என் மலர்

    நீங்கள் தேடியது "Central jail"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருச்சி மத்திய சிறையில் கைதிகள் செல்போன் மற்றும் போதை பொருட்கள் பயன்படுத்துவதாக புகார்கள் வந்தன.
    • சோதனையின் போது கைதிகளிடம் செல்போன்கள் சிம்கார்டுகள், போதைப் பொருட்கள் ஆயுதங்கள் இருக்கிறதா? என தேடினர்.

    திருச்சி :

    திருச்சி மத்திய சிறையில் 2 ஆயிரத்துக்கும் மேற்பட்ட விசாரணை மற்றும் தண்டனை கைதிகள் அடைக்கப்பட்டுள்ளனர். இந்த கைதிகள் செல்போன் மற்றும் போதை பொருட்கள் பயன்படுத்துவதாக புகார்கள் இருந்து வருகின்றன. மேலும் அவ்வப்போது கைதிகளுக்கு இடையே கோஷ்டி மோதல்களும் நடக்கின்றன.

    இதற்கிடையே கள்ளக்குறிச்சி மாணவி ஸ்ரீமதி இறந்த சம்பவத்தில் அப்பள்ளியை சூறையாடிய வழக்கில் கைதான 200-க்கும் மேற்பட்டவர்கள் திருச்சி மத்திய ஜெயிலில் அடைக்கப்பட்டுள்ளனர். இதில் ஒரு கைதியிடமிருந்து கடந்த சில தினங்களுக்கு முன்பு செல்போன் பறிமுதல் செய்யப்பட்டுள்ளது.

    இந்த நிலையில் இன்று காலை 6 மணிக்கு மத்திய சிறையில் சிறையில் அதிரடி சோதனை நடைபெற்றது. திருச்சி உதவி போலீஸ் கமிஷனர் அஜய் தங்கம் தலைமையில் 2 போலீஸ் இன்ஸ்பெக்டர்கள், 8 சப்-இன்ஸ்பெக்டர்கள், 40 போலீசார், 20 ஆயுதப்படை பிரிவு போலீசார், வெடிகுண்டு நிபுணர்கள் மற்றும் மோப்ப நாய் உடன் காலை 6 மணிக்கு சோதனை தொடங்கியது.

    அவர்களுடன் சிறைத்துறை டி.ஐ.ஜி. தலைமையில் 80-க்கும் மேற்பட்ட சிைற காவலர்களும் சோதனையில் ஈடுபட்டனர். இந்த சோதனையின் போது கைதிகளிடம் செல்போன்கள் சிம்கார்டுகள், போதைப் பொருட்கள் ஆயுதங்கள் இருக்கிறதா? என சல்லடை போட்டு தேடினர். இதில் ஒரு செல்போன் மற்றும் சிம் கார்டுகள் பறிமுதல் செய்யப்பட்டதாக கூறப்படுகிறது.

    இது தொடர்பான விசாரணை தொடங்கப்பட்டுள்ளது. மத்திய ஜெயிலில் 150-க்கும் மேற்பட்ட போலீஸ் அதிகாரிகள் மற்றும் போலீசார் ஜெயிலுக்குள் அதிரடி சோதனை நடத்தியது பெரும் பரபரப்பு ஏற்படுத்தியது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காங்கேயம் போலீஸ் நிலையத்துக்குட்பட்ட பகுதியில் நடந்த ஒரு கொலை வழக்கில் கைது செய்யப்பட்டார்.
    • பழனிசாமியை மீட்டு ஜெயிலில் உள்ள ஆஸ்பத்திரியில் முதல் உதவி சிகிச்சை அளித்தனர்.

    கோவை:

    திருப்பூர் மாவட்டம் காங்கேயம் அருகே உள்ள சிவன்மலையை சேர்ந்தவர் பழனிசாமி (வயது 50). இவர் காங்கேயம் போலீஸ் நிலையத்துக்குட்பட்ட பகுதியில் நடந்த ஒரு கொலை வழக்கில் கைது செய்யப்பட்டார்.

    பின்னர் திருப்பூர் விரைவு மகளிர் நீதிமன்ற காவலில் கடந்த ஏப்ரல் மாதம் முதல் கோவை மத்திய ஜெயிலில் அடைக்கப்பட்டார்.கடந்த 13-ந் காலையில் பழனிசாமி திடீரென வாந்தி எடுத்து மயங்கி விழுந்தார். இதனை பார்த்த சக கைதிகள் இது குறித்து ஜெயில் அதிகாரிகளுக்கு தகவல் தெரிவித்தனர்.

