புதுச்சேரி

Taking responsibility for who we consume?
It’s also about excercise of harmless choices.
Also about practicing non violence?
In word, deed and eat? @ANI@PTI_News@airnewsalertspic.twitter.com/bGSji93qpi

— Kiran Bedi (@thekiranbedi) March 19, 2020

புதுச்சேரி:

வில்லியனூர் புதுநகரை சேர்ந்தவர் அய்யப்பன் (வயது 33). கட்டிட தொழிலாளி. இவர், தனது மனைவி மனோரஞ்சிதம் மற்றும் 2 மகன்களுடன் மூலகுளத்தில் வாடகை வீட்டில் வசித்து வந்தார்.

அய்யப்பனுக்கு குடிப்பழக்கம் இருந்தது. இதனால் அவர் அடிக்கடி வேலைக்கு செல்லாமல் மது குடித்து வந்தார்.

கடந்த ஒரு வாரத்துக்கு முன்பு இதனை மனோரஞ்சிதம் கண்டித்தார். அய்யப்பன் மனைவியுடன் தகராறு செய்து விட்டு கோபித்துக்கொண்டு வில்லியனூர் புதுநகரில் உள்ள தாய் வீட்டில் இருந்து வந்தார்.

இந்த நிலையில் மனைவியுடன் கோபித்துக்கொண்டு வந்ததால் மனவேதனை அடைந்த அய்யப்பன் தற்கொலை செய்து கொள்ள முடிவு செய்தார்.

நேற்று காலை அவர் தனது தாய் வீட்டில் யாரும் இல்லாத போது மின் விசிறி கொக்கியில் தாவணியால் தூக்குபோட்டு தொங்கினார்.

உடனே இதனை பார்த்த அக்கம் பக்கத்தினர் அய்யப்பனை தூக்கில் இருந்து மீட்டு வில்லியனூர் அரசு ஆஸ்பத்திரிக்கு கொண்டு சென்றனர்.

அங்கு பரிசோதனை செய்த டாக்டர்கள் ஏற்கனவே அய்யப்பன் இறந்து விட்டதாக தெரிவித்தனர்.

இதுகுறித்த புகாரின் பேரில் வில்லியனூர் போலீசார் வழக்குப்பதிவு செய்து விசாரணை நடத்தி வருகிறார்கள்.

புதுச்சேரி:

புதுவை சட்டமன்ற அ.தி.மு.க. கட்சித்தலைவர் அன்பழகன் எம்.எல்.ஏ. நிருபர்களிடம் கூறியதாவது:-

மத்திய அரசு கொரோனா வைரஸ் பரவுவதை தேசிய பேரிடராக அறிவித்துள்ளது. ஆனால், புதுவை அரசு அலட்சியமாகவும், சுயநல நோக்கத்தோடும் செயல்படுவது வேதனை அளிக்கிறது.

தமிழகத்தில் கொரோனா வைரசை கட்டுப்படுத்த மருத்துவ வல்லுனர்களுடன் கலந்தாய்வு, மத்திய அரசு வழிகாட்டுதல்களை பின்பற்றி பல்வேறு நடவடிக்கைகளை தமிழக முதல்-அமைச்சர் எடப்பாடி பழனிச்சாமி எடுத்து வருகிறார்.

பள்ளி, கல்லூரி, மது பார்கள், சுற்றுலா மையங்கள் ஆகியவற்றை மூட உத்தரவிட்டுள்ளார். ஆனால், புதுவை அரசு கொரோனா வைரஸ் தொடர்பாக எந்த நடவடிக்கையும் எடுக்க வில்லை.

எல்லைகளில் மருத்துவ முகாம்கள் கூட அமைக்கவில்லை. வெளி மாநிலங்களில் இருந்து கார், பஸ்களுக்கு கிருமிநாசினி தெளிக்கவில்லை. பயணிகளுக்கு கொரோனா வைரஸ் உள்ளதா? என கண்டறியும் தெர்மா மீட்டர் கூட இல்லை.

அரசு ஆஸ்பத்திரிகளில் வென்டிலேட்டர் வசதி இல்லை. சமீபத்தில் சகாதேவன் என்ற நோயாளிக்கு மூச்சுத்திணறல் ஏற்பட்டதால் தனியார் மருத்துவமனைக்கு கொண்டுசெல்ல டாக்டர்கள் அறிவுறுத்தி உள்ளனர். அரசு மருத்துவமனை நிலை இப்படியென்றால் ஆரம்ப சுகாதார நிலையம், சமுதாய மையங்களின் நிலை எப்படி இருக்கும்?

கொரோனா வி‌ஷயத்தில் மக்கள் லாபநோக்கத்துடன் செயல்படுகிறது. மக்கள் அதிகமாக கூடும் இடங்களில் மது கடைகளும், சாராயக்கடைகளும் உள்ளது.

ஆனால் புதுவை அரசு இதனை மூட உத்தர விடவில்லை. தேசிய பேரிடர் போன்ற காலங்களில் கலெக்டருக்கு முழு அதிகாரம் வழங்கப்படுகிறது.

