என் மலர்

    நீங்கள் தேடியது "uddhav Thackeray"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பா.ஜனதா- சிவசேனா கூட்டணி அரசு மீண்டும் உருவாக வாய்ப்பு இருப்பதாக அப்போது பேசப்பட்டது.
    • பிரதமர் மோடியுடனான நட்பு உத்தவ் தாக்கரேக்கு மிக முக்கியமாக இருந்தது.

    மும்பை :

    மகாராஷ்டிரா சட்டசபைக்கு கடந்த 2019-ம் ஆண்டு நடந்த தேர்தலில் பா.ஜனதாவுடன் கூட்டணி வைத்து போட்டியிட்ட சிவசேனா, முதல்-மந்திரி பதவி பிரச்சினையில் கூட்டணியை முறித்து கொண்டு தேசியவாத காங்கிரஸ், காங்கிரஸ் கட்சிகளுடன் சேர்ந்து கூட்டணி ஆட்சியை அமைத்தது.

    இதற்கு மத்தியில் சிவசேனா மீண்டும் பா.ஜனதாவுடன் கூட்டணி வைக்க இருப்பதாக பேசப்பட்டது. இந்த சந்தர்ப்பத்தில் தான் கடந்த ஆண்டு ஜூன் மாதம் முதல்-மந்திரியாக இருந்த உத்தவ் தாக்கரே டெல்லியில் பிரதமர் மோடியை சந்தித்தபோது தனிப்பட்ட முறையில் நீண்ட நேரம் பேசினார்.

    இந்த சந்திப்பு விவரம் வெளியிடப்படவில்லை. ஆனால் பா.ஜனதா- சிவசேனா கூட்டணி அரசு மீண்டும் உருவாக வாய்ப்பு இருப்பதாக அப்போது பேசப்பட்டது.

    இந்தநிலையில் பிரதமர் மோடி- உத்தவ் தாக்கரே சந்திப்பு பின்னணி குறித்து ஏக்நாத் ஷிண்டே அணி செய்தி தொடர்பாளர் தீபக் கேசர்கர் நேற்று நிருபர்களிடம் கூறியதாவது:-

    நடிகர் சுஷாந்த் சிங் மரண வழக்கில் அப்போதைய மந்திரி ஆதித்ய தாக்கரேயை நாராயண் ரானே இழுத்தது, சிவசேனாவினர் இடையே வேதனையை ஏற்படுத்தியது. இதையடுத்து டெல்லியில் பிரதமர் மோடியை உத்தவ் தாக்கரே சந்தித்து பேசினார். இந்த சந்திப்பை தொடர்ந்து, அடுத்த 15 நாளில் முதல்-மந்திரி பதவியை ராஜினாமா செய்ய உத்தவ் தாக்கரே முடிவு செய்திருந்தார். ஏனெனில் உயர் பதவியை விட பிரதமர் மோடியுடனான நட்பு உத்தவ் தாக்கரேக்கு மிக முக்கியமாக இருந்தது. ஆனால் இது தொடர்பாக சிவசேனா தொண்டர்களிடம் கருத்தொற்றுமையை ஏற்படுத்த அவருக்கு கூடுதல் அவகாசம் தேவைப்பட்டது.

    பிரதமருடன் சந்திப்பு நடந்த அடுத்த மாதமே பல பா.ஜனதா எம்.எல்.ஏ.க்கள் சட்டசபையில் இருந்து ஒரு ஆண்டுக்கு இடைநீக்கம் செய்யப்பட்டனர். இது சிவசேனா, பா.ஜனதா இடையே மேலும் விரிசலை ஏற்படுத்தியது. மேலும் நாராயண ரானேக்கு மத்திய மந்திரி பதவி வழங்கப்பட்டது. இது உத்தவ் தாக்கரேயை அதிருப்தி அடைய செய்தது. இதுபோன்ற பிரச்சினைகளால் இரு கட்சிகள் இடையே மீண்டும் பேச்சுவார்த்தை நடத்த முடியாமல் போனது.

    இந்த விவகாரங்கள் தான் ஷிண்டே தலைமையில் சிவசேனாவில் அதிருப்தி அணி உருவாக காரணமாக அமைந்து விட்டது.

    இவ்வாறு தீபக் கேசர்கர் கூறினார்.

    ஆனால் அவரின் கருத்தை சிவசேனா நிராகரித்து உள்ளது.