    உடனடியாக அவர்கள் விரைந்து சென்று பழனிசாமியை மீட்டு ஜெயிலில் உள்ள ஆஸ்பத்திரியில் முதல் உதவி சிகிச்சை அளித்தனர். பின்னர் மேல் சிகிச்சைக்காக கோவை அரசு ஆஸ்பத்திரியில் உள்ள சிறை கைதிகள் வார்டில் சேர்த்தனர். அங்கு அவருக்கு டாக்டர்கள் சிகிச்சை அளித்து வந்தனர்.

    ஆனால் சிகிச்சை பலனளிக்காமல் பழனிசாமி பரிதாபமாக இறந்தார். இது குறித்து ஜெயில் அதிகாரிகள் ரேஸ்கோர்ஸ் போலீசாருக்கு தகவல் தெரிவித்தனர். உடனடியாக போலீசார் சம்பவஇடத்துக்கு விரைந்து சென்று விசாரணை நடத்தினர்.

    பின்னர் பழனிசாமியின் உடலை மீட்டு பிரேத பரிசோதனைக்காக கோவை அரசு ஆஸ்பத்திரிக்கு அனுப்பி வைத்தனர். இது குறித்து ரேஸ்கோர்ஸ் போலீசார் வழக்குப்பதிவு செய்து விசாரணை நடத்தி வருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருச்சி மத்திய சிறைச்சாலை சார்பில் 2 பெட்ரோல் பங்க்குகளுக்கு அனுமதி வழங்கப்பட்டுள்ளது.
    • சிறைத்துறைக்கு சொந்தமான இடங்களில் அமைக்க உள்ளனர்

    திருச்சி :

    தமிழகத்தில் உள்ள மத்திய சிறைச்சாலைகளில் கைதிகள் மூலம் பல்வேறு சிறு தொழில்கள் நடத்தப்பட்டு வருகின்றன. அது மட்டுமின்றி தொழில் பயிற்சியும் அளிக்கப்பட்டு வருகிறது. விவசாயம் சார்ந்த படிப்புகளும் கற்றுத்தரப்படுகிறது. கைதிகளாக சிறைக்குள் வருபவர்கள் கல்வி அறிவு பெற்றவர்களாக வெளியில் செல்லும் அளவுக்கு அவர்கள் பக்குவப்படுத்தப்பட்டு வருகின்றனர்.

    கைதிகள் தாங்கள் பெற்ற பயிற்சியின் பலனாக மத்திய சிறைச்சாலைகளில் கரும்பு, நெல், சோளம் உள்ளிட்டவைகளும், காய்கறிகளும் பயிரிட்டு பராமரிக்கின்றனர். அவை குறைந்த விலைக்கு பொதுமக்களுக்கு விற்பனை செய்யப்படுகிறது. அத்துடன் மீன்கள் வளர்க்கப்பட்டு குறிப்பிட்ட தினங்களில் கைதிகள் மூலம் சிறைச்சாலைக்கு வெளியே விற்கப்படுகிறது.

    திருச்சி மத்திய சிறையில் நன்னடத்தை அடிப்படையில் தேர்வு செய்யப்பட்டுள்ள கைதிகள் மூலம் சிறைக்கு வெளியே வேளாண் பணிகளும் மேற்கொள்ளப்படுகிறது. அதுமட்டுமல்லாமல் சிறைக்குள் தொழிற் கூடங்களும் இயங்கி வருகின்றன. குறிப்பாக கொரோனா பேரிடர் காலத்தில் கைதிகள் தயாரித்த முகக்கவசங்கள் பொதுமக்களிடம் பெரும் வரவேற்பை பெற்றது.

    இந்த நிலையில் கைதிகள் மூலம் சிறைத் துறையினர் இந்தியன் ஆயில் கார்ப்பரேஷன் நிறுவனத்துடன் இணைந்து புதுக்கோட்டை, வேலூர், சென்னை புழல் மற்றும் பாளையங்கோட்டை ஆகிய பகுதிகளில் பெட்ரோல் பங்குகளை இயக்கி வருகின்றனர். இந்த திட்டமானது கடந்த 2019-ல் தொடங்கப்பட்டு வெற்றிகரமாக செயல்பட்டு வருகிறது.

