விளையாட்டு

லா லிகா கால்பந்து லீக்கில் இந்திய நேரப்படி நேற்று நள்ளிரவு நடைபெற்ற ஆட்டத்தில் புகழ்பெற்ற கிளப் அணியான பார்சிலோனா, செல்டா விகோ அணியை எதிர்கொண்டது.

சொந்த மைதானத்தில் நடைபெற்ற ஆட்டத்தில் பார்சிலோனா ஆதிக்கம் செலுத்தியது. 23-வது நிமிடத்தில் கிடைத்த பெனால்டி வாய்ப்பை பயன்படுத்தி மெஸ்சி முதல் கோலை பதிவு செய்தார். 42-வது நிமிடத்தில் செல்டா விகோ ஒரு கோல் அடித்தது. இதனால் ஸ்கோர் 1-1 சமநிலையில் இருந்தது.

முதல் பாதி நேரம் ஆட்டம் முடிவடைவதற்கு சற்று முன் (45+1) மேலும் ஒரு கோல் அடித்தார். இதனால் பார்சிலோனா முதல் பாதி நேரத்தில் 2-1 என முன்னிலைப் பெற்றது.

2-வது பாதி நேர ஆட்டம் தொடங்கியதும் 3-வது நிமிடத்தில், அதாவது ஆட்டத்தின் 48-வது நிமிடத்தில் மெஸ்சி ஹாட்ரிக் கோலை பதிவு செய்தார். 85-வது நிமிடத்தில் செர்ஜியோ பஸ்குயட்ஸ் ஒரு கோல் அடிக்க பார்சிலோனா 4-1 என வெற்றி பெற்றது.

12 போட்டிகள் முடிவில் பார்சிலோனா 25 புள்ளிகளுடன் முதல் இடத்தில் உள்ளது.

ஆப்கானிஸ்தான் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட ஒருநாள் கிரிக்கெட் தொடர் லக்னோவில் நடைபெற்று வருகிறது.

முதல் போட்டியில் வெஸ்ட் இண்டீஸ் வெற்றி பெற்ற நிலையில், 2-வது போட்டி நேற்று நடைபெற்றது. டாஸ் வென்ற ஆப்கானிஸ்தான் பந்து வீச்சை தேர்வு செய்தது.

வெஸ்ட் இண்டீஸ் பேட்டிங்கை தொடங்கியது. தொடக்க வீரர் ஷாய் ஹோப் 43 ரன்களும், லிவிஸ் 54 ரன்களும், அடுத்த வந்த ஹெட்மையர் 34 ரன்களும் அடித்தனர்.

நிக்கோலஸ் பூரன் 50 பந்தில் 67 ரன்கள்  அடிக்க வெஸ்ட் இண்டீஸ் 50 ஓவரில் 9 விக்கெட் இழப்பிற்கு 247 ரன்கள் அடித்தது. ஆப்கானிஸ்தான் அணி சார்பில் நவீன் உல் ஹக் மூன்று விக்கெட் வீழ்த்தினார்.

பின்னர் 248 ரன்கள் அடித்தால் வெற்றி என்ற இலக்குடன் களம் இறங்கிய ஆப்கானிஸ்தான் அணியால் 200 ரன்களே அடிக்க முடிந்தது. இதனால் வெஸ்ட் இண்டீஸ் 47 ரன்கள் வித்தியாசத்தில் வெற்றி பெற்றது. இந்த வெற்றி மூலம் மூன்று போட்டிகள் கொண்ட தொடரை வெஸ்ட் இண்டீஸ் 2-0 எனக் கைப்பற்றியுள்ளது.

வெஸ்ட் இண்டீஸ் சார்பில் காட்ரெல், சேஸ், வால்ஷ் ஆகியோர் தலா மூன்று விக்கெட்டுக்கள் வீழ்த்தினர்.

