இது புதுசு

ஸ்கைவொர்த் EV6 II எலெக்ட்ரிக் எஸ்யுவி மாடல் சீன சந்தையில் அறிமுகம் செய்யப்பட்டு இருக்கிறது. புதிய ஸ்கைவொர்த் எலெக்ட்ரிக் வாகனம் முழு சார்ஜ் செய்தால் அதிகபட்சம் 620 கிலோமீட்டர்கள் வரையிலான ரேன்ஜ் வழங்கும் ன்று CLTC சான்று பெற்று இருக்கிறது. சீன சந்தையில் புதிய EV6 II மாடலின் விலை 1 லட்சத்து 56 ஆயிரத்து 800 யுவான்கள், இந்திய மதிப்பில் ரூ. 17 லட்சத்து 80 ஆயிரத்து 392 என்று துவங்குகிறது.

ஸ்கைவொர்த் EV6 II மாடல் ஏர், பிளஸ், மேக்ஸ் மற்றும் பெரிசிடன்ட் எடிஷன் என நான்கு வித எடிஷன்களில் கிடைக்கிறது. அளவீடுகளை பொருத்தவரை புதிய EV6 II மாடல் 4720mm நீளம், 1908mm அகலம், 1696mm உயரம், 2800mm வீல்பேஸ் கொண்டிருக்கிறது. இத்துடன் அலுமினியம் அலாய் வீல்கள், சிங்கில் மற்றும் டூயல் டோன் நிற ஆப்ஷன்களில் கிடைக்கிறது.

இந்த எலெக்ட்ரிக் எஸ்யுவி-இன் உள்புறம் டச் சென்சிடிவ் எல்சிடி ஸ்கிரீன், 12.3 இன்ச் எல்சிடி இன்ஸ்ட்ரூமென்ட் கிளஸ்டர் உள்ளது. இத்துடன் மல்டிமீடியா, நேவிகேஷன் மற்றும் மொபைல் கம்யுனிகேஷன் போன்ற வசதிகள் வழங்கப்பட்டு உள்ளன. இத்துடன் சன்ரூஃப், ஏசி, ரியல் டைம் ஜிபிஎஸ், சியோமியின் விர்ச்சுவல் இன்டெலிஜன்ட் ரோபோட் வழங்ப்பட்டுள்ளது.

புதிய ஸ்கைவொர்த் EV6 II மாடலில் 150 கிலோவாட் மோட்டார் உள்ளது. இது 320 நியூட்டன் மீட்டர் டார்க் இழுவிசையை வெளிப்படுத்துகிறது. இதன் AIR மாடலில் 71.98 கிலோவாட் ஹவர் பேட்டரி உள்ளது. இதனை முழு சார்ஜ் செய்தால் 520 கிலோமீட்டர்கள் ரேன்ஜ் வழங்குகிறது. மற்ற மாடல்களில் 85.97 கிலோவாட் ஹவர் பேட்டரி வழங்கப்பட்டு இருக்கிறது. இதனை முழு சார்ஜ் செய்தால் 620 கிலோமீட்டர்கள் வரையிலான ரேன்ஜ் வழங்கும் திறன் கொண்டுள்ளது.

சுசுகி நிறுவனத்தின் மிகவும் பிரபலமான அட்வென்ச்சர் மோட்டார்சைக்கிள் வி ஸ்டாம் சீரிஸ் ஆகும். உள்நாடு மற்றும் பல்வேறு சர்வதேச சந்தைகளில் வி ஸ்டாம் சீரிஸ் விற்பனையில் அமோக வரவேற்பை பெற்று வருகிறது. அந்த வகையில் சுசுகி வி ஸ்டாம் 800DE ரேலி எடிஷன் மாடல் சர்வதேச சந்தையில் விற்பனைக்கு அறிமுகம் செய்யப்பட்டு இருக்கிறது.

ரேலி எடிஷன் மாடலில் ஏராளமான அப்கிரேடுகள் செய்யப்பட்டு, ஆஃப் ரோடர் மாடலாக வெளிப்படுகிறது. டிசைன் அடிப்படையில், புதிய ரேலி எடிஷனில் எவ்வித மாற்றமும் மேற்கொள்ளப்படவில்லை. எனினும், ரேலி சார்ந்த கிராஃபிக்ஸ் பைக்கிற்கு அசத்தல் தோற்றத்தை கொடுக்கிறது. இதன் கிட்-இல் ஹேன்ட்கார்டுகள், கிராஷ் கார்டுகள் கூடுதல் பாதுகாப்பை வழங்குகிறது.

