொடர்புடைய இடங்களிலும் அமலாக்கத்துறை அதிகாரிகள் சோதனை நடத்தினார்கள்.

சென்னை தி.நகரில் முன்னாள் அமைச்சர் வைத்திலிங்கம் மகனுக்கு சொந்தமான அலுவலகம் உள்ளது. அந்த அலுவலகத்திலும் இன்று காலையில் இருந்தே அமலாக்கத்துறையினர் சோதனையில் ஈடுபட்டனர்.

மேலும் சென்னை ஆழ்வார்பேட்டை சி.பி.ராமசாமி சாலையில் உள்ள தனியார் நிதி நிறுவன அலுவலகம், கோடம்பாக்கத்தில் உள்ள நிதி நிறுவன ஊழியரின் வீடு, திருவேற்காடு பகுதியில் உள்ள கட்டுமான நிறுவன ஊழியரின் வீடு ஆகிய இடங்களிலும் சோதனை நடந்து வருகிறது. அமைச்சர் வைத்திலிங்கம் தொடர்புடைய அனைத்து இடங்களிலும் தொடர்ந்து சோதனை நடைபெற்று வருகிறது.

கொல்கத்தாவில் பயிற்சி மருத்துவர் பலாத்காரம் செய்யப்பட்டு மிகவும் கொடூரமாக கொலை செய்யப்பட்ட சம்பவம் நாட்டையே பெரும் அதிர்ச்சிக்குள்ளாக்கியது. இந்த சம்பவத்தில் சஞ்சய் ராய் என்பவர் கைதாகி உள்ளார்.

மேலும், ஆர்.ஜி.கர் மருத்துவக் கல்லூரி மருத்துவமனையின் முன்னாள் முதல்வர் சந்தீப் கோஷை சிபிஐ கைது செய்துள்ளது.

இந்நிலையில், ஆர்.ஜி.கர் மருத்துவக்கல்லூரியின் முன்னாள் முதல்வர் சந்தீப் கோஷின் வீடு மற்றும் கொல்கத்தால் உள்ள சில இடங்களில் அமலாக்கத்துறை அதிகாரிகள் சோதனை நடத்தி வருகின்றனர்.

பெங்களூரு:

பெங்களூர் வசந்த்நகரில் கர்நாடகா மகரிஷி வால்மீகி பழங்குடியின வளர்ச்சி வாரியம் செயல்படுகிறது. இந்த கழகத்தின் அக்கவுண்ட் சூப்பிரண்டு சந்திரசேகரன் (வயது 52) என்பவர் கடந்த மே மாதம் 26-ந்தேதி ஷிமோகாவில் உள்ள வீட்டில் தூக்குப்போட்டு தற்கொலை செய்து கொண்டார். அவர் எழுதி வைத்திருந்த கடிதத்தில் மாநகராட்சி வங்கி கணக்கில் இருப்பு வைக்கப்பட்டு இருந்த கர்நாடக வால்மீகி வளர்ச்சிக்கழகத்தின் நிதி தொகை ரூ.94.97 கோடி ஊழல் செய்யப்பட்டுள்ளதாக தெரிவித்து இருந்தார்.

இதனை தொடர்ந்து இளைஞர் நலன் மற்றும் விளையாட்டுதறை, பழங்குடியினர் நலத்துறை மந்திரியாக இருந்த நாகேந்திரன் தனது மந்திரி பதவியை ராஜினாமா செய்தார். இதையடுத்து இந்த ஊழல் வழக்கை கர்நாடக மாநில அரசு சிறப்பு புலனாய்வுப் பிரிவுக்கு மாற்றி உத்தரவிட்டுள்ளது.

ரூ.94.97 கோடி பணம் ஐதராபாத்தை சேர்ந்த முதல் நிதிக் கடன் கூட்டுறவு சங்கத்தின் வங்கி கணக்குகளுக்கு மாநகராட்சி கணக்கில் இருந்து முறைகேடாக மாற்றப்பட்டது. பின்னர் அங்கிருந்து வெவ்வேறு கணக்குகளுக்கு மாற்றி பணத்தை எடுத்துள்ளனர் என்பது தெரியவந்தது.

இந்த கணக்கில் இருந்து சட்ட விரோதமாக பண பரிமாற்றம் செய்த வழக்கில் இதுவரை 11 பேரை போலீசார் கைது செய்துள்ளனர். அவர்கள் முறைகேடு செய்த பணத்தில் வாங்கிய தங்க நகைகளும் பறிமுதல் செய்யப்பட்டுள்ளது.

இந்த முறைகேட்டில் பழங்குடியினர் நலத்துறை அமைச்சராக இருந்த நாகேந்திரன் மற்றும் ராய்ச்சூர் ஊரக சட்டசபை தொகுதி காங்கிரஸ் எம்.எல்.ஏ.வும், மாநில மகரிஷி வால்மீகி நிகாம் தலைவருமான பசனகவுடா தாடால் என்பவருக்கு தொடர்பு இருப்பதாக சந்தேகிக்கப்படுகிறது. பண பரிமாற்ற வழக்கில் இருவரின் பங்கு குறித்து விசாரணை நடத்துவதற்காக கடந்த 5-ந்தேதி நோட்டீசு அனுப்பிய சிறப்பு புலனாய்வுப் பிரிவு விசாரணைக்கு நேரில் ஆஜராகுமாறும் உத்தரவிட்டது.

இதையடுத்து ஆஜரான நாகேந்திரன், பசனகவுடா தாடால் ஆகியோரிடம் சிறப்பு புலனாய்வுப் பிரிவு தலைவர் மணீஷ் கர்பிகர் தலைமையில் விசாரணை நடத்தி பல்வேறு கேள்விகள் கேட்டு வாக்குமூலம் பதிவு செய்தனர். இருவரின் வாக்குமூலம் வீடியோ பதிவு செய்யப்பட்டது.

இது ஒருபுறம் இருக்க மறுபுறம் இந்த சட்டவிரோத பண பரிமாற்றம் தொடர்பாக அமலாக்கத்துறை சார்பாக ஆஷாபூர் சாலை 2-வது வார்டு ராம் ரஹீம் காலனியில் உள்ள அவரது வீட்டில் சோதனை நடத்தப்பட்டது. 3 அதிகாரிகள் தலைமையில் 2 குழுக்கள் நடத்திய சோதனையில் பல்வேறு ஆவணங்கள் கைப்பற்றப்பட்டுள்ளது. இந்த ஆவணங்கள் சரிபார்ப்பு பணி தொடர்ந்து நடைபெற்று வருகிறது.

மேலும் இது தொடர்பாக காங்கிரஸ் எம்.எல்.ஏ. பசனகவுடா தாடாவிடமும் அதிகாரிகள் தீவிர விசாரணை நடத்தி வருகின்றனர்.