search icon
என் மலர்tooltip icon

    நீங்கள் தேடியது "Rolls Royce"

    • மொத்தத்தில் 120 யூனிட்கள் மட்டுமே உற்பத்தி செய்யப்படுகிறது.
    • இந்த மாடலில் 6.75 லிட்டர் டுவின் டர்போசார்ஜ் செய்யப்பட்ட வி12 என்ஜின் உள்ளது.

    ரோல்ஸ் ராய்ஸ் நிறுவனத்தின் முற்றிலும் புதிய கோஸ்ட் மாடல் கார் அறிமுகம் செய்யப்பட்டுள்ளது. இது இந்நிறுவனத்தின் 120-வது ஆண்டு விழாவை கொண்டாடும் வகையில் அறிமுகமாகி இருக்கிறது. ரோல்ஸ் ராய்ஸ் கோஸ்ட் ப்ரிசம் என்று அழைக்கப்படும் இந்த கார் மொத்தத்தில் 120 யூனிட்கள் மட்டுமே உற்பத்தி செய்யப்பட உள்ளது.

    புதிய கோஸ்ட் ப்ரிசம் மாடலில் ஏராளமான காஸ்மடிக் மாற்றங்கள் மேற்கொள்ளப்பட்டு இருக்கிறது. இவை இந்த காலத்துக்கு ஏற்ற வகையில் டிரெண்டிங் டிசைன் மற்றும் அழகு சாதன துறையை தழுவி வடிவமைக்கப்பட்டு இருக்கிறது. இந்த காரின் வெளிப்புறம் கன்மெட்டல் கிரே நிறம் கொண்டிருக்கிறது.

    இதுதவிர புதிய கோஸ்ட் ப்ரிசம் மாடல்- ஃபீனிக்ஸ் ரெட், டர்சீஸ், மாண்டரின் மற்றும் ஃபோர்ஜ் எல்லோ போன்ற நிறங்களில் கிடைக்கிறது. இவை காரின் பம்ப்பர் இன்சர்ட்கள், பிரேக் கேலிப்பர்கள மற்றும் கோச்லைன் உள்ளிட்டவைகளில் இடம்பெற்றுள்ளன. இதன் இன்டீரியர் பற்றிய விவரங்கள் அதிகளவு வெளியாகவில்லை.

    ரோல்ஸ் ராய்ஸ் கோஸ்ட் ப்ரிசம் மாடலில் 6.75 லிட்டர் டுவின் டர்போசார்ஜ் செய்யப்பட்ட வி12 என்ஜின் வழங்கப்பட்டு இருக்கிறது. இந்த என்ஜின் 555 ஹெச்.பி. பவர், 850 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. 

    • ரோல்ஸ் ராய்ஸ் நிறுவனத்தின் முதல் எலெக்ட்ரிக் கார் இரட்டை மோட்டார்கள் கொண்டுள்ளது.
    • ஸ்பெக்டர் மாடலில் 102 கிலோவாட் ஹவர் பேட்டரி வழங்கப்பட்டுள்ளது.

    பிரிட்டனை சேர்ந்த ஆடம்பர கார் உற்பத்தியாளர் ரோல்ஸ் ராய்ஸ் இந்திய சந்தையில் தனது முதல் எலெக்ட்ரிக் கார் மாடலை அறிமுகம் செய்தது. புதிய ரோல்ஸ் ராய்ஸ் ஸ்பெக்டர் மாடலின் விலை ரூ. 7 கோடியே 50 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

    2030 ஆண்டிற்குள் முழுமையான எலெக்ட்ரிக் கார் உற்பத்தியாளராக மாற ரோல்ஸ் ராய்ஸ் திட்டம் கொண்டிருக்கிறது. டிசைனை பொருத்தவரை ஸ்பெக்டர் மாடலில் இலுமினேட் செய்யப்பட்ட பாந்தியன் முன்புற கிரில், ஸ்பிரிட் ஆஃப் எக்டசி, ஸ்ப்லிட் எல்.இ.டி. ஹெட்லேம்ப்கள், ஸ்லோபிங் ரூஃப்லைன், செங்குத்தாக பொருத்தப்பட்ட எல்.இ.டி. டெயில் லேம்ப்கள், 21 இன்ச் ஏரோ டிசைன் கொண்ட அலாய் வீல்கள் வழங்கப்படுகின்றன.

     


    காரின் உள்புறம் டச் ஸ்கிரீன் கொண்ட அளவில் பெரிய இன்ஃபோடெயின்மென்ட் யூனிட், வயர்லெஸ் மொபைல் கனெக்டிவிட்டி, முழுமையான டிஜிட்டல் இன்ஸ்ட்ரூமென்ட் கிளஸ்டர், டூயல் டோன் பிரீமியம் இன்டீரியர், கதவு மற்றும் டேஷ்போர்டில் இலுமினேட் செய்யப்பட்ட பேனல்கள், இருக்கை மேற்கவர்களுக்கு ஏராளமான கஸ்டமைசேஷன் ஆப்ஷன்கள் வழங்கப்படுகின்றன.

