என் மலர்

    நீங்கள் தேடியது "struggle"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மார்க்சிஸ்ட் கம்யூனிஸ்ட் கட்சிaயினர் மனு அளிக்கும் போராட்டம் நடைபெற்றது
    • மின் கட்டண உயர்வை திரும்ப பெற வலியுறுத்தி

    கரூர்:

    மின் கட்டண உயர்வை திரும்பப் பெறவேண்டும் என்று மார்க்சிஸ்ட் கம்யூனிஸ்ட் கட்சியினர் பெருந்திரள் முறையீடு மனு கொடுக்கும் இயக்கம் மாநகரச் செயலாளரும், கரூர் மாநகராட்சி மாமன்ற உறுப்பினருமான தண்டபாணி தலைமையில் நடைபெற்றது.

    அந்த மனுவில், தேர்தல் அறிக்கையில் கூறியதுப்போல மாதந்தோறும் மின் உபயோக கணக்கீடு செய்யவேண்டும். தமிழக அரசின் உத்தேச மின் கட்டண உயர்வைத் திரும்ப பெறவேண்டும் என வலயுறுத்தப்பட்டது. மாவட்ட செயலாளர் ஜோதிபாசு, அசோக் நகர் கிளை செயலாளர் சதீஷ்கு மார், தியாகராஜன், சக்திவேல், ராமகிருஷ்ணன் உள்ளிட்ட நிர்வாகிகள், கட்சியினர் கலந்து கொண்டனர்.

    இதே கோரிக்கையை வலியுறுத்தி பாலவிடுதி மின்வாரிய உதவி செயற்பொறியாளரிடம் விவசாயத் தொழிலாளர் சங்க வட்டச்செயலாளர் பி.வேல்முருகன், மாவட்ட செயற்குழு உறுப்பினர் பி.ராமமூர்த்தி, வட்டக்குழு செயலாளர் பழனிவேல் உள்ளிட்ட நிர்வாகிகள், கட்சியினர் கலந்து கொண்டனர். பங்கேற்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த நிலையில் இன்று இந்து முன்னணியினர் ஏராளமானோர் மாநகராட்சி அலுவலகம் முன்பு திரண்டனர்.
    • பின்னர் அவர்கள் மாநகராட்சி அலுவலகத்தை முற்றுகையிட்டு போராட்டம் நடத்தினர்.

    தஞ்சாவூர்:

    தஞ்சை தொல்காப்பியர் சதுக்கம் அருகே சோழன் நகரில் பாதாள சாக்கடை அடைப்பு பிரச்சனையை சரி செய்வதற்காக மாநகராட்சி சார்பில் பள்ளம் தோண்டப்பட்டது. ஆனால் இந்தப் பள்ளம் உடனடியாக மூடவில்லை என்றும், இதனால் விபத்துக்கள் நடைபெறுகிறது என்றும் கூறி இந்து முன்னணியினர் குற்றம் சாட்டி வந்தனர்.

    இந்த நிலையில் இன்று இந்து முன்னணியினர் ஏராளமானோர் மாநகராட்சி அலுவலகம் முன்பு திரண்டனர். பின்னர் அவர்கள் மாநகராட்சி அலுவலகத்தை முற்றுகையிட்டு போராட்டம் நடத்தினர். அலுவலக நுழைவாயில் வழியாக நுழைய முயன்ற போது பாதுகாப்பு பணியில் இருந்த போலீசார் அவர்களை தடுத்து நிறுத்தினர்.