இத்துடன் ஆஃப்ரோடு சார்ந்த ப்ரிட்ஜ்-ஸ்டோன் AX41 ரக டயர்கள் வழங்கப்பட்டு உள்ளன. இவை அதிக சகதி உள்ள பகுதிகளிலும் சிறப்பான கண்ட்ரோல் வழங்குவதை உறுதிப்படுத்துகிறது. புதிய வி ஸ்டாம் 800DE ரேலி எடிஷன் மாடலிலும் 776சிசி பேரலல் டுவின் என்ஜின் வழங்கப்பட்டு இருக்கிறது.

இந்த என்ஜின் 84 ஹெச்பி பவர், 78 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் முழுமையாக அட்ஜஸ்ட் செய்யும் வசதி கொண்ட USD முன்புற ஃபோர்க்குகள், பின்புறம் பிரீலோடு - ரிபவுன்ட் அட்ஜஸ்ட்மென்ட் கொண்ட மோனோஷாக் யூனிட் வழங்கப்பட்டுள்ளது.

சுசுகி மோட்டார்சைக்கிள் நிறுவனம் முந்தைய தலைமுறை வி ஸ்டாம் 650 மற்றும் வி ஸ்டாம் 1000 மாடல்களை இந்திய சந்தையில் விற்பனை செய்திருக்கிறது. புதிய வி ஸ்டாம் 800DE மாடல் இந்திய சந்தையில் டெஸ்டிங் செய்யப்படும் புகைப்படங்களும் வெளியாகி உள்ளன. அந்த வகையில் இந்த மாடல் இந்தியாவிலும் அறிமுகம் செய்யப்படும் என்று எதிர்பார்க்கலாம்.

டாடா மோட்டார்ஸ் நிறுவனம் தனது நெக்சான் பேஸ்லிஃப்ட் மாடலை அறிமுகம் செய்வதற்கான பணிகளில் ஈடுபட்டு வருகிறது. புதிய நெக்சான் பேஸ்லிஃப்ட் மாடல் ஆகஸ்ட் மாதம் விற்பனைக்கு வரும் என்று எதிர்பார்க்கப்படுகிறது. இந்த நிலையில், நெக்சான் பேஸ்லிஃப்ட் மாடலில் ஏராளமான முதல் முறை அம்சங்கள் வழங்கப்படும் என்று தகவல் வெளியாகி உள்ளது.

இத்துடன் முற்றிலும் புதிய பவர்டிரெயின் வழங்கப்படும் என்று கூறப்படுகிறது. அந்த வகையில் நெக்சான் மாடலில் பெருமளவு மாற்றங்கள் செய்யப்பட இருக்கிறது. இந்திய சந்தையில் அறிமுகமானதில் இருந்தே நெக்சான் மாடல் டாடா மோட்டார்ஸ் நிறுவனத்தின் வெற்றிகர மாடலாக இருந்து வருகிறது. 2017 ஆண்டு அறிமுகம் செய்யப்பட்ட டாடா நெக்சான் மாடல் 2020 ஆண்டு, மிட்-லைஃப் அப்டேட் கொடுக்கப்பட்டது.

2020 அப்டேட்டை தொடர்ந்து நெக்சான் மாடல் விற்பனை முன்பு இருந்ததை விட மேலும் அதிகரித்தது. அந்த வகையில், தற்போது அறிமுகமாகும் நெக்சான் பேஸ்லிஃப்ட் மாடல் விற்பனையில் நல்ல வரவேற்பை பெறும் என்று எதிர்பார்க்கலாம்.

2023 டாடா நெக்சான் பேஸ்லிஃப்ட் மாடலில் முற்றிலும் புதிய வெளிப்புற டிசைன் வழங்கப்படுகிறது. இந்த மாடல் டாடா கர்வ் கான்செப்ட்-ஐ தழுவி உருவாக்கப்பட்டு இருக்கும் என்று தெரிகிறது. கர்வ் கான்செப்ட் மாடலின் ப்ரோடக்ஷன் வெர்ஷன் அடுத்த ஆண்டு அறிமுகம் செய்யப்படும் என்று எதிர்பார்க்கப்படுகிறது. டாடா கர்வ் மாடல் ஐ.சி. என்ஜின் மற்றும் எலெக்ட்ரிக் வெர்ஷன்களில் கிடைக்கும் என்று தெரிகிறது.

மாருதி சுசுகி நிறுவனத்தின் EVX எலெக்ட்ரிக் எஸ்யுவி மாடல் டெஸ்டிங் செய்யப்படும் போது எடுக்கப்பட்ட புகைப்படங்கள் இணையத்தில் வெளியாகி உள்ளது. ஆட்டோ எக்ஸ்போ 2023 நிகழ்வில் காட்சிக்கு வைக்கப்பட்ட மாருதி EVX மாடல் YY8 எனும் குறியீட்டு பெயர் கொண்டிருக்கிறது. இது மாருதி சுசுகி நிறுவனத்தின் முதல் எலெக்ட்ரிக் கார் மாடல் ஆகும்.

