விளையாட்டு

மார்னஸ் லாபஸ்சாக்னே (63), ஸ்டீவ் ஸமித் (77 அவுட் இல்லை) ஆகியோரின் அரைசதத்தால் ஆஸ்திரேலியா முதல் நாள் ஆட்ட முடிவில் 4 விக்கெட் இழப்பிற்கு 257 ரன்கள் சேர்த்தது. ஸ்டீவ் ஸ்மித் 77 ரன்னுடனும், டிராவிஸ் ஹெட் 25 ரன்னுடனும் களத்தில் இருந்தனர்.

இன்று 2-வது நாள் ஆட்டம் தொடங்கியது. ஸ்டீவ் ஸ்மித் 85 ரன்கள் எடுத்த நிலையில் ஆட்டமிழந்தார். அடுத்து டிராவிஸ் ஹெட் உடன் கேப்டன் டிம் பெய்ன் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. டிராவிஸ் ஹெட் சிறப்பாக விளையாடி சதம் அடித்தார். மறுமுனையில் டிம் பெய்ன் அரைசதம் அடித்தார்.

தொடர்ந்து விளையாடிய டிராவிஸ் ஹெட் 114 ரன்களிலும், டிம் பெய்ன் 79 ரன்களிலும் வெளியேற ஆஸ்திரேலியா 155.1 ஓவரில் 467 ரன்கள் சேர்த்து ஆல்அவுட் ஆனது. நியூசிலாந்து அணி சார்பில் நீல் வாக்னர் 4 விக்கெட்டும், டிம் சவுத்தி 3 விக்கெட்டும், கிராண்ட்ஹோம் 2 விக்கெட்டும் வீழ்த்தினர்.


3-வது விக்கெட்டுக்கு டாம் லாதம் உடன் ராஸ் டெய்லர் ஜோடி சேர்ந்தார். இந்த ஜோடி 2-வது நாள் ஆட்டம் முடியும் வரை விக்கெட் இழக்காமல் பார்த்துக் கொண்டது.

நியூசிலாந்து 2-வது நாள் ஆட்ட முடிவில் 2 விக்கெட் இழப்பிற்கு 44 ரன்கள் எடுத்துள்ளது. நாளைய 3-வது நாள் முழுவதும் தாக்குப்பிடித்து விளையாடினால் நியூசிலாந்து இந்த போட்டியில் தோல்வில் இருந்து தப்பிக்க வாய்ப்புள்ளது.

இங்கிலாந்து கிரிக்கெட் அணி தென் ஆப்பிரிக்காவில் சுற்றுப்பயணம் செய்து விளையாடி வருகிறது. தென் ஆப்பிரிக்கா- இங்கிலாந்து அணிகள் இடையேயான 4 டெஸ்ட் தொடரில் முதல் டெஸ்ட் போட்டி செஞ்சூரியன் மைதானத்தில் நேற்று தொடங்கியது.

முதலில் விளையாடிய தென் ஆப்பிரிக்கா நேற்றைய முதலாவது ஆட்டத்தின் முடிவில் 9 விக்கெட் இழப்புக்கு 277 ரன் எடுத்து இருந்தது. குயிண்டன் டி காக் அதிகபட்சமாக 95 ரன் எடுத்தார். சாம் கர்ரன் 4 விக்கெட்டும் ஸ்டூவர்ட் பிராட் 3 விக்கெட்டும், ஆண்டர்சன், ஆர்சர் தலா 1 விக்கெட்டும். கைப்பற்றினார்கள்.

3 விக்கெட் கைப்பற்றியதன் மூலம் இங்கிலாந்து வேகப்பந்து வீரர் ஸ்டூவர்ட் பிராட் புதிய சாதனை படைத்தார். அவர் கடந்த 10 ஆண்டுகளில் 400 டெஸ்ட் விக்கெட்டை வீழ்த்தினார். 400 விக்கெட்டை எடுத்த 2-வது வீரர் ஆவார்.

இங்கிலாந்தை சேர்ந்த மற்றொரு வேகப்பந்து வீரர் ஆண்டர்சன் 428 விக்கெட் எடுத்துள்ளார். ஸ்டூவர்ட் பிராட் 401 விக்கெட்டுடன் அதற்கு அடுத்த நிலையில் உள்ளார்.

