தொழில்நுட்பச் செய்திகள்

வாட்ஸ்அப் செயலியில் பலரும் நீண்ட காலமாக எதிர்பார்த்து வந்த அம்சங்களில் ஒன்றாக மெசேஜ் ரியாக்‌ஷன்ஸ் உள்ளது. முன்னதாக தேர்வு செய்யப்பட்ட பீட்டா டெஸ்டர்களிடையே இந்த அம்சம் சோதனை செய்யப்பட்டு வந்த நிலையில், தற்போது இதன் வெளியீடு துவங்கி நடைபெற்று வருகிறது. உலகம் முழுக்க வாட்ஸ்அப் செயலியில் மெசேஜ் ரியாக்‌ஷன்ஸ் அம்சம் ஸ்டேபில் மற்றும் பீட்டா பில்டுகளில் வழங்கப்பட்டு வருகிறது.

புது அம்சம் கொண்டு பயனர்கள் வாட்ஸ்அப் மெசேஜ்களுக்கு எமோஜிக்கள் மூலம் பதில் அனுப்ப முடியும். இது மட்டுமின்றி வாட்ஸ்அப் செயலியில் பிகரப்படும் ஃபைல் சைஸ் எண்ணிக்கையும் 2GB வரை அதிகரிக்கப்பட்டு இருக்கிறது. முன்னதாக இதன் அளவு 100MB-யாக இருந்தது குறிப்பிடத்தக்கது. கடந்த மாதம் இந்த இரு அம்சங்களும் விரைவில் வழங்கப்படும் என வாட்ஸ்அப் அறிவித்து இருந்தது குறிப்பிடத்தக்கது.

இந்த நிலையில், புது அம்சங்கள் பற்றிய அறிவிப்பை வாட்ஸ்அப் வெளியிட்டு உள்ளது. இத்துடன் க்ரூப் சாட்களின் எண்ணிக்கையும் இருமடங்கு அதிகரிக்கப்பட்டு இருக்கிறது. ரியாக்‌ஷன்ஸ் அம்சத்தில் முதற்கட்டமாக சில எமோஜிக்கள் மட்டும் வழங்கப்பட்டு, அதன்பின் அந்த எண்ணிக்கை படிப்படியாக அதிகரிக்கப்படும் என வாட்ஸ்அப் அறிவித்து இருந்தது. இத்துடன் வாட்ஸ்அப் க்ரூப் சாட்களின் எண்ணிக்கை 256-இல் இருந்து 512 ஆக அதிகரிக்கப்பட்டு உள்ளது.

தற்போது வாட்ஸ்அப் மெசேஜ் ரியாக்‌ஷன்ஸ் அம்சத்தில் அதிகபட்சம் ஆறு எமோஜிக்களை பயன்படுத்தி பதில் அனுப்ப முடியும். இவற்றை பயன்படுத்த மெசேஜை அழுத்திப் பிடித்து, திரையின் மேல் தோன்றும் எமோஜிக்களில் ஒன்றை தேர்வு செய்தாலே போதுமானது. 

விவோ நிறுவனத்தின் V23e 5ஜி ஸ்மார்ட்போனிற்கு இந்தியாவில் தற்காலிக விலை குறைப்பு அறிவிக்கப்பட்டு உள்ளது. சம்மர் ஸ்பெஷல் ஆஃபரின் கீழ் இந்த விலை குறைப்பு அறிவிக்கப்பட்டு இருக்கிறது. அதன்படி விவோ V23e 5ஜி ஸ்மார்ட்போனை வாங்குவோருக்கு ரூ. 5 ஆயிரம் கேஷ்பேக் சலுகை வழங்கப்படுகிறது. 

விவோ V23e 5ஜி ஸ்மார்ட்போனின் 8GB +128GB மெமரி மாடல் ரூ. 25 ஆயிரத்து 990 விலையில் விற்பனை செய்யப்பட்டு வருகிறது. இந்த ஸ்மார்ட்போன் மிட்நைட் புளூ மற்றும் சன்ஷைன் கோல்டு நிறங்களில் கிடைக்கிறது. தற்போது நடைபெற்று வரும் சம்மர் ஸ்பெஷல் ஆஃபர் மே 10 ஆம் தேதி நிறைவு பெறுகிறது. அதுவரை  V23e 5ஜி ஸ்மார்ட்போனை ரூ. 20 ஆயிரத்து 990 விலையில் வாங்கிட முடியும். 

