என் மலர்

    நீங்கள் தேடியது "crops"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வாழை மற்றும் மரவள்ளி போன்ற தோட்டக்கலை பயிர்களுக்கு அறிவிக்கை செய்யப்பட்டுள்ளது.
    • விவசாயிகள் இயற்கை இடர்பாடுகள் ஏற்படும் முன் இத்திட்டத்தில் தங்களது பயிர்களை காப்பீடு செய்து கொள்ளவும்.

    தஞ்சாவூர்:

    தஞ்சாவூர் மாவட்டத்தில் தோட்டக்கலைப் பயிர்களுக்கு காப்பீடு செய்ய விவசாயிகளுக்கு மாவட்ட கலெக்டர் தினேஷ் பொன்ராஜ் ஆலிவர் அழைப்பு விடுத்துள்ளார்.

    இதுகுறித்து அவர் கூறியதாவது :-

    மத்திய அரசு 2021 ஆம் ஆண்டு முதல் பிரதம மந்திரி பயிர் காப்பீட்டுத் திட்டத்தில் சில மாற்றங்களை செய்து புதிய நடைமுறைகளை அறிமுகப்படுத்தி உள்ளது.

    முக்கியமாக இத்திட்டத்தின் கீழ் கடன் பெறும் விவசாயிகளை கட்டாயமாக பதிவு செய்து வந்த நிலையில் தற்போது அவர்களின் விருப்பத்தின் பேரில் பதிவு செய்திட அனுமதி வழங்கப்பட்டு உள்ளது.

    தஞ்சாவூர் மாவட்டத்தில் 2 பயிர்களுக்கு ரபி பருவத்தில் காப்பீடு செய்யப்பட உள்ளது.

    வாழை பயிருக்கு ஏக்கருக்கு ரூ.3505-ம், மரவள்ளி பயிருக்கு ஏக்கருக்கு ரூ.1018 பிரீமியமாக நிர்ணயிக்கபட்டு பிரீமியம் செலுத்த 28.2.2023 கடைசி நாள் ஆகும்.

    மேலும் மாவட்ட வாரியான சராசரி மகசூலின் அடிப்படையில் காப்பீட்டுத் தொகை நிர்ணயிக்க வழி வகை செய்யப்பட்டுள்ளது.

    தமிழக அரசால் தஞ்சாவூர் மாவட்டத்திற்கு ஏற்கனவே தெரிவு செய்யப்பட்ட தனியார் நிறுவனமான இப்கோ டோகியோ மற்றும் ரிலையன்ஸ் ஜெனரல் இன்சூரன்ஸ் கார்ப்பரேஷன் ஆகிய காப்பீட்டு நிறுவனம் மூலம் பிரதம மந்திரி பயிர் காப்பீட்டுத் திட்டம் ரபி 2022 - 2023-ல் செயல்படுத்த அரசாணை வழங்கப்பட்டுள்ளது.

    ரபி பருவத்தில் வாழை மற்றும் மரவள்ளி போன்ற தோட்டக்கலைப் பயிர்களுக்கு அறிவிக்கை செய்யப்பட்டு விவசாயிகள் காப்பீட்டுக் கட்டணம் செலுத்துவதற்கான காலக் கெடுவும் நிர்ணயிக்கப்பட்டு உள்ளது.

    ரபி பருவத்தில் சாகுபடி மேற்கொள்ளும் விவசாயிகள், நடப்பு பசலி ஆண்டுக்கான அடங்கலை வி.ஏ.ஓ.விடம் பெற்று அதனுடன் வங்கி கணக்கு புத்தக்கத்தின் முதல் பக்க நகல், ஆதார் அட்டை நகல் ஆகியவற்றை தொடக்க வேளாண்மை கூட்டுறவு வங்கிகளிலோ அல்லது தேசிய வங்கிகளிலோ சென்று பதிவு செய்து கொள்ளலாம்.

    மேலும் விவசாயிகள் பொது சேவை மையங்கள் மூலமாகவும் பதிவு செய்து கொள்ளலாம்.

    எனவே விவசாயிகள் இயற்கை இடர்பாடுகள் ஏற்படும் முன் இத்திட்டத்தில் தங்களது பயிர்களை காப்பீடு செய்து கொள்ளவும் . இது குறித்தான மேலும் விபரங்களுக்கு தங்களது வட்டார தோட்டக்கலை உதவி இயக்குனரையோ அல்லது தோட்டக்கலை அலுவலர், உதவி தோட்டக்கலை அலுவலரையோ தொடர்பு கொள்ளலாம்.

    விவசாயிகள் தங்களது பயிர்களை குறிப்பிட்ட தேதிக்கு முன்னரே காப்பீடு செய்து பயன் பெறலாம்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அறுவடை பணி நடந்து வந்ததால் அறுவடை எந்திரம் வயலிலேயே நிறுத்தி வைக்கப்பட்டிருந்தது.
    • மழையால் போட்ட முதலீட்டை கூட மீட்க முடியுமா என்பது கூட தெரியவில்லை.