    ரோல்ஸ் ராய்ஸ் 3.0 பிளாட்ஃபார்மில் உருவாக்கப்பட்டு இருக்கும் ஸ்பெக்டர் மாடலில் 102 கிலோவாட் ஹவர் லித்தியம் அயன் பேட்டரி வழங்கப்பட்டு இருக்கிறது. இந்த எலெக்ட்ரிக் காரை 195 கிலோவாட் டி.சி. ஃபாஸ்ட் சார்ஜர் மூலம் 10-இல் இருந்து 80 சதவீதம் வரை சார்ஜ் செய்ய 34 நிமிடங்களே ஆகும். இந்த காரில் இரட்டை மோட்டார்கள் வழங்கப்பட்டு உள்ளன.

     


    இவை இணைந்து 575 ஹெச்.பி. பவர், 900 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த எலெக்ட்ரிக் கார் மணிக்கு 100 கிலோமீட்டர் வேகத்தை 4.5 நொடிகளில் எட்டிவிடும். மேலும் இதில் உள்ள பேட்டரியை முழுமையாக சார்ஜ் செய்தால் 530 கிலோமீட்டர்கள் வரை செல்லும் என சான்று பெற்று இருக்கிறது. 

    • இந்தியாவின் முதல் ரோல்ஸ் ராய்ஸ் ஸ்பெக்டர் வினியோகம் செய்யப்பட்டது.
    • சரக்கு விமானத்தில் இந்தியாவுக்கு கொண்டுவரப்பட்டு இருக்கலாம்.

    பிரிட்டனை சேர்ந்த உலகின் முன்னணி ஆடம்பர கார் உற்பத்தியாளர் ரோல்ஸ் ராய்ஸ். இதன் முதல் எலெக்ட்ரிக் கார் தான் ஸ்பெக்டர். சர்வதேச சந்தையில் ரோல்ஸ் ராய்ஸ் ஸ்பெக்டர் ஏற்கனவே அறிமுகம் செய்யப்பட்டு விட்டது. இதன் இந்திய வெளியீடு இதுவரை நடைபெறவில்லை. எனினும், இந்தியாவின் முதல் ரோல்ஸ் ராய்ஸ் ஸ்பெக்டர் வினியோகம் செய்யப்பட்டு விட்டது.

    முற்றிலும் புதிய ரோல்ஸ் ராய்ஸ் ஸ்பெக்டர் மாடல் சென்னையில் வினியோகம் செய்யப்பட்ட புகைப்படங்களை ஆட்டோமொபிலி ஆர்டென்ட் தனது இஸ்டாகிராம் பக்கத்தில் பகிர்ந்துள்ளது. புகைப்படங்களின் படி ரோல்ஸ் ராய்ஸ் ஸ்பெக்டர் மாடல் கனரக வாகனம் ஒன்றில் இருந்து தோட்டத்தில் இறக்கப்படுகிறது.

    சென்னையில் வினியோகம் செய்யப்பட்டு இருக்கும் ரோல்ஸ் ராய்ஸ் ஸ்பெக்டர் சரக்கு விமானத்தில் இந்தியாவுக்கு கொண்டுவரப்பட்டு இருக்கலாம் என்று கூறப்படுகிறது. சென்னையில் இந்த எலெக்ட்ரிக் ரோல்ஸ் ராய்ஸ் காரை யார் வாங்கியுள்ளார் என்ற தகவல் மர்மமாகவே உள்ளது. இந்தியாவில் இதுவரை அறிமுகம் செய்யப்படாத நிலையில், ரோல்ஸ் ராய்ஸ் ஸ்பெக்டர் சென்னையில் வினியோகம் செய்யப்பட்டு இருப்பது குறிப்பிடத்தக்கது.

    ரோல்ஸ் ராய்ஸ் ஸ்பெக்டர் இந்திய விலை ரூ. 9 கோடி, எக்ஸ்-ஷோரூம் வரை நிர்ணயம் செய்யப்படும் என்று தெரிகிறது. முற்றிலும் எலெக்ட்ரிக் திறன் கொண்டிருக்கும் ரோல்ஸ் ராய்ஸ் ஸ்பெக்டர் மாடலில் உள்ள எலெக்ட்ரிக் மோட்டார்கள் 577 ஹெச்.பி. வரையிலான திறன், 900 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் முழு சார்ஜ் செய்தால் 418 கிலோமீட்டர்கள் வரையிலான ரேன்ஜ் வழங்கும் என்று தெரிகிறது.

    • 2022 அக்டோபர் மாத வாக்கில் ரோல்ஸ் ராய்ஸ் ஸ்பெக்டர் மாடல் அறிமுகம் செய்யப்பட்டது.
    • இந்த கார் மணிக்கு அதிகபட்சம் 250 கிலோமீட்டர் வேகத்தில் செல்லும் திறன் கொண்டிருக்கிறது.




