விளையாட்டு

இந்திய அணிக்கு இரண்டு உலக கோப்பைகளை வென்று பெருமை சேர்த்தவர் எம்எஸ் டோனி. 2007-ம் ஆண்டு 20 ஓவர் உலக கோப்பையும், 2011-ல் ஒரு நாள் போட்டி உலக கோப்பையும் அவரது தலைமையிலான இந்திய அணி கைப்பற்றியது.

3 வடிவிலான அணிக்கும் கேப்டனாக இருந்த டோனி 2014-ம் ஆண்டு இறுதியில் டெஸ்டில் இருந்து ஓய்வு பெற்றார். ஒரு நாள் போட்டி மற்றும் 20 ஓவர் கேப்டன் பதவியில் இருந்து விலகிய அவர், அந்த அணிகளில் மட்டும் இடம் பெற்றார்.

இங்கிலாந்தில் கடந்த மே மாதம் முதல் ஜூலை வரை நடந்த உலக கோப்பை போட்டியோடு டோனி ஓய்வு பெறுவார் என்று அனைவராலும் எதிர்பார்க்கப்பட்டது. ஆனால், அவர் ஓய்வு முடிவை அறிவிக்கவில்லை.

ஆஸ்திரேலியாவில் அக்டோபர் - நவம்பர் மாதம் நடைபெறும் 20 ஓவர் உலக கோப்பையில் விளையாட டோனி முடிவு செய்துள்ளார். அதோடு அவர் ஓய்வு பெற திட்டமிட்டுள்ளார்.

ஐ.பி.எல். போட்டியின் ஆட்டத்தைப் பொறுத்துதான் அவர் உலக கோப்பை அணியில் இடம் பெறுவாரா? என்பது தெரிய வரும்.

உலக கோப்பை போட் டிக்கு பிறகு டோனி இதுவரை எந்த ஒரு சர்வதேச போட்டியிலும் விளையாடவில்லை. ஒரு நாள் போட்டியில் அவரது எதிர் காலம் கிட்டத்தட்ட முடிந்து விட்டதாக கருதப்படுகிறது.

இந்த நிலையில் டோனி நீண்ட காலமாக விளையாடாதது ஏன்? என்று முன்னாள் கேப்டனும், டெலிவி‌ஷன் வர்ணனையாளருமான கவாஸ்கர் கேள்வி எழுப்பி உள்ளார்.ஷ

இது தொடர்பாக அவர் கூறியதாவது:-

20 ஓவர் உலக கோப்பை அணியில் டோனி இடம் பெறுவாரா? என்பது குறித்து அவரிடம்தான் கேட்க வேண்டும். இதற்கு உடல் தகுதி முக்கியம். கடந்த ஜூலை மாதத்துக்கு பிறகு டோனி இந்திய அணியில் இணைந்து ஆடவில்லை. இதுதான் முக்கியமான கேள்வி. யாராவது நீண்ட காலம் இந்திய அணிக்காக ஆடாமல் இருப்பார்களா?

ஐ.பி.எல். போட்டியில் விளையாடும் வீரர்களுக்கு கிடைக்கும் ஊதியத்தைவிட ரஞ்சிப் போட்டியில் சம்பளம் குறைவாக கிடைக்கிறது. இந்த ஊதிய வேறுபாடு தொடர்பாக கிரிக்கெட் வாரிய தலைவர் கங்குலி கவனம் செலுத்தி பிரச்சினைக்கு தீர்வு காண்பார் என்று நம்புகிறேன்.

இவ்வாறு அவர் கூறியுள்ளார்.

மும்பை:

இந்திய கிரிக்கெட் அணி வருகிற 24-ந்தேதி முதல் நியூசிலாந்தில் சுற்றுப்பயணம் மேற்கொண்டு ஐந்து 20 ஓவர் போட்டி, மூன்று ஒரு நாள் போட்டி மற்றும் இரண்டு டெஸ்டுகளில் விளையாடுகிறது.

இந்த தொடருக்கான இந்திய அணி இன்று அறிவிக்கப்படுகிறது. வழக்கமான 15 வீரர்கள் பட்டியலுக்கு பதிலாக 16 அல்லது 17 வீரர்கள் தேர்வு செய்யப்படுவார்கள் என்று தெரிகிறது.

20 ஓவர் அணியை பொறுத்தவரை உலக கோப்பை போட்டிக்கு தயாராகும் வகையில் முன்னுரிமை அளிக்கப்படும்.