    இது குறித்து அக்கட்சியின் செய்தி தொடர்பாளர் மணிஷா காயண்டே கூறுகையில், "அவர் (தீபக் கேசர்கர் புதியதாக ஏதாவது ஒன்றை தினமும் தெரிவித்து வருகிறார். இவை சுய முரண்பாடுகள் கொண்ட அறிக்கைகள் மற்றும் குழப்பத்தை ஏற்படுத்தும் முயற்சி" என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 1966-ம் ஆண்டு நிறுவப்பட்ட சிவசேனா கட்சி பல்வேறு சரிவுகளை சந்தித்துள்ளது.
    • அதிருப்தி அணி பா.ஜனதாவுடன் இணைந்து ஆட்சியை கைப்பற்றி உள்ளது.

    மும்பை :

    மறைந்த தலைவர் பால் தாக்கரேவால் 1966-ம் ஆண்டு நிறுவப்பட்ட சிவசேனா கட்சி பல்வேறு சரிவுகளை சந்தித்துள்ளது.

    சக்திவாய்ந்த தலைவர்கள் பலரும் கட்சியில் இருந்து விலகி உள்ளனர்.

    ஆனால் சமீபத்தில் ஏக்நாத் ஷிண்டே தலைமையில் 40 எம்.எல்.ஏ.க்கள் கொண்ட அதிருப்தி அணி பிரிவு சிவசேனாவுக்கு கடும் பின்னடைவாக அமைந்துள்ளது.

    மராட்டியத்தில் ஆட்சியில் இருந்து சிவசேனா தலைமையிலான மகா விகாஸ் அகாடி கூட்டணி ஆட்சி அதிருப்தி எம்.எல்.ஏ.க்களின் எதிர்ப்பு காரணமாக கவிழ்ந்தது. இந்த அதிருப்தி அணி பா.ஜனதாவுடன் இணைந்து ஆட்சியை கைப்பற்றி உள்ளது.

    மேலும் உண்மையான சிவசேனா நாங்கள் தான் என கூறிவரும் அதிருப்தி அணியினர் இதற்காக கோர்ட்டில் வழக்கு தொடர்ந்தனர். இது தொடர்பான வழக்கு சுப்ரீம் கோர்ட்டில் விசாரணையில் உள்ளது.

    மேலும் வரும் காலத்தில் பா.ஜனதா போன்ற சித்தாந்தம் உள்ள கட்சிகள் மட்டுமே பிழைக்கும், குடும்ப அரசியல் செய்யும் மற்ற கட்சிகள் அழிந்துவிடும் என்று பா.ஜனதா கட்சியின் தலைவர் ஜே.பி. நட்டா கூறியிருந்தார்.

    இதை மேற்கோள் காட்டும் வகையில் நேற்று 'மாதோஸ்ரீ' இல்லத்தில் கட்சி தொண்டர்கள் மத்தியில் பேசிய சிவசேனா தலைவர் உத்தவ் தாக்கரே கூறியதாவது:-

    சிவசேனாவை பிளவுபடுத்த பலமுறை முயற்சிகள் மேற்கொள்ளப்பட்டு உள்ளது. ஆனால் இப்போது கட்சியை முழுவதும் ஒழித்துக்கட்ட புதிய முயற்சிகள் மேற்கொள்ளப்பட்டு வருகின்றன. சிவசேனா எம்.பி. சஞ்சய் ராவத்தின் வீட்டில் அமலாக்கத்துறை இயக்குனரகம் நடத்திய சோதனை கட்சியை அழிக்கும் அவர்களின் சதித்திட்டத்தின் ஒரு அங்கமாகும்.

    சிவசேனா தொடர்பான வழக்கில் எனக்கு நீதித்துறை மீது முழு நம்பிக்கை உள்ளது.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சிவசேனா இந்துக்கள் மற்றும் மராத்தி மக்களுக்கு பலம் அளித்து வருகிறது.
    • எதிர்க்கட்சிகளை எதிரிகளாக கருதக்‌கூடாது என்று இந்திய தலைமை நீதிபதி கூட கூறியுள்ளார்.

    மும்பை :

    சிவசேனா தலைமை செய்தி தொடர்பாளர் சஞ்சய் ராவத் வீட்டில் நேற்று அமலாக்கத்துறையினர் அதிரடி சோதனை நடத்தினர்.

    இதற்கு மத்தியில் தானே மாவட்டத்தை சேர்ந்த கட்சி தலைவர்கள் மற்றும் உறுப்பினர்களிடம் தனது இல்லமான மாதோஸ்ரீயில் உத்தவ் தாக்கரே உரையாற்றினார்.

    அப்போது அவர் கூறியதாவது:-

    அமலாக்கத்துறை விருந்தினர்கள் தற்போது சஞ்சய் ராவத்தின் வீட்டில் உள்ளனர். அவர் கைது செய்யப்படலாம். இது என்ன வகையான சதி? சிவசேனா இந்துக்கள் மற்றும் மராத்தி மக்களுக்கு பலம் அளித்து வருகிறது. எனவே சிவசேனாவை அழிக்க சதி நடக்கிறது. இந்த நடவடிக்கை அதில் ஒரு அங்கமாகும்.