     

    ஆடம்பர கார் உற்பத்தியாளர்கள் எலெக்ட்ரிக் வாகனங்கள் பிரிவில் கவனம் செலுத்த துவங்கி உள்ளன. இதன் மூலம் பிராண்டு இமேஜ், பிரீமியம் டிரைவிங் அனுபவம், புதிய தொழில்நுட்ப அம்சங்கள் மூலம் புதுமை செய்வது, வாடிக்கையாளர் எதிர்பார்ப்பை பூர்த்தி செய்வது, புதிய புகை விதிகளுக்கு ஏற்ப அப்டேட் செய்வதில் முக்கியத்துவம் கொடுக்கின்றன.

    எலெக்ட்ரிக் வாகனங்கள் மேம்பட்ட தொழில்நுட்ப அம்சங்கள், தானியங்கி டிரைவிங் வசதிகளை வழங்குகின்றன. பல்வேறு ஆட்டோமொபைல் உற்பத்தியாளர்கள், ஆடம்பர கார் உற்பத்தியாளர்களும் எலெக்ட்ரிக் வாகன உற்பத்தியில் கவனம் செலுத்த துவங்கிவிட்டன. இந்த வரிசையில் ரோல்ஸ் ராய்ஸ் நிறுவனமும் இணைந்துள்ளது.

     

    சீனாவில் நடைபெறும் ஷாங்காய் ஆட்டோ விழாவில் ரோல்ஸ் ராய்ஸ் நிறுவனம் தனது முதல் எலெக்ட்ரிக் கார் மாடலை அறிமுகம் செய்தது. முன்னதாக 2022 அக்டோபர் மாத வாக்கில் ரோல்ஸ் ராய்ஸ் ஸ்பெக்டர் மாடல் அறிமுகம் செய்யப்பட்டது. இந்த காரில் 430 கிலோவாட் மோட்டார் உள்ளது. இது 900 நியூட்டன் மீட்டர் டார்க் இழுவிசையை வெளிப்படுத்துகிறது.

    இந்த கார் மணிக்கு அதிகபட்சம் 250 கிலோமீட்டர் வேகத்தில் செல்லும் திறன் கொண்டிருக்கிறது. மேலும் மணிக்கு 100 கிலோமீட்டர் வேகத்தை 4.5 நொடிகளில் எட்டிவிடும். இதில் உள்ள 102 கிலோவாட் ஹவர் பேட்டரி பேக் முழுமையாக சார்ஜ் செய்தால் 585 கிலோமீட்டர்கள் வரையிலான ரேன்ஜ் வழங்குகிறது. ரோல்ஸ் ராய்ஸ் எலெக்ட்ரிக் காரின் உள்புறத்தில் ஸ்டார்லைட் டோர்கள், ஸ்டேரி ஸ்கை ரூஃப், ரோல்ஸ் ராய்ஸ் லோகோ கொண்ட தலையணைகள் உள்ளன.

    புதிய ரோல்ஸ் ராய்ஸ் எலெக்ட்ரிக் காரின் விலை 5.75 மில்லியன் யுவான்கள், இந்திய மதிப்பில் ரூ. 6 கோடியே 85 லட்சத்து 95 ஆயிரத்து 085 என்று நிர்ணயம் செய்யப்பட்டு உள்ளது. இந்த எலெக்ட்ரிக் காரின் வினியோகம் இந்த ஆண்டின் நான்காவது காலாண்டு வாக்கில் துவங்க இருக்கிறது. 

    • ரோல்ஸ் ராய்ஸ் நிறுவனம் புதிய ஸ்பெக்டர் மாடல் மூலம் எலெக்ட்ரிக் வாகன பிரிவில் களமிறங்கி இருக்கிறது.
    • புதிய ஸ்பெக்டர் எலெக்ட்ரிக் கார் இரண்டு கதவுகள் மற்றும் நான்கு சீட்களை கொண்டிருக்கிறது.

    ரோல்ஸ் ராய்ஸ் நிறுவனம் முற்றிலும் புதிய ஸ்பெக்டர் மாடல் மூலம் எலெக்ட்ரிக் வாகன பயணத்தை துவங்கி உள்ளது. புதிய ஸ்பெக்டர் எலெக்ட்ரிக் கார் அடுத்த ஆண்டின் நான்காவது காலாண்டு வாக்கில் வினியோகம் செய்யப்பட இருக்கிறது. ரோல்ஸ் ராய்ஸ் ஸ்பெக்டர் எலெக்ட்ரிக் மாடல் இரண்டு கதவுகள் மற்றும் நான்கு இருக்கைகளை கொண்டுள்ளது.

