என் மலர்
வேலூர்
வேலூர்:
ராணிப்பேட்டை அடுத்த மாந்தாங்கல் கிராமத்தை சேர்ந்தவர் உதயகுமார். கூலித் தொழிலாளி. இவருடைய மனைவி முனிசித்ரா (வயது 24). இவர் கர்ப்பிணியாக இருந்தார். கடந்த சில நாட்களுக்கு முன்பு பிரசவத்திற்காக அவர் ராணிப்பேட்டை அருகே உள்ள லாலாபேட்டை அரசு ஆரம்ப சுகாதார நிலையத்தில் சேர்க்கப்பட்டார்.
அங்கு அவருக்கு பரிசோதனை செய்யப்பட்டது. சிகிச்சைக்காக அனுமதிக்கப்பட்டிருந்த முனிசித்ராவுக்கு அறிவிக்கப்பட்ட பிரசவ தேதி கடந்தது. இதனால் அவரை மேல்சிகிச்சைக்காக அடுக்கம்பாறை அரசு மருத்துவமனைக்கு மாற்ற டாக்டர்கள் முடிவு செய்தனர்.
அதன்படி அவரை லாலாபேட்டையில் இருந்து நேற்று அதிகாலையில் வேலூர் அடுக்கம்பாறை அரசு மருத்துவமனைக்கு 108 ஆம்புலன்சில் அழைத்து சென்றனர். ஆம்புலன்சை டிரைவர் பிரசன்னராஜ் ஓட்டினார். மருத்துவ உதவியாளராக ரீனா இருந்தார்.
பாகாயம் அருகே ஆம்புலன்ஸ் சென்று கொண்டிருந்த போது முனிசித்ராவுக்கு திடீரென பிரசவ வலி ஏற்பட்டது. இதையடுத்து மருத்துவ உதவியாளர் ரீனா பிரசவ சிகிச்சை மேற்கொண்டார். அதிகாலை 2.30 மணி அளவில் முனிசித்ராவுக்கு ஓடும் ஆம்புலன்சிலேயே அழகான பெண் குழந்தை பிறந்தது.
இதையடுத்து தாயும், சேயும் அடுக்கம்பாறை அரசு மருத்துவமனையில் மகப்பேறு சிகிச்சை பிரிவில் அனுதிக்கப்பட்டனர். அங்கு குழந்தைக்கும், தாய்க்கும் தொடர்ந்து சிகிச்சை அளிக்கப்பட்டு வருகிறது.
வேலூர் மாவட்டம் அரக்கோணம் அருகே உள்ள சோழிங்கபுரம் ரெயில் நிலையத்திலிருந்து பாணாவரம் மற்றும் அதனை சுற்றியுள்ள பகுதிகளை சேர்ந்த 2 ஆயிரத்துக்கும் மேற்பட்ட பயணிகள் தினமும் சென்னைக்கு சென்று வருகின்றனர்.
ஜோலார்பேட்டையில் இருந்து சென்னை சென்ட்ரல் செல்லும் ஏலகிரி எக்ஸ்பிரஸ் ரெயிலில் இவர்கள் காலையில் செல்வது வழக்கம். பயணிகள் அனைவரும் ஒன்று சேர்ந்து தங்களது பயணம் சிறப்பாகவும் மற்றும் பாதுகாப்பாக அமைய வேண்டி ரெயிலில் ஆயுத பூஜை செய்ய முடிவு செய்தனர்.
மேலும் ரெயில் பெட்டிக்குள் வண்ண பேப்பர்களால் அலங்காரம் செய்தனர். ரெயில் பெட்டியில் உள்ள இருக்கைகள் உட்பட அனைத்தையும் சுத்தம் செய்து அதில் சாமி படம் வைத்து பொரி, கடலை, இனிப்பு உள்ளிட்டவற்றை படையலாக வைத்தனர்.