    சிவசேனாவால் அரசியல் ரீதியாக வளர்ந்தவர்கள் தற்போது தங்களின் விசுவாசத்தை மாற்றிக்கொண்டுள்ளனர்.

    முன்னாள் மந்திரி அர்ஜுன் கோட்கர் குறைந்தபட்சம் அழுத்தத்தின் கீழ் தான் அதிருப்தி அணிக்கு செல்வதாக ஒப்புக்கொண்டார்.

    ஆனந்த் திகே 2 ஆண்டுகள் சிறையில் இருந்தபோது சிவசேனா தொண்டர்களுக்கு விசுவாசம் என்றால் என்ன என்பதை காட்டினார்.

    கவர்னர் பகத்சிங் கோஷ்யாரியின் மும்பை குறித்த கருத்தால் மராத்தியர்கள் மற்றும் மராட்டியத்தை அவமதித்துள்ளார். அவருக்கு கோலாப்பூரின் செருப்புகளை காட்ட வேண்டும்.

    இந்த விஷயத்தில் அடிமைகளாக மாறியவர்களின் எதிர்வினை என்னவாக இருந்தது. இது மிகவும் லேசானது. எங்களுக்கு அவரின் பேச்சில் உடன்பாடில்லை என்று கூறி கடந்துவிட்டனர்.

    எதிர்க்கட்சிகளை எதிரிகளாக கருதக்‌கூடாது என்று இந்திய தலைமை நீதிபதி கூட கூறியுள்ளார். ஆனால் நாங்கள் கூட்டணி கட்சிகளாக இருந்தபோதும் எதிரிகளாக கருதப்பட்டோம்.

    அஞ்சாத, அநீதிக்கு எதிராக போராடும் அர்ப்பணிப்புள்ள தொண்டர்கள் கட்சிக்கு தேவைப்படுகிறார்கள்.

    இவ்வாறு அவர் பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏக்நாத் ஷிண்டே முதல்-மந்திரி பதவியை மிக மோசமான முறையில் பெற்றுள்ளார்.
    • ஜனநாயகத்தில் எந்த கட்சியும் நிரந்தர வெற்றி பெறாது.

    மும்பை :

    சிவசேனா கட்சியின் தலைவரும், முன்னாள் முதல்-மந்திரியுமான உத்தவ் தாக்கரே நேற்று தனது 62-வது பிறந்தநாளை கொண்டாடினார்.

    இதை முன்னிட்டு் தனது கட்சியின் அதிகாரப்பூர்வ பத்திரிகையான சாம்னாவுக்கு சிவசேனா தலைவர் உத்தவ் தாக்கரே அளித்த சிறப்பு பேட்டியில் கூறியதாவது:-

    டெல்லி அரசு தற்போது சிவசேனாவுக்கு எதிராக சிவசேனாவுக்குள்ளேயே சண்டையை தூண்டி மராத்தி பேசும் மக்களை பிளவுபடுத்த விரும்புகிறது.

    தற்போதைய ஆட்சியாளர்கள் எதிர்க்கட்சிகளை பார்த்து பயப்படுகிறார்கள் என்றால் அது அவர்களின் திறமையின்மையை காட்டுகிறது. ஜனநாயகத்தில் எந்த கட்சியும் நிரந்தர வெற்றி பெறாது.

    நான் மேற்கொண்ட மகா விகாஸ் கூட்டணி சோதனையை மக்கள் வரவேற்றுள்ளனர்.

    சிவசேனாவை சேர்ந்தவர் மீண்டும் முதல்-மந்திரியாக பதவி ஏற்பார். இதற்காக கட்சியை விரிவுபடுத்தும் பணியில் ஈடுபடுவேன். இதற்காக ஆகஸ்ட் மாதம் முதல் மாநிலம் முழுவதும் சுற்றுப்பயணம் மேற்கொள்ள உள்ளேன். கட்சியில் அதிக உறுப்பினர்களை சேர்க்க விரும்புகிறேன்.

    2019-ம் ஆண்டு பா.ஜனதாவிடம் நான் என்ன கேட்டேன்? 2½ ஆண்டுகள் முதல்-மந்திரி பதவி, அது ஒப்புக்கொள்ளப்பட்டது. இதுவும் எனக்காக இல்லை. நான் சிவசேனாவை சேர்ந்தவரை முதல்-மந்திரி ஆக்குவேன் என்று சிவசேனா நிறுவனர் பால்தாக்கரேயிடம் வாக்குறுதி அளித்திருந்தேன். எனது வாக்குறுதி இன்னும் முழுமையடையவில்லை.

