இது புதுசு

மெர்சிடிஸ் பென்ஸ் நிறுவனம் முற்றிலும் புதிய AMG GLC மாடலை அறிமுகம் செய்து இருக்கிறது. புதிய மெர்சிடிஸ் AMG GLC மாடலில் மேம்பட்ட டிசைன், டிரைவிங் டைனமிக்ஸ் கொண்டிருக்கிறது. இந்த காரில் 680 ஹெச்பி பவர் வெளிப்படுத்தும் 2.0 லிட்டர், டர்போசார்ஜ் செய்யப்பட்ட நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது.

என்ட்ரி லெவல் மெர்சிடிஸ் AMG GLC 43 4மேடிக் மாடலில் 2.0 லிட்டர், நான்கு சிலிண்டர்கள் கொண்ட டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 421 ஹெச்பி பவர், 499 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் மணிக்கு 100 கிலோமீட்டர்கள் வேகத்தை 4.8 நொடிகளில் எட்டிவிடும்.

AMG GLC 63 S e-பெர்பார்மன்ஸ் பிளாக்ஷிப் மாடலிலும் 2.0 லிட்டர், நான்கு சிலிண்டர்கள் கொண்ட டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜினுடன் 204 ஹெச்பி பவர் கொண்ட மோட்டார் மற்றும் 6.1 கிலோவாட் ஹவர் பேட்டரி வழங்கப்படுகிறது. இது 680 ஹெச்பி பவர், 1020 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த கார் மணிக்கு 100 கிலோமீட்டர் வேகத்தை 3.5 நொடிகளில் எட்டிவிடும். மேலும் மணிக்கு அதிகபட்சம் 274 கிலோமீட்டர் வேகத்தில் செல்லும் திறன் கொண்டிருக்கிறது. இந்த கார் மின்சக்தியில் அதிகபட்சம் 12 கிலோமீட்டர்கள் வரை மட்டுமே செல்லும்.

புதிய மெர்சிடிஸ் AMG GLC மாடலில் 4-வீல் டிரைவ், AMG டைனமிக்ஸ் வழங்கப்பட்டு இருக்கிறது. இவை காரின் எலெக்ட்ரிக் ஸ்டேபிலிட்டி மற்றும் ஸ்டீரிங் ரெஸ்பான்ஸ் உள்ளிட்டவைகளை சிறப்பாக கன்ட்ரோல் செய்யும் திறன் வழங்குகின்றன. AMG ரைடு கன்ட்ரோல் இந்த காரின் ஸ்டான்டர்டு அம்சம் ஆகும். இத்துடன் ஸ்போர்ட்ஸ் பிரேக்கிங் சிஸ்டம் வழங்கப்பட்டு இருக்கிறது.

இந்திய சந்தையில் புதிய AMG GLC மாடல் எப்போது வெளியிடப்படும் என்பது பற்றி இதுவரை எந்த தகவலும் இல்லை. எனினும், மெர்சிடிஸ் பென்ஸ் நிறுவனம் தனது புதிய தலைமுறை GLC எஸ்யுவி ஸ்டான்டர்டு மாடலை ஆகஸ்ட் 9-ம் தேதி அறிமுகம் செய்ய இருக்கிறது. இந்த காருக்கான முன்பதிவு ஏற்கனவே துவங்கி நடைபெற்று வருகிறது.

ரேன்ஜ் ரோவர் வெலார் மாடலுக்கான முன்பதிவு இந்தியாவில் துவங்கி நடைபெற்று வருகிறது. புதிய ஆடம்பர எஸ்யுவி மாடல் ஒற்றை டாப் என்ட், டைனமிக் HSE வேரியன்டில் கிடைக்கிறது. இத்துடன் இருவித பவர்டிரெயின் ஆப்ஷன்கள் வழங்கப்படுகிறது. இந்த காரின் வினியோகம் செப்டம்பர் மாதம் துவங்க இருக்கிறது.

புதிய வெலார் மாடலின் வெளிப்புறம் ரிவைஸ்டு கிரில், பிக்சல் எல்இடி ஹெட்லேம்ப்கள், எல்இடி டிஆர்எல்கள் வழங்கப்பட்டு உள்ளன. இந்த கார் சடார் கிரே, வெரிசைன் புளூ, சன்டோரினி பிளாக் மற்றும் ஃபுஜி வைட் என நான்குவித நிறங்களில் கிடைக்கிறது. இவற்றை டூயல் டோன் ரூஃப் நிறங்களில் கஸ்டமைஸ் செய்து கொள்ளும் வசதியும் வழங்கப்படுகிறது.

