என் மலர்

    நீங்கள் தேடியது "Farmers Protest"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாவட்ட கலெக்டரிடம் மற்றும் வேளாண்மை துறை அலுவலகம் பலர் புகார் அளித்தும் எந்த நடவடிக்கை எடுக்கப்படவில்லை என தெரிகிறது.
    • இதை கண்டித்து ஆத்தூர் உழவர் சந்தை எதிரே விவசாயிகள் பச்சை நிற உடை அணிந்து சாலை மறியல் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

    ஆத்தூர்:

    சேலம் மாவட்டம் ஆத்தூர் உழவர் சந்தைக்கு ஆத்தூர், கெங்கவல்லி, தம்மம்பட்டி, செந்தாரப்பட்டி, தலைவாசல் சுற்றுவட்டார நூற்றுக்கும் மேற்பட்ட கிராமங்களிலிருந்து விவசாயிகள் தங்கள் விளை பொருட்களை கொண்டு வந்து தினந்தோறும் விற்பனை செய்து வருகின்றனர்.

    இந்த உழவர் சந்தையில் விவசாயிகளை விட வியாபாரிகள் அதிகம்பேர் போலியான உழவர் அட்டை வைத்துக்கொண்டு விற்பனை செய்வதாக தொடர்ந்து புகார் எழுந்து வந்தது.

    மேலும் இங்கு பணியாற்றும் வேளாண்மை துறை அலுவலர்கள் விவசாயிகளை இழிவாகவும், தரக்குறைவாகவும் பேசுவதாகவும் அரசுத்துறை அலுவலர்கள் வெளி மாநிலங்களில் இருந்து லாரிகள் மூலம் தக்காளியை கொண்டுவந்து கூடுதல் விலை நிர்ணயம் செய்து உழவர் சந்தையில் விற்கப்படுவதாகவும் விவசாயிகள் குற்றம் சாட்டி வந்தனர்.

    மாவட்ட கலெக்டரிடம் மற்றும் வேளாண்மை துறை அலுவலகம் பலர் புகார் அளித்தும் எந்த நடவடிக்கை எடுக்கப்படவில்லை என தெரிகிறது.

    இதை கண்டித்து ஆத்தூர் உழவர் சந்தை எதிரே விவசாயிகள் பச்சை நிற உடை அணிந்து சாலை மறியல் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

    இதுபற்றி விவசாயி மணிமேகலை கூறும்போது, ஆத்தூர் உழவர் சந்தையில் விவசாயிகளை விட வியாபாரிகள் அதிகளவில் விற்பனை செய்யப்படுவதால் விவசாயிகள் கொண்டு வரும் விளை பொருள்களுக்கு விற்பனை செய்ய முடியவில்லை. போலியான உழவர் அட்டை வைத்து பலர் உழவர் சந்தையில் வியாபாரம் செய்து வருகின்றனர்.

    அரசுத்துறை அலுவலர்கள் தங்களுக்கு தேவையானவர்களுக்கு விளைபொருட்களின் விலை கூடுதலாக போட்டு விற்பனை செய்ய அனுமதி வழங்கி வருகின்றனர். மேலும் பெண்களை இழிவாக பேசி வரும் அலுவலர்களை இடமாற்றம் செய்ய வேண்டும் என்றார்.

    மீனா என்ற பெண் விவசாயி கூறும்போது, இங்கு பணியாற்றும் சின்னதுரை என்ற வேளாண்மை அலுவலர் பெண்களை இழிவாக பேசி தரக்குறைவாக பேசி வருகிறார். மேலும் பலரிடம் பணத்தை பெற்றுக்கொண்டு போலியான அட்டைகளை வழங்கி உள்ளார். இது குறித்து கலெக்டரிடமும், அதிகாரிகளிடமும் புகார் செய்தும் எந்த பலனும் அளிக்கவில்லை என்றார்.

    இந்த மறியல் போராட்டம் காரணமாக அந்த வழியாக சிறிதுநேரம் போக்குவரத்து பாதிக்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிஏபி பாசனத் திட்டத்தில் 4.25 ஏக்கா் விவசாய நிலங்கள் பாதிக்கப்படும்
    • அரசு சாா்பில் அரசாணையை ரத்து செய்வதாக உறுதியான முடிவைத் தெரிவிக்க வேண்டும்.