    தஞ்சாவூர்:

    காவிரி டெல்டா மாவட்ட பாசனத்துக்காக இந்த ஆண்டு முன்கூட்டியே அதாவது மே மாதத்திலேயே மேட்டூர் அணையில் இருந்து தண்ணீர் திறந்து விடப்பட்டது.

    இதனால் குறுவை சாகுபடி பணியை விவசாயிகள் மும்முரமாக செய்தனர்.

    தஞ்சை மாவட்டத்தில் மட்டும் 72 ஆயிரத்து 816 எக்டேரில் குறுவை சாகுபடி செய்யப்பட்டது.

    தற்போது பயிர்கள் வளர்ந்துள்ள நிலையில் மாவட்டத்தின் பல்வேறு இடங்களில் அறுவடை பணிகள் முழுவீச்சில் நடந்து வருகின்றன.

    இன்னும் 2 வாரத்திற்குள் அறுவடை பணிகள் முடிவடையும் என எதிர்பார்க்கப்பட்டது.

    இந்த நிலையில் தஞ்சை மாவட்டத்தில் நள்ளிரவில் கனமழை கொட்டியது.

    தொடர்ந்து 3 மணி நேரத்தி ற்கும் மேலாக இடைவிடாது கனமழை பெய்தது.

    இதன் காரணமாக தஞ்சை மாவட்டம்புதுகல்வி ராயன்பேட்டை,மானோ ஜிபட்டி, சித்திரைக்குடி, பூதலூர், கல்விராய ன்பே ட்டை மற்றும் சுற்றுவ ட்டார பகுதிகளில் மட்டும் 500 ஏக்கரில் அறுவடைக்கு தயாரான குறுவை நெற்பயி ர்கள் வயலில் மழைநீர் புகுந்தது.

    தொடர்ந்து தண்ணீர் சென்றதால் வயல்கள் வெள்ளக்காடாக மாறியது.

    அறுவடைக்கு தயாரன பயிர்கள் மூழ்கி சாய்ந்தன. இதனால் விவசாயிகள் கவலை அடைந்தனர். மேலும் புதுகல்விராயன்பேட்டை பகுதியில் 2 நாட்களாக அறுவடை பணி நடந்து வந்ததால் அறுவடை எந்திரம் வயலிலேயே நிறுத்தி வைக்கப்பட்டு இருந்தது.

    தற்போது பெய்த மழையால் அறுவடை எந்திரம் வெளியே வர முடியாமல் வயலிலேயே நிறுத்தி வைக்கப்பட்டுள்ளது.

    மாவட்டம் முழுவதும் கனமழை பெய்ததால் 1000 ஏக்கர் அளவுக்கு அறுவடைக்கு தயாரான குறுவை நெற்பயிர்கள் மூழ்கி சாய்ந்து பாதிக்கப்பட்டு இருக்கும் என விவசாயிகள் கவலை அடைந்துள்ளனர்.

    இது குறித்து விவசாயிகள் கூறும்போது:-

    தஞ்சை மாவட்டத்தில் குறுவை அறுவடை இறுதி கட்டத்தை எட்டிய நிலையில் எதிர்பாராத கனமழையால் பல இடங்களில் அறுவ டைக்கு தயாரான குறுவை நெற்பயிர்கள் மூழ்கி பாதிக்கப்பட்டுள்ளது.

    லேசான மழை பெய்தால் இந்த அளவுக்கு பாதிப்பு இருக்காது.

    ஆனால் 4 நாட்களுக்கு சேர்த்து மிகப்பெரிய அளவில் கனமழையாக பெய்ததால் வயலில் தண்ணீர் சூழந்து பயிர்கள் மூழ்கி விட்டன.

    இதனால் மகசூல் பெருமளவில் குறைய வாய்ப்பு உள்ளது.

    மேலும் ஒரு வயலில் 1 மணி நேரம் எந்திரம் மூலம் அறுவடை நடந்தால் இனி அது 3 மணி நேரமாக அதிகரிக்கும்.

    இதனால் கூடுதல் செலவு ஏற்படும். நாங்கள் ஏக்கருக்கு ரூ.40 ஆயிரம் வரை செலவழித்து பயிரிட்டிருந்தோம்.

    தற்போது மழையால் போட்ட முதலீட்டை கூட மீட்ட முடியுமா என்பது கூட தெரியவில்லை.

    எனவே உடனடியாக குறுவை பயிர்களுக்கு காப்பீடு திட்டத்தை கொண்டு வர வேண்டும்.

