ஈரோடு

ஆப்பக்கூடல்:

திருப்பத்தூர் மாவட்டம், மற்றபள்ளி பகுதியை சேர்ந்தவர் சத்தியமூர்த்தி. இவர் இதே பகுதியில் உள்ள தனியார் கம்பெனியில் வேலை செய்து வருகிறார். சத்தியமூர்த்திக்கும் கார்த்திகா(28) என்பருக்கும் திருமணம் ஆகி 8 வருடங்கள் ஆனநிலையில் பெண் குழந்தை ஒன்று உள்ளது.

இவரது பக்கத்து ஊரை சேர்ந்தவர் ஜெகதீஸ்(25). இவர் அந்த பகுதியில் அடிக்கடி சென்று வந்து கொண்டிருந்ததில் கார்த்திகாவுடன் பழக்கம் ஏற்பட்டது.

பின்பு இந்த பழக்கம் கள்ளக்காதலாக மாறியது. இந்நிலையில் கடந்த சில நாட்களுக்கு முன்பு, ஈரோடு மாவட்டம், ஆப்பக்கூடல் சென்னிமலைக் கவுண்டன் புதூரில் உள்ள தனது நண்பர் சண்முகமூர்த்தி வீட்டிற்கு, ஜெகதீஸ் கார்த்திகாவை கூட்டி வந்து தங்கி இருந்தார்.

இதனையடுத்து கார்த்திகாவை காணவில்லை என்று கணவர் மற்றும் உறவினர்கள் திருப்பத்தூர் பகுதிகளில் தேடியுள்ளனர். தன்னை தேடி கொண்டு இருப்பது தெரியவர கார்த்திகா மீண்டும் திருப்பத்தூர் அருகே மற்றபள்ளியில் தனது கணவர் வீட்டிற்கு சென்றுள்ளார்.

இந்நிலையில் ஜெகதீஸ் கார்த்திகா உடனான உறவு தெரிந்து இவர்களை பிரித்து வைத்து, கார்த்திகாவை சத்தியமூர்த்தி கண்டித்துள்ளார்.

இந்நிலையில் சில நாட்களுக்கு முன்பு கார்த்திகாவை பிரிந்த ஜெகதீஸ் தற்கொலை செய்து கொணடார். ஜெகதீஸ் இறந்து போனதில் மனமுடைந்த இருந்த கார்த்திகா மீண்டும் ஆப்பக்கூடல் சென்னி மலைக்கவுண்டன்புதூரில் உள்ள ஜெகதீசின் நண்பர் சண்முகமூர்த்தி வீட்டிற்கு நேற்று காலை இவர் மட்டும் தனியாக வந்துள்ளார்.

கார்த்திகா தனது துணிமணிகளை எடுத்துக் கொண்டு சென்று விடுவதாக சண்முகமூர்த்தியிடம் கூறியுள்ளார். இந்நிலையில் சண்முக மூர்த்தி நேற்று காலை வெளியில் சென்று வீடு திரும்பி வந்து பார்க்கையில் கார்த்திகா மின்விசிறியில் தூக்கில் தொங்கி தற்கொலை செய்து கொண்டார்.

அதிர்ச்சியடைந்த சண்முகமூர்த்தி ஆப்பக்கூடல் போலீசாருக்கு தகவல் கொடுத்துள்ளார். சம்பவ இடத்திற்கு வந்த போலீசார் இறந்த கார்த்திகாவின் உடலை கைப்பற்றி பிரேத பரிசோதனைக்காக அந்தியூர் அரசு மருத்துவமனைக்கு அனுப்பிவைத்தனர்.

இச்சம்பவம் குறித்து ஆப்பக்கூடல் போலீசார் வழக்குபதிவு செய்து விசாரணை நடத்தி வருகின்றனர்.

தாளவாடி:

ஈரோடு மாவட்டம் சத்தியமங்கலம் புலிகள் காப்பகத்திக்குஉட்பட்டது தாளவாடி வனச்சரத்தில் அமைந்துள்ளது தொட்டகாஜனூர், பீம்ராஜ்நகர், சூசைபுரம் இப்பகுதியில் விவசாயிகள் அதிக அளவில் உள்ளனர்.

கடந்த 3 மாதம் முன்பு வனப்பகுதியில் இருந்து வந்த சிறுத்தை இங்கு உள்ள. 4ஆடுகள் மற்றும் 15 நாய்களை வேட்டையாடி வருகிறது.

இந்நிலையில் கடந்த வாரம் பீம்ராஜ்நகர் பகுதிதை சேர்ந்த விவசாயி மணி என்பவர் ஆட்டை சிறுத்தை ஒன்று கடித்து கொன்றது.சிறுத்தை கடித்ததில் ஆடுபலியானது வனத்துறையினரும் கால்தடங்களை வைத்து சிறுத்தை வேட்டையாடியதை உறுதி செய்தனர்.

தொடர்ந்து கால்நடைகளை வேட்டையாடி வரும் சிறுத்தையை கூண்டுவைத்து பிடிக்க வேண்டும் என வனத்துறைக்கு விவசாயிகள் கோரிக்கை வைத்தனர். அதை தொடர்ந்து 2 இடங்களில் கண்காணிப்பு கேமரா பொருத்தப்பட்டது.