    தற்போது திருச்சி மத்திய சிறைக்கு இரண்டு பெட்ரோல் பங்குகளை இயக்கும் அனுமதியை மாநில அரசு ஒதுக்கீடு செய்துள்ளது. இதற்கான இடம் ஏற்கனவே தேர்வு செய்யப்பட்டுள்ளது. இந்த பெட்ரோல் பங்குகளை திருச்சி மத்திய சிறைச்சாலை முன்புள்ள சிறை பஜார் அருகாமையிலும், காந்தி மார்க்கெட் அருகில் உள்ள மகளிர் சிறைச்சாலை வளாகத்திலும் சிறைத்துறைக்கு சொந்தமான இடங்களில் அமைக்க திட்டமிட்டுள்ளதாக கூறப்படுகிறது.

    இந்த பெட்ரோல் பங்குகளில் பணியாற்றும் கைதிகள் அடையாளம் காணப்பட்டு அவர்களுக்கு தேவையான சிறப்பு பயிற்சிகள் அளிக்கப்படும். இதில் தேர்வு செய்யப்படும் கைதிகள் பணி அமர்த்தப்படுவார்கள். அவர்களுக்கு தினக்கூலி அடிப்படையில் சம்பளம் வழங்கப்படும். இது கைதிகளின் மறுவாழ்வுக்கு வழிவகுக்கும் என ஜெயில் அதிகாரி ஒருவர் தெரிவித்தார்.

    இதேபோல் விரைவில் சென்னை, சேலம், கோவை, மதுரை ஆகிய இடங்களிலும் மத்திய சிறைகளின் வெளிப்புற வளாகங்களில் எரிபொருள் விற்பனை நிலையங்கள் திறக்கப்பட உள்ளன. இது சிறை கைதிகள் பொது தொடர்பை பெறுவதற்கான சிறந்த வழியாக அமையும் என்று அதிகாரிகள் தெரிவித்தனர். ஏற்கனவே கடந்த 2019-ம் ஆண்டு தொடங்கப்பட்ட பெட்ரோல் விற்பனை நிலையங்கள் வெற்றிகரமாக இயங்குவதாக அதிகாரிகள் தரப்பில் தெரிவிக்கப்பட்டுள்ளது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கோவை மத்திய சிறையில் வேலை பார்த்த ஆயுதப்படை ஏட்டு திடீர் மாயமான சம்பவம் குறித்து போலீசார் விசாரணை நடத்தி வருகின்றனர்.

    கோவை:

    தஞ்சை மாவட்டம் ஒரத்த நாடு பகுதியை சேர்ந்தவர் அண்ணாதுரை(வயது 46).

    மத்திய ஆயுதப்படை தலைமை காவலரான (சி.ஆர்.பி.எப்.) இவர் கடந்த 2 வருடங்களாக கோவை மத்திய சிறையில் வேலை பார்த்து வருகிறார்.

    சிறை வளாகத்தில் உள்ள பட்டாலியன் முகாமில் தங்கி வேலைக்கு சென்று வருகிறார். சம்பவத்தன்று வேலை முடிந்ததும் குளிப்பதற்காக சென்ற அண்ணாதுரை அதன் பிறகு முகாமுக்கு திரும்ப வில்லை.

    வெகுநேரமாகியும் அண்ணாதுரையை காணாததால் சந்தேகமடைந்த சகஊழியர்கள் அவரை தேடிப் பார்த்தனர். ஆனால் அவர் கிடைக்கவில்லை.

    இதுகுறித்து ரேஸ்கோர்ஸ் போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து மாயமான அண்ணாதுரையை தேடி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கோவை மத்திய சிறையில் அமைக்கப்பட்டுள்ள ‘ஜாமர்’ கருவியினால் அதை சுற்றி உள்ள பகுதிகளில் செல்போன் சேவை பாதிக்கப்பட்டுள்ளது. இதனால் பொதுமக்கள் அவதி அடைந்து உள்ளனர்.
    கோவை:

    கோவை மத்திய சிறையில் உள்ள கைதிகள் செல்போன் பயன்படுத்துவதை தடுக்க இரண்டு ‘ஜாமர்’ கருவிகள் சில மாதங்களுக்கு முன்பு அமைக்கப்பட்டது. டவர் பிளாக்கில் ஒன்றும், உயர் பாதுகாப்பு பிரிவில் ஒன்றுமாக இரு ‘ஜாமர்’ கருவிகள் உள்ளன. இவை தவிர மேலும் இரண்டு ‘ஜாமர்’ கருவிகள் விரைவில் அமைக்கப்பட உள்ளன.

    கோவை மத்திய சிறையில் செல்போன் பயன்படுத்துதற்கு தடைவிதிக்கப்பட்டாலும் உள்ளே இருக்கும் கைதிகள் செல்போன் பேசுவதாக தொடர்ந்து குற்றச்சாட்டுகள் கூறப்பட்டு வந்தன. கைதிகளை பார்க்க வரும் பார்வையாளர்கள் அனைத்து பாதுகாப்புகளையும் மீறி செல்போன்களை மறைத்து கொண்டுவந்து கைதிகளுக்கு கொடுப்பதாக கூறப்படுகிறது. இதனால் செல்போன் செயல்பாட்டை முற்றிலும் தடுக்கும் வகையில் தமிழகத்தில் உள்ள முக்கிய சிறைகளில் ‘ஜாமர்’ கருவிகள் பொருத்தப்பட்டன.

    ஆனால் கோவை மத்திய சிறையில் பொருத்தப்பட்டுள்ள ‘ஜாமர்’ கருவிகளின் தாக்கம் எல்லையை கடந்து அருகில் உள்ள பாலசுந்தரம் சாலை உள்பட சுற்று பகுதிகளில் யாரும் செல்போன்களை பயன்படுத்த முடியாத அளவிற்கு கடுமையாக இருப்பதாக பொதுமக்கள் குற்றம் சாட்டுகிறார்கள். இதைதொடர்ந்து பி.எஸ்.என்.எல். செல்போன் நிறுவனத்தினர் கருவிகளின் மூலம் ‘ஜாமர்’ கருவிகளின் தாக்கத்தை ஆய்வு செய்தனர். இதில் மத்திய சிறையில் பொருத்தப்பட்டுள்ள ‘ஜாமர்’ கருவிகள் அருகில் உள்ள செல்போன் சேவைகளையும் பாதிப்பதை உறுதி செய்துள்ளனர்.

    இதுகுறித்து பி.எஸ்.என்.எல். தொழில்நுட்ப பணியாளர் ஒருவர் கூறியதாவது:-

    கோவை மத்திய சிறையில் பொருத்தப்பட்டுள்ள ‘ஜாமர்’ கருவியினால் பி.எஸ்.என்.எல். மட்டுமல்லாது மற்ற செல்போன் நிறுவனங்களின் சேவைகளும் பாதிக்கப்பட்டுள்ளன. சிறை அருகில் உள்ள பாலசுந்தரம் சாலை, பாரதியார் சாலை, நஞ்சப்பா சாலையில் செல்போனில் டயல் செய்தால் இணைப்பு கிடைக்கும். சில வினாடிகள் பேசிக் கொண்டிருக்கும் போதே தொடர்பு தானாக துண்டிக்கப்பட்டு விடும். அல்லது இணைப்பு கிடைத்தாலும் எதிர் தரப்பில் பேசுபவர்களின் குரல் தெளிவாக இருக்காது.இது போன்ற சேவை பாதிப்பு உள்ளது.

    இது தொடர்பாக செல்போன் பயன்படுத்துபவர்கள் ஏற்கனவே புகார் கூறினார்கள். இதுகுறித்து சிறை அதிகாரிகளின் கவனத்துக்கும் கொண்டு சென்றுள்ளோம். ஆனால் அவர்கள் தரப்பில் இதுவரை எந்த நடவடிக்கையும் எடுக்கவில்லை.

    ‘ஜாமர்’ கருவியின் தாக்கம் எவ்வளவு மீட்டர் சுற்றளவுக்கு இருக்கும் என்பதை மத்திய அரசு தொலை தொடர்புத் துறையினருக்கு தான் தெரியும். ‘ஜாமர்’ கருவியின் தாக்கத்தை குறைத்து சிறை வளாக அளவுக்குள் வைத்தால் இந்த கோளாறு தவிர்க்கப்படும்.இது தொடர்பாக தொலை தொடர்புத் துறை அதிகாரிகள் உரிய நடவடிக்கை எடுக்க வேண்டும்.

    இவ்வாறு அவர் கூறினார். 
    ×