    தஞ்சை மாவட்டத்தில் மூழ்கி பாதிப்படைந்த பயிர்களை கணக்கீட்டு உரிய இழப்பீடு வழங்க வேண்டும் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வேளாண் துறை, வேளாண் பல்கலை, மண், நீர், பயிர் மற்றும் பயன்படுத்திய மருந்து ஆகியவற்றின் மாதிரிகளை சேகரித்து சென்றனர்.
    • வேளாண் துறை, வேளாண் பல்கலை, மண், நீர், பயிர் மற்றும் பயன்படுத்திய மருந்து ஆகியவற்றின் மாதிரிகளை சேகரித்து சென்றனர்.

    பல்லடம்:

    பல்லடம் உகாயனூர் - நல்லகாளிபாளையம் கிராமத்தை சேர்ந்தவர் விவசாயி சங்கர். இவர் தனது தோட்டத்துக்கு பயன்படுத்திய களைக்கொல்லி மருந்தால், பயிர்கள் முளைக்கவில்லை. இதேபோல் பல விவசாயிகளுக்கும் பாதிப்பு ஏற்பட்டது.இது குறித்து, விவசாயிகள் இணைந்து பிப்ரவரி மாதம் கலெக்டரிடம் புகார் அளித்ததால் விசாரணை மேற்கொள்ள அதிகாரிகளுக்கு கலெக்டர் உத்தரவிட்டார்.

    இது குறித்து சங்கர் கூறியதாவது:-

    இயற்கை உரங்களை பயன்படுத்தி பல ஆண்டுகளாக விவசாயம் செய்து வருகிறேன். 2 ஏக்கர் நிலத்தில் கம்பு பயிர் செய்ய திட்டமிட்டு முன்கூட்டியே தனியார் களைக்கொல்லி மருந்து தெளித்தேன். மருந்து தெளித்த ஒரு வாரத்தில் பயிர்கள் அனைத்தும் கருகின.புகார் அடிப்படையில் வேளாண் துறை, வேளாண் பல்கலை, மண், நீர், பயிர் மற்றும் பயன்படுத்திய மருந்து ஆகியவற்றின் மாதிரிகளை சேகரித்து சென்றனர்.

    ஆய்வுக்குபின் களைக்கொல்லி மருந்து தரமானது என அறிக்கை வந்துள்ளது.களைக்கொல்லி மருந்து பயன்படுத்தி பின் 6 மாதங்களாக எந்தவிதபயிர்களும் முளைக்கவில்லை. மண் மலடாகி விட்டது. ஆனால் அதிகாரிகள் ஆய்வில் எதிர்மறையான அறிக்கை அளித்துள்ளனர். இது எப்படி சாத்தியம் என தெரியவில்லை.மாவட்ட நிர்வாகம் இது குறித்து கூடுதல் விசாரணை மேற்கொண்டு, பாதிக்கப்பட்டவர்களுக்கு உரிய இழப்பீடு வழங்க நடவடிக்கை எடுக்க வேண்டும்.இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மலைச்சரிவுகளில் தோட்டக்கலை பயிர்களை அதிகளவில் பயிரிட உதவுகிறது.
    • There is a risk of soil erosion in an area of ​​68 thousand hectares due to rainfall.

    ஊட்டி:

    நீலகிரி மாவட்டம் ஊட்டியில் உள்ள இந்திய மண் மற்றும் நீர் வளப்பாதுகாப்பு நிறுவனம் சார்பில், விவசாயிகளுக்கு 'மலைப்பகுதிகளில் மண் அரிப்பை தடுக்கும் விவசாய முறைகள்' குறித்த பயிற்சி முகாம் நேற்று நடந்தது. முகாமில் முதன்மை விஞ்ஞானி மணிவண்ணன், விவசாயிகளுக்கு மலைப்பகுதிகளில் மண் அரிப்பை தடுக்கும் விவசாய முறைகள் குறித்து விளக்கம் அளித்தார். தொடர்ந்து அவர் பேசும்போது கூறியதாவது:-

    நீலகிரியில் மண் பாதுகாப்பு நடவடிக்கைகளை மேற்கொள்ளாமல் காய்கறி சாகுபடி செய்ததால், மாவட்டத்தில் சராசரியாக 20 முதல் 40 டன் மண் இழப்பு ஏற்பட்டு உள்ளது. இங்கு நிலவும் சூழல், மலைச்சரிவுகளில் தோட்டக்கலை பயிர்களை அதிகளவில் பயிரிட உதவுகிறது. காலநிலை மாற்றத்தின் தாக்கம் காரணமாக ஒழுங்கற்ற மழைப்பொழிவு உள்ளதுடன், அபாயகரமான வகையில் மண் அரிப்பு ஏற்படுகிறது.