    புதிய ஸ்பெக்டர் மாடல் பாரம்பரியம் மிக்க பேண்டம் கூப் மாடலின் மேம்பட்ட வெர்ஷன் ஆகும். புதிய அலுமினியம் ஆர்கிடெக்ச்சரில் உருவாக்கப்பட்டு இருக்கும் ஸ்பெக்டர் மாடலின் பேட்டரிகள், வழக்கமான ரோல்ஸ் ராய்ஸ் மாடலை விட 30 சதவீதம் உறுதியானதாக மாற்றி இருக்கிறது. ரோல்ஸ் ராய்ஸ் வழக்கப்படி ஸ்பெக்டர் மாடல் 700 கிலோ சவுண்ட் டெடனிங் பயன்படுத்துகிறது. இது காரின் தேவையற்ற சத்தத்தை காரினுள் கேட்க விடாமல் தடுக்கும்.

    இந்த எலெக்ட்ரிக் காரின் முழுமையான அம்சங்கள் இதுவரை அறிவிக்கப்படவில்லை. இந்த காரின் இறுதிக்கட்ட சோதனைகள் அடுத்த ஆண்டு வரை தொடர்ச்சியாக நடைபெற இருக்கிறது. புதிய ரோல்ஸ் ராய்ஸ் ஸ்பெக்டர் மாடல் 430 கிலோவாட் திறன் மற்றும் 900 நியூட்டன் மீட்டர் டார்க் இழுவிசையை வெளிப்படுத்துகிறது.

    இந்த கார் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும். முழு சார்ஜ் செய்தால் இந்த கார் 520 கிலோமீட்டர் வரை செல்லும். அடுத்த ஆண்டின் நான்காவது காலாண்டு வாக்கில் அறிமுகமாகும் ரோல்ஸ் ராய்ஸ் ஸ்பெக்டர் மாடலின் விற்பனை சர்வதேச சந்தையில் 2024 வாக்கில் துவங்குகிறது. இதைத் தொடர்ந்து இந்திய விற்பனை துவங்கும்.

    ரோல்ஸ் ராய்ஸ் நிறுவனம் ஒற்றை வாடிக்கையாளருக்காக புது கார் மாடலை உருவாக்கி இருக்கிறது. இதனை யார் வாங்கி இருக்கிறார்கள் என்பதை அந்நிறுவனம் அறிவிக்கவில்லை.



    ரோல்ஸ் ராய்ஸ் நிறுவனத்தின் இரண்டவாது போட் டெயில் மாடல் அறிமுகம் செய்யப்பட்டது. இந்த மாடல் இத்தாலியில் நடைபெற்ற 2022 கான்கார்சோ எலிகன்ஸ் நிகழ்வில் அறிமுகம் செய்யப்பட்டது. தன் குடும்பம், தந்தையின் வரலாற்றை போற்றும் வகையில், வாடிக்கையாளர் ஒருவர் இந்த காரை வாங்க ஆர்டர் கொடுத்து இருக்கிறார். மதர் ஆஃப் பியல் டிசைனில் இந்த கார் உருவாக்கப்பட்டு இருக்கிறது.

     ரோல்ஸ் ராய்ஸ் போட் டெயில்

    புதிய போட் டெயில் மாடல் விலை 28 மில்லியன் டாலர்கள், இந்திய மதிப்பில் ரூ. 217 கோடி வரை இருக்கலாம் என கணிக்கப்படுகிறது. ஆனாலும், இது பற்றி இதுவரை எந்த தகவலும் வெளியிடப்படவில்லை. முந்தைய போட் டெயில் மாடலுடன் ஒப்பிடும் போது, புது மாடலில் ஏராளமான மாற்றங்கள் செய்யப்பட்டுள்ளது. இந்த காரை யார் உருவாக்க சொன்னார்கள் என ரோர்ஸ் ராய்ஸ் இதுவரை தெரிவிக்கவில்லை.

    ஏராளமான பாரம்பரிய கார் மாடல்களை வாங்கி குவித்து வைத்து இருக்கும் நபர் தான் இந்த காரை வாங்கி இருக்க வேண்டும் என கூறப்படுகிறது. இவர் தனியார் அருங்காட்சியகத்தை வைத்திருப்பதாகவும் தகவல் வெளியாகி உள்ளது. இந்த வாடிக்கையாளரின் தந்தை முத்துக்களை சேகரிப்பதில் ஆர்வம் மிக்கவர். இவருக்கு பெருமை சேர்க்கும் வகையில் தான் புதிய போட் டெயில் மாடலை மதர் ஆப் பியல் தீமில் உருவாக்கி இருப்பதாக தகவல் வெளியாகி உள்ளது. 
    ரோல்ஸ் ராய்ஸ் கலினன் எஸ்.யு.வி. மாடலின் இந்திய வெளியீட்டு தகவல்கள் வெளியாகியுள்ளது. #Rollsroyce



    ரோல்ஸ் ராய்ஸ் நிறுவனத்தின் முதல் எஸ்.யு.வி. மாடலான கலினன் இந்திய வெளியீடு இந்த ஆண்டு நவம்பர் மாதத்தில் அறிமுகம் செய்யப்படலாம் என தகவல் வெளியாகியுள்ளது. 