நாதன் லயன் (ஆஸ்திரேலியா) 376 விக்கெட்டுடன் 3-வது இடத்திலும், ஹெராத் (இலங்கை) 363 விக்கெட்டுடன் 4-வது இடத்திலும், அஸ்வின் (இந்தியா) 362 விக்கெட்டுடன் 5-வது இடத்திலும் உள்ளனர்.

புதுடெல்லி:

ஆசிய விளையாட்டில் வெள்ளிப்பதக்கம் வென்றவரான இந்திய முன்னணி குத்துச்சண்டை வீரர் சுமித் சாங்வானிடம் கடந்த அக்டோபர் மாதம் நடந்த ஊக்கமருந்து பரிசோதனையில் தடை செய்யப்பட்ட மருந்தை அவர் பயன்படுத்தியது தெரிய வந்தது.

2012-ம் ஆண்டு லண்டன் ஒலிம்பிக்கில் பங்கேற்றவரான அவருக்கு ஓராண்டு தடைவிதித்து தேசிய ஊக்கமருந்து தடுப்பு முகமை நடவடிக்கை எடுத்து உள்ளது. இந்த தடை நேற்று முதல் அமலுக்கு வந்தது.

கிங்ஸ் லெவன் பஞ்சாப் அணியின் கேப்டனாக இருந்த அஸ்வின், அதில் இருந்து நீக்கப்பட்டார். தற்போது அஸ்வின் டெல்லி அணிக்கு சென்றுள்ளார். கடந்த இரண்டு சீசனில் சிறப்பான ஆட்டத்தை வெளிப்படுத்தி வரும் கேஎல் ராகுல் கேப்டனாக நியமிக்கப்பட்டுள்ளார்.

அவரை ஏன் கேப்டனாக நியமித்தோம் என்பது குறித்து அந்த அணியின் கிரிக்கெட் டைரக்டரான அனில் கும்ப்ளே விளக்கம் அளித்துள்ளார்.

லோகேஷ் ராகுல் குறித்து அனில் கும்ப்ளே கூறுகையில் ‘‘அணியை கட்டமைக்க இந்திய வீரர் ஒருவர் கேப்டனாக இருந்தால் சிறப்பானதாக இருக்கும் என நான் கருதினேன். அணியில் உள்ள வீரர்களில் கேஎல் ராகுல்தான் அதற்கு சரியான நபராக இருப்பார் என தீர்மானித்தேன்.

கடந்த இரண்டு வருடமாக அவர் கிங்ஸ் லெவன் பஞ்சாப் அணியில் இடம் பிடித்து விளையாடியிருக்கிறார். பஞ்சாப் அணிக்காக சிறந்த ஆட்டத்தை வெளிப்படுத்தியுள்ளார். மற்ற வீரர்களின் மரியாதையை சம்பாதித்துள்ளார். டி20-யில் அவர் எங்களுக்கு சிறந்த வீரர்.

நான் அவரை கிங்ஸ் லெவன் அணியின் கண்ணோட்டத்தில் மட்டும் பார்க்கவில்லை. அவருடைய தனிப்பட்ட வளர்ச்சியில் சிறப்பாக இருக்கும். கேப்டன் பதவியை ஏற்பதற்கு அவருக்கு இது சரியான நேரம்.

ஏனென்றால், இந்த பதவி அவரை ஒரு மனிதராக, உச்சத்தை தொடுவதற்கான வளர்ச்சி, ஒரு தலைவராக உதவியாக இருக்கும். டி20 கிரிக்கெட் மட்டுமல்ல, அனைத்து வகை கிரிக்கெட்டையும் புரிந்துகொள்ள அவருக்கு உதவியாக இருக்கும்’’ என்றார்.

மூன்று வகை இந்திய கிரிக்கெட் அணியின் கேப்டனாக விராட் கோலி உள்ளார். தனது அபாரமான ஆட்டத்தால் உலகின் தலைசிறந்த பேட்ஸ்மேனாக திகழ்கிறார்.

இவர் கடந்த 2008-ம் ஆண்டு ஒருநாள் கிரிக்கெட் போட்டியில் அறிமுகம் ஆனார். அதன்பின் 2010-ல் டி20- கிரிக்கெட்டிலும், 2011-ல் டெஸ்ட் கிரிக்கெட்டிலும் அறிமுகம் ஆனார்.

