என் மலர்

    நீங்கள் தேடியது "பாலம்"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குமாரபாளையத்தில் ஆனங்கூர் சாலையில் இருந்து நாராயண நகர் செல்லும் வழியில் பழைய பாலம் மிகவும் சேதமானதால் புதிதாக கட்டப்பட்ட பாலம் திறக்கப்பட்டது.
    • தொகுதி மேம்பாட்டு நிதியில் இருந்து ரூ.24 லட்சம் மதிப்பில் புதிய பாலம் கட்டப்பட்டது.

    குமாரபாளையம்:

    குமாரபாளையம் ஆனங்கூர் சாலையில் இருந்து நாராயண நகர் செல்லும் வழியில் கோம்பு பள்ளம் உள்ளது.

    இதனை கடக்க இருந்த பழைய பாலம் மிகவும் சேதமானதால் ஈரோடு எம்.பி. கணேசமூர்த்தியின் தொகுதி மேம்பாட்டு நிதியில் இருந்து ரூ.24 லட்சம் மதிப்பில் புதிய பாலம் கட்டப்பட்டது. இதன் கட்டுமான பணிகள் பல மாதங்கள் நீடித்தது. இதனால் பொதுமக்கள் வெகு தூரம் சுற்றி வரும் நிலைக்கு ஆளாகினர்.

    இதன் கட்டுமான பணிகள் முடிவடைந்த நிலையில் தற்போது இந்த பாலம் பொதுமக்கள் பயன்பாட்டிற்கு திறந்து விடப்பட்டது. இதனால் பொதுமக்கள் மகிழ்ச்சியடைந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கல்லாற்றில் பாலம் அமைக்க வேண்டும் என்று ம.தி.மு.க. கூட்டத்தில் தீர்மானம் நிறைவேற்றப்பட்டது.
    • அக்னி பாத் எனும் திட்டத்தை கைவிடவேண்டும்

    பெரம்பலூர்:

    பெரம்பலூரில் ம.தி.மு.க. கட்சியின் மாவட்ட செயற்குழு கூட்டம் மாவட்ட செயலாளரும், எம்எல்வுமான சின்னப்பா தலைமையில் நடந்தது. அரசியல் ஆலோசனைக்குழு உறுப்பினர்கள் ரோவர் வரதராஜன், துரைராஜ் ஆகியோர் முன்னிலை வகித்தனர். உறுப்பினர் சேர்க்கை மேற்பார்வையாளரும், தேர்தல் பணிக்குழு துணை செயலாளருமான செந்தில் சிறப்புரையாற்றினார்.

    கூட்டத்தில் பெரம்பலூர் மாவட்டத்தில் கிடப்பில் போடப்பட்டுள்ள மருத்துவ கல்லூரி, சிறப்பு பொருளாதார மண்டலம் ஆகிய திட்டங்களை நிறைவேற்ற வேண்டும். நீட் தேர்விலிருந்து விலக்கு அளிக்கும் பொருட்டு தமிழக அரசின் சட்டப்போராட்டத்திற்கு மதிமுக தொடர்ந்து ஆதரவு அளிப்பது,

    அக்னி பாத் எனும் திட்டத்தை மத்திய அரசு கைவிடவேண்டும், உறுப்பினர் சேர்க்கையை தீவிரப்படுத்துதல், இயற்கை சூழலை சீரழித்து வரும் சீமை கருவேல மரங்களை அகற்றி மண் வளத்தை காத்திட வேண்டும், அகரம்- தைக்கால் இடையே உள்ள கல்லாற்றில் பாலம் அமைக்கவேண்டும் போன்ற தீர்மானங்கள் நிறைவேற்றப்பட்டன.

    முன்னதாக மாவட்ட பொருளாளர் ஜெயசீலன் வரவேற்றார். முடிவில் மாவட்ட துணை செயலாளர் பேரளி சரவணன் நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆட்டோ மற்றும் இருசக்கர வாகனங்கள் இந்தப் பாலம் வழியாக செல்லும்போது இந்த பாலம் குலுங்குகிறது
    • கொட்டாரம் அச்சன்குளம் பாலத்தை இடித்து அகற்றி விட்டு அதற்கு பதிலாக விரிவான புதிய பாலம் கட்ட வேண்டும்

    கன்னியாகுமரி :

    கொட்டாரம் முதல்நிலை பேரூராட்சிக்கு உட்பட்ட 3-வது வார்டுக்கு உட்பட்ட பகுதி அச்சன்குளம்.நாகர்கோவில்- கன் னியாகுமரி தேசிய நெடுஞ் சாலையில் கொட்டாரத்தில் இருந்து ஒரு கிலோ மீட்டர் தொலைவில் அமைந்து உள்ளது இந்த அச்சன்குளம் கிராமம். இங்கு 300-க்கும் மேற்பட்ட வீடுகள் உள்ளன. இந்த பகுதியில் 1500-க்கும் மேற்பட்ட மக்கள் வசித்து வருகிறார்கள்.