    இதனால் தள்ளுமுள்ளு ஏற்பட்டது. இதை எடுத்து திரும்பி வந்த இந்து முன்னணியினர் மாநகராட்சி அலுவலகம் முன்புள்ள சாலையில் அமர்ந்து மறியலில் ஈடுபட்டனர். இதனால் அங்கு பதட்டமான சூழ்நிலை நிலவியது. என் தொடர்ந்து போராட்டத்தில் ஈடுபட்ட இந்து முன்னணியினர் 45-க்கும் மேற்பட்டவர்களை போலீசார் கைது செய்தனர். இந்த மறியலால் அந்த பகுதியில் போக்குவரத்து பாதிக்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருச்சி ரெயில்வே குட்ஷெட்டில் லாரிகள் பாதுகாப்பாக நிறுத்த இடவசதி செய்து தர வேண்டும்
    • சாலைகளில் நிறுத்தி வைக்கப்பட்டுள்ள லாரிகளில் இருந்து பேட்டரிகள் மற்றும் உதிரி பாகங்கள் திருடப்படும் அவல நிலை ஏற்பட்டுள்ளதாக தொடர்ந்து பல்வேறு புகார்கள் கூறப்பட்டு வருகிறது.

    திருச்சி :

    திருச்சி ரெயில்வே குட்ஷெட்டில் லாரிகள் பாதுகாப்பாக நிறுத்த இடவசதி செய்து தர வேண்டும், பார்க்கிங் இல்லாததால் சாலைகளில் நிறுத்தி வைக்கப்பட்டுள்ள லாரிகளில் இருந்து பேட்டரிகள் மற்றும் உதிரி பாகங்கள் திருடப்படும் அவல நிலை ஏற்பட்டுள்ளதாக தொடர்ந்து பல்வேறு புகார்கள் கூறப்பட்டு வருகிறது.

    இந்த பிரச்சினை தொடர்பாக குட்ஷெட் தலைமை கூட்ஸ் பொறுப்பாளர்கள் மற்றும் ரெயில்வே முதுநிலை வணிக பிரிவு மேலாளர், மாவட்ட கலெக்டர் ஆகியோர் விரைந்து ரெயில்வே நிர்வாகத்திடம் பேசி பார்க்கிங் வசதி ஏற்படுத்தி தரக்கோரி பல முறை மனு அளித்தும் இதுவரை எந்தவித நடவடிக்கையும் எடுக்கப்படவில்லை என்று கூறப்படுகிறது.

    இந்த நிலையில் இன்று மேற்கண்ட கோரிக்கைகளை நிறைவேற்றித்தர வேண்டி ரெயில்வே சரக்கு வேகன்களில் வரும் உரம், கோதுமை மற்றும் மத்திய தொகுப்பிற்கு கொண்டு செல்லப்படும் சிமெண்டு மூட்டைகளை இறக்க மறுத்தும், சரக்கு லாரிகள் இயக்குவதை நிறுத்தி திடீர் போராட்டத்தில் ஈடுபட்டனர்.

    இதில் 450-க்கும் மேற்பட்ட லாரிகள் வேலை நிறுத்தத்தில் ஈடுபட்டுள்ளதால் குட்ஷெட்டில் லாரிகள் அனைத்தும் ஆங்காங்கே நிறுத்தி வைக்கப்பட்டு இருந்தது. அதேபோல் சரக்கு இறக்கும் தொழிலாளர்களும் இணைந்து போராட்டத்தில் குதித்தனர்.

    இன்று ஒரு நாள் அடையாள வேலை நிறுத்தத்தில் லாரி உரிமையாளர்கள் ஈடுபடுவதாகவும், 1-ந்தேதிக்குள் தங்களது கோரிக்கைகளை நிறைவேற்ற ரெயில்வே நிர்வாகம் முன்வராவிட்டால் ஒன்றாம் தேதி முதல் கால வரையற்ற வேலை நிறுத்தத்தில் குட்ஷெட் லாரி உரிமையாளர்கள் ஈடுபடுவோம் எனவும் ரெயில்வே நிர்வாகத்திற்கு எச்சரிக்கை விடுத்தனர்.

    இதுகுறித்த தகவல் அறிந்ததும் அதிகாரிகள் தரப்பில் சமரச பேச்சுவார்த்தை நடத்தப்பட்டது. அவர்களது கோரிக்கைகள் விரைவில் நிறைவேற்றித்தரப்படும் என்று உறுதி அளித்ததை தொடர்ந்து வேலைநிறுத்த போராட்டம் கைவிடப்பட்டது. பின்னர் அவர்கள் தங்களது பணிகளுக்கு சென்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விவசாயிகள் நூதன போராட்டம்
    • விவசாயிகள் நூதன போராட்டத்தில் ஈடுபட்டனர்.