உள்புறம் புதிய வெலார் மாடலில் லேன்ட் ரோவர் நிறுவனத்தின் பிவி ப்ரோ இன்ஃபோடெயின்மென்ட் சிஸ்டம் உள்ளது. இந்த அம்சத்தை பெறும் முதல் லேன்ட் ரோவர் கார் இது ஆகும். இதில் ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, வயர்லெஸ் சார்ஜர், ஏர் பியூரிஃபயர், ஆக்டிவ் ரோட் நாய்ஸ் கேன்சலேஷன் தொழில்நுட்பம் வழங்கப்பட்டு இருக்கிறது.

பவர்டிரெயினை பொருத்தவரை புதிய வெலார் மாடலில் 2.0 லிட்டர் பெட்ரோல் மற்றும் டீசல் என்ஜின்கள் வழங்கப்பட்டு உள்ளன. இதன் பெட்ரோல் மோட்டார் 296 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. டீசல் என்ஜின் 201 ஹெச்பி பவர், 430 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இரு என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இத்துடன் டெரைன் ரெஸ்பான்ஸ் 2 சிஸ்டம் ஸ்டான்டர்டு அம்சமாக வழங்கப்பட்டு இருக்கிறது.

மஹிந்திரா நிறுவனம் தனது பிரபலமான XUV700 மாடலின் எலெக்ட்ரிக் வெர்ஷனை அறிமுகம் செய்வதற்கான பணிகளில் ஈடுபட்டு வருகிறது. இந்த நிலையில், புதிய காரின் டிசைன் காப்புரிமை சார்ந்த விவரங்கள் இணையத்தில் வெளியாகி உள்ளது. அதில் புதிய எலெக்ட்ரிக் எஸ்யுவி மாடல் மஹிந்திரா XUV e8 பெயரில் அறிமுகம் செய்யப்படும் என்று தெரியவந்துள்ளது.

தோற்றத்தில் இந்த கார் அதன் ஐசி என்ஜின் கொண்ட மாடலை போன்றே காட்சியளிக்கிறது. டிசைனிங்கும் மஹிந்திரா XUV e8 மாடல், XUV700-ஐ தழுவி உருவாக்கப்பட்டு இருக்கிறது. இந்த எலெக்ட்ரிக் மாடலின் கான்செப்ட் வெர்ஷன் கடந்த ஆண்டு ஆகஸ்ட் மாத வாக்கில் காட்சிக்கு வைக்கப்பட்டது. காரின் முகப்பு பகுதியில் எல்இடி லைட் பார், செங்குத்தாக பொருத்தப்பட்ட ஹெட்லேம்ப்கள் உள்ளன.

கோப்புப் படம் 

இத்துடன் பக்கவாட்டு பகுதியில் பெருமளவு மாற்றங்கள் செய்யப்படவில்லை. இந்த காரில் ஏரோடைனமிக் டிசைன் செய்யப்பட்ட வீல் கவர்கள், பிலஷ் டோர் ஹேன்டில்கள் வழங்கப்படுகின்றன. இவை இந்த காரின் ரேன்ஜ்-ஐ சற்று அதிகப்படுத்தும் என்று தெரிகிறது. இந்த காரில் 80 கிலோவாட் ஹவர் பேட்டரி பேக் வழங்கப்படும் என்று எதிர்பார்க்கப்படுகிறது.

இந்த பேட்டரியுடன் வழங்கப்படும் எலெக்ட்ரிக் மோட்டார்கள் 230 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் முழு சார்ஜ் செய்தால் எவ்வளவு கிலோமீட்டர்கள் செல்லும் என்பது பற்றி இதுவரை எந்த தகவலும் இல்லை.

டொயோட்டா நிறுவனம் தனது மூன்றாம் தலைமுறை பார்ச்சூனர் மாடலை அடுத்த ஆண்டு துவக்கத்தில் அறிமுகம் செய்யும் என்று எதிர்பார்க்கப்படுகிறது. சர்வதேச வெளியீட்டை தொடர்ந்து, புதிய பார்ச்சூனர் மாடல் இந்திய சந்தையிலும் அறிமுகம் செய்யப்படும் என்று தெரிகிறது. எனினும், இது பற்றி டொயோட்டா சார்பில் இதுவரை எந்த தகவலும் இல்லை.

புதிய 7 சீட்டர் எஸ்யுவி பற்றிய விவரங்கள் இணையத்தில் லீக் ஆகி இருக்கிறது. இதில் 2024 பார்ச்சூனரின் முற்றிலும் புதிய டிசைன் பற்றிய விவரங்களும் இடம்பெற்று உள்ளது. அதன்படி 2024 பார்ச்சூனர் மாடல் முற்றிலும் புதிய டக்கோமா பிக்கப் டிரக்-ஐ தழுவி உருவாக்கப்பட்டு இருக்கும் என்று தெரியவந்துள்ளது.

கோப்புப் படம்

அதன்படி இந்த காரின் முன்புறம் ஹெக்சகோன் வடிவம் கொண்ட கிரில் பகுதி, மூன்றடுக்கு க்ரோம் கிலில் ஸ்லாட்கள், நடுவில் டொயோட்டா பேட்ஜ் இடம்பெற்று இருக்கிறது. இத்துடன் கூர்மையான எல்இடி ஹெட்லேம்ப் கிளஸ்டர், எல்இடி டிஆர்எல்கள், பம்ப்பரில் அகலமான ஏர் இன்டேக், ஸ்கிட் பிலேட் காணப்படுகிறது.

பக்கவாட்டில் புதிய டிசைன் கொண்ட அலாய் வீல்கள், உயரமான பில்லர்கள், பின்புறத்தில் முற்றிலும் புதிய ராப்-அரவுன்ட் எல்இடி டெயில் லேம்ப்கள் வழங்கப்படுகிறது. புதிய தலைமுறை பார்ச்சூனர் மற்றும் ஹிலக்ஸ் மாடல்கள் TNGA-F பிளாட்பார்மில் உருவாக்கப்படுகின்றன. இதே பிளாட்பார்மில் ஏற்கனவே டுன்ட்ரா, லேன்ட் குரூயிசர் மற்றும் லெக்சஸ் LX போன்ற மாடல்கள் உருவாக்கப்பட்டுள்ளன.

இவைதவிர புதிய தலைமுறை பார்ச்சூனர் மாடலில் மைல்டு ஹைப்ரிட் சிஸ்டம் மற்றும் தற்போது வழங்கப்பட்டு இருக்கும் 2.8 லிட்டர் GD சீரிஸ், நான்கு சிலின்டர்கள் கொண்ட டீசல் என்ஜின் வழங்கப்படும் என்று கூறப்படுகிறது. இந்த யூனிட் முதற்கட்டமாக ஹிலக்ஸ் மாடலில் வழங்கப்படும் என்றும் தெரிகிறது. இதில் 48 வோல்ட் பேட்டரி மற்றும் சிறிய எலெக்ட்ரிக் மோட்டார் ஜெனரேட்டர் வழங்கப்படலாம்.

ஆடி Q8 இ-டிரான் எஸ்யுவி மாடல் இந்திய சந்தையில் அறிமுகம் செய்யப்படுகிறது. இந்த எலெக்ட்ரிக் எஸ்யுவி இ-டிரான் மாடலின் பேஸ்லிப்ட் வெர்ஷன் ஆகும். புதிய Q8 இ-டிரான் மாடல் ஸ்டான்டர்டு எஸ்யுவி மற்றும் ஸ்போர்ட்பேக் கூப் எஸ்யுவி என இருவித பாடி ஸ்டைல்களில் கிடைக்கிறது.

பேஸ்லிப்ட் மாடல் என்ற வகையில் Q8 இ-டிரான் மாடலில் பிளாக்டு-அவுட் கிரில் சரவுன்ட்கள், ரிடிசைன் செய்யப்பட்ட கிரில், மெஷ் டிசைன் கொண்டிருக்கிறது. இத்துடன் ஆடியின் புதிய மோனோக்ரோம் லோகோ வழங்கப்பட்டு உள்ளது. கிரில் பகுதியின் மேல்புறத்தில் லைட் பார் உள்ளது. இந்த காரின் முன்புற பம்ப்பர் ரி-ப்ரோஃபைல் செய்யப்பட்டு, சற்றே அளவில் பெரிய ஏர் இன்டேக்குகளை கொண்டிருக்கிறது.

ஆடி Q8 இ-டிரான் மாடலில் 114 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த காரை முழு சார்ஜ் செய்தால் அதிகபட்சம் 600 கிலோமீட்டர்கள் வரையிலான ரேன்ஜ் கிடைக்கும். இந்த காரில் இரண்டு எலெக்ட்ரிக் மோட்டார்கள் உள்ளன. இவை ஒருங்கிணைந்து 408 ஹெச்பி பவர், 664 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 100 கிலோமீட்டர்கள் வேகத்தை 5.6 நொடிகளில் எட்டிவிடும்.

புதிய Q8 இ-டிரான் மாடலுடன் 22 கிலோவாட் ஏசி சார்ஜர் வழங்கப்படுகிறது. புதிய Q8 இ-டிரான் மாடல் அதிகபட்சம் 170 கிலோவாட் டிசி ஃபாஸ்ட் சார்ஜிங் வசதிக்கான சப்போர்ட் கொண்டிருக்கிறது. டிசி ஃபாஸ்ட் சார்ஜர் பயன்படுத்தும் போது காரை 10-இல் இருந்து 80 சதவீதம் வரை சார்ஜ் செய்ய 31 நிமிடங்களே ஆகும்.

ஆடி Q8 இ-டிரான் மற்றும் Q8 இ-டிரான் ஸ்போர்ட்பேக் மாடல்கள் ஜாகுவார் ஐ-பேஸ் மாடலுக்கு போட்டியாக அமைகின்றன. இந்திய சந்தையில் புதிய Q8 இ-டிரான் மாடல்கள் வரும் வாரங்களில் அறிமுகம் செய்யப்படும் என்று எதிர்பார்க்கலாம். 

பிஎம்பிள்யூ நிறுவனம் இந்திய சந்தையில் தனது புதிய X5 பேஸ்லிப்ட் மாடலை அறிமுகம் செய்தது. புதிய பிஎம்பிள்யூ X5 பேஸ்லிப்ட் மாடலின் விலை ரூ. 93 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய மேம்பட்ட எஸ்யுவி மாடல் நான்கு வேரியன்ட் மற்றும் ஏராளமான நிறங்களில் கிடைக்கிறது.

புதிய பிஎம்பிள்யூ X5 பேஸ்லிப்ட் மாடலில் காஸ்மடிக் மாற்றங்கள் மேற்கொள்ளப்பட்டு இருக்கிறது. இதன் பெட்ரோல் ரேன்ஜ் 40i எக்ஸ் லைன் மற்றும் 40i M ஸ்போர்ட்ஸ் வேரியன்ட்களிலும், டீசல் ரேன்ஜ் 30d எக்ஸ் லைன் மற்றும் 30d M ஸ்போர்ட் போன்ற வேரியன்ட்களில் கிடைக்கிறது. இந்த கார் ப்ரூக்லின் கிரே, கார்பன் பிளாக், மினரல் வைட், ஸ்கை-ஸ்கிரேப்பர் கிரே, டான்சனைட் புளூ மற்றும் பிளாக் சஃபையர் போன்ற நிறங்களில் கிடைக்கிறது.

X5 பேஸ்லிப்ட் மாடலின் வெளிப்புற ஹெட்லேம்ப்களில் ஏரோ வடிவம் கொண்ட எல்இடி டிஆர்எல்கள், மல்டி-ஸ்போக் அலாய் வீல்கள், ரிவைஸ்டு எல்இடி டெயில் லைட்கள், X வடிவம் கொண்ட பேட்டன்கள், டுவீக் செய்யப்பட்ட முன்புறம் மற்றும் பின்புற பம்ப்பர்கள் வழங்கப்பட்டு உள்ளன.

அம்சங்களை பொருத்தவரை 14.9 இன்ச் டச் ஸ்கிரீன் இன்ஃபோடெயின்மென்ட் ஸ்கிரீன், 12.3 இன்ச் ஆல்-டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது. இத்துடன் ஆட்டோமேடிக் கிளைமேட் கண்ட்ரோல், மல்டி-கலர் ஆம்பியன்ட் லைட்டிங், குரூயிஸ் கன்ட்ரோல், வயர்லெஸ் சார்ஜர், பானரோமிக் சன்ரூஃப், ஆப்ஷனல் ஸ்போர்ட்ஸ் சீட் பேக்கேஜ் வழங்கப்படுகிறது.

பிஎம்பிள்யூ X5 பேஸ்லிப்ட் மாடலில் 3.0 லிட்டர் பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகிறது. இதில் உள்ள 6 டர்போசார்ஜ் செய்யப்பட்ட பெட்ரோல் என்ஜின் 335 ஹெச்பி பவர், 650 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதன் டீசல் என்ஜின் 262 ஹெச்பி பவர், 620 நியூட்டன் மீட்டர் டார்க் இழுவிசையை வெளிப்படுத்துகிறது.

இரண்டு என்ஜின்களுடன் எலெக்ட்ரிக் மோட்டார் பொருத்தப்பட்டு இருக்கிறது. இந்த எலெக்ட்ரிக் மோட்டார் கூடுதலாக 12ஹெச்பி மற்றும் 200 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இவற்றுடன் 8 ஸ்பீடு ஆட்டோமேடிக் டிரான்ஸ்மிஷன், எக்ஸ்டிரைவ் AWD ஸ்டான்டர்டு ஆப்ஷனாக வழங்கப்படுகிறது. 

ஹூண்டாய் நிறுவனம் தனது ஐயோனிக் 5 எலெக்ட்ரிக் காரின் பெர்ஃபார்மன்ஸ் வெர்ஷனை அறிமுகம் செய்யப்பட்டது. புதிய ஐயோனிக் 5 N மாடல் அதன் ஸ்டான்டர்டு மாடலை தழுவி உருவாக்கப்பட்டு இருக்கும் என்று தெரிகிறது. ஹூண்டாய் ஐயோனிக் 5 மாடல் 2022 சர்வதேச கார் என்ற பெருமையை பெற்றது.

புதிய ஐயோனிக் 5 N மாடல், அதிக செயல்திறன் எதிர்பார்க்கும் பெட்ரோல் காரில் இருந்து எலெக்ட்ரிக் வாகனத்திற்கு மாறிய வாடிக்கையாளர்களை குறிவைத்து உருவாக்கப்பட்டு இருக்கிறது. ஐயோனிக் 5 N மாடல் 2023 குட்வுட் ஃபெஸ்டிவல் ஆஃப் ஸ்பீடு நிகழ்வில் அறிமுகம் செய்யப்பட்டது. இந்தியாவில் அறிமுகம் செய்யப்பட இருக்கும் முதல் N பேட்ஜ் கொண்ட மாடல் இது ஆகும்.

ஸ்டான்டர்டு மாடலுடன் ஒப்பிடும் போது ஐயோனிக் 5 மாடல் 20 மில்லிமீட்டர் சிறியதாகவும், 50 மில்லிமீட்டர் அளவுக்கு அகலமாகவும், 80 மில்லிமீட்டர் அளவுக்கு நீளமாகவும் இருக்கிறது. இவை தவிர காரின் ஒட்டுமொத்த ஸ்டைலிங்கில் அதிக மாற்றங்கள் செய்யப்படவில்லை. இந்த காரின் பம்ப்பரில் ஏர் கர்டெயின், வென்ட் மற்றும் இன்டேக்குகள் உள்ளன.

ஹூண்டாய் ஐயோனிக் 5 N மாடலில் 84 கிலோவாட் ஹவர் பேட்டரி யூனிட் வழங்கப்படுகிறது. இதில் உள்ள பேட்டரியில் மேம்பட்ட தெர்மல் மேனேஜ்மென்ட் சிஸ்டம் வழங்கப்படுகிறது. இத்துடன் இரண்டு நிரந்தர மேக்னட் மோட்டார்கள் வழங்கப்பட்டுள்ளன. இவை ஒருங்கிணைந்து 600 ஹெச்பி வரையிலான திறன் வெளிப்படுத்துகின்றன.

இந்த காரில் உள்ள N க்ரின் பூஸ்ட் மோட் 641 ஹெச்பி வரையிலான திறன் கொண்டிருக்கிறது. மேலும் லான்ச் கன்ட்ரோல் மூலம் இந்த கார் 3.4 நொடிகளில் 100 கிலோமீட்டர்கள் வேகத்தில் சென்றுவிடுகிறது. இந்த கார் மணிக்கு அதிகபட்சம் 260 கிலோமீட்டர் வேகத்தில் செல்லும் திறன் கொண்டிருக்கிறது. 350 கிலோவாட் டிசி ஃபாஸ்ட் சார்ஜர் பயன்படுத்தும் போது இந்த காரை 18 நிமிடங்களில் 80 சதவீதம் வரை சார்ஜ் செய்திட முடியும்.

ஒலா எலெக்ட்ரிக் நிறுவனத்தின் புதிய எலெக்ட்ரிக் பைக் மாடல் ஆகஸ்ட் 15-ம் தேதி அறிமுகம் செய்யப்பட இருப்பதாக தகவல் வெளியாகி உள்ளது. இதே நிகழ்வில் ஒலா S1 சீரிஸ் மாடல்களின் புதிய நிற வேரியண்ட்களை அறிமுகம் செய்ய ஒலா எலெக்ட்ரிக் திட்டமிட்டுள்ளதாக கூறப்படுகிறது.

அந்த வகையில், ஒலா எலெக்ட்ரிக் பைக் வெளியீடு மீதான எதிர்பார்ப்பு அதிகரித்து உள்ளது. முந்தைய டீசர்களின் போதே, இந்த மாடலுக்கான எதிர்பார்ப்பு எழுந்தது. எனினும், இந்த மாடல் தற்போதைக்கு அறிமுகம் செய்யப்படாது என்ற தகவல், அனைவரையும் அதிர்ச்சியில் ஆழ்த்தியது.

புதிய ஒலா எலெக்ட்ரிக் பைக் முழு சார்ஜ் செய்தால் 300 முதல் 350 கிலோமீட்டர்கள் வரையிலான ரேன்ஜ் வழங்கும் என்று எதிர்பார்க்கலாம். இதற்காக ஒலா எலெக்ட்ரிக் நிறுவனம் புதிய எலெக்ட்ரிக் பைக்-இல் குறைந்தபட்சம் 8 கிலோவாட் ஹவர் பேட்டரி பேக் வழங்கப்படும் என்று எதிர்பார்க்கலாம்.

இது ஒலா S1 ப்ரோ எலெக்ட்ரிக் ஸ்கூட்டரில் உள்ளதை விட இருமடங்கு பெரியது ஆகும். ஒலா S1 ப்ரோ எலெக்ட்ரிக் ஸ்கூட்டரில் 3.97 கிலோவாட் ஹவர் பேட்டரி வழங்கப்பட்டு இருக்கிறது. புதிய ஒலா எலெக்ட்ரிக் பைக்-இல் சக்திவாய்ந்த எலெக்ட்ரிக் மோட்டார் வழங்கப்படும் என்று கூறப்படுகிறது.

இந்த மோட்டார் வெளிப்படுத்தும் திறன், 150சிசி-யில் இருந்து 180சிசி கொண்ட பைக் மாடல்களுக்கு இணையாக இருக்கும் என்று தெரிகிறது. இந்த எலெக்ட்ரிக் மோட்டார்சைக்கிளில் ஏராளமான அம்சங்கள் மற்றும் புதிய தொழில்நுட்பம் வழங்கப்படும் என கூறப்படுகிறது.

டாடா மோட்டார்ஸ் நிறுவனம் ஐசி என்ஜின் கொண்ட கர்வ் கூப் எஸ்யுவி மாடலை ஆட்டோ எக்ஸ்போ 2023 நிகழ்வில் காட்சிக்கு வைத்தது. புதிய டாடா கர்வ் மாடலின் வெளியீடு அடுத்த ஆண்டு நடைபெற இருக்கிறது. இந்த நிலையில் டாடா கர்வ் மாடல் இந்திய சந்தையில் டெஸ்டிங் செய்யப்படும் படங்கள் இணையத்தில் வெளியாகி உள்ளது.

ஸ்பை படங்களின் படி டாடா கர்வ் மாடல் முழுமையாக மறைக்கப்பட்டு இருக்கிறது. மேலும் இந்த காரின் பின்புறம் போலியான எக்சாஸ்ட் வழங்கப்பட்டு, கூப் சில்ஹவுட் மறைக்கப்பட்டுள்ளது. இத்துடன் நான்கு சக்கரங்களிலும் டிஸ்க் பிரேக்குகள், பிளாக்டு-அவுட் வீல்கள், ஏ பில்லரில் மவுன்ட் செய்யப்பட்ட ORVM-கள் வழங்கப்பட்டுள்ளன.

இத்துடன் புதிய டாடா கர்வ் மாடலில் எல்இடி லைட் பார்கள், எல்இடி டெயில் லைட்கள், ஃபாக்ஸ் ஸ்கிட் பிலேட்கள், கான்டிராஸ்ட் நிறத்தால் ஆன ORVMகள் மற்றும் ரூஃப் வழங்கப்படுகிறது. கர்வ் கான்செப்ட் மாடலில் 2-ஸ்போக் மல்டி பன்ஷன் ஸ்டீரிங் வீல், ஃபுல் டிஜிட்டல் இன்ஸ்ட்ரூமென்ட் கன்சோல், 10.25 இன்ச் டச் ஸ்கிரீன் இன்ஃபோடெயின்மென்ட் சிஸ்டம், புதிய கியர் லீவர், டிரைவ் மோட்களுக்காக சுழலும் டயல் உள்ளது.

கர்வ் ப்ரோடக்ஷன் ரெடி மாடலில் 1.2 லிட்டர் டர்போ பெட்ரோல் என்ஜின் வழங்கப்படும் என்று தெரிகிறது. இந்த என்ஜின் 122 ஹெச்பி பவர், 225 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய டாடா கர்வ் மாடல் CNG ஆப்ஷனிலும் கிடைக்கும் என்று தெரிகிறது. 

பிஎம்டபிள்யூ இந்தியா நிறுவனம் தனது பிளாக்ஷிப் எலெக்ட்ரிக் செடான் i7 மாடலின் M வெர்ஷனை இந்திய சந்தையில் அறிமுகம் செய்ய இருக்கிறது. ஆகஸ்ட் மாத வாக்கில் இந்த காரின் வெளியீடு நடைபெற இருக்கிறது. பிஎம்டபிள்யூ i7 M70 எக்ஸ்டிரைவ் என்று அழைக்கப்படும் புதிய கார், ஜெர்மன் கார் உற்பத்தியாளரின் முதல் எலெக்ட்ரிக் செடான் மாடல் ஆகும்.

வழக்கமான பிஎம்டபிள்யூ i7 மாடலுடன் ஒப்பிடும் போது, இந்த காரில் ஏராளமான அம்சங்கள் வித்தியாசமாக வழங்கப்படுகிறது. இதில் முன்புறம் மற்றும் பின்புறம் M பம்ப்பர் பாடி கிட், கிளாசி பிளாக் கிட்னி கிரில், M பேட்ஜ் வழங்கப்படுகிறது. M டிசைன் மிரர்கள், சைடு ஸ்கர்ட்கள், இலுமினேட் செய்யப்பட்ட டோர் சில்கள், கிளாஸ் பிளாக் வின்டோ லைன் உள்ளிட்டவை வழங்கப்படுகிறது.

இத்துடன் பக்கவாட்டு ஃபென்டரில் M பேட்ஜ், 21 இன்ச் அளவில் புதிய அலாய் வீல்கள், புளூ நிற பிரேக் கேலிப்பர்கள் வழங்கப்படுகின்றன. மேலும் பிளாக்டு அவுட் ரியர் ஸ்பாயிலர், டூ டோன் பெயின்ட் ஆப்ஷன்கள் ஸ்டான்டர்டு அம்சமாக வழங்கப்படுகிறது. இத்துடன் லிக்விட் காப்பர் நிற வேரியண்ட் வழங்கப்படுகிறது. இதன் விலை ரூ. 13 லட்சம் வரை அதிகம் ஆகும்.

இந்த மாடலிலும் 101.7 கிலோவாட் ஹவர் பேட்டரி பேக் வழங்கப்படுகிறது. இதனுடன் வழங்கப்படும் எலெக்ட்ரிக் மோட்டார் 650 ஹெச்பி பவர், 1015 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த கார் மணிக்கு 100 கிலோமீட்டர்கள் வேகத்தை 3.7 நொடிகளில் எட்டிவிடும். மணிக்கு அதிபட்சம் 250 கிலோமீட்டர் வேகத்தில் செல்லும். இந்த கார் முழு சார்ஜ் செய்தால் 560 கிலோமீட்டர்கள் வரையிலான ரேன்ஜ் வழங்குகிறது.

ஹூண்டாய் நிறுவனத்தின் அதிகம் எதிர்பார்க்கப்பட்ட எக்ஸ்டர் எஸ்யுவி மாடல் இந்திய சந்தையில் அறிமுகம் செய்யப்பட்டது. புதிய ஹூண்டாய் எக்ஸ்டர் மாடலின் விலை அறிமுக சலுகையாக ரூ. 5.99 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய ஹூண்டாய் எக்ஸ்டர் மாடல் ஆறு மோனோடோன் மற்றும் மூன்று டூயல் டோன் நிறங்களில் கிடைக்கிறது. இவை அட்லஸ் வைட் டைட்டன் கிரே, ஸ்டேரி நைட், காஸ்மிக் புளூ, ஃபியெரி ரெட், ரேஞ்சர் காக்கி, அட்லஸ் வைட் - டூயல்-டோன் ரூஃப், காஸ்மிக் புளூ - டூயல்-டோன் ரூஃப் மற்றும் ரேஞ்சர் காக்கி - டூயல்-டோன் ரூஃப் ஆகும்.

இந்த மாடலில் ப்ரோஜெக்டர் ஹெட்லேம்ப்கள், H வடிவம் கொண்ட எல்இடி டிஆர்எல்கள், டெயில் லைட்கள், அகலமான பாராமெட்ரிக் கிரில் டிசைன், ஸ்போர்ட் ரூஃப் ஸ்பாயிலர், 15-இன்ச் டைமன்ட் கட் அலாய் வீல்கள், ரூஃப் ரெயில்கள், ஷார்க் ஃபின் ஆன்டெனா போன்ற அம்சங்கள் உள்ளன. இத்துடன் ரியர் ஏசி வென்ட்கள், பவர் அவுட்லெட், ஆறு ஏர்பேக், டிபிஎம்எஸ், இன்பில்ட் நேவிகேஷன், 60-க்கும் அதிக கனெக்டெட் கார் தொழில்நுட்பம் வழங்கப்பட்டு இருக்கிறது.

காரின் உள்புறம் எலெக்ட்ரிக் சன்ரூஃப், டேஷ்கேம், 8-இன்ச் இன்ஃபோடெயின்மென்ட் சிஸ்டம், வயர்லெஸ் சார்ஜர், ஆல்-டிஜிட்டல் இன்ஸ்ட்ரூமென்ட் கிளஸ்டர், குரூயிஸ் கன்ட்ரோல், ஆட்டோமேடிக் கிளைமேட் கண்ட்ரோல், ஃபூட்வெல் லைட்டிங் உள்ளது. பாதுகாப்பிற்கு ஆறு ஏர்பேக், ESC, VSM, HAC, ரிவர்ஸ் பார்கிங் கேமரா, பார்கிங் சென்சார்கள் உள்ளன.

புதிய எக்ஸ்டர் மாடலில் 1.2 லிட்டர் கப்பா பெட்ரோல் என்ஜின் உள்ளது. இந்த என்ஜின் 81 ஹெச்பி பவர், 114 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல், AMT யூனிட் வழங்கப்படுகிறது. மேலும் ஃபேக்ட்ரி-ஃபிட் செய்யப்பட்ட CNG கிட் ஆப்ஷன் வழங்கப்படுகிறது.

கியா நிறுவனம் தனது பிளாக்ஷிப் எலெக்ட்ரிக் எஸ்யுவி - கியா EV9 மாடலை கடந்த மார்ச் மாதம் சர்வதேச சந்தையில் அறிமுகம் செய்தது. முன்னதாக இந்த காரின் கான்செப்ட் மாடல் ஆட்டோ எக்ஸ்போ 2023 நிகழ்வில் காட்சிக்கு வைக்கப்பட்டது. இந்த வரிசையில், புதிய கியா EV9 மாடலின் இந்திய வெளியீடு பற்றிய தகவல் வெளியாகி உள்ளது.

அதன்படி கியா இந்தியா நிறுவனம் கியா 2.0 பெயரில் புதிய யுத்தியை அறிவித்து இருக்கிறது. அதன்படி அடுத்த சில ஆண்டுகளுக்குள், இந்திய சந்தையில் பத்து சதவீதம் பங்குகளை பிடிக்க கியா இந்தியா இலக்கு நிர்ணயம் செய்துள்ளது.

இந்த திட்டத்தின் கீழ் EV9 உள்பட பல்வேறு மாடல்களை இந்திய சந்தையில் அறிமுகம் செய்ய கியா இந்தியா முடிவு செய்திருக்கிறது. இத்துடன் நாடு முழுக்க கியா டச்பாயின்ட்களின் எண்ணிக்கையை 600-ஆக அதிகரிக்க இருப்பதாக கியா இந்தியா தெரிவித்துள்ளது.

கியா EV9 மாடலின் இந்திய விற்பனை அடுத்த ஆண்டு துவங்க இருக்கிறது. இது கியா EV6 மாடலை தொடர்ந்து இந்திய சந்தையில் அறிமுகம் செய்யப்படும் கியா நிறுவனத்தின் இரண்டாவது எலெக்ட்ரிக் கார் மாடல் ஆகும். சர்வதேச சந்தையில் EV9 மாடல் கியா நிறுவனத்தின் விலை உயர்ந்த மற்றும் மிகப்பெரிய எலெக்ட்ரிக் எஸ்யுவி மாடல் ஆகும்.

புதிய கியா EV9 மாடல் அப்ரைட் எஸ்யுவி ஆகும். வேரியண்டிற்கு ஏற்ப, இந்த காரில் மூன்றடுக்கு கேபின் வழங்கப்படுகிறது. பிஎம்டபிள்யூ, ஆடி மற்றும் மெர்சிடிஸ் பென்ஸ் எலெக்ட்ரிக் எஸ்யுவி மாடல்களுக்கு கியா EV9 பதிலடி கொடுக்கும் என்று தெரிகிறது.

கியா EV9 மாடல் 76.1 கிலோவாட் ஹவர் பேட்டரி, 99.8 கிலோவாட் ஹவர் பேட்டரி என இரண்டு வித பேட்டரி ஆப்ஷன்களில் கிடைக்கிறது. இதன் டாப் எண்ட் மாடலில் இரண்டு எலெக்ட்ரிக் மோட்டார்கள் வழங்கப்படுகின்றன.