    இந்த கிராமத்துக்கு புத்தனாறு கால்வாயை கடந்துதான் செல்ல வேண்டும். இந்தக் கால்வாயை கடந்து செல்வதற்கு வசதியாக கால்வாயின் குறுக்கே குறுகலான பாலம் ஒன்று அமைக்கப்பட்டு உள்ளது. இந்தப் பாலம் கட்டி நூற்றாண்டுகளை கடந்து விட்டது. இந்த பழமையான பாலம் தற்போது சேதமடைந்து இடிந்து விழும் அபாய நிலையில் உள்ளது.

    இந்த பாலத்தில் அடிப் பகுதி உடைந்து காணப்படுகிறது. இந்த பாலத்தை கடந்து அச்சன்குளம், செல்வன் புதூர், மருந்துவாழ்மலையின் அடிவார பகுதி போன்ற இடங்களுக்கு மக்கள் சென்று வருகிறார்கள். அதுமட்டுமின்றி இந்த பாலத்தின் வழியாகத்தான் செல்வன்புதூரில் உள்ள அரசு தொடக்கப் பள்ளியில் படிக்கும் மாணவ- மாணவிகளும், மருந்துவாழ் மலை அடிவாரப் பகுதியில் அமைந்து உள்ள ஒரு தனியார் என்ஜினியரிங் கல்லூரியில் பயிலும் மாணவ-மாணவிகளும் மனநல காப்பகத்துக்கு செல்பவர்களும் மருந்து வாழ்மலைக்கு செல்லும் சுற்றுலாப் பயணிகளும் தினசரி சென்று வருகிறார்கள்.

    அதுமட்டுமின்றி இந்த பகுதியில் நூற்றுக்கணக்கான ஏக்கரில் விவசாய விளை நிலங்கள் அமைந்து உள்ளன. இதனால் இந்த பாலம் வழியாக விவ சாய வேலைகளுக்காக அன்றாடம் விவசாயிகள் சென்று வருகிறார்கள். அப்படிப்பட்ட முக்கியத்து வம் வாய்ந்த இந்த பாலம் மிக குறுகலான பாலமாக இருப்பதால் பஸ், கார், வேன், டெம்போ, டிரக்கர், லாரி போன்ற கனரக வாகனங்கள் இந்த பாலத்தின் வழியாக செல்ல முடிவதில்லை. மேலும் ஆட்டோ மற்றும் இருசக்கர வாகனங்கள் இந்தப் பாலம் வழியாக செல்லும்போது இந்த பாலம் குலுங்குகிறது. தற்போது இந்த பாலம் ஆயுட்காலம் முடிந்து விட்டதால் இடிந்து விழும் அபாய நிலையில் உள்ளது.

    எனவே நூற்றாண்டு கண்ட இந்த பழமையான கொட்டாரம் அச்சன்குளம் பாலத்தை இடித்து அகற்றி விட்டு அதற்கு பதிலாக விரிவான புதிய பாலம் கட்ட வேண்டும் என்று அந்த பகுதியை சேர்ந்த பொதுமக்கள் நீண்ட காலமாக கோரிக்கை விடுத்து வருகிறார்கள்.

    இது சம்பந்தமாக கொட்டாரம் பேரூராட்சி தலைவி செல்வகனி கன்னியாகுமரி பாராளுமன்ற தொகுதி எம்.பி. விஜய்வசந்த், கன்னியாகுமரி சட்டமன்ற தொகுதி எம்.எல்.ஏ. தளவாய்சுந்தரம் ஆகியோரை நேரில் சந்தித்து அவர்களது பாராளுமன்ற மற்றும் சட்டமன்ற தொகுதி மேம்பாட்டு திட்ட நிதியில் இருந்து இந்த பாலம் கட்டுவதற்கு நிதி ஒதுக்கீடு செய்ய வேண்டும் என்று கோரிக்கை விடுத்து உள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழக மக்களின் கோரிக்கைகளை தமிழக முதல்-அமைச்சர் மு.க.ஸ்டாலின் நிறைவேற்றி வருகிறார்.
    • முதல்-அமைச்சருக்கு நாம் என்றும் எப்போதும் உறுதுணையாக இருக்க வேண்டும் என அமைச்சர் பேசினார்.