2025 வாக்கில் இந்த எலெக்ட்ரிக் எஸ்யுவி மாடல் விற்பனைக்கு வரும் என்று எதிர்பார்க்கப்படுகிறது. இந்திய சந்தயில் மாருதி EVX எலெக்ட்ரிக் எஸ்யுவி ஹூண்டாய் கிரெட்டா EV மாடலுக்கு போட்டியாக அமையும் என்று தெரிகிறது. மாருதி EVX தற்போதைய ஸ்பை படங்கள் போலாந்தில் எடுக்கப்பட்டு இருக்கிறது.

முழுமையாக மறைக்கப்பட்ட நிலையில் டெஸ்டிங் செய்யப்படும் மாருதி EVX மாடல், தோற்றத்தில் அதன் கான்செப்ட் வெர்ஷன் போன்றே காட்சியளிக்கிறது. இந்த மாடலின் ஸ்டைலிங் பெருமளவு குறைக்கப்பட்டு இருக்கிறது. இந்த காரின் முன்புறம் செதுக்கப்பட்டதை போன்ற தோற்றம் கொண்ட பொனெட் டிசைன் மற்றும் தடிமனான கிலாடிங் வழங்கப்படுகிறது.

இத்துடன் டேபரிங் ரூஃப்லைன் காருக்கு ஸ்போர்ட் தோற்றத்தை வழங்குகிறது. சுசுகி EVX பின்புறம் லேயர்டு ஸ்பாயிலர், ரக்கட் பம்ப்பர் மற்றும் டெயில் லேம்ப்கள், எல்இடி ஸ்ட்ரிப் வழங்கப்படுகிறது. டெஸ்டிங் செய்யப்படும் மாருதி சுசுகி EVX மாடல் முழுக்க தற்காலிக லைட்டிங் செய்யப்பட்டு உள்ளது. இத்துடன் அலாய் வீல்கள் வழங்கப்பட்டுள்ளன.

இந்த காரின் கான்செப்ட் வெர்ஷனில் ஏரோடைனமிக் அலாய் வீல்கள், சி-பில்லரில் டோர் ஹேன்டில்கள் மவுன்ட் செய்யப்பட்டு இருந்தது. இத்துடன் ஷார்க் ஃபின் ஆன்டெனா மற்றும் ரியர் வைப்பர் வழங்கப்பட்டு இருந்தது குறிப்பிடப்பத்தது. காரின் உள்புறம் அதிகளவு வயர்கள் காணப்படுகின்றன. இத்துடன் 2-ஸ்போக் ஃபிளாட் பாட்டம் ஸ்டீரிங் வீல், ஸ்டீரிங் மவுன்ட் கண்ட்ரோல்கள், சுழலும் கண்ட்ரோல் டயல் வழங்கப்படுகிறது.

Photo Courtesy: Autogaleria

மெர்சிடிஸ் பென்ஸ் இந்தியா நிறுவனத்தின் AMG SL55 ரோட்ஸ்டர் மாடல் இந்தியாவில் அறிமுகம் செய்யப்பட்டது. புதிய மாடலின் விலை ரூ. 2 கோடியே 35 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய 7th Gen மாடல் 2021 வாக்கில் சர்வதேச சந்தையில் அறிமுகம் செய்யப்பட்டு இருக்கிறது. இந்தியாவில் CBU முறையில் களமிறங்கும் மெர்சிடிஸ் AMG SL55 மாடல் இரண்டு வேரியண்ட்கள், எட்டு வெளிப்புற நிற ஆப்ஷன்களில் கிடைக்கிறது.

முற்றிலும் புதிய மெர்சிடிஸ் AMG SL55 ரோட்ஸ்டர் மாடலில் ஸ்வெப்ட்-பேக் எல்இடி ஹெட்லேம்ப்கள், பானமெரிக்கன் கிரில், கிளாஸ் பிளாக் ORVM-கள், பிளாக்டு-அவுட் 20-இன்ச் அலாய் வீல்கள், சிவப்பு அல்லது மஞ்சள் நிற பிரேக் கேலிப்பர்கள், குவாட் டிப் எக்சாஸ்ட்கள், அட்ஜஸ்ட் செய்யக்கூடிய ஸ்பாயிலர், ராப்-அரவுன்ட் எல்இடி டெயில் லைட்கள் உள்ளன.

இந்த காரை மணிக்கு 60 கிலோமீட்டர்கள் வேகத்தில் இயக்கும் போதிலும், சாஃப்ட் டாப்-ஐ 15 நொடிகளில் திறக்கவோ அல்லது மூடவோ முடியும். இது பிளாக், கிரே மற்றும் ரெட் நிறங்களில் கிடைக்கிறது. புதிய AMG SL55 ரோட்ஸ்டர் மாடலில் AMG பெர்ஃபார்மன்ஸ் சீட்கள், கார்பன் ஃபைபர் மற்றும் அலகான்ட்ரா இன்சர்ட்கள், AMG சார்ந்த இன்டீரியர்கள் வழங்கப்படுகின்றன.

இத்துடன் டிஜிட்டல் இன்ஸ்ட்ரூமென்ட் கிளஸ்டர், 11.9 இன்ச் செங்குத்தாக பொருத்தப்பட்ட MBUX டச் ஸ்கிரீன் இன்ஃபோடெயின்மென்ட் சிஸ்டம், ஆம்பியன்ட் லைட்டிங் மற்றும் HUD உள்ளது. பாதுகாப்புக்கு எட்டு ஏர்பேக், பிரீ சேஃப் சிஸ்டம், பெடஸ்ட்ரியன் பாதுகாப்பு, ஆக்டிவ் லேன் கீப் அசிஸ்ட் போன்ற வசதிகள் உள்ளன.

புதிய மெர்சிடிஸ் பென்ஸ் AMG SL55 ரோட்ஸ்டர் மாடலில் 4.0 லிட்டர், டுவின் டர்போ வி8 என்ஜின் வழங்கப்பட்டு இருக்கிறது. இந்த என்ஜின் 473 ஹெச்பி பவர், 700 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் மணிக்கு 100 கிலோமீட்டர்கள் வேகத்தை 3.9 நொடிகளில் எட்டிவிடும். மேலும் மணிக்கு அதிகபட்சம் 295 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

ரெனால்ட் ரஃபேல் எஸ்யுவி மாடல் 54-வது பாரிஸ் ஏர் நிகழ்வில் காட்சிக்கு வைக்கப்பட்டது. இது ரெனால்ட் நிறுவனத்தின் பிளாக்ஷிப் எஸ்யுவி மாடல் ஆகும். 1930 முதல் விமான உற்பத்தி பாரம்பரியத்தை கொண்டாடும் வகையில் ரஃபேல் பெயர் பயன்படுத்தப்படுகிறது.

1934-ம் ஆண்டு முதல் ரஃபேல் விமானம் கௌட்ரான் ரெனால்ட் உற்பத்தி செய்தது. இந்த மாடல் C460 பெயர் கொண்டிருக்கிறது. ஆஸ்ட்ரல் மற்றும் இ-ஸ்பேஸ் போன்ற ரெனால்ட் வாகனங்களின் பிளாட்ஃபார்மில் ரஃபேல் உருவாக்கப்படுகிறது. புதிய எஸ்யுவி மாடல் ஃபாஸ்ட்பேக் வடிவம் கொண்டிருக்கிறது. இந்த மாடலில் கிளட்ச் இல்லா ஹைப்ரிட் பவர்டிரெயின் உள்ளது.

சர்வதேச சந்தையில் இது ரெனால்ட் நிறுவனத்தின் பிளாக்ஷிப் மாடல் ஆகும். இதன் வெளியீடு பற்றி இதுவரை எந்த தகவலும் இல்லை. எனினும், 2024 வாக்கில் இந்த மாடல் வெளியிடப்படும் என்று தெரிகிறது. இந்த காரின் முன்புறம் பெரிய கிரில் பிளாக் ஃபினிஷ் செய்யப்பட்டு, ரெனால்ட் லோகோ கொண்டிருக்கிறகது.

இத்துடன் மெல்லிய எல்இடி ஹெட்லைட்கள், பொனெட்டில் இரண்டு கேரக்டர் லைன்கள், பொனெட் கிளாம்ஷெல் யூனிட் போன்று காட்சியளிக்கும் வகையில் உருவாக்கப்பட்டு இருக்கிறது. முன்புற பம்ப்பரில் கூர்மையான கிரீஸ்கள், பூமராங் வடிவ எல்இடி டிஆர்எல்கள் வழங்கப்படுகின்றன. இந்த கார் ஸ்போர்ட் ரூஃப் ஸ்பாயிலர், பின்புறம் எல்இடி டெயில் லைட்கள், டெயில்கேட்டில் ரெனால்ட் லோகோ மற்றும் அழகிய ரஃபேல் பேட்ஜ் இடம்பெற்று இருக்கிறது.

முற்றிலும் புதிய ரெனால்ட் ரஃபேல் மாடலில் 1.2 லிட்டர், மூன்று சிலிண்டர்கள் கொண்ட பெட்ரோல் என்ஜின் மற்றும் இரண்டு எலெக்ட்ரிக் மோட்டார்கள் வழங்கப்படுகின்றன. இவை ஒருங்கிணைந்து 194 ஹெச்பி பவர், பெட்ரோல் என்ஜின் மட்டும் 127 ஹெச்பி பவர் வெளிப்படுத்தும் திறன் கொண்டுள்ளன. இத்துடன் 4 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

இந்திய சந்தையில் கியா விற்பனையாளர்கள் செல்டோஸ் பேஸ்லிஃப்ட் மாடலுக்கான முன்பதிவை அதிகாரப்பூர்வமற்ற மேற்கொண்டு வருகின்றனர். மாருதி சுசுகி கிரான்ட் விட்டாரா மற்றும் ஹூண்டாய் கிரெட்டா மாடல்களுக்கு போட்டியாக அமைகிறது. அதன்படி இந்தியாவில் ஜூலை 4-ம் தேதி வெளியிடப்படுகிறது.

பவர்டிரெயினை பொருத்தவரை செல்டோஸ் பேஸ்லிஃப்ட் மாடலில் 1.5 லிட்டர் NA பெட்ரோல் என்ஜின், 1.5 லிட்டர் டீசல் என்ஜின் வழங்கப்படுகிறது. இத்துடன் 1.5 லிட்டர் டர்போ பெட்ரோல் என்ஜின் ஆப்ஷனும் வழங்கப்படுகிறது. இந்த என்ஜின் பிஎஸ்6 2 விதிகளுக்கு பொருந்தும் வகையில் உருவாக்கப்பட்டு இருக்கிறது.

காரின் உள்புறம் முழுமையான டிஜிட்டல் இன்ஸ்ட்ரூமென்ட் கன்சோல், பானரோமிக் சன்ரூஃப், எலெக்ட்ரிக் பார்கிங் பிரேக், ADAS சூட் வழங்கப்படுகிறது. இத்துடன் HUD, வென்டிலேட் செய்யப்பட்ட முன்புற இருக்கைகள், 10.25 இன்ச் டச் ஸ்கிரீன் இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, டிரைவ் மோட்கள் மற்றும் வயர்லெஸ் சார்ஜிங் வழங்கப்படுகிறது.

அறிமுகம் செய்யப்பட்டதும், புதிய செல்டோஸ் பேஸ்லிஃப்ட் மாடல் மாருதி சுசுகி கிரான்ட் விட்டாரா, டொயோட்டா அர்பன் குரூயிசர் ஹைரைடர், ஹூண்டாய் கிரெட்டா, எம்ஜி ஆஸ்டர், போக்ஸ்வேகன் டைகுன் மற்றும் ஸ்கோடா குஷக் போன்ற மாடல்களுக்கு போட்டியாக அமைகிறது.

இந்திய சந்தையில் பலமுறை டெஸ்டிங்கில் ஈடுபடுத்தப்பட்ட 2023 கேடிஎம் 200 டியூக் மாடல் அறிமுகம் செய்யப்பட்டது. புதிய மாடலில் எல்இடி ஹெட்லேம்ப் வழங்கப்பட்டு இருக்கிறது. 250 டியூக் மற்றும் 390 டியூக் மாடல்களில் உள்ளதை போன்றே 200 டியூக் மாடலிலும் எல்இடி ஹெட்லேம்ப் உள்ளது.

புதிய அப்டேட் மூலம் இந்த மாடல் விலை ரூ. 3 ஆயிரம் அதிகரித்து இருக்கிறது. 2023 கேடிஎம் டியூக் 200 மாடலின் விலை ரூ. 1 லட்சத்து 96 ஆயிரம், எக்ஸ்-ஷோரூம், என்று துவங்குகிறது. இவை தவிர புதிய மாடலில் வேறு எந்த மாற்றமும் மேற்கொள்ளப்படவில்லை.

அந்த வகையில், புதிய மாடலும் மெல்லிய மற்றும் கூர்மையான பாடிவொர்க் கொண்டிருக்கிறது. இது மோட்டார்சைக்கிளுக்கு ஒட்டுமொத்தமாக ஸ்போர்ட் தோற்றம் கொண்டுள்ளது. 2023 கேடிஎம் டியூக் 200 மோட்டார்சைக்கிள் எலெக்டிரானிக் ஆரஞ்சு மற்றும் டார்க் சில்வர் மெட்டாலிக் என இரண்டு நிறங்களில் கிடைக்கிறது.

புதிய மாடலில் 199.5சிசி லிக்விட் கூல்டு, DOHC என்ஜின் வழங்கப்பட்டு இருக்கிறது. இந்த என்ஜின் 2.467 ஹெச்பி பவர், 19.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. மேலும் கிளட்ச் சிஸ்டம் வழங்கப்பட்டு உள்ளது. இத்துடன் 17 இன்ச் அலாய் வீல்கள், அப்சைடு டவுன் ஃபோர்க்குகள், பிரீலோடு அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது.

பிரேக்கிங்கிற்கு இரண்டு புறமும் டிஸ்க் பிரேக்குகள், பைபர் கேலிப்பர்கள், டூயல் சேனல் ஏபிஎஸ் வழங்கப்பட்டு உள்ளது. இந்திய சந்தையில் புதிய கேடிஎம் 200 டியூக் மாடல் டிவிஎஸ் அபாச்சி RTR 200 4V, ஹோண்டா ஹார்னெட் 2.0 மற்றும் பஜாஜ் பல்சர் NS200 மாடல்களுக்கு போட்டியாக அமைகிறது.

கியா நிறுவனத்தின் புதிய செல்டோஸ் பேஸ்லிஃப்ட் மாடல் வரும் வாரங்களில் இந்திய சந்தையில் அறிமுகம் செய்யப்படும் என்று தெரிகிறது. இந்த நிலையில், புதிய செல்டோஸ் பேஸ்லிஃப்ட் மாடல் டெஸ்டிங் செய்யப்படும் போது எடுக்கப்பட்ட புகைப்படங்கள் வெளியாகி இருக்கிறது.

2019 ஆண்டு அறிமுகம் செய்யப்பட்ட நிலையில், செல்டோஸ் மாடல் கியா நிறுவனத்தின் அதிகம் விற்பனையாகும் கார் மாடலாக இருந்து வருகிறது. இந்த எஸ்யுவி இந்தியாவில் அறிமுகம் செய்யப்பட்டதில் இருந்து சுமார் ஐந்து லட்சத்திற்கும் அதிக யூனிட்கள் விற்பனையாகி இருக்கிறது. முன்னதாக 2022 ஆண்டு கியா நிறுவனம் செல்டோஸ் பேஸ்லிஃப்ட் மாடலை சர்வதேச சந்தையில் அறிமுகம் செய்தது.

டிசைனை பொருத்தவரை செல்டோஸ் பேஸ்லிஃப்ட் மாடல் அதன் சர்வதேச வேரியண்டை போன்றே காட்சியளிக்கிறது. இதன் முன்புறம் மற்றும் பின்புறம் மாற்றப்பட்டு இருக்கிறது. முன்புறம் கிரில் அளவில் பெரியதாக காட்சியளிக்கிறது. இத்துடன் புதிய எல்இடி டிஆர்எல்கள் வழங்கப்படுகின்றன. பம்ப்பரும் இந்த முறை பெரிதாக உள்ளது.

பக்கவாட்டுகளில் புதிய டிசைன் கொண்ட அலாய் வீல்கள் வழங்கப்பட்டுள்ளன. பின்புறம் டெயில் லேம்ப் டிசைன் மாற்றப்பட்டு இருக்கிறது. இதில் L வடிவம் கொண்ட லைட் பார் நடுவில் உள்ள கியா லோகோ வரை நீள்கிறது. பின்புற பம்ப்பரும் சற்று பெரியதாக காட்சியளிக்கிறது. டெயில்கேட் பகுதியில் GT பேட்ஜ் உள்ளது. அந்த வகையில் இந்த கார் GT லைன் மற்றும் டெக்-லைன் வெர்ஷன்களில் கிடைக்கும் என்று தெரியவந்துள்ளது.

என்ஜினை பொருத்தவரை புதிய கியா செல்டோஸ் பேஸ்லிஃப்ட் மாடலில் 1.5 லிட்டர் NA பெட்ரோல், 1.5 லிட்டர் டீசல் என்ஜின் வழங்கப்படும் என்று கூறப்படுகிறது. இத்துடன் புதிய கரென்ஸ் மாடலில் உள்ள 1.5 லிட்டர் டர்போ பெட்ரோல் என்ஜினும் வழங்கப்படும் என்று எதிர்பார்க்கலாம். இத்துடன் பெட்ரோல் என்ஜினுடன் ஆட்டோமேடிக் CVT கியர்பாக்ஸ், டீசல் என்ஜினுடன் டார்க் கன்வெர்ட்டர் யூனிட், டர்போ பெட்ரோல் என்ஜினுடன் DCT கியர்பாக்ஸ் வழங்கப்படலாம்.

பேஸ்லிஃப்ட் செய்யப்பட்ட கியா செல்டோஸ் மாடல் இந்திய சந்தையில் ஹூண்டாய் கிரெட்டா, மாருதி சுசுகி கிரான்ட் விட்டாரா, டொயோட்டா அர்பன் குரூயிசர் ஹைரைடர், ஸ்கோடா குஷக், போக்ஸ்வேகன் டைகுன் போன்ற மாடல்களுக்கு போட்டியாக அமையும்.

Photo Courtesy: Motorbeam

டிரையம்ப் மோட்டார்சைக்கிள்ஸ் நிறுவனம் தனது அதிகம் எதிர்பார்க்கப்பட்ட மிடில்வெயிட் நேக்கட், 2023 டிரையம்ப் ஸ்டிரீட் டிரிபில் 765 R மற்றும் டாப் எண்ட் ஸ்டிரீட் டிரிபில் RS மாடல்களை இந்தியாவில் அறிமுகம் செய்துள்ளது. இந்த மோட்டார்சைக்கிள் மார்ச் மாதம் அறிமுகம் செய்யப்பட இருந்த நிலையில், இதன் வெளியீடு தாமதமாகி இருக்கிறது.

புதிய ஸ்டிரீட் டிரிபில் 765 மாடல் 2023 பிப்ரவரி மாதம் சர்வதேச சந்தையில் அறிமுகம் செய்யப்பட்டது. இந்த மாடலில் ஏராளமான அப்டேட்கள் செய்யப்பட்டு, புதிய தலைமுறை மாடலாக மாற்றப்பட்டது. 2023 டிரையம்ப் ஸ்டிரீட் டிரிபில் R மாடல் விலை ரூ. 10 லட்சத்து 17 ஆயிரம் என்று துவங்குகிறது. டிரையம்ப் ஸ்டிரீட் டிரிபில் RS மாடல் விலை ரூ. 11 லட்சத்து 81 ஆயிரம், எக்ஸ்-ஷோரூம் என்று துவங்குகிறது.

மார்ச் மாதத்திலேயே புதிய 2023 டிரையம்ப் ஸ்டிரீட் டிரிபில் 765 மாடல்களுக்கான முன்பதிவு துவங்கிவிட்டது. புதிய ஸ்டிரீட் டிரிபில் R மாடல்- ரோடு, ரெயின், ஸ்போர்ட் மற்றும் ரைடர்-கான்ஃபிகரபில் என மொத்தம் நான்கு ரைடிங் மோட்களை கொண்டிருக்கிறது. ஸ்டிரீட் டிரிபில் RS மாடல்- முந்தைய மாடலில் உள்ள நான்கு ரைடிங் மோட்களுடன் டிராக் மோட் சேர்த்து ஐந்து ரைடிங் மோட்களை கொண்டிருக்கிறது.

2023 மாடல்களில் உள்ள எல்இடி ஹெட்லேம்ப் யூனிட்கள் புதிதாகவும், கூர்மையாகவும் உள்ளன. இத்துடன் பின்புற இருக்கை புதிய நிறம் கொண்டிருக்கிறது. டிரையம்ப் ஸ்டிரீட் டிரிபில் R மாடல் சில்வர் ஐஸ்-ஸ்டாம் கிரே, எல்லோ கிராஃபிக்ஸ் மற்றும் க்ரிஸ்டல் வைட்-ஸ்டாம் கிரே, லித்தியம் ஃபிலேம் கிராஃபிக்ஸ் என இரன்டு நிறங்களில் கிடைக்கிறது.

டிரையம்ப் ஸ்டிரீட் டிரிபில் RS மாடல்- சில்வர் ஐஸ்-பஜா ஆரஞ்சு - ஸ்டாம் கிரே கிராஃபிக்ஸ், கார்னிவல் ரெட்-கார்பன் பிளாக் - அலுமினியம் சில்வர் கிராஃபிக்ஸ் மற்றும் காஸ்மிக் எல்லோ - கார்பன் பிளாக் - அலுமினியம் சில்வர் கிராஃபிக்ஸ் என மூன்று நிறங்களில் கிடைக்கிறது.

புதிய மாடல்களில் உள்ள என்ஜின், இதுவரை வெளியான ஸ்டிரீட் டிரிபில் மாடல்களில் இல்லாத அதிக திறன் கொண்டுள்ளன. RS மாடலில் உள்ள என்ஜின் 128 ஹெச்பி பவர், 80 நியூட்டன் மீட்டர் டார்க் இழுவிசையை வெளிப்படுத்துகிறது. R மாடலில் உள்ள என்ஜின் 118 ஹெச்பி பவர், 80 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.

டொயோட்டா நிறுவனம் தனது கிரவுன் EV ப்ரோடோடைப் மாடல் விவரங்களை அறிவித்து இருக்கிறது. எலெக்ட்ரிக் வாகனங்கள் துறையில் அடுத்த பெரிய பேசுபொருளாக பைபோலார் சாலிட் ஸ்டேட் பேட்டரிகள் இருக்கும் என்று டொயோட்டா நிறுவனம் தெரிவித்து இருக்கிறது.

வாகனங்களின் ரேன்ஜ் பற்றி எதிர்பார்ப்பு ஒருபுறம் இருந்த போதிலும், எலெக்ட்ரிக் வாகனங்கள் விற்பனை ஒவ்வொரு மாதமும் அதிகரித்துக் கொண்டே தான் வருகிறது. அதிநவீன பேட்டரி தொழில்நுட்பம் மற்றும் ஏரோ திறன் தற்போது இருப்பதை விட பலமடங்கு எல்லைகளை கடக்க வேண்டியிருக்கிறது. இந்த சூழ்நிலையில், சாலிட் ஸ்டேட் பேட்டரிகள் குறைந்த செலவில், அதிக ரேன்ஜ் வழங்கும் என்று தெரிகிறது.

சாலிட் ஸ்டேட் பேட்டரிகளை பயன்படுத்துவதில் முன்னணியில் இருக்க டொயோட்டா விரும்புகிறது. எலெக்ட்ரிக் வாகனங்கள் துறையில் தாமதமாக களமிறங்கியதற்காக சந்தையில் பல்வேறு கேள்விகளுக்கு ஆளான நிலையில், எலெக்ட்ரிக் வாகனங்கள் துறையில் வியாபாரம் மிக முக்கியமானது என்பதை டொயோட்டா நிறுவனம் வெளிக்காட்டி இருக்கிறது.

டொயோட்டா நிறுவனம் கிரவுன் செடான் கான்செப்ட் மாடலில் அறிமுகம் செய்து இருக்கும் சாலிட் ஸ்டேட் பேட்டரி தொழில்நுட்பம் முழு சார்ஜ் செய்தால் 1353 கிலோமீட்டர்கள் வரையிலான ரேன்ஜ் வழங்குகிறது. இத்துடன் எலெக்ட்ரிக் வாகன துறையில் தனது எதிர்கால திட்டம் பற்றிய தகவல்களை டொயோட்டா அறிவித்து இருக்கிறது.

டொயோட்டா நிறுவனம் குறைந்த விலை மற்றும் டாப் எண்ட் எலெக்ட்ரிக் வாகனங்களை அறிமுகம் செய்ய திட்டமிட்டுள்ளது. தனது புதிய அடுத்த தலைமுறை பேட்டரியை BZ4X மற்றும் டொயோட்டா விற்பனை செய்து வரும் எலெக்ட்ரிக் வாகனத்துடன் ஒப்பிடுகிறது. அதன்படி அதிக செயல்திறன் கொண்ட வெர்ஷன்களில் டொயோட்டா நிறுவனம் மோனோபோலார் பேட்டரிகளை பயன்படுத்த இருக்கிறது.

டொயோட்டாவின் அடுத்த தலைமுறை பேட்டரி 2026 வாக்கில் சந்தையில் பயன்பாட்டுக்கு வரும் என்று தெரிகிறது. இதன் விலை தற்போதைய BZ4X மாடலில் உள்ள பேட்டரியை விட 20 சதவீதம் அதிகமாக இருக்கும். இதனை 10-இல் இருந்து 80 சதவீதம் வரை சார்ஜ் செய்ய 20 நிமிடங்களே ஆகும். 

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் பிஎஸ்6 2 விதிகளுக்கு பொருந்தும் 2023 ஹோண்டா யுனிகான் மோட்டார்சைக்கிளை இந்திய சந்தையில் அறிமுகம் செய்தது. புதிய ஹோண்டா யுனிகான் விலை ரூ. 1 லட்சத்து 10 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

இதோடு புதிய மாடல் - பியல் இக்னியஸ் பிளாக், இம்பீரியல் ரெட் மெட்டாலிக், மேட் ஆக்சிஸ் கிரே மெட்டாலிக் மற்றும் பியல் சைரென் புளூ என நான்கு வித நிறங்களில் கிடைக்கிறது. 2023 ஹோண்டா யுனிகான் மாடலில் 160சிசி, PGM-FI என்ஜின் வழங்கப்பட்டு உள்ளது.

இந்த என்ஜின் 13.27 ஹெச்பி பவர், 14.58 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது. இந்த மோட்டார்சைக்கிளுக்கு பத்து ஆண்டுகள் வரையிலான வாரண்டி வழங்கப்படுகிறது.

இதன் தோற்றத்தில் எவ்வித மாற்றமும் இன்றி, ஒரே மாதிரியான டிசைன் வழங்கப்பட்டு உள்ளது. இந்த மாடலில் டைமன்ட் ஃபிரேம், டெலிஸ்கோபிக் முன்புற சஸ்பென்ஷன், பின்புறம் மோனோஷாக் யூனிட் வழங்கப்படுகிறது. இத்துடன் 18-இன்ச் அலாய் வீல்கள், டியூப்லெஸ் டயர்கள் வழங்கப்பட்டு உள்ளன.