ஈரோடு

ஈரோடு:

காவிரி மேலாண்மை வாரியத்தை மத்திய அரசு உடனடியாக அமைக்க வலியுறுத்தி தமிழகம் முழுவதும் அனைத்து அரசியல் கட்சி, பொது அமைப்பினர், விவசாய சங்கத்தினர் மற்றும் பொதுமக்கள் போராட்டங்கள் நடத்தி வருகிறார்கள்.

இதேபோல் அம்மா மக்கள் முன்னேற்றக் கழகத்தின் சார்பில் பல்வேறு போராட்டங்கள் அறிவிக்கப்பட்டு கட்சியின் துணைப் பொதுச் செயலாளர் டி.டி.வி.தினகரன் எம்.எல்.ஏ.தலைமையில் போராட்டங்கள் நடத்தப்பட்டு வருகின்றன.

முதல்கட்டமாக தஞ்சையில் உண்ணாவிரதம் போராட்டம் நடந்தது. இதில் விவசாயிகள் பெருந்திரளாக கலந்து கொண்டனர். பின்னர் திருச்சி விமான நிலையம் முற்றுகை போராட்டம் நடந்தது.

இதை தொடர்ந்து 3-வது கட்டமாக காவிரி பாயும் மாவட்ட தலை நகரங்களில் ஆர்ப்பாட்டம் நடத்தப்படும் என்று அறிவிக்கப்பட்டு கடந்த 7-ந் தேதி தர்மபுரி, சேலம் மாவட்டங்களில் ஆர்ப்பாட்டங்கள் நடந்தன.

அதன்படி நாளை (வியாழக்கிழமை) ஈரோடு மாவட்ட அம்மா மக்கள் முன்னேற்றக் கழகம் சார்பில் ஆர்ப்பாட்டம் நடக்கிறது. ஈரோடு வீரப்பன்சத்திரம் பஸ் நிறுத்தத்தில் நடக்கும் இந்த ஆர்ப்பாட்டத்துக்கு அம்மா மக்கள் முன்னேற்றக் கழகம் துணை பொதுச் செயலாளர் டி.டி.வி.தினகரன் எம்.எல்.ஏ.தலைமை தாங்குகிறார். மத்திய அரசை கண்டித்து ஆர்ப்பாட்டம் செய்கிறார்.

முன்னாள் அமைச்சரும், கொங்கு மண்டல பொறுப்பாளருமான செந்தில்பாலாஜி முன்னிலை வகிக்கிறார். மாநில நிர்வாகிகள் கலந்து கொள்கிறார்கள்.

இதேபோல் ஜெ.தீபாவும் ஈரோட்டில் நாளை ஆர்ப்பாட்டம் நடத்துகிறார்.

நாளை காலை 11 மணிக்கு ஈரோடு ரெயில் நிலையம் முன்பு காவேரி மேலாண்மை வாரியம் அமைக்காத மத்திய அரசை கண்டித்து ஆர்ப்பாட்டத்தில் ஈடுபடுகிறார். அவருடன் ஜெ.தீபா பேரவை நிர்வாகிகளும் கலந்து கொள்கிறார்கள்.

பு.புளியம்பட்டி:

பெங்களூருவில் இருந்து சத்தியமங்கலம் வழியாக கோவைக்கு நேற்று இரவு கர்நாடக மாநில அரசு பஸ் ஒன்று சென்று கொண்டிருந்தது.

இந்த பஸ் நள்ளிரவு 12 மணி அளவில் பு.புளியம்பட்டி அடுத்த புதுப்பாளையம் பிரிவில் வந்த போது இருளில் பதுங்கி இருந்த ‘மர்ம’ ஆசாமிகள் அந்த பஸ் மீது கற்கள் வீசினர்.

இதில் பஸ்சின் முன்பக்க கண்ணாடி உடைந்தது. ஆனால் இந்த சம்பவத்தில் யாரும் காயம் அடைய வில்லை. இது பற்றி தகவல் கிடைத்ததும் சம்பவ இடத்துக்கு புஞ்சை புளியம்பட்டி போலீசார் விரைந்தனர். பஸ் டிரைவரிடம் விசாரணை நடத்தி பஸ் மீது கற்களை வீசிய மர்ம ஆசாமிகளை போலீசார் தேடி வருகிறார்கள்.

ஈரோடு:

ஈரோடு அருகே உள்ள திண்டல் அடுத்து செங்கோடம்பள்ளம் உள்ளது. பெருந்துறை ரோட்டில் உள்ள இப்பகுதி இரவும்-பகலும் என எப்போதும் பரபரப்பாகவும் போக்குவரத்து நெரிசலும் காணப்படும்.

இந்த நிலையில் செங்கோடம்பள்ளம் பஸ் நிறுத்தத்தில் கடந்த 6 நாட்களாக சேலம் பதிவு எண் கொண்ட ஒரு ஆம்னி வேன் கேட்பாரற்று நிற்கிறது.

