search icon
என் மலர்tooltip icon

    நீங்கள் தேடியது "Ather Energy"

    • ஏத்தர் ரிஸ்டா மாடல் நான்கு டூயல் டோன் ஆப்ஷன்களில் கிடைக்கிறது.
    • இந்த மாடலில் PMSM எலெக்ட்ரிக் மோட்டார் உள்ளது.

    ஏத்தர் எனர்ஜி நிறுவனம் ரிஸ்டா எலெக்ட்ரிக் ஸ்கூட்டர் மாடலை ஏத்தர் கம்யூனிட்டி டே 2024 நிகழ்ச்சியில் சமீபத்தில் அறிமுகம் செய்தது. இந்த ஸ்கூட்டர் இரண்டு மாடல்கள் மற்றும் ஏழு வெவ்வேறு நிறங்களில் விற்பனைக்கு கிடைக்கிறது. புதிய ஏத்தர் ரிஸ்டா மாடலின் விலை ரூ. 1 லட்சத்து 10 ஆயிரம் என துவங்கி அதிகபட்சம் ரூ. 1 லட்சத்து 45 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

    புதிய ஏத்தர் ரிஸ்டா S மாடல் மூன்று மோனோடோன் நிறங்களிலும், ரிஸ்டா Z ஏழு நிறங்கள்- மூன்று மோனோடோன், நான்கு டூயல் டோன் ஆப்ஷன்களில் கிடைக்கிறது. மோனோடோனில் பாங்காங் புளூ, சியாசென் வைட் மற்றும் டெக்கான் கிரே ஆப்ஷன்களும், டூயல் டோனில் பாங்காங் புளூ-வைட், கார்டமம் கிரீன்-வைட், அல்போன்சே எல்லோ-வைட், டெக்கான் கிரே-வைட் போன்ற ஆப்ஷன்கள் உள்ளன.

     


    ஏத்தர் ரிஸ்டா மாடலில் PMSM எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார் 5.76 ஹெச்.பி. பவர், 22 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த ஸ்கூட்டரின் அனைத்து வேரியண்ட்களும் மணிக்கு 80 கிலோமீட்டர் வேகத்தில் செல்லும். மேலும் மணிக்கு 40 கிலோமீட்டர் வேகத்தை 4.7 நொடிகளில் எட்டிவிடும்.

    புதிய ரிஸ்டா S மற்றும் ரிஸ்டா Z வேரிண்ட்களில் முறையே 2.9 கிலோவாட் ஹவர் மற்றும் 3.7 கிலோவாட் ஹவர் பேட்டரி பேக் ஆப்ஷன்கள் வழங்கப்படுகின்றன. இவை முறையே 123 மற்றும் 160 கிலோமீட்டர்கள் வரையிலான ரேன்ஜ் வழங்கும் என சான்று பெற்றுள்ளன.

    இதன் 2.9 கிலோவாட் ஹவர் மாடலில் 350 வாட் சார்ஜர் வழங்கப்படுகிறது. இது பேட்டரியை 6 மணி 40 நிமிடங்களில் 80 சதவீதம் வரை சார்ஜ் செய்திடும். முழுமையாக சார்ஜ் செய்ய 8 மணி 30 நிமிடங்களை எடுத்துக் கொள்ளும்.

    3.7 கிலோவாட் ஹவர் வேரியண்ட் உடன் 700 வாட் ஏத்தர் டுயோ சார்ஜர் வழங்கப்படுகிறது. இது 4 மணி 30 நிமிடங்களில் 80 சதவீதம் வரையிலும், 6 மணி 10 நிமிடங்களில் முழுமையாகவும் சார்ஜ் செய்துவிடும். புதிய ரிஸ்டா மாடலில் அண்டர்போன் சேசிஸ், நீளமான சப் ஃபிரேம், முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் வழங்கப்படுகிறது. 

    • கம்யுனிட்டி நிகழ்வில் ரிஸ்டா எலெக்ட்ரிக் ஸ்கூட்டர் அறிமுகம் செய்யப்படுகிறது.
    • ஏத்தர் 450-ஐ விட வித்தியாசமாக காட்சியளிக்கும் என தெரிகிறது.

