காஞ்சிபுரம்

காஞ்சீபுரம்:

காஞ்சீபுரம் மற்றும் செங்கல்பட்டு மாவட்டத்தில் ஆண் வாக்காளர்கள் 18 லட்சத்து 79 ஆயிரத்து 117 பேர், பெண் வாக்காளர்கள் 19 லட்சத்து 20 ஆயிரத்து 277 பேர், இதர வாக்காளர்கள் 494 பேர் என மொத்த வாக்காளர்களின் எண்ணிக்கை 37 லட்சத்து 99 ஆயிரத்து 888 பேர் உள்ளனர்.

திருவள்ளூர் மாவட்டத் தில் சட்டமன்ற தொகுதி வாரியாக வாக்காளர்கள் விவரம் வருமாறு:-

கும்மிடிப்பூண்டி:- ஆண்கள்-131293, பெண்கள்- 136956, பிற இனத்தினர்-33, மொத்தம்-268282.

பொன்னேரி:- ஆண்கள்-125075, பெண்கள்-129710, பிற இனத்தினர்-63, மொத்தம்-254848.

திருத்தணி:- ஆண்கள்-136323, பெண்கள்-140766, பிற இனத்தினர்-27, மொத்தம்-277116.

திருவள்ளூர்:- ஆண்கள்-127952, பெண்கள்-133931, பிற இனத்தினர்-23, மொத்தம்-261906.

பூந்தமல்லி:-ஆண்கள்- 165614, பெண்கள்-169973, பிற இனத்தினர்-48, மொத்தம்-335635.

ஆவடி:- ஆண்கள்-205964, பெண்கள்-207193, பிற இனத்தினர்-89, மொத்தம்-413246.

மதுரவாயல்:- ஆண்கள்-210957, பெண்கள்- 206560, பிற இனத்தினர்-119, மொத்தம்-417636.

அம்பத்தூர்:- ஆண்கள்- 182439, பெண்கள்- 181518, பிற இனத்தினர்-89, மொத்தம்-364046.

மதுராந்தகம்:- ஆண்கள்- 212641, பெண்கள்-213399, பிற இனத்தினர்-93, மொத்தம்-426133.

திருவொற்றியூர்:- ஆண்கள்-143091, பெண்கள்-146181, பிற இனத்தினர்-132, மொத்தம்-289404.

காஞ்சிபுரம்:

வாலாஜாபாத் வெள்ளரி அம்மன் கோவில் பகுதியைச் சேர்ந்தவர் கபிலா. பட்டதாரியான இவர் பத்திரகாளி அம்மனுக்கு கோவில் கட்டி பொதுமக்களுக்கு அருள்வாக்கு சொல்லி வருகிறார்.

இவரது கோவில் கும்பாபிஷேகத்தின்போது நல்ல பாம்புகளை கொண்டு சர்ப்ப சாந்தி என்னும் நாக பூஜை நடந்தது.

அப்போது பாம்பை கழுத்தில் சுற்றியபடி அருள் வாக்கு கூறியிருக்கிறார்.

தற்போது பாம்புடன் இருக்கும் கபிலாவின் வீடியோ சமூக வலைதளங்களில் பரவி வருகிறது. மேலும் பாம்புகளை பிடித்து வைத்திருப்பதாக காஞ்சிபுரம் மாவட்ட வன அலுவலர் நாக சதீஷ் கிரிஜா லாவுக்கு புகார் வந்தது.

அவரது உத்தரவுப்படி செங்கல்பட்டு வன சரகர் பாண்டுரங்கன் தலைமையிலான வனத்துறையினர் சாமியார் கபிலாவிடம் விசாரணை நடத்தினர். பின்னர் வன விலங்குகள் மிருக வதை தடுப்பு சட்டத்தின் கீழ் கபிலாவை வனத்துறையினர் கைது செய்தனர்.

எனக்கு 1999-ம் ஆண்டு சாமி அருள் வந்தது. 2000-ம் ஆண்டு கோவில் கட்டினேன். 2006-ம் ஆண்டு கும்பாபிஷேகம் நடந்தது. 2018-ம் ஆண்டு 2-வது கும்பாபிஷேகம் நடந்தது. அப்போது சர்பசாந்தி பூஜைக்காக நாகத்தை கொண்டு வர செய்தோம். பூஜையின் போது பாம்பை கண்டு நானே பயந்தேன்.