    உடுமலை :

    கோவை மாவட்டம், ஆழியாற்றில் இருந்து திண்டுக்கல் மாவட்டம் ஒட்டன்சத்திரத்துக்கு குடிநீா்க் கொண்டு செல்வது தொடா்பாக அரசாணை வெளியிடப்பட்டுள்ளது.இதனால், பிஏபி பாசனத் திட்டத்தில் 4.25 ஏக்கா் விவசாய நிலங்கள் பாதிக்கப்படுவதுடன், இத்திட்டத்தில் விநியோகிக்கப்படும் குடிநீரின் அளவு குறையும் என்பதால் விவசாயிகள் எதிா்ப்புத் தெரிவித்து வருகின்றனா்.

    ஒட்டன்சத்திரத்துக்கு குடிநீா்க் கொண்டு செல்வதற்கான அரசாணையை ரத்து செய்யக் கோரி பொள்ளாச்சியில் வருகிற 27 ந் தேதி கவன ஈா்ப்பு ஆா்ப்பாட்டம் நடத்தப்படும் என்று விவசாயிகள் சங்கங்கள் சாா்பில் ஏற்கெனவே அறிவிக்கப்பட்டிருந்தது.

    இந்நிலையில், மாவட்ட கலெக்டர் அலுவலகத்தில் பரம்பிக்குளம்-ஆழியாறு, பாலாறு பாசன சங்க பிரதிநிதிகளுடன் செய்தித் துறை அமைச்சா் மு.பெ.சாமிநாதன் ஆலோசனை நடத்தினார்.அப்போது பேச்சுவாா்த்தை மூலமாகத் தீா்வு ஏற்படுத்த வேண்டும் என்பதால் ஆா்ப்பாட்டத்தை ஒத்திவைக்கவேண்டும் என்று வேண்டுகோள் விடுத்திருந்தனா். இது தொடா்பாகஅனைத்து சங்கங்களுடனும் ஆலோசனை நடத்தி முடிவைத் தெரிவிக்குமாறு வலியுறுத்தியிருந்தாா். இதைத தொடா்ந்து, விவசாயிகள் சங்கப்பிரதிநிதிகள் பாசன சபை சங்க நிா்வாகிகள், பொள்ளாச்சி பகுதி வணிகா்களுடன் ஆலோசனை நடத்தியுள்ளனா்.

    இது குறித்து திருமூா்த்தி நீா்த்தேக்க முன்னாள் திட்டக் குழுத்தலைவா் மெடிக்கல் பரமசிவம் கூறியதாவது:- செய்தித்துறை அமைச்சா் மு.பெ.சாமிநாதன் வேண்டுகோளின்படி பாசன சபை சங்க நிா்வாகிகள், வணிகா்களுடன் ஆலோசனை நடத்தப்பட்டது.

    அப்போது கோப்புபடம் அவ்வாறு தெரிவிக்கும் பட்சத்தில் கவன ஈா்ப்பு ஆா்ப்பாட்டம் அரசுக்கு நன்றி அறிவிப்புக் கூட்டமாக மாற்றிக் கொள்வோம்.

    அதேவேளையில், அரசு சாா்பில் அரசாணையை ரத்து செய்வது தொடா்பாக உறுதியளிக்காவிட்டால் ஏற்கனவே அறிவித்தபடி 27-ந் தேதி பொள்ளாச்சியில் ஆா்ப்பாட்டம் நடைபெறும் என்றாா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருச்சி கலெக்டர் அலுவலகத்தில் தேசிய தென்னிந்திய நதிகள் இணைப்பு விவசாயிகள் சங்கத்தின் மாநிலத் தலைவர் அய்யாக்கண்ணு தலைமையில் காத்திருப்பு போராட்டம் நடைபெற்றது
    • தமிழகம் முழுவதும் நெல் கொள்முதல் நிலையம் திறந்து விவசாயிகளிடம் லஞ்சம் வாங்காமல் நெல் கொள்முதல் செய்ய உதவிட வேண்டும்


    திருச்சி:

    தேசிய தென்னிந்திய நதிகள் இணைப்பு விவசாயிகள் சங்கத்தின் மாநிலத் தலைவர் அய்யாக்கண்ணு மற்றும் துணைத்தலைவர் மேகராஜன், செய்தி தொடர்பாளர் பிரேம்குமார் இன்று தனது ஆதரவாளர்கள் சுமார் நூற்றுக்கும் மேற்பட்டோர் உடன் இன்று கலெக்டர் அலுவலகத்திற்கு மனு கொடுக்க வந்தனர்.