    ஏத்தர் எனர்ஜி நிறுவனம் தனது ரிஸ்டா எலெக்ட்ரிக் ஸ்கூட்டர் மாடலுக்கான புதிய டீசரை வெளியிட்டுள்ளது. டீசரில் காமெடியன் அனுபவ் சிங் பசி முழுமையாக மறைக்கப்பட்டு இருக்கும் ரிஸ்டா எலெக்ட்ரிக் ஸ்கூட்டரில் அமர்ந்து இருக்கிறார். வரும் மாதங்களில் நடைபெற இருக்கும் கம்யுனிட்டி நிகழ்வில் புதிய ரிஸ்டா எலெக்ட்ரிக் ஸ்கூட்டர் அறிமுகம் செய்யப்பட உள்ளது.

    முன்னதாக ஏத்தர் எனர்ஜியின் சி.இ.ஒ. ரிஸ்டாவின் சீட் இந்த பிரிவில் அதிகம் விற்பனையாகும் ஸ்கூட்டர்களில் இருப்பதை விட அளவில் பெரியது என்பதை விளக்கும் வீடியோவை வெளியிட்டு இருந்தார். வழக்கமான எலெக்ட்ரிக் ஸ்கூட்டரை தவிர்த்து தினசரி பயன்பாட்டிற்கு ஏற்ற ஸ்கூட்டரை வாங்க விரும்புவோரை குறிவைத்து ஏத்தர் ரிஸ்டா மாடல் உருவாக்கப்பட்டு இருக்கிறது.

    அளவில் பெரியதாக உருவாக்கப்பட்டு இருக்கும் ஏத்தர் ரிஸ்டா ஸ்கூட்டரில் முன்புறம் டிஸ்க் பிரேக்குகள், டிஜிட்டல் இன்ஸ்ட்ரூமென்ட் கிளஸ்டர், அளவில் பெரிய ஃபுளோர்போர்டு வழங்கப்படுகிறது. டிசைனை பொருத்தவரை இந்த மாடல் தற்போது விற்பனை செய்யப்படும் ஏத்தர் 450-ஐ விட வித்தியாசமாக காட்சியளிக்கிறது.

    இவைதவிர ஏத்தர் ரிஸ்டா மாடலில் எல்.இ.டி. லைட்டிங், ரைடிங் மோட்கள், டிஜிட்டல் இன்ஸ்ட்ரூமென்ட் கிளஸ்டர், ஃபாஸ்ட் சார்ஜிங், ஸ்மார்ட்போன் கனெக்டிவிட்டி மற்றும் பல்வேறு வசதிகள் வழங்கப்படும் என்று தெரிகிறது. இந்திய சந்தையில் புதிய ஏத்தர் ரிஸ்டா எலெக்ட்ரிக் ஸ்கூட்டர் டி.வி.எஸ். ஐகியூப் மற்றும் பஜாஜ் செட்டாக் பிரீமியம் மாடல்களுக்கு போட்டியாக அமையும். 

    • இந்த வேரியண்ட் ஸ்டான்டர்டு மாடலை போன்றே காட்சியளிக்கிறது.
    • இதன் வழியே ஆரஞ்சு நிற ஃபிரேம் காணப்படுகிறது.

    ஏத்தர் எனர்ஜி நிறுவனம் தனது விலை உயர்ந்த எலெக்ட்ரிக் ஸ்கூட்டர் மாடலை இந்திய சந்தையில் அறிமுகம் செய்தது. ஏத்தர் 450 அபெக்ஸ் என பெயரிடப்பட்டு இருக்கும் புதிய எலெக்ட்ரிக் ஸ்கூட்டர் விலை ரூ. 1 லட்சத்து 89 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. தோற்றத்தில் இந்த வேரியண்ட் ஸ்டான்டர்டு மாடலை போன்றே காட்சியளிக்கிறது.