தொடர்ந்து கற்பூரம் ஏற்றி பூஜை செய்தனர். இதில் அந்த பெட்டியில் இருந்த பயணிகள் அனைவரும் கலந்துகொண்டனர்.
பூஜை முடிந்ததும் ரெயில் பயணிகளுக்கு பொரி, கடலை, இனிப்பு போன்றவை வழங்கப்பட்டன. இறுதியாக ரெயில் பெட்டியை சுற்றி தேங்காய் உடைத்து வேண்டுதலை நிறைவேற்றினர்.
காவேரிபாக்கம், பாணாவரம் பகுதியை சேர்ந்த நாங்கள் தினமும் இந்த ரெயிலில் தான் சென்னைக்கு சென்று வருகிறோம். எங்களுடைய பயணம் பாதுகாப்பாக இருக்க வேண்டும் என்பதற்காக ரெயிலில் ஆயுத பூஜை செய்து வழிபட்டோம் என்றனர்.
இந்த சம்பவத்தால் ரெயில் நிலையத்தில் பரபரப்பு ஏற்பட்டது.
வேலூர் மாவட்டம் அரக்கோணம் அடுத்த மகேந்திரவாடி ரெயில் நிலையம் அருகே ரெயில்வே ஊழியர்கள் இன்று காலை 6. 5 5 மணிக்கு தண்டவாள பகுதியில் ரோந்து சென்றனர்.
அப்போது தண்டவாளத்தில் திடீர் விரிசல் ஏற்பட்டதை கண்டனர் .
இதுகுறித்து உடனடியாக ரெயில் நிலைய அதிகாரிகளுக்கு தகவல் தெரிவிக்கப்பட்டது. சோளிங்கபுரம் ரெயில் நிலையத்தில் இருந்து ரெயில்வே ஊழியர்கள் விரைந்து சென்று தண்டவாளத்தில் ஏற்பட்ட விரிசலை சீரமைக்கும் பணியில் ஈடுபட்டனர்.
அந்த நேரத்தில் சென்னை நோக்கி வந்த திருவனந்தபுரம் எக்ஸ்பிரஸ், ஜோலார்பேட்டை எக்ஸ்பிரஸ், லால்பாக் எக்ஸ்பிரஸ் ரெயில்கள் நடுவழியில் நிறுத்தப்பட்டன.
தண்டவாளம் ஒரு மணி நேரத்துக்கு பிறகு சீரமைக்கப்பட்டது. இதனை தொடர்ந்து சென்னை செல்லும் ரெயில்கள் ஒரு மணி நேரம் தாமதமாக புறப்பட்டு சென்றன. இதனால் இன்று காலையில் சென்னைக்கு பணிக்கு சென்ற ஊழியர்கள், காலாண்டு விடுமுறை முடிந்து பள்ளிக்கு சென்ற மாணவ-மாணவிகள் பாதிக்கப்பட்டனர்.
சென்னை தண்டையார்பேட்டையை சேர்ந்த மருத்துவ மாணவர் உதித்சூர்யா இந்த ஆண்டு நடைபெற்ற நீட் தேர்வில் ஆள்மாறாட்டம் செய்து தேனி மருத்துவ கல்லூரியில் மாணவனாக சேர்ந்த புகார் வெளிவந்ததை அடுத்து உதித்சூர்யா மற்றும் அவரது தந்தை மருத்துவர் வெங்கடேசன் ஆகியோரை சிபிசிஐடி தனிப்படை போலீசார் கைது செய்தனர். அவர்களைத் தொடர்ந்து மேலும் சிலர் சிக்கி உள்ளனர்.
அவரை காவலில் எடுத்து விசாரிக்க சி.பி.சி.ஐ.டி. போலீசார் முடிவு செய்துள்ளனர். விரைவில் சேலம் கோர்ட்டில் மனுதாக்கல் செய்து அவரை காவலில் எடுத்து தேனி சி.பி.சி.ஐ.டி போலீசார் விசாரணை நடத்துவார்கள் என எதிர்பார்க்கப்படுகிறது.
