என் மலர்

    நீங்கள் தேடியது "damage"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடையம் ஒன்றியத்திற்கு உட்பட்ட அடைச்சாணி கிராமத்திற்கு மேற்புறமுள்ள அடைச்சாணி பெரிய குளத்திலிருந்து 500 ஏக்கருக்கும் மேற்பட்ட விவசாய நிலங்கள் பாசன வசதி பெறுகின்றன.
    • மழைகாலங்களில் குளம் நிரம்பினால் குளத்தில் இருந்து விவசாய நிலங்களுக்கு மூன்று மடைகளின் மூலம் தண்ணீர் திறக்கப்பட்டு வாய்க்கால்களில் சென்று விவசாய நிலங்களுக்கு பாயும்.

    கடையம்:

    கடையம் ஒன்றியத்திற்கு உட்பட்ட அடைச்சாணி கிராமத்திற்கு மேற்புறமுள்ள அடைச்சாணி பெரிய குளத்திலிருந்து 500 ஏக்கருக்கும் மேற்பட்ட விவசாய நிலங்கள் பாசன வசதி பெறுகின்றன.

    இந்த நிலையில் மழைகாலங்களில் குளம் நிரம்பினால் குளத்தில் இருந்து விவசாய நிலங்களுக்கு மூன்று மடைகளின் மூலம் தண்ணீர் திறக்கப்பட்டு வாய்க்கால்களில் சென்று விவசாய நிலங்களுக்கு பாயும். இந்நிலையில் சுமார் 40 ஆண்டுகளுக்கு மேல் கற்களால் கட்டப்பட்டிருந்த வாய்க்கால்களின் நீரோடைகள் அனைத்தும் சிதிலமடைந்து இடிந்த நிலையில் காணப்படுகிறது.


    இதனால் சிதிலமடைந்த நீரோடைகளை ஒட்டி உள்ள விவசாய நிலங்களுக்கு தண்ணீர் அதிகளவில் வீணாக செல்வதால் அப்பகுதியில் விவசாயிகள் பெரும் இன்னல்களுக்கு ஆளாகி வருகின்றனர்.

    எனவே தென்காசி மாவட்ட நிர்வாகம் மற்றும் சம்பந்தப்பட்ட துறை அதிகாரிகள் அடைச்சாணி குளத்தில் இருந்து விவசாய நிலங்களுக்கு செல்லும் வாய்க்கால் நீரோடைகளில் சுற்றுச்சுவர்கள் அனைத்தையும் புதுப்பித்து சீரமைத்து கொடுக்க நடவடிக்கை எடுக்க வேண்டும்.

    இவ்வாறு அடைச்சாணி குளத்தின் மூலம் பாசன வசதி பெறும் விவசாய நிலங்களை சேர்ந்த அடைச்சாணி, மலையான்குளம், மயிலப்பபுரம், துப்பாக்குடி, இடைகால், புதுக்குடி பகுதியின் 200-க்கும் மேற்பட்ட விவசாயிகள் கோரிக்கை வைத்துள்ளனர்.

    மேலும் மழைக்காலங்கள் வருவதற்குள் நீரோ டைகளின் சுற்றுச்சுவர்கள் அனைத்தையும் அரசு சீரமைத்து கொடுக்குமா? என்ற எதிர்பார்ப்பு விவசாயிகள் மற்றும் சமூக ஆர்வலர்கள் மத்தியில் எழுந்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இருசக்கர வாகனங்களில் வரும் சுற்றுலா பயணிகள் மிகுந்த அவதிக்குள்ளாகின்றனர்.
    • இதனால் இரவில் வரும் வாகன ஓட்டிகள் விபத்துக்குள்ளாகவும் நேரிடுகிறது.

    பூதலூர்:

    தஞ்சை மாவட்டத்தில் உள்ள புகழ்பெற்ற சுற்றுலா தலம் கல்லணை.

    கல்லணையில் காவிரி, கொள்ளிடம், மற்றும் கல்லணை கால்வாய் ஆகிய ஆறுகளின் பாலங்கள் அமைந்துள்ளன.