முதுகில் ஏற்பட்ட காயத்துக்கு ஆபரேஷன் செய்து கடந்த 4 மாதங்களாக எந்த சர்வதேச போட்டியிலும் ஆடாத ஆல்-ரவுண்டர் ஹர்திக் பாண்ட்யா நியூசிலாந்து தொடரின் மூலம் மீண்டும் இந்திய அணிக்கு திரும்புவார் என்ற எதிர்பார்ப்பு நிலவியது. ஏற்கனவே இந்திய ஏ அணிக்கு தேர்வாகி இருந்த ஹர்திக் பாண்ட்யாவுக்கு அதையொட்டி உடல்தகுதி சோதனை நேற்று நடந்தது. இதில் அவர் முழு உடல்தகுதியுடன் இல்லை என்று தெரிய வந்ததால் இந்திய ஏ அணியில் இருந்து விலக்கப்பட்டார். எனவே அவரது வருகை தாமதமாகிறது. ஜூலை மாதத்திற்கு பிறகு எந்த சர்வதேச போட்டியிலும் ஆடாமல் ஒதுங்கி இருக்கும் டோனி இந்த தொடரிலும் சேர்க்கப்பட வாய்ப்பில்லை.

சொல்லிக்கொள்ளும் அளவுக்கு பார்மில் இல்லாத 34 வயதான ஆல்-ரவுண்டர் கேதர் ஜாதவ் கழற்றி விடப்படலாம். அவருக்கு பதிலாக சூர்யகுமார் யாதவ் அல்லது ரஹானே ஆகியோரின் பெயர் ஒரு நாள் போட்டி அணிக்கு பரிசீலிக்கப்படலாம்.

டெஸ்ட் அணியை பொறுத்தவரை 3-வது தொடக்க ஆட்டக்காரர் இடம் மட்டுமே காலியாக உள்ளது. பிரித்வி ஷா காயத்தால் அவதிப்படுவதால் லோகேஷ் ராகுல், சுப்மான் கில் ஆகியோரில் ஒருவருக்கு அதிர்ஷ்டம் அடிக்கும். 5-வது வேகப்பந்து வீச்சாளர் நப்தீப் சைனிக்கு பதில் 3-வது சுழற்பந்து வீச்சாளர் தேவை என்று தேர்வாளர்கள் கருதினால், குல்தீப் யாதவ் இடம் பிடிப்பார்.

மற்றபடி வேகப்பந்து வீச்சாளர்கள் ஜஸ்பிரித் பும்ரா, உமேஷ் யாதவ், முகமது ஷமி, இஷாந்த் ஷர்மா உள்ளிட்டோர் வழக்கம் போல் இடம் பெறுவார்கள்.

புனே:

இலங்கைக்கு எதிரான கடைசி 20 ஓவர் போட்டியிலும் இந்தியா வெற்றி பெற்று தொடரை கைப்பற்றியது.

புனேயில் நடந்த 3-வது மற்றும் கடைசி ஆட்டத்தில் இந்திய அணி முதலில் விளையாடியது. நிர்ணயிக்கப்பட்ட 20 ஓவரில் 6 விக்கெட் இழப்புக்கு 201 ரன் குவித்தது.

லோகேஷ் ராகுல் 36 பந்தில் 54 ரன்னும் (5 பவுண்டரி, 1 சிக்சர்) ஷிகர் தவான் 36 பந்தில் 52 ரன்னும் (7 பவுண்டரி, 1 சிக்சர்), மனீஷ் பாண்டே 18 பந்தில் 31 ரன்னும் (4 பவுண்டரி), ‌ஷர்துல் தாகூர் 8 பந்தில் 22 ரன்னும் (1 பவுண்டரி, 2 சிக்சர்) எடுத்தனர். சன்டகன் 3 விக்கெட்டும், லகிரு குமாரா, ஹசரங்கா தலா 1 விக்கெட்டும் எடுத்தனர்.

பின்னர் ஆடிய இலங்கை அணி இந்திய வீரர்களின் அபாரமான பந்து வீச்சினால் விக்கெட்டுகளை இழந்து திணறியது. அந்த அணி 15.5 ஓவர்களில் 123 ரன்னில் சுருண்டது. இதனால் இந்தியா 78 ரன் வித்தியாசத்தில் அபார வெற்றி பெற்றது.

தனஞ்ஜெய டி சில்வா அதிகபட்சமாக 36 பந்தில் 57 ரன்னும் (8 பவுண்டரி, 1 சிக்சர்) , மேத்யூஸ் 20 பந்தில் 31 ரன்னும் (1 பவுண்டரி,3 சிக்சர்) எடுத்தனர். நவ்தீப் சைனி 3 விக்கெட்டும், ‌ஷர்துல் தாகூர், வாஷிங்டன் சுந்தர் தலா 2 விக்கெட்டும், பும்ரா 1 விக்கெட்டும் கைப்பற்றினார்கள்.

இந்த வெற்றி மூலம் இந்தியா 2-0 என்ற கணக்கில் தொடரை கைப்பற்றியது. ஏற்கனவே இந்தூரில் நடந்த 2-வது ஆட்டத்தில் 7 விக்கெட் வித்தியாசத்தில் வெற்றி பெற்றது. கவுகாத்தியில் நடைபெற இருந்த முதல் போட்டி மழையால் ரத்து செய்யப்பட்டு இருந்தது.

வெற்றி குறித்து இந்திய அணி கேப்டன் விராட்கோலி கூறியதாவது:-

இந்த ஆண்டின் தொடக்கம் நன்றாக அமைந்து உள்ளது. சரியான முறையில் ஆட்டத்தை தொடங்கி இருக்கிறோம். ஒரு ஆட்டத்தில் ‘சேசிங்’ செய்தோம். மற்றொரு போட்டியில் முதலில் பேட்டிங் செய்தோம். 2 போட்டியிலும் ஆட்டத்திறன் அபாரமாக இருந்தது. எனவே நான் மிகவும் மகிழ்ச்சி அடைகிறேன்.

200 ரன்னை தொட்டதும் நம்பிக்கை அதிகரித்தது. எங்களது தொடக்கம் நன்றாக இருந்தது. ஆனால் மிடில் ஓவரில் விக்கெட் சரிந்ததால் சவாலாக அமைந்தது. ஆனால் மனீஷ் பாண்டேயும், ‌ஷர்துல் தாகூரும் சிறப்பான ஆட்டத்தை வெளிப்படுத்தினார்கள்.

180 ரன்தான் எதிர்பார்த்தேன். ஆனால் 200 ரன்னை குவித்தோம். இது மாதிரியான நிலை நீடிக்க வேண்டும் என்று விரும்புகிறோம்.

முதலில் தற்காலிகமாக பேட்டிங் செய்யும் அணியாக நாங்கள் இருக்க விரும்பவில்லை. 2-வது பேட்டிங் செய்யும் போது எவ்வளவு நம்பிக்கையுடன் இருக்கிறோமோ அது போல முதலில் ஆடும் போதும் இருக்க வேண்டும் என்று விரும்புகிறோம்.

3 தொடக்க வீரர்களும் வலுவாக உள்ளனர். அவர்கள் அணிக்காக சிறப்பாக ஆடுகிறார்கள்.

அவர்கள் பற்றி சிலர் விருப்பங்களை தெரிவிக்கிறார்கள். தொடக்க ஆட்டக்காரர்கள் பற்றி ஒருவருக்கொருவர் எதிராக பேசுவதை நிறுத்த வேண்டும் என்று நான் நினைக்கிறேன். இது அணி சார்ந்த விளையாட்டு. அணியில் உள்ளவர்களை ஒருவருக் கொருவர் எதிர்த்து நிற்பதற்கான யோசனைகளை தெரிவிப்பதை நான் ஆதரிக்கவில்லை.

இவ்வாறு விராட்கோலி கூறியுள்ளார்.

20 ஓவர் உலக கோப்பை போட்டிக்கான அணியில் தவானுக்கு பதிலாக ராகுலை தொடக்க வீரராக சேர்க்க வேண்டும் என்று முன்னாள் வீரர்கள் ஸ்ரீகாந்த், கவுதம் காம்பீர் ஆகியோர் சமீபத்தில் யோசனை தெரிவித்து இருந்தனர். தவான் நெருக்கடியில் இருப்பதாகவும் கூறி இருந்தனர்.

நேற்றைய போட்டியில் தவான் சிறப்பாக ஆடி அரை சதம் எடுத்தார். முன்னாள் வீரர்கள் தொடக்க ஆட்டக்காரர்கள் குறித்து பேசுவதைத்தான் கோலி மறைமுகமாக சாடியுள்ளார்.

இலங்கைக்கு எதிரான 20 ஓவர் தொடரை வென்றதன் மூலம் இந்தியா ‘ஹாட்ரிக்‘ தொடரை கைப்பற்றி சாதனை புரிந்தது.

வங்காளதேசம் (2-1), வெஸ்ட் இண்டீசுக்கு (2-1) எதிரான 20 ஓவர் தொடரை இந்தியா தொடர்ச்சியாக கைப்பற்றி இருந்தது. அந்த வரிசையில் தற்போது இலங்கை தொடரும் இணைந்து உள்ளது.

இந்திய அணி அடுத்து ஆஸ்திரேலியாவுக்கு எதிரான 3 ஒரு நாள் போட்டியில் விளையாடுகிறது முதல் ஆட்டம் வருகிற 14-ந்தேதி மும்பையில் நடக்கிறது.

இந்திய அணியில் குல்தீப் யாதவ், ரிஷப் பண்ட், ஷிவம் டுபே ஆகியோர் நீக்கப்பட்டு சாஹல், சஞ்சு சாம்சன், மணிஷ் பாண்டே ஆகியோர் சேர்க்கப்பட்டனர்.

தவான், கேஎல் ராகுல் ஆகியோர் தொடக்க வீரர்களாக களம் இறங்கினர். கேஎல் ராகுல் தொடக்கம் முதலே அதிரடி ஆட்டத்தை வெளிப்படுத்தினார். தவான் நிதானமாக ஆட்டத்தை வெளிப்படுத்தினார்.

நேரம் செல்ல செல்ல தவான் அதிரடி ஆட்டத்தை வெளிப்படுத்தினார். கேஎல் ராகுல் நிதானமான ஆட்டத்திற்கு திரும்பினார். இருந்தாலும் ஜெட் வேகத்தில் ரன் உயர்ந்தே கொண்டே இருந்தது.

இந்தியா 4.6 ஓவரில் 30 ரன்னைத் தொட்டது. தவான் 34 பந்தில் அரைசதம் அடித்தார். லோகேஷ் ராகுலும் 34 பந்தில் அரைசதம் அடித்தார். அணியின் ஸ்கோர் 10.5 ஓவரில் 97 ரன்னாக இருக்கும்போது தவான் 36 பந்தில் 52 ரன்களில் ஆட்டமிழந்தார்.

அடுத்து சஞ்சு சாம்சன் களம் இறங்கினார். இவர் முதல் பந்தை சிக்சருக்கு தூக்கினார். ஆனால் அடுத்த பந்தில் எல்பிடபிள்யூ ஆகி வெளியேறினார். அடுத்து வந்த ஷ்ரேயாஸ் அய்யர் 4 ரன்னில் ஏமாற்றம் அளித்தார். மறுமுனையில் கேஎல் ராகுல் 36 பந்தில் 54 ரன்கள் சேர்த்தார்.

இதனால் இந்தியா 12 பந்தில் 25 ரன்னுக்குள் நான்கு விக்கெட்டுக்களை இழந்தது. 5-வது விக்கெட்டுக்கு மணிஷ் பாண்டே உடன் விராட் கோலி ஜோடி சேர்ந்தார். இந்த ஜோடி அதிரடி ஆட்டத்தை வெளிப்படுத்தியது. ஆனால் அணியின் ஸ்கோர் 17.3 ஓவரில் 164 ரன்களாக இருக்கும்போது விராட் கோலி 17 பந்தில் 26 ரன்கள் சேர்த்த நிலையில் ஆட்டமிழந்தார்.

அடுத்து வந்த வாஷிங்டன் சுந்தர் முதல் பந்திலேயே ஆட்டமிழந்தார். 7-வது விக்கெட்டுக்கு மணிஷ் பாண்டே உடன் ஷர்துல் தாகூர் ஜோடி சேர்ந்தார். ஷர்துல் தாகூர் அதிரடி ஆட்டத்தை வெளிப்படுத்தினார். பந்தை சிக்சருக்கும் பவுண்டரிக்கும் என பறக்கவிட்டார். இதனால் இந்தியாவின் ஸ்கோர் எளிதாக 200 ரன்னை நெருங்கியது.

கடைசி ஓவரில் 19 ரன்கள் அடிக்க இந்தியா 20 ஓவரில் 6 விக்கெட் இழப்பிற்கு 201 ரன்கள் குவித்தது. இதனால் இலங்கை அணிக்கு 202 ரன்கள் வெற்றி இலக்காக நிர்ணயித்துள்ளது. ஷர்துல் தாகூர் 8 பந்தில் 2 பவுண்டரி, 2 சிக்சருடன் 22 ரன்களுடனும், மணிஷ் பாண்டே 18 பந்தில் 4 பவுண்டரியுடன் 31 ரன்களுடனும் ஆட்டமிழக்காமல் இருந்தார்.

இந்தியா - இலங்கை அணிகளுக்கு இடையிலான 3-வது மற்றும் கடைசி டி20 கிரிக்கெட் போட்டி புனேயில் இரவு 7 மணிக்கு தொடங்குகிறது. இதற்கான டாஸ் சுண்டப்பட்டதில் இலங்கை அணி கேப்டன் மலிங்கா டாஸ் வென்று பந்து வீச்சை தேர்வு செய்துள்ளார்.

இந்திய அணியில் ரிஷப் பண்ட், குல்தீப் யாதவ், ஷிவம் டுபே நீக்கப்பட்டு சஞ்சு சாம்சன், சாஹல், மணிஷ் பாண்டே சேர்க்கப்பட்டுள்ளனர்.

ஆஸ்திரேலிய அணியின் புது நட்சத்திர வீரராக உருவாகியிருப்பவர் மார்னஸ் லாபஸ்சாக்னே. கடைசி ஐந்து டெஸ்டில் ஒரு இரட்டை சதத்துடன் நான்கு சதங்கள் விளாசினார். இதனால் ரன்மெஷின் என்று அழைக்கப்படுகிறார். விரைவாக 1000 ரன்களை எட்டி டான் பிராட்மேன் சாதனையை முறியடித்துள்ளார். அத்துடன் 14 டெஸ்ட் போட்டியில் 1459 ரன்கள் குவித்துள்ளார்.

உள்ளூர் ஒருநாள் கிரிக்கெட் தொடரிலும் சிறப்பான ஆட்டத்தை வெளிப்படுத்தியுள்ளார். இதனால் இந்தியாவுக்கு எதிரான ஒருநாள் கிரிக்கெட் தொடருக்கான அணியில் இடம் பிடித்துள்ளார்.

இந்த தொடரிலும் ஃபார்ம் தொடரும் என நம்பிக்கை தெரிவித்துள்ள லாபஸ்சாக்னே, இதன்மூலம் அனைத்து வகை கிரிக்கெட்டிலும் விராட் கோலி, ஸ்மித் போன்று ஆக ஆசை என தெரிவித்துள்ளார்.

இதுகுறித்து மார்னஸ் லாபஸ்சாக்னே கூறுகையில் ‘‘நீங்கள் பார்க்கும் ஸ்டீவ் ஸ்மித், விராட் கோலி, கேன் வில்லியம்சன், ஜோ ரூட் ஆகியோரை போன்று ஆக விரும்புகிறேன். அவர்கள் நீண்ட காலமாக, அதாவது ஐந்து ஆறு ஆண்டுகளாக நிலையான ஆட்டத்தை வெளிப்படுத்தி வருகிறார்கள். ஒரு வகை கிரிக்கெட்டில் மட்டுமல்ல. மூன்று வகை கிரிக்கெட்டிலும்.

இந்த கோடைக்காலத்தில் நான் சிறப்பாக விளையாடினேன். ஆனால் நிலையான ஆட்டத்தை தொடர்ச்சியாக வெளிப்பிடுத்துவதுதான் மிகப்பெரிய சவால். அதை நான் தொடர்ந்தால், எனக்கு சவால்கள் காத்திருக்கின்றன.

இந்தியாவுக்கு எதிராக ஒருநாள் போட்டியில் அறிமுகம் ஆக இருப்பது உண்மையிலேயே ஆர்வமிக்க சவால். இந்தியா மிகவும் கடினமான கண்டிசன். அவர்கள் மிகவும் வலிமையான அணி. சவாலை மகிழ்ச்சியாக எதிர்கொண்டு, அதிக அளவு எதிர்பார்ப்பு இல்லாமல், பந்துக்கு பந்து, போட்டிக்கு போட்டி என செல்ல வேண்டும்.

இந்தியாவில் விளையாடும்போது சுழற்பந்து வீச்சை எப்படி விளையாடுகிறீர்கள் என்பதுதான் போட்டியின் மிகப்பெரிய பகுதி. அதனால் சுழற்பந்து வீச்சை எப்படி எதிர்கொள்வது என்ற எனதில் திட்டத்தில் தெளிவாக இருக்கிறேன்’’ என்றார்.