    2019-ம் ஆண்டு முடிவு செய்யப்பட்ட அனைத்தையும் மறுத்ததன் மூலம் பொய்யின் அனைத்து எல்லைகளையும் பா.ஜனதா கடந்தது. இதனால் மகா விகாஸ் அகாடி பிறந்தது.

    ஆனால் தற்போது அதிருப்தியாளர்கள் காங்கிரஸ் மற்றும் தேசியவாத காங்கிரஸ் கட்சிகள் சிவசேனாவுக்கு தீங்கு விளைவிப்பதாக கூறுகின்றனர். இது வெறும் சாக்குப்போக்கு தான்.

    அவர் (ஏக்நாத் ஷிண்டே) முதல்-மந்திரி பதவியை மிக மோசமான முறையில் பெற்றுள்ளார். அதிகார மோகத்தில் இப்படி செய்துவிட்டு தன்னை மறைந்த சிவசேனா தலைவர் பால் தாக்கரேவுடன் ஒப்பிட்டு கொள்கிறார்.

    நாளை அவர் தன்னை நரேந்திர மோடி என்று கூறிக்கொண்டு பிரதமர் பதவிக்கு கூட உரிமை கோர வாய்ப்பு உள்ளது. பா.ஜனதாவினர் எச்சரிக்கையாக இருக்க வேண்டும்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அதிருப்தி அணியினர் எல்லோரும் நம்பிக்கைக்கு உரியவர்கள் அல்ல.
    • மகாவிகாஸ் கூட்டணியில் ஒருவரை, ஒருவர் மதித்தோம்.

    மும்பை :

    மகாராஷ்டிராவில் ஏற்பட்ட அரசியல் குழப்பத்தை அடுத்து, முதல்-மந்திரி பதவியில் இருந்து உத்தவ் தாக்கரே ராஜினாமா செய்தார். அதன்பிறகு அவர் முதல் முறையாக தனது கட்சி பத்திரிகையான 'சாம்னா'வுக்கு அளித்த பேட்டியில் கூறியிருப்பதாவது:-

    அதிருப்தி அணியினர் மரத்தில் அழுகிய இலைகள். அவை கண்டிப்பாக அகற்றப்பட வேண்டும். இது மரத்திற்கு நல்லது. மரத்தில் புதிய இலைகள் வளரும்.

    அதிருப்தி அணியினர் அவர்கள் உண்மையான சிவசேனா என கூறுகிறார்கள். இதற்கான பதில் தேர்தல் வந்தால் தெரிந்துவிடும். மக்கள் ஒன்று எங்களுக்கு ஆதரவு அளிப்பார்கள். அல்லது அவர்களுக்கு ஆதரவு கொடுப்பார்கள். கட்சியில் ஏற்பட்ட பிளவுக்கு யார் காரணம் என கேட்கிறார்கள். சில சிவசேனா தொண்டர்கள், தலைவர்கள் மீது அதிக நம்பிக்கை வைத்துவிட்டேன் என தோன்றுகிறது. அவர்களை நீண்ட காலமாக நம்பியது எனது தவறுதான்.

    பா.ஜனதா சிவசேனாவை உடைக்க மட்டும் முயற்சி செய்யவில்லை. மற்ற கட்சிகளை சேர்ந்த சிறந்த தலைவர்களையும் தங்கள் அரசியலுக்காக பயன்படுத்த முயற்சி செய்கிறது. காங்கிரஸ் தலைவர் சர்தார் வல்லபாய் பட்டேலை பயன்படுத்த முயற்சி செய்தது போல, மறைந்த எனது தந்தை பால்தாக்கரேயையும் பயன்படுத்த முயற்சி செய்கிறார்கள். அதிருப்தி அணியினர் எல்லோரும் நம்பிக்கைக்கு உரியவர்கள் அல்ல. அவர்கள் சிவசேனா தொண்டர்கள் இடையே தான் பகையை ஏற்படுத்துகின்றனர்.

    மகாவிகாஸ் கூட்டணி நல்ல முயற்சி. மக்களுக்கு அது தவறான நடவடிக்கை என்றால், அவர்கள் எங்கள் கூட்டணிக்கு எதிராக எழுவார்கள். மகாவிகாஸ் கூட்டணியில் ஒருவரை, ஒருவர் மதித்தோம்.

    இவ்வாறு அவர் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மகாராஷ்டிராவை முன்னேற்ற பாதையில் எடுத்து செல்ல அமைதி தேவை.
    • இப்போது தான் உத்தவ் தாக்கரே பொதுவெளியில் தோன்றுவது அதிகரித்து உள்ளது.