    உடன்குடி:

    உடன்குடி அருகே உள்ள மாதவன்குறிச்சி அமராபுரம் கிராமங்கள் இடையே ரூ.8 கோடியில் உயர் மட்ட இணைப்பு பாலம் அமைக்கும் பணியின் தொடக்க விழா நடந்தது.

    மழைக்காலங்களில் இப்பாலத்தில் மழை நீர் பலமாதம் தேங்கி நிற்பதால் இரு கிராமங்களுக்கு இடையே போக்குவரத்து தடைபட்டு மக்கள் கடும் அவதிப்பட்டு வந்தனர்.

    இந்த தரைபாலத்தில் உயர்மட்ட பாலம் அமைக்க வேண்டும் என இரு கிராம மக்களும் அமைச்சர் அனிதா ராதாகிருஷ்ணனிடம் கோரிக்கை வைத்ததன் பேரில் ரூ. 8 கோடி மதிப்பீட்டில் உயர்மட்ட பாலம் அமைக்க அமைச்சர் நடவடிக்கை எடுத்தார்.

    இதற்கான தொடக்க விழாவிற்கு மாவட்ட கலெக்டர் செந்தில்ராஜ், தலைமை தாங்கினார். மாதவன் குறிச்சி பஞ்சாயத்து தலைவர் சேர்மத்துரை, துணைத் தலைவர் கருப்பசாமி, யூனியன் கவுன்சிலர் ஜெயகமலா ஆகியோர் முன்னிலை வகித்தனர்.

    தமிழக மீன்வளம், மீனவர் நலத்துறை மற்றும் கால்நடை பராமரிப்பு துறை அமைச்சர் அனிதா ராதாகிருஷ்ணன் பங்கேற்று பாலம் அமைக்கும் பணியை கொடி அசைத்து தொடங்கி வைத்தார். பின்னர் அவர் பேசியதாவது:-

    சுமார் 10 வருடங்களாக இந்த தரை மட்ட பாலத்தை உயர் மட்டபாலமாக அமைக்க வேண்டும் என்று இருகிராம மக்களும்கோரிக்கை வைத்தனர்.அப்போது நான் எதிர்கட்சிஎம்.எல்.ஏ.வாக இருந்ததால் எனது கோரிக்கையை நிறைவேற்றவில்லை.

    தரைமட்ட பாலத்தில் போக்குவரத்து தடைபட்டுகிராம மக்களும் கடும் அவதிப்பட்டனர். அவசர தேவைக்கு கூட சுமார் 5 கிலோமீட்டர் தூரம் சுற்றிசெல்ல வேண்டிய அவலநிலை இருந்தது. அப்படி இருந்தும் எனது கோரிக்கை தொடர்ந்து புறக்கணிக்கப்பட்டு வந்தது .

    தற்போது தி.மு.க. அரசு அமைந்தவுடன் இக் கோரிக்கை நிறைவேற்றப்பட்டது. தமிழக மக்களின் நீண்ட நாள் கோரிக்கைகளை எல்லாம் தமிழக முதல்-அமைச்சர் மு.க.ஸ்டாலின் தற்போது நிறைவேற்றி வருகிறார்.

    இப்படிப்பட்ட முதல்-அமைச்சருக்கு நாம் என்றும் எப்போதும் உறுதுணையாக இருக்க வேண்டும். இவ்வாறு அவர் பேசினார்.

    இந்நிகழ்ச்சியில் தி.மு.க.மாநில மாணவரணி துணை செயலர் உமரிசங்கர், உடன்குடி வட்டார வளர்ச்சி அலுவலர் பொற்செழியன், மாவட்ட ஊராட்சி உறுப்பினர் ஜெசிபொன்ராணி,