இந்தியா - வெஸ்ட் இண்டீஸ் பெண்கள் அணிகளுக்கு இடையிலான முதல் டி20 கிரிக்கெட் போட்டி வெஸ்ட் இண்டீஸில் உள்ள கிராஸ் ஐலேட்டில் நடைபெற்றது. முதலில் பேட்டிங் செய்த இந்தியா 4 விக்கெட் இழப்பிற்கு 184 ரன்கள் குவித்தது.

தொடக்க வீராங்கனைகளான ஷஃபாலி வர்மா, ஸ்மிரிதி மந்தனா ஆகியோர் சிறப்பான ஆட்டத்தை வெளிப்படுத்தினர். ஷஃபாலி வர்மா 49 பந்தில் 73 ரன்களும், ஸ்மிரிதி மந்தனா 46 பந்தில் 67 ரன்களும் குவித்தனர்.

இந்த ஜோடி முதல் விக்கெட்டுக்கு 15.3 ஓவரில் 143 ரன்கள் குவித்தது. ஷஃபாலிக்கு 15 வருடம் 285 நாட்களே ஆகிறது. இதனால் குறைந்த வயதில் அரைசதம் அடித்த முதல் இந்தியர் என்ற சாதனையைப் படைத்துள்ளார்.

இதற்கு முன் சச்சின் தெண்டுல்கர் 16 வயதில் 214 நாட்கள் ஆன நிலையில் சதம் அடித்திருந்தது. 30 வருடமாக குறைந்த வயதில் அரைசதம் அடித்த சாதனையை தற்போது ஷஃபாலி முறியடித்துள்ளார்.

நியூசிலாந்து - இங்கிலாந்து அணிகளுக்கு இடையில் ஐந்து போட்டிகள் கொண்ட டி20 கிரிக்கெட் தொடர் நடைபெற்றது. நான்கு போட்டிகள் முடிவில் இரு அணிகளும் 2-2 என சமநிலையில் இருந்தன.

தொடரை கைப்பற்றுவது யார்? என்பதை தீர்மானிக்கும் ஐந்தாவது மற்றும் கடைசி டி20 கிரிக்கெட் போட்டி ஆக்லாந்தில் இன்று நடைபெற்றது. மழை பெய்ததால் ஆட்டம் 11 ஓவராக குறைக்கப்பட்டது.

டாஸ் வென்ற இங்கிலாந்து பந்து வீச்சை தேர்வு செய்தது. அதன்படி நியூசிலாந்து அணியின் மார்ட்டின் கப்தில் கொலின் முன்ரோ ஆகியோர் தொடக்க வீரர்களாக களம் இறங்கினர். இருவரும் அதிரடி ஆட்டத்தை வெளிப்படுத்தினர். மார்ட்டின் கப்தில் 20 பந்தில் 3 பவுண்டரி, 5 சிக்சருடன் 50 ரன்கள் எடுத்து ஆட்டமிழந்தார்.

கொலின் முன்ரோ 21 பந்தில் 2 பவுண்டரி, 4 சிக்சருடன் 46 ரன்கள் குவித்தார். செய்பெர்ட் 19 பந்தில் ஒரு பவுண்டரி, ஐந்து சிக்சருடன் 39 ரன்கள் விளாச, நியூசிலாந்து நிர்ணயிக்கப்பட்ட 11 ஓவர்களில் 5 விக்கெட் இழப்பிற்கு 146 ரன்கள் குவித்தது.

பின்னர் 66 பந்தில் 147 ரன்கள் அடித்தால் வெற்றி என்ற இலக்குடன் இங்கிலாந்து களம் இறங்கியது. தொடக்க வீரர் பாண்ட்டன் 7 ரன்னிலும், அடுத்து வந்த வின்ஸ் 1 ரன்னிலும் ஆட்டமிழந்தனர்.