    மும்பை :

    சிவசேனா பிளவுபட்டுள்ள நிலையில் உத்தவ் தாக்கரே தலைமையிலான அணிக்கும், ஷிண்டே தலைமையிலான அணிக்கும் வார்த்தை போர் வலுத்துள்ளது.

    குறிப்பாக ஆதித்ய தாக்கரே கட்சியை மீண்டும் வலுப்படுத்த நடத்தி வரும் பேரணியில் அதிருப்தி அணியை சேர்ந்த எம்.எல்.ஏ.க்களை கடுமையாக சாடி வருகிறார்.

    இந்தநிலையில் முதல்-மந்திரி ஏக்நாத் ஷிண்டே அணியின் செய்தி தொடர்பாளரான தீபக் கேசர்கர் எம்.எல்.ஏ. தெற்கு மும்பையில் வார்டு அளவிலான சிவசேனா அலுவலகத்தை திறந்து வைத்து ஊழியர்களிடம் பேசியதாவது:-

    நாங்கள் முக்கியமான 3 கேள்விகளை எழுப்பி உள்ளோம். அந்த கேள்விகளுக்கு இன்னும் எங்களுக்கு பதில் கிடைக்கவில்லை. அதில் ஒன்று முதல்-மந்திரியாக இருந்த உத்தவ் தாக்கரே எத்தனை முறை மந்திராலயாவில் உள்ள முதல்-மந்திரி அலுவலகத்திற்கு சென்றுள்ளார். அங்கு அவர் சிவசேனா உறுப்பினர்களை சந்திக்க வாய்ப்பு வழங்கினாரா?. இப்போது தான் அவர் பொதுவெளியில் தோன்றுவது அதிகரித்து உள்ளது.

    மகாராஷ்டிராவை முன்னேற்ற பாதையில் எடுத்து செல்ல அமைதி தேவை. முதல்-மந்திரி ஏக்நாத் ஷிண்டே அணியில் உள்ள தலைவர்களுக்கு எதிரான பேரணிகளை ஏற்பாடு செய்து அவர்களுக்கு அழுத்தம் கொடுப்பதில் எந்த அர்த்தமும் இல்லை.

    கடந்த 2½ ஆண்டுகளில் மகா விகாஸ் அகாடி அரசு மத்திய அரசை விமர்சிப்பதில் அதிக நேரத்தை செலவிட்டுள்ளது. மத்திய அரசுடன் நல்லுறவை வைத்துக்கொள்ளாவிட்டால், எப்படி வளர்ச்சி அடைய முடியும்?

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அதிருப்தி அணி பின்னால் பலம்வாய்ந்த சக்தி இருப்பதாக கூறுகின்றனர்.
    • எத்தனை தலைமுறை ஆனாலும் சிவசேனாவை அழிக்க முடியாது.

    மும்பை :

    மும்பை சிவ்ரி பகுதியில் சிவசேனா சாக்கா அலுவலகத்தை கட்சியின் தலைவர் உத்தவ் தாக்கரே திறந்து வைத்தார். அப்போது அவர் கட்சியினர் இடையே பேசியதாவது:-

    சேனாவால் வணங்கப்பட்டு வந்தவர்கள், தற்போது பா.ஜனதா ஆதரவுடன் கட்சியை உடைத்து உள்ளனர். பா.ஜனதா ஆதரவுடன் அதிருப்தி அணியினர் உள்ள போதிலும், அவர்களிடம் என்ன அதிகாரம் இருக்கிறது என்பது எனக்கு புரியவில்லை. இதற்கு முன் பல முறை சிவசேனாவை உடைக்க முயற்சிகள் மேற்கொள்ளப்பட்டன.

    தற்போது அவர்கள் சிவசேனாவை அழிக்க திட்டமிட்டு உள்ளனர். அவர்களின் (அதிருப்தி அணி) பின்னால் பலம்வாய்ந்த சக்தி இருப்பதாக கூறுகின்றனர். அதிருப்தி அணியினர் யாரின் கைப்பாவையாக உள்ளார்களோ அவர்கள் சிவசேனாவை அழிக்க விரும்புகின்றனர். மும்பையில் நமது காவி கொடியை அழித்துவிட்டு, அவர்களின் சொந்த கொடியை பறக்கவிட விரும்புகின்றனர்.

    பல வல்லுநர்கள் துரோகிகள் வேறு கட்சியில் சேருவதை தவிர அவர்களுக்கு வேறு வழியில்லை என கூறுகின்றனர். ஒரு கட்சி அவர்களை தங்களுடன் சேர அழைப்பும் விடுத்தது. அவர்கள் சேனாவை அழிக்க விரும்புகின்றனர். ஆனாலும் சிவசேனா இருக்கிறது. தாக்கரேவின் தொடர்பும் சேனாவுடன் இருக்கிறது.