    உடன்குடி ஊராட்சி ஒன்றியக்குழு துணைத்தலைவி மீரா சிராஜூதீன், உடன்குடி பேரூராட்சி துணைத்தலைவர் மால்ராஜேஷ், ஊராட்சி மன்றத் தலைவர்கள் சேர்மத்துரை, பாலமுருகன், காமராஜ், கமலம், தி.மு. க. நிர்வாகிகள் கனகராஜ், ஜெயப்பிரகாஷ், தன்ராஜ், சேர்மத்துரை உட்பட பலர் கலந்துகொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கனரக வாகனங்கள் சென்று வரக்கூடிய இந்த பாலத்தில் இன்று திடீரென ஒரு தூண் உள்வாங்கியது.
    • தற்போது பாலத்தின் வழியே இருசக்கர வாகனங்கள் மட்டும் செல்லக்கூடிய அளவில் வழி இருப்பதால் பொதுமக்கள் மிகுந்த அவதிக்குள்ளாகி உள்ளனர்

    கும்பகோணம்:

    தஞ்சாவூர் மாவட்டம் திருவிடைமருதூர் தாலுகா பந்தநல்லூர் அருகே கீழக்காட்டூர் கிராமத்தில் இருந்து புழுதிக்குடி செல்லும் வழியில் மண்ணி ஆற்றுப் பாலம் உள்ளது.

    கனரக வாகனங்கள் சென்று வரக்கூடிய இந்த பாலத்தில் இன்று திடீரென ஒரு தூண் உள்வாங்கியது. இதனால் பாலத்தில் விரிசல் ஏற்பட்டது. தகவலறிந்து வந்த பஞ்சாயத்து தலைவர் மற்றும் ஒன்றிய அலுவலர்கள் பாலத்தின் வழியே கனரக வாகனங்கள் இயக்காத அளவு தடுப்பு கம்புகள் வைத்து கட்டி வருகின்றனர்.

    மேலும் இரு புறமும் கனரக வாகனங்கள் செல்ல கூடாது என எச்சரிக்கை பலகை வைத்துள்ளனர். தற்போது பாலத்தின் வழியே இருசக்கர வாகனங்கள் மட்டும் செல்லக்கூடிய அளவில் வழி இருப்பதால் பொதுமக்கள் மிகுந்த அவதிக்குள்ளாகி உள்ளனர்

    சுமார் 40 வருடங்களுக்கு முன்பு கட்டப்பட்ட இந்த பாலம் திடீரென உள்வாங்கியதால் 400க்கும் மேற்பட்ட குடும்பங்கள் வசிக்கும் புழதிக்குடி கிராமம் மிகுந்த சிரமத்திற்கு ஆளாகி உள்ளது.

    அவசரத்திற்கு மருத்துவமனை செல்வதற்கும் முடியாத சூழல் ஏற்பட்டுள்ளதால் உடனடியாக புதிய பாலத்தை கட்டித்தர நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மானாமதுரை வைகைஆற்றில் பாலம் அமைய உள்ள இடத்தை தமிழரசி எம்.எல்.ஏ. பார்வையிட்டு ஆய்வு செய்தார்.
    • ஆற்றில் மண்பரிசோதனை ஆய்வு நடைபெற்றது.

    மானாமதுரை

    சிவகங்கை மாவடடத்தில் வளர்ந்து வரும் பெரிய நகரம் மானாமதுரை ஆகும். தற்போது நகர்பகுதியில் போக்குவரத்து நெரிசலை தடுக்கும் வகையில் 20 ஆண்டுகளுக்கு முன்பு வைகைஆற்றில் புதிய பாலத்திற்கு அப்போதைய தி.மு.க. அரசில் நெடுஞ்சாலை துறை அமைச்சர் தா.கிருட்டிணன் அடிக்கல்நாட்டினார்.

    அதன்பின் இந்த பாலம் திட்டம் கிடப்பில் போடப்பட்டு நிறைவேற்றபடாமல் இருந்தது. இந்த திட்டத்திற்கு உடனடியாக நிதி ஒதுக்கி பாலம் கட்ட நிச்சயம் நடவடிக்கை எடுப்பேன் என்று மானாமதுரையில் தொகுதியில் தி.மு.க. சார்பில் போட்டியிட்டு வெற்றி பெற்ற தமிழரசி எம்.எல்.ஏ. பொதுமக்களிடம் வாக்குறுதி கொடுத்தார்.

    அதன்படி கடந்த சட்டமன்ற கூட்டத்தொடரில் புதிய பாலம் அமைக்க நிதி ஒதுக்கீடு செய்ய வேண்டும். என பேசினார்.அதைத்தொடர்ந்து மானாமதுரை வைகை ஆற்றில் மண்பரிசோதனை ஆய்வு நடைபெற்றது.