இதற்கிடையே, நீட் ஆள்மாறாட்ட வழக்கில் கைதான இர்பானின் தந்தை முகமது சபி டாக்டர் அல்ல என சி.பி.சி.ஐ.டி நடத்திய விசாரணையில் தெரியவந்துள்ளது. மேலும், அவர் மருத்துவ படிப்பை பாதியிலேயே நிறுத்திவிட்டு மருத்துவ தொழில் செய்ததும் விசாரணையில் தெரியவந்துள்ளது.
தூய்மை இந்தியா திட்டத்தின்கீழ் தென்னக ரெயில்வே பாரத சாரண- சாரணீயர் இயக்கம் சென்னை கோட்ட மத்திய மாவட்டம் சார்பில் பிளாஸ்டிக் இல்லா இந்தியாவை வலியுறுத்தி விழிப்புணர்வு சைக்கிள் ஊர்வலம் நடத்தப்படுகிறது.
காட்பாடி ரெயில் நிலையத்தில் இருந்து நேற்று புறப்பட்ட ஊர்வலத்தை கலெக்டர் சண்முகசுந்தரம் கொடியசைத்து தொடங்கி வைத்தார். நந்தகுமார், செந்தமிழரசு ஆகியோர் தலைமையில் 25 மாணவர்கள் சைக்கிளில் காட்பாடியில் இருந்து வாலாஜா, சோளிங்கர், அரக்கோணம், திருவள்ளூர், ஆவடி, பெரம்பூர் வழியாக நாளை (புதன்கிழமை) சென்னை எம்.ஜி.ஆர். சென்டிரல் ரெயில் நிலையத்தை அடைகின்றனர்.
நிகழ்ச்சியில் தென்னக ரெயில்வே உதவி கோட்டப் பொறியாளர் அபிஷேக்மிட்டல், ரெயில் நிலைய கண்காணிப்பாளர் ரவீந்திரநாத், காட்பாடி தாசில்தார் பாலமுருகன் உள்பட பலர் கலந்துகொண்டனர்.
இதற்கான ஏற்பாடுகளை சகாயராஜ், மணிகண்டன், கணேசன், சுந்தரேசன், மகேஷ்குமார் ஆகியோர் செய்திருந்தனர்.
வேலூர் மாவட்டத்தை 3-ஆக பிரிக்க கடந்த 25 ஆண்டுகளாக பல்வேறு போராட்டங்கள் செய்து வெற்றி கண்ட பா.ம.க. நிறுவனர் டாக்டர் ராமதாசுக்கு திருப்பத்தூரில் பாராட்டு விழா நடந்தது.
மாவட்ட பிரிப்புக்காக பலமுறை இங்கு வந்து முன்னாள் எம்.எல்.ஏ. ராஜாவுடன் போராடி உள்ளேன். இதற்கு பாராட்டப்பட வேண்டியவர் முதல்- அமைச்சர் எடப்பாடி பழனிசாமி ஏனென்றால் கடந்த 10 ஆண்டுகளாக எந்த மாவட்டமும் பிரிக்கப்படவில்லை. இவர் ஆட்சியில் தான் 5 மாவட்டங்கள் பிரிக்கப்பட்டன.
அதில் தென்காசி மாவட்டத்திற்கு நாம் போராடவில்லை. மற்ற 4 மாவட்டங்களுக்கும் நாம் போராடி வெற்றி பெற்றுள்ளோம். திருப்பத்தூர் மாவட்டம் பிரிக்கப்பட்டதற்கு முதல் காரணமாக இருந்தவர் முன்னாள் எம்.எல்.ஏ. டி.கே.ராஜா தான். 4 தொகுதிகள் மாவட்டமாகும் போது வணிகம் சிறக்கும். அதனால் வணிகர்கள் மகிழ்ச்சியில் இருக்கிறார்கள்.