    எனினும், பக்கவாட்டில் கண்ணாடி போன்ற பாடி பேனல்கள் இடம்பெற்றுள்ளன. இதன் வழியே ஆரஞ்சு நிற ஃபிரேம் காணப்படுகிறது. இதன் இடதுபுறம் பெல்ட் டிரைவ் வழங்கப்பட்டு இருக்கிறது. புதிய 450 அபெக்ஸ் மாடலில் 7 கிலோவாட் மோட்டார் மற்றும் 3.7 கிலோவாட் ஹவர் பேட்டரி வழங்கப்பட்டுள்ளது. இந்த ஸ்கூட்டர் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டுள்ளது.

     


    ஸ்டான்டர்டு மாடலுடன் ஒப்பிடும் போது 450 அபெக்ஸ் மாடல் 10 கிலோமீட்டர் வரை வேகமாக செல்கிறது. மேலும் மணிக்கு 40 கிலோமீட்டர் வேகத்தையும் இந்த ஸ்கூட்டர் 2.9 நொடிகளில் எட்டிவிடுகிறது. ஏத்தர் 450X மாடல் இதற்கு 3.3 நொடிகளை எடுத்துக் கொள்கிறது.

    புதிய ஏத்தர் 450 அபெக்ஸ் மாடல்- ஸ்மார்ட் இகோ, இகோ, ரைடு, ஸ்போர்ட், வார்ப் மற்றும் வார்ப் பிளஸ் என ஆறுவித ரைடு மோட்களை கொண்டிருக்கிறது. இந்த ஸ்கூட்டரில் ஃபுல் எல்.இ.டி. லைட்டிங், 7 இன்ச் அளவில் டச் ஸ்கிரீன் டி.எஃப்.டி. ஸ்கிரீன், ஸ்மார்ட்போன் கனெக்டிவிட்டி, டேஷ்போர்டு ஆட்டோ பிரைட்னஸ் வசதி, பார்க் அசிஸ்ட் போன்ற அம்சங்கள் உள்ளன.

    இதுதவிர ஹில் ஹோல்டு, ஆட்டோ இன்டிகேட்டர் கட் ஆஃப், கோஸ்டிங் ரீஜெனரேடிவ் பிரேக்கிங் மற்றும் மேஜிக் டுவிஸ்ட் உள்ளிட்டவை வழங்கப்பட்டு இருக்கிறது. ரீஜெனவேரடிவ் பிரேக்கிங் சிஸ்டத்தின் அதிநவீன வெர்ஷன் தான் மேஜிக் டுவிஸ்ட் என ஏத்தர் நிறுவனம் தெரிவித்துள்ளது. இந்த ஸ்கூட்டரில் முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது.

    பிரேக்கிங்கிற்கு முன்புறம் 200 மில்லிமீட்டர் டிஸ்க், பின்புறம் 190 மில்லிமீட்டர் டிஸ்க் பிரேக் வழங்கப்பட்டு உள்ளது. இவற்றுடன் 12 இன்ச் வீல்கள் உள்ளன. ஏத்தர் 450 அபெக்ஸ் மாடலில் 22 லிட்டர் அன்டர் சீட் ஸ்டோரேஜ் உள்ளது. இந்த ஸ்கூட்டரின் மொத்த எடை 111.6 கிலோ ஆகும். இந்த ஸ்கூட்டர் ஐந்து ஆண்டுகள் அல்லது 60 ஆயிரம் கிலோமீட்டர்கள் பேட்டரி வாரண்டியுடன் விற்பனை செய்யப்படுகிறது.

    • ஏத்தர் 450X மாடலில் இருக்கும் ரேபிட் வார்ப் மோட்-ஐ விட வேகமானது.
    • ஏத்தர் 450 அபெக்ஸ் மாடலுக்கான முன்பதிவுகள் ஏற்கனவே துவங்கியது.

    ஏத்தர் எனர்ஜி நிறுவனம் உருவாக்கி இருக்கும் புதிய எலெக்ட்ரிக் ஸ்கூட்டர் மாடல் ஏத்தர் 450 அபெக்ஸ் என்ற பெயரில் அறிமுகம் செய்யப்பட இருக்கிறது. இது ஏத்தர் உருவாக்கியதிலேயே அதிவேகமான எலெக்ட்ரிக் ஸ்கூட்டராக இருக்கும் என்று தெரிகிறது. இந்த மாடலில் முற்றிலும் புதிய வார்ப் பிளஸ் மோட் உள்ளது. ஏத்தர் 450X மாடலில் இருக்கும் ரேபிட் வார்ப் மோட்-ஐ விட வேகமானது ஆகும்.