    புதுக்கோட்டை:

    புதுக்கோட்டை மாவட்டத்தில் தென்னை விவசாயம் பிரதானமாக உள்ளது. இந்நிலையில் தேங்காய் மற்றும் ெ காப்பரை விலையை மத்திய, மாநில அரசுகள் உயர்த்தக்கோரி தமிழ்நாடு விவசாயிகள் சங்கம் மற்றும் மார்க்சிஸ்ட் கம்யூனிஸ்டு கட்சியினர் ஆலங்குடியில் உள்ள வட்டஞ்கச்சேரி முக்கத்தில் தேங்காய்களை உடைக்கும் நூதன போராட்டத்தில் ஈடுபட்டனர்.

    இதற்கு ஒன்றிய தலைவர் சங்கர் தலைமை தாங்கினார். போராட்டம் குறித்து விவசாயிகள் கூறுகையில், தேங்காய் விலை சரிவை கட்டுப்படுத்தவும், தென்னை சம்பந்தப்பட்ட தொழில்களை காப்பாற்றவும் மத்திய, மாநில அரசுகள் நடவடிக்கை எடுக்க வேண்டும் கொப்பரை கொள்முதல் கொள்முதல் விலையை குறைந்தபட்ச ஆதார விலையாக கிலோ ஒன்றுக்கு ரூ.140 வழங்க வேண்டும். தேசிய மற்றும் சர்வதேச அளவில் தென்னை தோட்டக்கலை பயிராக உள்ளது.ஆனால் தமிழகத்தில் மட்டும் வேளாண்மை துறை கட்டுப்பாட்டில் உள்ளது. எனவே தோட்டக்கலைத்துறைக்கு தென்னையை மாற்றி உத்தவிட வேண்டும் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நகைகளை திரும்பபெற சென்றபோது வங்கி செயலாளர் வங்கியில் உள்ள நகைகளை எடுத்து முறைகேட்டில் ஈடுபட்டது தெரியவந்தது.
    • பலரது நகைகள் ஒப்படைக்கப்பட்ட நிலையில் இன்னும் 24 பேருக்கு நகைகள் வழங்கப்படாமல் இருப்பதாக கூறப்படுகிறது.

    தரங்கம்பாடி:

    தமிழக அரசு தேர்தல் வாக்குறுதியாக 5 பவுனுக்கு குறைவாக தொடக்க வேளாண்மை கூட்டுறவு வங்கிகளில் விவசாய கடன் பெற்றவர்களுக்கு நகை கடன் தள்ளுபடி செய்யப்படும் என்று அறிவித்தது. அதன்படி தள்ளுபடி செய்யப்பட்ட பயனாளிகளுக்கு நகைகள் வழங்கப்பட்டு வந்தது.

    ஆனால் மயிலாடுதுறை மாவட்டம் செம்பனார்கோவில் அருகே கஞ்சாநகரம் தொடக்க வேளாண்மை கூட்டுறவு கடன் சங்கத்தில் கடந்த 2016-ம் ஆண்டு முதல் 2018-ம் ஆண்டு வரை நகைக்கடன் பெற்றவர்கள் தங்கள் நகைகளை திரும்பபெற சென்றபோது வங்கி செயலாளர் பிரதீப் வங்கியில் உள்ள நகைகளை எடுத்து முறைகேட்டில் ஈடுபட்டது தெரிய வந்தது.

    இச்சம்பவம் தொடர்பாக கடந்த சில மாதங்களுக்கு முன்பு வங்கி செயலாளர் பணியிடை நீக்கம் செய்யப்பட்டார். அதன்பிறகு பலரது நகைகள் ஒப்படைக்கப்பட்ட நிலையில் இன்னும் 24 பேருக்கு நகைகள் வழங்கப்படாமல் இருப்பதாக கூறப்படுகிறது. இந்நிலையில் ஆலவேலியை சேர்ந்த வசுமதி என்பர் கடந்த 2019-ம் ஆண்டு நகை அடகு வைத்தது தொடர்பாக கடன் தள்ளுபடி செய்யப்பட்ட பட்டியலில் பெயர் வந்தும் இதுநாள் வரையில் நகையை வழங்காமல் அலைக் கழித்துள்ளனர்.

    இதனால் வேதனையடைந்த வசுமதி மற்றும் அவரது உறவினர்கள் 20-க்கும் மேற்பட்டோர் கஞ்சாநகரம் தொடக்க வேளாண்மை கூட்டுறவு கடன் சங்கம் முன்பு தர்ணா போராட்டத்தில் ஈடுபட்டனர். இது குறித்து தகவல் அறிந்த செம்பனார்கோவில் போலீசார் போராட்டம் செய்தவர்களிடம் பேச்சுவார்த்தை நடத்தினர். விரைவில் நகைகள் வழங்கப்படும் என கூறியதன்பேரில் தர்ணா போராட்டத்தை அவர்கள் கைவிட்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • புதுவையில் அமைக்கப்பட்டு வரும் தியாக சுவரில் கவர்னர் தமிழிசை சாவர்க்கர் பெயரை பதித்துள்ளார்.
    • சாவர்க்கர் சுதந்திரப் போராட்டத்திற்கு எவ்வித பங்களிப்பும் செய்யவில்லை

    புதுச்சேரி:

    புதுவையில் அமைக்கப்பட்டு வரும் தியாக சுவரில் கவர்னர் தமிழிசை சாவர்க்கர் பெயரை பதித்துள்ளார். 

    சாவர்க்கர் சுதந்திரப் போராட்டத்திற்கு எவ்வித பங்களிப்பும் செய்யவில்லை. அவர் சிறையில் இருந்த போது ஆங்கிலேயர்களிடம் மன்னிப்புக் கடிதம் எழுதிக் கொடுத்தவர் என கூறி அவரது பெயரை நீக்க வேண்டும் என வலியுறுத்தி சமூக அமைப்புகள் சார்பில் போராட்டம் நடத்தப்படும் என அறிவிக்கப்பட்டிருந்தது.

    இதன்படி காந்தி வீதி சின்ன மணிக்கூண்டு அருகே சமூக அமைப்புகளின் நிர்வாகிகள் திரண்டனர். தமிழர் களம் செயலாளர் அழகர், திராவிடர் விடுதலை கழக தலைவர் லோகு அய்யப்பன், மக்கள் உரிமைக் கூட்டமைப்பு செயலாளர் சுகுமாரன், மீனவர் விடுதலை வேங்கைகள் அமைப்பாளர் மங்கையர்செல்வன், திராவிடர் கழகத் தலைவர் சிவ வீரமணி, தந்தை பெரியார் திராவிடர் கழகத் தலைவர் வீரமோகன், எஸ்.டி.பி.ஐ. கட்சி பொதுச்செயலாளர் அப்துல்லா, மாநிலச் செயற்குழு உறுப்பினர் அனிப்பா, பாப்புலர் பிரண்ட் ஆப் இந்தியா பொறுப்பாளர் பரகத்துல்லா, தலித் மக்கள் பாதுகாப்பு இயக்கத் தலைவர் பிரகாஷ், ராஜா, தமிழக வாழ்வுரிமைக் கட்சி அமைப்பாளர் ஸ்ரீதர், யூனியன் பிரதேச மாணவர் கூட்டமைப்பு நிறுவனர் சாமிநாதன்.

    தமிழ் தேசிய பேரியக்கப் பொறுப்பாளர் வேல்சாமி, மனித உரிமைகள் மற்றும் நுகர்வோர் பாதுகாப்பு இயக்கப் பொதுச்செயலாளர் முருகானந்தம், பெரியார் சிந்தனையாளர் இயக்கத் தலைவர் தீனா, பீ போல்ட் அமைப்புத் தலைவர் பஷீர், நாம் தமிழர் கட்சிப் பொறுப்பாளர் ரமேஷ், புரட்சியாளர் அம்பேத்கர் தொண்டர் படைத் தலைவர் பாவாடைராயன், இந்திய தேசிய இளைஞர் முன்னணி தலைவர் கலைப்பிரியன், சுற்றுச்சூழல் கலாச்சாரப் புரட்சி இயக்கத் தலைவர் பிராங்கிளின் பிரான்சுவா, மக்கள் அதிகாரம் பொறுப்பாளர் சாந்தகுமார், பெருமாள் உட்பட பலர் கலந்துகொண்டனர்.

    பின்னர் அங்கிருந்து ஊர்வலமாக கடற்கரை சாலை நோக்கி சென்றனர். அவர்களை புஸ்சி வீதி பொதுப்பணித்துறை தலைமை அலுவலகம் அருகே போலீசார் தடுப்புகளை வைத்து தடுத்து நிறுத்தினர்.

    ஆனால் தடுப்புகளின் மீது ஏறி நின்று போராட்டக்குழுழுவினர் போராட்டம் நடத்தினர். இதனால் போலீசாருக்கும், போராட்டக்காரர்களுக்கும் லேசான தள்ளு, முள்ளு ஏற்பட்டது.

    இதைத்தொடர்ந்து சாவர்க்கர் படத்துக்கு அவமரியாதை செய்த குழுவினர் சாவர்க்கர் உருவப்படத்தை தீயிட்டு எரித்தனர். இதனால் அங்கு பரபரப்பு நிலவியது. சாவர்க்கர் பெயரை தியாக சுவரில் இருந்து நீக்கும் வரை போராட்டம் தொடரும் என அவர்கள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கையில் கயிறு, நெற்றியில் விபூதி பூசக்கூடாது என கூறுவதாக மாணவர்கள் புகார் தெரிவித்தனர்.
    • மாணவர்கள் போராட்டத்தை கைவிட்டு வகுப்பறைகளுக்கு சென்றனர்.

    திருப்பூர்:

    திருப்பூர் கொங்கு மெயின்ரோட்டில் சின்னசாமியம்மாள் ஆண்கள் மேல்நிலை ப்பள்ளி உள்ளது.இங்கு ஆயிரத்திற்கும் மேற்பட்ட மாணவர்கள் படித்து வருகின்றனர்.

    இந்தநிலையில் அங்கு பணியாற்றும் ஆசிரியர்கள் 2பேர் ஒருமையில் பேசுவதாகவும், கையில் கயிறு, நெற்றியில் விபூதி பூசக்கூடாது என கூறுவதாக மாணவர்கள் புகார் தெரிவித்தனர்.

    சில நாட்களுக்கு முன்பு அந்த ஆசிரியர்கள் மீது நடவடிக்கை எடுக்க கோரி பள்ளி தலைமையாசிரியரிடம் மாணவர்கள் புகார் தெரிவித்தனர். ஆனால் தலைமையாசிரியர் எந்தவித நடவடிக்கை யும் எடுக்கவில்லை என கூறப்படுகிறது.

    இதனை கண்டித்து இன்று காலை பள்ளிக்கு வந்த மாணவர்கள் வகுப்புகளை புறக்கணித்து பள்ளி வளாகத்தில் தர்ணா போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது. இது குறித்த தகவல்அறிந்ததும் திருப்பூர் வடக்கு போலீசார் சென்று பேச்சுவார்த்தை நடத்தினர். அப்போது ஆசிரியர்கள் மீது உரிய நடவடிக்கை எடுக்கப்படும் என்று தெரிவித்தனர். இதையடுத்து மாணவர்கள் போராட்டத்தை கைவிட்டு வகுப்பறைகளுக்கு சென்றனர்.   

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாணவி ஸ்ரீமதி இறப்புக்கு நீதி வேண்டி மனித சங்கிலி போராட்டம் நடைபெற்றது.
    • பள்ளி மற்றும் கல்லூரிகளில் நடக்கும் இது போன்ற சம்பவங்களை தமிழக அரசு மற்றும் பள்ளிக்கல்வித்துறை தடுத்து நிறுத்த வேண்டும்.

    திருச்சி:

    அகில இந்திய முஸ்லிம் லீக் கட்சியின் திருச்சி மாநகர் மாவட்ட மாணவர் அணி சார்பில் திருச்சி மத்திய பஸ் நிலையம் அருகில் கள்ளக்குறிச்சி கணியாமூர் தனியார் பள்ளி பிளஸ்-2 மாணவி ஸ்ரீமதி இறப்புக்கு நீதி வேண்டி மனித சங்கிலி போராட்டம் நடைபெற்றது.

    மாணவரணி தலைவர் சமீர் பாட்ஷா தலைமை தாங்கினார்.செயலாளர் முகமது இப்ராகிம் முன்னிலை வகித்தார். கட்சியின் திருச்சி மாவட்ட தலைவர் ஷேக் அப்துல்லா, செயலாளர் ஜனுல்லா மகுது, பொருளாளர் உசேன் ஷரீப் ஆகியோர் கோரிக்கை வலியுறுத்தி பேசினர்.

    மேலும் இந்த ஆர்ப்பாட்டத்தில் கட்சியின் தேசிய பொதுச் செயலாளர் முகமது மீரான், தமிழ் மாநில தலைவர் காஜா முகைதீன்,பொதுச் செயலாளர் ஜாவித் உசேன் ஆகியோர் சிறப்பு அழைப்பாளராக கலந்து கொண்டு பேசினர்.

    இதில் பள்ளி மற்றும் கல்லூரிகளில் நடக்கும் இது போன்ற சம்பவங்களை தமிழக அரசு மற்றும் பள்ளிக்கல்வித்துறை தடுத்து நிறுத்த வேண்டும் என வலியுறுத்தினர். மனித சங்கிலி போராட்டத்தில் பெண்களும் பங்கேற்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அகில இந்திய பி.எஸ்.என்.எல். ஓய்வூதியர்கள் சங்கத்தின் புதுவை மாவட்ட கிளை சார்பில் தர்ணா போராட்டம் நடந்தது.
    • ரங்கப்பிள்ளை வீதி பி.எஸ்.என்.எல். பொதுமேலாளர் அலுவலகம் எதிரே நடந்த போராட்டத்துக்கு மாவட்ட தலைவர் ராமகிருஷ்ணன் தலைமை வகித்தார்.

    புதுச்சேரி:

    அகில இந்திய பி.எஸ்.என்.எல். ஓய்வூதியர்கள் சங்கத்தின் புதுவை மாவட்ட கிளை சார்பில் தர்ணா போராட்டம் நடந்தது.

    ரங்கப்பிள்ளை வீதி பி.எஸ்.என்.எல். பொதுமேலாளர் அலுவலகம் எதிரே நடந்த போராட்டத்துக்கு மாவட்ட தலைவர் ராமகிருஷ்ணன் தலைமை வகித்தார். செயலாளர் ராமகிருஷ்ணன் முன்னிலை வகித்தார். மாநில செயலாளர் ராஜசேகர் தொடக்கவுரையாற்றினார். புதுவை ஓய்வூதியர்கள் சங்க மாநில செயலாளர் நடராஜன், மாவட்ட தலைவர் முத்து, சுப்பிரமணியன், குமார், வில்லியனூர் கிளை செயலாளர் கலியபெருமாள், ஆகியோர்வா ழ்த்தி பேசினர். மாவட்ட பொருளாளர் பாலசுப்பிரமணியன் நன்றி கூறினார்.

    1.1.2017 முதல் வழங்க வேண்டிய ஓய்வூதிய உயர்வை உடனடியாக வழங்க வேண்டும் என்பது உள்ளிட்ட கோரிக்கைகளை வலியுறுத்தி இந்த தர்ணா போராட்டம் நடந்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இசை பள்ளியில் பல்வேறு பகுதிகளை சேர்ந்த 200-க்கும் மேற்பட்ட மாணவ- மாணவிகள் பயின்று வந்தனர்.
    • பயிற்சி வகுப்புகளுக்கு மாணவர்களை அழைத்து வந்த பெற்றோர்களிடம் வகுப்பு கிடையாது என அறிவித்ததால் பெற்றோர்கள் அதிருப்தி அடைந்தனர்.