    அதிக மழைப்பொழிவு நீலகிரியில் அதிக மழைப்பொழிவால் 68 ஆயிரம் ஹெக்டர் பரப்பளவில் மண் அரிப்பு ஏற்படும் அபாயம் உள்ளது. இதனால் வளமான மண் இழப்பு மற்றும் மகசூல் குறைவு ஏற்படுகிறது. வடிகால் வாய்க்கால் மற்றும் நீர்நிலைகளில் வண்டல் மண் படிகிறது. இதனால் நீர்நிலைகளின் கொள்ளளவு குறைவதோடு, வெள்ளம் ஏற்படுகிறது.


    இந்திய மண் மற்றும் நீர் பாதுகாப்பு நிறுவனம் மூலம் நடத்தப்பட்ட ஆய்வுப்படி, படிமட்டங்கள் முறையில் உருளைக்கிழங்கு பயிரிடப்பட்டு விளைச்சலை அதிகரித்து உள்ளது. மேலும் 50 சதவீதம் நீரோட்டம் குறைந்து, 98 சதவீதம் மண் இழப்பும் குறைந்து உள்ளது. எனவே, விவசாயத்தில் மண் அரிப்பு பிரச்சினை மற்றும் கட்டுப்பாட்டு நடைமுறைகள் குறித்து விவசாயிகள் இடையே விழிப்புணர்வு ஏற்படுத்துவது அவசியம். இவ்வாறு அவர் கூறினார். முகாமில் 375 விவசாயிகளுக்கு 15 சுற்றுகளில் பயிற்சி அளிக்கப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வெள்ளம் வடிந்தவுடன் சேத விவரங்கள் கணக்கெடுக்கப்பட்டு அறிக்கையாக தயார் செய்து மாவட்ட கலெக்டரிடம் கொடுக்கப்படும்.
    • தோட்டக்கலை இயக்குனருக்கு அனுப்பப்பட்டு, பாதிக்கப்பட்ட விவசாயிகளுக்கு உரிய இழப்பீடு பெற்று வழங்கப்படும்.

    பாபநாசம்:

    தஞ்சாவூர் மாவட்டம், பாபநாசம் ஒன்றியம், கோவிந்தநாட்டுசேரி ஊராட்சியில் பட்டுக்குடி, கூடலூர், புத்தூர் மற்றும் உள்ளிக்கடை கிராமத்தில் வெள்ளத்தால் சூழ்ந்து மூழ்கியுள்ள வாழை, மிளகாய், வெண்டை, செண்டி பூக்கள் உள்ளிட்ட பல்வேறு பயிர்களை மாவட்ட கலெக்டர் தினேஷ் பொன்ராஜ் ஆலிவர் அறிவுறுத்தலின்படி மாவட்ட தோட்டக்கலைத்துறை துணை இயக்குனர் கலைச்செல்வன் நேரில் பார்வையிட்டு ஆய்வு செய்தார். நீரில் மூழ்கிய பயிர்களின் விவரங்களை விவசாயிகளிடம் கேட்ட றிந்தார். தொடர்ந்து அவர் பல்வேறு இடங்க ளில் பாதிக்கப்பட்ட தோட்ட க்கலை பயிர்களை ஆய்வு செய்தார்.பின்னர் அவர் கூறியதாவது : பயிர்களை சூழ்ந்துள்ள வெள்ளம் வடிந்தவுடன் சேத விவரங்கள் கணக்கெடுக்கப்பட்டு அறிக்கையாக தயார் செய்து மாவட்ட கலெக்டரிடம் கொடுக்கப்படும். பின்னர் சேத விவரங்கள் கலெக்டர் மூலம் சென்னையில் உள்ள தோட்டக்கலை இயக்குனருக்கு அனுப்பப்பட்டு, பாதிக்கப்பட்ட விவசாயிகளுக்கு உரிய இழப்பீடு பெற்று வழங்கப்படும்.

    இவ்வாறு அவர் கூறினார். ஆய்வின் போது பாபநாசம்தோட்ட க்கலைத்துறை உதவி இயக்குனர் பரிமேழகன், பாபநாசம் தோட்டக்கலை அலுவலர் தேவதர்ஷினி, பாபநாசம் உதவி தோட்ட க்கலைதுறை அலுவலர்கள் வரதராஜன், காந்தி, முரளி, கோவிந்தநாட்டுசேரி ஊராட்சி மன்ற தலைவர் ஜெய்சங்கர், ஒன்றிய கவுன்சிலர் சுமதி இள ங்கோவன், கிராம நிர்வாக அலுவலர் குருநாதன் மற்றும் பலர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தோட்டக்கலை பயிர்களான வாழை, மிளகாய், வெண்டை உள்ளிட்ட பல்வேறு பயிர்களும் நீரில் மூழ்கி பாதிப்படைந்துள்ளன.
    • வெள்ளப்பெருக்கு குறைந்த உடன் பயிர்களை சூழ்ந்துள்ள வெள்ளம் வடிந்து விடும்.