    எத்தனை தலைமுறை ஆனாலும் சிவசேனாவை அழிக்க முடியாது. சிவசேனா- தாக்கரே உறவை முறிக்க அவர்கள் விரும்புகிறார்கள். அவர்களுக்கு தைரியம் இருந்தால், அவர்கள் பால் தாக்கரேவின் படத்தை பயன்படுத்த கூடாது. நீங்கள் எனது கட்சியை திருட விரும்புகிறீர்கள். நீங்கள் ஒரு கொள்ளையர்கள்.

    இவ்வாறு அவர் பேசினார்.

    சமீபத்தில் ராஜ் தாக்கரே அதிருப்தி அணியினர் என்னை அணுகினால் அவர்களை நவநிர்மாண் சேனாவில் இணைத்து கொள்வேன் என கூறியிருந்தது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏக்நாத் ஷிண்டேவுக்கு இசட் பிளஸ் பிரிவு பாதுகாப்பு வழங்க உத்தவ் தாக்கரே மறுப்பு.
    • ஏக்நாத்ஷிண்டே பாதுகாப்பு தொடர்பான குற்றச்சாட்டில் எந்த உண்மையும் இல்லை.

    மும்பை :

    ஏக்நாத் ஷிண்டே, உத்தவ் தாக்கரேவுக்கு எதிராக சிவசேனாவில் அதிருப்தி அணியை உருவாக்கி உள்ளார். இந்தநிலையில் அவரது ஆதரவு எம்.எல்.ஏ.க்கள் சுகாஸ் கண்டே, சாம்புராஜ் தேசாய் ஆகியோர் உத்தவ்தாக்கரே மீது பரபரப்பு குற்றச்சாட்டைதெரிவித்து உள்ளனர். இதில் நக்சலைட்டுகளால் உயிருக்கு அச்சுறுத்தல் இருந்த ஏக்நாத் ஷிண்டேவுக்கு இசட் பிளஸ் பிரிவு பாதுகாப்பு வழங்க உத்தவ் தாக்கரே மறுத்துவிட்டதாக கூறியுள்ளனர்.

    இதுகுறித்து முன்னாள் உள்துறை இணை மந்திரி சம்புராஜ் தேசாய் கூறுகையில், " ஏக்நாத் ஷிண்டேவுக்கு பாதுகாப்பை அதிகரிப்பது தொடர்பாக கூட்டம் நடக்க உள்ளதா என உத்தவ் தாக்கரேவிடம் இருந்து எனக்கு போன் வந்தது. நான், ஆமாம் கூட்டம் நடைபெற உள்ளது என்றேன். அப்போது ஏக்நாத் ஷிண்டேவின் பாதுகாப்பு அதிகரிக்கப்பட கூடாது என எனக்கு உத்தரவு வந்தது " என்றார். அதிருப்தி அணி எம்.எல்.ஏ.க்கள் உத்தவ் தாக்கரே மீது கூறிய இந்த குற்றச்சாட்டு பரபரப்பை ஏற்படுத்தி உள்ளது.

    இதற்கிடையே இந்த குற்றச்சாட்டை காங்கிரசை சேர்ந்த மற்றொரு முன்னாள் உள்துறை இணை மந்திரி சாதேஜ் பாட்டீல் மறுத்து உள்ளார். இதுகுறித்து அவர் கூறுகையில், " சாம்புராஜ் தேசாய் கூறுவது போல ஒரு கூட்டம் நடைபெறவே இல்லை. ஏக்நாத் ஷிண்டே சிவசேனாவை சேர்ந்தவர். அவருக்கு பாதுகாப்பு வழங்க முதல்-மந்திரி ஏன் மறுக்க போகிறார்?. கட்சிரோலி பொறுப்பு மந்திரி என்பதால் அவருக்கு ஏற்கனவே கூடுதல் பாதுகாப்பு வழங்கப்பட்டு இருந்தது. எனவே ஏக்நாத்ஷிண்டே பாதுகாப்பு தொடர்பான குற்றச்சாட்டில் எந்த உண்மையும் இல்லை " என்றார்.