மேலும் அந்த வேனின் கதவுகள் திறந்தபடியே உள்ளது. சம்பவத்தன்று இந்த வேனில் 5 பேர் வந்துள்ளனர்.

ஆம்னி வேனை பஸ் நிறுத்தத்தில் நிறுத்தி விட்டு 5 பேரும் இறங்கினர். பிறகு அங்கு ஒரு ஆட்டோவை அழைத்து ஆட்டோ வருமா? விஜயமங்கலம் வரை போக வேண்டும் என்று கூறி உள்ளனர்.

அதற்கு அந்த ஆட்டோ டிரைவர் அவ்வளவு தூரத்துக்கு ஆட்டோ வராது என்று கூறி உள்ளார்.

இதனால் அவர்கள் ஒரு பஸ்சை நிறுத்தி ஏறி சென்று விட்டனர். இதை நேரில் பார்த்த பொதுமக்கள் கூறினர்.

விஜயமங்கலம் போக வேண்டிய அவர்கள் வேனிலேயே போய் இருக்கலாமே? எதற்காக ஆட்டோ கேட்டுள்ளனர்? பிறகு ஏன் வேனை நிறுத்தி விட்டு பஸ்சில் சென்றுள்ளனர்? என்பது மர்மமாக உள்ளது.

வேனில் இருந்து வந்தவர்கள் அந்த வேனை எங்கிருந்தாவது கடத்தி கொண்டு வந்தார்களா? வழியில் ஈரோட்டில் நிறுத்தி விட்டு சென்றார்களா? என்ற பல கேள்விகள் எழுந்துள்ளது.

6 நாட்களாக செங்கோடம் பள்ளம் பஸ் நிறுத்தத்திலேயே அந்த வேன் நிற்பது பற்றி இன்னும் யாரும் கண்டு கொண்டதாகவே தெரிய வில்லை.

எல்லைக்குட்பட்ட ஈரோடு தாலுகா போலீசாருக்கும் அந்த மர்ம ஆம்னி வேன் கண்ணில் படவில்லை. அப்பகுதியில் போலீசார் ரோந்து சென்றால் கூட இந்த மர்ம வேன் குறித்து பொதுமக்கள் போலீசாருக்கு தகவல் கொடுத்திருப்பார்கள்.

இனியும் காலம் தாழ்த்தாமல் போலீசார் அந்த மர்ம வேன் பற்றி நடவடிக்கை எடுக்க வேண்டும். மர்மத்தை வெளிச்சத்துக்கு கொண்டு வர வேண்டும்.  #tamilnews

ஈரோடு:

ஈரோடு வீரப்பன்சத்திரத்தில் மாநகர் மாவட்டம் மற்றும் வடக்கு மாவட்ட காங்கிரஸ் சார்பில் உண்ணாவிரதம் நடந்தது. சமூக, மத நல்லிணக்கத்தை வலியுறுத்தியும், மத்திய அரசை கண்டித்தும் இந்த உண்ணாவிரதம் நடந்தது.

மாநகர் மாவட்ட காங்கிரஸ் தலைவர் ஈ.பி. ரவி தலைமை தாங்கினார். வடக்கு மாவட்ட தலைவர் சரவணன் முன்னிலை வகித்தார்.

மாநில துணை தலைவர் நல்லசாமி, பொதுச் செயலாளர் பாலசுப்பிரமணியம், முன்னாள் தலைவர் ராஜேந்திரன், மண்டல தலைவர்கள் ஆயுப் அலி, திருச்செல்வம், விவேகானந்தன், ஜாபர் சாதிக், மாவட்ட துணை தலைவர் ராஜேஸ் ராஜப்பா, சிறுபான்மை பிரிவு தலைவர் சுரேஷ், நிர்வாகிகள் பாஷா, முகமது சாதிக், மகிளா காங்கிரஸ் புவனேஸ்வரி உள்பட பலர் கலந்து கொண்டனர்.

ஈரோடு தெற்கு மாவட்ட காங்கிரஸ் சார்பில் ஈரோடு மூலப்பட்டறையில் உண்ணாவிரதம் நடந்தது. வன் கொடுமை சட்டத்தை திருத்தம் செய்வதை கண்டித்தும், தலித் மக்கள் உரிமையை காக்க வலியுறுத்தியும் இந்த போராட்டம் நடந்தது.

தெற்கு மாவட்ட காங்கிரஸ் தலைவர் மக்கள் ராஜன் தலைமை தாங்கினார். முன்னாள் எம்.எல்.ஏ. ஆர். எம். பழனிச்சாமி தொடங்கி வைத்தார்.

மாநில பொதுக்குழு உறுப்பினர்கள் செங்குளம் பழனிச்சாமி, சந்திரசேகர், வட்டார தலைவர்கள் முத்துக்குமார், கோபால கிருஷ்ணன், சிவக்குமார், நடராஜ், துணை தலைவர்கள் மோகன், சாதிக் பாட்ஷா, ரவி, உழவர் உழைப்பாளர் கட்சி தண்டாயுதபாணி உள்பட பலர் கலந்து கொண்டனர்.