    புதிய கலினன் எஸ்.யு.வி. மாடல் 1905-ம் ஆண்டு எடுக்கப்பட்ட தென் ஆப்பிரிக்கவை சேர்ந்த 3106 கேரட் வைரத்தின் பெயரை தழுவி பெயரிடப்பட்டுள்ளது. ரோல்ஸ் ராய்ஸ் பேன்டம் சார்ந்து உருவாக்கப்பட்டு இருக்கும் புதிய எஸ்யுவி சார்ந்த புகைப்படங்கள் பலமுறை இணையத்தில் கசிந்திருந்த நிலையில், தற்சமயம் புதிய கலினன் ஒருவழியாக வெளியிடப்பட்டுள்ளது. 

    வடிவமைப்பை பொருத்த வரை புதிய கலினன் முன்பக்கம் பார்க்க ரோல்ஸ் ராய்ஸ் பேன்டம் போன்றே காட்சியளிக்கிறது. ரோல்ஸ் ராய்ஸ் மாடலின் கவர்ச்சிகர அம்சமான ஸ்டெயின்லெஸ்-ஸ்டீல் பாந்தியன் கிரில் புதிய மாடலிலும் வழங்கப்பட்டுள்ளது. கிரிலுடன் மேம்படுத்தப்பட்ட எல்இடி ஹெட்லேம்ப்கள் வழங்கப்பட்டுள்ளது. 

    முன்பக்க பம்ப்பரில் க்ரோம் அம்சங்கள் காரின் தோற்றத்தை கவர்ச்சிகரமாக்குகிறது. ஐந்து பேர் அமர்ந்து செல்லக்கூடிய புதிய எஸ்யுவி 22 இன்ச் சக்கரங்களை கொண்டுள்ளது. மற்ற வீல் டிசைன் மற்றும் அளவுகளை வாடிக்கையாளர்களே தேர்வு செய்து கொள்ள முடியும். ரோல்ஸ் ராய்ஸ் என்பதால் கஸ்டமைசேஷன் அம்சங்களில் வாடிக்கையாளர்கள் விரும்பும் அம்சங்களை தேர்வு செய்து கொள்ள முடியும்.

    சமீபத்திய ரோல்ஸ் ராய்ஸ் மாடல்களை போன்றே புதிய கலினன் மாடலும் உச்சக்கட்ட ஆடம்பர அனுபவத்தை வழங்க அலுமினியம் பிளாட்ஃபார்ம் கொண்டு உருவாக்கப்பட்டுள்ளது. பக்கவாட்டுகளில் கலினன் மாடலின் கண்ணாடிகளில் க்ரோம் டீடெயிலிங் செய்யப்பட்டு, ஹேன்டில் மற்றும் டோர் சில்களை மறைக்கும் வகையில் வடிவமைக்கப்படுகிறது. 



    புதிய ரோல்ஸ் ராய்ஸ் மாடல் சூசைடு டோர்களை பெறும் முதல் எஸ்யுவி மாடலாக அமைந்துள்ளது. பின்புறம் கலினன் மாடல் பார்க்க 1930 காலத்து ரோல்ஸ் ராய்ஸ் போன்ற டி-பேக் கொண்டுள்ளது. இந்த மாடல்களில் பின்புறம் பயணமூட்டைகளை வைக்கும் இடவசதிகளை கொண்டிருந்தது. 

    உள்புறம் எஸ்யுவி மாடலை கஸ்டமைஸ் செய்யும் பல்வேறு அம்சங்கள் வழங்கப்பட்டுழ்ளளது. மற்ற ரோல்ஸ் ராய்ஸ் மாடல்களை போன்று புதிய மாடலிலும் தலைசிறந்த வடிவமைப்பு கொண்டுள்ளது. ஐந்து பேர் அமரக்கூடிய மாடலை ஒற்றை சீட் வடிவமைப்பில் நான்கு பேர் அமரக்கூடியதாக மாற்ற முடியும். இம்மாதிரியான வடிவமைப்பு அதிக சவுகரியத்தை வழங்கும்.

    இன்ஜின் அம்சங்களை பொருத்த வரை ரோல்ஸ் ராய்ஸ் கலினன் மாடலில் 6.75 லிட்டர் ட்வின்-டர்போ V12 பெட்ரோல் யூனிட் வழங்கப்பட்டுள்ளது. பேன்டம் மாடலிலும் இதே இன்ஜின் வழங்கப்பட்டுள்ள நிலையில், கலினன் மாடலில் இன்ஜின் ரீ-டியூன் செய்யப்பட்டுள்ளது. இந்த இன்ஜின் 571 பிஹெச்பி பவர், 650 என்எம் டார்கியூ @1600 ஆர்பிஎம் செயல்திறன் வழங்குகிறது.
     
    அதிநவீன இன்ஜின் வழங்கப்பட்டிருக்கும் புதிய ரோல்ஸ் ராய்ஸ் மாடல் மணிக்கு 250 கிலோமீட்டர் வேகத்தில் செல்லும் வகையில் கட்டுப்படுத்தப்பட்டுள்ளது. ரோல்ஸ் ராய்ஸ் மாடலில் முதல் முறையாக ஆல்-வீல் டிரைவ் சிஸ்டம் புதிய கலினன் மாடலில் வழங்கப்பட்டு இருக்கிறுது. 