    புதிய ஏத்தர் 450 அபெக்ஸ் மாடலுக்கான முன்பதிவுகள் ஏற்கனவே துவங்கி நடைபெற்று வருகின்றன. மேலும் இந்த மாடல் ஜனவரி 6-ம் தேதி அறிமுகம் செய்யப்படும் என்று தெரிகிறது. ஏத்தர் எனர்ஜி நிறுவனம் பத்து ஆண்டுகள் நிறைவு செய்ததை கொண்டாடும் வகையில், ஏத்தர் 450 அபெக்ஸ் மாடல் உருவாக்கப்பட்டு இருக்கிறது.

    இந்த மாடல் தோற்றத்தில் ஏத்தர் 450S மற்றும் ஏத்தர் 450X மாடல்களை போன்றே காட்சியளிக்கிறது. இதன் பின்புறம் இருக்கும் ஒரே மாற்றம் பின்புற பாடிவொர்க்கில் மேற்கொள்ளப்பட்டு இருக்கிறது. முன்னதாக 2020 ஆண்டு சீரிஸ் 1 கலெக்டர்ஸ் எடிஷன் மாடலில் இருந்ததை போன்ற டிரான்ஸ்பேரன்ட் பாடி பேனல்கள் புதிய மாடலிலும் வழங்கப்படுகின்றன.

    ஏத்தர் 450 அபெக்ஸ் மாடலின் விலை ஏத்தர் 450X மாடலை விட அதிகமாகவே நிர்ணயம் செய்யப்படும் என்று தெரிகிறது. இதன் வினியோகம் மார்ச் மாத வாக்கில் துவங்கும் என்று எதிர்பார்க்கலாம். இதன் பேட்டரி பேக் மற்றும் ரேன்ஜ் பற்றிய விவரங்கள் மர்மமாகவே உள்ளது.

    • 60 ஆயிரம் கிலோமீட்டர்கள் வரை வாரண்டி வழங்கப்படுகிறது.
    • ஏத்தர் நிறுவனம் டிசம்பர் மாத சலுகைகளை அறிவித்துள்ளது.

    ஏத்தர் எனர்ஜி நிறுவனம் தனது எலெக்ட்ரிக் ஸ்கூட்டர்களுக்கு டிசம்பர் மாத சலுகைகளை அறிவித்து இருக்கிறது. அதன்படி தனது எலெக்ட்ரிக் ஸ்கூட்டர்களுக்கு ரூ. 24 ஆயிரம் வரையிலான தள்ளுபடி மற்றும் பலன்கள் வழங்கப்படுகின்றன.

    இதில் ரூ. 5 ஆயிரம் தள்ளுபடி, ரூ. 1500 வரை கார்ப்பரேட் பலன்கள் வழங்கப்படுகின்றன. இத்துடன் ரூ. 12 ஆயிரம் வரையிலான சேமிப்புகள் வழங்கப்படுகிறது. இந்த சலுகைகள் ஒவ்வொரு பகுதிக்கும் ஏற்ப வேறுப்படும். "ஏத்தர் ப்ரோடெக்ட் டி.எம்." பெயரில் நீட்டிக்கப்பட்ட வாரண்டி வழங்கப்படுகிறது. இதில் 5 ஆண்டுகள் அல்லது 60 ஆயிரம் கிலோமீட்டர்கள் வரை வாரண்டி வழங்கப்படுகிறது.

     


    ஒவ்வொரு ஆண்டும் டிசம்பர் மாதத்தில் இந்திய இருசக்கர வாகன உற்பத்தியாளர்கள் தங்களது மாடல்களுக்கு சலுகைகளை வழங்குவதை வாடிக்கையாக கொண்டுள்ளனர். அந்த வகையில் ஏத்தர் எனர்ஜி நிறுவனம் டிசம்பர் மாத சலுகைகளை அறிவித்து இருக்கிறது.

    டிசம்பர் மாத சலுகைகள் தவிர ஏத்தர் நிறுவனம் இந்திய சந்தையில் தனது முற்றிலும் புதிய 450X அபெக்ஸ் மாடலை அறிமுகம் செய்வதற்கான பணிகளில் ஈடுபட்டு வருகிறது. இது ஏத்தர் இதுவரை அறிமுகம் செய்ததிலேயே விலை உயர்ந்த மாடலாக இருக்கும் என்று எதிர்பார்க்கலாம்.

    • மணிக்கு 40 கிலோமீட்டர் வேகத்தை 3.3 நொடிகளில் எட்டிவிடும்.
    • உலகத்தரம் வாய்ந்த செயல்திறனை வெளிப்படுத்தும்.

    ஏத்தர் எனர்ஜி நிறுவனம் தனது அதிவேக எலெக்ட்ரிக் ஸ்கூட்டருக்கான டீசரை வெளியிட்டு உள்ளது. இந்த எலெக்ட்ரிக் ஸ்கூட்டர் 450 அபெக்ஸ் என்ற பெயரில் அறிமுகம் செய்யப்படுகிறது. டீசரின் படி இந்த எலெக்ட்ரிக் ஸ்கூட்டர் அதிவேக செயல்திறன் கொண்டிருக்கும் என்று தெரியவந்துள்ளது.

    புதிய ஏத்தர் ஸ்கூட்டரின் பெயர் "அபெக்ஸ்" என்று சூட்டப்பட்டு இருப்பதை ஒட்டி, இந்த மாடல் குறைந்த நேரத்தில் அதிவேகமாக செல்லும் திறன் கொண்டிருக்கலாம் என தெரிகிறது. தற்போது ஏத்தர் எனர்ஜி நிறுவனம் விற்பனை செய்து வரும் ஏத்தர் 450X மாடல் மணிக்கு 40 கிலோமீட்டர் வேகத்தை 3.3 நொடிகளில் எட்டிவிடும்.

     

    அந்த வகையில் புதிய ஏத்தர் 450 அபெக்ஸ் மாடல் உலகத்தரம் மிக்க செயல்திறனை வெளிப்படுத்தும் என்று தெரிகிறது. இந்த ஸ்கூட்டர் எப்போது அறிமுகம் செய்யப்படும் என்பது குறித்து இதுவரை எந்த தகவலும் இல்லை. எனினும், அடுத்த சில வாரங்களில் இது தொடர்பான அறிவிப்பு வெளியாகலாம். 

    • புதிய ஸ்கூட்டர் அளவில் பெரியதாக இருக்கும்.
    • மனதில் வைத்து உருவாக்கப்பட்டு வருகிறது.

    ஏத்தர் எனர்ஜி நிறுவனம் முற்றிலும் புதிய எலெக்ட்ரிக் ஸ்கூட்டரை உருவாக்கும் பணிகளில் ஈடுபட்டு வருவதாக தகவல்கள் வெளியாகின. இந்த தகவல்களை ஏத்தர் எனர்ஜி நிறுவனத்தின் இணை நிறுவனரும், மூத்த நிர்வாக அதிகாரியுமான தருன் மேத்தா உறுதிப்படுத்தி இருக்கிறார். மேலும் புதிய எலெக்ட்ரிக் ஸ்கூட்டர் அடுத்த ஆண்டு அறிமுகமாகும் என்றும் தெரிவித்தார்.

    இது தொடர்பான எக்ஸ் பதிவில், "புதிய ஸ்கூட்டர் அளவில் பெரியதாக இருக்கும் என்றும், அது குடும்ப பயன்பாட்டுக்கான ஒன்றாக இருக்கும் என்றும் இது ஒட்டுமொத்த குடும்பத்தை மனதில் வைத்து உருவாக்கப்பட்டு வருகிறது," என்று அவர் தெரிவித்துள்ளார்.

    தற்போது ஏத்தர் எனர்ஜி விற்பனை செய்து வரும் 450 சீரிசை தழுவியே புதிய மாடலும் உருவாக்கப்பட்டு இருக்கும் என்று கூறப்படுகிறது. அந்த வகையில், புதிய ஏத்தர் 450 சீரிஸ் தலைசிறந்த செயல்திறன் வழங்குவதில் சிறப்பான மாடலாக அறியப்படும் என்று அவர் மேலும் தெரிவித்தார்.

    "அந்த மாடலில் ரைடிங் அனுபவத்தை மேம்படுத்தும் வகையில் சிறப்பான அம்சங்கள் வழங்கப்படும்," என்று அவர் மேலும் தெரிவித்து இருக்கிறார். இந்த மாடலின் விற்பனை அடுத்த ஆண்டு துவக்கத்தில் துவங்கலாம் என்றும் இதன் விலை சற்று அதிகமாக இருந்தாலும், அது கொடுக்கும் பணத்திற்கு ஏற்ற அம்சங்களை கொண்டிருக்கும் என்று தெரிகிறது.

    • தருன் மேத்தா புதிய ஸ்கூட்டருக்கான டீசர்களை சமூக வலைதளங்களில் பகிர்ந்து இருக்கிறார்.
    • ஏத்தர் சீரிஸ் 1 ஸ்கூட்டரில் டிரான்ஸ்லூசென்ட் பேனல்கள் வழங்கப்பட்டு இருந்தன.

    ஏத்தர் எனர்ஜி நிறுவனம் புதிய எலெக்ட்ரிக் ஸ்கூட்டரை அறிமுகம் செய்வதற்கான பணிகளில் மும்முரமாக ஈடுபட்டு வருகிறது. புதிய எலெக்ட்ரிக் ஸ்கூட்டர் சீரிஸ் 2 பெயரில் அறிமுகமாகும் என்று தெரிகிறது. இந்த மாடலில் கண்ணாடி போன்ற தோற்றம் கொண்ட டிரான்ஸ்பேரண்ட் பாடி பேனல்கள் வழங்கப்படும் என்று கூறப்படுகிறது.

    இதே தகவலை உறுதிப்படுத்தும் வகையில் ஏத்தர் எனர்ஜி தலைமை செயல் அதிகாரி தருன் மேத்தா புதிய ஸ்கூட்டருக்கான டீசர்களை சமூக வலைதளங்களில் பகிர்ந்து இருக்கிறார். முன்னதாக ஏத்தர் சீரிஸ் 1 ஸ்கூட்டரில் டிரான்ஸ்லூசென்ட் பேனல்கள் வழங்கப்பட்டு இருந்தன. இவற்றை ஏத்தர் எனர்ஜி நிறுவனம் கலெக்டர்ஸ் எடிஷன் என்று அழைத்தது.

    தற்போதைய தகவல்களின் படி ஏத்தர் சீரிஸ் 2 மாடலிலும் தற்போதைய 450 மாடலில் உள்ள மோட்டார், ஹார்டுவேர், டிசைன், பேட்டரி மற்றும் அம்சங்கள் வழங்கப்படும் என்று தெரிகிறது. ஏத்தர் 450s, ஏத்தர் 450X (2.9 கிலோவாட் ஹவர்), 450X (3.7 கிலோவாட் ஹவர்) மாடல்களை ஏத்தர் எனர்ஜி நிறுவனம் விற்பனை செய்து வருகிறது.

    இந்த விமர்சனத்தை ஆடியோ வடிவில் கேட்க "Play" பட்டனை கிளிக் செய்யவும்
    • ஏத்தர் நிறுவன ஸ்கூட்டர் மாடல்களுக்கு பண்டிகை கால சலுகைகள் வழங்கப்படுகிறது.
    • பண்டிகை கால சலுகைகள் குறுகிய காலக்கட்டத்திற்கு மட்டுமே வழங்கப்படுகிறது.

    ஏத்தர் எனர்ஜி நிறுவனம் பண்டிகை காலத்தை முன்னிட்டு வாடிக்கையாளர்களுக்கு சிறப்பு சலுகைகளை அறிவித்து இருக்கிறது. அதன்படி எக்சேன்ஜ், கார்ப்பரேட் மற்றும் பண்டிகை கால சலுகைகள் வழங்கப்படுகின்றன.

    வாடிக்கையாளர்கள் ஏத்தர் 450X (2.9 கிலோவாட் ஹவர், 3.7 கிலோவாட் ஹவர்) மற்றும் ஏத்தர் 450S (2.9 கிலோவாட் ஹவர்) மாடல்களை வாங்கும் போது எக்சேன்ஜ் முறையில் ரூ. 40 ஆயிரம் வரை தள்ளுபடி பெற முடியும். எனினும், இந்த தொகை வாடிக்கையாளர்கள் எக்சேன்ஜ் செய்யும் பெட்ரோல் இருசக்கர வாகனத்தின் நிலை, வயது மற்றும் வாங்கும் போது அதன் உண்மையான விலை உள்ளிட்டவைகளை பொருத்து நிர்ணயம் செய்யப்படும்.

     

    ஏத்தர் 450S மாடலுக்கு பண்டிகை கால பலனாக ப்ரோ வெர்ஷனுக்கு ரூ. 5 ஆயிரமும், கார்ப்பரேட் பலனாக ரூ. 1500 வழங்கப்படுகிறது. ஏத்தர் 450X மாடலுக்கும் இதேபோன்ற கார்ப்பரேட் சலுகை வழங்கப்படுகிறது. 24 மாதங்களுக்கு மாத தவணையை பயன்படுத்தும் போது 5.99 சதவீத வட்டி மட்டுமே வசூலிக்கப்படுகிறது. இந்த சலுகைகள் அனைத்தும் நவம்பர் 15-ம் தேதி வரை வழங்கப்படுகிறது.

    புதிய சலுகைகளின் கீழ் எக்சேன்ஜ் முறையில் முழுமையான தள்ளுபடி பெறும் போது ஏத்தர் 450S விலை ரூ. 86 ஆயிரத்திற்கும், 450X விலை ரூ. 1 லட்சத்திற்கும் குறைந்து விடும். அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

    • ஏத்தர் எனர்ஜி நிறுவனத்தின் புதிய ஸ்கூட்டர் விவரங்கள் இணையத்தில் வெளியானது.
    • குறைந்த விலை ஏத்தர் ஸ்கூட்டர் பற்றி அந்நிறுவன சி.இ.ஒ. விளக்கம் அளித்தார்.

    ஏத்தர் எனர்ஜி நிறுவனம் குறைந்த விலையில் புது எலெக்ட்ரிக் ஸ்கூட்டரை உருவாக்கி வருவதாக தகவல்கள் வெளியாகி வந்தன. மேலும் இதன் விலை ரூ. 1 லட்சத்திற்கும் குறைவாகவே நிர்ணயம் செய்யப்படும் என்று கூறப்பட்டது. இது உண்மையாகும் பட்சத்தில் நன்றாகவே இருக்கும் என்ற போதிலும், இதில் ஏராளமான சிக்கல்கள் உள்ளன.

    இந்த நிலையில், ஏத்தர் எனர்ஜி நிறுவனம் தற்போதைக்கு குறைந்த விலை எலெக்ட்ரிக் ஸ்கூட்டரை அறிமுகம் செய்யும் திட்டத்தில் இல்லை என்று அந்நிறுவன தலைமை செயல் அதிகாரி தருன் மேத்தா அறிவித்து இருக்கிறார்.

     

    "ஏத்தர் நிறுவனம் ரூ. 1 லட்சம் பட்ஜெட்டில் தற்போதைக்கு எலெக்ட்ரிக் ஸ்கூட்டரை உருவாக்க வாய்ப்பு இல்லை. எனக்கு இப்படியான வாகனமும், இதன் நம்பகத்தன்மையே புரியவில்லை," என்று சமீபத்திய பேட்டி ஒன்றில் தருன் மேத்தா தெரிவித்துள்ளார்.

    சந்தையில் நிலவும் போட்டியை உற்று நோக்குவோம். ரூ. 1 லட்சம் பட்ஜெட்டில் வேறு எதேனும் மாடல்கள் அறிமுகமாகிறதா என்பதை பார்ப்போம். இந்த விலை பிரிவில், பெட்ரோல் ஸ்கூட்டருக்கு இணையான செயல்திறனை வழங்குவது சவாலாக உள்ளது என்று அவர் மேலும் தெரிவித்தார்.