    பாலங்களில் உள்ள மதகுகளின் வழியாக காவிரி டெல்டா மாவட்டத்திற்கு மேட்டூர் அணையில் இருந்து வரும் தண்ணீரை பகிர்ந்து அளிக்கப்படும்.

    சுற்றுலாத்தலமா கவிளங்கு வதால் திருச்சி மாவட்டத்திலிருந்து, தமிழகத்தின் பிற பகுதியில் இருந்தும் விடுமுறை நாட்களில் மட்டும் இல்லாமல் தினம் தோறும் ஏராளமான மக்கள் வந்து பார்த்து செல்வார்கள்.

    திருச்சியில் இருந்து கல்லணைக்கு திருவளர்ச்சோலை வழியாகவும் சர்க்கார் பாளையம் வழியாகவும் இரண்டு சாலைகள் உள்ளன.

    சர்க்கார் பாளையம் வழியாக வரும் சாலை திருச்சி மாவட்டத்தில் பெரும்பான்மையான தூரமும் தஞ்சை மாவட்ட எல்லையில் குறைந்த அளவிலான தூரமும் சாலை உள்ளது.

    தோகூர் பஸ் நிலையத்தில் இருந்து வேங்கூர் வரையுள்ள சாலை அகலப்படுத்தும் பணிகள் நடைபெற்று முடிந்துள்ளது.

    வேங்கூருக்கும் தோகூருக்கும் இடையில் ஒரு கிலோ மீட்டர் தொலைவிற்கு சாலை சீரமைக்கப்படாமல் மிகவும் சிதிலம் அடைந்த நிலையில் குண்டும் குழியுமாக காணப்படுகிறது.

    இதனால் இந்த வழியாக கல்லணையை சுற்றிப் பார்க்க கார்கள் மற்றும் இரண்டு சக்கர வாகனங்களில் வரும் சுற்றுலா பயணிகள் மிகுந்த அவதிக்குள்ளாகின்றனர். மாநில நெடுஞ்சாலைத்துறையால் பராமரிக்கப்படும்

    இந்த மூன்று கிலோமீட்டர் தொலைவு உள்ள சாலையில் ஒரு கிலோமீட்டர் தொலைவு உள்ள சாலை மட்டும் மிகுந்த சேதமடைந்து காணப்படுகிறது.

    இதனால் இரவில் வரும் வாகன ஓட்டிகள் விபத்துக்குள்ளாகவும் நேரிடுகிறது.

    சீரமைக்கப்படாத நிலையில் உள்ள ஒரு கிலோ மீட்டர் தொலைவில் உள்ள சாலையை உடனடியாக சீரமைத்து கல்லணைக்கு வரும் பயணிகள் பாது காப்பான‌ பயணத்திற்கு உரிய நடவடிக்கை எடுக்க வேண்டும் என்று சமூக ஆர்வலர்கள் கோருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுமார் 50 ஆண்டுகளுக்கும் மேலாக 120 வீடுகளில் 400 பேர் வசித்து கொண்டு மீன்பிடி தொழில் செய்து வருகிறோம்.
    • கொள்ளிடம் ஆற்றில் திறந்து விடப்பட்டதால் எங்கள் ஊரில் உள்ள அனைத்து வீடுகளும் சேதமடைந்துவிட்டது.

    தரங்கம்பாடி:

    சீர்காழி தாலுக்கா வெள்ள மணல் மீனவ மக்கள் சார்பில் கிராமத் தலைவர் வீரபாண்டியன், துணைத்தலைவர் புகழேந்தி ஆகியோர் கலெக்டர் லலிதாவிடம் அளித்துள்ள மனுவில் கூறியிருப்பதாவது:-

    எங்களது கிராமம் கொள்ளிடம் ஆற்றின் கழிமுகத்தின் படுகையில் அமைந்துள்ளது. சுமார் 50 ஆண்டுகளுக்கும் மேலாக 120 வீடுகளில் 400 பேர் வசித்து கொண்டு மீன்பிடி தொழில் செய்து வருகிறோம்.