மாவட்டம் பிரித்ததால் 62 அரசு துறைகள் இங்கு வரும். அதிகாரிகள் வருவார்கள். சுலபமாக பார்க்க முடியும். இந்த மாவட்டத்தில் ஒருமுனையில் இருந்து இன்னொரு முனைக்கு 225 கிலோமீட்டர் பயணிக்க வேண்டும்.
எந்த பகுதியில் இருந்து வேலூருக்கு செல்ல வேண்டுமென்றாலும் 100 கி.மீ செல்ல வேண்டும். 101 நாடுகளைவிட இந்த மாவட்டம் பெரிய மாவட்டம். இதனை எப்போதோ பிரித்து இருக்க வேண்டும்.
பா.ம.க. நோக்கமே அனைத்து குழந்தைகளும் கட்டணம் இல்லாமல் படிக்க வேண்டும். அம்பானியின் குழந்தைகள், பேரன்களுக்கு எல்லாம் கிடைக்கும் அதே கல்வி அனைவருக்கும் தரமான, சுகமான, சுமையில்லாமல் கிடைக்க வேண்டும். அனைத்து பள்ளிகளிலும் ஒரு மணி நேரமாவது விளையாட்டு இருக்க வேண்டும். மைதானம் இல்லாத பள்ளிகளுக்கு அனுமதி கொடுக்க கூடாது.
தமிழகத்தில் 10 லட்சம், 15 லட்சத்திற்கு மேல் மக்கள் தொகை உள்ள மாவட்டங்களை பிரிக்க வேண்டும். அந்த வகையில் திருவள்ளூர், சேலம் மாவட்டங்கள் அடங்கும். பக்கத்து மாவட்டமான திருவண்ணாமலை மற்றும் கடலூர், நாகை உள்ளிட்ட மாவட்டங்களை படிப்படியாக பிரிக்க வேண்டும்.
புதிய மாவட்டத்தின் மக்கள் இனி வரும் காலத்தில் பா.ம.க.வுக்கு ஆதரவு தாருங்கள். வாக்குச்சாவடிக்குள் நுழையும் போது யார் நமக்காக போராடுகிறார்கள் என எண்ணி பாருங்கள். அன்புமணி ராமதாஸ் சோறு போடும் விவசாயி தான் எனது கடவுள் என சொல்கிறார். கோடிக்கணக்கான இளைஞர்கள் அன்புமணியின் பின்னால் வருகிறார்கள். நல்ல வழிகாட்டுவார் என நினைக்கிறார்கள்.
ராஜீவ்காந்தி கொலை வழக்கில் தண்டனை பெற்று சிறையில் உள்ள 7 பேரை விடுதலை செய்ய வேண்டும். அதற்காக பல முயற்சிகளை செய்து வருகிறேன். அவர்கள் விரைவில் வெளியே வருவார்கள் என உறுதியளிக்கிறேன்.
இவ்வாறு அவர் பேசினார்.
கிருஷ்ணகிரி மாவட்டம் பர்கூர் ஜே.டி. ரோடு பகுதியை சேர்ந்த மாது மகன் சத்ய குமார் (வயது 19). பர்கூரில் உள்ள அவரது மாமாவின் கறிக்கடையில் வேலை செய்து வந்தார். திருப்பத்தூர் அருகேயுள்ள கிராமத்தை சேர்ந்தவர் 16 வயது மாணவி. பர்கூரில் உள்ள தனியார் நர்சிங் கல்லூரியில் படித்து வருகிறார்.
மாணவி தினமும் கல்லூரிக்கு பஸ்சில் சென்று படித்து வந்தார். இந்நிலையில் சத்யகுமாருக்கும், நர்சிங் கல்லூரி மாணவிக்கும் இடையே பழக்கம் ஏற்பட்டு காதலித்து வந்தனர்.