    தஞ்சாவூர்:

    கர்நாடகாவில் பெய்து வரும் தொடர் மழையால் அங்குள்ள அணைகள் நிரம்பி உபரிநீர் மேட்டூர் அணைக்கு திறந்து விடப்பட்டு வருகிறது. மேட்டூர் அணையிலிருந்து திறக்கப்படும் தண்ணீர் முக்கொம்பு வழியாக கல்லணை அடைந்து அங்கிருந்து கொள்ளிடம், காவிரி ஆறுகளில் திறந்து விடப்படுகிறது. இதனால் கொள்ளிடம் ஆற்றில் வெள்ளப்பெருக்கு ஏற்பட்டுள்ளது. தற்போது நடவு செய்யப்பட்டுள்ள தற்போது நடவு செய்யப்பட்டுள்ள குறுவை நெற்பயிர் பாதிக்கப்பட்டு உள்ளது.

    இது தவிர தோட்டக்கலைப் பயிர்களான வாழை, மிளகாய், வெண்டை உள்ளிட்ட பல்வேறு பயிர்களும் நீரில் மூழ்கி பாதிப்பு அடைஅடைந்துள்ளன.

    இந்த நிலையில் தஞ்சை அடுத்த கோவிந்தநாட்டுச்சேரி கிராமத்தில் வெள்ளத்தால் சூழ்ந்து மூழ்கி உள்ள வாழை, மிளகாய் பயிர்களை மாவட்ட கலெக்டர் தினேஷ் பொன்ராஜ் ஆலிவர் அறிவுறுத்தலின்படி மாவட்ட தோட்டக்கலைத்துறை துணை இயக்குனர் கலைச்செல்வன் நேரில் பார்வையிட்டு ஆய்வு செய்தார். நீரில் மூழ்கிய பயிர்களின் விவரங்களை விவசாயிகளிடம் கேட்டு அறிந்தார். தொடர்ந்து அவர் பல்வேறு இடங்களில் பாதிக்கப்பட்ட தோட்டக்கலைப் பயிர்களை ஆய்வு செய்து வருகிறார்.

    அப்போது அவர் கூறும் போது:-

    வெள்ளப்பெருக்கு குறைந்த உடன் பயிர்களை சூழ்ந்துள்ள வெள்ளம் வடிந்து விடும். அதன் பிறகு தோட்டக்கலை பயிர்களின் சேத விவரங்கள் கணக்கெடுக்கப்படும். அதனை அறிக்கையாக தயார் செய்து மாவட்ட கலெக்டரிடம் கொடுக்கப்படும். பின்னர் சேத விவரங்கள் கலெக்டர் மூலம் சென்னையில் உள்ள தோட்டக்கலை இயக்குனருக்கு அனுப்பப்படும் என்றார். இந்த ஆய்வின் போது பாபநாசம் தோட்டக்கலை துறை உதவி இயக்குனர் பரிமேலழகன், துணை தோட்டக்கலை அலுவலர் ரவி, உதவி தோட்டக்கலை துறை அலுவலர்கள் காந்தி, வரதராஜன் மற்றும் பலர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பயிர்க்கடன் வழங்குவதில் தமிழக அரசு புதிய கட்டுப்பாடுகளை விதித்துள்ளது.
    • பயிர் சாகுபடியை பொறுத்து கடனை திருப்பி செலுத்தும் அவகாசம், 6, 8 மாதம், ஓராண்டு என நிர்ணயிக்கப்பட்டுள்ளது.

    திருப்பூர் :

    கூட்டுறவுத்துறை சார்பில் தொடக்க வேளாண்மை கூட்டுறவு சங்கங்கள் மூலம் விவசாயிகளுக்கு பயிர்க்கடன் வழங்கப்படுகிறது. ஓராண்டு அவகாசத்துக்குள் திருப்பி செலுத்திவிட்டு அடுத்த 15 நாட்களுக்கு பிறகு மறு சாகுபடிக்கான கடனை பெற்று வருகின்றனர். தற்போது பயிர்க்கடன் வழங்குவதில் தமிழக அரசு புதிய கட்டுப்பாடுகளை விதித்துள்ளது.

    இது குறித்து திருப்பூர் விவசாயிகள் கூறியதாவது:-

    இம்முறை பயிர் சாகுபடியை பொறுத்து கடனை திருப்பி செலுத்தும் அவகாசம், 6, 8 மாதம், ஓராண்டு என நிர்ணயிக்கப்பட்டுள்ளது. சிறு, குறு விவசாயிகள் அறுவடை முடிவதற்குள் பயிர்க்கடனை திருப்பி செலுத்த வேண்டிய நெருக்கடி ஏற்படும். இல்லாவிட்டால் வட்டி சுமை ஏற்படும். விவசாயிகளின் வீடு ஒரு கிராமத்தில் இருக்கும். விளை நிலம் மற்ற கிராமங்களில் இருக்கும்.வீடு இருக்கும் கிராமத்தில் உள்ள கூட்டுறவு சங்கத்திலேயே பயிர்க்கடன் பெற்று வந்தனர். இனிமேல் விளைநிலம் உள்ள கிராமத்தில் தான் பயிர்க்கடன் பெற வேண்டும் என்கின்றனர். இது பல்வேறு பாதிப்புகளையும், குழப்பத்தையும் ஏற்படுத்தும்.