    புதிய ரோல்ஸ் ராய்ஸ் கலினன் மாடல் பேன்டம் மற்றும் கோஸ்ட் மாடல்களுக்கு மத்தியில் நிறுத்தப்பட இருக்கும் நிலையில் இதன் விலை ரூ.5 முதல் ரூ.8 கோடி (எக்ஸ்-ஷோரூம்) வரை நிர்ணயம் செய்யப்படலாம் என எதிர்பார்க்கப்படுகிறது.
    ரோல்ஸ் ராய்ஸ் நிறுவனத்தின் ஹைப்ரிட் பறக்கும் டாக்சி ஃபார்ன்பரோ சர்வதேச விமான கண்காட்சியில் அறிமுகம் செய்யப்பட்டு இருக்கிறது. #RollsRoyce



    ரோல்ஸ் ராய்ஸ் நிறுவனத்தின் ஹைப்ரிட் எலெக்ட்ரிக் வாகனம் பறக்கும் டாக்சி என்ற பெயரில் உருவாக்க திட்டமிடப்பட்டுள்ளதாக அந்நிறுவனம் அறிவித்துள்ளது. இந்த வாகனம் செங்குத்தாக டேக் ஆஃப் ஆகி, தரையிறங்கும் வசதியை கொண்டிருக்கும் என ரோல்ஸ் ராய்ஸ் தெரிவித்துள்ளது.

    லண்டனை தலைமையிடமாக கொண்டு இயங்கும் ரோல்ஸ் ராய்ஸ் ஹைப்ரிட் வாகனத்தை உருவாக்கும் திட்டத்தை முதல் முறையாக ஃபார்ன்பரோ விழாவில் அறிவித்தது. அடுத்த 18 மாதங்களுக்குள் செங்குத்தாக டேக் ஆஃப் ஆகி, தரையிறங்கும் வாகனத்தின் ப்ரோடோடைப் பதிப்பை உருவாக்க திட்டமிடப்பட்டுள்ளதாக ரோல்ஸ் ராய்ஸ் தெரிவித்துள்ளது. அதன்படி 2020-களில் வணிக ரீதியாக உற்பத்தி செய்யப்பட்டு வானில் பறக்கலாம்.

    ரோல்ஸ் ராய்ஸ் EVTOL விமானம் நான்கு அல்லது ஐந்து பேர் அமரக்கூடியதாகவும், 500 மைல் வரை பறக்கும் திறன், அதிகபட்சம் மணிக்கு 200 மைல் வேகத்தில் செல்லும் திறன் கொண்டிருக்கும். 



    "சந்தையில் இதுபோன்ற பறக்கும் வாகனத்தை இன்னும் மூன்று முதல் ஐந்து ஆண்டுகளில் பார்க்க முடியும். நாங்கள் எங்களது பறக்கும் வாகனத்தை இரண்டு ஆண்டுகளில் செயல்விளக்கம் தருவோம்," என ரோல்ஸ் ராய்ஸ் மின்னணு குழு தலைவர் ராப் வாட்சன் தெரிவித்திருக்கிறார்

    இந்த ஹைப்ரிட் வாகனத்தை உருவாக்க இதுவரை ஒற்றை இலக்க மில்லியன் பவுன்ட்கள் வரை செலவாகும் நிலையில், இவை வழக்கமான கேஸ் டர்பைன் இன்ஜின் மற்றும் எலெக்ட்ரிக்கல் சிஸ்டம் கொண்டிருக்கும். ரோல்ஸ் ராய்ஸ் நிறுவனம் முழுமையான எலெக்ட்ரிக் வாகனத்தை உருவாக்க ஆராய்ச்சி செய்வதாகவும் இது EVTOL மாடலை விட மேம்பட்டு இருக்காது என தெரிவித்திருக்கிறது.

    ரோல்ஸ் ராய்ஸ் மட்டுமின்றி உபெர், கிட்டி ஹாக், லிலியம் அவியேஷன், சஃப்ரான், ஹனிவெல் என பல்வேறு இதர நிறுவனங்களும் பறக்கும் திறன் கொண்ட வாகனங்களை உற்பத்தி செய்ய ஆராய்ச்சி செய்கின்றன. #RollsRoyce #hybrid
    ராஜவம்சத்து திருமணம் போல் நடுத்தர குடும்பங்களை சேர்ந்த மணமக்கள் அலங்கார ரதம் போன்ற ரோல்ஸ் ராய்ஸ் காரில் திருமண ஊர்வலம் செல்லும் வாய்ப்பை ஒருவர் ஏற்படுத்தியுள்ளார்.
    லக்னோ:

    மத்தியப்பிரதேசம் மாநிலம் போபால் நகரை சேர்ந்த திருமண ஏற்பாட்டாளர் ஹமித் கான். பிரிட்டன் அரசு குடும்பத்து திருமண ஊர்வலம் போன்ற சொகுசையும், பெருமையையும் இங்குள்ளவர்களும் பெற வேண்டும் என்ற ஆர்வத்தில் சுமார் ஒன்றரை கோடி ரூபாய் மதிப்பிலான ரோல்ஸ் ராய்ஸ் காரை இறக்குமதி செய்தார்.