11 வருடத்திற்கு முன் U-19 உலகக்கோப்பை தொடரில் விளையாடிய பின், 20 வயதில் சர்வதேச கிரிக்கெட்டிற்கு வரும்போது அரும்பிய மீசை, தாடியுடன் அமுல்பேபி போன்று காட்சியளித்தார்.

தற்போது கடும் உடற்பயிற்சியின் மூலம் உடலை பிட் ஆக வைத்திருப்பதுடன், ட்ரிம் செய்த தாடியுடன் காட்சியளிக்கிறார்.

இந்நிலையில் அப்போதைய படத்தையும், தற்போதைய படத்தையும் வெளியிட்டு அற்புதமான மாற்றம். நீங்களும் இதேபோன்று உங்களுடைய புகைப்படங்களை உலகிற்கு வெளியிடத் தயாரா? என்று ஜடேஜா மற்றும் ரெய்னாவிடம் கேட்டுள்ளார் விராட் கோலி. ஜடேஜா கோலியுடன் U-19 உலகக்கோப்பையில் விளையாடியவர் என்பது குறிப்பிடத்தக்கது.

தென்ஆப்பிரிக்கா - இங்கிலாந்து அணிகளுக்கு இடையிலான பாக்சிங் டே டெஸ்ட் செஞ்சூரியனில் இன்று தொடங்கியது. டாஸ் வென்ற இங்கிலாந்து பந்து வீச்சை தேர்வு செய்தது.

அதன்படி தென்ஆப்பிரிக்கா அணியின் டீன் எல்கர், மார்கிராம் ஆகியோர் தொடக்க வீரர்களாக களம் இறங்கினர். முதல் ஓவரை ஆண்டர்சன் வீசினார். முதல் பந்திலேயே டீன் எல்கர் ஆட்டமிழந்து ஏமாற்றம் அளித்தார்.

இதன்மூலம் கேரி கிர்ஸ்டனுக்குப் பிறகு 21 ஆண்டுகளில் கழித்து முதல் பந்தில் ஆட்டமிழந்த தென்ஆப்பிரிக்கா வீரர் என்ற மோசமான சாதனையை பதிவு செய்துள்ளார் டீன் எல்கர்.

வெஸ்ட் இண்டீஸ் அணிக்கெதிராக கேப் டவுனில் நடைபெற்ற போட்டியில் கேரி கிர்ஸ்டன் அம்புரோஸ் பந்தில் ஆட்டமிழந்துள்ளார். மேலும், ஜிம்மி குக், எட்டி பார்லோ ஆகியோரும் முதல் பந்திலேயே ஆட்டமிழந்துள்ளனர்.

பெங்கால் - ஆந்திரா அணிகளுக்கு இடையே கொல்கத்தா ஈடன் கார்டன்ஸ் மைதானத்தில் ரஞ்சி கோப்பை கிரிக்கெட் போட்டி நடைபெற்று வருகிறது.

இதில் 2-ம் நாளான இன்று  இந்திய அணித் தேர்வுக்குழு உறுப்பினர்களில் ஒருவரான தேவங் காந்தி பெங்கால் வீரர்கள் ஓய்வறையில் நுழைந்தார். ஆனால் அவர் அனுமதியின்றி நுழைந்ததாகக் கூறி பிசிசிஐ அதிகாரிகள் வெளியேற்றினர்.

தேவங் காந்தி ஓய்வறையில் இருந்ததையடுத்து பெங்கால் வீரர்கள் மற்றும் முன்னாள் கேப்டன் மனோஜ் திவாரி உட்பட ஊழல் தடுப்பு நடைமுறை குறித்து கேள்வி எழுப்பி தேவங் காந்தி எப்படி அனுமதிக்கப்பட்டார் என்று கேட்டனர். விதிமுறைகளின்படி போட்டிக்குத் தேர்வான வீரர்கள், உதவிப் பணியாளர் தவிர ஓய்வறையில் யாரும் இருக்கக் கூடாது.

‘‘நாம் நடைமுறை விதிகளைக் கடைபிடிக்க வேண்டும். தேசிய அணித்தேர்வாளருக்கு ஓய்வறையில் வேலையில்லை. இவர் அனுமதியின்றி உள்ளே வரக்கூடாது’’ என்று மனோஜ் திவாரி தெரிவித்தார்.