அதிரடியாக விளையாட விரும்பிய மோர்கன் 7 பந்தில் 17 ரன்கள் சேர்த்து ஆட்டமிழந்தார். பேர்ஸ்டோவ் 18 பந்தில் 2 பவுண்டரி, 5 சிக்சர்களுடன் 47 ரன்கள் சேர்த்தார்.

சாம் குர்ரான் 11 பந்தில் 24 ரன்கள் சேர்த்து ஆட்டமிழந்தார். இங்கிலாந்தின் வெற்றிக்கு கடைசி இரண்டு ஓவர்களில் 26 ரன்கள் தேவைப்பட்டது. 19-வது ஓவரை சவுத்தி இந்த ஓவரில் 10 ரன்கள் விட்டுக்கொடுத்தார்.

இதனால் கடைசி ஓவரில் இங்கிலாந்தின் வெற்றிக்கு 16 ரன்கள் தேவைப்பட்டது. 11-வது ஓவரை நீசம் வீசினார். முதல் இரண்டு பந்தில் மூன்று ரன்கள் எடுத்தனர். 3-வது பந்தில் டாம் குர்ரான் ஆட்டமிழந்தார். இதனால் இங்கிலாந்து அணிக்கு கடைசி 3 பந்தில் 13 ரன்கள் தேவைப்பட்டது.

ஜோர்டான் களம் இறங்கினார். 4-வது பந்தை நீசிம் ஆப்-ஸ்டம்பிற்கு வெளியே புல் டாஸ்-ஆக வீசினார். இதை சிக்சருக்கு தூக்கினார் ஜோர்டான். இதனால் இங்கிலாந்து அணிக்கு 2 பந்தில் ஏழு ரன்கள் தேவைப்பட்டது.

இந்த போட்டி 50 உலகக்கோப்பை கிரிக்கெட் தொடர் போன்று ‘டை’ முடியுமோ என்று ரசிகர்கள் எதிர்பார்த்தனர்.

ஐந்தாவது பந்தில் இரண்டு ரன்கள் அடித்தார் ஜோர்டார். கடைசி பந்தில் பவுண்டரி அடித்தால் ‘டை’, சிக்ஸ் அடித்தால் வெற்றி என்ற நிலையில், கடைசி பந்தை பவுண்டரிக்கு தூக்கினார் ஜோர்டார்.

இதனால் போட்டி ‘டை’யில் முடிந்தது. ஆட்டம் ‘டை’யில் முடிந்ததால் சூப்பர் ஓவரை கடைபிடிக்கப்பட்டது.


பின்னர் 18 ரன்கள் அடித்தால் வெற்றி பெறலாம் என்ற இலக்குடன் நியூசிலாந்து செய்பெர்ட், கப்தில் ஆகியோர் களம் இறங்கினர். நியூசிலாந்து அணியால் 8 ரன்களே அடிக்க முடிந்தது. இதனால் இங்கிலாந்து சூப்பர் ஓவரில் வெற்றி  பெற்று டி20 தொடரை 3-2 எனக்கைப்பற்றியது.

இந்த போட்டி 50 உலகக்கோப்பை தொடரை ஞாபகப்படுத்தியது. இங்கிலாந்தில் நடைபெற்ற உலகக்கோப்பை இறுதிப் போட்டியில் இரு அணிகளுக்கு இடையிலான ஆட்டம் ‘டை’யில் முடிந்தது. பின்னர் சூப்பர் ஓவர் கடைபிடிக்கப்பட்டது. சூப்பர் ஓவரும் டை ஆனதால், பவுண்டரிகள் அதிகம் அடித்த அணிக்கு சாம்பியன் பட்டம் வழங்கப்பட்டது என்பது குறிப்பிடத்தக்கது.