    மேலும், பல லட்சம் ரூபாய் செலவு செய்து அரச குடும்பத்தினர் செல்லும் அலங்கார ரதம் போல் ‘ராயல்ஸ் வெட்டிங் கார்’ என பெயரிட்டுள்ள இந்த காரை அழகிய வேலைப்பாட்டுடன் வடிவமைத்துள்ளார்.


    குறிப்பாக, நடுத்தர மணமக்களின் திருமண ஊர்வலத்துக்காக இந்த காரை வடிவமைத்துள்ள ஹமித் கான், இதற்கான வாடகையை இன்னும் நிர்ணயம் செய்யவில்லை என கூறுகிறார். #RoyalsWeddingCar  #RollsRoyce
    ரோல்ஸ் ராய்ஸ் நிறுவனத்தில் பயணியாற்றி வரும் ஊழியர்களில் சுமார் 4600 பேரை பணியில் இருந்து நீக்க அந்நிறுவனம் முடிவு செய்துள்ளது.
    லண்டன்:

    ரோல்ஸ் ராய்ஸ் நிறுவன சீரமைப்பு காரணமாக அந்நிறுவன ஊழியர்களில் 4600 பேரை பணி நீக்கம் செய்ய அந்நிறுவனம் முடிவு செய்துள்ளது. மேளாலர்கள், உதவியாளர் பதவியில் இருப்பவர்கள் இதில் பாதிக்கப்பட இருக்கின்றனர். 

    இந்நிறுவனம் பொது வான்வெளி, பாதுகாப்பு மற்றும் மின்சக்கதி துறைகளில் மீண்டும் கவனம் செலுத்த முடிவு செய்துள்ளது. மூன்றில் ஒரு பங்கு பணி நீக்கம் இந்த ஆண்டு இறுதியில் துவங்கும் என ரோல்ஸ் ராய்ஸ் தெரிவித்துள்ளது. இது 2019-ம் ஆண்டில் தொடர்ந்து 2020-ம் ஆண்டு மத்தியில் நிறைவுறுகிறது.

    இதற்கான செலவீனம் 50 கோடி யூரோ என கணக்கிடப்பட்டு இருக்கும் நிலையில், 2020-ம் ஆண்டு வாக்கில் நிறுவனத்துக்கு 40 கோடி யூரோக்களை சேமிக்க முடியும் என தெரிவிக்கப்பட்டுள்ளது. டென்ட் 1000 இன்ஜின் மூலம் பிரச்சனைகளை சரி செய்து கொள்ள ரோல்ஸ் ராய்ஸ் முடிவு செய்துள்ளதாக தெரிவித்துள்ளது.

    இன்ஜின் பாகங்கள் எதிர்பார்த்தளவு இயங்காத காரணத்தால் சில விமானங்கள் அவசரமாக தரையிறக்கப்பட்டது. அனைத்து இன்ஜின்களையும் சரி செய்ய சில ஆண்டுகள் ஆகும் என ரோல்ஸ் ராய்ஸ் தெரிவித்துள்ளது.
    ரோல்ஸ் ராய்ஸ் கலினன் எஸ்யுவி மாடல் அறிமுகம் செய்யப்பட்டுள்ளது. அதிகம் எதிர்பார்க்கப்பட்ட கலினன் எஸ்யுவி முழு விவரங்களை தொடர்ந்து பார்ப்போம்.
    புதுடெல்லி:

    ரோல்ஸ் ராய்ஸ் நிறுவனத்தின் முதல் எஸ்யுவி மாடலான கலினன் அறிமுகம் செய்யப்பட்டுள்ளது. 1905-ம் ஆண்டு எடுக்கப்பட்ட தென் ஆப்பிரிக்கவை சேர்ந்த 3106 கேரட் வைரத்தின் பெயரை தழுவி புதிய கலினன் பெயரிடப்பட்டுள்ளது.

    ரோல்ஸ் ராய்ஸ் பேன்டம் சார்ந்து உருவாக்கப்பட்டு இருக்கும் புதிய எஸ்யுவி சார்ந்த புகைப்படங்கள் பலமுறை இணையத்தில் கசிந்திருந்த நிலையில், தற்சமயம் புதிய கலினன் ஒருவழியாக வெளியிடப்பட்டுள்ளது. 

    வடிவமைப்பை பொருத்த வரை புதிய கலினன் முன்பக்கம் பார்க்க ரோல்ஸ் ராய்ஸ் பேன்டம் போன்றே காட்சியளிக்கிறது. ரோல்ஸ் ராய்ஸ் மாடலின் கவர்ச்சிகர அம்சமான ஸ்டெயின்லெஸ்-ஸ்டீல் பாந்தியன் கிரில் புதிய மாடலிலும் வழங்கப்பட்டுள்ளது. கிரிலுடன் மேம்படுத்தப்பட்ட எல்இடி ஹெட்லேம்ப்கள் வழங்கப்பட்டுள்ளது. 

    முன்பக்க பம்ப்பரில் க்ரோம் அம்சங்கள் காரின் தோற்றத்தை கவர்ச்சிகரமாக்குகிறது. ஐந்து பேர் அமர்ந்து செல்லக்கூடிய புதிய எஸ்யுவி 22 இன்ச் சக்கரங்களை கொண்டுள்ளது. மற்ற வீல் டிசைன் மற்றும் அளவுகளை வாடிக்கையாளர்களே தேர்வு செய்து கொள்ள முடியும். ரோல்ஸ் ராய்ஸ் என்பதால் கஸ்டமைசேஷன் அம்சங்களில் வாடிக்கையாளர்கள் விரும்பும் அம்சங்களை தேர்வு செய்து கொள்ளலாம்.



    சமீபத்திய ரோல்ஸ் ராய்ஸ் மாடல்களை போன்றே புதிய கலினன் மாடலும் உச்சக்கட்ட ஆடம்பர அனுபவத்தை வழங்க அலுமினியம் பிளாட்ஃபார்ம் கொண்டு உருவாக்கப்பட்டுள்ளது. பக்கவாட்டுகளில் கலினன் மாடலின் கண்ணாடிகளில் க்ரோம் டீடெயிலிங் செய்யப்பட்டு, ஹேன்டில் மற்றும் டோர் சில்களை மறைக்கும் வகையில் வடிவமைக்கப்பட்டுள்ளது. 

    புதிய ரோல்ஸ் ராய்ஸ் மாடல் சூசைடு டோர்களை பெறும் முதல் எஸ்யுவி மாடலாக அமைந்துள்ளது. பின்புறம் கலினன் மாடல் பார்க்க 1930 காலத்து ரோல்ஸ் ராய்ஸ் போன்ற டி-பேக் கொண்டுள்ளது. இந்த மாடல்களில் பின்புறம் பயணமூட்டைகளை வைக்கும் இடவசதிகளை கொண்டிருந்தது. 

    உள்புறம் எஸ்யுவி மாடலை கஸ்டமைஸ் செய்யும் பல்வேறு அம்சங்கள் வழங்கப்பட்டுழ்ளளது. மற்ற ரோல்ஸ் ராய்ஸ் மாடல்களை போன்று புதிய மாடலிலும் தலைசிறந்த வடிவமைப்பு கொண்டுள்ளது. ஐந்து பேர் அமரக்கூடிய மாடலை ஒற்றை சீட் வடிவமைப்பில் நான்கு பேர் அமரக்கூடியதாக மாற்ற முடியும். இம்மாதிரியான வடிவமைப்பு அதிக சவுகரியத்தை வழங்கும்.




    இன்ஜின் அம்சங்களை பொருத்த வரை ரோல்ஸ் ராய்ஸ் கலினன் மாடலில் 6.75 லிட்டர் ட்வின்-டர்போ V12 பெட்ரோல் யூனிட் வழங்கப்பட்டுள்ளது. பேன்டம் மாடலிலும் இதே இன்ஜின் வழங்கப்பட்டுள்ள நிலையில், கலினன் மாடலில் இன்ஜின் ரீ-டியூன் செய்யப்பட்டுள்ளது. இந்த இன்ஜின் 571 பிஹெச்பி பவர், 650 என்எம் டார்கியூ @1600 ஆர்பிஎம் செயல்திறன் வழங்குகிறது.
     
    அதிநவீன இன்ஜின் வழங்கப்பட்டிருக்கும் புதிய ரோல்ஸ் ராய்ஸ் மாடல் மணிக்கு 250 கிலோமீட்டர் வேகத்தில் செல்லும் வகையில் கட்டுப்படுத்தப்பட்டுள்ளது. ரோல்ஸ் ராய்ஸ் மாடலில் முதல் முறையாக ஆல்-வீல் டிரைவ் சிஸ்டம் புதிய கலினன் மாடலில் வழங்கப்பட்டு இருக்கிறுது. 

    புதிய ரோல்ஸ் ராய்ஸ் கலினன் மாடல் பேன்டம் மற்றும் கோஸ்ட் மாடல்களுக்கு மத்தியில் நிறுத்தப்பட இருக்கும் நிலையில் இதன் விலை ரூ.5 முதல் ரூ.8 கோடி (எக்ஸ்-ஷோரூம்) வரை நிர்ணயம் செய்யப்படலாம் என எதிர்பார்க்கப்படுகிறது. 

    ரோல்ஸ் ராய்ஸ் கலினன் மாடலின் அறிமுக வீடியோவை கீழே காணலாம்..,


    ×