    சீர்காழி:

    சீர்காழியில் மாவட்ட அரசு இசை பள்ளி செயல்பட்டு வருகிறது. இந்த இசைப் பள்ளியில் சனி, ஞாயிற்றுக் கிழமைகளில் யோகா, பாட்டு, ஓவியம், இசை, பரதம் போன்ற கலைகள் மாணவ- மாணவிகளுக்கு பயிற்றுவித்து வருகின்றனர். இசைப் பள்ளியில் பல்வேறு பகுதிகளை சேர்ந்த 200-க்கும் மேற்பட்ட மாணவ- மாணவிகள் பயின்று வந்தனர்.

    இந்த நிலையில் மாவட்ட இசை பள்ளி நிர்வாகம் சனி ஞாயிற்றுக்கிழமைகளில் நடந்த பயிற்சி வகுப்புகளை திடீரென நிறுத்திவிட்டு திங்கள், செவ்வாய் கிழமை களில் மாலைநடை பெறும் என அறிவித்து நடத்தி வருகிறது.

    இந்நிலை யில் திங்கட்கிழமை பயிற்சி வகுப்புகளுக்கு மாணவ- மாணவிகளை அழைத்து வந்த பெற்றோர்களிடம் இன்று வகுப்பு கிடையாது என திடீரென அறிவித்ததால் பெற்றோர்கள் அதிருப்தி அடைந்து இசைப்பள்ளியை முற்றுகையிட்டு போரா ட்டம் நடத்தினர். இதனால் இசைப்பள்ளி அமைந்துள்ள பகுதியில் பரபரப்பு ஏற்பட்டது. பின்னர் பல பெற்றோர்கள் தங்களது பிள்ளைகளை அழைத்துக் கொண்டு வீடு திரும்பினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • போராட்டம் ஒத்திவைக்கப்படுகிறது எனத்தெரிவிக்கப்பட்டுள்ளது.
    • அனுப்பா்பாளையம் முதல் சோளிபாளையம் வரையிலான சாலையைசீரமைக்க வலியுறுத்தி ஜூலை 20ந் தேதி போராட்டத்தில் ஈடுபடப்போவதாக அறிவிக்கப்பட்டது.

    திருப்பூர்:

    அனுப்பா்பாளையம் - சோளிபாளையம் சாலைப் பணி தொடங்கப்படவுள்ளதால் நாளை நடைபெறுவதாக இருந்த போராட்டம் ஒத்திவைக்கப்பட்டதாக மாா்க்சிஸ்ட் கம்யூனிஸ்ட் கட்சி அறிவித்துள்ளது.

    இது குறித்து 15.வேலம்பாளையம் நகரச்செயலாளா் நந்தகோபால் வெளியிட்டுள்ள அறிக்கையில், வேலம்பாளையம் நகரப்பகுதியில் அனுப்பா்பாளையம் முதல் சோளிபாளையம் வரையிலும், வேலம்பாளையம் முதல் தண்ணீா்ப்பந்தல் வரையிலும் இதர வாா்டுகளில்உள்ள பல சாலைகள் முழுவதும் தோண்டப்பட்டு, பல மாதங்களாக குண்டும்குழியுமாகக் கிடக்கின்றன.இதனால், அப்பகுதியில் தொடா்ந்து விபத்து ஏற்பட்டு வருகிறது. மேலும், அனுப்பா்பாளையம் முதல் சோளிபாளையம் வரையிலான சாலையைசீரமைக்க வலியுறுத்தி ஜூலை 20ந் தேதி போராட்டத்தில் ஈடுபடப்போவதாக அறிவிக்கப்பட்டது.இந்நிலையில் ரூ.87 லட்சத்தில் பணிகள் தொடங்கப்படவுள்ளது என்று மேயா் தினேஷ்குமாா் உறுதியளித்துள்ளாா்.இதையடுத்து போராட்டம் ஒத்திவைக்கப்படுகிறது எனத்தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print