மாவட்ட கலெக்டருக்கு சட்டப்படி அதிகாரம் உள்ளது. இந்த அதிகாரத்தை கையில் எடுத்து பல்வேறு நடவடிக்கைகளை எடுக்க வேண்டும். ஆனால், புதுவை கலெக்டர் முதல்-அமைச்சர் சொல்வதை மட்டும் செயல்படுத்துகிறார். மக்களின் உயிருடன் விளையாடுகிறோம் என்ற எண்ணமின்றி அரசு செயல்படுகிறது.

அரசு மருத்துவமனையில் சிறப்பு வார்டுகள் அமைக்கப்படவில்லை. நாடு முழுவதும் 20 நகரங்களில் 144 தடை உத்தரவு போட்டுள்ளனர். தேவைப்பட்டால் அத்தியாவசிய பொருட்களை மக்கள் வாங்க 2 நாள் அவகாசம் அளித்து 144 தடை உத்தரவை அமல்படுத்தலாம்.

காங்கிரஸ் எம்.எல்.ஏ. கொடுக்காபுளி சாப்பிட்டால் கொரோனா வராது என்றார். தற்போது அமைச்சர் மது குடித்தால் கொரோனா வராது என்கிறார். தாங்கள் வகிக்கும் பொறுப்பை உணராமல் உளறி வருகின்றனர்.

இவ்வாறு அவர் கூறினார்.

புதுச்சேரி:

வில்லியனூர் கோட்டை மேடு காவிரி நகரை சேர்ந்தவர் மணிசேகரன் (வயது 28). தனியார் நிறுவனத்தில் உதவி மானேஜராக வேலை செய்து வருகிறார்.

இவர், நேற்று இரவு வேலை முடிந்து உடன் வேலை பார்க்கும் கண்ணன் என்பவருடன் மங்கலம் ரோட்டில் செல்போனில் பேசியபடி நடந்து சென்று கொண்டிருந்தார்.

அப்போது அங்குள்ள சாராயக்கடை அருகே சென்ற போது பின்னால் மோட்டார் சைக்கிளில் வந்த மர்ம நபர் மணிசேகரனிடம் இருந்த செல்போனை பறித்துவிட்டு கண் இமைக்கும் நேரத்தில் தப்பி சென்று விட்டார்.

இகுகுறித்து மனிசேகரன் வில்லியனூர் போலீசில் புகார் செய்தார். அதன் பேரில் போலீசார் வழக்குபதிவு செய்து செல்போனை பறித்து சென்ற மர்ம நபரை தேடி வருகின்றனர்.

சேதராப்பட்டு:

சேதராப்பட்டு போலீஸ் சப்-இன்ஸ்பெக்டர் முருகன் மற்றும் போலீசார் அந்த வழியாக ரோந்து பணியில் ஈடுபட்டிருந்தனர். அப்போது சேதராப்பட்டு தொழிற்பேட்டை அருகில் ஒரு கும்பல் பதுங்கி இருந்தது.

இதனையறிந்த போலீசார் அந்த கும்பலை சுற்றி வளைத்து பிடித்தனர். அப்போது அவர்களிடம் 3 அரிவாள்கள் இருந்ததை கண்டு போலீசார் அதிர்ச்சி அடைந்தனர்.

அவர்களிடம் போலீசார் விசாரணை நடத்திய போது முன்னுக்கு பின் முரணாக பதில் அளித்தனர். இதனால் சந்தேகம் அடைந்த போலீசார் அவர்களை போலீஸ் நிலையத்துக்கு கொண்டு சென்று விசாணை நடத்தினர்.

விசாரணையில் அவர்கள் வானரப்பேட்டையை சேர்ந்த ரவுடியான மணிகண்டன் என்கிற குட்டி மணி, நைனார்மண்டபம் பிரியதர்ஷினி நகரை சேர்ந்த மதியழகன் (வயது23), தேங்காய்திட்டை சேர்ந்த சரவணன் (24), பிரான்சுவா தோட்டத்தை சேர்ந்த பொன்னுசாமி (60), அதே பகுதியை சேர்ந்த ஏசுராஜ்டேவிட் என்பதும் இவர்கள் ஒரு முக்கிய பிரமுகரை கொலை செய்யும் நோக்கத்தில் அப்பகுதியில் பதுங்கி இருந்தது தெரியவந்தது.

இதனையடுத்து அவர்களை கைது செய்த போலீசார் அவர்களிடம் இருந்து 3 அரிவாள்களை பறிமுதல் செய்தனர். மேலும் அந்த கும்பலை கோர்ட்டில் ஆஜர் படுத்தி காலாப்பட்டு மத்திய சிறையில் அடைத்தனர்.

மணிகண்டன் என்கிற குட்டி மணி என்பவர் ஜெகன் மற்றும் சாணிகுமார் கொலை வழக்கில் சம்பந்தப்பட்டவர் என்பதும் இவர் மீது 3 கொலை வழக்கு உள்பட 7 வழக்குகள் உள்ளது குறிப்பிடத்தக்கது.