அதில் சிறுத்தை நடமாட்டம் பதிவானது அதை தொடர்ந்து கல்குவாரி அருகே சிறுத்தையை பிடிக்க வனத்துறையினர் கூண்டுவைத்தனர் கூண்டில் ஒரு புறம் ஆட்டை கட்டி வைத்துள்ளனர் வனத்துறையினர் சிக்குமா சிறுத்தை?.

ஈரோடு:

குன்னத்தூர் அருகே சுன்டக்காம்பாளையம் ஊராட்சி தாளப்பதி பகுதியை சேர்ந்தவர் விஜய குமார் (வயது 56).

இவர் ஊராட்சியில் பகுதி நேர வாட்டர் மேனாக பணிபுரிந்து வந்தார். மேலும் சொந்தமாக லேத் ஒர்க் ஷாப்பு வைத்துள்ளார்.

இவர் வீட்டில் இருந்து கடைக்கு சென்று கொண்டிருந்தார். அப்போது வந்த அடையாளம் தெரியாத ஒரு வாகனம் அவர் மீது மோதியது. இதில் அவர் தலையில் அடிபட்டு சம்பவ இடத்திலேயே பரிதாபமாக இறந்தார்.

இது குறித்து குன்னத்தூர் போலீசார் வழக்கு பதிவு செய்து விசாரணை நடத்தி வருகிறார்கள். மேலும் அவர் மீது மோதிய வாகனம் குறித்து அந்த பகுதியில் உள்ள சி. சி. டி .வி. கேமரா மூலம் கண்காணித்து தொடர்ந்து விசாரணை நடத்தி வருகிறார்கள்.

தாளவாடி:

சத்தியமங்கலம் புலிகள் காப்பகத்தில் தாளவாடி, ஜீர்கள்ளி, தலமலை, ஆசனூர்,கேர்மாளம், கடம்பூர், டி.என்.பாளையம், சத்தியமங்கலம், பவானிசாகர், விளாமூண்டி என 10 வனச்சரகங்கள் உள்ளன. இந்த வனச்சரகத்தில் யானை, புலி, சிறுத்தை, மான், கரடி, செந்நாய் போன்ற வனவிலங்குகள் வசித்து வருகின்றன. வனவிலங்குகள் உணவு தண்ணீர் தேடி விவசாய தோட்டத்தில் புகுந்து பயிர்களை நாசம் செய்வது தொடர்கதையாகி வருகிறது.

இந்நிலையில் தாளவாடி வனச்கரகத்திக்கு உட்பட்ட மல்குத்திபுரம் கிராத்தை சேர்ந்தவர் விவசாயி சக்திவேல். இவர் தனது தோட்டத்தில் தென்னை மரங்களை வளர்த்து வந்துள்ளார். நேற்று இரவு அருகில் உள்ள வனப்பகுதியில் இருந்து வந்த காட்டு யானைகள் இவரது தென்னை மரங்களை நாசம் செய்துள்ளது. காலையில் விவசாயி சக்திவேல் தனது தோட்டத்திக்கு சென்று பார்த்தபோது தனது தென்னை மரங்கள் சேதம் அடைந்து இருப்பதை கண்டு அதிர்ச்சி அடைந்தார்.

வனப்பகுதியில் இருந்து வந்த யானைகள் இரவு நேரத்தில் தனது தென்னை மரங்களை நாசம் செய்துள்ளது தெரியவந்தது. சுமார் 15 தென்னை மரங்களை யானை சேதாரபடுத்தியுள்ளது. இதற்கு இழப்பீடு வழங்க வேண்டும் என்றும் கோரிக்கை வைத்துள்ளார்.

கோபி:

பெருந்துறையை அடுத்த பச்சாக் கவுண்டன் பாளையம், அரிஜன காலனியைச் சேர்ந்தவர் ராமசாமி (வயது 20). அதே பகுதியைச் சேர்ந்தவர் திவாகரன் (21). இருவரும் நண்பர்கள். இந்நிலையில் சம்பவத்தன்று இருவரும் மோட்டார் சைக்கிளில் சென்று கொண்டிருந்தனர். வண்டியை ராமசாமி ஓட்ட பின்னால் திவாகரன் உட்கார்ந்து வந்து கொண்டிருந்தார்.

கிரேநகர் - விஜயமங்கலம் ரோடு, கோடாபுலியூர் பிரிவு அருகே வந்து கொண்டிருந்தபோது அந்த வழியாக வந்த லாரியும் மோட்டார் சைக்கிளும் எதிர்பாராதவிதமாக மோதியது.

இதில் மோட்டார் சைக்கிளில் வந்த ராமசாமி, திவாகரன் இருவரும் தூக்கி வீசப்பட்டனர். இருவருக்கும் தலை, கால்களில் பலத்த அடிபட்டு மயக்கமடைந்து சிறிது நேரத்தில் சம்பவ இடத்திலேயே பரிதாபமாக இறந்தனர்.

இதுகுறித்து அந்த வழியாக வந்தவர்கள் திங்களூர் போலீசாருக்கு தகவல் தெரிவித்தனர். திங்களூர் போலீசார் சம்பவ இடத்துக்கு விரைந்து வந்து 2 பேர் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். விபத்து நடந்ததும் லாரி டிரைவர் அங்கிருந்து தப்பி சென்றுவிட்டார்.

இதுகுறித்து திங்களூர் போலீசார் வழக்கு பதிவு செய்து விசாரணை நடத்தி வருகின்றனர்.