    எனவே, பழைய முறைப்படி கூட்டுறவுக்கடன் வழங்க வேண்டும்.இவ்வாறு, அவர்கள் கூறினர்.கூட்டுறவு சங்க இணை பதிவாளர் ஒருவர் கூறுகையில்,கூட்டுறவு சங்கங்களுக்கு புதிய விதிமுறைகள் எதுவும் அறிவிக்கவில்லை. பழைய கட்டுப்பாடுகள் மீண்டும் அமலுக்கு வந்துள்ளன. பயிர்க்கடன் தள்ளுபடி வழங்கியதில் அரசுக்கு பல்வேறு சவால்களும், நெருக்கடியும் ஏற்பட்டது. அதற்காகவே பழைய விதிமுறைகள் கட்டாயமாக்கப்பட்டு உள்ளன என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குறுவை பயிரிடப்படாத விவசாயிகளும் கூட சில அதிகாரிகளின் துணையுடன் தொகுப்பு திட்ட பயன்களை பெற முடிவதாகவும் விவசாயிகள் கூறுகின்றனர்.
    • உரங்கள் தட்டுப்பாடு நிலவிய போதிலும் விவசாயிகள் விலை அதிகம் கொடுத்து உரங்களை வாங்கி குறுவை பயிருக்கு இட்டு வருகின்றனர்.

    பூதலூர்:

    தமிழக காவிரி டெல்டா பாசன பகுதிகளுக்குமுன் எப்போதும் இல்லாத வகையில் இந்த ஆண்டு மே மாதம் 24 ஆம் தேதியே மேட்டூர் அணையிலிருந்து தண்ணீர் திறக்கப்பட்டது. குறுவை சாகுபடி ஊக்கப்ப டுத்தும் விதமாக தமிழக அரசு குறுவை தொகுப்பு திட்டத்தை அறிவித்து, விதைநெல், உரங்கள் ஆகியவற்றை வழங்கியது. குறுவை தொகுப்பு திட்ட த்தில் குறுவை சாகுபடி செய்த அனைத்துவிவசாயி களுக்கும் என்றுஅறிவி க்காமல் அதில் கட்டுப்பா டுகள் விதிக்க ப்பட்டு உள்ளது ஏற்புடையதாக இல்லை என்றும் விவசாயிகள் தெரிவிக்கின்றனர்.

    இதைப்போல குறுவை பயிரிடப்படாத விவசாயிகளும் கூட சில அதிகாரிகளின் துணையுடன் தொகுப்பு திட்ட பயன்களை பெற முடிவதாகவும் விவசாயிகள் கூறுகின்றனர். தஞ்சை, நாகை, திருவாரூர், மயிலாடுதுறை உள்ளிட்ட டெல்டா மாவட்டங்களில் வேளாண் துறை நிர்ணயித்த இலக்கை தாண்டி இது வரை 4லட்சத்து17ஆயிரம் ஏக்கர் குறுவை சாகுபடி நடைபெற்று உள்ளதாக வேளாண் துறை அதிகாரிகள் தெரிவிக்கின்றனர். குறுவை சாகுபடி பணிகளில்ஈடுபட்ட விவசாயிகளுக்கு ஆங்கா ங்கே யூரியா உள்ளிட்ட உரங்கள் தட்டுப்பாடு நிலவிய போதிலும், விவசாயிகள் தட்டு தடுமாறி விலை அதிகம் கொடுத்து உரங்களை வாங்கி குறுவை பயிருக்கு இட்டு வருகின்றனர்.

    இதுபோன்ற சூழ்நி லையில் கடந்த இரண்டு நாட்களுக்கு முன்னர் தஞ்சை மாவட்டத்தின் பூதலூர் தாலுகா பகுதியில் ஒரேநாளில் கொட்டி தீர்த்த மழை காரணமாக பல்வேறு இடங்களில் பயிர் செய்யப்பட்டிருந்த குறுவைப் பயிர்கள் நீரில் மூழ்கின.நீரில் மூழ்கிய பயிர்கள் இளம் பயிர்களாக இருந்ததால் உடனடியாக அழுகிப் போகக் கூடிய சூழ்நிலை உருவானது. இந்த பயிர்களை மீட்டு கொண்டு வருவது மிகவும் சிரமமான காரியம் என்று விவசாயிகள் கவலையில் உள்ளனர். மழையில் மூழ்கிய பயிர்களை மீட்க கூடுதலாக உரம் போட வேண்டிய நிலைமையிலும் விவசாயிகள் உள்ளனர்.