வெளியேற்றப்பட்ட தேவங் காந்தி முன்னாள் இந்திய வீரர், முன்னாள் பெங்கால் கேப்டன் மற்றும் இந்திய அணித் தேர்வுக்குழு உறுப்பினர் ஆவார்.

ஆஸ்திரேலியா - நியூசிலாந்து, தென்ஆப்பிரிக்கா - இங்கிலாந்து அணிகளுக்கு இடையிலான ‘பாக்சிங் டே’ டெஸ்ட் போட்டியுடன் இந்த வருடத்திற்கான கிரிக்கெட் போட்டிகள் முடிவடைகின்றன.

2020 வருடம் பிறப்பதால் 2010 முதல் 2019 வரை 10 வருடத்தில்  கிரிக்கெட் நடந்த சம்பவங்களில் சிறப்பானவற்றை நினைவு கூர்ந்து வருகிறார்கள்.

அந்த வகையில் ஆஸ்திரேலியா கிரிக்கெட் சார்பில் இந்த 10 வருடத்தில் சிறந்த ஒருநாள் கிரிக்கெட் அணியை தேர்வு செய்து வெளியிட்டது. இதில் டோனியை கேப்டனாக தேர்வு செய்திருந்தது. அதேபோல் விராட் கோலியை டெஸ்ட் கேப்டனாக தேர்வு செய்திருந்தது.

இங்கிலாந்தில் இருந்து வெளியாகும் விஸ்டன் ஆண்டுதோறும் சிறந்த வீரர்கள் படத்தை முதல் பக்கத்தில் பிரசுரிக்கும். விஸ்டன் அட்டை பக்கத்தில் இடம் பிடித்தால் ஒவ்வொரு வீரர்களும் அதை மிகப்பெரிய கவுரவமாக நினைப்பார்கள்.

அந்த விஸ்டன் இந்த 10 ஆண்டுகளில் சிறந்த ஐந்து கிரிக்கெட் வீரர்களை தேர்வு செய்துள்ளது. இதில் இந்திய அணி கேப்டன் விராட் கோலிக்கு இடம் கொடுத்துள்ளது.

விராட் கோலியுடன் ஆஸ்திரேலியாவின் ஸ்டீவ் ஸ்மித், தென்ஆப்பிரிக்காவின் டேல் ஸ்டெயின், டீ வில்லியர்ஸ், வீராங்கனை எலிஸ் பெர்ரி ஆகியோர் இடம் பிடித்துள்ளனர்.

தென்ஆப்பிரிக்கா - இங்கிலாந்து அணிகளுக்கு இடையிலான முதல் டெஸ்ட் செஞ்சூரியனில் இன்று தொடங்கியது. இங்கிலாந்து அணியில் வேகப்பந்து வீச்சாளர் ஜேம்ஸ் ஆண்டர்சன் இடம் பிடித்திருந்தார்.

இது அவருக்கு 150-வது டெஸ்ட் போட்டியாகும். இதன்மூலம் டெஸ்ட் கிரிக்கெட் வரலாற்றிலேயே 150 டெஸ்ட் போட்களில் விளையாடிய ஒரே வேகப்பந்து வீச்சாளர் என்ற பெருமையை பெற்றுள்ளார். இவர் 149 போட்டிகளில் 575 விக்கெட்டுக்கள் வீழ்த்தியுள்ளார்.

2003-ம் ஆண்டு ஜிம்பாப்வே அணிக்கெதிராக லார்ட்ஸ் மைதானத்தில் நடைபெற்ற போட்டியில் அறிமுகம் ஆனார். சமீபத்தில் ஆஷஸ் தொடரின்போது காயத்தால் வெளியேறினார். அதன்பின் தற்போது அணிக்கு திரும்பியுள்ளார்.

ஆஸ்திரேலியாவின் மெக்ராத் (563 விக்கெட்) 124 போட்டிகளிலும், வெஸ்ட் இண்டீஸின் வால்ஷ் (519) 132 போட்டிகளிலும், இங்கிலாந்தின் ஸ்டூவர்ட் பிராட் (471) 135 போட்டிகளிலும், கபில்தேவ் (434 விக்கெட்) 131 போட்டிகளிலும் விளையாடியுள்ளனர்.