    தற்போது மானாமதுரை வைகை ஆற்றில் கூடுதலாக புதிய பாலம் அமைக்கும் இடமான போலீஸ் நிலையம் எதிரே உள்ள வைகை ஆற்றில் தமிழரசி எம்.எல்.ஏ., நகராட்சி தலைவர் மாரியப்பன் கென்னடி, நெடுஞ்சாலைத் துறை அதிகாரிகள் பார்வையிட்டு ஆய்வு செய்தனர்.

    அப்போது தி.மு.க. ஒன்றிய செயலாளர் ராஜாமணி, நகராட்சி துணைத்தலைவர் பாலசுந்தரம், கவுன்சிலர் இந்துமதி மாவட்ட பிரதிநிதி சிப்காட் காளியப்பன் ஆகியோர் உடன்இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஈரோடு மாநகரில் காளைமாடு சிலை அருகில் உள்ள ரெயில்வே நுழைவு பாலத்தை சீரமைக்கும் பணி நடைபெறுவதால் போக்குவரத்து மாற்றம் செய்யப்பட்டுள்ளது.
    • அனைத்து கனரக வாகனங்கள் மற்றும் லாரிகள் மாற்று பாதை வழியாக செல்ல கட்டாயம் அனுமதி இல்லை.

    ஈரோடு:

    ஈரோடு மாவட்ட போலீஸ் சூப்பிரண்டு அலுவலகம் சார்பில் வெளியிட்டுள்ள செய்தி குறிப்பில் கூறியிருப்பதாவது:

    ஈரோடு மாநகரில் காளைமாடு சிலை அருகில் உள்ள ரெயில்வே நுழைவு பாலம் மிகவும் சேதமடைந்துள்ளது. இதனால் நாளை (19-ந் தேதி) முதல் ரெயில்வே நுழைவு பாலத்தை சீரமைக்கும் பணி நடைபெறுவதால் போக்குவரத்து மாற்றம் செய்யப்பட்டுள்ளது.

    இதில் கரூர், மூலனூர், வெள்ளகோவில், தாராபுரம் மற்றும் காங்கேயத்திலிருந்து ஈரோடு வரும் அனைத்து பஸ்கள் மட்டும் அண்ணமார் பெட்ரோல் பங்க் வந்தடைந்து நாடார் மேட்டிலிருந்து இடது புறமாக திரும்பி ரீட்டா பள்ளி, சாஸ்திரி நகர் மற்றும் ரெயில்வே மேம்பாலம் வழியாக வந்து சென்னிமலை ரோடு வழியாக மாநகர் பகுதியை அடையலாம்.

    இதேபோல் ஈரோட்டில் இருந்து கரூர், மூலனூர், வெள்ளகோவில், தாராபுரம் மற்றும் காங்கேயத்திற்கு செல்லும் அனைத்து வாகனங்களும் வழக்கம் போல் காளைமாடு சிலை, லோட்டஸ் ரவுண்டானா வழியாக செல்லலாம்.

    அனைத்து கனரக வாகனங்கள் மற்றும் லாரிகளும் ரிங்ரோடு வழியாக முத்துகவுண்டன் பாளையம், ஆணைக்கல்பாளையம், ரங்கம்பாளையம் ஆர்ட்ஸ் காலேஜ் வழியாக திண்டல் வந்தடைந்து மாநகருக்குள் செல்லலாம்.

    இதேபோல் அனைத்து கனரக வாகனங்கள் மற்றும் லாரிகள் மாற்று பாதையான அண்ணமார் பெட்ரோல் பங்க், நாடார் மேடு, சாஸ்திரி நகர் வழியாக செல்ல கட்டாயம் அனுமதி இல்லை.

    இவ்வாறு அவர் அதில் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொடுமுடி அருகே இடிக்கப்பட்ட பாலம் மீண்டும் கட்டி தர வேண்டும் என விவசாயிகள் கோரிக்கை விடுத்துள்ளனர்.
    • மேலும் பாலம் கட்ட விரைவில் நடவடிக்கை எடுக்கவில்லை என்றால் ஆர்ப்பாட்டம் மற்றும் சாலை மறியலில் ஈடுபடுவோம் என இப்பகுதி கீழ்பவானி பாசன விவசாயிகள் சங்கத்தினர் மற்றும் பொதுமக்கள் தெரிவித்தனர்.

    கொடுமுடி:

    கொடுமுடி அருகே சுள்ளிமடை பகுதியில் இருந்து குதிரைக்கல் மேடு பகுதி வரை கீழ்பவானி வாய்க்கால் செல்கின்றது. இந்த வாய்க்காலில் சுமார் 12 அடியில் ஒரு பாலம் கட்டப்பட்டது. இந்த பாலத்தை கடந்து தான் விவசாய நிலங்களுக்கு அந்த பகுதியை சேர்ந்த விவசாயிகள் சென்று பாசனம் செய்து வந்தார்கள்.

    மேலும் பள்ளக்காட்டூர், வெட்டுக்காட்டூர், ராசா ம்பாளையம், பழனியாண்ட வர் கோவில் ஆகிய பகுதிகளுக்கு செல்லும் பொதுமக்கள் மற்றும் விவசாய நிலத்துக்கு செல்பவர்கள் உள்பட பல்வேறு பகுதிகளை சேர்ந்த பொதுமக்கள் இந்த பாலத்தை பயன்படுத்தி வந்தனர்.

    இந்த நிலையில் கடந்த சில ஆண்டுகளுக்கு முன்பு பொது மக்கள் பயன்படுத்தி வந்த பாலத்தின் அடியில் தண்ணீர் செல்லாமல் அடைப்பு ஏற்பட்டது. இதனை தெடர்ந்து பொதுப்பணித் துறை ஊழியர்கள் பாலத்தை ஜே.சி.பி. எந்திரம் கொண்டு இடித்து அடைப்பை எடுத்து சரி செய்து விவசாயத்திற்கு தண்ணீர் செல்ல ஏற்பாடு செய்தனர்.

    இடிக்கப்பட்ட பாலத்தை மீண்டும் கட்டித் தர இப்பகுதி மக்களும், விவசாயிகளும் பல முறை தொடர்ந்து கோரிக்கை வைத்து வந்தனர். ஆனால் இதுவரை இந்த பாலம் கட்ட எவ்வித முயற்சியும் எடுக்க வில்லை என கூறப்படுகிறது.

    இதனால் பொது மக்களும், விவசாயிகளும் நீண்ட தூரம் சுற்றி செல்ல வேண்டிய நிலை ஏற்பட்டு வந்தது.

    இதனால் பொதுமக்கள் தொடர்ந்து அவதி அடைந்து வருகிறார்கள். எனவே உடனடியாக இடிக்கப்பட்ட பாலத்தை கட்டித்தர நடவடிக்கை எடுக்க வேண்டும் என இப்பகுதி மக்கள் வைத்து உள்ளனர்.

    மேலும் பாலம் கட்ட விரைவில் நடவடிக்கை எடுக்கவில்லை என்றால் ஆர்ப்பாட்டம் மற்றும் சாலை மறியலில் ஈடுபடுவோம் என இப்பகுதி கீழ்பவானி பாசன விவசாயிகள் சங்கத்தினர் மற்றும் பொதுமக்கள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வருவாய்த்துறை அமைச்சர் உத்தரவின்படி ரூ. 2.42 கோடி செலவில் தொடங்கியது.
    • இந்த பாலப்பணி இரவு பகலாக நடந்து வருகிறது. தெற்குப் பகுதியில் அமைக்கப்பட்டு வரும் பாலம் ஒரு கோடியே 32 லட்சம் செலவில் நடக்கிறது. இந்தப் பாலம் 40 அடி நீளத்திற்கும் 32 அடி அகலத்திற்கும் அமைய உள்ளது.

    நாகர்கோவில்:

    தேரூரில் சுமார் ஆயிரம் ஏக்கர் விவசாய நிலங்கள் உள்ளன. இந்த விவசாய நிலங்கள் தேரூரில் உள்ள பெரிய குளத்திலிருந்து பாசன வசதி பெற்று வருகின்றன. இந்த குளத்திற்கு தட்டையார் குளம், மாணிக்க புத்தேரி குளம் ஆகிய குளத்திலிருந்து தண்ணீர் வந்து கொண்டிருக்கிறது.

    தேரூர் குளத்தின் நடுவே வெள்ளமடத்திலிருந்து சுசீந்திரம் செல்லும் சாலை உள்ளது. தேரூர் குளம் மேற்கு பகுதியில் இருந்து தேரூர் கிழக்கு பகுதியில் உள்ள குளத்திற்கு தண்ணீர் செல்லும் வகையில் சாலையின் குருக்கே இரு இடங்களில் குழாய்கள் அமைக்கப்பட்டு இருந்தன.

    இந்த குழாய்கள் அடைப்பட்டு தண்ணீர் சீராக செல்ல முடியாத நிலை இருந்து வந்தது. தேரூர்குளம் வனத்துறையின் கட்டுப்பாட்டில் இருந்ததால் தண்ணீரை வற்றவைத்து குழாயில் அடைபட்டிருந்த அடைப்பை சரி செய்ய முடியாத நிலை ஏற்பட்டு வந்தது.

    இந்நிலையில் கடந்த சில மாதங்களுக்கு முன்பு பெய்த வடகிழக்கு பருவமழையால் இந்த குளத்தின் பல்வேறு இடங்களில் உடைப்பு ஏற்பட்டது. இதனை தொடர்ந்து இந்த இடத்தை பார்வையிட்ட வருவாய்த்துறை அமைச்சர் 2 இடங்களில் பாலம் அமைக்க உத்தரவிட்டார். அதனைத் தொடர்ந்து தேரூர் குளத்தின் இரு இடங்களில் பாலம் அமைக்கும் பணி ரூ. 2 கோடியே 42 லட்சம் செலவில் தொடங்கியது.

    தற்போது இந்த பாலப்பணி இரவு பகலாக நடந்து வருகிறது. தெற்குப் பகுதியில் அமைக்கப்பட்டு வரும் பாலம் ஒரு கோடியே 32 லட்சம் செலவில் நடக்கிறது. இந்தப் பாலம் 40 அடி நீளத்திற்கும் 32 அடி அகலத்திற்கும் அமைய உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடுமலை-பல்லடம் மாநில நெடுஞ்சாலையில் சின்னவீரம்பட்டி அருகிலும் பாலம் கட்டப்பட்டு வருகிறது.
    • நான்கு வழிச்சாலை கடக்கும் பகுதியில் மேம்பாலம் கட்டப்பட்டு வருகிறது.

    உடுமலை:

    பொள்ளாச்சி-திண்டுக்கல் நான்கு வழிச்சாலை பணிகள் கடந்த சில ஆண்டுகளாக மேற்கொள்ளப்பட்டு வருகிறது. மத்திய அரசின்பாரத் மாலா பிரயோஜனா திட்டத்தின் கீழ் இப்பணிகள் நடக்கிறது. இதில் பொள்ளாச்சி முதல் மடத்துக்குளம் வரை, 50.07 கி.மீ., மடத்துக்குளம் முதல் ஒட்டன்சத்திரம் வரை 45.38 கி.மீ., உள்ளிட்ட நான்கு பிரிவுகளாக பணி மேற்கொள்ளப்பட்டு வருகிறது.தற்போதுஉடுமலை நகரை ஒட்டி அமைந்துள்ள, மாவட்ட முக்கிய ரோடு மாநில நெடுஞ்சாலைகளை, நான்கு வழிச்சாலை கடக்கும் பகுதியில் மேம்பாலம் கட்டப்பட்டு வருகிறது.

    அவ்வகையில் பெதப்பம்பட்டி ரோட்டில், ஏரிப்பாளையம் அருகே ராஜவாய்க்கால் பள்ளத்தை கடந்து செல்லும் வகையில் மேம்பால பணிகள் தீவிரமாக நடக்கிறது. பாலத்துக்கான தூண்கள் கட்டும் பணி நிறைவு பெற்று, அடுத்த கட்டமாக ஓடுதளம் அமைக்கும் பணி துவங்க உள்ளது.இதே போல் உடுமலை-பல்லடம் மாநில நெடுஞ்சாலையில் சின்னவீரம்பட்டி அருகிலும், இத்தகைய பாலம் கட்டப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ரூ.128 கோடி செலவில் ஒய் வடிவில் கட்டப்பட்ட நாகர்கோவில் பாலத்தை 75 ஆயிரம் பேர் பார்த்தனர்.

    நாகர்கோவில்:

    நாகர்கோவிலை அடுத்த பார்வதிபுரத்தில் கடுமையான போக்குவரத்து நெருக்கடி ஏற்பட்டு வந்ததையடுத்து அந்த பகுதியில் மேம்பாலம் அமைக்க மத்திய மந்திரி பொன். ராதாகிருஷ்ணன் நடவடிக்கை மேற்கொண்டார்.