விவோ V23e 5ஜி ஸ்மார்ட்போனை வாங்குவோர் ஐ.சி.ஐ.சி.ஐ. வங்கி, ஐ.டி.எப்.சி. வங்கி, ஒன் கார்டு மற்றும் எஸ்.பி.ஐ. வங்கி கார்டுகளை பயன்படுத்தி ரூ. 5 ஆயிரம் கேஷ்பேக் பெற முடியும். கேஷ்பேக் சலுகை  ஆப்லைன் விற்பனை மையங்கள் மற்றும் விவோ இந்தியா இ ஸ்டோரில் வழங்கப்படுகிறது.

இந்தியாவில் பிப்ரவரி மாத வாக்கில் அறிமுகம் செய்யப்பட்ட நிலையில், விவோ V23e 5ஜி ஸ்மார்ட்போனில் AMOLED பேனல், ஆக்டா கோர் மீடியாடெக் டிமென்சிட்டி 810 பிராசஸர், 50MP பிரைமரி கேமரா, 44MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் 4050mAh பேட்டரி மூலம் சக்தியூட்டப்படுகிறது. இத்துடன் 44W பாஸ்ட் சார்ஜிங் வசதி வழங்கப்பட்டு உள்ளது.

டெஸ்லா நிறுவனத்தின் தலைமை செயல் அதிகாரி எலான் மஸ்க் டுவிட்டர் நிறுவனத்தை 44 பில்லியன் டாலர்கள், இந்திய மதிப்பில் ரூ. 3 லட்சத்து 37 ஆயிரத்து 465 கோடி கொடுத்து வாங்குகிறார். எலான் மஸ்கிற்கு டுவிட்டர் நிறுவனத்தை மேற்கண்ட தொகைக்கு விற்பனை செய்ய டுவிட்டர் நிர்வாக குழு ஒப்புதல் அளித்து இருப்பதை அடுத்து இந்த தகவல் வெளியானது. 

இதை அடுத்து டுவிட்டர் நிறுவனத்தில் அரங்கேற இருக்கும் மாற்றங்கள், பணி நீக்க நடவடிக்கைகள் என டுவிட்டர் நிர்வாகம் சார்ந்து பல்வேறு தகவல்கள் இணையத்தில் வெளியாகி வருகின்றன. இது தவிர எலான் மஸ்க் டுவிட்டர் நிறுவனத்தை வாங்குவது குறித்து உலக பணக்காரர்கள் மற்றும் தொழில்நுட்ப துறையை சேர்ந்த முன்னணி அதிகாரிகளும் தங்களின் கருத்துக்கள் மற்றும் கணிப்புகளை தெரிவித்து வருகின்றனர். 

டுவிட்டர் நிறுவனத்தை எலான் மஸ்க் முழுமையாக வாங்கப் போவதாக அனைவரும் எதிர்பார்த்துக் கொண்டிருக்கும் வேளையில், தனியார் செய்தி நிறுவனம் வெளியிட்டு இருக்கும் புது தகவல் அதிர்ச்சியை ஏற்படுத்தி இருக்கிறது. சர்வதேச ஊடக நிறுவனம் ஒன்று வெளியிட்டு இருக்கும் தகவல்களின் படி எலான் மஸ்க் டுவிட்டர் நிறுவனத்தை 44 பில்லியன் டாலர்கள் கொடுத்து வாங்க இருப்பதை அமெரிக்க பெடரல் வர்த்தக கூட்டமைப்பு மறு பரிசீலனை செய்ய இருப்பதாக தகவல் வெளியாகி உள்ளது.

இது குறித்து அமெரிக்க பெடரல் வர்த்தக கூட்டமைப்பு மற்றும் எலான் மஸ்க் தரப்பில் இருந்து இதுவரை எந்த தகவலும் வழங்கப்படவில்லை. இந்த பரிவர்த்தனை குறித்து ஆழமான விசாரணை நடத்துவது பற்றி அமெரிக்க பெடரல் வர்த்தக கூட்டமைப்பு அடுத்த மாதம் முடிவு எடுக்க இருப்பதாக தகவல் வெளியாகி உள்ளது. 