    இந்த ஆண்டு கர்நாடக மாநிலத்தின் ஏற்பட்ட தொடர் மழை காரணமாக காவிரி ஆற்றில் வெள்ள நீர் பெருக்கெடுத்து கொள்ளிடம் ஆற்றில் திறந்து விடப்பட்டதால் எங்கள் ஊரில் உள்ள அனைத்து வீடுகளும் சேதமடைந்து விட்டது.

    தொடர் வெள்ள நீரினால் மண் அரிப்பு ஏற்பட்டு படுகை பகுதி பாதிப்புக்குள்ளாகியது. எனவே எங்களுக்கு ஆற்றின் கரையோரம் இலவச வீட்டு மனை பட்டா வழங்கி, அதில் வீடு கட்டிதர வேண்டும்.

    இவ்வாறு அதில் கூறப்பட்டுள்ளது.

    அனைவரும் வேறு இடத்துக்கு வருவார்களேயானால் இடம் ஏற்பாடு செய்து தர நடவடிக்கை எடுக்கப்படும் என மாவட்ட கலெக்டர் லலிதா கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கிராமங்களுக்கு போக்குவரத்து துண்டிக்கப்பட்டு தாழ்வான பகுதி மக்கள் நிவாரண முகாம்களில் தஞ்சமடைந்திருந்தனர்.
    • தண்ணீரின் வேகத்தால் கிராமம் பாதிக்கப்படுவதை தடுக்க நிரந்தர தடுப்புச் சுவர்கள் அமைக்க நடவடிக்கை எடுக்கப்படும்.

    சீர்காழி:

    கர்நாடக நீர்ப்பிடிப்பு பகுதிகளில் தொடர்ந்து பெய்து வந்த கனமழையின் காரணமாக வெளியே ற்றப்பட்ட வெள்ளநீர் மேட்டூர் அணையின் முழு கொள்ளளவை எட்டியதால் வெள்ளநீர் முழுவதுமாக கொள்ளிடம் ஆற்றில் திறக்கப்பட்டது.

    இந்த தண்ணீரானது மயிலாடுதுறை மாவட்டம் சீர்காழி அடுத்த கொள்ளிடம் ஆற்றின் வழியே சென்று பழையாறு அருகே கடந்த 6 நாட்களாக கடலில் கலந்து வருகிறது.

    இதனால் ஆற்றின் நடுவே அமைந்துள்ள திட்டு கிராமங்களான நாதல்ப்படுகை, முதலைமேடு திட்டு, வெள்ளை மணல், கோரை திட்டு உள்ளிட்ட கிராமங்கள் போக்குவரத்து துண்டிக்கப்பட்டு தாழ்வான பகுதி மக்கள் நிவாரண முகாம்களிலும் தஞ்சம் அடைந்திருந்தனர்.

    இவர்களுக்கு தேவையான அடிப்படை வசதிகளை மாவட்ட நிர்வாகத்தின் சார்பாக செய்யப்பட்டது.

    இந்நிலையில் நேற்று முதல் தண்ணீரின் அளவு குறைந்ததால் நிவாரண முகங்களிலிருந்து மக்கள் தங்கள் வீடுகளுக்கு திரும்பினர்.

    இந்நிலையில் பாதிக்கப்பட்ட கிராமங்களில் பார்வையிட்டு ஆய்வு செய்த அமைச்சர் மெய்யநாதன் வெள்ள நீர் சூழ்ந்து பாதிக்கப்பட்ட மக்களுக்கு நிவாரண உதவிகளை வழங்கினார்.

    குடும்பம் ஒன்றுக்கு போர்வை, கைலி, துண்டு மற்றும் தலா ரூ.500 பணம் உள்ளிட்ட நிவாரண தொகுப்பை தனது சொந்த நிதியிலிருந்து 826 குடும்பங்களுக்கு வழங்கி பாதிக்கப்பட்ட மக்களின் கோரிக்கைகள் குறித்து கேட்டறிந்தார்.

    மேலும் விரைவில் அந்தந்த கிராமத்திற்கு அருகே புயல் பாதுகாப்பு மையம் அமைக்கப்படும் எனவும் தண்ணீரின் வேகத்தால் கிராமம் பாதிக்கப்படுவதை தடுக்க நிரந்தர தடுப்புச் சுவர்கள் அமைக்க நடவடிக்கை எடுக்கப்படும் எனவும் உறுதியளித்தார்.