    ரூ.128 கோடி செலவில் ஒய் வடிவில் சுமார் 1½ கிலோ மீட்டர் தூரத்திற்கு இந்த பாலம் அமைக்கப்பட்டது. பால வேலைகள் முடிந்ததை அடுத்து பாலத்தை பொதுமக்கள் நடந்து சென்று பார்வையிட ஏற்பாடுகள் செய்யப்பட்டது.

    நேற்று மாலை 4 மணிக்கு பொதுமக்கள் பார்வைக்காக பாலம் திறந்து விடப்பட்டது. மின்விளக்கு அலங்காரத்தால் பாலம் ஜொலித்தது. பாலத்தை பொதுமக்கள் குடும்பம் குடும்பமாக வந்து பார்த்து ரசித்தனர்.பாலத்தை பார்த்து ரசிப்பதற்கு நேரம் செல்ல செல்ல கூட்டம் அதிகமானது. சுமார் 1½ கிலோ மீட்டர் தூரம் உள்ள பாலம் முழுவதும் பொதுமக்கள் கூட்டம் நிரம்பி வழிந்தது.

    பாலத்தின் இருபுறங்களில் உள்ள சாலைகளிலும் கூட்டம் அதிகமாக இருந்தது. கரகாட்டம், மயிலாட்டம், நடனம், செண்டை மேளம், பாட்டு கச்சேரி என பல்வேறு நிகழ்ச்சிகளும் நடந்தன. இது பார்வையாளர்களை மிகவும் கவர்ந்தது. பாலத்தை பார்வையிட வந்தவர்களுக்கு இனிப்பு வகைகளும், பழ வகைகளும், குளிர்பானங்களும், மரக்கன்றுகளும் வழங்கப்பட்டது.

    பெண்களுக்கு ரோஜாப்பூ வழங்கி வரவேற்றனர். ஒரு கட்டத்தில் கூட்டம் கட்டுக்கடங்காத அளவிற்கு அதிகமாக காணப்பட்டது.ஏராளமானோர் செல்பி எடுத்துக் கொண்டனர். இயற்கை அழகையையும் புகைப்படம் எடுத்து மகிழ்ந்தனர்.

    மத்திய மந்திரி பொன். ராதாகிருஷ்ணன் பாலத்தை பார்வையிடுவதற்காக மாலை 5.30 மணிக்கு வருகை தந்தார். அவர் பொதுமக்களுடன் நடந்தே சென்று பாலத்தை பார்வையிட்டார். இரவு 9.30 மணி வரை பொன். ராதாகிருஷ்ணன் பாலத்திலேயே நின்று பொதுமக்களுடன் கலந்துரையாடினார்.

    தமிழக அரசின் டெல்லி சிறப்பு பிரதிநிதி தளவாய் சுந்தரம், அ.தி.மு.க. மாவட்ட செயலாளர் எஸ்.ஏ. அசோகன், பாரதிய ஜனதா மாவட்ட தலைவர் முத்து கிருஷ்ணன், முன்னாள் நகரசபை தலைவர் மீனாதேவ் உள்பட ஏராளமான அரசியல் கட்சி பிரமுகர்களும் பாலத்தை பார்வையிட்டனர்.

    இந்த பாலத்தில் வருகிற 19-ந்தேதி முதல் பரிச்சாத்த முறையில் பஸ் மற்றும் வாகனங்களை இயக்கவும் நடவடிக்கை எடுக்கப்பட்டுள்ளது. பஸ் போக்குவரத்து தொடங்கும் பட்சத்தில் அந்த பகுதியில் போக்குவரத்து நெருக்கடிக்கு தீர்வு காணப்படும்.

    பாலத்தை பொதுமக்கள் பார்வையிட்டது குறித்து பாரதிய ஜனதா நிர்வாகி ஒருவர் கூறுகையில், மத்திய மந்திரி பொன். ராதாகிருஷ்ணனின் முயற்சியால் மார்த்தாண்டம், பார்வதிபுரத்தில் பாலம் கட்டப்பட்டுள்ளது. பார்வதிபுரம் பாலத்தை ரசிப்பதற்கு மாவட்டத்தின் பல்வேறு பகுதிகளில் இருந்தும் ஏராளமான பெண்கள் மற்றும் குடும்பத்தோடு பலரும் வருகை தந்துள்ளனர். பொதுமக்கள் பார்வைக்காக திறக்கப்பட்ட 4 மணி நேரத்தில் சுமார் 75 ஆயிரம் பேர் பாலத்தை ரசித்துள்ளனர் என்றார்.

    ×