    மேலும் முன்னாள் உள்துறை மந்திரி திலீப் வல்சே பாட்டீல் கூறுகையில், "மகா விகாஸ் அகாடி ஆட்சியில் ஏக்நாத் ஷிண்டேக்கு போதிய பாதுகாப்பு வழங்கப்பட்டது. அவரது பாதுகாப்பை அதிகரிக்கக்கூடாது என உத்தவ் தாக்கரே ஒருபோதும் அறிவுறுத்தவில்லை. ஏக்நாத் ஷிண்டேக்கு மிரட்டல் கடிதம் வந்தபோது போலீசாருக்கு உரிய உத்தரவுகளை வழங்கியிருந்தேன். எனவே இந்த பிரச்சினை பற்றி விவாதிப்பது தேவையற்றது" என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சிவசேனா கட்சிக்கு உரிமை கோரி உத்தவ் தாக்கரே தேர்தல் ஆணையத்துக்கு கடிதம் எழுதியுள்ளார்.
    • இதேபோல், ஏக்நாத் ஷிண்டே தரப்பினரும் சிவசேனா கட்சிக்கு உரிமை கோரி தேர்தல் ஆணையத்துக்கு கடிதம் எழுதியுள்ளார்.

    மும்பை:

    மகாராஷ்டிரா மாநிலத்தில் சிவசேனா, காங்கிரஸ், தேசியவாத காங்கிரஸ் கட்சிகள் இணைந்த மகா விகாஸ் அகாடி கூட்டணி ஆட்சி கடந்த மாதம் கவிழ்ந்தது. சிவசேனாவின் அதிருப்தி எம்.எல்.ஏ.க்கள் ஏக்நாத் ஷிண்டே தலைமையில் பிரிந்து பா.ஜ.க.வுடன் இணைந்து ஆட்சியை அமைத்துள்ளனர்.

    இதையடுத்து, 12 சிவசேனா எம்.பி.க்கள் சேர்ந்து தங்களை தனியாகச் செயல்பட அங்கீகரிக்குமாறு மக்களவைத் தலைவர் ஓம் பிர்லாவிடம் தனியாக மனு அளித்துள்ளனர்.

    சிவசேனா கட்சிக்கு உரிமை கோரி தலைமைத் தேர்தல் ஆணையத்துக்கு ஏக்நாத் ஷிண்டே தரப்பும், உத்தவ் தாக்கரே தரப்பும் கடிதம் எழுதியது.

    இதற்கிடையே, தங்களுக்கு கட்சியின் வில் அம்பு சின்னத்தை ஒதுக்க வேண்டும் என்று தேர்தல் கமிஷனில் ஏக்நாத் ஷிண்டே அணி சார்பில் மனு அளிக்கப்பட்டது. தங்களுக்கு மொத்தமுள்ள 55 எம்.எல்.ஏ.க்களில் 40 பேரும், மக்களவையில் மொத்தமுள்ள 18 பேரில் 12 பேரும் ஆதரவாக இருப்பதால் தேர்தல் கமிஷன் சட்டப்பிரிவு 15-ன் கீழ் தங்களது அணியை உண்மையான சிவசேனாவாக அங்கீகரிக்க வேண்டும் என குறிப்பிட்டுள்ளார்.

    உத்தவ் தாக்கரே தரப்பில் கட்சியின் மூத்த தலைவர் அனில் தேசாய் தேர்தல் கமிஷனுக்கு எழுதியுள்ள கடிதத்தில், கட்சிக்கு எதிராக செயல்படுபவர்கள் கட்சியின் சின்னத்தையோ அல்லது பால் தாக்கரே பெயரையோ பயன்படுத்த அனுமதிக்கக் கூடாது என்று குறிப்பிட்டுள்ளார்.

    இந்நிலையில், உள்ளாட்சி தேர்தலை முன்னிட்டு ஏக்நாத் ஷிண்டே, உத்தவ் தாக்கரே ஆகிய அணிகளில் எந்த அணி உண்மையான சிவசேனா என்பதை நிரூபிக்க தங்களிடம் இருக்கும் ஆதாரங்களை தாக்கல் செய்யும்படி தேர்தல் ஆணையம் கடிதம் அனுப்பியுள்ளது. ஏக்நாத் ஷிண்டே தரப்பினர் எழுதிய கடிதத்தை உத்தவ் தாக்கரே முகாமுக்கு தேர்தல் ஆணையம் அனுப்பியுள்ளது. தாக்கரே முகாமின் கடிதத்தை ஷிண்டே பிரிவினருக்கு தேர்தல் ஆணையம் அனுப்பியது. இரு தரப்பினரும் ஆகஸ்ட் 8-ம் தேதிக்குள் பதில் மனு தாக்கல் செய்ய வேண்டும் என உத்தரவிடப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏக்நாத் ஷிண்டே தரப்பு தாங்கள் தான் உண்மையான சிவசேனா என தேர்தல் ஆணையத்தை அணுக உள்ளது.
    • ஏக்நாத் ஷிண்டே பா.ஜனதாவுடன் சேர்ந்து மகாராஷ்டிராவில் ஆட்சியை அமைத்து உள்ளார்.