    அப்போது திடீரென்று அய்யாக்கண்ணு தனது ஆதரவாளர்களுடன் கலெக்டர் அலுவலக வாசலில் தரையில் அமர்ந்து காத்திருப்பு போராட்டத்தில் ஈடுபட்டார். பின்னர் அவர் நிருபர்களிடம் கூறியதாவது:

    மேகதாதுவில் அணை கட்டினால் தமிழகம் முழுவதும் பாலைவனமாக மாறிவிடும். மேகதாது அணை கட்டாமல் இருக்கவும், அணை கட்ட உதவி வரும் காவிரி மேலாண்மை ஆணையத்தின் மீது உரிய வழக்கு தொடர வேண்டும்.

    உரத்தின் விலை மிகவும் அதிகமாக விற்பனை செய்யப்படுகிறது. ஆகவே அதையும் குறைக்க வேண்டும். தமிழகம் முழுவதும் நெல் கொள்முதல் நிலையம் திறந்து விவசாயிகளிடம் லஞ்சம் வாங்காமல் நெல் கொள்முதல் செய்ய உதவிட வேண்டும்.

    கோடை காலத்தில் விவசாய கூலித் தொழிலாளர்களுக்கு வேலை கிடைக்காததால் 100 நாட்கள் வேலைத் திட்டத்தைக் கொண்டு வந்தார்கள்.

    தற்பொழுது வருடம் முழுவதும் 100 நாட்கள் வேலைத் திட்டத்தை விரிவுபடுத்தியதால் மழைக்காலங்களில் நடவு நட, களையெடுக்க ஆட்கள் கிடைக்கவில்லை. எனவே 100 நாட்கள் வேலைத் திட்டத்தில் பணிபுரியும் வேலையாட்களை விவசாய பணிக்கு அனுப்ப வேண்டும்.

    இவ்வாறு அவர் கூறினார்.

    பின்னர் நீண்ட நேரமாக கலெக்டர் அலுவலக வாசலில் உட்கார்ந்து கொண்டு மேகதாதுவில் அணை கட்ட எதிர்ப்பு தெரிவித்து அய்யாக்கண்ணு தரப்பிலான விவசாயிகள் காத்திருப்பு போராட்டத்தில் ஈடுபட்டனர்.

    இதனால் சுமார் இரண்டு மணி நேரத்திற்கு மேலாக கலெக்டர் அலுவலகத்தில் பரபரப்பான சூழ்நிலை ஏற்பட்டது.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசு ஆதார கொள்முதல் விலையாக கிலோவிற்கு 20.60 ரூபாய் நிர்ணயித்த போதிலும் கொள்முதல் மையம் திறக்கப்படாததால், தனியாரிடம் குறைந்த விலைக்கு கிலோ 14 ரூபாய் அளவிற்கு நெல்லை விற்பனை செய்கிறோம்.
    • சோளங்காபாளையம் நால் ரோட்டின் மத்தியில் நெல்லை கொட்டி விவசாயிகள் மறியல் போராட்டத்தில் ஈடுபட்டாலும் சாலையின் இருபுறங்களிலும் வழக்கம்போல் போக்குவரத்து பாதிப்பில்லாமல் நடைபெற்றது.

    ஈரோடு:

    ஈரோடு மாவட்டம் கொடுமுடி அடுத்த சோளங்காபாளையத்தில் நெல் கொள்முதல் மையம் திறக்க கோரி இன்று காலை ஈரோடு-கரூர் பிரதான சாலையில் திடீரென நெல்லை கொட்டியும், டிராக்டரை நிறுத்தியும் விவசாயிகள் மறியல் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

    இது குறித்து போராட்டத்தில் ஈடுபட்ட விவசாயிகள் கூறியதாவது:-

    காலிங்கராயன் கால்வாய் பாசனத்தில் இந்த பகுதியில் மட்டும் சுமார் 700 ஏக்கரில் நெல் அறுவடை பணிகள் நடைபெற்று வருகின்றன. இந்த பகுதியில் 10-க்கும் மேற்பட்ட நெல் கொள்முதல் நிலையங்கள் இருந்தது. ஆனால் மே மாதத்துடன் அவை அனைத்தும் மூடப்பட்டு விட்டது.

