search icon
என் மலர்tooltip icon

    நீங்கள் தேடியது "Land Rover"

    • லிமிடெட் எடிஷன் மாடலில் 3.0 லிட்டர் இன்லைன் 6 சிலிண்டர் டுவின் டர்போ டீசல் என்ஜின் உள்ளது.
    • லிமிடெட் எடிஷன் மாடலின் வெளிப்புறம் பசிபிக் புளூ மேட் பெயின்ட் ஃபினிஷ் உள்ளது.

    லேண்ட் ரோவர் ஆஸ்திரேலியா லிமிடெட் எடிஷன் டிஃபெண்டர் 90 மாடலை அறிமுகம் செய்து இருக்கிறது. இந்த லிமிடெட் எடிஷன் மாடல் மொத்தத்திலேயே 15 யூனிட்கள் தான் உருவாக்கப்படுகின்றன.

    டிஃபென்டர் 90 மாடலை தழுவி உருவாக்கப்பட்டு இருக்கும் புதிய லிமிடெட் எடிஷன் மாடலில் 3.0 லிட்டர் இன்லைன் 6 சிலிண்டர் டுவின் டர்போ டீசல் என்ஜின் வழங்கப்பட்டுள்ளது. இந்த என்ஜின் 245 ஹெச்.பி. பவர், 570 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

     


    லிமிடெட் எடிஷன் மாடலின் வெளிப்புறம் பசிபிக் புளூ மேட் பெயின்ட் ஃபினிஷ் மற்றும் காண்டிராஸ்ட் நிற வைட் ஃபினிஷ் கொண்டிருக்கிறது. இத்துடன் கிரில் ஹைலைட்கள், டோர் ஹேண்டில் அக்செண்ட்கள், 18 இன்ச் ஸ்டீல் வீல்கள் வழங்கப்படுகின்றன. இந்த மாடலில் ஸ்லைடிங் பானரோமிக் சன்ரூஃப் பிரைவசி கிளாஸ், எலெக்ட்ரிக் ஏர் சஸ்பென்ஷன் மற்றும் டிரைவ் மோட்கள் உள்ளன.

    புதிய லிமிடெட் எடிஷனின் 15 யூனிட்களுடன் டிஃபென்டர் சர்ஃப் போர்டு, பக்கவாட்டில் கியர் கேரியர், சைடு ஸ்டெப்கள், அக்வா ஸ்போர்ட்ஸ் கேரியர், போர்டபில் ரின்ஸ் சிஸ்டம், பிளாக் ரூஃப் ரெயில்கள், டோ ஹிட்ச் ரிசீவர் மற்றும் லாக்கிங் வீல் நட்கள் வழங்கப்பட்டுள்ளன. உள்புறம் ஸ்டீரிங் வீல், டோர் பேனல்களில் வைட் எலிமன்ட்கள் உள்ளன.

    இத்துடன் பவுடர் கோட் செய்யப்பட்ட டேஷ்போர்டு, 12 வழிகளில் அட்ஜஸ்ட் செய்யக்கூடிய மற்றும் ஹீடெட் முன்புற இருக்கைகள், எபோனி லெதர், மேம்பட்ட மெரிடியன் சவுண்ட் சிஸ்டம் வழங்கப்பட்டு இருக்கிறது. மேலும் லிமிடெட் எடிஷன் யூனிட்களை அடையாளப்படுத்தும் வகையில் 1 முதல் 15 வரையிலான பேட்ஜிங் வழங்கப்படுகிறது. 

    • வெலார் பேஸ்லிப்ட் மாடலில் பிக்சல் எல்இடி ஹெட்லைட்கள், ரிவைஸ்டு டேடைம் ரன்னிங் லைட்கள் உள்ளன.
    • புதிய ரேன்ஜ் ரோவர் வெலார் பேஸ்லிப்ட் மாடலில் 2.0 லிட்டர் பெட்ரோல் என்ஜின், 2.0 லிட்டர் டீசல் என்ஜின் உள்ளது.

    லேன்ட் ரோவர் நிறுவனம் இந்திய சந்தையில் முற்றிலும் புதிய ரேன்ஜ் ரோவர் வெலார் பேஸ்லிப்ட் மாடலை அறிமுகம் செய்தது. புதிய ரேன்ஜ் ரோவர் வெலார் பேஸ்லிப்ட் விலை ரூ. 93 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய ரேன்ஜ் ரோவர் ஒற்றை HSE வேரியன்ட் மற்றும் இரண்டு பவர்டிரெயின் ஆப்ஷன்களில் கிடைக்கிறது.

    இந்தியாவில் ரேன்ஜ் ரோவர் வெலார் பேஸ்லிஃப்ட் மாடலுக்கான முன்பதிவு கடந்த வாரம் துவங்கியது. வினியோகம் செப்டம்பர் மாதம் துவங்கும் என்று தெரிகிறது. புதிய பேஸ்லிப்ட் மாடலின் விலை தற்போது விற்பனை செய்யப்படும் மாடலை விட ரூ. 3 லட்சத்து 59 ஆயிரம் அதிகம் ஆகும்.

     

    வெலார் பேஸ்லிப்ட் மாடலில் பிக்சல் எல்இடி ஹெட்லைட்கள், ரிவைஸ்டு டேடைம் ரன்னிங் லைட்கள், பின்புறம் ரிடிசைன் செய்யப்பட்ட பம்ப்பர், டெயில் லைட்கள் வழங்கப்படுகின்றன. காரின் உள்புறம் 11.4 இன்ச் டச்-ஸ்கிரீன் பிவி ப்ரோ சிஸ்டம், வயர்லெஸ் ஆன்ட்ராய்டு ஆட்டோ ஆப்பிள் கார்பிளே வழங்கப்பட்டுள்ளது.

    புதிய ரேன்ஜ் ரோவர் வெலார் பேஸ்லிப்ட் மாடலில் 2.0 லிட்டர் பெட்ரோல் என்ஜின், 2.0 லிட்டர் டீசல் என்ஜின் மற்றும் மைல்டு ஹைப்ரிட் சிஸ்டம் வழங்கப்பட்டு இருக்கிறது. இதன் பெட்ரோல் மோட்டார் 250 ஹெச்பி பவர், 365 நியூட்டன் மீட்டர் டார்க் இழுவிசையை வெளிப்படுத்துகிறது. டீசல் மோட்டார் 204 ஹெச்பி பவர், 430 நீயூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

    இந்த கார் மணிக்கு 217 கிலோமீட்டர் வேகத்தில் செல்லும் திறன் கொண்டிருக்கிறது. மேலும் மணிக்கு 100 கிலோமீட்டர் வேகத்தில் செல்லும் திறன் கொண்டுள்ளது. டீசல் என்ஜின் கொண்ட மாடல் மணிக்கு அதிகபட்சம் 210 கிலோமீட்டர் வேகத்தில் செல்லும். இது மணிக்கு 100 கிலோமீட்டர்கள் வேகத்தை 8.3 நொடிகளில் எட்டிவிடும். 

    • புதிய வெலார் மாடலின் வெளிப்புறம் ரிவைஸ்டு கிரில், பிக்சல் எல்இடி ஹெட்லேம்ப்கள் உள்ளன.
    • புதிய வெலார் மாடலிலும் 2.0 லிட்டர் பெட்ரோல் மற்றும் டீசல் என்ஜின்கள் வழங்கப்பட்டு உள்ளன.

    ரேன்ஜ் ரோவர் வெலார் மாடலுக்கான முன்பதிவு இந்தியாவில் துவங்கி நடைபெற்று வருகிறது. புதிய ஆடம்பர எஸ்யுவி மாடல் ஒற்றை டாப் என்ட், டைனமிக் HSE வேரியன்டில் கிடைக்கிறது. இத்துடன் இருவித பவர்டிரெயின் ஆப்ஷன்கள் வழங்கப்படுகிறது. இந்த காரின் வினியோகம் செப்டம்பர் மாதம் துவங்க இருக்கிறது.

    புதிய வெலார் மாடலின் வெளிப்புறம் ரிவைஸ்டு கிரில், பிக்சல் எல்இடி ஹெட்லேம்ப்கள், எல்இடி டிஆர்எல்கள் வழங்கப்பட்டு உள்ளன. இந்த கார் சடார் கிரே, வெரிசைன் புளூ, சன்டோரினி பிளாக் மற்றும் ஃபுஜி வைட் என நான்குவித நிறங்களில் கிடைக்கிறது. இவற்றை டூயல் டோன் ரூஃப் நிறங்களில் கஸ்டமைஸ் செய்து கொள்ளும் வசதியும் வழங்கப்படுகிறது.

     

    உள்புறம் புதிய வெலார் மாடலில் லேன்ட் ரோவர் நிறுவனத்தின் பிவி ப்ரோ இன்ஃபோடெயின்மென்ட் சிஸ்டம் உள்ளது. இந்த அம்சத்தை பெறும் முதல் லேன்ட் ரோவர் கார் இது ஆகும். இதில் ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, வயர்லெஸ் சார்ஜர், ஏர் பியூரிஃபயர், ஆக்டிவ் ரோட் நாய்ஸ் கேன்சலேஷன் தொழில்நுட்பம் வழங்கப்பட்டு இருக்கிறது.

    பவர்டிரெயினை பொருத்தவரை புதிய வெலார் மாடலில் 2.0 லிட்டர் பெட்ரோல் மற்றும் டீசல் என்ஜின்கள் வழங்கப்பட்டு உள்ளன. இதன் பெட்ரோல் மோட்டார் 296 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. டீசல் என்ஜின் 201 ஹெச்பி பவர், 430 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

    இரு என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இத்துடன் டெரைன் ரெஸ்பான்ஸ் 2 சிஸ்டம் ஸ்டான்டர்டு அம்சமாக வழங்கப்பட்டு இருக்கிறது.

    • 2024 ரேன்ஜ் ரோவர் எவோக் மாடல் மூன்று வித நிறங்களில் கிடைக்கிறது.
    • புதிய எவோக் மாடலில் பெட்ரோல் ஹைப்ரிட் மோட்டார் செட்டப் வழங்கப்பட்டு உள்ளது.

    லேண்ட் ரோவர் நிறுவனம் முற்றிலும் புதிய 2024 ரேன்ஜ் ரோவர் எவோக் எஸ்யுவி மாடல் விவரங்களை அதிகாரப்பூர்வமாக அறிவித்து இருக்கிறது. 2024 எவோக் மாடல் வெளிப்புறம் மற்றும் உள்புறங்களில் அதிக மாற்றங்கள் செய்யப்பட்டு உள்ளன. முந்தைய வெர்ஷனுடன் ஒப்பிடும் போது புதிய மாடலில் அதிக தொழில்நுட்ப மற்றும் புதிய அம்சங்கள் வழங்கப்பட்டு உள்ளன.

    2024 ரேன்ஜ் ரோர் எவோக் மாடலில் சிரவக வடிவம் கொண்ட மெஷ் முன்புற கிரில், பிக்சல்-1 எல்இடி ஹெட்லேம்ப்கள், சிக்னேச்சர் எல்இடி டிஆர்எல்கள், புதிய பம்ப்பர் வழங்கப்பட்டு இருக்கிறது. இதன் ப்ரோஃபல் பகுதியில் கூப் போன்ற தோற்றம், கேரக்டர் லைன்கள், ஃபிலஷ் டோர் ஹேன்டில்கள் வழங்கப்பட்டு உள்ளன.

    இத்துடன் முற்றிலும் புதிய அலாய் வீல்கள், அதிகபட்சம் 21 இன்ச் வரையிலான அளவுகளில் வழங்கப்படுகின்றன. வாடிக்கையாளர்கள் புதிய ரேன்ஜ் ரோவர் எவோக் மாடலை அரோய்ஸ் கிரே, டிரைபெகா புளூ மற்றும் கொரிந்தியன் பிரான்ஸ் என மூன்று நிறங்களில் ஒன்றை தேர்வு செய்யும் வசதி வழங்கப்படுகிறது.

    2024 எவோக் மாடலின் உள்புறம் 11.4 இன்ச் வளைந்த கிளாஸ் இன்ஃபோடெயின்மென்ட் ஸ்கிரீன், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, 3டி சரவுன்ட் கேமரா, அமேசான் அலெக்சா, பத்து வாய்ஸ் கமாண்ட்கள், பிவி ப்ரோ 2 யுஐ போன்ற அம்சங்கள் வழங்கப்பட்டு இருக்கிறது. மற்ற மாடல்களை போன்று இல்லாமல், புதிய மாடலில் சென்டர் கன்சோலில் உள்ள பட்டன்கள் முழுமையாக நீக்கப்பட்டு இருக்கிறது.

     

    இந்த மாடலில் ரிடிசைன் செய்யப்பட்ட கியர் லீவர் வழங்கப்பட்டு உள்ளது. புதிய ரேன்ஜ் ரோவர் எவோக் மாடலில் 1.5 லிட்டர் மூன்று சிலிண்டர்கள் கொண்ட மைல்டு-பெட்ரோல் ஹைப்ரிட் மோட்டார் வழங்கப்படுகிறது. இந்த யூனிட் 160 ஹெச்பி வரையிலான திறன் வெளிப்படுத்தும் திறன் கொண்டிருக்கிறது.

    இதன் மைல்டு ஹைப்ரிட் மோட்டார் 14.9 கிலோவாட் ஹவர் பேட்டரி கொண்டிருக்கிறது. இது 62 கிலோமீட்டர்கள் வரையிலான ரேன்ஜ் வழங்குகிறது. இது டிசி ஃபாஸ்ட் சார்ஜர் மூலம் பேட்டரியை 80 சதவீதம் வரை சார்ஜ் செய்ய 30 நிமிடங்களையே எடுத்துக் கொள்கிறது.

    • 700 கிமீ வரை செல்லும் திறன் கொண்ட எலெக்ட்ரிக் ஃபிளாக்ஷிப் மாடலை அறிமுகம் செய்வதாக ஏற்கனவே அறிவித்து இருந்தது.
    • இந்த மாடலில் உள்ளதை போன்ற அம்சங்களே புதிய லேண்ட் ரோவர் எஸ்யுவி மாடலிலும் வழங்கப்படும் என்று தெரிகிறது.

    லேண்ட் ரோவர் நிறுவனத்தின் எலெக்ட்ரிக் ரேன்ஜ் ரோவர் மாடலின் முன்பதிவுகள் இந்த ஆண்டே துவங்கும் என்று தகவல் வெளியாகி உள்ளது. இந்த மாடல் அடுத்த ஆண்டு அறிமுகம் செய்யப்பட்டு, 2025 வாக்கில் வினியோகம் செய்யப்பட இருக்கிறது. முற்றிலும் புதிய எலெக்டிரிக் மாட்யுலர் ஆர்கிடெக்ச்சரில் புதிய ரேன்ஜ் ரோவர் எலெக்ட்ரிக் கார் உருவாகி வருகிறது. இதே ஆர்கிடெக்ச்சரில் எதிர்கால லேண்ட் ரோவர் மாடல்களும் உருவாக்கப்படும் என்று எதிர்பார்க்கலாம்.

    முழு சார்ஜ் செய்தால் 700 கிலோமீட்டர்கள் வரை செல்லும் திறன் கொண்ட எலெக்ட்ரிக் ஃபிளாக்ஷிப் மாடலை அறிமுகம் செய்வதாக ஜாகுவார் நிறுவனம் ஏற்கனவே அறிவித்து இருந்தது. இந்த மாடலின் விலை ரூ. 1.2 கோடி வரை இருக்கும் என்றும் தெரிவித்து இருந்தது. இந்த மாடலில் உள்ளதை போன்ற அம்சங்களே புதிய லேண்ட் ரோவர் எஸ்யுவி மாடலிலும் வழங்கப்படும் என்று தெரிகிறது.

    இதுதவிர தற்போது ஐசி என்ஜின் மற்றும் ஹைப்ரிட் மாடல்களை உருவாக்க பயன்படுத்தப்படும் மாட்யுலர் ஆர்கிடெக்ச்சரில் புதிய கார் மாடல்கள் உருவாக்கப்படும் என்று லேண்ட் ரோவர் நிறுவனம் அறிவித்து இருக்கிறது. எலெக்ட்ரிக் எவோக் மற்றும் டிஸ்கவரி மாடல்களுக்கு முன் லேண்ட் ரோவர் நிறுவனம் தனது ஃபிளாக்ஷிப் ரேன்ஜ் ரோவர் மாடலின் எலெக்ட்ரிக் வெர்ஷனை அறிமுகம் செய்யும் என்று எதிர்பார்க்கப்படுகிறது.

    அடுத்த ஆண்டு துவங்கி எலெக்ட்ரிக் ரேன்ஜ் ரோவர் மாடல் இந்தியாவுக்கு சிபியு (முழுமையாக உற்பத்தி செய்யப்பட்ட வடிவில்) முறையில் இறக்குமதி செய்யப்படும் என்று எதிர்பார்க்கலாம். எனினும், இதற்காக குறைந்த எண்ணிக்கைகளே விற்பனைக்கு அறிவிக்கப்படும் என்று தெரிகிறது.

    • புதிய எலெக்ட்ரிக் கார் உலகின் முதல் ஆடம்பர எலெக்ட்ரிக் எஸ்யுவி-யாக இருக்கும்.
    • இந்த காருக்கான முன்பதிவு இந்த ஆண்டிலேயே துவங்கிவிடும் என்று தெரிகிறது.

    லேண்ட் ரோவர் நிறுவனத்தின் முதல் எலெக்ட்ரிக் கார் ரேன்ஜ் ரோவர் EV என்று தகவல் வெளியாகி உள்ளது. மேலும் இந்த கார் 2024 வாக்கில் அறிமுகம் செய்யப்படும் என கூறப்படுகிறது. ரேன்ஜ் ரோவர் EV மாடல் லண்டனில் உள்ள சாலிஹல் ஆலையில் உற்பத்தி செய்யப்பட இருக்கிறது. இந்த காருக்கான முன்பதிவு இந்த ஆண்டிலேயே துவங்கிவிடும் என்று தெரிகிறது.

    புதிய ரேன்ஜ் ரோவர் EV மாடல் MLA பிளாட்ஃபார்மில் உருவாகி இருக்கும் என கூறப்படுகிறது. இந்த கார் ஹைப்ரிட் ஆப்ஷன் கொண்ட IC என்ஜின் மற்றும் முழுமையான எலெக்ட்ரிக் பவர்டிரெயின் ஆப்ஷன்களில் கிடைக்கும். புதிய எலெக்ட்ரிக் கார் உலகின் முதல் ஆடம்பர எலெக்ட்ரிக் எஸ்யுவி-யாக இருக்கும் என ஜாகுவார் லேண்ட் ரோவர் தெரிவித்து இருக்கிறது.

    "உண்மையான ரேன்ஜ் ரோவர் மதிப்பை இது எடுத்துரைக்கும். சிறந்த ஆஃப்-ரோடிங் திறன் கொண்டிருக்கும். தனித்துவம் மிக்க ஆடம்பர வசதிகளை கொண்டிருப்பதோடு, இந்த பிராண்டு எதை உருவாக்கும் என்பதற்கு எடுத்துக் காட்டாக இருக்கும், " என்று ஜாகுவார் லேண்ட் ரோவர் நிறுவனத்தின் வாகன திட்ட பிரிவு இயக்குனர் நிக் காலின்ஸ் தெரிவித்து இருக்கிறார்.

    2026-க்குள் ரேன்ஜ் ரோவர், டிஸ்கவரி, டிஃபெண்டர் மற்றும் ஜாகுவார் என தனது பிராண்டுகள் அனைத்திலும் எலெக்ட்ரிக் மாடலை அறிமுகம் செய்ய வேண்டும் என்ற ஜாகுவார் லேண்ட் ரோவர் நிறுவனத்தின் திட்டத்திற்கு ஏற்ப MLA பிளாட்ஃபார்மில் புதிய எலெக்ட்ரிக் வாகனங்கள் உருவாக்கப்பட இருக்கிறது. 

    • லேண்ட் ரோவர் நிறுவனத்தின் புதிய டிஃபெண்டர் 130 மாடல் இரண்டு வேரியண்ட்களில் கிடைக்கிறது.
    • இந்திய சந்தையில் டிஃபெண்டர் 130 மாடலில் மேட்ரிக்ஸ் எல்இடி ஹெட்லேம்ப்கள், ஸ்மோக்டு டெயில் லைட்கள் வழங்கப்படுகின்றன.

    லேண்ட் ரோவர் நிறுவனம் இந்திய சந்தையில் தனது புதிய டிஃபெண்டர் 130 மாடலை அறிமுகம் செய்து இருக்கிறது. புதிய டிஃபெண்டர் 130 மாடல் விலை ரூ. 1 கோடியே 31 லட்சம் என நிர்ணயம் செய்யப்பட்டு உள்ளது. இந்த எஸ்யுவி மாடல் HSE மற்றும் X என இரண்டு வேரியண்ட்களில், இருவித என்ஜின் ஆப்ஷன்களில் கிடைக்கிறது.

    புதிய லேண்ட் ரோவர் டிஃபெண்டர் 130 மாடல் 3.0 லிட்டர், ஆறு சிலிண்டர்கள் கொண்ட பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இதன் பெட்ரோல் என்ஜின் 394 ஹெச்பி பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது. இதன் டீசல் என்ஜின் 296 ஹெச்பி பவர், 600 நியூட்டன் மீட்டர் டார்க் இழுவிசையை வெளிப்படுத்துகிறது. இரு வேரியண்ட்களிலும் மைல்டு ஹைப்ரிட் சிஸ்டம் மற்றும் ஆல்-வீல் டிரைவ் வசதி வழங்கப்படுகிறது.

     

    110 மாடலுடன் ஒப்பிடும் போது புதிய டிஃபெண்டர் 130 மாடலின் நீளம் 340mm ஆக நீட்டிக்கப்பட்டு இருக்கிறது. இதன் வீல்பேஸ் இரண்டு வேரியண்ட்களிலும் ஒரே மாதிரியாக வழங்கப்பட்டு இருக்கிறது. இந்த மாடலில் மேட்ரிக்ஸ் எல்இடி ஹெட்லைட்கள், ஸ்மோக்டு டெயில் லைட்கள், 20 இன்ச் டைமண்ட் கட் அலாய் வீல்கள், ஃபுல் சைஸ் ஸ்பேர் வீல் வழங்கப்படுகிறது.

    காரின் உள்புறம் பானரோமிக் சன்ரூஃப், 11.4 இன்ச் பிவி ப்ரோ டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, HUD சரவுண்ட் வியூ கேமரா, மெரிடியன் மியூசிக் சிஸ்டம், 4-ஜோன் கிளைமேட் கண்ட்ரோல், லெதர் இருக்கை மேற்கவர்கள், செண்டர் கன்சோல், 14 வழிகளில் அட்ஜஸ்ட் செய்யக்கூடிய முன்புற இருக்கைகள், ஹீடிங் மற்றும் கூலிங் அம்சங்கள் வழங்கப்படுகிறது.

    • லேண்ட் ரோவர் நிறுவனத்தின் புதிய ரேன்ஜ் ரோவர் ஸ்போர்ட் மாடல் இந்தியாவில் இருவித என்ஜின்கள், நான்கு வேரியண்ட்களில் கிடைக்கிறது.
    • புதிய ரேன்ஜ் ரோவர் ஸ்போர்ட் மாடலின் இந்திய விலை ரூ. 1 கோடியே 64 லட்சத்தில் இருந்து துவங்குகிறது.

    ஜாகுவார் லேண்ட் ரோவர் நிறுவனம் இந்த ஆண்டு தனது மாடல்களை அப்டேட் செய்தது. இதில் 2022 ரேன்ஜ் ரோவர் முதலில் அறிமுகம் செய்யப்பட்டது. இதைத் தொடர்ந்து ரேன்ஜ் ரோவர் ஸ்போர்ட் அறிமுகமானது. இந்திய சந்தையில் புதிய ரேன்ஜ் ரோவர் ஸ்போர்ட் மாடல் இருவித என்ஜின், நான்கு வேரியண்ட்களில் கிடைக்கிறது.

    இந்த நிலையில், 2022 ரேன்ஜ் ரோவர் ஸ்போர்ட் மாடலின் டெலிவரி இந்தியாவில் துவங்கி விட்டதாக ஜாகுவார் லேண்ட் ரோவர் நிறுவனம் அறிவித்து இருக்கிறது. இந்திய சந்தையில் புதிய ரேன்ஜ் ரோவர் ஸ்போர்ட் மாடலின் விலை ரூ. 1 கோடியே 64 லட்சம், எக்ஸ்-ஷோரூம் என துவங்குகிறது.

    2022 ரேன்ஜ் ரோவர் ஸ்போர்ட் மாடலில் மிக மெல்லிய எல்இடி ஹெட்லைட்கள், ஃபிலஷ் ஃபிட் டோர் ஹேண்டில்கள், கன்மெட்டல் ஃபினிஷ் செய்யப்பட்ட அலாய் வீல்கள், டூயல் டோன் பெயிண்ட் செய்யப்பட்டு இருக்கிறது. அம்சங்களை பொருத்தவரை புது மாடலில் 13.1 இன்ச் பிவி ப்ரோ டச் ஸ்கிரீன் இன்ஃபோடெயின்மெண்ட் சிஸ்டம், முழுமையான டிஜிட்டல் 13.7 இன்ச் டிஜிட்டல் டிரைவர் டிஸ்ப்ளே வழங்கப்பட்டு இருக்கிறது.

    இத்துடன் பானரோமிக் சன்ரூஃப், ஆம்பியண்ட் லைட்டிங், பவர்டு கூல்டு/ஹீடெட் முன்புற இருக்கைகள், ஏர் பியூரிஃபயர், 23 ஸ்பீக்கர் கொண்ட மெரிடியன் ஸ்டீரியோ சிஸ்டம் வழங்கப்பட்டுள்ளது. புதிய ஸ்போர்ட் மாடல் 3.0 லிட்டர் பெட்ரோல் மற்றும் 3.0 டீசல் என இருவித என்ஜின் ஆப்ஷன்களில் கிடைக்கிறது. செயல்திறனை பொருத்தவரை பெட்ரோல் என்ஜின் 394 ஹெச்பி பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது.

    டீசல் என்ஜின் 346 ஹெச்பி பவர், 700 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இரு என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் மற்றும் டெரைன் ரெஸ்பான்ஸ் 2 ஆஃப்-ரோடு ஹார்டுவேர் வழங்கப்பட்டு இருக்கிறது.

    • லேண்ட் ரோவர் நிறுவனத்தின் டிபெண்டர் லிமிடெட் எடிஷன் மாடல் உருவாக்கப்பட்டு இருக்கிறது.
    • இந்த கார் இரண்டு மற்றும் நான்கு கதவுகள் கொண்ட வெர்ஷன்களில் கிடைக்கிறது.

    லேண்ட் ரோவர் நிறுவனம் டிபெண்டர் 75th லிமிடெட் எடிஷன் மாடலை அறிமுகம் செய்து இருக்கிறது. 1948 முதல் விற்பனை செய்யப்பட்டு வருவதை கொண்டாடும் வகையில் இந்த லிமிடெட் எடிஷன் மாடல் அறிமுகம் செய்யப்பட்டுள்ளது. புதிய டிபெண்டர் லிமிடெட் எடிஷன் மாடல் இரு கதவுகள் கொண்ட 90 மற்றும் நான்கு கதவுகள் கொண்ட 110 ஆப்ஷன்களில் கிடைக்கிறது.

    புதிய லேண்ட் ரோவர் டிபெண்டர் 90 மாடலின் விலை 85 ஆயிரத்து 995 யூரோக்கள் என்றும் 110 மாடல் விலை 89 ஆயிரத்து 995 யூரோக்கள் என்றும் நிர்ணயம் செய்யப்பட்டு உள்ளது. புதிய டிபெண்டர் லிமிடெட் எடிஷன் காரின் இந்திய வெளியீடு பற்றி இதுவரை எந்த தகவலும் இல்லை. சந்தையில் விற்பனையாகும் சிறந்த ஆப்ரோடர் மாடல்களில் ஒன்றாக டிபெண்டர் விளங்கி வருகிறது.

    லேண்ட் ரோவர் டிபெண்டர் லிமிடெட் எடிஷன் மாடல் HSE வேரியண்டை தழுவி உருவாக்கப்பட்டு இருக்கிறது. இதில் மேட்ரிக்ஸ் எல்இடி ஹெட்லைட்கள், 360 டிகிரி கேமரா, ஹெட்-அப் டிஸ்ப்ளே, வயர்லெஸ் ஸ்மார்ட்போன் சார்ஜர், மூன்று ஜோன் கிளைமேட் கண்ட்ரோல், மெமரி சீட்கள், 11.4 இன்ச் பிவி ப்ரோ இன்போடெயின்மெண்ட் சிஸ்டம் என ஏராளமான அம்சங்கள் வழங்கப்பட்டு உள்ளது.

    காஸ்மெடிக் மாற்றங்கள் தவிர லேண்ட் ரோவர் டிபெண்டர் லிமிடெட் எடிஷன் மாடலின் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. இதன் என்ஜின் ஆப்ஷ்கள் லேண்ட் ரோவர் டிபெண்டர் ஸ்டாண்டர்டு வேரியண்டில் உள்ளதை போன்றே வழங்கப்பட்டு இருக்கிறது.

    • லேண்ட் ரோவர் நிறுவனம் புதிய டிஸ்கவரி ஸ்போர்ட் மாடலை இந்திய சந்தையில் விற்பனைக்கு அறிமுகம் செய்து இருந்தது.
    • இந்தியாவில் இந்த மாடல் ஒற்றை வேரியண்டில் மட்டுமே கிடைக்கிறது.

    லேண்ட் ரோவர் நிறுவனம் 2023 டிஸ்கவரி ஸ்போர்ட் மாடலை இந்தியாவில் வினியோகம் செய்து வருகிறது. புதிய எஸ்யுவி மாடலின் விலை ரூ. 71 லட்சத்து 39 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் ஆர் டைனமிக் SE என ஒற்றை வேரியண்டில் மட்டுமே கிடைக்கிறது.

    இந்திய சந்தையில் டிஸ்கவரி ஸ்போர்ட் மாடல் மெர்சிடிஸ் பென்ஸ் GLC, வால்வோ XC60 மற்றும் பி.எம்.டபிள்யூ. X3 போன்ற மாடல்களுக்கு போட்டியாக அமைகிறது. இந்தியாவில் லேண்ட் ரோவர் டிஸ்கவரி ஸ்போர்ட் மாடல் 2.0 லிட்டர் பெட்ரோல் அல்லது 2.0 லிட்டர் டீசல் என்ஜின் என இருவித ஆப்ஷன்களில் கிடைக்கிறது.


    இரண்டு என்ஜின்களும் டர்போசார்ஜ் செய்யப்பட்ட யூனிட்கள் ஆகும். இவற்றுடன் ஆட்டோமேடிக் டிரான்ஸ்மிஷன் வழங்கப்படுகிறது. இதன் பெட்ரோல் என்ஜின் 250 பி.எஸ். பவர், 365 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடல் மணிக்கு 225 கி.மீ. வேகத்தில் செல்லும் திறன் கொண்டுள்ளது. இந்த கார் மணிக்கு 100 கிமீ வேகத்தை எட்டு நொடிகளில் எட்டிவிடும் திறன் கொண்டுள்ளது.

    இதன் டீசல் என்ஜின் 48 வோல்ட் மைல்டு ஹைப்ரிட் தொழில்நுட்பம் கொண்டுள்ளது. இது 200 பி.எஸ். பவர், 430 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் மணிக்கு அதிகபட்சம் 209 கி.மீ. வேகத்தில் செல்லும் திறன் கொண்டுள்ளது. மேலும் மணிக்கு அதிகபட்சம் 100 கி.மீ. வேகத்தை ஒன்பது நொடிகளில் எட்டிவிடும். 

    • லேண்ட் ரோவர் நிறுவனத்தின் புதிய ரேன்ஜ் ரோவர் பிளக் இன் ஹைப்ரிட் விலை அறிவிக்கப்பட்டு இருக்கிறது.
    • இதில் உள்ள பேட்டரி பேக் உடன் அதிகபட்சம் 50 கிலோவாட் DC ஃபாஸ்ட் சார்ஜிங் வசதி கொண்டு உள்ளது.

    ஜாகுவார் லேண்ட் ரோவர் நிறுவனம் முற்றிலும் புதிய ரேன்ஜ் ரோவர் பிளக் இன் ஹைப்ரிட் (PHEV) மாடலின் இந்திய விலை விவரங்களை அதிகாரப்பூர்வமாக அறிவித்து உள்ளது. அதன்படி புதிய லேண்ட் ரோவர் ஹைப்ரிட் மாடல் விலை இந்தியாவில் ரூ. 2 கோடியே 61 லட்சம் என துவங்கி டாப் எண்ட் மாடல் விலை அதிகபட்சமாக ரூ. 4 கோடியே 15 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    இத்தகைய விலைப் பட்டியலில் அறிமுகம் செய்யப்பட்டு இருக்கும் நிலையில், இந்திய சந்தையில் கிடைக்கும் விலை உயர்ந்த பிளக் இன் ஹைப்ரிட் வாகனமாக புதிய ரேன்ஜ் ரோவர் மாடல் அமைந்துள்ளது. ரேன்ஜ் ரோவர் ஹைப்ரிட் மாடல் ரெகுலர் மற்றும் லாங்-வீல்பேஸ் என இரண்டு விதமான பாடி ஸ்டைலிங்கில் கிடைக்கிறது.


    புதிய ரேன்ஜ் ரோவர் ஹைப்ரிட் மாடலில் 3.0 லிட்டர் இன்ஜெனியம் 6 சிலிண்டர் பெட்ரோல் என்ஜின் மற்றும் 38.2 கிலோவாட் ஹவர் பேட்டரி பேக் மற்றும் எலெக்ட்ரிக் மோட்டார் உள்ளது. ஸ்டாண்டர்டு ரேன்ஜ் ரோவர் ஹைப்ரிட் மாடல் - P440e மற்றும் P510e என இருவித டியூனிங்கில் கிடைக்கிறது. இதில் 3.0 லிட்டர் 6 சிலிண்டர் பெட்ரோல் என்ஜின் மற்றும் 105 கிலோவாட் எலெக்ட்ரிக் மோட்டார் மற்றும் 38.2 கிலோவாட் ஹவர் பேட்டரி வழங்கப்பட்டு இருக்கிறது.

    செயல்திறனை பொருத்தவரை P440e மாடல் 435 பி.ஹெச்.பி. பவர், 620 நியூட்டன் மீட்டர் டார்க் வழங்குகிறது. இதன் P510e மாடல் 503 பி.ஹெச்.பி. பவர், 700 நியூட்டன் மீட்டர் டார்க் இழுவிசையை வெளிப்படுத்துகிறது. இந்த ஹைப்ரிட் மாடலில் உள்ள எலெக்ட்ரிக் பவர்டிரெயின் கொண்டு லேண்ட் ரோவர் மாடல் 113 கிலோமீட்டர் வரையிலான ரேன்ஜ் வழங்குகிறது. நிஜ பயன்பாடுகளில் இந்த மாடல் 88 கிலோமீட்டர் ரேன்ஜ் வழங்கும்.

    லேண்ட் ரோவர் நிறுவனம் புதிய டிபெண்டர் 130 மாடலை அறிமுகம் செய்து இருக்கிறது. இந்த மாடல் எட்டு பேர் அமரக்கூடிய இடவசதி கொண்டுள்ளது.

    லேண்ட் ரோவர் நிறுவனம் புதிய டிபெண்டர் மாடலை அறிமுகம் செய்து உள்ளது. இந்த மாடலில் 2+3+3 அடிப்படையில் முன்புறம் பார்த்த நிலையில் இருக்கைகள் பொருத்தப்பட்டு உள்ளன. எஸ்.யு.வி. மாடலின் நீண்ட வெர்ஷன் கொண்ட கார் டிபெண்டர் 130 ஆகும். இந்த மாடல் குடும்பத்துடன் ஆஃப் ரோடிங் செய்வதற்கு ஏற்ற வகையில் உருவாக்கப்பட்டு இருக்கிறது.

    டிபெண்டர் 130 மாடலில் 3022mm வீல்பேஸ், 340mm நீளமான ரியர் ஆக்சில் உள்ளது. இது காரின் மூன்றாவது அடுக்கு இருக்கைகளை வைக்க இடவசதி வழங்கி இருக்கிறது. மூன்றடுக்கு இருக்கைகளிலும் சவுகரியமாக கால்களை வைத்துக் கொள்ளும் வகையில் புதிய டிபெண்டர் 130 மாடல் உள்ளது. இத்துடன் இரண்டு மற்றும் மூன்றாம் அடுக்கு இருக்கைகளை மடித்துக் கொள்ளும் வசதியும் வழங்கப்படுகிறது.

    டிபெண்டர் 130

    புதிய டிபெண்டர் 130 மாடலில் பிரத்யேக செடோனா ரெட் நிற பெயிண்ட் மற்றும் குரோம் ட்ரிபம் பீஸ்கள் உள்ளன. புது மாடலின் நீளம் அதிகரித்து இருந்தாலும், ஆப் ரோடிங் திறன்களில் எவ்வித பாதிப்பும் ஏற்படாத வகையில் புதிய டிபெண்டர் 130 மாடல் டிசைன் செய்யப்பட்டு உள்ளது. 

    லேண்ட் ரோவர் டிபெண்டர் 130 மாடலின் டேஷ்போர்டில் 11.4 இன்ச் பிவி ப்ரோ டச் ஸ்கிரீன் வழங்கப்பட்டு இருக்கிறது. இது மூன்று ஸ்கிரீன் செட்டப் ஆகும். இதில் ஆல் டிஜிட்டல் இன்ஸ்ட்ரூமெண்ட் கிளஸ்டர், செண்ட்ரல் அப்பர் டச் ஸ்கிரீன் மற்றும் செண்டர் லோயர் டச் ஸ்கிரீன் உள்ளிட்டவை இடம்பெற்று இருக்கிறது. இந்த மாடல் SE, HSE, X டைனமிக், X மற்றும் ஃபர்ஸ்ட் எடிஷன் ட்ரிம்களில் கிடைக்கிறது. 

    இந்த மாடலில் 3 லிட்டர், 6 சிலிண்டர் டர்போ சார்ஜ் செய்யப்பட்ட மைல்டு ஹைப்ரிட் பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகின்றன. மூன்று என்ஜின்களுடன் 8 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் மற்றும் iAWD சிஸ்டம் வழங்கப்படுகிறது. இதே கார் சக்திவாய்ந்த வி8 என்ஜின் மற்றும் பிளக் இன் ஹைப்ரிட் பவர்டிரெயின் ஆப்ஷன்களிலும் கிடைக்கும் என தெரிகிறது. 
    ×