சாமியின் அருள் வந்தபோது அம்மனே பாம்பை வாங்கி இருக்கிறார். அம்மன் கேட்டதால்தான் எனது கழுத்தில் பாம்பை சுற்றி உள்ளனர்.

பாம்பை வைத்து பூஜை செய்தது தவறு என்பதை நான் ஒப்புக்கொள்கிறேன். பணம் சம்பாதிக்கும் நோக்கத்துடன் பாம்பை கொண்டு வரவில்லை. பூஜைக்காக மட்டுமே பாம்பை வரவழைத்தோம்.

எனது பெயரை கெடுப்பதற்காக யாரோ தவறுதலாக இந்த வேலையை செய்துள்ளனர்.

இவ்வாறு அவர் கூறினார்.

இதுதொடர்பாக வனத்துறை அதிகாரிகள் கூறும்போது, கோவிலை விளம்பரப்படுத்துவதற்காகவும், பணம் சம்பாதிப்பதற்காகவும் பாம்புடன் உள்ள வீடியோவை பதிவேற்றம் செய்துள்ளனர்.

வன விலங்கு தடுப்பு சட்டத்தில் நல்ல பாம்பு உள்ளது. அதனை காட்சிப்படுத்துவதோ, வணிக ரீதியாக பயன்படுத்துவதோ தடை செய்யப்பட்டுள்ளது. இது அபராதம் விதிக்கக் கூடிய குற்றம் அல்ல. நீதிமன்றத்தால் தண்டனை கொடுக்கக்கூடிய குற்றம். எனவே பெண் சாமி கபிலா கைது செய்யப்பட்டுள்ளார்’ என்றனர்

படப்பை:

படப்பையை அடுத்த சோமங்கலம் மேட்டூர் இந்திரா நகர் பகுதியை சேர்ந்தவர் குசேலன். இவரது மகன் திருமூர்த்தி (வயது 22). இவர் உயர்ரக செல்போன்களை திருடி விற்று உல்லாசமாக வாழ்ந்து வந்தார்.

ஸ்ரீபெரும்புதூர் காவல் நிலையத்தில் சில நாட்களுக்கு முன்பு செல்போன் திருடிய வழக்கில் கைது செய்யப்பட்டு சிறை சென்று வந்தார். திருமூர்த்தி வேலைக்கு எங்கும் செல்லாமல் குடித்து விட்டு ஊதாரி தனமாக ஊர் சுற்றி வந்தார். இதனால் அவரது தந்தை, திருமூர்த்தியை கண்டித்துள்ளார்.

இதில் மனம் உடைந்த திருமூர்த்தி வீட்டில் யாரும் இல்லாதபோது மின் விசிறியில் தூக்கு போட்டு தற்கொலை செய்து கொண்டார். இது குறித்து மணிமங்கலம் போலீஸ் இன்ஸ்பெக்டர் சவுந்தர்ராஜன் வழக்குப்பதிவு செய்து விசாரணை செய்து வருகின்றார்.

படப்பை:

படப்பை அடுத்த கரசங்கால் பகுதியை சேர்ந்தவர் அருண் என்கிற அருண் குமார்.

இவர் மீது மணிமங்கலம், சோமங்கலம், ஒரகடம், ஓட்டேரி உள்ளிட்ட போலீஸ் நிலையத்தில் கொலை, கொள்ளை, வழிப்பறி, உள்ளிட்ட வழக்குகள் உள்ளன. தலைமறைவாக இருந்த ரவுடி அருண்குமாரை போலீசார் தேடி வந்தனர்.

இந்த நிலையில் கடந்த செப்டம்பர் மாதம் அருண் குமார் தனது கூட்டாளிகளுடன் படப்பை அடுத்த மணிமங்கலம் ஏரியில் உள்ள சவுடு மண் குவாரிக்கு சென்று அங்கு இருந்த காசாளரை கத்தியால் தாக்கி ரூ. 1 லட்சத்து 96 ஆயிரம் மற்றும் 2 செல்போன் ஆகியவற்றை கொள்ளயடித்து சென்றனர்.

இதுகுறித்து மணிமங்கலம் போலீஸ் இன்ஸ்பெக்டர் சவுந்தர்ராஜன் வழக்கு பதிவு செய்து அருண்குமாரை தேடி வந்தனர்.

ஆதனுர் கூட்டு சாலையில் மறைந்து இருந்த ரவுடி அருண்குமார் மற்றும் கூட்டளி சுரேஷ் ஆகிய 2 பேரை சுற்றிவளைத்து போலீசார் கைது செய்தனர்.

தாம்பரம்:

தாம்பரத்தை அடுத்த இரும்புலியூரை சேர்ந்தவர் சுந்தர்ராஜன் (வயது 48). வண்டலூரில் உள்ள தனியார் கல்லூரியில் டிரைவராக வேலை பார்த்து வந்தார். சம்பவத்தன்று இரவு அவர் இரும்புலியூரில் உள்ள டயர் ஷோரூம் முன்பு மது அருந்தியதாக கூறப்படுகிறது. அப்போது ஷோரூம் ஊழியர்கள் சுந்தர்ராஜனை அங்கிருந்து செல்லுமாறு கூறினர். இதில் அவர்களுக்கு இடையே வாக்குவாதம் ஏற்பட்டது.

இதனால் ஆத்திரம் அடைந்த சுந்தர்ராஜன் அருகில் கிடந்த கல்லை ஷோரூம் கண்ணாடி மீது வீசினார். இதில் கண்ணாடி உடைந்தது.

இதுபற்றி ஷோரூம் ஊழியர்கள் தாம்பரம் போலீசுக்கு தகவல் தெரிவித்தனர். போலீசார் விரைந்து வந்து சுந்தர் ராஜனை விசாரணைக்காக போலீஸ் நிலையத்துக்கு அழைத்து சென்றனர்.

இதுபற்றி அறிந்ததும் அவரது உறவினர்கள் போலீஸ் நிலையத்துக்கு திரண்டு வந்தனர். இதையடுத்து சுந்தர்ராஜனை போலீசார் எச்சரித்து அங்கிருந்து அனுப்பி விட்டனர்.

இரவு வீட்டுக்கு சென்ற அவர் தூங்கி விட்டார். காலையில் நீண்ட நேரம் ஆகியும் அவர் எழவில்லை. சந்தேகம் அடைந்த உறவினர்கள் அவரை மீட்டு அருகில் உள்ள தனியார் ஆஸ்பத்திரியில் சேர்த்தனர். பரிசோதித்த டாக்டர்கள் ஏற்கனவே சுந்தர்ராஜன் மாரடைப்பால் இறந்து விட்டதாக தெரிவித்தனர். போலீஸ் தாக்கியதால் தான் சுந்தர்ராஜன் இறந்ததாக குற்றம் சாட்டி அவரது உறவினர்கள் ஏராளமானோர் தாம்பரம் போலீஸ் நிலையம் முன்பு திரண்டு போராட்டத்தில் ஈடுபட்டனர். போலீசாரிடம் கடும் வாக்குவாதம் செய்தனர்.

போலீஸ் அவர்களிடம் சமாதானம் பேசி கலைந்து போகச் செய்தனர். இது குறித்து சுந்தர்ராஜனின் உறவினர் ஒருவர் கூறும்போது, ‘போலீஸ் விசாரணைக்கு அழைத்து செல்லப்பட்ட சுந்தர்ராஜன் கடுமையாக தாக்கப்பட்டு உள்ளார்.

அவரது உடலில் காயங்கள் இருந்தன. போலீசார் தாக்கியதால் தான் அவர் இறந்து உள்ளார். அவருக்கு எந்த இருதய பாதிப்பும் கிடையாது’ என்றனர்.

சுந்தர்ராஜன் உடல் பிரேத பரிசோதனைக்காக குரோம்பேட்டை அரசு ஆஸ் பத்திரியில் வைக்கப்பட்டு உள்ளது. இதுபற்றி போலீஸ் உயர் அதிகாரிகள் விசாரணை நடத்தி வருகிறார்கள்.