    அடுத்த கிராமத்திற்கு சென்ற அமைச்சரின் காரை வழியில் நிறுத்திய நாதல்படுகை வடக்கு தெரு மக்கள் தங்கள் பகுதியையும் நேரில் பார்வையிட கோரிக்கை விடுத்தனர்.

    அதனை ஏற்று காரில் இருந்து இறங்கிய அமைச்சர் நடந்து சென்று பாதிப்புகளை பார்வையிட்டதுடன் அவர்களின் கோரிக்கை குறித்து கனிவுடன் கேட்டறிந்தார்.

    அமைச்சரின் ஆய்வின் போது மாவட்ட வருவாய் அலுவலர் முருகதாஸ், திமுக மாவட்ட பொறுப்பாளரான நிவேதா.எம்.முருகன் எம்.எல்.ஏ, பன்னீர்செல்வம் எம்.எல்.ஏ, கோட்டாட்சியர் அர்ச்சனா, வட்டாட்சியர் செந்தில்குமார், கொள்ளிடம் ஒற்றிய குழு தலைவர் ஜெயபிரகாஷ், தி.மு.க ஒன்றிய செயலாளர்கள் செல்ல சேது ரவிக்குமார், மலர்விழி திருமாவளவன் உடனிருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குமாரபாளையம் நகரில் பெரிய அளவிலான மற்றும் சிறிய அளவிலான விநாயகர் சிலைகள் விற்பனை மையங்கள் அதிகம் உள்ளன.
    • தற்போது கடந்த சில நாட்களாக தினமும் மழை பெய்து வருகிறது. இதனால் சிலை வாங்க வரும் பொதுமக்கள் தயக்கம் காட்டி வருகின்றனர்.

    குமாரபாளையம்:

    குமாரபாளையம் நகரில் பெரிய அளவிலான மற்றும் சிறிய அளவிலான விநாயகர் சிலைகள் விற்பனை மையங்கள் அதிகம் உள்ளன. தற்போது கடந்த சில நாட்களாக தினமும் மழை பெய்து வருகிறது. இதனால் சிலை வாங்க வரும் பொதுமக்கள் தயக்கம் காட்டி வருகின்றனர். இது பற்றி சிலை தயாரிக்கும் வியாபாரிகள் கூறுகையில், விநாயகர் சதுர்த்தி இன்னும் சில நாட்களில் வரவுள்ளது. இந்த ஓரிரு நாட்கள் தான் வியாபாரம் நடக்கும். தற்போது பெய்து வரும் தொடர்மழையால் சிலை விற்பனையை பெரிதும் பாதித்து வருகிறது. ஓரிரு நாட்கள் மழை இல்லாமல் இருந்தால் சிலை வியாபாரம் நன்றாக இருக்கும் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தூத்துக்குடி மாவட்டம் திருச்செந்தூர் கரம்பவிளையில் சந்தன மாரியம்மன் கோவில் கொடை விழா நடைபெற்றது.
    • போலீசாரின் இருசக்கர வாகனங்களும் அடித்து உடைக்கப்பட்டது.

    திருச்செந்தூர்:

    தூத்துக்குடி மாவட்டம் திருச்செந்தூர் கரம்பவிளையில் சந்தன மாரியம்மன் கோவில் கொடை விழா நடைபெற்றது. விழாவில் முளைப்பாரி ஊர்வலம் கடந்த 10-ந்தேதி நடைபெற்றது. அப்போது இரு தரப்பினிடையே மோதல் ஏற்பட்டது.

    மீண்டும் மோதல்

    இதனை அடுத்து இரு தரப்பினரும் சமாதானமாக சென்றனர். இந்த நிலையில் நேற்று முன்தினம் இரவு கோவிலில் சிறுவர்களின் கலைநிகழ்ச்சி நடைபெற்று கொண்டிருந்தது.அப்போது திடீரென இரு தரப்பினரும் ஒருவரை ஒருவர் மாறி மாறி கல்வீசி தாக்குதலில் ஈடுபட்டனர்.