    அரசு ஆதார கொள்முதல் விலையாக கிலோவிற்கு 20.60 ரூபாய் நிர்ணயித்த போதிலும் கொள்முதல் மையம் திறக்கப்படாததால், தனியாரிடம் குறைந்த விலைக்கு கிலோ 14 ரூபாய் அளவிற்கு நெல்லை விற்பனை செய்கிறோம். அதையும் வியாபாரிகள் வாங்க மறுத்து வருகின்றனர்.

    இவ்வாறு அவர்கள் கூறினர்.

    இதுகுறித்து தகவல் அறிந்ததும் கொடுமுடி போலீசார் சம்பவ இடத்திற்கு விரைந்து வந்து மறியல் போராட்டத்தில் ஈடுபட்டுவரும் விவசாயிகளிடம் பேச்சுவார்த்தை நடத்தினர். சோளங்காபாளையம் நால் ரோட்டின் மத்தியில் நெல்லை கொட்டி விவசாயிகள் மறியல் போராட்டத்தில் ஈடுபட்டாலும் சாலையின் இருபுறங்களிலும் வழக்கம்போல் போக்குவரத்து பாதிப்பில்லாமல் நடைபெற்று வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அரியலூர் மாவட்டம் திருமானூரில் நிவாரணம் உள்ளிட்ட பல்வேறு கோரிக்கைகளை வலியுறுத்தி விவசாயிகள் வயலில் இறங்கி போராட்டத்தில் ஈடுபட்டனர்.
    திருமானூர்:

    அரியலூர் மாவட்டம் திருமானூர் பகுதியில் கடந்த இரண்டு நாட்களாக தொடர்ந்து கொட்டித்தீர்த்து வரும் மழையால் சுமார் 100 ஏக்கருக்கும் மேலாக நெல் வயல்கள் நீரில் மூழ்கி அழிந்துவிட்டன.

    இவற்றுக்கு நிவாரணம் வழங்க கோரி, திருமானூர் ஒன்றியம் டெல்டா பகுதியான கீழக்கா வட்டாங்குறிச்சி பஞ்சாயத்துக்கு உட்பட்ட குந்தபுரம் கிராமத்தில் நீரில் மூழ்கிய வயல்வெளியில் இறங்கி அகில இந்திய மக்கள் சேவை இயக்க விவசாயப் பிரிவு மாநிலத் தலைவர் தங்க சண்முக சுந்தரம் தலைமையில் விவசாயிகள் முத்து, உத்திராபதி, வளர்மதி, ஆனந்த், அகில இந்திய மக்கள் சேவை இயக்க விவசாயப் பிரிவு மாநில செயலாளர் அருளானந்தம், உள்ளிட்ட ஏராளமான விவசாயிகள் போராட்டத்தில் ஈடுபட்டனர்.

    இப்போராட்டத்தில் பாதிக்கப்பட்ட நெற்பயிர்களுக்கு நிவாரணம் வழங்கிட வேண்டும் எனவும், நெற்பயிர்கள் பாதிப்புக்கு காரணமாக உள்ள கீழக்காவட்டாங்குறிச்சி பஞ்சாயத்துக்கு உட்பட்ட குந்தபுரம்கள்ளூர் சாலையில் தரைப்பாலத்தை உயர்மட்ட பாலமாக உயர்த்தி தர வேண்டும் எனவும் மேலும் ஓடைகளை சரியான முறையில் தூர்வாரவும் நடவடிக்கை எடுக்க வேண்டும் எனவும், பாதிக்கப்பட்ட நெல் வயல்களை உடனடியாக மாவட்ட நிர்வாகம் ஆய்வு செய்ய வேளாண் துறை அதிகாரிகளை அனுப்பி வைத்து விவசாயிகளை சந்தித்து ஆறுதல் படுத்திட வேண்டும் எனவும், முறையாக ஆய்வு செய்து விவசாயிகளுக்கு உரிய நிவாரணம் வழங்க உடனடியாக நடவடிக்கை எடுக்க வேண்டும் எனவும் போராட்டம் நடைபெற்றது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    விவசாயிகள் மீதான வழக்குகளை ரத்து செய்ய வேண்டும், குறைந்தபட்ச ஆதார விலை உத்தரவாதம் அளிக்க வேண்டும் உள்ளிட்ட கோரிக்கைகளை நிறைவேற்றும்படி பிரதமருக்கு விவசாயிகள் கடிதம் எழுதி உள்ளனர்.
    புதுடெல்லி:

    விவசாயிகளின் தொடர் போராட்டங்களைத் தொடர்ந்து, 3 வேளாண் சட்டங்களை வாபஸ் பெற போவதாக பிரதமர் மோடி அறிவித்தார். இதற்கான நடைமுறை பாராளுமன்ற குளிர்கால கூட்டத்தொடரில் தொடங்கும் என கூறினார். ஆனால் விவசாயிகளோ வேளாண் சட்டத்தை முழுமையாக ரத்து செய்யும் வரை போராட்டம் தொடரும் என கூறி, போராட்டக் களங்களிலேயே முகாமிட்டுள்ளனர்.

    பாராளுமன்ற குளிர்கால கூட்டத்தொடர் தொடங்கும் நாளான நவம்பர் 29ம் தேதி பாராளுமன்றத்தை நோக்கி, 60 டிராக்டர்கள், 1000 விவசாயிகள் பங்கேற்கும் பேரணி நடைபெறும் என விவசாய சங்க தலைவர் ராகேஷ் திகாய்த் தெரிவித்திருந்தார்.

    இந்த நிலையில் பாராளுமன்ற குளிர்கால கூட்டத்தொடரின் முதல் நாளில் (நவம்பர் 29) விவசாயிகளின் கோரிக்கைகளை ஏற்று வேளாண் சட்டங்களை ரத்து செய்வதற்கான மசோதா தாக்கல் செய்யப்படும் என மத்திய மந்திரி நரேந்திர சிங் தோமர் இன்று தெரிவித்தார்.

    இதையடுத்து விவசாயிகள் பாராளுமன்றத்தை நோக்கி நடத்தவிருந்த பேரணியை ஒத்திவைத்துள்ளனர். வரும் 29ஆம் தேதி பாராளுமன்றத்தில் சட்டங்கள் நீக்கப்படும் என்று அரசாங்கம் உறுதி அளித்திருப்பதால், பாராளுமன்றம் நோக்கிய பேரணியை ஒத்திவைத்திருப்பதாக விவசாய சங்க தலைவர் தர்ஷன் பால் தெரிவித்தார்.

    ‘எங்களின் மற்ற கோரிக்கைகள் தொடர்பாக பிரதமருக்கு கடிதம் எழுதி உள்ளோம். விவசாயிகள் மீதான வழக்குகளை ரத்து செய்ய வேண்டும், குறைந்தபட்ச ஆதார விலை உத்தரவாதம் அளிக்க வேண்டும், போராட்டத்தின்போது உயிரிழந்த விவசாயிகளின் குடும்பங்களுக்கு இழப்பீடு வழங்க வேண்டும், வேளாண் கழிவுகள் எரிப்பு வழக்குகள் மற்றும் மின் கட்டணத்தை ரத்து செய்ய வேண்டும் என கோரிக்கை விடுத்துள்ளோம். அரசின் பதிலுக்காக டிசம்பர் 4ம் தேதிவரை காத்திருப்போம். அதன்பின்னர் அடுத்தகட்ட செயல்பாடுகள் குறித்து அறிவிப்போம்’ என்றும் தர்ஷன் பால் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வேளாண் சட்டங்கள் வாபஸ் என்ற பிரதமரின் இந்த அறிவிப்பை விவசாய சங்கங்கள் வரவேற்றுள்ள போதிலும், உடனடியாக தங்கள் போராட்டத்தை முடித்து கொள்ள தயாராக இல்லை.
    புதுடெல்லி:

    விவசாயிகளின் கடும் எதிர்ப்பு மற்றும் தொடார் போராட்டம் காரணமாக, 3 வேளாண் சட்டங்களையும் திரும்ப பெற முடிவு செய்திருப்பதாக பிரதமர் மோடி அறிவித்தார். இதற்கான நடைமுறை வரும் பாராளுமன்ற கூட்டத்தொடரில் தொடங்கும் என்றும் கூறினார். பிரதமரின் இந்த அறிவிப்பை விவசாய சங்கங்கள் வரவேற்றுள்ள போதிலும், உடனடியாக தங்கள் போராட்டத்தை முடித்து கொள்ள தயாராக இல்லை. 

    வேளாண் சட்டங்களை வருகிற பாராளுமன்ற குளிர்கால கூட்டத் தொடரில் முறைப்படி வாபஸ் பெறும்வரை தங்களது போராட்டம் தொடரும் என்று விவசாயிகள் அறிவித்துள்ளனர். பாராளுமன்ற குளிர்காலத் கூட்டத் தொடரின்போது பாராளுமன்றத்தை நோக்கி பேரணி நடத்தவும் முடிவு செய்துள்ளனர். 

    விவசாயிகள் போராட்டம்

    இந்நிலையில்,  நவம்பர் 24 ம் தேதி மத்திய அமைச்சரவை கூட்டம் நடைபெறும் எனவும், இக்கூட்டத்தில் வேளாண் சட்டங்கள் ரத்து செய்யப்படுவதற்கான மசோதாகள் குறித்து விவாதிக்கப்பட்டு ஒப்புதல் அளிக்கப்படும் என்றும் தகவல் வெளியாகி உள்ளது. நவம்பர் 29ம் தேதி தொடங்கும் பாராளுமன்ற குளிர்கால  கூட்டத்தொடரில், வேளாண் சட்டங்களை திரும்ப பெறுவதற்கான மசோதாக்கள் தாக்கல் செய்யப்படுகின்றன. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வேளாண் சட்டங்கள் ரத்து என்ற பிரதமரின் அறிவிப்புக்கு பல்வேறு தரப்பினர் ஆதரவு தெரிவித்து வருகின்றனர்.
    மும்பை:

    பிரதமர் நரேந்திர மோடி நேற்று நாட்டு மக்களுக்கு உரையாற்றினார். அப்போது, வேளாண் சட்டங்களின் நலனை ஒரு தரப்பு விவசாயிகளுக்கு எங்களால் புரிய வைக்க முடியவில்லை.  எனவே, மத்திய அரசு கொண்டு வந்த 3 வேளாண் சட்டங்களையும் வாபஸ் பெற முடிவு செய்துள்ளோம் என தெரிவித்தார்.

    வேளாண் சட்டங்களை திரும்பப் பெறுவதாக பிரதமர் மோடி அறிவித்ததை தொடர்ந்து, டெல்லி எல்லையில் போராட்டத்தில் ஈடுபட்டு வரும் விவசாயிகள் தங்கள் மகிழ்ச்சியை வெளிப்படுத்தும் விதமாக இனிப்புகள் வழங்கி கொண்டாடினர். 

    இந்நிலையில், பாலிவுட் நடிகை கங்கனா ரணாவத் சர்வாதிகாரமே தீர்வு என குறிப்பிட்டுள்ளார்.

    இதுதொடர்பாக கங்கனா தனது இன்ஸ்டாகிராம் ஸ்டோரியில், சோகம், அவமானம் மற்றும் முற்றிலும் நியாயமற்றது என பதிவிட்டுள்ளார்.

    மேலும், தெருவில் உள்ளவர்கள் சட்டங்களை இயற்றத் தொடங்கிவிட்டார்கள். பாராளுமன்றத்தில் தேர்ந்தெடுக்கப்பட்ட அரசாங்கம் அல்ல, இதுவும் ஒரு ஜிகாதி தேசம்தான்... இப்படி விரும்பிய அனைவருக்கும் வாழ்த்துக்கள் என்றார்.

    அவரது அடுத்த இன்ஸ்டாகிராம் ஸ்டோரியில், இந்திரா காந்தியின் 104-வது பிறந்தநாளுக்கு வாழ்த்து தெரிவித்த அவர், தேசத்தின் மனசாட்சி ஆழ்ந்த உறக்கத்தில் இருக்கும்போது, ​​லத்தி  (குச்சி)தான் ஒரே தீர்வு, சர்வாதிகாரம்தான் ஒரே தீர்மானம். பிறந்தநாள் வாழ்த்துகள் மேடம்  என கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வேளாண் சட்டங்களை பாராளுன்றம் ரத்து செய்யும்வரை போராட்டத்தை தொடர விவசாயிகளில் ஒரு குழுவினர் திட்டமிட்டுள்ளனர்.
    புதுடெல்லி:

    வேளாண் சட்டங்களை திரும்ப பெற முடிவு செய்திருப்பதாகவும், வரும் பாராளுமன்ற கூட்டத்தொடரில் இதற்கான நடைமுறைகள் தொடங்கும் என்றும் பிரதமர் மோடி அறிவித்துள்ளார். மேலும், வேளாண் சட்டங்களுக்கு எதிராக போராடி வரும் விவசாயிகள் வீடுகளுக்கு திரும்ப வேண்டும் என்றும் கேட்டுக்கொண்டார்.

    மோடியின் அறிவிப்பையடுத்து விவசாயிகள் உற்சாகமாக கொண்டாடி வருகின்றனர். போராட்டக்களங்களில் அனைவருக்கும் இனிப்பு வழங்கி மகிழ்ந்தனர். சிங்கு எல்லையில் போராட்டம் நடத்திய விவசாய சங்க நிர்வாகிகள் உற்சாகத்தில் நடனமாடினர். பெரும்பாலான போராட்டக்காரர்கள் போராட்டத்தை முடித்துக்கொண்டு வீடு திரும்ப முடிவு செய்துள்ளனர்.

    எனினும், ஒருசில விவசாயிகள் தொடர்ந்து அங்கு முகாமிட்டு போராட்டத்தை தொடர முடிவு செய்துள்ளனர். வேளாண் சட்டங்களை பாராளுன்றம் ரத்து செய்யும்வரை போராட்டம் நடத்த திட்டமிட்டுள்ளனர். வேளாண் சட்டங்கள் தவிர மற்ற கோரிக்கைகளையும் நிறைவேற்ற வேண்டும் என வலியுறுத்துகின்றனர்.

    போராட்டம் இன்னும் முடிவடையவில்லை, ஒரு வருடமாக தங்களின் இல்லமாக மாறிய போராட்ட களங்கள் காலி செய்யப்படாது என விவசாயிகள் சிலர் கூறுகின்றனர். சட்டத்தை முறைப்படி ரத்து செய்யும் வரை போராட்டம் தொடரும் என ஹர்தீப் சிங் என்ற போராட்டக்காரர் தெரிவித்துள்ளார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மத்திய அரசு கொண்டு வந்த மூன்று வேளாண் சட்டங்களையும் ஒரு வருட போராட்டத்துக்குப் பின் பிரதமர் மோடி திரும்பப் பெற்றுள்ளார்.
    மோடி தலைமையிலான பாஜக அரசு கொண்டுவந்த மூன்று வேளாண் சட்டங்களும் விவசாயிகளுக்கு கடும் பாதிப்பை ஏற்படுத்தும், ஆகவே அந்த சட்டங்களை திரும்பப் பெற வேண்டும் என்று விவசாயிகள் டெல்லியில் போராட்டம் நடத்தி வந்தனர். பல மாநிலங்களைச் சேர்ந்த விவசாய பெருமக்கள் பல மாதங்களாக இந்த போராட்டத்தை நடத்தி வந்தனர்.

    விவசாயிகளுக்கு ஆதரவாகவும், மூன்று வேளாண் சட்டங்களையும் திரும்பப்பெற வலியுறுத்தியும் நடிகர் கார்த்தி முன்பு அறிக்கை வெளியிட்டிருந்தார். இந்நிலையில், இன்று காலை மூன்று வேளாண் சட்டங்களையும் ரத்து செய்வதாக பிரதமர் மோடி அறிவித்தார். தமிழக முதல்வர் உள்பட அரசியல் கட்சித் தலைவர்கள், சமூக ஆர்வலர்கள், விவசாயிகள், பொதுமக்கள் என அனைத்துத் தரப்பினரும் இந்த முடிவை வரவேற்றுள்ளனர்.

    கார்த்தி

    நடிகர் கார்த்தி, "மூன்று விவசாயச் சட்டங்களைத் திரும்பப் பெறுவதாக நம் பிரதமர் அறிவித்திருப்பது, தங்கள் உயிரை ஈந்து போராடிய எளிய வேளாண் மக்களின் ஒருவருட இடைவிடாத போராட்டத்திற்கு கிடைத்திருக்கும் வரலாற்று வெற்றி. போராடியவர்களுக்கும் புரிந்து கொண்ட அரசுக்கும் அன்பும் நன்றியும்" என தனது சமூக வலைத்தள பக்கத்தில் பதிவு செய்திருக்கிறார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    முல்லைப்பெரியாறு அணை நீர்மட்டத்தை 152 அடியாக உயர்த்தக்கோரி நேற்று மேலூரில் நடந்த ஆர்ப்பாட்டத்தில் ஏராளமான விவசாயிகள் கலந்துகொண்டனர். இதையொட்டி 58 கிராமங்களில் கடைகளும் அடைக்கப்பட்டன.
    மதுரை:

    மதுரை மாவட்டம் மேலூரில் கர்னல் பென்னிக்குவிக் பஸ் நிலையம் முன்பு முல்லைப்பெரியாறு ஒரு போக பாசன விவசாயிகள் சங்கம் சார்பில் நேற்று கண்டன ஆர்ப்பாட்டம் நடந்தது. சங்க தலைவர் முருகன் தலைமை தாங்கினார். பெண்கள் உள்பட ஏராளமானோர் இந்த ஆர்ப்பாட்டத்தில் கலந்துகொண்டனர்.

    பெரியாறு அணை பாசனத்தின் கடைமடை பகுதியான வெள்ளலூர் நாட்டை சேர்ந்த 58 கிராமத்தினர் கடையடைப்பு செய்து 200-க்கும் மேற்பட்ட வாகனங்களில் குடும்பத்தினருடன் ஆயிரக்கணக்கானோர் ஊர்வலமாக வந்து ஆர்ப்பாட்டத்தில் பங்கேற்றனர்.

    மேலும் சுற்றுவட்டார பகுதிகளை சேர்ந்தவர்கள், வியாபாரிகள் சங்கத்தினர், ஆட்டோ மற்றும் வாடகை வாகன சங்கத்தினர், மக்கள் உரிமை கழகத்தினர் உட்பட பல்வேறு அமைப்பினரும் ஆதரவு தெரிவித்து போராட்டத்தில் கலந்துக்கொண்டனர். குறிஞ்சிக்குமரன் உள்பட சங்க நிர்வாகிகள் பேசினர்.

    முல்லைப்பெரியாறு அணையில் 142 அடிக்கு தண்ணீர் தேக்குவதை கேரளா அரசு தடுத்தது கண்டிக்கதக்கது. 152 அடியாக அணை நீர்மட்டத்தை உயர்த்த வேண்டும்.

    120 ஆண்டுகளாக பெரியாறு அணை தண்ணீரை தமிழக அமைச்சர்கள், பொதுப்பணித்துறை அதிகாரிகள் மட்டுமே திறந்து வந்த மரபை மீறி கேரள அமைச்சர்கள் தண்ணீர் திறந்துவிட்டதை கண்டிப்பது, உணவுப்பொருட்களுக்கு தமிழகத்தை மட்டுமே கேரளா நம்பியுள்ளது. எனவே தமிழக விவசாயிகளுக்கு துரோகம் செய்யக்கூடாது.

    இதுதொடர்ந்தால் கேரள மாநிலத்திற்கு செல்லும் அனைத்து சாலைகளையும் முற்றுகையிட்டு போராட்டம் நடத்துவது. என இந்த ஆர்ப்பாட்டத்தின் போது வலியுறுத்தப்பட்டன. இதுசம்பந்தமாக கண்டன கோஷங்களும் எழுப்பப்பட்டன.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram