நீங்கள் தேடியது "Renault"

ரெனால்ட் நிறுவனம் புதுப்பிக்கப்பட்ட கைகர் மாடல் காரை இந்திய சந்தையில் ரூ.6.29 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்துள்ளது. இத்துடன் சற்றே சக்திவாய்ந்த டர்போ வேரியண்ட் ரூ.9.99 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்யப்பட்டுள்ளது. டிரைபர் ஃபேஸ்லிஃப்ட் அறிமுகத்தைத் தொடர்ந்து எஸ்யூவியின் சமீபத்திய மாடல் வருகிறது.

இந்திய சந்தையில் மிகவும் மலிவு விலையில் கிடைக்கும் எஸ்யூவிகளில் ஒன்று கைகர். தோற்றத்தில் தொடங்கி, ரெனால்ட் கைகர் ஃபேஸ்லிஃப்ட் அதன் முந்தைய மாடலை விட சிறிதளவு மாற்றங்களுடன் வருகிறது. இது இப்போது மெலிதான கிரில்லைச் சுற்றி டி.ஆர்.எல்.களுக்கான நேர்த்தியான வடிவமைப்புடன் வித்தியாசமான கவர்ச்சியை வழங்குகிறது.

மையத்தில் நிறுவனத்தின் புதிய லோகோ இடம்பெற்றிருக்கிறது. மேலும், ஃபாக் லேம்ப்-களுடன் புதிதாக வடிவமைக்கப்பட்ட பம்பருடன், ஹெட்லேம்ப் ஹவுசிங்கின் வடிவமைப்பு மாற்றப்பட்டுள்ளது. இதற்கிடையில், 16 இன்ச் அலாய் வீல்களுக்கான புதிய வடிவமைப்புடன் வாகனத்தின் ஒட்டுமொத்த தோற்றம் அப்படியே உள்ளது. இவை அனைத்தும் ஒரு புதிய பச்சை நிற ஃபினிஷ் செய்யப்பட்டுள்ளது.

உட்புறத்தில், புதுப்பிக்கப்பட்ட எஸ்யூவி கிட்டத்தட்ட அதே அமைப்பைப் பெறுகிறது. எனினும், டேஷ்போர்டில் பிளாக் மற்றும் கிரே நிறங்களைக் கொண்ட புதிய டூயல்-டோன் ஃபினிஷ் செய்யப்பட்டுள்ளது. கவனத்தை ஈர்க்கும் மற்றொரு விஷயமாக, 8 இன்ச் டச்-ஸ்கிரீன் இன்ஃபோடெயின்மென்ட் ஸ்கிரீன் மற்றும் முழு டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது.

இந்த எஸ்யூவி-க்கான அம்சங்களின் பட்டியலில் வென்டிலேட் செய்யப்பட்ட முன் இருக்கைகள், 360-டிகிரி கேமரா, ஆட்டோ விளக்குகள் மற்றும் வைப்பர்கள், வயர்லெஸ் சார்ஜர் மற்றும் பல உள்ளன. பயணிகளின் பாதுகாப்பிற்காக, இந்த எஸ்யூவி-இல் ஆறு ஏர்பேக்குகள் தரநிலையாக, ESP, டயர் பிரஷர் மானிட்டர், ஹில் ஸ்டார்ட் அசிஸ்ட் மற்றும் பல போன்ற அம்சங்களைப் பெறுகிறது.

புதிய ரெனால்ட் கைகர் ஃபேஸ்லிஃப்ட் இப்போது 72 ஹெச்பி பவர் வெளிப்படுத்தும் 1.0 லிட்டர் நேச்சுரலி ஆஸ்பிரேட்டட் எஞ்சின் மற்றும் 100 ஹெச்பி பவர் வெளிப்படுத்தும் 1.0 லிட்டர் டர்போ-பெட்ரோல் எஞ்சின் ஆப்ஷன்களை வழங்குகிறது. இவற்றுடன் 5-ஸ்பீடு மேனுவல் டிரான்ஸ்மிஷன் வழங்கப்படுகிறது. நேச்சுரலி ஆஸ்பிரேட்டட் எஞ்சின் AMT உடன் கிடைக்கிறது, அதே நேரத்தில் டர்போ-பெட்ரோல் எஞ்சின் CVT ஆட்டோமேடிக் டிரான்ஸ்மிஷனுடன் வழங்கப்படுகிறது.

ரெனால்ட் சமீபத்தில் இந்திய சந்தையில் டிரைபர் ஃபேஸ்லிஃப்டை ரூ.6.29 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்யப்பட்டுள்ளது. இந்தியாவில் அறிமுகம் செய்யப்பட்டதில் இருந்து, இந்த MPV புதுப்பிப்பைப் பெறுவது இதுவே முதல் முறை. மேலும் இது இந்திய சந்தையில் மிகவும் மலிவு விலை MPV ஆகக் கருதப்படுகிறது.

ரெனால்ட் டிரைபர் ஃபேஸ்லிஃப்ட் சமீபத்தில் அறிமுகம் செய்யப்பட்ட நிலையில், இதன் டெலிவரி குறித்த நற்செய்தி வெளியாகி உள்ளது. அந்த வகையில், புதிய மாடல் தற்போது டீலர்ஷிப்களை அடையத் தொடங்கியுள்ளன.

ரெனால்ட் டிரைபர் ஃபேஸ்லிஃப்ட் மாடலில் 1.0 லிட்டர் நேச்சுரலி ஆஸ்பிரேட்டட் 3-சிலிண்டர் பெட்ரோல் எஞ்சின், 5-ஸ்பீடு மேனுவல் மற்றும் AMT கியர்பாக்ஸ் ஆப்ஷன்களுடன் வழங்கப்படுகிறது. இத்துடன் மறுசீரமைக்கப்பட்ட CNG எஞ்சின் ஆப்ஷன்களையும் பெறுகிறது.

ரெனால்ட் டிரைபர் ஃபேஸ்லிஃப்ட் அதன் முன்னோடியுடன் ஒப்பிடும்போது முற்றிலும் புதிய வடிவமைப்புடன் வருகிறது. அதே யூனிட்டில் LED DRLகளுடன் ஹெட்லைட்களுக்கான புதிய வடிவமைப்பின் வடிவத்தில் புதிய கூறுகள் தெரியும் வகையில் புதிய முன்பக்கத் தோற்றத்தைப் பெறுகிறது.

புதிய ரெனால்ட் டிரைபர் ஃபேஸ்லிஃப்ட் பிளாக் மற்றும் கிரே நிற சீட் கவர்களுடன், புதுப்பிக்கப்பட்ட டேஷ்போர்டு, புதிய லோகோவைக் கொண்ட ஸ்டீயரிங் வீல் ஆகியவற்றுடன் புதிய அமைப்பைப் பெற்றுள்ளது. இது ஆப்பிள் கார்-பிளே மற்றும் ஆண்ட்ராய்டு ஆட்டோ வசதி கொண்ட 8 இன்ச் டச் ஸ்கிரீன் இன்ஃபோடெயின்மென்ட் சிஸ்டம் கொண்டிருக்கிறது. புதிய டிரைபர் ஃபேஸ்லிஃப்டின் பிற அம்சங்களில் க்ரூயிஸ் கன்ட்ரோல், ஆட்டோ வைப்பர்கள், ஆட்டோ ஹெட்லேம்ப்கள், ஆட்டோ ஃபோல்ட் ORVMகள் மற்றும் பல அடங்கும். பாதுகாப்பிற்காக, காரில் ஆறு ஏர்பேக்குகள் தரநிலையாக, முன் பார்க்கிங் சென்சார்கள், 360 டிகிரி கேமரா மற்றும் பல உள்ளன.

இந்தியாவில் தனது வாகன வரிசையை விரிவுபடுத்த ரெனால்ட் தயாராகி வருகிறது. டஸ்டர் மற்றும் பிக்ஸ்டரின் புதுப்பிக்கப்பட்ட மாடல்களை அறிமுகப்படுத்த திட்டமிட்டுள்ளது. சமீபத்திய தகவல்களின்படி, ரெனால்ட் நிறுவனம் முதலில் பெட்ரோல் மூலம் இயங்கும் வேரியண்ட்களையும், அதைத் தொடர்ந்து இரண்டு எஸ்யூவிக்களின் ஹைப்ரிட் மாடல்களையும் அறிமுகப்படுத்தும் என்று எதிர்பார்க்கப்படுகிறது.

இவை தவிர, ரெனால்ட் விரைவில் டிரைபர் ஃபேஸ்லிஃப் மாடலையும் வெளியிட திட்டமிட்டுள்ளது. சமீபத்தில், ரெனால்ட் டிரைபர் ஃபேஸ்லிஃப்ட் மாடலின் டெஸ்டிங் கார் சென்னையில் காணப்பட்டது. சோதனை வாகனம் முழுமையாக உருமறைப்பு செய்யப்பட்டிருந்தாலும், அது புதிதாக வடிவமைக்கப்பட்ட முன்பக்கத்துடன் வெளியாகும் என்று தெரிகிறது.

ஏற்கனவே வெளியான டெஸ்டிங் புகைப்படங்களில் இந்த கார், சதுர வடிவ பின்புற விளக்குகளை கொண்டிருக்கும் என்று தெரிவித்தது. இருப்பினும், இந்த முறை, சோதனை வாகனம் டிரைபரின் வரவிருக்கும் மாடலின் முன்பக்கத்தை வெளிப்படுத்தியுள்ளது. டிரைபர் ஃபேஸ்லிஃப்ட் மாடல் புதிதாக வடிவமைக்கப்பட்ட முன்பக்க தோற்றம் பெறும் என்று தற்போதைய புகைப்படங்கள் தெரிவிக்கின்றன.

இந்த புதிய காரில் LED DRLகளுடன் ஒருங்கிணைக்கப்பட்ட திருத்தப்பட்ட ஹெட்லேம்ப்கள் வழங்கப்படுகிறது. ஸ்பை படங்களின் படி புதிய டிரைபர் ஃபேஸ்லிஃப்ட் மாடல் வட்ட வடிவம் கொண்ட ஃபாக் லேம்ப்கள் மற்றும் கிடைமட்டமாக வைக்கப்பட்டுள்ள ஏர் டேம்களைப் பெறும் என்பதையும் குறிக்கிறது.

உட்புறத்தில், பெரிய இன்ஃபோடெயின்மென்ட் திரை மற்றும் புதிதாக வடிவமைக்கப்பட்ட டேஷ்போர்டு போன்ற சில புதுப்பிக்கப்பட்ட தொழில்நுட்பங்களை ரெனால்ட் கொண்டு வரும் என்று எதிர்பார்க்கப்படுகிறது.

டிரைபர் ஃபேஸ்லிஃப்ட் குறித்து ரெனால்ட் இன்னும் எந்த விவரங்களையும் குறிப்பிடவில்லை. இருப்பினும், தற்போதைய மாடல்களில் வழங்கப்படுவது போல் பவர்டிரெய்னை இது தக்க வைத்துக் கொள்ளும் என்று எதிர்பார்க்கப்படுகிறது. இது 5-ஸ்பீடு மேனுவல் மற்றும் AMT கியர்பாக்ஸ் விருப்பங்களுடன் இணைக்கப்பட்ட 1.0-லிட்டர் நேச்சுரலி ஆஸ்பிரேட்டட் 3-சிலிண்டர் பெட்ரோல் எஞ்சினைப் பெற வாய்ப்புள்ளது.

இந்திய சந்தையில் ரெனால்ட் நிசான் நிறுவனத்தின் நிலைமை சற்று தடுமாற்றத்திலேயே இருந்து வருகிறது. எனினும், இந்த நிலை விரைவில் மாறப் போவதாக தகவல் வெளியாகி உள்ளது. இது குறித்து வெளியாகி இருக்கும் தகவல்களின் படி ரெனாட் மற்றும் நிசான் நிறுவனங்களின் இந்திய பிரிவுக்கு 500 மில்லியன் டாலர்கள் முதலீடு கிடைக்க இருப்பதாக கூறப்படுகிறது.

இந்த முதலீட்டின் மூலம் CMF-B பிளாட்ஃபார்மை இந்தியாவுக்கு ஏற்ற வகையில் மாற்றிக் கொள்ள முடியும். இது சாத்தியமாகும் பட்சத்தில் சமீபத்தில் நிறுத்தப்பட்ட டஸ்டர் மாடல் இந்தியாவில் மீண்டும் களமிறங்கலாம். இதற்கு இடைப்பட்ட காலத்தில் ரெனால்ட் மற்றும் நிசான் நிறுவனங்கள் தங்களின் சர்வதேச தயாரிப்புகளை இந்தியாவுக்கு CBU முறையில் கொண்டுவரலாம். CMF பிளாட்ஃபார்மில் உருவாகி இருக்கும் முற்றிலும் புதிய டஸ்டர் பெட்ரோல் ஆப்ஷனில் மட்டுமே கிடைக்கிறது.

எதிர்காலத்தில் இந்த காரின் எலெக்ட்ரிக் வேரியண்ட் அறிமுகம் செய்யப்படலாம். இந்தியாவுக்காக மாற்றப்படும் CMF-B பிளாட்ஃபார்ம் பெட்ரோல், ஹைப்ரிட் மற்றும் எலெக்ட்ரிக் வாகனங்களுக்கான வசதியை வழங்கும். அந்த வகையில் முற்றிலும் புதிய டஸ்டர் மாடல் இந்தியாவில் 2024 அல்லது 2025 வாக்கில் அறிமுகம் செய்யப்படலாம். நீண்ட இடைவெளியை பூர்த்தி செய்யும் வகையில் ரெனால்ட் நிறுவனம் அர்கானா கிராஸ்ஒவர் கூப் மாடலை இந்தியாவில் அறிமுகம் செய்யும் என தெரிகிறது.

இந்திய சாலைகளில் ரெனால்ட் நிறுவனம் அர்கானா மாடலின் சோதனைகளை ஏற்கனவே துவங்கி மேற்கொண்டு வருகிறது. புதிய 500 மில்லியன் டாலர்கள் முதலீடு பற்றி ரெனால்ட் மற்றும் நிசான் தரப்பில் இருந்து எந்த விதமான தகவலும் வழங்கப்படவில்லை. மேலும் இதுபற்றிய அதிகாரப்பூர்வ அறிவிப்பு விரைவில் வெளியாகும் என எதிர்பார்க்கலாம்.

பிரென்ச் நாட்டு ஆட்டோமொபைல் நிறுவனமான ரெனால்ட் தனது டஸ்டர் மாடலை கொண்டு இந்திய சந்தையில் நல்ல வரவேற்பை பெற்றது. காம்பேக்ட் எஸ்யுவி பிரிவில் அறிமுகம் செய்யப்பட்ட டஸ்டர் இந்தியாவில் அமோக விற்பனையை பதிவு செய்து வந்தது. எனினும், போதுமான அப்கிரேடுகள் இன்றி இதன் விற்பனை சரிய தொடங்கியது. பின் இந்த கார் இந்திய சந்தையில் இருந்து திரும்ப பெறப்பட்டது.

இந்த நிலையில், சில தினங்களுக்கு முன் வெளியான தகவல்களின் படி ரெனால்ட் நிறுவனம் தனது புதிய டஸ்டர் மாடலை மீண்டும் இந்தியாவில் அறிமுகம் செய்ய இருப்பதாக கூறப்பட்டது. இந்த வரிசையில் தற்போது வெளியாகி இருக்கும் தகவல்களில் ரெனால்ட் நிறுவனம் இந்தியா கொண்டு வரும் டஸ்டர் மாடல் 7 சீட்டர் வேரியண்ட் ஆக இருக்கும் என கூறப்படுகிறது.

எனினும், இது பற்றிய மற்ற தகவல்களில் ரெனால்ட் தனது டஸ்டர் மாடலை மீண்டும் இந்திய சந்தையில் அறிமுகம் செய்யாது என்றே கூறப்படுகிறது. இதுவரை புதிய டஸ்டர் மாடல் இந்தியா வருவது பற்றி ரெனால்ட் சார்பில் எந்த தகவலும் வழங்கப்படவில்லை. டஸ்டர் மாடல் மீண்டும் இந்தியா வரும் பட்சத்தில் அது 5-சீட்டர் வேரியண்டாகவே இருக்கும் என்றும் கூறப்படுகிறது.

முந்தைய தகவல்களின் படி ரெனால்ட் நிறுவனம் இந்திய சந்தையில் ரூ. 4 ஆயிரம் கோடி வரை முதலீடு செய்ய திட்டமிட்டு வருவதாக கூறப்பட்டது. இதன் படி CMF-B பிளாட்ஃபார்மில் உருவாகும் கார்களை இந்தியாவில் அறிமுகம் செய்ய இருப்பதாகவும் கூறப்பட்டது. இது உண்மையாகும் பட்சத்தில் அடுத்த தலைமுறை டஸ்டர் மாடல் இந்திய சந்தையில் அறிமுகம் செய்யப்படும் என எதிர்பார்க்கலாம்.

ரெனால்ட் இந்தியா நிறுவனம் புதிய தலைமுறை டஸ்டர் மாடலை 2024-25 வாக்கில் இந்தியாவில் அறிமுகம் செய்யும் என தகவல் வெளியாகி உள்ளது. 500 மில்லியன் டாலர்கள் முதலீட்டில் புது கார் வெளியீடுகளில் ரெனால்ட் முடிவு செய்து இருப்பதாக கூறப்படுகிறது. தற்போது க்விட், டிரைபர், கிக்ஸ் மற்றும் கைகர் போன்ற மாடல்களை ரெனால்ட் இந்தியாவில் விற்பனை செய்து வருகிறது.

புதிய முதலீட்டின் மூலம் ரெனால்ட் நிறுவனம் CMF-B பிளாட்ஃபார்மை இந்தியாவுக்கு கொண்டு வரும் என தெரிகிறது. முற்றிலும் புது டஸ்டர் மட்டுமின்றி ரெனால்ட் நிறுவனம் தனது பிக்ஸ்டர் கான்செப்ட்-ஐ தழுவி 7 சீட்டர் எஸ்யுவி மாடலை இந்தியாவில் அறிமுகம் செய்யும் என தகவல் வெளியாகி உள்ளது. இந்த ஆர்கிடெக்ச்சர் கொண்டு ரெனால்ட் எதிர்காலத்தில் எலெக்ட்ரிக் காரை உருவாக்கும் என தெரிகிறது.

இந்திய சந்தையில் டஸ்டர் மாடல் ரெனால்ட் நிறுவனத்திற்கு பிரீமியம் பிராண்டு பெயரை பெற்றுத் தந்தது. பின் இதே நிலையை தக்க வைத்துக் கொள்ளும் பணியை நிசான் டெரானோ எடுத்துக் கொண்டது. மிட்-சைஸ் எஸ்யுவி பிரிவில் அறிமுகமான முதல் மாடல்களில் ஒன்றாக இவை இருந்தன. இந்த முறை புதிய தலைமுறை டஸ்டர் மாடல் கியா செல்டோஸ், மாருதி சுசுகி கிராண்ட் விட்டாரா, டொயோட்டா அர்பன் குரூயிசர் ஹைரைடர், எம்ஜி ஆஸ்டர் என ஏராள கார்களின் போட்டியை எதிர்கொள்ள இருக்கிறது.

CMF-B ஆர்கிடெக்ச்சர் இந்திய சந்தை மற்றும் வளரும் நாடுகளுக்காக மாற்றப்படும். இதற்கான உற்பத்தி பணிகள் தமிழ் நாட்டில் உள்ள ஆலையில் நடைபெறும். புதிய டஸ்டர் மாடல் பவர்டிரெயின் அம்சங்கள் பற்றி இதுவரை எந்த தகவலும் இல்லை. எனினும், தற்போதைய குறைந்த விலை கார்களில் 1.0 லிட்டர், மூன்று சிலிண்டர்கள் கொண்ட NA பெட்ரோல் என்ஜின், இதே என்ஜினின் டர்போ வெர்ஷன் வழங்கப்படுகிறது.