    கடந்த ஆண்டு குறுவை சாகுபடிக்கு பயிர் இன்சூ ரன்ஸ் செய்ய முடியவில்லை. இந்த ஆண்டு காவிரி டெல்டா விவசாயிகளுக்கு குறுவை பயிருக்கு பயிர் இன்சூரன்ஸ் குறித்து இதுவரை எந்த அறிவிப்பும் வரவில்லை.மத்திய அரசு, மாநில அரசு, விவசாயிகள் ஆகிய முத்தரப்பு செலுத்த வேண்டிய தொகை குறித்த முரண்பாட்டினால் தமிழகத்திற்கு பயிர் இன்சூரன்ஸ் கடந்த ஆண்டு கிடைக்காமல் போனது.

    பயிர் இன்சூரன்ஸ் திட்டத்தில் சேர காலக்கெடு ஜூலை 31ஆம் தேதி அன்று முடிவடைய உள்ளது. கடைசி தேதிக்கு இன்னும் 4 நாட்களே உள்ளன. குறுவை இன்சூரன்ஸ் திட்டம் குறித்து இதுவரை தமிழக அரசிடம் இருந்து சாதகமான அறிவிப்பு வராதது குறித்து விவசாயிகள் மிகுந்த கவலையில் ஆழ்ந்துள்ளனர். திடீரென மாறி வரும் பருவச் சூழலில் எந்த நேரத்தில் மழை வரும், பூச்சி தாக்குதல் ஏற்படும் என்று புரியாத நிலையில், இன்சூரன்ஸ் ஓரளவுக்கு காப்பாற்றும் என்று எண்ணிக்கொண்டு உள்ளனர். இனியும் காலம் தாழ்த்தாது டெல்டா விவசாயிகளின் நலன் கருதி குறுவை பயிர் காப்பீடு திட்டத்தை அறிவித்து, அதற்கான இன்சூரன்ஸ் பிரீமிய தொகையை கட்டும் தேதியையும் நீட்டித்து தர தமிழக அரசு நடவடிக்கை எடுக்க வேண்டும் என்று விவசாயிகள் வலியுறு த்துகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வேளாண்மை உழவர் நலத்துறை மூலம் செயல்படுத்தப்படும் திட்டங்களை விவசாயிகளுக்கு வேளாண்மை இணை இயக்குனர் தமிழ்மலர் எடுத்துக் கூறினார்.
    • ஏற்பாடுகளை சுந்தரபாண்டியபுரம் உதவி வேளாண் அலுவலர் பரமசிவன் செய்திருந்தார்.

    தென்காசி:

    தென்காசி வட்டாரம் சுந்தரபாண்டியபுரம் கிராமத்தில் தென்காசி மாவட்ட வேளாண்மை இணை இயக்குனர் தமிழ்மலர் விவசாயிகளை சந்தித்து சூரியகாந்தி மற்றும் சோளம் பயிரில் நோய் மற்றும் பூச்சிகளை கண்டறிந்து விவசாயிகளுக்கு எடுத்துரைத்தார். சுந்தரபாண்டியபுரம் கிராமத்தில் சாகுபடி செய்யப்பட்டுள்ள பயிர் பரப்புகளை ஆய்வு செய்து பயிர் ஒத்திசைவு செய்ய அறிவுறுத்தினார். வேளாண்மை உழவர் நலத்துறை மூலம் செயல்படுத்தப்படும் திட்டங்களை விவசாயிகளுக்கு எடுத்துக் கூறினார்.

    பின்னர் தென்னையில் ஒருங்கிணைந்த ஊட்டச்சத்து நிர்வாகம் திட்டத்தின் கீழ் தக்கை பூண்டு செயல் விளக்க திடல்களை ஆய்வு செய்தார். தென்காசி வேளாண்மை உதவி இயக்குநர் கனகம்மாள் சிற்றாறு உபவடி நிலப்பகுதி திட்டத்தின் கீழ் சோளம் செயல் விளக்க திடல்களை பார்வையிட்டார். மேலும் நிகழ்வில் துணை வேளாண்மை அலுவலர் திவான் பக்கீர் முகைதீன் கலந்து கொண்டார். ஏற்பாடுகளை சுந்தரபாண்டியபுரம் உதவி வேளாண் அலுவலர் பரமசிவன் செய்தார். இந்நிகழ்ச்சியில் முன்னோடி விவசாயிகள் திரளாக கலந்து கொண்டு பயனடைந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உப்பு கரை நதியின் குறுக்கே கட்டப்பட்டுள்ள தடுப்பணைகளுக்கு 2 மான்கள் வந்தன.
    • கூட்டமாக நுழையும் மான்களை விவசாயிகளால் கட்டுப்படுத்த முடிவதில்லை.