    பதட்டமான சூழ்நிலை காரணமாக போலீசார் சம்பவ இடத்திற்கு சென்று இரு தரப்பினரையும் கலைந்து செல்லுமாறு கூறினார். இந்த மோதலில் அந்த பகுதியில் நிறுத்தப்பட்டிருந்த ஆட்டோ , இருசக்கர வாகனங்கள், அடித்து நொறுக்கப்பட்டது.

    ரத்தினம் என்பவரது மாட்டுதொழுவத்தில் பெட்ரோல் குண்டு வீசப்பட்டது.இதில் மாட்டு தொழுவம் சேதம் அடைந்தது.மேலும் இருதரப்பினரும் கற்களை வீசி தாக்கிக்கொண்டதில் காவல்துறையினர் உட்பட ஏராளமானோர் காயமடைந்தனர்.

    கல்வீச்சு

    இதில் பாதுகாப்பு பணியில் இருந்த ஆறுமுகநேரி போலீஸ் இன்ஸ்பெக்டர் செந்தில், திருச்செந்தூர் மகளிர் காவல் நிலைய உதவியாளர் மேரி மற்றும் சாத்தான்குளம் டி.எஸ்.பி.யின் பாதுகாவலர் பால்பாண்டி (வயது27) ஆகியோர் கல்வீச்சில் காயம் அடைந்தனர்.

    மேலும் போலீசாரின் இருசக்கர வாகனங்களும் அடித்து உடைக்கப்பட்டது. தொடர்ந்து அப்பகுதிகளில் பதற்றம் நிலவுவதால் 300-க்கும் மேற்பட்ட போலீசார் திருச்செந்தூர் நகர் பகுதியில் பாதுகாப்பு பணியில் ஈடுபட்டுள்ளனர்.

    13 பேர் கைது

    இந்த சம்பவம் தொடர்பாக போலீசாரை தாக்கி காவல்துறையினரின் வாகனத்தை சேதப்படுத்திற்காக திருச்செந்தூரைச் சேர்ந்த நட்டார்(32), கணேசன்(31), அய்யாதுரை(21), வேம்பு ராஜ்(20), நல்லசிவம் (28), நாகமணி(33), ஈணமுத்து(28), மாதவன்(29), முத்துக்குமார்(22), சதீஸ் முத்து(20), சுப்பிரமணியன்(45), ஈந்தடிமுத்து(34), ஆகிய 12பேரும், ஒரு சிறுவன் உள்பட 13பேரை போலீசார் கைது செய்து நீதிமன்றத்தில் ஆஜர் படுத்தினர்.

    மேலும் மணிகண்டன்(23) என்பவரது புகாரின் பேரில் எஸ்.சி எஸ்.டி சட்டத்தின் கீழ் 50-க்கும் மேற்பட்டோர் மீது வழக்கு பதிவு செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குமாராபாளையம் காவிரி ஆற்றில் வெள்ளம் கரைபுரண்டு ஓடுவதால் அப்பகுதிகளில் உள்ள வீடுகளில் தண்ணீர் புகுந்தது.
    • வெள்ள பாதிப்புகளை மாநில பொது சுகாதார துறை இயக்குனர் செல்வவிநாயகம் பார்வையிட்டார்.

    குமாராபாளையம்:

    குமாராபாளையம் காவிரி ஆற்றில் வெள்ளம் கரைபுரண்டு ஓடுவதால் அப்பகுதிகளில் உள்ள வீடுகளில் தண்ணீர் புகுந்தது. இதன்காரணமாக காவிரி கரையோரத்தில் வசிக்கும் பொதுமக்கள் பாதுகாப்பு மையங்களில் தங்க வைக்கப்பட்டுள்ளனர். வெள்ள பாதிப்புகளை மாநில பொது சுகாதார துறை இயக்குனர் செல்வவிநாயகம் பார்வையிட்டார்.

    மேலும் பாதிக்கப்பட்ட பொதுமக்கள் தங்க வைக்கப்பட்டிருக்கும் மையத்திற்கு சென்று ஆறுதல் கூறி, அவர்களுக்கு செய்து கொடுத்துள்ள சுகாதார பணிகள் குறித்து உடன் வந்த டாக்டர்களிடம் கேட்டறிந்தார். அப்போது நகராட்சி சுகாதார அலுவலர் ராமமூர்த்தி, கிராம நிர்வாக அலுவலர் முருகன், தியாகராஜன், செந்தில்குமார் உள்ளிட்ட பலர் உடனிருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அடிக்கடி மின்வெட்டு ஏற்பட்டு வருவதாக கிராமமக்கள் புகார்.
    • தேங்காய் எண்ணெய் ஆலைகள் அதிகளவில் உள்ளன.

    காங்கயம் :

    காங்கயத்தை அடுத்துள்ள நால்ரோடு துணை மின்நிலையத்திலிருந்து, நால்ரோடு, மரவபாளையம், கீரனூர், ஆலாம்பாடி, திட்டுப்பாறை உள்ளிட்ட பகுதிகளுக்கு மின்வினியோகம் செய்யப்பட்டு வருகிறது. இந்த நிலையில் கடந்த சில நாட்களாக அடிக்கடி மின்வெட்டு ஏற்பட்டு வருவதாக கிராமமக்கள் புகார் தெரிவிக்கின்றனர்.

    இதுபற்றி விவசாயிகள் தரப்பில் கூறியதாவது:- காங்கயம் மற்றும் சுற்றுப்பகுதிகள் பெரும்பாலும் விவசாயம் சார்ந்த பகுதியாகும். இதுதவிர அரிசி ஆலைகள், தவிடு ஆலைகள் மற்றும் தேங்காய் எண்ணெய் ஆலைகள் அதிகளவில் உள்ளன. விவசாய பணிகளான தண்ணீர் பாய்ச்சுதல், போர்வெல்களிலிருந்து தண்ணீர் எடுத்தல் ஆகியவை மின்மோட்டார்கள் மூலமே மேற்கொள்ளப்பட்டு வருகிறது. மேலும் அரிசி ஆலைகள் உள்ளிட்ட தொழில்களும் மின்மோட்டார்கள் மூலமே நடைபெறுகிறது.

    கடந்த சில நாட்களாக அடிக்கடி மின்தடை ஏற்படுகிறது. இதனால் விவசாய பணிகள் மட்டுமல்லாமல் அரிசி ஆலை பணிகளும் கடுமையாக பாதிக்கப்படுகிறது. மேலும் கடந்த 2 நாட்களாக இரவு நேரம் முழுவதும் மின்தடை ஏற்படுவதால் கிராம மக்கள் பெரிதும் பாதிக்கப்படுகின்றனர். ஆலாம்பாடி உள்ளிட்ட கிராம பகுதியில் இரவு முழுவதும் மின்சாரம் தடைபட்டு கிராமமே இருளில் மூழ்கியது.எனவே மின்வாரிய அதிகாரிகள் கூடுதல் கவனம் செலுத்தி மின் கோளாறுகளை உடனடியாக சரிசெய்து சீரான மின்சாரம் வழங்க நடவடிக்கை எடுக்க வேண்டும்.

    இவ்வாறு அவர்கள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வில்பட்டி கிராமத்திற்கு செல்லக்கூடிய பிரதான சாலை மிகவும் சேதமடைந்து காணப்படுகிறது.
    • காய்கறிகளை ஏற்றி செல்ல முடியாமலும் சுற்றுலா வாகனங்கள் செல்ல முடியாமல் பெரும் சிரமத்திற்கு ஆளாகி வருகின்றனர்.

    கொடைக்கானல்:

    கொடைக்கானல் அருகே வில்பட்டி கிராமம் அமைந்துள்ளது. இந்த கிராமத்தில் வசிக்கும் மக்களுக்கு விவசாயமே பிரதான தொழிலாக இருந்து வருகிறது.

    இங்கு விளைவிக்கப்படும் காய்கறிகள் தமிழகம் மட்டுமின்றி பல்வேறு பகுதிகளுக்கு ஏற்றுமதி செய்யப்படும். இவ்வாறான சூழலில் வில்பட்டி கிராமத்திற்கு செல்லக்கூடிய பிரதான சாலை மிகவும் சேதமடைந்து காணப்படுகிறது. இதனால் அப்பகுதி வழியே காய்கறிகளை ஏற்றி செல்ல முடியாமலும் சுற்றுலா வாகனங்கள் செல்ல முடியாமல் பெரும் சிரமத்திற்கு ஆளாகி வருகின்றனர்.

    மேலும்அப்பகுதியின் வழியே பொதுமக்களும் பள்ளி மாணவ-மாணவிகளும் சென்றுவர பெரும் இடையூறு இருந்துவருவதாகவும் வருத்தம் தெரிவிக்கின்றனர். சேதமடைந்த சாலைகளால் அடிக்கடி வாகன விபத்துகளும் ஏற்பட்டு வருகிறது.

    எனவே வில்பட்டி பிரதான சாலை நாயுடுபுரம் சாலை உள்ளிட்ட சாலைகளை விரைந்து சீரமைத்து தர வேண்டும் என தமிழக அரசுக்கு அப்பகுதி மக்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொள்ளிடம் பாலத்தில் ஆர்ப்பரித்து செல்லும் தண்ணீரை பொதுமக்கள் ஆர்வமுடன் பார்த்து செல்பி எடுத்தனர்.
    • 1.40 லட்சம் கன அடி வரை தண்ணீர் அதிகரிக்க வாய்ப்புள்ளதால் ஆற்றின் கரையோரம் உள்ள மக்களை பாதுகாப்பாக இருக்க வேண்டும்.

    சீர்காழி:

    கர்நாடக மாநிலத்தில் பெய்து வரும் கனமழை காரணமாக அங்குள்ள அணைக–ளில் இருந்து அதிகப்படியான உபரி நீரானது தமிழக பகுதிக்கு வந்து வண்ணம் உள்ளது. இந்நிலையில் மேட்டூர் அணை நிரம்பியதையடுத்து அணைக்கு வரும் 1 லட்சத்து 25 ஆயிரம் கன அடி நீரானது முழுவதுமாக கொள்ளிடம் ஆற்றின் வழியே திருப்பி விடப்பட்டுள்ளது. இரு தினங்களுக்கு முன்னர் திறக்கப்பட்ட தண்ணீரானது மயிலாடுதுறை மாவட்டம் கொள்ளிடம் ஆற்றின் வழியே சென்று பழையாறு மீன்பிடி துறைமுகம் அருகே கடலில் கலந்து வருகிறது.

    கொள்ளிடம் பாலத்தில் ஆர்ப்பரித்து செல்லும் தண்ணீரை பொதுமக்கள் ஆர்வமுடன் பார்த்து செல்பி எடுத்தனர். இந்நிலையில் தண்ணீர் படிப்படியாக உயர்ந்து கொள்ளிட ஆற்றின் இரு கரைகளையும் தொட்டவாறு தண்ணீர் கடலை நோக்கி செல்கிறது. கொள்ளிடம் சோதனை சாவடி அருகே ஆற்றங்கரை தெரு மற்றும் நாதல்படுகை பகுதிகளில் 10-க்கும் மேற்பட்ட வீடுகளை வெள்ளநீர் சூழ்ந்தது.

    இதேபோல் நாதல்படுகை, முதலைமேடு, முதலைமேடுதிட்டு உள்ளிட்ட கொள்ளிடம் ஆற்றின் கரையோரம் உள்ள கிராமங்களில் 300 ஏக்கரில் பயிரிடப்பட்டிருந்த பருத்தி, முல்லை, மல்லி, கத்திரிக்காய், வெண்டை, செடிமுருங்கை, மரவள்ளிகிழங்கு உள்ளிட்ட தோட்டப்பயிர்கள் சேதம் அடைந்தது. இதனால் விவசாயிகள் மிகவும் வேதனை அடைந்துள்ளனர். நாதல்படுகை கிரா–மத்தில் கொள்ளிடம் ஆற்றின் கரையோரம் அமைக்கப்பட்டிருந்த செங்கல் சூளையில் அடுக்கி வைக்கப்பட்டிருந்தகி சுடாத 60 ஆயிரம் செங்கல் தண்ணீரில் முழுவதுமாக அடி–த்துச் செல்லப்பட்டு விட்டது.மேலும் 20 செங்கல் சூளைகள் தண்ணீரால் சூழப்பட்டுள்ளது. 1.40 லட்சம் கன அடி வரை தண்ணீர் அதிகரிக்க வாய்ப்புள்ளதால் ஆற்றின் கரையோரம் உள்ள மக்களை பாதுகாப்பாக மேடான பகுதிக்கு செல்லுமாறு சீர்காழி கோட்டாட்சியர் அர்ச்சனா, தாசில்தார் செந்தில்குமார் மற்றும் வருவாய் துறையினர் நேரில் சென்று வலியுறுத்தினர்.

    மேலும் வீடுகளை வெள்ள நீர் முழுவதுமாக சூழும் பட்சத்தில் மக்களை வெளியேற்றி உணவளிக்கும் வகையில் முகாம்கள் அமைத்திட ஏற்பாடுகள் நடைபெற்று வருகிறது. இந்நிலையில் நாதல் படுகை கிராமத்தில் தண்ணீர் சூழ்ந்துள்ள குடியிருப்பு பகுதிகளை சீர்காழி எம்.எல்.ஏ பன்னீர்செல்வம், தாசில்தார் செந்தில்குமார், ஒன்றிய குழு தலைவர் ஜெயபிரகாஷ் ஆகியோர் படகின் மூலம் சென்று பார்வையிட்டு ஆய்வு செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கீழக்கரையில் சேதமான சாலையை சீரமைக்குமாறு பொதுமக்கள் கோரிக்கை விடுத்தனர்.
    • கைவினையாளர்கள் சங்கம் சார்பில் ஊர்மக்கள் கையெழுத்திட்ட மனுவை கலெக்டரிடம் அளித்தனர்.

    கீழக்கரை

    திருப்புல்லாணி ஒன்றியம் மேதலோடையில் இருந்து வண்ணாங்குண்டு செல்லும் 4 கி.மீ., சாலை சேதமடைந்துள்ளதால் மாணவர்கள் அவதிப்படுகின்றனர்.

    இதுதொடர்பாக பனைத்தொழிலாளர் மற்றும் கைவினையாளர்கள் சங்கம் சார்பில் வட்டார தலைவி கலைவாணி, காமாட்சி உள்ளிட்ட பெண்கள் ஊர்மக்கள் கையெழுத்திட்ட மனுவை கலெக்டர் ஜானிடாம் வர்கீசிடம் அளித்தனர். அதில் கூறியிருப்பதாவது:-

    மேதலோடை மற்றும் அருகில் உள்ள காடுகாரன்வலசை, ஈசுப்புலி வலசை, மாரி வலசை, பன்னிவெட்டி வலசை, உமையன் வலசை, மேதலோடை (வடக்கு), அய்யனார்புரம் ஆகிய 8 கிராமங்களில் 450 குடும்பங்களை சேர்ந்த 2000 பேர் வசிக்கின்றனர். 500-க்கும் மேற்பட்ட குழந்தைகள் படிக்கின்றனர்.

    10-ம் வகுப்பிற்கு மேல் எங்கள் ஊரில் இருந்து 4 கி.மீ., ல் உள்ள வண்ணாங்குண்டு அரசு மேல்நிலை பள்ளிக்குதான் செல்ல வேண்டும். அங்கு 150 மாணவர்கள் படிக்கின்றனர்.

    இந்த பள்ளிக்கு மேதலோடை (தெற்கு) பகுதியில் இருந்து வண்ணாங்குண்டு செல்லும் 4 கி.மீ., சாலை 10 ஆண்டுகளுக்கும் மேலாக மோசமாக சேதமடைந்துள்ளது. இந்த வழியாக பள்ளி செல்ல பஸ் வசதியும் இல்லை. இதனால் சாலையில் மாணவர்கள் நடந்தும், சைக்கிளில் செல்லும் போது விபத்து ஏற்பட்டு காயமடைகின்றனர்.

    இந்த சாலையை உடனடியாக சீரமைத்து பஸ் வசதி செய்ய வேண்டும். தினைக்குளத்தில் உள்ள மேதலோடை துணை சுகாதார நிலைய கட்டிடம் சேதமடைந்துள்ளதை சீரமைக்க வேண்டும். இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin