என் மலர்
புதுச்சேரி
மக்கள் நலத்திட்டங்களை தடுக்கும் புதுவை கவர்னர் கிரண்பேடியை கண்டித்து நாளை முதல் காங். கூட்டணி கட்சியினர் தொடர் போராட்டம் நடத்துகின்றனர்.
புதுச்சேரி:
மக்கள் நலத்திட்டங்களை தடுக்கும் புதுவை கவர்னர் கிரண்பேடியை கண்டித்து கவர்னர் மாளிகை முன்பு நாளை (வெள்ளிக்கிழமை) முதல் தொடர் தர்ணா போராட்டம் நடத்தப்படும் என காங்கிரஸ் அறிவித்துள்ளது.
காங்கிரஸ் தலைமையிலான மதச்சார்பற்ற கூட்டணி கட்சிகளான இந்திய கம்யூனிஸ்டு, மார்க்சிஸ்டு, விடுதலை சிறுத்தைகள், ம.தி.மு.க., ராஷ்ட்ரிய ஜனதா தளம், புதிய நீதிக்கட்சி மற்றும் பல்வேறு அமைப்புகள், தொழிற்சங்கங்கள் இந்த போராட்டத்திற்கு ஆதரவு தெரிவித்துள்ளன.
கொரோனா பரவலை தடுக்கும் வகையில் புதுவை மாவட்ட நிர்வாகத்தின் சார்பில் 144 தடை உத்தரவு பிறப்பிக்கப்பட்டு உள்ளது.
இதன்படி கவர்னர் மாளிகை, சட்டமன்ற வளாகம், தலைமை செயலகம், ஜிப்மர், அரசு மருத்துவமனை பகுதியை சுற்றியுள்ள 500 மீட்டர் பரப்பளவில் அதிகமானவர்கள் கூடக் கூடாது.
அனுமதியின்றி ஊர் வலம், போராட்டம் நடத்தக்கூடாது என தடை விதிக்கப்பட்டுள்ளது. மேலும் கலெக்டர் பூர்வா கார்க் அரசியல்கட்சி நிர்வாகிகளை அழைத்து பேச்சுவார்த்தையும் நடத்தினார்.
காங்கிரஸ் கூட்டணியினர் போராட்டம் நடத்துவதில் உறுதியாக இருந்தனர். ஆனால், கவர்னர் மாளிகை முன்பு போராட்டம் நடத்த கலெக்டர் அனுமதி வழங்கவில்லை. அதற்கு பதிலாக ஆம்பூர் சாலையில் போராட்டம் நடத்த காங்கிரஸ் தலைவர் ஏ.வி.சுப்பிரமணியன் அனுமதி கோரி உள்ளார். அரசு மருத்துவமனைக்கு அருகில் இருப்பதால் அங்கும் போராட்டம் நடத்தக்கூடாது என போலீசார் அனுமதி மறுத்தனர். இதனால் போராட்டம் நடத்த இடம் தேர்வுக்காக பேச்சுவார்த்தை நடந்து வந்தது.
இதனிடையே புதுவை காவல்துறை வேண்டு கோளின்பேரில் கேரளா, தெலுங்கானா மாநிலங்களில் இருந்து 350 பேர் கொண்ட 3 கம்பெனி மத்திய பாதுகாப்பு படையினர் புதுவைக்கு வந்துள்ளனர்.
மத்திய பாதுகாப்பு படையினர் கவர்னர் மாளிகை, சட்டசபை வளாகம், தலைமை செயலகம், முதல்-அமைச்சர் நாராயணசாமியின் வீடு உள்ளிட்ட பகுதிகளில் பாதுகாப்பு பணியில் ஈடுபட்டுள்ளனர்.
மத்திய பாதுகாப்பு படைக்கு உறுதுணையாக புதுவை போலீசாரும் பாதுகாப்பு பணியில் ஈடுபட்டு உள்ளனர். கவர்னர் மாளிகை எதிரே உள்ள பாரதி பூங்கா பூட்டப்பட்டுள்ளது.
கவர்னர் மாளிகை, சட்டசபை வளாகம் உள்ளிட்ட பகுதிகளில் தடுப்புக் கட்டைகள், பேரிகார்டுகள் அமைக்கப்பட்டு உள்ளது. கவர்னர் மாளிகை அருகில் தடையை மீறி போராட்டம் நடத்தினால் பேரிடர் தடுப்பு சட்டத்தின்படி கடுமையாக நடவடிக்கை எடுக்கப்படும் என கலெக்டர், டி.ஜி.பி., ஆகியோர் எச்சரிக்கை விடுத்துள்ளனர்.
இந்த நிலையில் காவல்துறை சார்பில் அண்ணாசிலை அருகே போராட்டம் நடத்த அனுமதி வழங்கப்பட்டு உள்ளது. பொதுமக்களுக்கும், அவ்வழியே செல்லும் வாகனங்களுக்கும் எவ்வித இடையூறும் ஏற்படக்கூடாது என்றும், கொரோனா கட்டுப்பாடுகளை கடை பிடித்து போராட்டம் நடத்த வேண்டும் என்றும் போலீசார் அறிவுறுத்தி உள்ளனர்.
இதனிடையே அமைச்சர் மல்லாடிகிருஷ்ணாராவின் வெள்ளி விழாவிற்கு சென்ற முதல்-அமைச்சர் நாராயணசாமி, அமைச்சர்கள், எம்.எல்.ஏ.க்கள் இன்று பிற்பகலில் புதுவைக்கு திரும்புகின்றனர்.
போராட்டம் தொடர்பாக ஒருங்கிணைப்பாளரும், இந்திய கம்யூனிஸ்டு மாநில செயலாளர் சலீம் கூறியதாவது:-
நாளை காலை 9 மணிக்கு காங்கிரஸ் கூட்டணி கட்சியினரின் போராட்டம் திட்டமிட்டபடி நடத்தப்படும். அறவழியில்தான் போராட்டம் நடத்த உள்ளோம். தேவையற்ற வகையில் மத்திய பாது காப்பு படைகளை அழைத்து ஒரு பதட்டத்தை கவர்னர் கிரண்பேடி உருவாக்கி உள்ளார். போராட்டம் என்பது ஜனநாயக உரிமை. மக்களின் எழுச்சி போராட்டங்களை யாரும் தடுக்க முடியாது.
இவ்வாறு அவர் கூறினார்.
இந்த நிலையில் தேர்தல் வாக்குறுதிகள், சட்டமன்ற அறிவிப்புகளை நிறைவேற்றாத முதல்- அமைச்சர் நாராயணசாமியை கண்டித்து அவரது வீட்டை முற்றுகையிட்டு தொடர் போராட்டம் நடத்தப்படும் என பா.ஜனதா போட்டி போராட்டத்தை அறிவித்துள்ளது.
இந்த போராட்டத்திற்கு இதுவரை பா.ஜனதா அனுமதி பெறவில்லை. தடையை மீறி பா.ஜனதா போராட்டம் நடத்துமா? என்பது நாளை தெரியவரும்.
இனி தேர்தலில் போட்டியிட மாட்டேன் என அமைச்சர் மல்லாடி கிருஷ்ணாராவ் திடீரென அறிவித்தார்.
புதுச்சேரி:
புதுச்சேரி பிராந்திய பகுதியான ஏனாமில் 25 ஆண்டுகள் எம்.எல்.ஏ.வாக இருப்பவர் மல்லாடி கிருஷ்ணாராவ். இதையொட்டி அவரை பாராட்டும் விதமாக ஏனாமில் நேற்று வெள்ளிவிழா நடைபெற்றது.
விழாவில் முதல்-அமைச்சர் நாராயணசாமி, சாபநாயகர் சிவக்கொழுந்து, அமைச்சர்கள், எம்.எல்.ஏ.க்கள் உள்பட பலர் கலந்துகொண்டு பேசினார்கள். இதன்பின் அமைச்சர் மல்லாடி கிருஷ்ணாராவ் ஏற்புரையாற்றினார்.
விழாவையொட்டி அமைச்சர் மல்லாடி கிருஷ்ணாராவின் வாழ்க்கை வரலாறு குறித்து வீடியோ படம் வெளியிடப்பட்டது. அதில் அவரது வாழ்க்கை வரலாறு, அரசியல் பிரவேசம், ஏனாம் தொகுதிக்கு கொண்டு வரப்பட்ட திட்டங்கள் உள்ளிட்ட சாதனைகளை விளக்கும் வகையிலான காட்சிகள் இடம் பெற்று இருந்தன.
இதையடுத்து அமைச்சர் மல்லாடி கிருஷ்ணாராவ் பேசும் வீடியோ திரையிடப்பட்டது. அதில் அவர் பேசுகையில், ‘நான் புதுவை மற்றும் ஏனாம் தொகுதி மக்களுக்காக பல்வேறு நலத்திட்டங்களை நிறைவேற்றி உள்ளேன். இனி நானோ, எனது குடும்ப உறுப்பினர்களோ யாரும் தேர்தலில் போட்டியிடமாட்டோம்’ என கூறினார். ஏனாமில் நடைபெற்ற வெள்ளிவிழா நேற்று மாலை 6 மணிக்கு தொடங்கி நள்ளிரவு 11.40 மணிக்கு முடிவடைந்தது.
புதுச்சேரி பிராந்திய பகுதியான ஏனாமில் 25 ஆண்டுகள் எம்.எல்.ஏ.வாக இருப்பவர் மல்லாடி கிருஷ்ணாராவ். இதையொட்டி அவரை பாராட்டும் விதமாக ஏனாமில் நேற்று வெள்ளிவிழா நடைபெற்றது.
விழாவில் முதல்-அமைச்சர் நாராயணசாமி, சாபநாயகர் சிவக்கொழுந்து, அமைச்சர்கள், எம்.எல்.ஏ.க்கள் உள்பட பலர் கலந்துகொண்டு பேசினார்கள். இதன்பின் அமைச்சர் மல்லாடி கிருஷ்ணாராவ் ஏற்புரையாற்றினார்.
விழாவையொட்டி அமைச்சர் மல்லாடி கிருஷ்ணாராவின் வாழ்க்கை வரலாறு குறித்து வீடியோ படம் வெளியிடப்பட்டது. அதில் அவரது வாழ்க்கை வரலாறு, அரசியல் பிரவேசம், ஏனாம் தொகுதிக்கு கொண்டு வரப்பட்ட திட்டங்கள் உள்ளிட்ட சாதனைகளை விளக்கும் வகையிலான காட்சிகள் இடம் பெற்று இருந்தன.
இதையடுத்து அமைச்சர் மல்லாடி கிருஷ்ணாராவ் பேசும் வீடியோ திரையிடப்பட்டது. அதில் அவர் பேசுகையில், ‘நான் புதுவை மற்றும் ஏனாம் தொகுதி மக்களுக்காக பல்வேறு நலத்திட்டங்களை நிறைவேற்றி உள்ளேன். இனி நானோ, எனது குடும்ப உறுப்பினர்களோ யாரும் தேர்தலில் போட்டியிடமாட்டோம்’ என கூறினார். ஏனாமில் நடைபெற்ற வெள்ளிவிழா நேற்று மாலை 6 மணிக்கு தொடங்கி நள்ளிரவு 11.40 மணிக்கு முடிவடைந்தது.
மழை காரணமாக புதுவையில் பள்ளிகளுக்கு இன்று விடுமுறை அளித்து பள்ளிக்கல்வி இயக்குனர் அறிவித்துள்ளார்.
புதுச்சேரி:
வளிமண்டலத்தில் நிலவும் மேலடுக்கு சுழற்சி காரணமாக புதுச்சேரியில் 3 நாட்களுக்கு (வியாழன், வெள்ளி, சனி) இடி மின்னலுடன் கூடிய மழை பெய்யும் என சென்னை வானிலை ஆய்வு மையம் அறிவித்துள்ளது. புதுச்சேரியில் கடந்த 4-ந் தேதி முதல் 1-ம் வகுப்பு முதல் 12-ம் வகுப்பு வரை சுழற்சி முறையில் பள்ளிகள் திறக்கப்பட்டுள்ளன.
இந்தநிலையில் புதுச்சேரி பள்ளிக்கல்வித்துறை இயக்குனர் ருத்ரகவுடு மழை காரணமாக இன்று மட்டும் பள்ளிகளுக்கு விடுமுறை அறிவித்தார்.
வளிமண்டலத்தில் நிலவும் மேலடுக்கு சுழற்சி காரணமாக புதுச்சேரியில் 3 நாட்களுக்கு (வியாழன், வெள்ளி, சனி) இடி மின்னலுடன் கூடிய மழை பெய்யும் என சென்னை வானிலை ஆய்வு மையம் அறிவித்துள்ளது. புதுச்சேரியில் கடந்த 4-ந் தேதி முதல் 1-ம் வகுப்பு முதல் 12-ம் வகுப்பு வரை சுழற்சி முறையில் பள்ளிகள் திறக்கப்பட்டுள்ளன.
இந்தநிலையில் புதுச்சேரி பள்ளிக்கல்வித்துறை இயக்குனர் ருத்ரகவுடு மழை காரணமாக இன்று மட்டும் பள்ளிகளுக்கு விடுமுறை அறிவித்தார்.
போக்குவரத்து விதிமுறைகளை மீறி செல்போன் பேசிக்கொண்டே வாகனம் ஓட்டி வந்த 50 பேரின் ஓட்டுனர் உரிமத்தை ரத்து செய்ய நடவடிக்கை எடுக்க போக்குவரத்து துறைக்கு பரிந்துரைக்கப்பட்டுள்ளது
புதுச்சேரி:
போக்குவரத்து விதிமுறைகளை மத்திய அரசு தற்போது கடுமையாக்கியுள்ளது. ஓட்டுனர் உரிமம் இல்லாமல் வாகனம் ஓட்டிச் சென்றால் ரூ.5 ஆயிரம் அபராதம் விதிக்கப்படுகிறது. செல்போன் பேசியபடி வாகனம் ஓட்டுதல், ஹெல்மெட் அணியாமல் செல்வது, ஒருவழிப்பாதையில் போக்குவரத்து விதிமுறைகளை மீறி சென்றால் ரூ.1000 அபராதம் அறிவிக்கப்பட்டுள்ளது. போக்குவரத்து விதிகளை மீறுபவர்களின் வாகன ஓட்டுனர் உரிமம் 3 மாதத்திற்கு சஸ்பெண்ட் செய்யவும் உத்தரவிடப்பட்டுள்ளது.
கடந்த சில நாட்களாக புதுவை போக்குவரத்து போலீசார் ஆங்காங்கே வாகன சோதனை நடத்தினர். அப்போது போக்குவரத்து விதிமுறைகளை மீறி செல்போன் பேசிக்கொண்டே வாகனம் ஓட்டி வந்த 50 பேரை பிடித்து தலா ரூ.1000 அபராதம் விதித்தனர். மேலும் அவர்களது ஓட்டுனர் உரிமத்தை 3 மாதங்களுக்கு சஸ்பெண்ட் செய்ய வேண்டும் என போக்குவரத்து துறைக்கு பரிந்துரைத்தனர்.
இதனை தொடர்ந்து புதுவை போக்குவரத்து துறை சார்பில் போக்குவரத்து விதிமுறைகளை மீறியவர்களுக்கு நோட்டீஸ் அனுப்பப்பட்டு வருகிறது. அதில் கூறியிருப்பதாவது:-
நீங்கள் போக்குவரத்து விதிமுறைகளை மீறியதால் உங்களது ஓட்டுனர் உரிமத்தை 3 மாதத்திற்கு ஏன் சஸ்பெண்ட் (ரத்து) செய்யக்கூடாது. எனவே இந்த நோட்டீஸ் கிடைத்த 15 நாட்களுக்குள் துறைக்கு உரிய விளக்கம் தர வேண்டும். இல்லையென்றால் மோட்டார் வாகன சட்டத்தின் படி நடவடிக்கை எடுக்கப்படும். இவ்வாறு அதில் கூறப்பட்டுள்ளது.
போக்குவரத்து விதிமுறைகளை மத்திய அரசு தற்போது கடுமையாக்கியுள்ளது. ஓட்டுனர் உரிமம் இல்லாமல் வாகனம் ஓட்டிச் சென்றால் ரூ.5 ஆயிரம் அபராதம் விதிக்கப்படுகிறது. செல்போன் பேசியபடி வாகனம் ஓட்டுதல், ஹெல்மெட் அணியாமல் செல்வது, ஒருவழிப்பாதையில் போக்குவரத்து விதிமுறைகளை மீறி சென்றால் ரூ.1000 அபராதம் அறிவிக்கப்பட்டுள்ளது. போக்குவரத்து விதிகளை மீறுபவர்களின் வாகன ஓட்டுனர் உரிமம் 3 மாதத்திற்கு சஸ்பெண்ட் செய்யவும் உத்தரவிடப்பட்டுள்ளது.
கடந்த சில நாட்களாக புதுவை போக்குவரத்து போலீசார் ஆங்காங்கே வாகன சோதனை நடத்தினர். அப்போது போக்குவரத்து விதிமுறைகளை மீறி செல்போன் பேசிக்கொண்டே வாகனம் ஓட்டி வந்த 50 பேரை பிடித்து தலா ரூ.1000 அபராதம் விதித்தனர். மேலும் அவர்களது ஓட்டுனர் உரிமத்தை 3 மாதங்களுக்கு சஸ்பெண்ட் செய்ய வேண்டும் என போக்குவரத்து துறைக்கு பரிந்துரைத்தனர்.
இதனை தொடர்ந்து புதுவை போக்குவரத்து துறை சார்பில் போக்குவரத்து விதிமுறைகளை மீறியவர்களுக்கு நோட்டீஸ் அனுப்பப்பட்டு வருகிறது. அதில் கூறியிருப்பதாவது:-
நீங்கள் போக்குவரத்து விதிமுறைகளை மீறியதால் உங்களது ஓட்டுனர் உரிமத்தை 3 மாதத்திற்கு ஏன் சஸ்பெண்ட் (ரத்து) செய்யக்கூடாது. எனவே இந்த நோட்டீஸ் கிடைத்த 15 நாட்களுக்குள் துறைக்கு உரிய விளக்கம் தர வேண்டும். இல்லையென்றால் மோட்டார் வாகன சட்டத்தின் படி நடவடிக்கை எடுக்கப்படும். இவ்வாறு அதில் கூறப்பட்டுள்ளது.
புதுச்சேரி அருகே கார் மோதி பெயிண்டர் பலியான சம்பவம் குறித்து போலீசார் விசாரணை நடத்தி வருகின்றனர்.
புதுச்சேரி:
புதுச்சேரியை அடுத்த தமிழக பகுதியான பெரிய கோட்டக்குப்பத்தை சேர்ந்தவர் ஆனந்த் (வயது 45) பெயிண்டர். இவரது மனைவி கவுசல்யா (33). இவர்களுக்கு ஒரு மகன், மகள் உள்ளனர். சம்பவத்தன்று சின்ன காலாப்பட்டு பகுதியில் நின்றுகொண்டிருந்த ஆனந்த் மீது எதிர்பாராத விதமாக அந்த வழியாக வந்த கார் ஒன்று மோதியது.
இதில் தூக்கி வீசப்பட்ட அவர் பலத்த காயமடைந்தார். அவரை அந்த வழியாக சென்றவர்கள் மீட்டு சிகிச்சைக்காக அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி அவர் பரிதாபமாக உயிரிழந்தார்.
இதுகுறித்து போக்குவரத்து வடக்கு பகுதி போலீசார் வழக்குப்பதிவு செய்து விசாரணை நடத்தி வருகிறார்கள்.
புதுவையில் முதல்கட்டமாக 14 ஆயிரம் பேருக்கு கொரோனா தடுப்பூசி போடப்பட உள்ளதாக முதல்-அமைச்சர் நாராயணசாமி கூறினார்.
புதுச்சேரி:
முதல்-அமைச்சர் நாராயணசாமி நிருபர்களிடம் கூறியதாவது:-
கொரோனா பாதிப்பினை தொடர்ந்து அவசரகால பயன்பாட்டிற்கு 2 மருந்துகளுக்கு மத்திய அரசு அனுமதி அளித்துள்ளது. 5 கோடி பேருக்கு தடுப்பூசி போட மருந்துகள் தயாராக உள்ளன. புதுவையில் தடுப்பூசி போடுவது தொடர்பான ஒத்திகை வெற்றிகரமாக நடந்துள்ளது.
இதையடுத்து தடுப்பூசி போடுவதற்கான அனைத்து ஏற்பாடுகளும் தயார் நிலையில் உள்ளன. முதல்கட்டமாக மருத்துவ பணியாளர்களுக்கு தடுப்பூசி போட மத்திய அரசு உத்தரவிட்டுள்ளது. அதன்படி 14 ஆயிரம் பேருக்கு தடுப்பூசி போடப்பட உள்ளது. அதில் 13 ஆயிரம் பேர் பதிவு செய்து உள்ளனர்.
தடுப்பூசி போடுவதற்காக புதுவையில் 29 மையங்களும், காரைக்காலில் 8 மையங்களும், மாகியில் 3-ம், ஏனாமில் ஒரு மையமும் தயார் நிலையில் உள்ளது. ஒரு மையத்தில் 100 முதல் 200 பேருக்கு தடுப்பூசி போடலாம். 41 இடங்களில் ஊசி போட நடவடிக்கை எடுக்கப்பட்டுள்ளது.
2-வது கட்டமாக தடுப்பூசி காவல், வருவாய், ஆசிரியர்கள், அங்கன்வாடி ஊழியர்கள், பொதுப்பணித்துறையினர், துப்புரவு பணியாளர் என கொரோனா தடுப்பு நடவடிக்கையில் ஈடுபடுத்தப்பட்டவர்களுக்கு போடப்பட உள்ளது. இன்னும் 10 நாட்களில் மருந்து வந்துவிடும் நிலை உள்ளது.
புதுவைக்கு மத்திய உள்துறை இணை மந்திரி கிஷன்ரெட்டி வந்தபோது கொரோனா தடுப்பூசிகளை இலவசமாக தருவோம் என்றார். இலவசமாக கிடைக்காவிட்டாலும் மாநில நிதியில் இருந்து தடுப்பூசி போட தயாராக உள்ளோம். 3-வது கட்டமாக 50 வயதுக்கு மேற்பட்டவர்கள், நீரிழிவு வியாதி உள்ளவர்கள், ரத்த அழுத்தம் உள்ளவர்களுக்கு தடுப்பூசி போடப்படும். ஆனால் இதுகுறித்து மத்திய அரசிடமிருந்து தகவல்கள் எதுவும் வரவில்லை.
புதுவை மாநிலத்தில் 33 சதவீதம் பேருக்கு தொற்று பரிசோதனை செய்துள்ளோம். இப்போது நாள் ஒன்றுக்கு 0.8 சதவீதம்தான் பாதிப்பு உள்ளது. கொரோனா தடுப்பு மருந்துகளை புதுவையில் 36 இடங்களிலும், காரைக்காலில் 13 இடங்களிலும், மாகியில் 3 இடத்திலும், ஏனாமில் ஓரிடத்திலும் சேமித்து வைக்க ஏற்பாடு செய்யப்பட்டுள்ளது. தடுப்பு மருந்தின் விலை ரூ.1000 என்று கூறப்படுகிறது. இதை குறைத்தால் நன்றாக இருக்கும். தேவைப்படுபவர்கள் அதை வாங்கி பயன்படுத்திக்கொள்வார்கள்.
இந்தியாவிலேயே புதுவையில்தான் அதிகம் பேருக்கு கொரோனா பரிசோதனை மேற்கொண்டுள்ளோம். அதேபோல் குணமடைவதும் இங்குதான் அதிகமாக உள்ளது.
இவ்வாறு அவர் கூறினார்.
முதல்-அமைச்சர் நாராயணசாமி நிருபர்களிடம் கூறியதாவது:-
கொரோனா பாதிப்பினை தொடர்ந்து அவசரகால பயன்பாட்டிற்கு 2 மருந்துகளுக்கு மத்திய அரசு அனுமதி அளித்துள்ளது. 5 கோடி பேருக்கு தடுப்பூசி போட மருந்துகள் தயாராக உள்ளன. புதுவையில் தடுப்பூசி போடுவது தொடர்பான ஒத்திகை வெற்றிகரமாக நடந்துள்ளது.
இதையடுத்து தடுப்பூசி போடுவதற்கான அனைத்து ஏற்பாடுகளும் தயார் நிலையில் உள்ளன. முதல்கட்டமாக மருத்துவ பணியாளர்களுக்கு தடுப்பூசி போட மத்திய அரசு உத்தரவிட்டுள்ளது. அதன்படி 14 ஆயிரம் பேருக்கு தடுப்பூசி போடப்பட உள்ளது. அதில் 13 ஆயிரம் பேர் பதிவு செய்து உள்ளனர்.
தடுப்பூசி போடுவதற்காக புதுவையில் 29 மையங்களும், காரைக்காலில் 8 மையங்களும், மாகியில் 3-ம், ஏனாமில் ஒரு மையமும் தயார் நிலையில் உள்ளது. ஒரு மையத்தில் 100 முதல் 200 பேருக்கு தடுப்பூசி போடலாம். 41 இடங்களில் ஊசி போட நடவடிக்கை எடுக்கப்பட்டுள்ளது.
2-வது கட்டமாக தடுப்பூசி காவல், வருவாய், ஆசிரியர்கள், அங்கன்வாடி ஊழியர்கள், பொதுப்பணித்துறையினர், துப்புரவு பணியாளர் என கொரோனா தடுப்பு நடவடிக்கையில் ஈடுபடுத்தப்பட்டவர்களுக்கு போடப்பட உள்ளது. இன்னும் 10 நாட்களில் மருந்து வந்துவிடும் நிலை உள்ளது.
புதுவைக்கு மத்திய உள்துறை இணை மந்திரி கிஷன்ரெட்டி வந்தபோது கொரோனா தடுப்பூசிகளை இலவசமாக தருவோம் என்றார். இலவசமாக கிடைக்காவிட்டாலும் மாநில நிதியில் இருந்து தடுப்பூசி போட தயாராக உள்ளோம். 3-வது கட்டமாக 50 வயதுக்கு மேற்பட்டவர்கள், நீரிழிவு வியாதி உள்ளவர்கள், ரத்த அழுத்தம் உள்ளவர்களுக்கு தடுப்பூசி போடப்படும். ஆனால் இதுகுறித்து மத்திய அரசிடமிருந்து தகவல்கள் எதுவும் வரவில்லை.
புதுவை மாநிலத்தில் 33 சதவீதம் பேருக்கு தொற்று பரிசோதனை செய்துள்ளோம். இப்போது நாள் ஒன்றுக்கு 0.8 சதவீதம்தான் பாதிப்பு உள்ளது. கொரோனா தடுப்பு மருந்துகளை புதுவையில் 36 இடங்களிலும், காரைக்காலில் 13 இடங்களிலும், மாகியில் 3 இடத்திலும், ஏனாமில் ஓரிடத்திலும் சேமித்து வைக்க ஏற்பாடு செய்யப்பட்டுள்ளது. தடுப்பு மருந்தின் விலை ரூ.1000 என்று கூறப்படுகிறது. இதை குறைத்தால் நன்றாக இருக்கும். தேவைப்படுபவர்கள் அதை வாங்கி பயன்படுத்திக்கொள்வார்கள்.
இந்தியாவிலேயே புதுவையில்தான் அதிகம் பேருக்கு கொரோனா பரிசோதனை மேற்கொண்டுள்ளோம். அதேபோல் குணமடைவதும் இங்குதான் அதிகமாக உள்ளது.
இவ்வாறு அவர் கூறினார்.
திருநள்ளாறு கோவிலில் இன்று முதல் கொரோனா கட்டுப்பாட்டு அறை திறக்கப்பட்டு செயல்படும் என்று கவர்னர் கிரண்பேடி தெரிவித்தார்.
புதுச்சேரி:
புதுச்சேரி கவர்னர் கிரண்பேடி வெளியிட்டுள்ள செய்திக்குறிப்பில் கூறியிருப்பதாவது:-
புதுவை அரசு, கொரோனா தொற்றிலிருந்து மக்களை காப்பாற்ற பல்வேறு முயற்சிகளை எடுத்து வருகிறது. இதற்காக கொரோனா போர் அறையின் மூலம் செயல் திட்டங்கள் தீட்டப்பட்டது. இந்த செயல் திட்டங்களை தற்போது காரைக்காலில் நடைமுறைப்படுத்தவும் முடிவு செய்யப்பட்டுள்ளது.
இதற்காக நிவாரணம் மற்றும் மறுவாழ்வு துறை செயலர் அன்பரசு தலைமையிலான அதிகாரிகள் காரைக்காலில் சுற்றுப்பயணம் மேற்கொண்டு, சம்பந்தப்பட்ட துறை அதிகாரிகளிடம் ஆலோசனை கூட்டம் நடத்தப்பட்டது..
இந்த கூட்டத்தின் விவாதத்தில் இருந்து எடுக்கப்பட்ட நடவடிக்கைகளின் மூலம் காரைக்கால் பாதுகாக்கப்பட்ட பகுதியாகவும், நோய் தொற்று குறைந்த பகுதியாகவும் கருத்தில் கொள்ளப்பட்டு உள்ளது.
திருநள்ளாறு சனிபகவான் கோவிலுக்கு வரும் பக்தர்களின் வருகை அதிகரிப்பதை கருத்தில் கொண்டு தொற்று பரவாமல் இருக்க தடுப்பு நடவடிக்கைகளை இன்னும் அதிகப்படுத்த முடிவு செய்யப்பட்டது. அதன்படி கொரோனா பரிசோதனையை 500-ல் இருந்து 1000 ஆக உயர்த்திடவும், அதனை தனியார் மருத்துவக்கல்லூரி ஒத்துழைப்புடன் செய்திடவும் முடிவு செய்யப்பட்டது.
அங்கு 24 மணி நேரமும் இயங்கக்கூடிய கொரோனா கட்டுப்பாட்டு அறை நாளை (இன்று செவ்வாய்க்கிழமை) முதல் இயக்க ஏற்பாடு செய்யப்பட்டுள்ளது. தொற்றின் தாக்கத்தை குறைத்திட 7 அம்சங்கள் கொண்ட செயல்திட்டங்களை 7 அதிகாரிகள் மூலம் அமல்படுத்திட ஆணை பிறப்பிக்கப்பட்டு உள்ளது.
திருநள்ளாறு கோவிலில் எடுக்கப்பட்டிருக்கும் நடவடிக்கை திருப்தி அளிப்பதாக அதிகாரிகள் நடவடிக்கையின் மூலம் அறியப்பட்டுள்ளது. அரசின் நடவடிக்கைகளுக்கு பொதுமக்கள் ஒத்துழைப்பு அளிக்க வேண்டும். இதன் மூலம் கொரோனா தொற்று இல்லாத மாவட்டமாக காரைக்கால் விளங்கிட முடியும்.
இவ்வாறு அதில் கூறப்பட்டுள்ளது.
புதுச்சேரி கவர்னர் கிரண்பேடி வெளியிட்டுள்ள செய்திக்குறிப்பில் கூறியிருப்பதாவது:-
புதுவை அரசு, கொரோனா தொற்றிலிருந்து மக்களை காப்பாற்ற பல்வேறு முயற்சிகளை எடுத்து வருகிறது. இதற்காக கொரோனா போர் அறையின் மூலம் செயல் திட்டங்கள் தீட்டப்பட்டது. இந்த செயல் திட்டங்களை தற்போது காரைக்காலில் நடைமுறைப்படுத்தவும் முடிவு செய்யப்பட்டுள்ளது.
இதற்காக நிவாரணம் மற்றும் மறுவாழ்வு துறை செயலர் அன்பரசு தலைமையிலான அதிகாரிகள் காரைக்காலில் சுற்றுப்பயணம் மேற்கொண்டு, சம்பந்தப்பட்ட துறை அதிகாரிகளிடம் ஆலோசனை கூட்டம் நடத்தப்பட்டது..
இந்த கூட்டத்தின் விவாதத்தில் இருந்து எடுக்கப்பட்ட நடவடிக்கைகளின் மூலம் காரைக்கால் பாதுகாக்கப்பட்ட பகுதியாகவும், நோய் தொற்று குறைந்த பகுதியாகவும் கருத்தில் கொள்ளப்பட்டு உள்ளது.
திருநள்ளாறு சனிபகவான் கோவிலுக்கு வரும் பக்தர்களின் வருகை அதிகரிப்பதை கருத்தில் கொண்டு தொற்று பரவாமல் இருக்க தடுப்பு நடவடிக்கைகளை இன்னும் அதிகப்படுத்த முடிவு செய்யப்பட்டது. அதன்படி கொரோனா பரிசோதனையை 500-ல் இருந்து 1000 ஆக உயர்த்திடவும், அதனை தனியார் மருத்துவக்கல்லூரி ஒத்துழைப்புடன் செய்திடவும் முடிவு செய்யப்பட்டது.
அங்கு 24 மணி நேரமும் இயங்கக்கூடிய கொரோனா கட்டுப்பாட்டு அறை நாளை (இன்று செவ்வாய்க்கிழமை) முதல் இயக்க ஏற்பாடு செய்யப்பட்டுள்ளது. தொற்றின் தாக்கத்தை குறைத்திட 7 அம்சங்கள் கொண்ட செயல்திட்டங்களை 7 அதிகாரிகள் மூலம் அமல்படுத்திட ஆணை பிறப்பிக்கப்பட்டு உள்ளது.
திருநள்ளாறு கோவிலில் எடுக்கப்பட்டிருக்கும் நடவடிக்கை திருப்தி அளிப்பதாக அதிகாரிகள் நடவடிக்கையின் மூலம் அறியப்பட்டுள்ளது. அரசின் நடவடிக்கைகளுக்கு பொதுமக்கள் ஒத்துழைப்பு அளிக்க வேண்டும். இதன் மூலம் கொரோனா தொற்று இல்லாத மாவட்டமாக காரைக்கால் விளங்கிட முடியும்.
இவ்வாறு அதில் கூறப்பட்டுள்ளது.
புதுவையில் 9 மாதங்களுக்கு பிறகு அனைத்துக் கல்லூரிகளும் நாளை முதல் திறக்கப்படுகின்றன. கொரோனா தடுப்பு நடவடிக்கைகளை பின்பற்ற உயர்கல்வி துறை உத்தரவிட்டுள்ளது.
புதுச்சேரி:
கொரோனா தொற்று பரவலை தடுக்கும் வகையில் நாடு முழுவதும் கடந்த மார்ச் மாதம் 23-ந் தேதி முதல் முழு ஊரடங்கு அமல்படுத்தப்பட்டது. அதன்படி பள்ளி, கல்லூரிகள் உள்ளிட்ட கல்வி நிறுவனங்கள் அனைத்தும் மூடப்பட்டன.
மத்திய அரசு வழிகாட்டுதலின்படி பல்வேறு தளர்வுகள் அளிக்கப்பட்டதையடுத்து நேற்று முதல் பள்ளிகள் திறக்கப்பட்டன. ஏற்கனவே அரசு மற்றும் தனியார் கல்லூரிகளில் இளங்கலை, முதுகலை இறுதியாண்டு வகுப்புகளும், ஆராய்ச்சி படிப்புகளும் கடந்த மாதம் (டிசம்பர்) 17-ந் தேதி முதல் செயல்படத் தொடங்கின.
இந்தநிலையில் தற்போது 9 மாதங்களுக்கு பிறகு அனைத்துக் கல்லூரிகளையும் திறந்து வகுப்புகள் நடத்த அரசு திட்டமிட்டுள்ளது. இதுகுறித்து உயர் மற்றும் தொழில்நுட்ப கல்வி இயக்குனரக இயக்குனர் யாசம் லஷ்மி நாராயண ரெட்டி வெளியிட்டுள்ள செய்திக்குறிப்பில் கூறியிருப்பதாவது:-
கல்வித்துறை அமைச்சர் கமலக்கண்ணன் உத்தரவின் படி புதுவையில் நாளை (புதன்கிழமை) முதல் அனைத்து உயர் மற்றும் தொழில்நுட்ப கல்வி கல்லூரிகளில் அனைத்து வகுப்புகளும் திறக்கப்படும்.
இதைத்தொடர்ந்து கல்லூரிகளுக்கு வரும் மாணவர்கள் அனைவரும் கண்டிப்பாக முககவசம் அணிவது அவசியம். சமூக இடைவெளியை கடைப்பிடிக்க வேண்டும். கல்லூரி வகுப்புகள் 6 நாட்கள் நடத்தப்படும்.
ஒரு நேரத்தில் 50 சதவீத மாணவர்களை மட்டுமே வகுப்பறையில் அனுமதிக்க வேண்டும். மாணவர்களை 2 பிரிவுகளாக பிரித்து ஒரு நாள் விட்டு, ஒருநாள் கல்லூரிக்கு வர அனுமதிக்க வேண்டும். கல்லூரிக்கு வரும் போது மாணவர்களுக்கு வெப்ப பரிசோதனை நடத்த வேண்டும். அடிக்கடி கல்லூரிகளில் கிருமி நாசினி தெளித்து தூய்மைப்படுத்த வேண்டும். கொரோனா தடுப்பு வழிகாட்டு நெறிமுறைகள் கடைப்பிடிக்கப்பட வேண்டும் என்று அனைத்து கல்லூரிகளுக்கும் உயர்கல்வித்துறை சார்பில் சுற்றறிக்கை அனுப்பி வைக்கப்பட்டுள்ளது.
இவ்வாறு அதில் கூறப்பட்டுள்ளது.
கொரோனா தொற்று பரவலை தடுக்கும் வகையில் நாடு முழுவதும் கடந்த மார்ச் மாதம் 23-ந் தேதி முதல் முழு ஊரடங்கு அமல்படுத்தப்பட்டது. அதன்படி பள்ளி, கல்லூரிகள் உள்ளிட்ட கல்வி நிறுவனங்கள் அனைத்தும் மூடப்பட்டன.
மத்திய அரசு வழிகாட்டுதலின்படி பல்வேறு தளர்வுகள் அளிக்கப்பட்டதையடுத்து நேற்று முதல் பள்ளிகள் திறக்கப்பட்டன. ஏற்கனவே அரசு மற்றும் தனியார் கல்லூரிகளில் இளங்கலை, முதுகலை இறுதியாண்டு வகுப்புகளும், ஆராய்ச்சி படிப்புகளும் கடந்த மாதம் (டிசம்பர்) 17-ந் தேதி முதல் செயல்படத் தொடங்கின.
இந்தநிலையில் தற்போது 9 மாதங்களுக்கு பிறகு அனைத்துக் கல்லூரிகளையும் திறந்து வகுப்புகள் நடத்த அரசு திட்டமிட்டுள்ளது. இதுகுறித்து உயர் மற்றும் தொழில்நுட்ப கல்வி இயக்குனரக இயக்குனர் யாசம் லஷ்மி நாராயண ரெட்டி வெளியிட்டுள்ள செய்திக்குறிப்பில் கூறியிருப்பதாவது:-
கல்வித்துறை அமைச்சர் கமலக்கண்ணன் உத்தரவின் படி புதுவையில் நாளை (புதன்கிழமை) முதல் அனைத்து உயர் மற்றும் தொழில்நுட்ப கல்வி கல்லூரிகளில் அனைத்து வகுப்புகளும் திறக்கப்படும்.
இதைத்தொடர்ந்து கல்லூரிகளுக்கு வரும் மாணவர்கள் அனைவரும் கண்டிப்பாக முககவசம் அணிவது அவசியம். சமூக இடைவெளியை கடைப்பிடிக்க வேண்டும். கல்லூரி வகுப்புகள் 6 நாட்கள் நடத்தப்படும்.
ஒரு நேரத்தில் 50 சதவீத மாணவர்களை மட்டுமே வகுப்பறையில் அனுமதிக்க வேண்டும். மாணவர்களை 2 பிரிவுகளாக பிரித்து ஒரு நாள் விட்டு, ஒருநாள் கல்லூரிக்கு வர அனுமதிக்க வேண்டும். கல்லூரிக்கு வரும் போது மாணவர்களுக்கு வெப்ப பரிசோதனை நடத்த வேண்டும். அடிக்கடி கல்லூரிகளில் கிருமி நாசினி தெளித்து தூய்மைப்படுத்த வேண்டும். கொரோனா தடுப்பு வழிகாட்டு நெறிமுறைகள் கடைப்பிடிக்கப்பட வேண்டும் என்று அனைத்து கல்லூரிகளுக்கும் உயர்கல்வித்துறை சார்பில் சுற்றறிக்கை அனுப்பி வைக்கப்பட்டுள்ளது.
இவ்வாறு அதில் கூறப்பட்டுள்ளது.
புதுச்சேரியில் பள்ளிகள் மீண்டும் வழக்கம்போல் எப்போது செயல்படும் என எதிர்பார்த்து வந்தநிலையில் 1 முதல் 12-ம் வகுப்பு வரை பள்ளிகள் அனைத்தும் நேற்று திறக்கப்பட்டன.
புதுச்சேரி:
கொரோனா தொற்று பரவலால் கடந்த மார்ச் மாத இறுதியில் புதுச்சேரியில் பள்ளி, கல்லூரிகள் உள்ளிட்ட கல்வி நிறுவனங்கள் அனைத்தும் மூடப்பட்டன. கொரோனா பாதிப்புகள் குறையத்தொடங்கியதும் படிப்படியாக தளர்வுகள் அறிவிக்கப்பட்டது. கடந்த அக்டோபர் மாதம் 9 முதல் 12-ம் வகுப்பு வரையிலான மாணவர்களுக்கு சுழற்சி முறையில் வகுப்புகள் செயல்பட்டு வந்தன. பள்ளிகள் மீண்டும் வழக்கம்போல் எப்போது செயல்படும் என எதிர்பார்த்து வந்தநிலையில் பள்ளிகள் அனைத்தும் நேற்று திறக்கப்பட்டன.
கொரோனா தடுப்பு நடவடிக்கையாக பள்ளிக்கூட வளாகங்களில் மாணவர்களுக்கு உடல் வெப்ப பரிசோதனை செய்ததுடன் கிருமி நாசினி வழங்கப்பட்டது. வகுப்பறைகளில் சமூக இடைவெளியுடன் அமர வைக்கப்பட்டனர். ஆசிரியர்கள் மாணவர்களை கட்டாயம் முககவசம் அணியவும் தொடர்ந்து அறிவுறுத்தினர். பெரும்பாலான பள்ளிகளில் 50 முதல் 80 சதவீதம் வரை மாணவர்கள் வருகை தந்தனர்.
கொரோனா தொற்று பரவலால் கடந்த மார்ச் மாத இறுதியில் புதுச்சேரியில் பள்ளி, கல்லூரிகள் உள்ளிட்ட கல்வி நிறுவனங்கள் அனைத்தும் மூடப்பட்டன. கொரோனா பாதிப்புகள் குறையத்தொடங்கியதும் படிப்படியாக தளர்வுகள் அறிவிக்கப்பட்டது. கடந்த அக்டோபர் மாதம் 9 முதல் 12-ம் வகுப்பு வரையிலான மாணவர்களுக்கு சுழற்சி முறையில் வகுப்புகள் செயல்பட்டு வந்தன. பள்ளிகள் மீண்டும் வழக்கம்போல் எப்போது செயல்படும் என எதிர்பார்த்து வந்தநிலையில் பள்ளிகள் அனைத்தும் நேற்று திறக்கப்பட்டன.
கொரோனா தடுப்பு நடவடிக்கையாக பள்ளிக்கூட வளாகங்களில் மாணவர்களுக்கு உடல் வெப்ப பரிசோதனை செய்ததுடன் கிருமி நாசினி வழங்கப்பட்டது. வகுப்பறைகளில் சமூக இடைவெளியுடன் அமர வைக்கப்பட்டனர். ஆசிரியர்கள் மாணவர்களை கட்டாயம் முககவசம் அணியவும் தொடர்ந்து அறிவுறுத்தினர். பெரும்பாலான பள்ளிகளில் 50 முதல் 80 சதவீதம் வரை மாணவர்கள் வருகை தந்தனர்.
தொடர் மழையால் திருபுவனை பகுதி சாலைகள் பல்லாங்குழியாக மாறியுள்ளன.
திருபுவனை:
புதுச்சேரி - விழுப்புரம் தேசிய நெடுஞ்சாலையில் பல்வேறு ஊர்களை இணைக்கும் முக்கிய சந்திப்பாக திருபுவனை உள்ளது. கடந்த மாதம் அடுத்தடுத்து உருவான நிவர், புரெவி புயலால் கொட்டித்தீர்த்த மழையால் புதுவை நகரம், கிராமப்புற சாலைகள் பெரும் சேதம் அடைந்துள்ளன.
போக்குவரத்துக்கு முக்கிய சாலையாக விளங்கும் திருபுவனை பகுதி சாலைகளும் மிகவும் சேதம் அடைந்து பல்லாங்குழியாக காட்சி அளிக்கிறது.
இந்த சாலைகளில் தொடர்ந்து கனரக வாகனங்கள், பஸ்கள் செல்வதால் ஜல்லிக்கற்கள் பெயர்ந்து சாலையில் சிதறிக் கிடப்பதாலும் காற்றில் புழுதி பறப்பதாலும் இருசக்கர வாகன ஓட்டிகள் அடிக்கடி விபத்துக்குள்ளாகிறார்கள்.
அவசர நேரத்தில் கூட வாகனங்கள் செல்ல முடியாத அளவுக்கு படுமோசமாக சாலைகள் காட்சி அளிக்கின்றன. இந்த சாலை வழியாக அரசு அதிகாரிகள், கொம்யூன் பஞ்சாயத்து அதிகாரிகள் தினமும் சென்று வருகிறார்கள். ஆனால் சாலையை சீரமைக்க எந்த நடவடிக்கையும் எடுக்கவில்லை. இந்த நிலையில் கடந்த 2 நாட்களாக விட்டு விட்டு பெய்த மழையால் சாலையில் உள்ள பள்ளத்தில் மழைநீர் தேங்கி சேறும் சகதியுமாக காணப்படுகிறது.
திருபுவனை சின்ன பேட்டை சாலையில் பெரிய, பெரிய அளவில் பள்ளங்கள் உருவாகி உள்ளதால் சாலையில் மரக்கட்டைகளை போட்டு வாகன ஓட்டிகளுக்கு எச்சரிக்கை செய்யப்பட்டுள்ளது.
கொரோனா ஊரடங்கிற்கு பிறகு 9 மாதங்களுக்கு பின்னர் புதுவையில் இன்று (திங்கட்கிழமை) முதல் பள்ளிகள் திறக்கப்பட்டதால் இந்த சாலை வழியாக ஆயிரத்திற்கும் மேற்பட்ட மாணவர்கள் சென்று வருவார்கள். எனவே மாணவர்களின் நலனை கருதி சம்பந்தப்பட்ட அதிகாரிகள் சாலைகளை உடனே சீரமைக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
புதுவையில் 2 மாதத்திற்கு முதியோர் உதவித்தொகையாக ரூ.29 கோடியே 65 லட்சம் வழங்க கவர்னர் ஒப்புதல் அளித்துள்ளார்.
புதுச்சேரி:
புதுவை அரசிடம் இருந்து கடந்த மாதம் (டிசம்பர்) 27-ந் தேதி முதல் கடந்த 2-ந் தேதி வரை அனுப்பி வைக்கப்பட்ட 27 கோப்புகளுக்கு கவர்னர் கிரண்பேடி ஒப்புதல் அளித்துள்ளார். அதன் விவரம் வருமாறு:-
ஆதிதிராவிட மாணவர்களுக்கு பள்ளிக்கூடம் முதல் கல்லூரி வரை படிப்பதற்கான அனைத்து கல்வி கட்டணங்களையும் அரசே ஏற்க ஒப்புதல் அளித்துள்ளார்.
புதுச்சேரி மாநிலத்தின் உள்ளேயும், புதுச்சேரியில் இருந்து வெளி மாநிலங்களுக்கும் புதுவை அரசு சாலை போக்குவரத்து கழக பஸ்களை இயக்க இல்லாத வழித்தடங்களை குத்தகை அடிப்படையில் தனியாருக்கு அளிப்பது தொடர்பான கோப்புக்கு மேற்கொண்டு விவரங்கள் கேட்டுள்ளார்.
உள்ளாட்சித்துறை மூலம் மத்திய அரசின் ஜல் ஜீவன் மிஷன் திட்டத்தின் கீழ் வகுக்கப்பட்ட வழிமுறைகளுக்கு அனுமதி கொடுத்துள்ளார்.
சட்டத்துறையில் உதவி நூலகம் மற்றும் தகவல் அதிகாரி நியமனம் தொடர்பான கோப்பை மத்திய அரசு பணியாளர் தேர்வாணையத்துக்கு பரிந்துரை செய்துள்ளார். ஸ்டேனோகிராபர் கிரேடு-2 பணியிடத்துக்கு பிராந்திய மொழியில் நடக்க விருந்த தட்டச்சு தேர்வை ரத்து செய்ய அனுமதி வழங்கியுள்ளார். 1 லட்சத்து 54 ஆயிரத்து 847 முதியோருக்கு கடந்த டிசம்பர் மற்றும் ஜனவரி மாதத்துக்கான உதவித்தொகை வழங்க ரூ.29 கோடியே 65 லட்சத்திற்கு ஒப்புதல் அளிக்கப்பட்டுள்ளது.
மணக்குள விநாயகர் கோவில் தேவஸ்தானத்துக்கு ஒரு பெண் உள்பட 5 பேர் கொண்ட புதிய நிர்வாக அறங்காவல் குழு நியமனத்துக்கு அனுமதி வழங்கப்பட்டுள்ளது. இந்த குழு 3 ஆண்டுகள் பதவியில் இருக்கும்.
புதுவை அரசு சுற்றுலா வளர்ச்சி கழக ஊழியர்களுக்கு (பி.டி.டி.சி) சம்பளம் வழங்க ரூ.75 லட்சத்துக்கு அனுமதி அளிக்கப்பட்டுள்ளது. பி.டி.டி.சி.யில் விஜயன் கமிட்டி பரிந்துரையை அமல்படுத்துமாறும் அறிவுறுத்தியுள்ளார். தேர்தல் பணிக்கு வாக்குப்பெட்டி, காகிதம், பேப்பர் ஸ்டிப் உள்ளிட்ட உபகரணங்கள் வாங்க ரூ.6 லட்சத்து 55 ஆயிரத்திற்கு அனுமதி வழங்கப்பட்டுள்ளது.
வில்லியனூர் அருகே குடிபோதையில் வாய்க்காலில் தவறி விழுந்து தொழிலாளி பலியான சம்பவம் குறித்து போலீசார் விசாரணை நடத்தி வருகின்றனர்.
வில்லியனூர்:
வில்லியனூர் அருகே உள்ள அம்மணகுப்பத்தை சேர்ந்தவர் அப்பாதுரை (வயது 53). அதே பகுதியில் உள்ள தனியார் கம்பெனியில் தொழிலாளியாக வேலை பார்த்து வந்தார். இவருக்கு மது குடிக்கும் பழக்கம் இருந்து வந்தது.
நேற்று மாலை அப்பாதுரை குடிபோதையில் பத்துக்கண்ணு அருகே உள்ள வாய்க்காலுக்கு சென்றார். அப்போது அவர் திடீரென்று தவறி வாய்க்கால் தண்ணீரில் விழுந்து மூழ்கி, பரிதாபமாக இறந்துபோனார்.
இதை பார்த்த அக்கம் பக்கத்தினர் வில்லியனூர் போலீசுக்கு தகவல் தெரிவித்தனர். அதன்பேரில் போலீசார் விரைந்து வந்து வாய்க்காலில் மூழ்கிய அப்பாதுரையின் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.
இந்த சம்பவம் தொடர்பாக வில்லியனூர் போலீஸ் சப்-இன்ஸ்பெக்டர் குமார் வழக்குப்பதிவு செய்து விசாரித்து வருகிறார்.
×