நேற்று முன்தினம் திருமணம் செய்து கொள்வதாக ஆசை வார்த்தை கூறி மாணவியை சத்யகுமார் அழைத்து சென்றார். அப்போது மாணவியை பாலியல் பலாத்காரம் செய்ததாக கூறப்படுகிறது.
இது குறித்து மாணவியின் தாய் கந்திலி போலீசில் புகார் செய்தார். போலீசார் வழக்குப் பதிவு சத்யகுமாரை போக்சோ சட்டத்தில் கைது செய்தனர்.
வாலாஜா:
ராணிப்பேட்டை முத்துக்கடை பஸ் நிலையத்தில் வேலூர் மாவட்டம் 3 ஆக பிரிக்கப்பட்டதையொட்டி பா.ம.க. நிறுவனர் டாக்டர் ராமதாசுக்கு பாராட்டு விழா பொதுக்கூட்டம் நடைபெற்றது. நிகழ்ச்சியில் பா.ம.க. நிறுவனர் டாக்டர் ராமதாஸ் சிறப்பு விருந்தினராக கலந்து கொண்டார்.
தமிழகத்திலேயே மிகப்பெரிய மாவட்டமான வேலூர் மாவட்டத்தை மக்கள் நலனுக்காகவும் நிர்வாக வசதிக்காகவும் மூன்றாக பிரிக்க வேண்டும் என்று கடந்த 25 ஆண்டுகளாக பல்வேறு போராட்டங்கள் ஆர்ப்பாட்டங்கள் நடத்தினோம்.
அப்போதைய முதல் அமைச்சர்கள் செய்யவில்லை. இப்போதைய முதல் அமைச்சர் எடப்பாடி பழனிச்சாமி செய்திருக்கிறார். அவருக்கு பா.ம.க. சார்பில் பாராட்டை தெரிவித்துக்கொள்கிறோம்.
வேலூர் மாவட்டம் கருப்பு மாவட்டமாக முத்திரையிடப்பட்டது.
விவசாயம் போச்சு, பாலாறு வறண்டு விட்டது. ஆந்திரா மாநிலத்தில் தடுப்பணை கட்டி அவர்கள் நீர் தேக்கி கொண்டனர்.
பா.ம.க. சார்பில் போராட்டங்கள் செய்தோம். நானும் 7 நாள் போராட்டத்தில் ஈடுபட்டேன். வேறு எந்த கட்சியும் செய்யவில்லை பா.ம.க. தான் அதை செய்துள்ளது. மற்ற கட்சிகள் ஓட்டுக்கும் ஆட்சிக்கும் மட்டும்தான் கவலைப்படுவார்கள் பா.ம.க. தான் மக்களை பற்றிய கவலை எப்போதும் இருக்கிறது.
மக்கள் இதையெல்லாம் நினைத்துப் பார்க்காமல் நகைக்கடன், பயிர்கடன், கல்விக்கடன் என்று பல்வேறு பொய் சொன்னவர்களுக்கு வாக்களித்தனர். நமக்கு வாக்களிக்கவில்லை.
மக்கள் ஏன் பொய் சொல்பவர்களை நம்புகிறார்கள் என்று தெரியவில்லை. மக்களுக்காக இட ஒதுக்கீடு கல்வி என்று பா.ம.க. சார்பில் பல்வேறு போராட்டங்கள் நடத்தி மக்களின் நலனை எப்போதும் கனவு காணும் எங்களுக்கு மக்கள் ஓட்டு போடவில்லை.
இலவசத்திற்காக மக்கள் விலைமதிக்க முடியாத ஓட்டை தேர்தல் நேரத்தில் சரியாக பயன்படுத்தவில்லை. மக்கள் சிந்திக்க வேண்டும்.