இந்த விசாரணை நடைபெறும் பட்சத்தில், டுவிட்டர் நிறுவனத்தை எலான் மஸ்க் வாங்குவது மேலும் சில மாதங்கள் வரை தாமதமாகலாம். 

இதுதவிர டுவிட்டர் நிறுவனத்தை வாங்குவதற்கான பரிவர்த்தனை முழுமை பெறும் பட்சத்தில் எலான் மஸ்க் டுவிட்டர் நிறுவன தலைமை செயல் அதிகாரியாக குறிப்பிட்ட காலக்கட்டத்திற்கு பதவி வகிப்பார் என தகவல்கள் வெளியாகி வருகின்றன.

ஒன்பிளஸ் பேட் மாடல் இந்தியாவில் டிரேட்மார்க் செய்யப்பட்டு இருக்கிறது என பிரபல டிப்ஸ்டர் தகவல் தெரிவித்து இருக்கிறார். இந்த டேப்லெட் தற்போது நிறுவனத்தினுள் டெஸ்டிங் செய்யப்பட்டு வருவதாகவும் அவர் மேலும் தெரவித்துள்ளார். இந்த டிரேட்மார்க் கடந்த ஆண்டு ஜூலை மாத வாக்கில் விண்ணப்பிக்கப்பட்டு இருக்கிறது. விண்ணப்பம் தவிர இந்த லிஸ்டிங்கில் வேறு எந்த தகவலும் இடம்பெறவில்லை. 

Photo Courtesy: TechDroider

மார்ச் மாத வாக்கில் இந்த டேப்லெட்-ஐ உற்பத்தி செய்யும் பணிகள் உலகின் பல்வேறு பகுதிகளில் துவங்கி இருப்பதாக கூறப்படுகிறது. இந்த டேப்லெட் 2022 முதல் அரையாண்டு வாக்கில் விற்பனைக்கு வரும் என கூறப்படுகிறது. புதிய ஒன்பிளஸ் பேட் டேப்லெட் ஆண்ட்ராய்டு  12L ஓ.எஸ். கொண்டிருக்கும் என ஏற்கனவே தகவல் வெளியாகி இருந்தது. இந்த ஓ.எஸ். டேப்லெட் மற்றும் மடிக்கக்கூடிய ஸ்மார்ட்போன்களுக்காக உருவாக்கப்பட்ட பிரத்யேக ஓ.எஸ். ஆகும்.

தற்போது டிரேட்மார்க் பெற்று இருக்கும் நிலையில், ஒன்பிளஸ்  பேட் மாடல் விரைவில் இந்தியாவில் வெளியிடப்படும் என தகவல் வெளியாகி உள்ளது. ஒன்பிளஸ் நிறுவனத்தின் மிட்-ரேன்ஜ் சாதனமாக இது இருக்கும் என கூறப்படுகிறது. முன்னதாக இந்த டேப்லெட் இந்த ஆண்டின் முதல் அரையாண்டிற்குள் அறிமுகம் செய்யப்படும் என கூறப்பட்ட நிலையில், ஒன்பிளஸ் 10 சீரிஸ் மாடலுடன் ஒன்பிளஸ் பேட் அறிமுகம் செய்யப்படவில்லை.

ரிலையன்ஸ் ஜியோ நிறுவனம் இந்திய டெலிகாம் சந்தையில் மூன்று மாதங்களுக்கு டிஸ்னி பிளஸ் ஹாட்ஸ்டார் மொபைல் சந்தா வழங்கும் பிரீபெயிட் சலுகைகளை அறிவித்து இருக்கிறது. முன்னதாக ஒரு வருடத்திற்கான டிஸ்னி பிளஸ் ஹாட்ஸ்டார் சந்தா வழங்கும் சலுகைகளை ரிலையன்ஸ் ஜியோ அறிவித்து இருந்த நிலையில், தற்போது மூன்று மாதங்களுக்கு டிஸ்னி பிளஸ் ஹாட்ஸ்டார் மொபைல் சந்தா  வழங்கும் சலுகைகளை ஜியோ அறிவித்து இருக்கிறது.