    திருப்பூர் :

    சில ஆண்டுகளுக்கு முன் பொங்கலூர் கண்டியன்கோவில் பகுதியில் உள்ள உப்பு கரை நதியின் குறுக்கே கட்டப்பட்டுள்ள தடுப்பணைகளுக்கு 2 மான்கள் வந்தன.தற்போது அவை பல்கி பெருகி பெரும் கூட்டமாக உருவெடுத்துள்ளன.

    அவை விளை நிலங்களில் புகுந்து விவசாயிகள் சாகுபடி செய்துள்ள பயிர்களை சேதப்படுத்துகின்றன. விவசாயிகளுக்கு இதனால் கணிசமான இழப்பு ஏற்படுகிறது. இரவு நேரங்களில் கூட்டமாக நுழையும் மான்களை விவசாயிகளால் கட்டுப்படுத்த முடிவதில்லை.இதே நிலை தொடர்ந்தால் இன்னும் பல மடங்கு பெருகிவிடும். மான்கள் கூட்டம் பெருகினால் விவசாயம் ஒட்டுமொத்தமாக பாதிக்கப்படும்.

    அவற்றை பிடித்து வனப்பகுதியில் விட அரசு நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கிணற்றுப்பாசனத்துக்கு காய்கறி மற்றும் நீண்ட கால பயிராக ஆயிரக்கணக்கான ஏக்கரில் தென்னை சாகுபடி செய்துள்ளனர்.
    • குருத்து சேதமடைந்துள்ளதால், தென்னங்கன்றுகள் வளராது.

    குடிமங்கலம் :

    குடிமங்கலம் ஒன்றியம்அனிக்கடவு, ராமச்சந்திராபுரம், விருகல்பட்டி, புதூர், பழையூர், அடிவள்ளி உள்ளிட்ட கிராமங்களில் விவசாயம் பிரதானமாக உள்ளது.கிணற்றுப்பாசனத்துக்கு காய்கறி மற்றும் நீண்ட கால பயிராக ஆயிரக்கணக்கான ஏக்கரில் தென்னை சாகுபடி செய்துள்ளனர். மேலும் தற்போதைய சீசனில், நூற்றுக்கணக்கான ஏக்கரில் புதிதாக தென்னங்கன்று நடவு செய்துள்ளனர்.

    இந்நிலையில், அப்பகுதியில் கடந்த இரு ஆண்டுகளுக்கும் மேலாக காட்டுப்பன்றிகள் கூட்டம், விளைநிலங்களில் ஏற்படுத்தும் சேதம் காரணமாக, விவசாயிகள் கடுமையாக பாதித்துள்ளனர்.குறிப்பாக, இரவு நேரங்களில் விளைநிலங்களில் புகுந்து, தென்னங்கன்றுகளின் குருத்தை காட்டுப்பன்றிகள் சேதப்படுத்துவது தொடர்கதையாக உள்ளது.அனிக்கடவு கிராமத்தைச்சேர்ந்த, சக்திவேல், சதாசிவம் உள்ளிட்ட விவசாயிகளின் விளைநிலங்களில், புகுந்த காட்டுப்பன்றிகள்,நூற்றுக்கணக்கான தென்னங்கன்றுகளின், குருத்தை சேதப்படுத்தி சென்றுள்ளன.குருத்து சேதமடைந்துள்ளதால், தென்னங்கன்றுகள் வளராது.அவற்றை அகற்றி விட்டு, மீண்டும் புதிதாக கன்று நடவு செய்ய வேண்டும். இதனால் விவசாயிகள் வேதனையில் உள்ளனர்.

    பாதிக்கப்பட்ட விவசாயிகள் கூறியதாவது: -வனப்பகுதியில் இருந்து தொலைதூரத்தில், அமைந்துள்ள கிராமங்களிலும், காட்டுப்பன்றிகளால்கடுமையான சேதம் ஏற்பட்டு வருகிறது.குறிப்பாக காய்கறி மற்றும் தென்னை சாகுபடியில் தொடர்ந்து நஷ்டத்தை சந்தித்து வருகிறோம்.வரப்புகளில் வண்ண சேலைகள் கட்டுவது உள்ளிட்ட பல்வேறு தடுப்பு பணிகளை மேற்கொண்டும் பலனில்லை. மனிதர்களையும் காட்டுப்பன்றிகள் தாக்குவதால் இரவு நேரங்களில் நடமாட முடியாத சூழ்நிலை ஏற்பட்டுள்ளது.இப்பிரச்னையால் 10-க்கும் மேற்பட்ட கிராமங்களில், விவசாயமே கேள்விக்குறியாகியுள்ளது. வனத்துறையினர் உரிய நடவடிக்கை எடுக்காவிட்டால் பாதிப்பை தவிர்க்க முடியாது.இவ்வாறு விவசாயிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp