இது புதுசு

ஹூண்டாய் நிறுவனம் இந்திய சந்தையில் எக்ஸ்டர் மாடலை அறிமுகம் செய்வதை கடந்த மாதம் சூசகமாக அறிவித்தது. இந்த வரிசையில், தற்போது புதிய எக்ஸ்டர் மாடல் வெளிப்புற தோற்றத்தை ஓரளவுக்கு வெளிப்படுத்தும் டீசரை ஹூண்டாய் நிறுவனம் வெளியிட்டுள்ளது. புதிய எக்ஸ்டர் மாடலின் உற்பத்தி 2023 ஜூலை மாதம் துவங்க இருக்கிறது.

மேலும் ஆகஸ்ட் மாத வாக்கில் இந்த மாடலின் வெளியீடு நடைபெறலாம். இந்தியாவுக்காக உற்பத்தி செய்யப்பட்டு வெளிநாட்டு சந்தைகளிலும் எக்ஸ்டர் மாடல் ஏற்றுமதி செய்யப்படும் என்று தெரிகிறது. தற்போது விற்பனை செய்யப்படும் எவ்வித ஹூண்டாய் மாடல்களிலும் இல்லாத அளவுக்கு புதிய எக்ஸ்டர் மாடல் வித்தியாசமான முன்புறம் கொண்டிருக்கும் என்று தெரியவந்துள்ளது.

சென்சுவஸ் ஸ்போர்டினஸ் டிசைன் மொழியை தழுவி புதிய எக்ஸ்டர் மாடல் உருவாக்கப்படுகிறது. இந்த மாடலில் ஸ்ப்லிட் ஹெட்லேம்ப், H வடிவ எல்இடி டிஆர்எல்கள் வழங்கப்படுகிறது. இதேபோன்ற டிசைன் எதிர்காலத்தில் வெளியாக இருக்கும் மேலும் சில ஹூண்டாய் எஸ்யுவி மாடல்களிலும் வழங்கப்படும் என்று எதிர்பார்க்கலாம்.

புதிய எக்ஸ்டர் பின்புறம் எப்படி காட்சியளிக்கும் என்பது இன்னமும் மர்மமாகவே உள்ளது. எனினும், இந்த காரின் பின்புறம் சதுரங்க வடிவம் கொண்ட டெயில் லேம்ப்கள், லைட் பார், ஃபௌக்ஸ் கிளாடிங், விசேஷமான வீல் ஆர்ச்கள் வழங்கப்படும் என்று எதிர்பார்க்கப்படுகிறது. இந்த கார் அளவில் 3.8 மீட்டர் நீளமாக இருக்கும் என தெரிகிறது.

லேண்ட் ரோவர் நிறுவனத்தின் முதல் எலெக்ட்ரிக் கார் ரேன்ஜ் ரோவர் EV என்று தகவல் வெளியாகி உள்ளது. மேலும் இந்த கார் 2024 வாக்கில் அறிமுகம் செய்யப்படும் என கூறப்படுகிறது. ரேன்ஜ் ரோவர் EV மாடல் லண்டனில் உள்ள சாலிஹல் ஆலையில் உற்பத்தி செய்யப்பட இருக்கிறது. இந்த காருக்கான முன்பதிவு இந்த ஆண்டிலேயே துவங்கிவிடும் என்று தெரிகிறது.

புதிய ரேன்ஜ் ரோவர் EV மாடல் MLA பிளாட்ஃபார்மில் உருவாகி இருக்கும் என கூறப்படுகிறது. இந்த கார் ஹைப்ரிட் ஆப்ஷன் கொண்ட IC என்ஜின் மற்றும் முழுமையான எலெக்ட்ரிக் பவர்டிரெயின் ஆப்ஷன்களில் கிடைக்கும். புதிய எலெக்ட்ரிக் கார் உலகின் முதல் ஆடம்பர எலெக்ட்ரிக் எஸ்யுவி-யாக இருக்கும் என ஜாகுவார் லேண்ட் ரோவர் தெரிவித்து இருக்கிறது.

"உண்மையான ரேன்ஜ் ரோவர் மதிப்பை இது எடுத்துரைக்கும். சிறந்த ஆஃப்-ரோடிங் திறன் கொண்டிருக்கும். தனித்துவம் மிக்க ஆடம்பர வசதிகளை கொண்டிருப்பதோடு, இந்த பிராண்டு எதை உருவாக்கும் என்பதற்கு எடுத்துக் காட்டாக இருக்கும், " என்று ஜாகுவார் லேண்ட் ரோவர் நிறுவனத்தின் வாகன திட்ட பிரிவு இயக்குனர் நிக் காலின்ஸ் தெரிவித்து இருக்கிறார்.

2026-க்குள் ரேன்ஜ் ரோவர், டிஸ்கவரி, டிஃபெண்டர் மற்றும் ஜாகுவார் என தனது பிராண்டுகள் அனைத்திலும் எலெக்ட்ரிக் மாடலை அறிமுகம் செய்ய வேண்டும் என்ற ஜாகுவார் லேண்ட் ரோவர் நிறுவனத்தின் திட்டத்திற்கு ஏற்ப MLA பிளாட்ஃபார்மில் புதிய எலெக்ட்ரிக் வாகனங்கள் உருவாக்கப்பட இருக்கிறது. 

ஆடம்பர கார் உற்பத்தியாளர்கள் எலெக்ட்ரிக் வாகனங்கள் பிரிவில் கவனம் செலுத்த துவங்கி உள்ளன. இதன் மூலம் பிராண்டு இமேஜ், பிரீமியம் டிரைவிங் அனுபவம், புதிய தொழில்நுட்ப அம்சங்கள் மூலம் புதுமை செய்வது, வாடிக்கையாளர் எதிர்பார்ப்பை பூர்த்தி செய்வது, புதிய புகை விதிகளுக்கு ஏற்ப அப்டேட் செய்வதில் முக்கியத்துவம் கொடுக்கின்றன.

எலெக்ட்ரிக் வாகனங்கள் மேம்பட்ட தொழில்நுட்ப அம்சங்கள், தானியங்கி டிரைவிங் வசதிகளை வழங்குகின்றன. பல்வேறு ஆட்டோமொபைல் உற்பத்தியாளர்கள், ஆடம்பர கார் உற்பத்தியாளர்களும் எலெக்ட்ரிக் வாகன உற்பத்தியில் கவனம் செலுத்த துவங்கிவிட்டன. இந்த வரிசையில் ரோல்ஸ் ராய்ஸ் நிறுவனமும் இணைந்துள்ளது.

சீனாவில் நடைபெறும் ஷாங்காய் ஆட்டோ விழாவில் ரோல்ஸ் ராய்ஸ் நிறுவனம் தனது முதல் எலெக்ட்ரிக் கார் மாடலை அறிமுகம் செய்தது. முன்னதாக 2022 அக்டோபர் மாத வாக்கில் ரோல்ஸ் ராய்ஸ் ஸ்பெக்டர் மாடல் அறிமுகம் செய்யப்பட்டது. இந்த காரில் 430 கிலோவாட் மோட்டார் உள்ளது. இது 900 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த கார் மணிக்கு அதிகபட்சம் 250 கிலோமீட்டர் வேகத்தில் செல்லும் திறன் கொண்டிருக்கிறது. மேலும் மணிக்கு 100 கிலோமீட்டர் வேகத்தை 4.5 நொடிகளில் எட்டிவிடும். இதில் உள்ள 102 கிலோவாட் ஹவர் பேட்டரி பேக் முழுமையாக சார்ஜ் செய்தால் 585 கிலோமீட்டர்கள் வரையிலான ரேன்ஜ் வழங்குகிறது. ரோல்ஸ் ராய்ஸ் எலெக்ட்ரிக் காரின் உள்புறத்தில் ஸ்டார்லைட் டோர்கள், ஸ்டேரி ஸ்கை ரூஃப், ரோல்ஸ் ராய்ஸ் லோகோ கொண்ட தலையணைகள் உள்ளன.

புதிய ரோல்ஸ் ராய்ஸ் எலெக்ட்ரிக் காரின் விலை 5.75 மில்லியன் யுவான்கள், இந்திய மதிப்பில் ரூ. 6 கோடியே 85 லட்சத்து 95 ஆயிரத்து 085 என்று நிர்ணயம் செய்யப்பட்டு உள்ளது. இந்த எலெக்ட்ரிக் காரின் வினியோகம் இந்த ஆண்டின் நான்காவது காலாண்டு வாக்கில் துவங்க இருக்கிறது. 

ஏத்தர் எனர்ஜி நிறுவனத்தின் 450X புதிய வேரியண்ட் இந்திய சந்தையில் அறிமுகம் செய்யப்பட்டது. புதிய ஏத்தர் 450X வேரியண்ட் 146 கிலோமீட்டர் ரேன்ஜ் வழங்கும் பேட்டரி மற்றும் எலெக்ட்ரிக் மோட்டார் கொண்டிருக்கிறது. எனினும், எண்ட்ரி லெவல் மாடல் என்பதால், இதில் ஃபாஸ்ட் சார்ஜிங், ரைட் மோட்கள், கனெக்டெட் தொழில்நுட்பம் உள்ளிட்டவை வழங்கப்படவில்லை.

எண்ட்ரி லெவல் ஏத்தர் 450X மாடல் ஒலா S1 ஏர், டிவிஎஸ் ஐகியூப் மற்றும் ஆம்பியர் பிரைமஸ் போன்ற மாடல்களுக்கு போட்டியை ஏற்படுத்தும் வகையில் அறிமுகம் செய்யப்பட்டு இருக்கிறது. புதிய வேரியண்ட் அறிமுகம் செய்யப்பட்டு இருப்பதை அடுத்து ஏத்தர் 450 பிளஸ் விற்பனை நிறுத்தப்பட்டு விட்டது.

அம்சங்களை பொருத்தவரை ஏத்தர் 450X மாடலில் பெருமளவில் எவ்வித மாற்றமும் மேற்கொள்ளப்படவில்லை. இந்த எலெக்ட்ரிக் ஸ்கூட்டரிலும் 6.2 கிலோவாட் மோட்டார் மற்றும் 3.7 கிலோவாட் ஹவர் பேட்டரி வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 143 கிலோமீட்டர் வரையிலான ரேன்ஜ் வழங்குகிறது. மேலும் மணிக்கு அதிகபட்சம் 90 கிலோமீட்டர் வேகத்தில் செல்லும் திறன் கொண்டிருக்கிறது.

குறைந்தவிலை மாடல் என்பதால் இதில், ஃபாஸ்ட் சார்ஜிங் வசதி, ரைட் மோட்கள், பார்க் அசிஸ்ட், ஹில் ஹோல்டு அசிஸ்ட், ப்ளூடூத் கனெக்டிவிட்டி, ஜிபிஎஸ் நேவிகேஷன், லைவ் டிராக்கிங், ஒடிஏ அப்டேட்கள் மற்றும் கலர் டிஸ்ப்ளே போன்ற அம்சங்கள் வழங்கப்படவில்லை. இந்த அம்சங்கள் அனைத்தும் ஏத்தர் நிறுவனத்தின் உயர் ரக ஸ்கூட்டர்களில் மட்டுமே வழங்கப்படுகின்றன.

விலை மற்றும் விற்பனை விவரங்கள்:

ஏத்தர் 450X புதிய பேஸ் வேரியண்ட் விலை ரூ. 98 ஆயிரத்து 079 எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த ஸ்கூட்டர் ட்ரூ ரெட், காஸ்மிக் பிளாக், ஸ்பேஸ் கிரே, லூனார் கிரே, சால்ட் கிரீன் மற்றும் ஸ்டில் வைட் என ஆறுவிதமான நிறங்களில் கிடைக்கிறது.

ஹூண்டாய் மோட்டார் இந்தியா நிறுவனம் தனது புதிய எஸ்யுவி மாடல் பெயரை அதிகாரப்பூர்வமாக அறிவித்து இருக்கிறது. புதிய ஹூண்டாய் கார் டாடா பன்ச் மாடலுக்கு போட்டியாக அமையும் என்று எதிர்பார்க்கப்படுகிறது. வென்யூ, கிரெட்டா, அல்கசார், கோனா EV, டக்சன் மற்றும் ஐயோனிக் 5 வரிசையில் ஹூண்டாய் நிறுவனத்தின் புதிய எஸ்யுவி மாடலாக எக்ஸ்டர் இணைகிறது.

சர்வதேச நாடுகளில் சோதனை செய்யப்படும் போது எடுக்கப்பட்ட புதிய ஹூண்டாய் கார் ஸ்பை படங்கள் பலமுறை இணையத்தில் வெளியாகி இருக்கிறது. இதுதவிர புதிய ஹூண்டாய் கார் சமீபத்தில் இந்தியாவிலும் டெஸ்டிங் செய்யப்பட்டது. முழுமையாக மறைக்கப்பட்ட நிலையில், டெஸ்டிங் செய்யப்படும் ஹூண்டாய் எஸ்யுவி மாடலில் பிளாக்டு-அவுட் பி-பில்லர், ரூஃப் ரெயில்கள், சன்ரூஃப், ஷார்க் ஃபின் ஆண்டெனா, பில்லர் மவுண்ட் செய்யப்பட்ட ORVMகள் வழங்கப்படுகின்றன.

பவர்டிரெயினை பொருத்தவரை புதிய ஹூண்டாய் எக்ஸ்டர் மாடலில் 1.2 லிட்டர், நான்கு சிலிண்டர்கள் கொண்ட NA பெட்ரோல் என்ஜின் வழங்கப்படும் என கூறப்படுகிறது. இந்த என்ஜின் 82 ஹெச்பி பவர், 114 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் மற்றும் AMT டிரான்ஸ்மிஷன் வழங்கப்படும் என தெரிகிறது.

இந்திய சந்தையில் புதிய ஹூண்டாய் எக்ஸ்டர் மாடல் டாடா பன்ச் மற்றும் சிட்ரோயன் C3 போன்ற மாடல்களுக்கு போட்டியாக அமைய இருக்கிறது.

சிட்ரோயன் நிறுவனம் இந்திய சந்தையில் C3 ஹேச்பேக் மாடலின் புதிய வேரியண்டை அறிமுகம் செய்து இருக்கிறது. C3 சீரிசில் டாப் எண்ட் மாடலாக அறிமுகமாகி இருக்கும் சிட்ரோயன் C3 ஷைன், ஷைன் வைப் பேக், ஷைன் டூயல் டோன் மற்றும் ஷைன் டூயல் டோன் மற்றும் வைப் பேக் என மொத்தத்தில் நான்கு வேரியண்ட்களில் கிடைக்கிறது.

புதிய சிட்ரோயன் C3 ஷைன் விலை ரூ. 7 லட்சத்து 60 ஆயிரம், எக்ஸ்-ஷோரூம் என துவங்குகிறது. ஃபீல் வேரியண்ட் உடன் ஒப்பிடும் போது புதிய சிட்ரோயன் C3 ஷைன் எலெக்ட்ரிக் அட்ஜஸ்ட் வசதி கொண்ட ORVM-கள், ரியர் பார்கிங் கேமரா, டே/நைட் IRVM, 15 இன்ச் டைமண்ட் கட் அலாய்கள், ஃபாக் லைட்கள், ரியர் வைப்பர், வாஷர், ரியர் ஸ்கிட் பிளேட்கள், ரியர் டிஃபாகர் வழங்கப்பட்டு இருக்கிறது.

இத்துடன் 35 கனெக்டிவிட்டி அம்சங்களை கொண்ட மை சிட்ரோயன் கனெக்ட் ஆப் வசதியும் உள்ளது. புதிய சிட்ரோயன் C3 ஹேச்பேக் மாடலில் 1.2 லிட்டர் NA பெட்ரோல் என்ஜின் வழங்கப்பட்டு இருக்கிறது. இந்த என்ஜின் 80 ஹெச்பி பவர், 115 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

விலை விவரங்கள்:

சிட்ரோயன் C3 ஷைன் ரூ. 7 லட்சத்து 60 ஆயிரம்

சிட்ரோயன் C3 ஷைன் வைப் பேக் ரூ. 7 லட்சத்து 72 ஆயிரம்

சிட்ரோயன் C3 ஷைன் டூயல் டோன் ரூ. 7 லட்சத்து 75 ஆயிரம்

சிட்ரோயன் C3 ஷைன் டூயல் டோன் வைப் பேக் ரூ. 7 லட்சத்து 87 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ராயல் என்பீல்டு நிறுவனம் பல்வேறு புதிய மோட்டார்சைக்கிள் மாடல்களை உருவாக்கும் பணிகளில் ஈடுபட்டு வருகிறது. இதில் எலெக்ட்ரிக் மாடல்களும் அடங்கும். பிரீமியம் லைஃப்ஸ்டைல் பிரிவில் அனைத்து மாடல்களையும் களமிறக்கி வரும் ராயல் என்பீல்டு, எலெக்ட்ரிக் வாகனங்களையும் அறிமுகம் செய்ய திட்டமிட்டுள்ளது.

சில மாதங்களுக்கு முன், எலெக்ட்ரிக் ஹிமாலயன் மாடல் பற்றிய விவரங்கள் இணையத்தில் வெளியாகி இருந்தது. மேலும் இது தான் ராயல் என்பீல்டு நிறுவனத்தின் முதல் எலெக்ட்ரிக் வாகனம் என்றும் கூறப்பட்டது. எலெக்ட்ரிக் வாகனங்கள் பிரிவை பொருத்தவரை முதலில் அதிக விலை கொண்ட மாடலை அறிமுகம் செய்ய ராயல் என்பீல்டு திட்டமிட்டுள்ளதாக கூறப்படுகிறது.

பின் இதைத் தொடர்ந்து பிரத்யேக மோட்டார்சைக்கிள், இறுதியில் குறைந்த விலை பைக் அறிமுகம் செய்யப்படும் என தெரிகிறது. இவை வரும் ஆண்டுகளில் படிப்படியாக அறிமுகமாகும். தற்போது இருக்கும் ராயல் என்பீல்டு மாடல்களின் அடிப்படையில், இந்த திட்டம் நிறுவன மாடல்களுக்கு அதிக வரவேற்பை பெற்றுக் கொடுக்கும் என கூறப்படுகிறது.

ராயல் என்பீல்டு உருவாக்கி வரும் முதல் எலெக்ட்ரிக் வாகனம் L1A எனும் குறியீட்டு பெயர் கொண்டிருக்கிறது. இந்த மாடல் அடுத்த ஆண்டு வாக்கில் அறிமுகம் செய்யப்படும் என்றும் கூறப்படுகிறது. இதுதவிர ராயல் என்பீல்டு நிறுவனம் மற்றொரு பிளாட்ஃபார்மை உருவாக்கி வருவதாக தகவல் வெளியாகி உள்ளது. எனினும், இந்த பிளாட்ஃபார்ம் பற்றி அதிக விவரங்கள் வெளியாகவில்லை.

கடந்த ஆண்டு எலெக்ட்ரிக் வாகன நிறுவனமான ஸ்டார்க்-இல் ராயல் என்பீல்டு நிறுவனம் கணிசமான பங்குகளை வாங்கி இருக்கிறது. அதன்படி இரு நிறுவனங்கள் கூட்டணியில் புதிய எலெக்ட்ரிக் மோட்டார்சைக்கிள் மாடல்கள் உருவாக்கப்படும் என்று எதிர்பார்க்கலாம். எனினும், இந்த திட்டம் அமலுக்கு வர அதிக காலம் ஆகும் என்றே தெரிகிறது.

Photo Courtesy: Autocar 

ஹார்லி டேவிட்சன் நிறுவனம் 2023 மாடல்களை இந்திய சந்தையில் தொடர்ந்து அறிமுகம் செய்து வருகிறது. சமீபத்தில் ஃபேட்பாப் 114 மாடலை அறிமுகம் செய்த நிலையில், தற்போது ஃபேட்பாய் 114 மாடலை ஹார்லி டேவிட்சன் நிறுவனம் இந்திய சந்தையில் அறிமுகம் செய்து இருக்கிறது. புதிய 2023 ஹார்லி டேவிட்சன் ஃபேட்பாய் 114 மாடல் ஒற்றை வேரியண்ட் மற்றும் நான்கு வித நிறங்களில் கிடைக்கிறது.

விலை விவரங்கள்:

ஹார்லி டேவிட்சன் ஃபேட்பாய் 114 விவிட் பிளாக் ரூ. 24 லட்சத்து 49 ஆயிரம்

ஹார்லி டேவிட்சன் ஃபேட்பாய் 114 பிரைட் பில்லியர்ட் புளூ ரூ. 24 லட்சத்து 68 ஆயிரம்

ஹார்லி டேவிட்சன் ஃபேட்பாய் 114 கிரே ஹேஸ் மற்றும் சில்வர் ஃபார்சூன் ரூ. 25 லட்சத்து 19 ஆயிரம்

ஹார்லி டேவிட்சன் ஃபேட்பாய் 114 ஹெர்லூம் ரெட் ஃபேட் ரூ. 25 லட்சத்து 99 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய மாடலில் சிங்கிள்-பாட் ஹெட்லைட், ரியர் ஸ்வெப்ட் ஹேண்டில்பார், ஃபியூவல் டேன்க் மீது மவுண்ட் செய்யப்பட்ட இன்ஸ்ட்ரூமெண்ட் கிளஸ்டர், க்ரோம் சரவுண்ட்கள், ஸ்டெப்-அப் சீட், டுவின் பாட் எக்சாஸ்ட் கேனிஸ்டர் உள்ளது. இதுதவிர மோட்டார்சைக்கிளை கஸ்டமைஸ் செய்ய ஏராளமான அக்சஸரீக்களை ஹார்லி டேவிட்சன் வழங்குகிறது.

2023 ஹார்லி டேவிட்சன் ஃபேட்பாய் 114 மாடலில் 1868சிசி, வி டுவின் என்ஜின் வழங்கப்பட்டு இருக்கிறது. இந்த மாடல் 5.5 லிட்டர்கள் / 100 கிலோமீட்டர் (லிட்டருக்கு 18.18 கிலோமீட்டர்) மைலேஜ் வழங்கும் என ஹார்லி டேவிட்சன் தெரிவித்து இருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 92.5 ஹெச்பி பவர், 155 நியூட்டன் மீட்டர் டார்க் இழுவிசையை வெளிப்படுத்துகிறது.

சஸ்பென்ஷனுக்கு ஹார்லி டேவிட்சன் மோட்டார்சைக்கிளில் 49mm டெலிஸ்கோபிக் முன்புற ஃபோர்க்குகள், அலுமினியம் ட்ரிபில் கிளாம்ப்கள், பிரீ-லோட் அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது. பிரேகிங்கிற்கு முன்புறத்தில் ஒற்றை டிஸ்க், நான்கு பிஸ்டன் கொண்ட கேலிப்பர், பின்புறம் ஒற்றை ரோட்டார், இரண்டு பிஸ்டன்கள் கொண்ட ஃபுளோடிங் கேலிப்பர் வழங்கப்பட்டு இருக்கிறது.

இவை தவிர புதிய ஹார்லி ஃபேட்பாய் 114 மாடலில் ஃபுல் எல்இடி லைட்டிங், செமி டிஜிட்டல் இன்ஸ்ட்ரூமெண்ட் கிளஸ்டர் உள்ளது. இந்த மாடலில் உள்ள கன்சோல் அனலாக் ஸ்பீடோமீட்டர், டிஜிட்டல் ஸ்கிரீனில் கியர், ஒடோமீட்டர், ஃபியூவல் லெவல், கடிகாரம், ட்ரிப், ரேன்ஜ் மற்றும் டக்கோமீட்டர் இண்டிகேஷன் போன்ற விவரங்களை காண்பிக்கிறது. 

இந்திய ஆட்டோமொபைல் சந்தையில் அதிகம் விற்பனையாகும் சப்-4 மீட்டர் எஸ்யுவி மாடல்களில் ஒன்றாக நெக்சான் இருக்கிறது. கடந்த சில மாதங்களில் அதிகம் விற்பனையாகும் கார் மாடல் பட்டியலில் முதலிடத்தை நெக்சான் இழந்தது. இந்த நிலையில், டாடா மோட்டார்ஸ் நிறுவனம் நெக்சான் ஃபேஸ்லிஃப்ட் மாடலை விரைவில் அறிமுகம் செய்யும் பணிகளில் ஈடுபட்டு வருகிறது.

இதனிடையே டாடா நெக்சான் மாடல் ஸ்பை படங்கள் வெளியாகி உள்ளது. அதில் புதிய நெக்சான் ஃபேஸ்லிஃப்ட் மாடல் பெருமளவில் டாடா கர்வ் காம்பேக்ட் எஸ்யுவி-யை தழுவி உருவாக்கப்பட்டு இருக்கும் என கூறப்படுகிறது. புதிய காரின் முன்புறத்தில் அகலமான எல்இடி லைட் பார்கள் உள்ளன. காரில் இரண்டு அடுக்கு கிரில், டாடாவின் ரேடார் சார்ந்த ADAS மாட்யுல் வழங்கப்படுகிறது.

புதிய காரின் பக்கவாட்டு பகுதிகளில் அதிக மாற்றங்கள் இருக்காது என்றே தெரிகிறது. புதிய அலாய் வீல் டிசைன் மற்றும் பாடி கிளாடிங்கில் சிறு மாற்றங்கள் மேற்கொள்ளப்பட்டு இருக்கலாம். காரின் பின்புறத்தில் சஃபாரி மாடலில் உள்ளதை போன்ற அகலமான எல்இடி டெயில் லைட்கள் வழங்கப்படுகின்றன. இவை நெக்சான் EV ஃபேஸ்லிஃப்ட் மாடலிலும் வழங்கப்படும் என தெரிகிறது.

டாடா நெக்சான் ஃபேஸ்லிஃப்ட் ஸ்பை படங்கள் வெளியானதை தொடர்ந்து புதிய காரின் டீசர் அந்நிறுவனத்தின் அதிகாரப்பூர்வ டுவிட்டர் தளத்தில் இடம்பெற்று இருக்கிறது. அதன்படி புதிய நெக்சான் ஃபேஸ்லிஃப்ட் மாடலின் வெளியீட்டு தேதி விரைவில் அறிவிக்கப்படும் என எதிர்பார்க்கலாம்.

எம்ஜி மோட்டார் இந்தியா நிறுவனம் முற்றிலும் புதிய கொமெட் EV மாடலை ஏப்ரல் 19 ஆம் தேதி இந்தியாவில் அறிமுகம் செய்வதாக அறிவித்து இருக்கிறது. புதிய கொமெட் EV மாடல் வுலிங் ஏர் EV மாடலை தழுவி உருவாக்கப்பட்டு இருக்கிறது. இந்திய சந்தையில் புதிய எம்ஜி கொமெட் EV மாடலின் விலை ரூ. 10 லட்சத்தில் துவங்கி அதிகபட்சம் ரூ. 15 லட்சம், எக்ஸ்-ஷோரூம் வரை நிர்ணயம் செய்யப்படும் என தெரிகிறது.

கடந்த மாதம் எம்ஜி நிறுவனம் இந்தியாவுக்கான கொமெட் EV மாடல் விவரங்களை அறிவித்தது. அதன்படி புதிய கொமெட் EV மாடல் வைட், புளூ, கிரீன், எல்லோ மற்றும் பின்க் என ஐந்து விதமான நிறங்களில் கிடைக்க இருக்கிறது. சர்வதேச சந்தையில் இந்த மாடல் 17.3 கிலோவாட் ஹவர் மற்றும் 26.7 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது.

இவை முழு சார்ஜ் செய்தால் முறையே 200 கிலோமீட்டர்கள் மற்றும் 300 கிலோமீட்டர்கள் வரையிலான ரேன்ஜ் வழங்குகின்றன. வெளிப்புற டிசைனை பொருத்தவரை கொமெட் எலெக்ட்ரிக் காரில் செங்குத்தான எல்இடி ஹெட்லேம்ப்கள், எல்இடி டெயில் லைட்கள், டிஆர்எல்கள், இண்டகிரேட் செய்யப்பட்ட இண்டிகேட்டர்கள், டூயல் டோன் முன்புற பம்ப்பர், சார்ஜிங் போர்டின் மேல் எல்இடி லைட் பார் உள்ளது.

இத்துடன் க்ரோம் இன்சர்ட்கள், ஸ்டீல் வீல்கள், வீல் கவர்கள், பின்புற பம்ப்பரில் நம்பர் பிளேட், ஹை மவுண்ட் செய்யப்பட்ட ஸ்டாப் லேம்ப் வழங்கப்படுகிறது. இந்திய சந்தையில் புதிய எம்ஜி கொமெட் EV மாடல் டாடா டியாகோ EV மற்றும் சிட்ரோயன் eC3 எலெக்ட்ரிக் கார் மாடல்களுக்கு போட்டியாக அமைய இருக்கிறது.

ஹார்லி டேவிட்சன் நிறுவனம் தனது மோட்டார்சைக்கிள் மாடல்களை இந்திய சந்தையில் அப்டேட் செய்யும் பணிகளில் மும்முரமாக ஈடுபட்டு வருகிறது. பல்வேறு பிரிவுகளின் கீழ் பைக் மாடல்களை தொடர்ச்சியாக அப்டேட் செய்த ஹார்லி சமீபத்தில் 2023 பான் அமெரிக்கா அட்வென்ச்சர் டூரர் மாடலை அறிமுகம் செய்திருந்தது.

இந்த வரிசையில், பான் அமெரிக்கா மாடலின் ஸ்டாண்டர்டு வேரியண்டை நீக்கிவிட்டு இதற்கு மாற்றாக ஸ்பெஷல் வேரியண்டை இந்தியாவில் அறிமுகம் செய்து இருக்கிறது. புதிய ஸ்பெஷல் வேரியண்ட் பான் அமெரிக்கா 1250 மாடல் அலாய் வீல் அல்லது ஸ்போக் வீல்களில் எதை வேண்டுமானாலும் தேர்வு செய்து கொள்ளும் ஆப்ஷன் வழங்கப்படுகிறது. இதன் ஸ்போக் வீல் வேரியண்டில் டியூப்லெஸ் டயர்கள் வழங்கப்படுகின்றன. இதன் விலை அலாய் வீல் வேரியண்டை விட ரூ. 1 லட்சம் அதிகம் ஆகும்.

இவைதவிர 2023 பான் அமெரிக்கா 1250 மாடலில் வேறு எந்த மாற்றமும் மேற்கொள்ளப்படவில்லை. இந்திய சந்தையில் புதிய 2023 ஹார்லி டேவிட்சன் பான் அமெரிக்கா 1250 மாடலின் விலை ரூ. 24 லட்சத்து 49 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய பான் அமெரிக்கா 1250 மாடலிலும் 1252சிசி, டுவின் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது.

இந்த என்ஜின் 150.9 ஹெச்பி பவர், 128 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் லீன் சென்சிடிவ் டிராக்ஷன் கண்ட்ரோல், கார்னரிங் ஏபிஎஸ், எலெகர்ட்ரிக் லின்க் செய்யப்பட்ட பிரேகிங் சிஸ்டம், ஹில் ஹோல்டு கண்ட்ரோல், குரூயிஸ் கண்ட்ரோல், என்ஜின் பிரேகிங் கண்ட்ரோல், ஐந்துவிதமான ரைடிங் மோட்கள், மூன்று கஸ்டமைஸ் செய்து கொள்ளும் ரைடிங் மோட்கள் வழங்கப்படுகின்றன.

இந்திய சந்தையில் 2023 ஹார்லி டேவிட்சன் பான் அமெரிக்கா 1250 மாடல் பிஎம்டபிள்யூ R 1250 GS, ஹோண்டா ஆஃப்ரிக்கா டுவின் மற்றும் டுகாட்டி மல்டிஸ்டிராடா V4 போன்ற மாடல்களுக்கு போட்டியாக அமைகிறது. 

மினி நிறுவனத்தின் முற்றிலும் புதிய எலெக்ட்ரிக் கண்ட்ரிமேன் மாடலின் பவர்டிரெயின் விவரங்கள் அறிவிக்கப்பட்டு இருக்கிறது. ஸ்டாண்டர்டு கண்ட்ரிமேன் E மாடல் - பேஸ் 2 வீல் டிரைவ் வேரியண்ட் மற்றும் டூயல் மோட்டார் SE ALL4 வேரியண்ட் என இருவித பவர்டிரெயின் ஆப்ஷன்களில் கிடைக்கிறது. கண்ட்ரிமேன் E மாடல் 188 ஹெச்பி பவர் வெளிப்படுத்துகிறது. SE ALL4 வேரியண்ட் அதிகபட்சம் 308 ஹெச்பி வரையிலான பவர் வெளிப்படுத்துகிறது.

இரு வேரியண்ட்களில் SE ALL4 மாடல் நிறுவனத்தின் முதல் ஆல்-வீல் டிரைவ் வசதி கொண்ட எலெக்ட்ரிக் கார் மாடல் ஆகும். கண்ட்ரிமேன் E மாடலில் 64.7 கிலோவாட் ஹவர் பேட்டரி உள்ளது. இந்த கார் முழு சார்ஜ் செய்தால் அதிகபட்சம் 450 கிலோமீட்டர் வரையிலான ரேஞ்ச் வழங்குகிறது. புதிய கண்ட்ரிமேன் மாடல் அதன் முந்தைய வெர்ஷனை விட 130mm வரை நீளமாக இருக்கும் என தெரிகிறது. இந்த காரின் உயரமும் 60mm வரை அதகரித்துள்ளது.

புதிய மினி கண்ட்ரிமேன் மாடலின் உள்புறம், வெளிப்புறம் மற்றும் வீல்கள் என பெரும்பாலான பாகங்கள் 70 சதவீதம் வரை மறுசுழற்சி செய்யப்பட்ட அலுமினியம் பயன்படுத்தப்பட்டுள்ளன. காரின் டேஷ்போர்டு, ஸ்டீரிங் வீல், ஹெட்லைனர் உள்ளிட்டவை மறுசுழற்சி செய்யப்பட்ட பிளாஸ்டிக் மற்றும் பாட்டில்களால் உருவாக்கப்பட்டுள்ளன.

மினி பிராண்டின் தாய் நிறுவனமான பிஎம்டபிள்யூ குழுமம், காற்று மாசை குறைக்க ஹைட்ரஜனுக்கு மாற்றாக படிம எரிபொருட்கள் பயன்பாட்டை அதிகரித்து வருகிறது. இதற்காக பிஎம்டபிள்யூ குழுமம் சார்பில் 800 மில்லியன் யூரோக்கள் முதலீடு செய்யப்படுகின்றன.