    மும்பை :

    ஏக்நாத் ஷிண்டே கடந்த மாதம் சிவசேனா தலைமைக்கு எதிராக திரும்பினார். அவருக்கு 40 எம்.எல்.ஏ.க்கள் ஆதரவு அளித்தனர். இதன் காரணமாக சிவசேனா தலைமையிலான மகாவிகாஸ் ஆட்சி கவிழ்ந்தது. மேலும் ஏக்நாத் ஷிண்டே பா.ஜனதாவுடன் சேர்ந்து மகாராஷ்டிராவில் ஆட்சியை அமைத்து உள்ளார்.

    தற்போது அவருக்கு ஆதரவாக 12 எம்.பி.க்கள், தானே உள்ளிட்ட சில பகுதிகளை சேர்ந்த முன்னாள் கவுன்சிலர்களும் ஆதரவாக உள்ளனர். இந்தநிலையில் ஏக்நாத் ஷிண்டே தரப்பு தாங்கள் தான் உண்மையான சிவசேனா என தேர்தல் ஆணையத்தை அணுக உள்ளது.

    முன்னதாக கடந்த செவ்வாய்க்கிழமை உத்தவ் தாக்கரே கட்சியின் மாவட்ட தலைவர்களை ஆன்லைன் மூலம் சந்தித்து பேசினார். அப்போது அவர் 50 லட்சம் பிரமாண பத்திரங்களை தாக்கல் செய்ய மாவட்ட தலைவர்களுக்கு உத்தரவிட்டார். மேலும் பிரமாண பத்திரங்களை தாக்கல் செய்தவுடன் மாவட்ட தலைவர்களை நேரில் சந்திப்பதாகவும் தெரிவித்தார்.

    ஏக்நாத் ஷிண்டே தரப்பு தேர்தல் ஆணையம் செல்லும் முன்பே, முன் எச்சரிக்கையாக பிரமாண பத்திரங்களை தாக்கல் செய்ய உத்தவ் தாக்கரே உத்தரவிட்டு இருந்தது குறிப்பிடத்தக்கது.

    இதுகுறித்து சிவசேனா நிர்வாகி ஒருவர் கூறுகையில், "தற்போது கட்சியில் 36 லட்சம் முதன்மை உறுப்பினர்கள் உள்ளனர். இது 50 லட்சமாக அதிகரிக்கும்" என்றார்.

    ஏக்நாத் ஷிண்டே அணி பிரிந்து சென்ற பிறகு சிவசேனா தரப்பில் தேர்தல் ஆணையத்தில் கடிதம் ஒன்று கொடுக்கப்பட்டு இருந்தது. அதில் யாராவது கட்சியின் பெயர், சின்னம் கேட்டு முறையிட்டால் அதுகுறித்து எங்களிடம் கேட்டு தான் முடிவு எடுக்க வேண்டும் என கூறியுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தேசிய ஜனநாயக கூட்டணி வேட்பாளர் திரவுபதி முர்முவுக்கு சிவசேனா தலைவரும், மகாராஷ்டிரா முன்னாள் முதல்-மந்திரியுமான உத்தவ் தாக்கரே ஆதரவு தெரிவித்துள்ளார்.
    • இதற்கு காங்கிரஸ் எதிர்ப்பு தெரிவித்து உள்ளது.

    மும்பை:

    மகாராஷ்டிரா மாநிலத்தில் சிவசேனா கட்சியை உடைத்து அதிருப்தி குழுவுடன் இணைந்து பா.ஜனதா ஆட்சியை பிடித்து உள்ளது. இந்த நிலையில் ஜனாதிபதி தேர்தலில் போட்டியிடும் பா.ஜனதா தலைமையிலான தேசிய ஜனநாயக கூட்டணி வேட்பாளர் திரவுபதி முர்முவுக்கு சிவசேனா தலைவரும், மகாராஷ்டிரா முன்னாள் முதல்-மந்திரியுமான உத்தவ் தாக்கரே ஆதரவு தெரிவித்துள்ளார். இதற்கு காங்கிரஸ் எதிர்ப்பு தெரிவித்து உள்ளது.

    இதுதொடர்பாக மகாராஷ்டிரா மாநில காங்கிரஸ் தலைவர் பாலா சாகேப் தோரட் கூறும்போது, "சிவசேனா நாங்கள் இருக்கும் மகா விகாஸ் அகாடி கூட்டணியில் இருக்கிறது. ஆனால் அவர்கள் எங்களிடம் கலந்து ஆலோசிக்காமல் திரவுபதி முர்முவுக்கு ஆதரவு தெரிவித்துள்ளனர். அவரை சிவசேனா ஆதரிப்பது ஏன் என்று தெரியவில்லை" என்றார்.

    • Whatsapp
    • Telegram
    • Linkedin
    • Print