23 லட்சம் இளைஞர்கள் வாக்களித்தார்கள். அவர்கள் குடும்பத்தில் உள்ள அம்மா, அப்பா, தங்கை இவர்களிடம் பா.ம.க. செய்த நல்ல திட்டங்களை வரலாற்றை சொல்லி இருந்தால் மாம்பழத்திற்கு ஓட்டு வந்திருக்கும்.
நான் நினைத்திருந்தால் எத்தனையோ பதவிக்கு போயிருக்கலாம். ஆனால் இன்றைக்கும் மக்களுக்காக உழைத்து வருகிறேன். முதுமையில் கூட கோல் ஊன்றி உங்களுக்காக போராடுவேன். எங்களை நம்பி வாருங்கள் கல்வி, விவசாயம் பெருகும், சுகாதாரம் இருக்கும் எங்களுக்கு ஒரு முறை வாய்ப்பு தாருங்கள்.
எங்களுக்கு அடுக்கு மொழியில் பேசத் தெரியாது. நாங்கள் கோடம்பாக்கத்தில் இருந்து வந்தவர்கள் அல்ல. எங்களுக்கு பொய் பேசத் தெரியாது. நாங்கள் விவசாய குடும்பத்தில் பிறந்தவர்கள். விவசாய பிள்ளைகள். நாங்கள் பொய் சொல்ல மாட்டோம். பசியென்று வந்தவர்களுக்கு சோறு போட்டு நாங்கள் பட்டினியாக இருப்போம். அப்படிப்பட்ட வம்சத்தில் இருந்து வந்தவர்கள் நாங்கள்.
மக்கள் வாக்குகளை சரியாக பயன்படுத்தவில்லை. வேலூர் மாவட்டத்தை முன்னேற்றம் செய்ய மக்களுக்காக பல்வேறு போராட்டங்கள் நடத்தியவன் இந்த ராமதாஸ்.
எங்கள் கட்சிக்காரர்களுக்கு எப்போதுமே முகத்தில் சோர்வு தெரியாது. ஏனென்றால் எப்போதுமே மக்களோடு மக்களாக இருக்கிறார்கள்.
மக்கள் யோசித்து அவர்களின் விலை மதிக்க முடியாத வாக்கை சரியாக பயன்படுத்த வேண்டும்.
இவ்வாறு அவர் பேசினார்.
வேலூர்:
காட்பாடியில் வேலூர் சித்தூர் மெயின் ரோட்டில் சில்க் மில் பஸ் நிறுத்தம் அருகில் இருந்து ரெயில்நிலையம் வரையிலும் நடை பாதை அமைக்க திட்டமிடப்பட்டுள்ளது. நவீன டைல்ஸ் பதிக்கப்பட்டு இந்த நடைபாதை அமைக்க உள்ளதாக அதிகாரிகள் தெரிவித்தனர்.
இதற்காக சாலையோரம் இருந்த ஆக்கிரமிப்புகளை அகற்ற முடிவு செய்தனர். இன்று காலை நெடுஞ்சாலைத்துறை அதிகாரிகள் சில்க் மில் பஸ் நிறுத்தம் அருகிலிருந்து மில்லினியம் பிளாசா வரையில் உள்ள ஆக்கிரமிப்புகளை அகற்றினர்.
அப்போது 50க்கும் மேற்பட்ட கடைகள் முன்பு இருந்த சிமெண்டு தடுப்புகள் விளம்பர போர்டுகள் போன்றவற்றை எடுத்தனர்.
அப்போது வியாபாரிகளுக்கும் அதிகாரிகளுக்கும் வாக்குவாதம் ஏற்பட்டது.
பாதுகாப்பு பணியில் ஈடுபட்டிருந்த போலீசார் வியாபாரிகளை சமாதானம் செய்தனர். தொடர்ந்து ஆக்கிரமிப்பு அகற்றும் பணி நடந்தது. தொடர்ந்து நடைபாதை அமைக்கும் பணிகள் மேற்கொள்ளப்படும் என அதிகாரிகள் தெரிவித்தனர்.