ரெனால்ட் நிறுவன கார்களை வாங்குவோருக்கு அசத்தல் சலுகைகள் அறிவிக்கப்பட்டு இருக்கிறது. ஜனவரி 2023 மாதத்தில் ரெனால்ட் நிறுவனம் ரூ. 60 ஆயிரம் வரையிலான பலன்களை வழங்குகிறது. இந்த சலுகைகள் தள்லுபடி, எக்சேன்ஜ் மற்றும் கார்ப்பரேட் பலன்கள் வடிவில் வழங்கப்படுகின்றன. சலுகைகள் கார் மாடல், வேரியண்ட் மற்றும் பகுதிக்கு ஏற்ப வேறுபடுகிறது. கிடைக்கும் பட்சத்தில் வாடிக்கையாளர்கள் கார்ப்பரேட் மற்றும் ஊரக தள்ளுபடி உள்ளிட்டவைகளையும் பெற முடியும்.

சலுகைகளை பொருத்தவரை ரெனால்ட் டிரைபர் வாங்கும் போது ரூ. 25 ஆயிரம் வரையிலான தள்ளுபடி (தேர்வு செய்யப்பட்ட வேரியண்ட்களுக்கு மட்டும்), ரூ. 25 ஆயிரம் வரை எக்சேன்ஜ் பலன்கள், ரூ. 12 ஆயிரம் வரை கார்ப்பரேட் பலன்கள் (தேர்வு செய்யப்பட்ட வேரியண்ட்களுக்கு மட்டும்) வழங்கப்படுகிறது. இதுதவிர விவசாயிகள், கிராம பஞ்சாயத்து உறுப்பினர்கள் ரூ. 5 ஆயிரம் வரை பலன்களை பெறலாம்.

இத்துடன் எக்சேன்ஜ் சலுகையாக ரூ. 10 ஆயிரம் வரையிலான பலன்களை பெற முடியும். இது RELIVE ஸ்கிராபேஜ் திட்டத்தின் கீழ் வழங்கப்படுகிறது. இந்த மாதத்திற்கான சலுகைகளின் ரெனால்ட் டிரைபர் மாடலுக்கே அதிக பலன்கள் அறிவிக்கப்பட்டு இருக்கிறது. ரெனால்ட் கைகர் மாடலுக்கு ரூ. 45 ஆயிரம் வரையிலான பலன்கள் கிடைக்கிறது. இதில் ரூ. 15 ஆயிரம் தள்ளுபடி, ரூ. 20 ஆயிரம் எக்சேன்ஜ் பலன்கள், ரூ. 12 ஆயிரம் கார்ப்பரேட் தள்ளுபடி (தேர்வு செய்யப்பட்ட மாடல்களுக்கு மட்டும்) வழங்கப்படுகிறது.

இத்துடன் RELIVE ஸ்கிராபேஜ் திட்டத்தின் கீழ் எக்சேன்ஜ் சலுகையாக ரூ. 10 ஆயிரம் வரையிலான தள்ளுபடி வழங்கப்படுகிறது. இந்த காம்பேக்ட் எஸ்யுவி மாடலுக்கு ரூ. 57 ஆயிரம் வரையிலான பலன்கள் மொத்தமாக வழங்கப்படுகிறது. ரெனால்ட் க்விட் மாடலுக்கு ரூ. 15 ஆயிரம் வரையிலான தள்ளுபடி (தேர்வு செய்யப்பட்ட மாடல்களுக்கு மட்டும்), ரூ. 15 ஆயிரம் எக்சேன்ஜ் பலன்கள் வழங்கப்படுகிறது.

இத்துடன் அனைத்து வேரியண்ட்களுக்கும் ரூ. 12 ஆயிரம் வரை கார்ப்பரேட் தள்ளுபடி, ரூ. 5 ஆயிரம் வரை ஊரக பலன்கள் வழங்கப்படுகிறது. மேலும் க்விட் காரை வாங்குவோருக்கும் RELIVE ஸ்கிராபேஜ் திட்டத்தின் கீழ் எக்சேன்ஜ் சலுகையாக ரூ. 10 ஆயிரம் வரையிலான தள்ளுபடி வழங்கப்படுகிறது.

ரெனால்ட் இந்தியா நிறுவனம் தனது வாகனங்கள் விற்பனையை ஊக்குவிக்க பிப்ரவரி 2023 மாதத்திற்கான சலுகை விவரங்களை வெளியிட்டு உள்ளது. இந்த முறை கார்களுக்கு அதிகபட்சம் ரூ. 62 ஆயிரம் வரையிலான பலன்கள் அறிவிக்கப்பட்டு இருக்கிறது. இவை தள்ளுபடி, எக்சேன்ஜ் மற்றும் கார்ப்பரேட் பலன்கள் வடிவில் வழங்கப்படுகின்றன. மேலும் இவை ஒவ்வொரு மாடல், வேரியண்ட் மற்றும் பகுதிக்கு ஏற்ப வேறுபடும்.

சலுகை கிடைக்கும் பட்சத்தில் விவசாயிகள், சார்பன்ச் மற்றும் கிராம பஞ்சாயத்து உறுப்பினர்கள் ஊரக பலன்களின் கீழ் ரூ. 5 ஆயிரம் வரை தள்ளுபடி பெறலாம். இத்துடன் RELIVE ஸ்கிராபேஜ் திட்டத்தின் கீழ் அதிகபட்சம் ரூ. 10 ஆயிரம் வரையிலான பலன்களை பெற முடியும். சமீபத்தில் தான் ரெனால்ட் நிறுவனம் தனது கார்களில் பிஎஸ்6 ஸ்டெப் 2 புகை விதிகளுக்கு ஏற்ப அப்டேட் செய்தது. தற்போது அறிவிக்கப்பட்டு இருக்கும் சலுகைகள் பிப்ரவரி 28 ஆம் தேதி வரை வழங்கப்படுகிறது.

ரெனால்ட் டிரைபர் மாடலை வாங்குவோருக்கு அதிகபட்சம் ரூ. 62 ஆயிரம் வரையிலான பலன்கள் வழங்கப்படுகின்றன. இவை வாகன குறியீட்டு எண்ணிற்கு ஏற்ப வேறுபடும். அந்த வகையில் வாகன குறியீட்டு எண் 2022 மாடலின் தேர்வு செய்யப்பட்ட வேரியண்ட்களை வாங்கும் போது ரூ. 25 ஆயிரம் தள்ளுபடி, ரூ. 25 ஆயிரம் எக்சேன்ஜ் சலுகை மற்றும் ரூ. 12 ஆயிரம் கார்ப்பரேட் பலன்கள் வழங்கப்படுகின்றன.

வாகன குறியீட்டு எண் 2023 வாங்கும் போது ரூ. 15 ஆயிரம் தள்ளுபடி, ரூ. 25 ஆயிரம் எக்சேன்ஜ் பலன்கள் மற்றும் ரூ. 12 ஆயிரம் வரை கார்ப்பரேட் பலன்கள் வழங்கப்படுகின்றன. இந்த சீரிசில் அதிநவீன மாடலாக பிஎஸ்6 ஃபேஸ் 2 வாங்கும் போது ரூ. 15 ஆயிரம் எக்சேன்ஜ் சலுகையும், 12 ஆயிரம் வரை கார்ப்பரேட் பலன்கள் வழங்கப்படுகின்றன.

ரெனால்ட் கைகர் வாகன குறியீட்டு எண் 2022 மற்றும் 2023 வாங்குவோருக்கு ரூ. 25 ஆயிரம் தள்ளுபடி (தேர்வு செய்யப்பட்ட வேரியண்ட்களுக்கு மட்டும்), ரூ. 25 ஆயிரம் எக்சேன்ஜ் சலுகை, ரூ. 12 ஆயிரம் கார்ப்பரேட் பலன்கள் வழங்கப்படுகின்றன. இதே சீரிசில் பிஎஸ்6 ஃபேஸ் 2 வாங்கும் போது ரூ. 10 ஆயிரம் எக்சேன்ஜ் பலன்கள், ரூ. 12 ஆயிரம் கார்ப்பரேட் பலன்கள் வழங்கப்படுகிறது.

ரெனால்ட் குவிட் வாகன குறியீட்டு எண் 2022 மாடலை வாங்கும் போது ரூ. 20 ஆயிரம் தள்ளுபடி, ரூ. 20 ஆயிரம் எக்சேன்ஜ் சலுகை ரூ. 12 ஆயிரம் கார்ப்பரேட் பலன்கள் வழங்கப்படுகின்றன. இதே காரின் பிஎஸ்6 ஃபேஸ் 2 வாங்கும் போது ரூ. 10 ஆயிரம் எக்சேன்ஜ் சலுகை ரூ. 12 ஆயிரம் கார்ப்பரேட்பலன்களாக வழங்கப்படுகின்றன.

ரெனால்ட்-நிசான் கூட்டணியின் கீழ் இந்திய சந்தையில் ஆறு புதிய மாடல்களை அறிமுகம் செய்ய இருப்பதாக அறிவித்து இருக்கிறது. புதிய கார்களில் நான்கு சி பிரிவு எஸ்யுவி-க்கள் மற்றும் இரண்டு ஏ பிரிவு எலெக்ட்ரிக் வாகனங்கள் இடம்பெற இருக்கின்றன. இவற்றில் எலெக்ட்ரிக் வாகனங்கள் முதலில் அறிமுகம் செய்யப்பட இருக்கின்றன. இதில் இரு நிறுவனங்களுக்கும் மூன்று மாடல்கள் உள்ளன.

புதிய கார்கள் குளோபல் காமல் மாட்யுல் (CMF) பிளாட்ஃபார்மில் உருவாக்கப்படுகின்றன. அனைத்து கார்களும் அதிகளவு உள்நாட்டு உபகரணங்களை கொண்டிருக்கும். மேலும் சென்னையில் உள்ள கூட்டணி ஆலையில் உற்பத்தி செய்யப்பட இருக்கிறது. இந்த குழுமம் சார்பில் புதிய திட்டத்திற்காக ரூ. 3 ஆயிரத்து 500 கோடியை முதலீடு செய்ய இருக்கிறது. இதன் மூலம் 2 ஆயிரம் புதிய வேலைவாய்ப்புகளை உருவாக்க முடியும்.

இதுதவிர ரெனால்ட் நிசான் ஆட்டோமோடிவ் இந்தியா பிரைவேட் லிமிடெட் ஆலை மறுசுழற்சி செய்யப்பட்ட எரிசக்தியை கொண்டிருக்கும் என கூறப்படுகிறது. சில நாட்களுக்கு முன் இந்த நிறுவனம் ரெனால்ட்-டிரைபர் சார்ந்த நிசான் எம்பிவி மாடலை இந்தியாவில் அறிமுகமாகும் என தெரிவித்து இருந்தது.

"தமிழ் நாட்டில் ரெனால்ட்-நிசான் கூட்டமைப்பு உற்பத்தி மற்றும் டிசைன் பிரிவு கடந்த 15 ஆண்டுகளுக்கும் மேலாக இயங்கி வருகிறது. தமிழ் நாடு அரசு மற்றும் கூட்டணிக்கு இது மிக முக்கியமான மற்றும் அதிக மதிப்பு கொண்ட உறவு ஆகும். இதன் மூலம் மாநிலத்தில் நேரடியாக 15 ஆயிரம் பேருக்கு வேலைவாய்ப்பு வழங்கப்படுகிறது. இதன் மூலம் இந்தியாவின் ஆட்டோமோடிவ் தலைநகராக தமிழ் நாடு தொடர்ந்து நீடிக்கும்."

"ஆட்டோமொபைல் உற்பத்தி, ஆட்டோ உபகரணங்கள் மற்றும் டிசைன் உள்ளிட்டவைகளுக்கான முக்கிய பகுதியாக தமிழ் நாடு மாறும். தமிழ் நாட்டில் ரெனால்ட்-நிசான் கூட்டணியின் நவீனமயமாக்கல் தொடர்பான புதிய முதலீட்டின் கீழ் துவங்க இருக்கும் திட்டம் எங்களுக்கு மகிழ்ச்சியை ஏறப்டுத்தி இருக்கிறது. இது மேக் இன் தமிழ் நாடு மற்றும் மேக் இன் இந்தியா ஃபார் தி வொர்ல்டு திட்டத்தின் கீழ் வருகிறது." என தமிழ் நாடு அரசின் தொழிற்சாலைகள் பிரிவு கூடுதல் மூத்த ஆணையர் எஸ் கிருஷ்ணன் தெரிவித்து இருக்கிறார்.

ரெனால்ட் நிறுவனம் தனது புதிய எஸ்யுவி மாடலின் முதல் டீசரை வெளியிட்டு உள்ளது. ஆறாவது தலைமுறை மாடலாக உருவாகி வரும் ரெனால்ட் இ-ஸ்பேஸ் மாடல் வரும் மாதங்களில் சர்வதேச சந்தையில் அறிமுகம் செய்யப்பட இருக்கிறது. புதிய ரெனால்ட் இ-ஸ்பேஸ் கார் ஐந்து மற்றும் ஏழு பேர் பயணம் செய்யக்கூடிய இருக்கை அமைப்புகளில் கிடைக்கும் என தெரிகிறது.

புதிய இ-ஸ்பேஸ் மாடல் எம்பிவி பாடி ஸ்டைல் கொண்டிருக்கிறது. அளவில் இந்த கார் 4.72 மீட்டர் நீளம், உள்புறம் 2.48 மீட்டர் நீளமாக உள்ளது. ஸ்டைலிங்கை பொருத்தவரை இ-ஸ்பேஸ் மாடலில் எல்இடி ஹெட்லேம்ப்கள், முன்புற பம்ப்பரில் சி வடிவ டிஆர்எல்-கள் வழங்கப்படுகின்றன. இவைதவிர இந்த எஸ்யுவி மாடல் ஸ்ப்லிட் டெயில் லேம்ப்கள், ஃபிளாட் ரூஃப்லைன், ஷார்க் ஃபின் ஆண்டெனா கொண்டிருக்கிறது.

ரெனால்ட் இ-ஸ்பேஸ் மாடல் மைல்டு அல்லது ஸ்டிராங் ஹைப்ரிட் பவர்டிரெயின் ஆப்ஷன்களில் கிடைக்கும் என தெரிகிறது. இந்த எஸ்யுவி மாடல் 1.2 லிட்டர் அல்லது 1.3 லிட்டர் பெட்ரோல் என்ஜின் ஆப்ஷன்களில் கிடைக்கும் என்றும் இவை முறையே 140 ஹெச்பி பவர், 200 ஹெச்பி என வெவ்வேறு செயல்திறன் வெளிப்படுத்தும் என தெரிகிறது. 

ரெனால்ட் நிறுவனத்தின் முற்றிலும் புதிய டஸ்டர் மாடல் ஸ்பை படங்கள் வெளியாகி உள்ளது. 2013 வாக்கில் முதல் தலைமுறை டஸ்டர் மாடல் அறிமுகம் செய்யப்பட்ட நிலையில், இந்திய சந்தையில் இதன் இரண்டாவது தலைமுறை மாடல் அறிமுகம் செய்யப்படவே இல்லை. அந்த வகையில், மூன்றாம் தலைமுறை டஸ்டர் மாடல் 2025 வாக்கில் இந்தியாவில் அறிமுகம் செய்யப்படும் என கூறப்படுகிறது.

ஸ்பை படங்களின் படி மூன்றாம் தலைமுறை டஸ்டர் மாடல் தோற்றத்தில் டேசியா பிக்ஸ்டர் கான்செப்ட் எஸ்யுவி போன்றே காட்சியளிக்கிறது. இதன் முன்புறம் தெளிவாக காட்சியளிக்காத நிலையில், இதில் மெல்லிய எல்இடி ஹெட்லைட்கள், சதுரங்க வடிவிலான ஃபிளாட் பொனெட் டிசைன் கொண்டிருக்கும் என தெரிகிறது.

பக்கவாட்டு பகுதிகளில் டஸ்டர் மாடலில் புல்-டைப் டோர் ஹேண்டில்களை கொண்டிருக்கிறது. இதன் ரியர் டோன் ஹேண்டில்கள் சி பில்லரில் இண்டகிரேட் செய்யப்பட்டு உள்ளது. மூன்றாம் தலைமுறை டஸ்டர் மாடலில் தொடர்ந்து சதுரங்க வடிவம் கொண்ட வீல் ஆர்ச்களே வழங்கப்பட்டு இருக்கின்றன.பின்புறம் பூமராங் வடிவம் கொண்ட டெயில் லேம்ப், டுவின் பாட் ஸ்பாயிலர் உள்ளது.

புதிய ரெனால்ட் டஸ்டர் மாடல் CMF-B பிளாட்ஃபார்மில் அதிகளவு உள்நாட்டிற்கு ஏற்ற மாற்றங்களுடன் உருவாக்கப்பட்டு இருக்கும் என தெரிகிறது. இந்த கார் ரெனால்ட் மற்றும் நிசான் நிறுவனங்கள் இணைந்து உருவாக்குகின்றன. இதன் ஸ்டாண்டர்டு மாடலில் ஐந்து இருக்கைகள் வழங்கப்பட உள்ளன. இதே காரின் 7 சீட்டர் வெர்ஷனும் உருவாக்கப்படுகின்றன.

Photo Courtesy: cochespias

ரெனால்ட் நிறுவனம் இந்திய உற்பத்தியில் பத்து லட்சம் யூனிட்கள் எனும் மைல்கல்லை எட்டியது. பத்து லட்சமாவது யூனிட்-ஆக ரெனால்ட் கைகர் ரேடியன்ட் ரெட் நிற மாடல் அமைந்தது. இந்த கார் சென்னையில் உள்ள ரெனால்ட் ஆலையில் இருந்து வெளியிடப்பட்டது.

இந்த ஆலை ஒவ்வொரு ஆண்டும் சுமார் 4 லட்சத்து 80 ஆயிரம் யூனிட்களை உற்பத்தி செய்யும் திறன் கொண்டிருக்கிறது. தற்போது ரெனால்ட் நிறுவனம் இந்திய சந்தையில் குவிட், கைகர் மற்றும் டிரைபர் என மூன்று மாடல்களை விற்பனை செய்து வருகிறது.

மேலும் ரெனால்ட் நிறுவனம் தனது கார்களை SAARC, ஆசிய பசிபிக், இந்திய பெருங்கடல், தென்னாப்ரிக்கா மற்றும் கிழக்கு ஆப்ரிக்கா என 14 நாடுகளுக்கு ஏற்றுமதி செய்து வருகிறது.

"இந்திய சந்தையில் பத்து லட்சம் யூனிட்கள் உற்பத்தி எனும் மைல்கல் ரெனால்ட் நிறுவனத்திற்கு மிக முக்கியத்துவம் வாய்ந்தது. இது இந்திய சந்தைக்கு நாங்கள் கொடுக்கும் தொடர்ச்சியான ஈடுபாடு மற்றும் வாடிக்கையாளர்கள் எங்கள் மீது வைத்திருக்கும் நம்பிக்கைக்கு சான்றாக அமைந்துள்ளது."

"எங்களது வாடிக்கையாளர்கள், டீலர்கள், ஊழியர்கள் மற்றும் அனைத்து பங்குதாரர்களுக்கும் நாங்கள் கடமைப்பட்டுள்ளோம். நாங்கள் தொடர்ந்து சுவார்ஸயம் நிறைந்த வாகனங்களை அறிமுகம் செய்து, எங்களது வாடிக்கையாளர்களின் எதிர்பார்ப்புகளை நிறைவேற்றும் பணிகளை மேற்கொள்வோம்," என்று ரெனால்ட் இந்தியா தலைமை செயல் அதிகாரி, நிர்வாக இயக்குனர் வெங்கட்ராமன் மமலிப்பலே தெரிவித்தார்.