இந்தியா - வங்காள தேச அணிகள் மோதும் 3-வது மற்றும் கடைசி 20 ஓவர் கிரிக்கெட் போட்டி மராட்டிய மாநிலம் நாக்பூரில் இன்று நடக்கிறது. இரவு 7 மணிக்கு தொடங்கும் இந்த ஆட்டம் ஸ்டார் ஸ்போர்ட்ஸ் சேனலில் நேரடியாக ஒளிபரப்பு செய்யப்படுகிறது.

இதுவரை நடந்த 2 போட்டிகளில் இரு அணிகளும் தலா ஒரு ஆட்டத்தில் வெற்றிபெற்றன. டெல்லியில் நடந்த முதல் ஆட்டத்தில் வங்காள தேசம் 7 விக்கெட் வித்தியாசத்தில் வெற்றி பெற்றது. ராஜ்கோட்டில் நடந்த 2-வது போட்டியில் இந்தியா 8 விக்கெட் வித்தியாசத்தில் வெற்றி பெற்றது.

இதனால் தொடர் 1-1 என்ற கணக்கில் சமநிலையில் உள்ளது. இன்றைய ஆட்டத்தில் வெற்றிபெறும் அணி தொடரை கைப்பற்றும்.

ரோகித் சர்மா தலைமையிலான இந்திய அணி இந்த ஆட்டத்திலும் வென்று தொடரை கைப்பற்றும் ஆர்வத்தில் உள்ளது. இதேபோல் வங்காளதேச அணியும் முதல்முறையாக இந்தியாவுக்கு எதிராக தொடரை கைப்பற்றும் வேட்கையில் உள்ளது.

தொடக்க வீரரான ரோகித் சர்மா மிகவும் சிறப்பான நிலையில் உள்ளார். அவர் ராஜ்கோட் போட்டியில் 43 பந்தில் 85 ரன் எடுத்தார். இதில் 6 பவுண்டரிகளும், 6 சிக்சர்களும் அடங்கும்.

சர்வதேச போட்டிகளில் இந்த ஆண்டிலும் அவர் அதிக சிக்சர் அடித்து முதல் இடத்தில் உள்ளார். 2017 மற்றும் 2018-ம் ஆண்டுகளிலும் அவர்தான் சர்வதேச போட்டிகளில் அதிக சிக்சர் அடித்து சாதனை புரிந்திருந்தார்.

இன்றைய ஆட்டத்தில் ரோகித் சர்மா மேலும் ஒரு சாதனை படைக்க வாய்ப்பு உள்ளது.

ரோகித் சர்மா சர்வதேச போட்டிகளில் இதுவரை 398 சிக்சர்கள் அடித்துள்ளார். ஒருநாள் போட்டியில் 232 சிக்சர்களும், டெஸ்டில் 51 சிக்சர்களும், 20 ஓவர் ஆட்டத்தில் 115 சிக்சர்களும் அடித்துள்ளார்.

இன்னும் 2 சிக்சர் அடித்தால் அவர் 400 சிக்சர்களை தொட்டு புதிய சாதனை நிகழ்த்துவார். இன்றைய ஆட்டத்தில் ரோகித் சர்மா இந்த சாதனையை படைப்பார் என்று ரசிகர்கள் ஆவலுடன் எதிர்பார்க்கிறார்கள்.

400 சிக்சர் அடித்தால் அவர் முதல் இந்திய வீரர் என்ற பெருமையை பெறுவார். சர்வதேச அளவில் 3-வது இடத்தை பிடிப்பார்.

வெஸ்ட் இண்டீசை சேர்ந்த கிறிஸ் கெய்ல் 534 சிக்சர்களுடன் முதல் இடத்திலும், பாகிஸ்தானை சேர்ந்த அப்ரிடி 426 சிக்சர்களுடன் இரண்டாது இடத்திலும் உள்ளனர். கடந்த ஆட்டத்தில் ரோகித் சர்மா 100-வது போட்டியில் விளையாடிய முதல் இந்தியன் என்ற சாதனையை படைத்திருந்தார் என்பது குறிப்பிடத் தக்கது.

நாக்பூர்: